استغلال شهر رمضان في تخفيف الوزن

[مضارب دوسري]

السلام عليكم ورحمة الله وبركاته


امتداد لموضوع قطر.

العام الماضي :secret:
http://www.qatarshares.com/vb/showthread.php?608822-%E3%E4-%C7%D3%CA%DB%E1-%D1%E3%D6%C7%E4-%DD%ED-%CA%CE%DD%ED%DD-%E6%D2%E4%E5-%ED%DD%ED%CF%E4%C7


نبي نرتب من الحين عشان استغلال رمضان في تخفيف الاوزان :telephone:



عن نفسي السبت الماضي بتاريخ 28_5_2016

بعد ما خلصت من الخدمه الوطنيه باسبوع

سجلت في جم وكان هالاسبوع اول اسبوع لي والحمدلله

ترتيبي هو التسجيل في جم من تاريخ 28_5
الى 28_6
تقريبا العشر الاواخر بعطي نفسي بريك ان شاء الله


نبي نرتب عشان ننزل اوزاننا يا دببه :discuss:

[مضارب دوسري]

وزني قبل ابدا فالجم:secret:

117.5

الطول 183



الهدف بس ابي اشوف وزني تحت 110 :weeping:
لاول مره من 13 سنه

وبعدين افكر بالهدف الاسمى 100

بس حاليا ابي 110 هالمره :weeping:

[مضارب دوسري]

اول اسبوع يكون اصعب اسبوع فالجم


لذلك فضلت ابدا قبل رمضان ب 10 ايام

جدولي فالجم
45 دقيقه على جهاز المشي على ان تكون المسافه 4.5كيلو بسرعه 6

10 دقايق كروس

و 20 دقيقه تمارين بطن وصدر واكتاف وظهر
بالتناوب
يوم صدر واكتاف لان القصد حاليا تخفيف وزن وحرق دهون فقط

جهاز للصدر
جهاز للاكتاف

ويوم تمارين بطن وجهاز للظهر

تمارين الرجل الغيتها اول شهر عشان ما تكون السبب في ترك الجم ههههه



من غير بروتينات و و و الخ

[مضارب دوسري]

والفضل بعد الله

بامانه كان للخدمه الوطنيه

[هيليوم]

اهم شي السيطرة على الاكل ، بعدها كل شي يهون :nice:

[مضارب دوسري]

اختلف معاك

اكل اللي بخاطرك بس بكميات قليله

ومع الرياضه

بينزل الوزن

[هيليوم]

اختلف معاك

اكل اللي بخاطرك بس بكميات قليله

ومع الرياضه

بينزل الوزن

ما اختلفنا .. الاكل الزايد سبب المشكلة والسيطرة عليه بتحل جزء كبير من المشكلة والرياضة عامل مساعد

[مضارب دوسري]

ما اختلفنا .. الاكل الزايد سبب المشكلة والسيطرة عليه بتحل جزء كبير من المشكلة والرياضة عامل مساعد

:shy: اي والله صحيح ماختلفنا

انا كنت اظن انك تقصد برنامج رجيييم :telephone:

لان الرجيم تنزل 5 بععد تعب شهر

بعد اسبوع من ترك الرجيم يرجعون 10 :rolleyes2:

[بوحنان]

خلال شهر تقريبا او أقل نزلة ولله الحمد تقريبا عشره كيلو وكل الي اسويه فطور وغدا خفيف بحدود ملعقتين او ثلاث عيش مع دجاج والعشا سلطه عقب المغرب والعصر مشي سريع لمدة ساعه او ساعه ونص فالحديقه الي عند المكافحه سابقا

[بوحنان]

طبعا الفطور فلافل من عش البلبل

[هيليوم]

:shy: اي والله صحيح ماختلفنا

انا كنت اظن انك تقصد برنامج رجيييم :telephone:

لان الرجيم تنزل 5 بععد تعب شهر

بعد اسبوع من ترك الرجيم يرجعون 10 :rolleyes2:

أنواع الرجيم احس كثير منه خداع للناس وقليل منه المفيد ، تجي تاكل يقولك الاكلة الفلانية فيها مادري كم سعرة حرارية والاكلة العلانية مدري ايش فيها واذا كلت الحلاوة هذي لازم تمشي عشرين ولا ثلاثين دقيقة عشان تحرق ويخليك توسوس وتضيق على نفسك :rolleyes2:

الموضوع في النهاية إرادة متى ما كانت موجودة بيكون الانسان على الطريق الصحيح

[خالد_قطر]

عن نفسي ولله الحمد كل رمضان أنزل 5 كيلو كحد أدنى.
أتوقف عن أكل الفطائر بأنواعها والثريد رغم إني أحبه والعيش مرة بالإسبوع ورياضة شبه يومية نصف ساعة تقريباً.
عندي يوم في الإسبوع مفتوح لأكل كل ما توقفت عنه خلال الإسبوع مل عدا الفطائر عليها x .

[ya3coub]

أخوي مضارب الدوسري نصيحه بأن تكمل الرياضة

خصوصا بعد العسكرية

انا عمري ما سويت رياضة بحياتي و للأسف بعد العسكرية بسبب الرياضة الي كنت اسويها

انتفخت و في انتفاخ مستمر زدت تقريبا فوق الــــ15 كيلو

و حاليا لا قادر اروح جم ولا قادر اوقف اكل ههههههه

و فبالي يوميا اسوي رياضه عقلية و خلاص.

بس نصيحه الي يمارس الرياضة فالعسكرية لما يتخرج يمارس شوي شوي لين يقطع مو مرة وحدة يختفي

[حـ ن ـيـ ن]

السلام عليكم ورحمة الله وبركاته


امتداد لموضوع قطر.

العام الماضي :secret:
http://www.qatarshares.com/vb/showthread.php?608822-%E3%E4-%C7%D3%CA%DB%E1-%D1%E3%D6%C7%E4-%DD%ED-%CA%CE%DD%ED%DD-%E6%D2%E4%E5-%ED%DD%ED%CF%E4%C7


نبي نرتب من الحين عشان استغلال رمضان في تخفيف الاوزان :telephone:



عن نفسي السبت الماضي بتاريخ 28_5_2016

بعد ما خلصت من الخدمه الوطنيه باسبوع

سجلت في جم وكان هالاسبوع اول اسبوع لي والحمدلله

ترتيبي هو التسجيل في جم من تاريخ 28_5
الى 28_6
تقريبا العشر الاواخر بعطي نفسي بريك ان شاء الله


نبي نرتب عشان ننزل اوزاننا يا دببه :discuss:

موضوع جميل والتحدث عنه أجمل ، تنفيذه :shy:

بإذن الله جدولي مشي مابين 45 إلى ساعة

[الاسطوره]

هلا بومحمد ممكن نعرف جدولك في رمضان يعني الفطور والسحور والي بينهم

[مضارب دوسري]

هلا بومحمد ممكن نعرف جدولك في رمضان يعني الفطور والسحور والي بينهم

مرحبا اخوي

عن نفسي ماحب الجداول خير شر

كل اللي بخاطرك بكميات بسيطه بتلقى امورك تمام

حاول تقلل الكميات باستخدام صحن تحط فيه الاكل اللي يناسبك


تجنب السويتات اللي فيها سكر زياده مثل البيبسي وربعه
وتجنب المقليات ككل
او حدد يوم فالاسبوع تاكل فيه وجبه اذا بخاطرك

اذا طاح خاطرك ب سويت معين عادي كل حبه حبتين ما يضر


وبس والله مع الرياضه


في 2009 دشيت الجم وكان وزني حينها 150
في 5 شهور وصلته 114
كنت اتمرن نفس الجدول اللي فالصفحه الاولى
واطلع اكل كللللل شي بخاطري بيبسي سويت ضرب عيووش مطاعم و و و و
ومع ذلك نزلت وزني


ف موضوع رجيم وما الى ذلك ما ينفع
للي بيدش جم لان تفقدك الطاقه اللي تساعدك عالتمرين وعقب كم يوم تسحب على الرياضه وعقب اسبوعين تخرب ابو الرجيم

اكل كميات بسيطه من اللي بخاطرك مع التمرين امورك بتكون تمام ان شاء الله

[مضارب دوسري]

خلال شهر تقريبا او أقل نزلة ولله الحمد تقريبا عشره كيلو وكل الي اسويه فطور وغدا خفيف بحدود ملعقتين او ثلاث عيش مع دجاج والعشا سلطه عقب المغرب والعصر مشي سريع لمدة ساعه او ساعه ونص فالحديقه الي عند المكافحه سابقا


طبعا الفطور فلافل من عش البلبل

ماشاء الله الله يوفقك ويحفظك

[مضارب دوسري]

أنواع الرجيم احس كثير منه خداع للناس وقليل منه المفيد ، تجي تاكل يقولك الاكلة الفلانية فيها مادري كم سعرة حرارية والاكلة العلانية مدري ايش فيها واذا كلت الحلاوة هذي لازم تمشي عشرين ولا ثلاثين دقيقة عشان تحرق ويخليك توسوس وتضيق على نفسك :rolleyes2:

الموضوع في النهاية إرادة متى ما كانت موجودة بيكون الانسان على الطريق الصحيح

بالضبط
تضيق على نفسك واذا استمريت اسبوع اسبوعين وعقب تسسسحب على برنامجهم ههههه[/size][/color][/font]

[مضارب دوسري]

أخوي مضارب الدوسري نصيحه بأن تكمل الرياضة

خصوصا بعد العسكرية

انا عمري ما سويت رياضة بحياتي و للأسف بعد العسكرية بسبب الرياضة الي كنت اسويها

انتفخت و في انتفاخ مستمر زدت تقريبا فوق الــــ15 كيلو

و حاليا لا قادر اروح جم ولا قادر اوقف اكل ههههههه

و فبالي يوميا اسوي رياضه عقلية و خلاص.

بس نصيحه الي يمارس الرياضة فالعسكرية لما يتخرج يمارس شوي شوي لين يقطع مو مرة وحدة يختفي
ان شاء الله



اذا ما مشت معاك
قص المعده وريح راسك

انا وصلت لمرحله ماقدر اتمرن ولا اقدر اسوي شي
قصيت المعده من 3 سنوات ونزلت من 165 تقريبا
الى 120 وثبت عليها صار له سنه ونص
والحين ابي انزل الباقي بالرياضه ان شاء الله




قص المعده وتوكل على الله

[مضارب دوسري]

موضوع جميل والتحدث عنه أجمل ، تنفيذه :shy:

بإذن الله جدولي مشي مابين 45 إلى ساعة

الله يوفقج اختي حنين ويعينج

[مضارب دوسري]

عن نفسي ولله الحمد كل رمضان أنزل 5 كيلو كحد أدنى.
أتوقف عن أكل الفطائر بأنواعها والثريد رغم إني أحبه والعيش مرة بالإسبوع ورياضة شبه يومية نصف ساعة تقريباً.
عندي يوم في الإسبوع مفتوح لأكل كل ما توقفت عنه خلال الإسبوع مل عدا الفطائر عليها x .

حلووو
لا تحرم نفسك
كل
واتمرن
وبتضعف مثلهم وزياده ان شاء الله

[بوخالد911]

الله يسهل عليكم.

[.قطر.]

وعليكم السلام
لاتقلد وتحط موضوع نفسي :funny:
لا لا خذ راحتك :nice:

انا خففت من السمبوسه والكباب والسويت هاي فيهم بلاوي من السعرات :rolleyes2:
كنت اكل سمبوسه وحده وكبابه وحده واذا في محلبيه بس قفشه
او اي سويت قفشه قفشتين بالكثير
والطبق الرئيسي سواء عيش ولحم او دياي او ثريد كميه بسيطه كم لقمه
حتى ماكنت اشبع بس ان حطيت اكل ف بطني
وكل هاي مع المشي من نص ساعه الى ساعه الا ربع بعد الفطور بساعتين
قبل الفطور ماقدر صج انه يضاعف معدل الحرق بس صايم مالي بارض
ونزلت تقريبا خمسه كيلو واستمريت ف تخفيف الاكل حتى بعد رمضان
وكان في يوم مفتوح كل جمعه
الى ان وصلت للوزن اللي ابيه
اهني زدت كميه الاكل والسويت شوي
بس زاد الوزن :weeping:

[ya3coub]

ان شاء الله



اذا ما مشت معاك
قص المعده وريح راسك

انا وصلت لمرحله ماقدر اتمرن ولا اقدر اسوي شي
قصيت المعده من 3 سنوات ونزلت من 165 تقريبا
الى 120 وثبت عليها صار له سنه ونص
والحين ابي انزل الباقي بالرياضه ان شاء الله




قص المعده وتوكل على الله

لا يبه وين اقص معدتي انا لما بديت شغل كنت 50 كيلو بالظبط يعني من 3 سنين

و اثنائها بزيادة بسيطة لين دخلت العسكرية كنت بداية الــ60

الحين ما اعرف بس أخر مرة وزنت لما صادني الحادث من شهر تقريبا كنت 75 كيلو

ما اعتقد ولا ابي اقص ابي بس اللي عنده خطه و يحس انها تنفع يحطها اهني و اذا جازتلي بإذن الله بتبعها ابي اوقف متن و زيادة عالأقل اثبت و بعدين افكر انزل خفيف خفيف

بطبيعتي احب المشي و اغلب اوقاتي فالمدرسة الجامعه و حتى المشروع القديم "مواقف الشيراتون" كان في مشي و دري و طلعه و نزلة الحين للأسف معطيني مكتب و اروح من وقت لوقت اطل عالمحطة مو بشكل يومي نفس قبل الأكل موجود بس الحركة وقفت

[مضارب دوسري]

الله يهداك يا يعقوووب ههههههه

اول شي الحمدلله ع السلامه


ثاني شي اللي يشوف ردك الاول توقعت ان وزنك 150+ هههههههههه

لا عيل لا تقص ولا شي

[ya3coub]

هههههههه دخل رمضان و نبي هالموضوع ما يموت نبي الكل يشارك و يقولنا ترا بردودكم ممكن تحفزوني و غيري من القراء بأن اخيرا احد فينا يتحرك و يسوي شي مفيد

[الاسطوره]

كل عام وأنتم بخير ومبارك عليكم الشهر الفضيل


ماوصيكم بالشاي الاخضر بدون سكر تراه نفعني واجد

[مضارب دوسري]

هههههههه دخل رمضان و نبي هالموضوع ما يموت نبي الكل يشارك و يقولنا ترا بردودكم ممكن تحفزوني و غيري من القراء بأن اخيرا احد فينا يتحرك و يسوي شي مفيد

عن نفسي من بكره بجرب اتمرن قبل الفطور بساعه ونص
اذا ناسبني الوضع بكمل ان شاء الله

اذا ماناسبني بخليها عقب التراويح

[مضارب دوسري]

وكل عام وانتم بخير

[طموحي عالي]

اتمنى انزل 3 الى 5 كيلو برمضان بكون اسعد انسانه

هههههه

[مضارب دوسري]

ههههههه
وين طموحج عالي وهو واقف على 3_5 كيلو
هههههههه

الله يوفقج وتنزلينهم ان شاء الله

[naklan]

اختلف معاك

اكل اللي بخاطرك بس بكميات قليله

ومع الرياضه

بينزل الوزن


ممكن التحكم بكمية الاكل
بوضع صحن صغير قياس لكمية الطعام
طاسة الكورن فلكس الصغيرة تنفع

مبارك عليكم الشهر جميع
وشكرا لآخوي مضارب دوسري
على الموضوع المفيد

[مضارب دوسري]

علينا وعليك يتبارك يا نكلان

صحيح التوزيع عالصحن يخليك عارف الكميه اللي تناسبك

[مضارب دوسري]

عن نفسي من بكره بجرب اتمرن قبل الفطور بساعه ونص
اذا ناسبني الوضع بكمل ان شاء الله

اذا ماناسبني بخليها عقب التراويح

بصراحه كان مناسب التمرين قبل الفطور

[طموحي عالي]

ههههههه
وين طموحج عالي وهو واقف على 3_5 كيلو
هههههههه

الله يوفقج وتنزلينهم ان شاء الله

امين يارب السالفه مب طموح
الله يسلمك ال 5 كيلو توصلني لوزني المثالي

اخس شي ال 10 كيلو اللي تكون قريبه من الوزن المثالي
تكون صعبه جدا جدا

[الاسطوره]

ممكن نكتب تجاربنا هنا والنتايج عشان الكل يستفيد ويتشجع يابومحمد ؟


الطول : 194

الوزن : 106


باذن الله اوصل 95 في رمضان

[مرتبش]

موفقين جميعا
الرياضة حلوة ومفيدة مو بس للرجيم لكن للصحة واللياقة وتفادي الامراض وتعديل المزاج وتعديل النوم.. فالافضل نعتمدها لكل هالاسباب ومانخليها فقط للرجيم.

تقليل الاكل تأثيره على الرجيم نقول 70% و ال 30% الباقية من الرياضة.. لذلك مافي مفر من تقليل الاكل .. حتى اللي يسوي تكميم يحتاج تقليل اكل والا الوزن بيرجع.. نكون طبيعين حلوين بلا قص او تعذيب ..نعدل الاكل ( اهم من فقط تقليل الكميات) والتعديل سهل يعني مو اختراع بس التعود على طريقة اكل غلط لسنوات صعب تغييرها في يوم او اسبوع وحتى شهر.
تعديل الاكل بتناول السلطة على الاقل مرة في اليوم.. تقليل او الابتعاد عن البيبسي والمشروبات السكرية فيمتو وتانج وحتى العصاير لان فيها سكر يمكن اكثر من البيبسي.. تناول فواكه اكثر .. تقليل اوالابتعاد عن المقليات والحلويات .

وسلامتكم

[QtrGate]

امس جربت المشي قبل الفطور لمدة ساعة في الفريج

لكن احسست بدوار غريب
ممكن لان اول يوم والجسم مب متعود
اليوم باقلل المده لين نص ساعة وبازيدها يومياً بالتدريج

[مضارب دوسري]

وزني قبل ابدا فالجم:secret:

117.5

الطول 183



الهدف بس ابي اشوف وزني تحت 110 :weeping:
لاول مره من 13 سنه

وبعدين افكر بالهدف الاسمى 100

بس حاليا ابي 110 هالمره :weeping:

اول الغيث

http://gulf-up.com/do.php?img=108913 (http://gulf-up.com/)


لحد الان بدون رجيم

فقط تخفيف كميات اكل ++++ رياااضه

وامس اكلت ام علي
ونص لوتس من وقت الشاي كان ف خاطري ههههه

[qatarman8008]

مرحبا اخوي..
هو موضوع تخفيف الوزن المفروض مايكون محصور في شهر معين ..
وكنت احب لو انك بدات هالنشاط الرياضي في الجيم قبل رمضان لان معروف انه يسبب تعب شديد ويفتح الشهية كثيرا اول اسبوعين..
عالعموم خطوة ممتازة اتمنى انك تستكر عليها حتى عقب رمضان وباعطيك شوية نصائح انشالله يكون تستفيد منها..
اولا يجب تنظيم وقت الاكل والرياضة والنوم بشكل دقيق جدا.. ليش لان هذا الشي ينظم عمل ونشاط هرمونات الجسم وبالتالي الانزيمات اللتي هي مسؤولة عن رفع مستوى الايض وايضا مسؤولة عن امتصاص الفيتامينات والمعادن في الجهاز الهضمي..
ثانيا المشى على الجهاز لمدة طويلة قد يسبب لك نوع من الملل بالاضافة الا انه لا يقوم بحرق سعرات حرارية كبيرة ..
تمارين الرجل هي الاهم لان اكبر عضلات موجودة بالرجل وثلثين قوة الانسان هي بالرجول..
انصحك بالتالي..
تمارين احماء مشي سريع لمدة 10 دقائق الى ربع ساعه..
ثم استرتشات وسويدي لمدة ربع ساعه..
ثم ادخل جيم باوزان خفيفة وتكرارات كثيرة يعني شيل الوزن اللي تقدر تسوي فيه 20 تكرار واذا وصلت 25 زود الوزن
والاهم ثم الاهم هم وجبة بعد التمرين يجب ان تكون غنية بالكالسيوم والمعادن وقليلة الدهون والبروتينات..
لان الجسم بعد تمارين الحديد يكون اكثر قابلية لتحزين هذه المواد في العضلات ..

[العلياا]

موضوع طيب

الرياضة وخاصة في شهر رمضان يفضل تكون قبل الفطور وخصوصا للناس اللي جسمها يتكون من دهون عنيده

لان الجسم ما اكل صارله كم ساعة ف يحرق من الدهون العنيده اللي فالجسم
طبعاً للي يعاني من امراض قلب او سكر او ضغط يتجنب الرياضة قبل الفطور

اما وقت الفطور الافضل تاكل تمر ولبن او ماي مع عصرة ليمون
وياخذ بريك ربع ساعة ( وقت الصلاة ) وبعدها ياكل من كل شي بكميات معتدله
ويبتعد عن المقالي والحلويات يستبدلها بحلويات صحية خفيفه السكر

والسحور يتضمن مكسرات نيه مع انواع فاكهه واي طبق جانبي خفيف

أهتموا بأكلكم وهذا أهم شي .. مبارك عليكم الشهر ..

[مضارب دوسري]

مرحبا اخوي..
هو موضوع تخفيف الوزن المفروض مايكون محصور في شهر معين ..
وكنت احب لو انك بدات هالنشاط الرياضي في الجيم قبل رمضان لان معروف انه يسبب تعب شديد ويفتح الشهية كثيرا اول اسبوعين..
عالعموم خطوة ممتازة اتمنى انك تستكر عليها حتى عقب رمضان وباعطيك شوية نصائح انشالله يكون تستفيد منها..
اولا يجب تنظيم وقت الاكل والرياضة والنوم بشكل دقيق جدا.. ليش لان هذا الشي ينظم عمل ونشاط هرمونات الجسم وبالتالي الانزيمات اللتي هي مسؤولة عن رفع مستوى الايض وايضا مسؤولة عن امتصاص الفيتامينات والمعادن في الجهاز الهضمي..
ثانيا المشى على الجهاز لمدة طويلة قد يسبب لك نوع من الملل بالاضافة الا انه لا يقوم بحرق سعرات حرارية كبيرة ..
تمارين الرجل هي الاهم لان اكبر عضلات موجودة بالرجل وثلثين قوة الانسان هي بالرجول..
انصحك بالتالي..
تمارين احماء مشي سريع لمدة 10 دقائق الى ربع ساعه..
ثم استرتشات وسويدي لمدة ربع ساعه..
ثم ادخل جيم باوزان خفيفة وتكرارات كثيرة يعني شيل الوزن اللي تقدر تسوي فيه 20 تكرار واذا وصلت 25 زود الوزن
والاهم ثم الاهم هم وجبة بعد التمرين يجب ان تكون غنية بالكالسيوم والمعادن وقليلة الدهون والبروتينات..
لان الجسم بعد تمارين الحديد يكون اكثر قابلية لتحزين هذه المواد في العضلات ..

يعطيك العافيه اخوي

قبل رمضان اوردي جيم اجباري في معسكر الشمال
(الخدمه الوطنيه )
وباذن الله لن اتوقف عن الىياضه عقب رمضان
مادام الجسم اخذ لياقه مابي افرط فيها ان شاء الله

[مضارب دوسري]

موضوع طيب

الرياضة وخاصة في شهر رمضان يفضل تكون قبل الفطور وخصوصا للناس اللي جسمها يتكون من دهون عنيده

لان الجسم ما اكل صارله كم ساعة ف يحرق من الدهون العنيده اللي فالجسم
طبعاً للي يعاني من امراض قلب او سكر او ضغط يتجنب الرياضة قبل الفطور

اما وقت الفطور الافضل تاكل تمر ولبن او ماي مع عصرة ليمون
وياخذ بريك ربع ساعة ( وقت الصلاة ) وبعدها ياكل من كل شي بكميات معتدله
ويبتعد عن المقالي والحلويات يستبدلها بحلويات صحية خفيفه السكر

والسحور يتضمن مكسرات نيه مع انواع فاكهه واي طبق جانبي خفيف

أهتموا بأكلكم وهذا أهم شي .. مبارك عليكم الشهر ..

علينا وعليج يتبارك

شاكر لج اثراااءج الموضوع

[بصمة قطرية]

رمضان أفضل وقت الواحد يقدر يتحكم فيه بنوعية أكله
و كمية السعرات الحرارية ..
و المشي ساعه يومياً يساعد الجسم في عملية الحرق
و تنشيط الدورة الدموية ..
و لازم بين فترة و فترة الواحد يسوي كسر روتين
اللي يسمونه كسر الرجيم ..
لأن الجسم اذا تعود على شي خلاص يثبت عليه ..
في ناس يقولون نسوي دايت و رياضة الوزن نزل
ووقف ثبت على وزن معين ..
الجسم يتعود و خلاص يوقف إستجابة وما ينزل الوزن
في هالحالة نكسر الروتين الدايت نفتح يومين
بس مش زيادة عن اللزوم
و عقبها نرجع للدايت مرة ثانية ..
الحمدلله كل رمضان ينزل وزني
لأني أتحكم في نوعية الأكل ..

[الاسطوره]

السلام عليكم

نزلت 4 كيلو من اول رمضان


الفطور : 5 تمرات ولبن قليل الدسم وعقب الصلاة فطيرتين صغار وكم وكم لقمه عيش او هريس او ثريد


السحور : 5 تمرات + موزه + حليب قليل الدسم


وبين الفطور والسحور اشرب تقريبا 4 الى 6 قلاصات شاي اخضر بدون سكر


عقبالكم

[نفسي عزيزه]

:weeping:

[مضارب دوسري]

السلام عليكم

نزلت 4 كيلو من اول رمضان


الفطور : 5 تمرات ولبن قليل الدسم وعقب الصلاة فطيرتين صغار وكم وكم لقمه عيش او هريس او ثريد


السحور : 5 تمرات + موزه + حليب قليل الدسم


وبين الفطور والسحور اشرب تقريبا 4 الى 6 قلاصات شاي اخضر بدون سكر


عقبالكم

تستاهل وان شاء الله تكسر حاجز ال100

[مضارب دوسري]

رمضان أفضل وقت الواحد يقدر يتحكم فيه بنوعية أكله
و كمية السعرات الحرارية ..
و المشي ساعه يومياً يساعد الجسم في عملية الحرق
و تنشيط الدورة الدموية ..
و لازم بين فترة و فترة الواحد يسوي كسر روتين
اللي يسمونه كسر الرجيم ..
لأن الجسم اذا تعود على شي خلاص يثبت عليه ..
في ناس يقولون نسوي دايت و رياضة الوزن نزل
ووقف ثبت على وزن معين ..
الجسم يتعود و خلاص يوقف إستجابة وما ينزل الوزن
في هالحالة نكسر الروتين الدايت نفتح يومين
بس مش زيادة عن اللزوم
و عقبها نرجع للدايت مرة ثانية ..
الحمدلله كل رمضان ينزل وزني
لأني أتحكم في نوعية الأكل ..

يعطيج الف عافيه على الاثراء

[مضارب دوسري]

السلام عليكم

نزلت 4 كيلو من اول رمضان


الفطور : 5 تمرات ولبن قليل الدسم وعقب الصلاة فطيرتين صغار وكم وكم لقمه عيش او هريس او ثريد


السحور : 5 تمرات + موزه + حليب قليل الدسم


وبين الفطور والسحور اشرب تقريبا 4 الى 6 قلاصات شاي اخضر بدون سكر


عقبالكم

بس يبيلك رياضه لان دايما الرجيم القاسي
بعد اسبوعين الى 3 يعتفس

[بريق الحق]

بالنسبة لي رمضان فترة نقاها
الوعد بعد رمضان ان شاء الله

[مضارب دوسري]

بالنسبة لي رمضان فترة نقاها
الوعد بعد رمضان ان شاء الله

بالعكس فترة ما قبل الفطور مناسبه جدا للرياضه وتساعدك على الاستمرار بعد رمضان

للي ماعندهم سكر او ضغط او امراض قلب

[بريق الحق]

بالعكس فترة ما قبل الفطور مناسبه جدا للرياضه وتساعدك على الاستمرار بعد رمضان

للي ماعندهم سكر او ضغط او امراض قلب

أنا أحب أتمرن في وقت معين مايتغير يعني بعد الدوام على طول او بين المغرب والعشا ماحب كل يوم وقت
ورمضان أجوف استراحة محارب والوعد بعد رمضان تجهيز حق الصيف ههههه

[الاسطوره]

بس يبيلك رياضه لان دايما الرجيم القاسي
بعد اسبوعين الى 3 يعتفس

صحيح اخوي بومحمد الرياضه مهمه جدا ولكن صعب علي أسوي رياضة وانا صايم لظروفي الصحية

امشي نصف ساعة عقب التراويح كل يوم وأموري ماشية ولله الحمد

هدفي 95 قبل العيد ان شاءالله

[مضارب دوسري]

صحيح اخوي بومحمد الرياضه مهمه جدا ولكن صعب علي أسوي رياضة وانا صايم لظروفي الصحية

امشي نصف ساعة عقب التراويح كل يوم وأموري ماشية ولله الحمد

هدفي 95 قبل العيد ان شاءالله

الله يوفقك ويشفيك ياخوي
اي دامك تمشي نص ساعه امورك ان شاء الله تتحسن

[مضارب دوسري]

صحيح اخوي بومحمد الرياضه مهمه جدا ولكن صعب علي أسوي رياضة وانا صايم لظروفي الصحية

امشي نصف ساعة عقب التراويح كل يوم وأموري ماشية ولله الحمد

هدفي 95 قبل العيد ان شاءالله

ال95 صعبه

لازم اول شي نكسر الدعم القووووي 100
هههههه

كسر 100 يعني بنكون تحت متوسط 20 شهر هههههه
ومن ثم الى 95 وانا اشوف انك تشتري عال90 افضل هههههه قلبناها تحليل فني

[الاسطوره]

ال95 صعبه

لازم اول شي نكسر الدعم القووووي 100
هههههه

كسر 100 يعني بنكون تحت متوسط 20 شهر هههههه
ومن ثم الى 95 وانا اشوف انك تشتري عال90 افضل هههههه قلبناها تحليل فني

هههههههههههههههههه انا اشهد ان ال 100 دعم صعب كسره

ولكن نقول ان شاءالله

[القائــد]

السلام عليكم . تسلم على الموضوع . انا ولله الحمد قبل رمضان بأسبوعين بديت رجيم والجيم من سنه. كان وزني 90 الحين 83 :nice:
في دعم على 83 على قولتك هههههههههههه يعني ان شاءالله بالراحة 80 نهاية رمضان . لكن الاهم نقيس شريط حول الكرش كنت 39 انتش الحين 36.5 ان شاءالله أخر رمضان 35 انتش حتى يبين ال V
نراقب الدعم هههههههه
الله يقويك

[القائــد]

مبارك عليكم الشهر كل أعضاء المنتدى وادارة المنتدى نسيت ابارك لكم وتقبل الله طاعتكم راجع لكم باذن الله قريبا

[مضارب دوسري]

اول الغيث

http://gulf-up.com/do.php?img=108913 (http://gulf-up.com/)


لحد الان بدون رجيم

فقط تخفيف كميات اكل ++++ رياااضه

وامس اكلت ام علي
ونص لوتس من وقت الشاي كان ف خاطري ههههه

قرب الاشتراك يخلص باقي له اسبوع :telephone:

وصلت 114.5

[مضارب دوسري]

السلام عليكم . تسلم على الموضوع . انا ولله الحمد قبل رمضان بأسبوعين بديت رجيم والجيم من سنه. كان وزني 90 الحين 83 :nice:
في دعم على 83 على قولتك هههههههههههه يعني ان شاءالله بالراحة 80 نهاية رمضان . لكن الاهم نقيس شريط حول الكرش كنت 39 انتش الحين 36.5 ان شاءالله أخر رمضان 35 انتش حتى يبين ال V
نراقب الدعم هههههههه
الله يقويك


مبارك عليكم الشهر كل أعضاء المنتدى وادارة المنتدى نسيت ابارك لكم وتقبل الله طاعتكم راجع لكم باذن الله قريبا

وعليكم السلام

ويبارك لك في ما تبقى من الشهر الفضيل

ههههههههه اهم شي الدعم توني كاسر دعم عنيد 115
نبي ال110 بس شكله في رمضان حدي 112 :(
بس مواصلين ان شاء الله

[الاسطوره]

مشاءالله صامل مضارب الله يوفقك


انا خربطت وايد وزاد وزني 2 كيلو

[nooora]

موفقين جميعا
الرياضة حلوة ومفيدة مو بس للرجيم لكن للصحة واللياقة وتفادي الامراض وتعديل المزاج وتعديل النوم.. فالافضل نعتمدها لكل هالاسباب ومانخليها فقط للرجيم.

تقليل الاكل تأثيره على الرجيم نقول 70% و ال 30% الباقية من الرياضة.. لذلك مافي مفر من تقليل الاكل .. حتى اللي يسوي تكميم يحتاج تقليل اكل والا الوزن بيرجع.. نكون طبيعين حلوين بلا قص او تعذيب ..نعدل الاكل ( اهم من فقط تقليل الكميات) والتعديل سهل يعني مو اختراع بس التعود على طريقة اكل غلط لسنوات صعب تغييرها في يوم او اسبوع وحتى شهر.
تعديل الاكل بتناول السلطة على الاقل مرة في اليوم.. تقليل او الابتعاد عن البيبسي والمشروبات السكرية فيمتو وتانج وحتى العصاير لان فيها سكر يمكن اكثر من البيبسي.. تناول فواكه اكثر .. تقليل اوالابتعاد عن المقليات والحلويات .

وسلامتكم

:nice::nice:

[بنت شرق]

الحمد لله نزلت 3 كيلو ماشاء الله ، الي اتبعته نصيحة اخصائية تغذية على التلفزيون
تفطر على ثلاث تمرات و10حبات لوز بعدها بنصف ساعة عصير سموزي ، بعدها متى حسيت بجوع شوربة وسلطة بعدها بساعة لحوم ويفضل بيضاء ومشوية
السحور عصير سموزي
الرياضة نصف ساعة يوميا بعد الفطور والي مايقدر 15 دقيقة قبل الفطور
ومن اليوتيوب فيه شرح لرياضة رمضان استفدت منه 15 دقيقة قبل الفطور ونصف ساعة الى 45 دقيقة بعد الفطور بشرط تنوع بين التمارين والكارديو
بالتوفيق الموضوع مش صعب بس يبي ضبط ومساعدة الي وياك بالبيت وتشجيع

[مضارب دوسري]

مشاءالله صامل مضارب الله يوفقك


انا خربطت وايد وزاد وزني 2 كيلو

افااااااا خربتها يا مستثمر

انا والله انقطعت اسبوع لظروف ورجعت امس اتمرن ومددت شهر جديد
توقعت ان بيكون وزني ارتفع بس الحمدلله ثابت عال114

وعلى خير ان شاء الله كنت ابي ال110 بس ان شاء الله على نهاية يوليو اجيب تحتها ثبات الوزن شي طيب

ولهذا ذكرت ان الرجيم عمر الشخص ما يقدر يستمر عليه ينزلك بسرعه ويرجعك فوق بسرعة البرق


لانه يعطيك كسر وهمي هههه

[بريق الحق]

الدوسري تبي تضعف بسرعه خلال يومين تنزل ال 4كيلو
بقولك في أشياء اذا ودك تأخذها القرفه وايد زينه تساعد في حرق الدهون ولا تزيد دقات القلب ولا شي وتحصل حبوب فالصيدليه
وإذا صج تبي تنزل 4كيلو اطبخ أكلك مفيوح فالماي واقطع الكاربوهيدرات وجوف النزول السريع

[بوخميس]

وعليكم السلام

ويبارك لك في ما تبقى من الشهر الفضيل

ههههههههه اهم شي الدعم توني كاسر دعم عنيد 115
نبي ال110 بس شكله في رمضان حدي 112 :(
بس مواصلين ان شاء الله

كسرت الترند الهابط يالغالي

الهدف 122

[مضارب دوسري]

لا يا بو خميس ما نبي هالهدف كلللش
هههههههههه
نبي نكسر الترند الصاعد عند 110

[مضارب دوسري]

الدوسري تبي تضعف بسرعه خلال يومين تنزل ال 4كيلو
بقولك في أشياء اذا ودك تأخذها القرفه وايد زينه تساعد في حرق الدهون ولا تزيد دقات القلب ولا شي وتحصل حبوب فالصيدليه
وإذا صج تبي تنزل 4كيلو اطبخ أكلك مفيوح فالماي واقطع الكاربوهيدرات وجوف النزول السريع

ان شاء الله بنرتب للقرفه والزنجبيل

اما الحبوب لا صعبه المعده بروحها تعبانه مابي ازيدها حبوب وادويه تهيج القرحه