رأيكم في الخطوط التركية

[bohilal191]

السلام عليكم ورحمة الله وبركاته
بغيت اسألكم عن رايكم في الخطوط التركية لأن بإذن الله مسافر عليها في الصيف فحبيت اعرف شلون خدماتها ورايكم بعد في انطاليا

[وليف الشوق]

السلام عليكم ورحمة الله وبركاته
بغيت اسألكم عن رايكم في الخطوط التركية لأن بإذن الله مسافر عليها في الصيف فحبيت اعرف شلون خدماتها ورايكم بعد في انطاليا

اذا تبي الصراحه ومن كلام ربعي انها ممتازة ويكفي انها خذت مراكز متقدمه مع الخطوط القطرية وبعض خطوط طيران بعض الدول والشباب سافروا لندن بالطيران التركي ويمدحونها وبالنسبة الى انطاليا انا العام قعدت فيها 5 ايام ويشهد الله حسيت بضيقه من هالمكان يمكن لان اتسايل هالمنقطه مايناسبني واتمنى ماتسألني عن سبب استايل واجواء هالمنطقة اللي ماتناسب تطلعاتي ولا ثقافتي
لكن ممكن انك تروح لها وتناسبك في اجواء اخرى مثل الرحلات وسفاري او انك تشوف احد راح لمناطق ثانية ممكن انك تعرف منهم اكثر

[قطري طموح]

جربت الخطوط التركية من اسطمبول الى عدد من المدن الاوربيه وكانت ممتازه جدا .

[monatee]

ماجربتها لكن سمعت عنها وايد .. انها ممتازه للرحلات البعيده اوروبا وامريكا .. الخ ، وتعيسه في الرحلات القريبه مثل الدوحه - اسطانبول

[CH Engineer]

جربتها طيران داخلي
القطريه افضل

[أبورودي]

ممتازه عن جداره وخدمتهم مثل القطريه 5 نجوم
سافرت عليها الى امريكا ترنزيت اسطنبول
رائعه جدا

[ام الحلوين]

والله انا استغرب من مدح الناس لها ولاتقارن بالقطريه من اسوأ الخطوط الي مرت علي بحياتي وكنت راكبه بزنسس والله فاااااشله وين بزنسس القطريه ويين هذولا

[الكواري 1972]

انا ماجربة التركيه

بس القطريه عز

[ماجد البدر]

برغم من انتقادي الحاد للقطرية الا انها افضل من التركية

التركية مستواها عادي جدا
تركش اير لاين
مواعيدها مضبوطه
من ناحية الخدمة عاديه جدا كراسيها صغيره في اليكونومي و البزنس لاتقارن مع القطرية

اما بنسبة الى انطاليا جوها حار جميله في المرتفعات فيها شلالات كثيره جميله جدا بنية تحتية ممتازه فنادق راقيه
شواطئها يغالب عليها الطابع الاوربية الغير محتشم كما سمعت
الافضل التوجه نحو جبال وريف انطاليا حيث الشلالات و الكوفيات هناك

[الحياة الخالدة]

وانا بعد لي تجربة سيئة معاها
كراسي السياحية ضيقة .. و أغمي علي في طريق العودة من تركيا إلى الدوحة
الله لا يعودها من رحلة
ما عندي فكرة عن البزنس أو الفيرست

[bohilal191]

شكرا لكم وانا باحجز عليها لأن تاريخ السفر غير متوفر في القطرية

[bohilal191]

وبخصوص العملة
استخدم اليورو ولا عملة تركيا؟

[Dana’1]

وبخصوص العملة
استخدم اليورو ولا عملة تركيا؟

ليره تركيه افضل.. والحين ترى نازله شوي .. ممكن بعد العيد ترتفع والله أعلم

اما بالنسبه لبعض الحجوزات هناك بعضهم مايخذون الا باليورو وبعضهم بالدولار
مثلا تأجير سياره خاصه بسايق يطلب بال$
بعض الفنادق اذا حجزتها من مكتب سفريات هناك يطللبون €

غير كذا الأفضل استخدام الليره

[الكواري 1972]

خذ معك عملة البلد وكثر من الدولار
درب السلامه

[QtrGate]

لا انصح بالطيران التركي
الا اذا ماحصلت على القطريه

أنطاليا من اجمل المناطق في تركيا وأفضل من اسطنبول

لكن جوها لين بداية 6 حلو بس 7 و 8 حر

تكفيك 4 ايام فيها تتجول بين انهار وشلالات وتلفريك والسوق القديم والاكواريم

وإذا خاطرك تزيد يوم وتروح منطاد كابدوكيا بتكون رحله فريدة



وأفضل تروح على أنقره بدل اسطنبول تقعد فيها يومين وبعدها أنطاليا طيران اقرب من انك تنزل في اسطنبول
والرجوع ممكن يكون من اسطنبول

وإذا إجازتك طويله
كنسل أنطاليا واسطنبول
وروح طرابزون واوزنغول وعيش الحياة مع الطبيعة العذراء
واذا تبي ضيف بالسناب هالشخص. الحين هو في طرابزون saudi_tourist

[ماجد البدر]

بحكم زياراتي الى تركيا كثيرا و مشارك في كثير من المنتديات واطلعاي على تقارير كثيره عن انطاليا و الحقيقة اني مارحت لها غير مرور سريع

ولكن بحكم اطلاعي على التقارير تكونت عندي فكره كبيره عن المنطقة

شلالات دودن – Düden إ‍elalesi


المدينة المائية في أنطاليا – Aquapark Dedeman : مجاورة لمنتجع و فندق ديدمان
فندق ديد مان اربع نجوم غالبا انه نظيف سكنت مثله في انقرة و شمال التركي بنفس الاسم

اوليمبوس تيليفريك – Olympos Teleferik

منطقة بارده بحسب ماسمعت لان التلفريك يروح الى اعلى منطقة في الجبل

كيمير – Kemer

بنسبة الى العملة الليرة وكما قيل لك خذ ليرة من الدوحة الحين نازله

نعم بعض الفنادق تاخذ باليورو ويضيعونك بفرق العمله بهذه الحاله عطهم يخصمون بالفيزا باليورو ثم البنك بياخذ المبلغ باليورو بسعر الريال وبيسير السعر معقول جدا

[ماجد البدر]

وإذا خاطرك تزيد يوم وتروح منطاد كابدوكيا بتكون رحله فريدة


saudi_tourist

لا كابيدوسيا بعيده بسيارة 6 ساعات من انطاليا الى كابيدوسيا الا ان تروح لها بطيارة معقوله او الذهاب و السكن كم يوم

انا رحت من انقرة الى بحيرة الملح ثم كابيدوسيا الطريق جدا معقول وقريبه اما من انطاليا بعيده

من انقرة الى كابيدوسيا 3 ساعات مع استراحة في بحيرة الملح

[حفيد الأنصار]

جربت القطرية وجربت التركية أكثر من مرة
صحيح التركية ماتقارن بالقطرية
لكن أعتبرها جيدة

[KSK Logistic]

جربتا بزنسن لامريكا عجيبه . الرحله من الدوحه طياره صغيره عاديه . لاكن لوس انجلس عجيبه

[ضوى]

انا جربتها في رحلات داخليه ووايد بعد ، كراسيها السياحية اوسع من القطرية مو وايد بس اوكي

وهالصيف ان شاء الله رايحة عليها للبوسنة ومايندرى وباقولكم عن انطباعي ان شا الله عقب

[جبر ال جبر]

منتظرينك تعطينا انت رايك فيها خصوصا الرحلات الداخليه

[yousuf=66]

ما عندي فكره عنها بس نصيحه لحد يستخدم اي طيران لدوله عندها مشاكل

[للصبر اخر]

جربتها من باريس لين اسطنبول
درجه رجال اعمال
الكراسي مريحه والخدمه حلوه بس ريحة الطياره كريهه
المشكله صارت لما كنا بننزل مطار اسطنبول
صارت العفيسه
خلطو السياحية على رجال الاعمال وكلن ركب باص بكيفه
ومحد يقولك هاي ترانزيت ولا هاي نهاية الرحله
انت وحضضك

[ضوى]

من الدوحه لين تركيا طيارة حليوة اوسع من القطريه كراسي السياحيه ، ومن تركيا لين البوسنه تقريبا اصغر الطيارة ، بس الخدمه ممتازة والحمد لله على سلامتنا

[bohilal191]

ماقصرتوا ياجماعة الخير بس للأسف سفرة تركيا تكنسلت في اللحظة الأخيرة والحمدلله كل شي مكتوب

[مجوهرات]

استغفر الله العظيم عدد خلقه