معماري قطري
03-06-2016, 03:48 PM
وصلني كتاب من شركة كهرماء .. هو كتاب قياسي وشكله مسوينه حق كل شيء .. فيه خانات معلم عليها وخانة كاتبين فيها رقم الماء وأُخرى حق رقم الكهرباء .. وموقع ومختوم
المشكلة تركوه مع السائق ومضمونه بأن علي مراجعتهم خلال 72 ساعة والا بيقطعون الكهرباء .. صراحة طلاسم وبصعوبة فهمت إنهم يبغون قراءَة عداد الماء والكهرباء .. حاولت اتصل استفسر حتى الأرقام مكتوبة بنظام قبل 5 أرقام وصراحة ضعت ما لي الا اروح لهم بس وين هم؟
مذكور إنهم في طريق سلوى وطريق سلوى كبير .. ضفت الرقم السادس واتصلت بكم رقم مكتوبين ولا حد يرد وخلال أوقات الدوام .. فكرت شوي وسئلت السواق وحظي طلع يدل مكانهم وقلت له اكتب في ورقة قراءة العدادات وودها لهم .. كتب وراح وقالوا له لا صور العدادات وجيب لنا الصورة!
زين ما عندهم ثقة يجون بلجنة بعد ويسجلون العدادات .. غرفة عداد الكهرباء جنب باب البيت وهم طالبينها بهذا الوضع .. كان طلبوا العداد يكون مفتوح على الخارج .. وعداد الماء موجود كان قراه الموظف والا يمكن ما يعرف يقرأ
بعدين فيه ماسحات ضوئية سريعة تقرأ حتى من مسافة ( للي ما يعرف يقرأ )
زيادة على هذا لغة التهديد سواءً لنا كمواطنين أو للمقيمين ( بنقطع الكهرباء ) والأُسلوب الورقي القديم والنموذج الواحد والغير محدث والتلفونات اللي ما يردون عليها وخارطة الموقع يفترض تكون مصورة وراء النموذج
صراحة مثال سيء لإِداراتنا ومتكرر أكيد وأرجو النقاش مع ملاحظاتكم على حكوماتنا الالكترونية
المشكلة تركوه مع السائق ومضمونه بأن علي مراجعتهم خلال 72 ساعة والا بيقطعون الكهرباء .. صراحة طلاسم وبصعوبة فهمت إنهم يبغون قراءَة عداد الماء والكهرباء .. حاولت اتصل استفسر حتى الأرقام مكتوبة بنظام قبل 5 أرقام وصراحة ضعت ما لي الا اروح لهم بس وين هم؟
مذكور إنهم في طريق سلوى وطريق سلوى كبير .. ضفت الرقم السادس واتصلت بكم رقم مكتوبين ولا حد يرد وخلال أوقات الدوام .. فكرت شوي وسئلت السواق وحظي طلع يدل مكانهم وقلت له اكتب في ورقة قراءة العدادات وودها لهم .. كتب وراح وقالوا له لا صور العدادات وجيب لنا الصورة!
زين ما عندهم ثقة يجون بلجنة بعد ويسجلون العدادات .. غرفة عداد الكهرباء جنب باب البيت وهم طالبينها بهذا الوضع .. كان طلبوا العداد يكون مفتوح على الخارج .. وعداد الماء موجود كان قراه الموظف والا يمكن ما يعرف يقرأ
بعدين فيه ماسحات ضوئية سريعة تقرأ حتى من مسافة ( للي ما يعرف يقرأ )
زيادة على هذا لغة التهديد سواءً لنا كمواطنين أو للمقيمين ( بنقطع الكهرباء ) والأُسلوب الورقي القديم والنموذج الواحد والغير محدث والتلفونات اللي ما يردون عليها وخارطة الموقع يفترض تكون مصورة وراء النموذج
صراحة مثال سيء لإِداراتنا ومتكرر أكيد وأرجو النقاش مع ملاحظاتكم على حكوماتنا الالكترونية