محطات بترول الاند مارك .... والدحيل ...... قنابل موقوتة.....

[مستثمر رشيد]

سؤال كيف حصلت مطاعم محطات بترول الاندمارك والدحيل على ترخيص من الدفاع المدني؟؟؟؟؟؟؟؟

عندما اجلس مع الاخرين ممن يمتلكون عقارات من عمارات ومكاتب ادارية يشكون من التشدد في الاجراءات والاشتراطات للحصول على رخصة لمزاولة النشاط من الدفاع المدني ..... وهذا الامر صراحة يحسب لإدارة الدفاع المدني للحفاظ على ارواح المقيمين والمواطنين .......... ولكن بالنظر لحجم المطاعم الموجودة حالياً في محطات البترول وتكدسها جنباً الى جانب مع ضيق المواقف الممنوحة في تلك المحطات نستغرب عن كيفية حصول تلك الجهات للرخص المطلوبة لمزاولة نشاطها ..... الغريب في الامر ..... ان هناك ازدحام شديد بداخل المحطة بسبب تلك المطاعم ..... وانا اتسأل كيف سيتم التعامل في حالة حدوث حريق لاسمح الله او انفجار في تلك المحطات ....... خاصة وان مداخل ومخارج تلك المحطات محدودة وضيقة .......

[بومتعب]

http://www.talabat.com/files/Restaurants/Aseer-Time_635571925696902948.jpg

[بوحارب]

بومتعب وش سالفه ذا عصير تايم اشوف العالم ضرب نعل عنده

ليكون العصير ببلاش قول :(

بالنسبة لمحطة الاند وانا توني متريق فيها اليوم الصبح

اشوف الوضع فيها عادي جدا الا ايام الويكند لأن زوا الاندمارك يوقفون سياراتهم داخل المحطة وتصير الزحمه والعفسه


اما محطة بترول قطر (الدحيل) الصراحة الوضع فيها مأسااااااوي جدا جدا ولازم يشوفون حل !

[الحياة الخالدة]

و محطة بترول بوهامور بعد خير وبركة
وغيرها وغيرها .. يا كثر القنابل الموقوتة حوالينا
الله يرحمنا برحمته

[بومتعب]

بومتعب وش سالفه ذا عصير تايم اشوف العالم ضرب نعل عنده

ليكون العصير ببلاش قول :(

بالنسبة لمحطة الاند وانا توني متريق فيها اليوم الصبح

اشوف الوضع فيها عادي جدا الا ايام الويكند لأن زوا الاندمارك يوقفون سياراتهم داخل المحطة وتصير الزحمه والعفسه


اما محطة بترول قطر (الدحيل) الصراحة الوضع فيها مأسااااااوي جدا جدا ولازم يشوفون حل !

صراحة ماجربته يابوحارب .... ولكن ايقولك طق اعصي عليه وذاك من ذاك اللي يحصله على علبة عصير والا علبتين

[دااانة قطر]

������

[CH Engineer]

بومتعب وش سالفه ذا عصير تايم اشوف العالم ضرب نعل عنده

ليكون العصير ببلاش قول :(

بالنسبة لمحطة الاند وانا توني متريق فيها اليوم الصبح

اشوف الوضع فيها عادي جدا الا ايام الويكند لأن زوا الاندمارك يوقفون سياراتهم داخل المحطة وتصير الزحمه والعفسه


اما محطة بترول قطر (الدحيل) الصراحة الوضع فيها مأسااااااوي جدا جدا ولازم يشوفون حل !

ما انصحك فيه عادي بس لازم اول ماينفتح تشوف الزحمه والانسحاب التدريجي
علبه صغيره ايسكريم ماك وعليه كندر ب 25ريال

لوتس وقت الشاي احلى

[thelord007]

السلام عليكم
اشكرك اخوي على موضوعك الهام جداا
وفعلا اصبح وضع المحطات الي تحتوي على مجموعة كبييرة من المطاعم في ظل الازدحام الشديد الى درجة الاختناق المروري داخل وحوالي المحطة اصبح يدق ناقوس الخطر ويشدة
فجميع المطاعم بحاجة الى طاقة حرارية مهما كان نوعها وهذا بحد ذاته يشكل عامل خطر وبدرجة كبيرة لوجودها داخل محطات الوقود اتمنى من الجهات المسؤولة وضع الحلوول المناسبة لهذا الوضع الخطير ونسال الله الامن والسلامة

[طلعة الروح]

عندنا ينتظرون كل شي ينفجر عشان ياخذون الاكشن
وعقب تبدا تقارير دفاع مدنى شرطه تشكيل مجلس شورى
وبعد اخر شي لازم محكمه ومتهم اول وثانى
احنا مب ضد انتشار محطأت البترول في كذا منطقه بس ضد
التجميع والoverloading اللي يصير في مكان واحد
لانه ببساطه ضد الامان وبنفس الوقت الاستفاده منه شبه معدومه لعدم توافر المداخل والمخارج السلسه ولا الباركنات، ف من يتعنى ويدش ف اللغلاغه ذي وتغتث بالملغين نفس الي يسكر اللفه او يصف غلط او او ..يعنى خذ وخل من السالفه

[طلعة الروح]

و محطة بترول بوهامور بعد خير وبركة
وغيرها وغيرها .. يا كثر القنابل الموقوتة حوالينا
الله يرحمنا برحمته

امين يارب

[النهار]

لوجات على محطات البترول هين
الحين هاي القنابل منتشره وسط الاحياء السكنيه
جدام كل بقاله سلندرات غاز الجديده البلاستيك لا ومحطوطين في الشمس
وكل محل عنده استور جنب المحل يبيع سلندرات الحديد
في قانون يمنع بيع وعرض مثل هذه المواد الخطره وفي اشتراطات من الدفاع المدني قاسيه ومعقده
لمن اراد فتح مثل هذه المحلات

[بوخالد911]

الحين معظم المحطات صارت مليانة بالمطاعم.
محطة بو هامور فل مطاعم وغيرها
وزاد الطين بلة لما حطوا الحواجز البلاستيكية صوب المحطة
ومن صوب المحلات حطوا رصيف عالي !!!

[مضارب دوسري]

اعتقد الاشتراطات في المطاعم بعد حادثة اللاند

صار اجباري ان المطاعم تستخدم الكهرباء وممنوع الغاز

هل احد فيكم شاف مطعم في محطه ما يشتغلون بالغاز ؟

[زقرتي ومزاجي]

جميع محطات البترول في قطر المحلات او المطاعم اللي فيها تستخدم الكهرباء فقط
لا داعي للقلق

[عاشق العديد]

والله ع زحمة محطة الاند ودحيل الا انك تقدر تدخل تعبي بترول وتقدر تطلع بسرعه ..

انا الحين عندي الي يعبي فوقود اعتبره وحش وكافح وقف فزحمه لمدة عشرين دقيقه عشان يعبي ..

ولا خذلك احينا يغيرون شفت وسط زحمه خذلك نص ساعه بعد ..

ومدخل واحد ومخرج واحد ..

هاي الي ينخاف منها .. مب دحيل والاند الي لها اكثر من مدخل واكثر من مخرج والحركه فيها تعتبر طبيعيه ..

اما وقود والله ان دخلت لاسمح الله وصار شي .. هد سياره واهرب ..

[بوخالد911]

اعتقد الاشتراطات في المطاعم بعد حادثة اللاند

صار اجباري ان المطاعم تستخدم الكهرباء وممنوع الغاز

هل احد فيكم شاف مطعم في محطه ما يشتغلون بالغاز ؟

كلهم بالكهربا
والدفاع المدني عطوا مهلة للمطاعم لتصحيح الأوضاع
وأي مطعم مخالف ، يتم مخالفته فورا.

[مرتبش]

اللي يقلقني بالاضافة الى الزحمة في هذي المحطات هو تلوث الاكل .. البنزين المتطاير في الجو ويمكن تلوث المياه .. ما اعتقد وجود مطاعم على بعد امتار من مضخة الوقود امر طبيعي وما منه ضرر صحي

[thelord007]

يوجد ظاهرة في غاية الخطورة وهي وللاسف الشديد تتكرر يوميا داخل هذه المحطات وامام ابواب المطاعم من قبل بعض الناس الذين لااعرف كيف اصفهم ....
وهذه الظاهرة هي التدخين فقسما بالله عدة مرات كنت اعبي بترول من احدى المحطات وكان الموقف يتكرر كل مرة املئ بترول
المطعم يبعد امتار من مضخات تعبئة الوقود واشاهد اشخاص يدخنوون على ابواب المطعم
ويرمون اعقاب السجائر على الارض من الممكن في احد المرات عقب سيجارة يبقى مشتعل وشوية هوى ممكن يؤدي لكارثة لاقدر الله الظاهرة تتكرر يوميااا وخطرها قائم ..
هذة الرسالة اوجهها لكل جهه مختصة ودمتم بخيير

[سليمان احمد]

كان من اول نقول المحل اللي في المحطه الفلانيه

الحين صار الوضع محطة البترول اللي في السوق الفلاني

وللاسف اغلبها ضيقه والمواقف شبه معدومه ونص اللي في المحطه داق ريوس

واللي يتجاوز واللي يوقف في وجهك عشان يطلب وانت تنتضر حضرته

غير ان اصلا المحطات مزحومه بدون المحلات الحين صارت المحلات مسببه الزحمه

والنتيجه عشوائيه لان التخطيط فاشل وجشع التجار فاقم المشكله مع التسهيلات في منح التراخيص

من قبل الحكومه انتج هذه القنابل الموقوته

مشكلتنا لازم مصيبه لاسمح الله عشان نبدا نفكر في الحلول

[شيخ الديرة]

محطة البترول ما تجيب كلفتها بدون المطاعم والمحلات، نقطة راس سطر.