غرف نوم !!؟؟

[RVD]

السلام عليكم

الله لايهينكم اللي يعرف محل يبيع غرف نوم راقيه وفخمه يعطينا اسم المحل غير نابكو وموزاييك

يعطيكم الف عافيه

[الســـهم]

السلام عليكم ورحمة الله وبركاته ..

عندك المعرض الراقي عند دوار المدماك , نفس السوق اللي فيه حلويات العكر ..

وقريب منه بعد فيه محل اسمه مودرن ديزاين ..

وايضا مفروشات تيفولي فالريان جنب شركة رافكو ومحلات التنجيد ..

وفيه محل اسمه امسون في طريق سلوى , بس عنده الغرف بالطلب من الكتلوج ..

[بوحارب]

هوم سنتر منزلين غرفة حلوة

[ضوى]

مفروشات ديانا غرف نومهم راقيه

[معماري قطري]

مفروشات ديانا غرف نومهم راقيه

ديانا مقننانا .. من زمان ما مريت هناك عندهم اختيارات زينة صج

[QtrGate]

المفتاح
جنب كافود في المطار القديم

[Azizuk]

المفتاح
جنب كافود في المطار القديم


المفتاح وغيره وغيره من المحلات استخفو الأسعار نار والموديلات تلوع الجبد ماتستاهل هالاسعار الخيالية

المفتاح عارض غرفة نوم معروضة اخر قطعه في المعرض ويقولي ب 80 سعرها وإلا شافت الزين

ومحلات ديانا كان زمان اسعارة وبضاعته حلوه وذات جوده عاليه وفي متناول الجميع اما الحين الأسعار ناااااار عندهم

واحد من الشباب راح جاب أثاثه من الصين يقول الدرجة الاولى وراقي مواصفات وتصدير أوروبية او أمريكية مب رخيص بس أرخص من قطر

يعنى الشي اللي عندنا سعره ب 80 الف ريال عندهم في الصين ب 50 ريال

شاف له غرفة نوم في الصين كاملة ب 150 الف ريال قطري

بعد شغل الصين مب رخيص

على سبيل المثال شاف غرفة نوم عند نابوكو ب 10 آلاف في الصين طلعت عليه ب 4 آلاف

حلو الواحد يروح يقعد فترة في الصين وينقي على راحته ويختار الزين ويقعد لين تنشحن بضاعته بالكامل قدام عينه ويرجع

اما على شي بسيط ماتستاهل السفره والعنوه

[معماري قطري]

حد جرب يطلب أثاث أمريكي أو اوروبي من النت؟

وايد غالية غرفة ب 80 شفيها يعني .. غالبية غرف بيتنا قطع بسيطة الا الرئيسية تونا ماخذينها بحول 35000 ووايد زينة باسئل الحكومة من وين خذتها

[العملة النادرة]

اذا تحب المودرن والراقي محل The one شوف في الانستغرام كيف مرتبين الغرف وخذ بالضبط القطع من عندهم حتى لو مو موجوده في المحل يجيبونها من دبي

وفي محل اسمه ميداس في طريق سلوى ايضا بضاعته حلوة

[سهم عتيج]

مودرن ديزاين غرفه جميلة أيضا

اذا تأثيث بيت كامل ليش ماتروحون الخبر ,, كلها 4 ساعات وعندهم بضاعة متنوعة وممكن يطلع عليكم بنصف السعر عن قطر

نابكو عطوني عرض سعر بحوالي 700 الف ريال تأثيث البيت كامل..

وانه جبت فرش ارقى بكثير من نابكو من الخبر بنصف السعر مع الستاير

فيه محلات في الخبر ماشاءالله اثاثهم وايد راقي.. والشحن متوفر.. وتركيب الاطقم مايبغي لها شي.. والستاير اتفقت مع محل ستاير يركب لي كل ستارة ب 100 ريال ..

كنت في البداية متردد,, بس الحمدلله الأمور سهالات ولله الحمد..

بالتوفيق

[@north_star@]

تيفولي عندهم اشياء فخمة

[ja077]

معرض الجميل للمفروشات
عندعم غرف نوم فخمه وفي عرض خاص استبدل كل 1000ريال مشتريات بقسيمه شراء 500 ريال

[Qt.1]

هوم سنتر منزلين غرفة حلوة

اي والله اشفيه هوم سنتر غرف النوم الي عندهم بسيطه وحلوه وعمليه يازين البساطه لازم سرير حجمه خمسه متر في خمسه متر ياخذ نص الغرفه وسعره مايقل عن 30 او 40 الف خير يامال الخير وعقب كم سنه بغيره !! بوحارب اشرايك في هالسرير توني ماخذه :nice:

97357

[معماري قطري]

قميل قداً قداً يا بو عبدالله .. بس لو الفراش ماله ضعيف خذ النوع السميك والمرتفع من كنغ كويل 1200 سبرنغ وحشوات متعددة حق مترين في مترين وسمكه يجي 35 سم بيكون مرتفع شوي ومريح

بالمبارك ونوم الهناء

[وحيد-الشوق]

ايكيا عندهم اشياء حلوة مر عليهم يمكن يعجبك شيء

[ja077]

المصنع الوطني للمراتب

[khaldoon]

اخوي انصجك تروح ميداس و بقوة...

ايكيا تعبان جدا ما له علاقه بالفخامه... ايكيا بس ينفع للاشياء و التفاصيل الصغيره اللي تقدر تحملها و تطلع لانه اثاثه ما له علاقه بالفخامه اثاث عملي بحت

هوم سنتر افضل من ايكيا طبعا و غرفه بحدود 15 الف او اقل و هومز ار اس مثل هوم سنتر او اقل شوي

تيفولي اقل غرفة عندهم يمكن تكون 115 الف ريال .... و في ارقام فلكية عجيبه تصل فوق 300 الف ريال ...ما اعرف ليش هالجنون هذا

[معماري قطري]

اخوي انصجك تروح ميداس و بقوة...

ايكيا تعبان جدا ما له علاقه بالفخامه... ايكيا بس ينفع للاشياء و التفاصيل الصغيره اللي تقدر تحملها و تطلع لانه اثاثه ما له علاقه بالفخامه اثاث عملي بحت

هوم سنتر افضل من ايكيا طبعا و غرفه بحدود 15 الف او اقل و هومز ار اس مثل هوم سنتر او اقل شوي

تيفولي اقل غرفة عندهم يمكن تكون 115 الف ريال .... و في ارقام فلكية عجيبه تصل فوق 300 الف ريال ...ما اعرف ليش هالجنون هذا

وفي النهاية تحتاج سرير للنوم وبس

[إعلامي قطر]

..

1- ديانا عندهم غرفة نوم بنيه غامجه فخمه معتقه بـ 12 ألف
وبتوصلهم غرف راقيه حسب كلام الأسطوره مصطفى
إللي صار له 25 سنه شغال عندهم ماشاء الله..

2- الرواق للمفروشات الأمريكيه عندهم غرف كشخه
وبيجات بالعشرينات وشغل جيد جداً وينحب..

3- أوشين بالمطار عندهم غرف كشخه وجخه وحلوه
بس أسعارهم بالثلاثينات ومايسوون خصم خير شر..

4- هوم سنتر "رخيص وقوي" وعنده بضاعه صينيه
جيده جداً وبضاعه ماليزيه ممتازه أيضاً وأنصحك
تروح مال الستي سنتر وتسأل عن واحد إسمه
أحمد ممكن يعطيك تفاصيل عن البضاعه
غيره مايعطيك إياها وإذا تبي رقمه
راسلني خاص وفالك طيب..

5- إيكيا وميداس ونابكو وإلخ ماحبيتهم
كلش وتبقى مجرد وجهات نظر لا أكثر !

بالتوفيق للجميع
إن شاء الله..

..

[معماري قطري]

..

1- ديانا عندهم غرفة نوم بنيه غامجه فخمه معتقه بـ 12 ألف
وبتوصلهم غرف راقيه حسب كلام الأسطوره مصطفى
إللي صار له 25 سنه شغال عندهم ماشاء الله..

2- الرواق للمفروشات الأمريكيه عندهم غرف كشخه
وبيجات بالعشرينات وشغل جيد جداً وينحب..

3- أوشين بالمطار عندهم غرف كشخه وجخه وحلوه
بس أسعارهم بالثلاثينات ومايسوون خصم خير شر..

4- هوم سنتر "رخيص وقوي" وعنده بضاعه صينيه
جيده جداً وبضاعه ماليزيه ممتازه أيضاً وأنصحك
تروح مال الستي سنتر وتسأل عن واحد إسمه
أحمد ممكن يعطيك تفاصيل عن البضاعه
غيره مايعطيك إياها وإذا تبي رقمه
راسلني خاص وفالك طيب..

5- إيكيا وميداس ونابكو وإلخ ماحبيتهم
كلش وتبقى مجرد وجهات نظر لا أكثر !

بالتوفيق للجميع
إن شاء الله..

..

بل جخة قديمة اندثرت خلاص بيحطونها في المتحف .. ألحين بعض الشباب بيحسبونها سبة

[إعلامي قطر]

بل جخة قديمة اندثرت خلاص بيحطونها في المتحف .. ألحين بعض الشباب بيحسبونها سبة

ههههه إي والله..

عندي إضافه بخصوص غرف النوم أعتقد محل المراتب
الوطنيه "إللي بسوق الخميس والجمعه" عندهم غرف
جخه من قلب بعد لكن لأنهم صناعه وطنيه ورخاص
فبعض العرب مب مفتكرين فيهم للأسف الشديد !

..

[معماري قطري]

ههههه إي والله..

عندي إضافه بخصوص غرف النوم أعتقد محل المراتب
الوطنيه "إللي بسوق الخميس والجمعه" عندهم غرف
جخه من قلب بعد لكن لأنهم صناعه وطنيه ورخاص
فبعض العرب مب مفتكرين فيهم للأسف الشديد !

..

صدقت أحياناً الرخيص يجي عملي وجيد

خذت قبل غرفة صينية كبيرة ولها زوائد خشبية كل ما مشيت في الظلام تضرب رجلي وتقوم ام العيال على ونيني .. غيرناها لوحدة ملمومة شوي بس حافظنا على الفراش القديم والجيد من كنغ كويل مسوينه خاص بمقاس 215 في 210 وهو ما يسمى كاليفورنيا كنغ سايز أو سوبر كنغ سايز .. بسمك 35 سم وايد مريح وصار له 12 سنة في الخدمة .. كل ست شهور ينصحون تقلبه بس حق ينقلب يحتاج 4 يعانون معاه من ثقله

[Azizuk]

والله كلامك صحيح إعلامي قطر

انا دائمين أخذ من المراتب الوطنية صار لي اكثر من عشر سنوات اتعامل معاهم ودايمن اتعامل مع الشاب المصري اللي في محل طريق سلوى جنب كنغ كويل وستائر الجميل

عندهم غرف حلوه حتى هدايا حق حد من الأهل اشتري من عندهم

اول شي اشوف البيت شنو ناقصهم وإلا اسألهم ايش بقى ماشريتوه لبيتكم

سعرهم مناسب وحاجة تتجمَّل فيها عند أقاربك وأصدقائك

لأنهم دايمن يشوفون الغرف اللي عندي وتعجبهم ويستغربون ان شغل محلي بدرجة وجودة عالية

واسعارهم في حدود 8 آلاف الى 13 الف ريال

سرير وكمودينه وتسريحة بس شي واحد مب موجود عندهم الكبت مايجي نفس طقم الغرفة

انا أتفاجأ من سعر الكبت في بعض المحلات أغلا من قيمة السرير وخاصة اذا في نحت من ست أبواب

[Azizuk]

مره سكنت في فندق الفيصلية بالرياض وبصراحة عجبني الدوشق اللي عندهم ( هذي دوشق حق اخوي معماري قطري )

الدوشق والمخدات عندهم جداً مريحة يوم قلبت الدوشق ابي اعرف اسم الشركة حصلت ختم او علامة التاج البريطاني عليه بس للأسف ماعرفت اسم الشركة

السر في راحة الفراش هو نظام توزيع الأسلاك داخل الفراش بعظها يجي كروس وعلى طبقات

[معماري قطري]

ايه بعد وصلنا للدوشق هذي كثير ما مرت عليهم بس اتوقع أصلها هندية أو فارسية

صحيح للفراش مهم عدد السبرنغات وتوزيعها بس بعضهم ما يجي شيء تحت الفراش أو قطع خشب أو حديد بينها فراغات كبيرة ويستوي منحني .. الحل بسيط يتركب لوح أو لوحين تحت كامل الفراش ويكون سيدة ومريح .. الصناعات المحلية يسوون بوكس خشبي وهو حل مسكت وخفيف وكذلك كنغ كويل وهذا النظام الماشي في الفنادق .. تحصل السرير خفيف وبسهولة ينرفع وينسحب ويتنظف تحته