$$ احسن نوع لشترات النوافذ $$

[ضوى]

السلام عليكم ورحمه الله وبركاته

اخواني واخواتي ، بغيت منكم تدلوني على احسن مكان لعمل شترات النوافذ ؟ وبغيت اعرف من اصحاب الخبرة واللي مركبين في بيوتهم العامرة ان شاء الله عن فايدتها في حمايه البيت من الغبار والعج والتراب ؟ وهل هي فعلا تمنع دخول الغبار للبيت او حتى تقلل نسبته !؟

ولكم الاجر ان شاء الله

[سليمان احمد]

انا من ثلاث شهور عملت شترات من الخارج للنوافذ من الالمنيوم المقوى

وفعلا حجبت الغبار وحجبت الاضاءه لكن ما حجبت الضوضاء لانه جنبي بيت يبني

ونفس الصوت اللي اسمعه قبل من الطقطه نفسها ماتغيرت بعد التركيب

وهي تجي نوعين نوع رول يدوي ونوع رول اوتوماتيك بس مشكلة الاوتوماتيك يحتاج توصيل كهربه وافياش

ف عشان كذا ركبت العادي ومناسب لي كحجب الضوء وحجب الغبار ونفذت الدريشتين ب 5 الاف وكسور مبدئيا

شغلهم زين والتنفيذ كان في تقريبا عشر ايام من وقت اخذ المقاسات والتركيب ماطول حول الساعتين

باحاول اطلع رقمهم من الوسيط وبارسل له ان شاء الله لو حبيتي

تحياتي لك

[بوNasser]

السلام عليكم ورحمه الله وبركاته

اخواني واخواتي ، بغيت منكم تدلوني على احسن مكان لعمل شترات النوافذ ؟ وبغيت اعرف من اصحاب الخبرة واللي مركبين في بيوتهم العامرة ان شاء الله عن فايدتها في حمايه البيت من الغبار والعج والتراب ؟ وهل هي فعلا تمنع دخول الغبار للبيت او حتى تقلل نسبته !؟

ولكم الاجر ان شاء الله

ما عندي فكرة عن حجب الغبار، فهذه الشترات تحجب الضوء والأتربة بنسبة كبيرة لكن بالنسبة لحجب الغبار يفترض ان تكون هذه شغلة النوافذ نفسها.

انا ركبت المنيوم من الإختصاصي (بحكم ان البيت اصلا كان فيه المنيوم بس نوعية تعبانة، كنت ابغي اركب يو بي في سي بس اختلفت مع بعض الشركات في تفاصيل ثانوية.....) المهم شغل الاختصاصي كان ممتاز بالنسبة لي على الأقل، الحين الغبار ما يدخل من الدرايش، والصوت والازعاج انخفض بنسبة كبيرة، وللأسف حتى الاذان ما قمنا نسمعه مثل قبل (( ما ادري السبب عزل النوافذ والا قصروا على السماعات الخارجية للمسجد)).

[شموخ دائم]

,

,


مرحبا


الغبار هذا الشباك الالمنيوم الي يتسكر بطريقه الباب محكم ويمنع الغبار

وما انصح حد يركب السحاب للاسف ما يصلح لجو قطر

والي يجدد بيته يغير الشباك الى طريقه النوافذ الباب تعمر فرق كبير جدا بالبيت

بالنسبه للشترات محل اسمه venue بشارع سلوى

عنده انواع كثيره وشكلها زين والوان كثيره تمشي مع اكثر البيوت

انا ما جربته للاسف لكن اعتقد عنده حل لامور كثيره
وعنده ستائر ايضا



,

,

[ضوى]

ماقصرتوا الله يجزيكم خير ان شاء الله