أيهما أفضل

[رافت]

تويوتا ستاندر قير عادي ولا قير أوتوماتيك ؟
كنت في نقاش مع واحد بخصوص القير العادي لاني نويت أجيب ستاندر قير عادي فقالي تحمل تاخذه لأن من موديلات 2013 وفوق القير العادي فيه قطعه إلكترونيه تخترب بسرعه
طبعا بتقولو لي اشتبي فالقير العادي فالزحمة اللي فالبلد والحر جايك
عالعموم أنا حبيت اطرح الموضوع لأصحاب الخبرة وللفائدة للجميع

[Rider]

ياخوي القير العادي مايمشي وبتتحسف خذ أوتوماتيك وريح راس انا كان عندي استاندر قير اتوماتيك قوي وموتر كرف بس عيبه مافيه مكيف خلفي يعني اذا معاك عائلة مشكلة

[ya3coub]

أخوي رأفت خذ الي بخاطرك و على حسب استخدامك في اشياء استهلاكية و في اشياء من سوء الإستعمال او زيادة الضغط عالسيارة و في اشياء مع الوقت بعد مرور مسافة او وقت معين تتبدل.


اخذ الي بخاطرك و جرب و اسئل اهل الخبرة

بالنبة لي ما كانو عندي بس جربت سواقه الإثنين و القير العادي الحين صار اسهل من الموديلات القديمة و بما اني مو راعي استعراض اشوفه عادي لا يتعب ولا اي شي بالعكس حليو مقارنه بالقديم 2007 و قبل و هالنعومة فالتباديل صارت بسبب القطعه الإلكترونية

[بوسعود1122]

الحين مع زحمة هالشوارع تاخذ قير عادي !!!

[الوسيط العقاري]

جير تماتيك الاستاندرً

من 2012 وطالع .. ممتاز

[alftaan]

في حد يستعمل قير عادي لين اللحين . . . الله المستعان

[رافت]

يا أخوان جزاكم الله خير على مشاركاتكم
أنا استفساري عن معلومة القير العادي والقطعة الإلكترونية بس لا أكثر
عالعموم انا شريت لي قير أوتوماتيك
وفالنهايه كل واحد ياخذ الشي اللي بخاطره مثل ما قال أخوي يعقوب

[eXpert*]

عيب التماتيك شي واحد كلتشاته اذا احترقت الله يعينك :)