أي بنك اختار؟

[ALKASER]

السلام عليكم ورحمة الله,

الله يسلمكم محتار وين اخلي راتبي ينزل, في مصرف الريان ولا بنك بروة, اشرايكم؟ عندكم تجارب مع البنكين؟ وايد ناس امدحوا مصرف الريان بس ابي اعرف راي الي في بنك بروة لا مب وايد. اشرايكم في بروة؟ وشنو هالبنكين يفرقون عن بعض؟

مشكورين ومبارك عليكم الشهر

ودمتم بحفظ الرحمن ورعايته

والسلام ختام

[شموخ دائم]

,

,


مرحبا

جزاك الله خير اهم شي بعيد عن البنوك الربويه
بازيدك حيره

المصرف

:)

,

.

[سعود.]

أيضآ المصرف

[Dana’1]

بين هالاثنين طبعا مصرف الريان

[ya3coub]

نفس الشي كنت قبل فبنك ربوي و قبل ما ابتدي شغل فتحت فمصرف الريان

و اموري طيبه معاهم

بروة يمدحونهم للي يوفرون حيث عندهم حساب فسيل و حساب ثراء
واحد منهم بدون ارباح و عليه سحوبات شبه شهرية و ممكن تفوز بمبلغ مادي و الثاني فيه ارباح تعتبر اكبر نسبة ارباح فالدوحة بشرط انك ما تسحب منه


بس ما اعرف عن بروة غير عن هالأشياء

الريان تعاملاتهم عن طريق الأبلكيشن كوني احول فلوس وايد للمشتريات من امريكا, ما شاء الله مرات بنفس اليوم توصل كلشي سهل و سلس و واضح من الجوال.

تحويل فلوس تعبئه بطاقة الفيزا. تطلب منهم يتصلون فيك تحول بين حساباتك, السلفيات تقدم عليها و ايضا تتابعها الدفعات و كم باقيلك الخ.....

كلشي سهل جدا بس ليلحين ما قدرو يربطون بطاقة الـــPay & Go او مثلا اذا ابي اعبي حق احد من الابلكيشن ما يصير
و ما عندهم خدمة الويسترن يونيون فالجوال نفس بنك قطر الوطني و سمعت ايضا المصرف الإسلامي عندهم بعد ويسترن يونيون.

فواتيرك ايضا تدفعها عن طيق الأبلكيشن و للي يدفعون ماي و كهرب بعد نفس الشي و فوري ما يتأخر.

+ انا اتعامل مع فرع الستي سنتر أغلب القداما طلعو بس لا يزالون احسن من بنوك قانية فالتعامل

[ذكي جدااا]

اذا تفكر تاخذ قروض مستقبلا الدولي الاسلامي افضل لانه دايما اقل نسبة مرابحة من المصرف. لكن اذا تبي الافضل بين الريان وبروه اكيد الريان افضل

[ameeer3]

مصرف الريان

[بعيد النظر]

بنك بروة

[سليمان احمد]

كتجربه انا انصحك في مصرف الريان

[Q A T A R I]

-



ابعد عن المصرف!

اولاً محد ينكر ان لديهم اكبر قاعدة عملاء كبنك اسلامي في قطر!
لكن هذا الشئ لم يتعاملوا معاه بحرفية.

حيث ان كل مازاد عدد العملاء قلت الجودة!
لان مافيه "خدمة عملاء" تغطي هالعدد الكبير
وهذا اللي واجهته في المصرف.
"call center" لما تقدم شكوى انسى يرجعون يتصلون لك.
ايضا لما تروح الفرع يبي لك تنتظر بالساعات لين يجي لك الدور!


ايضاً تحويل الفلوس للخارج . ربعي اللي ف الريان يآخذ معاهم يومين عمل وتوصلهم الفلوس.
المصرف يآخذون اسبوع بكبره والويكند معاه يعني "سبع ايام"!!!
لما تسآلهم يقولك احنا نقوم بعمل اجراءات معقدة حتى نضمن لك مالك!!
هذا عذر؟

نصيحتي لك اذا تبي المداراة والتسهيلات الاخرى ابعد عن المصرف!

اذا انت تبي تستلم راتبك من atm ولا تقرب صوب الفرع " اخذ المصرف"

ومبارك عليكم الشهر.

[بوحارب]

^

اتفق معاك ابعد عن المصرف بنك فاشل والله

واول ما تخلص المديونية بطلع منه


انصحك في الريان

[S.T.Y.L.E]

حد يعطينا اسباب ان الواحد يغير المصرف
غير الكول سنتر اللي ماله علاج ، والانتظار لان الحمدلله في خدمه التمييز وزينه

شاللي يخلي الواحد يروح الريان او بروه ؟ شالمزايا اللي عندهم؟

[سليمان احمد]

بالنسبه لي كنت 15 سنه في بنك قطر الدولي الاسلامي
وفتحت حساب في بداية توظفي وكنت مجبر لان الخيارات ذاك الوقت كانت قليله
اربع او خمس بنوك وكان هو تقريبا هو والمصرف الاسلاميه
وكان ذاك الوقت عدد العملاء قليل والزحمه خفيفه واذا راجعتهم ماتاخذ نص ساعه بالكثير
بما فيها مشوارك حتى اني كنت اروح للفرع اللي في شارع الكهرباء
لكن مع زيادة عدد السكان وفتح بنوك كثيره مثل بروه والريان و وو صارت الخيارات كثيره
اما بالنسبه للفرق ان مشكلة البنك الريسيه هي انه متاخر تقنيا جدا وماشي على سمعته القديمه كبنك عريق
لكن ماواكب التطور من خلال الاهتمام بخدمة العملاء / كمركز اتصال / و تطبيقات وفتح عدد كبير من الفروع
مثلا في المجمعات اسوة بمصرف الريان وبنك قطر والبنك التجاري والكثير من البنوك يعني البنك راضي بمستواه
اللي هو فيه من كونه بنك جيد مابي اقول حتى جيد جدا واضافه ان مشكلته الريئسيه انه هو ومصرف الريان ينكبون
العميل في السفر لاني عام 2013 صارت لي مشكله معاهم وانا في امريكا لاني سحبت مناك وقفلو البطاقه بحجه
حمايه العميل رغم اني مبلغهم قبل وتميت اكثر من عشر ايام اتصل مناك على مركز الاتصال ولا انحلت المشكله الا بعد
اتصالات يوميه وشرح المشكله في كل مره اتصل وبعدها قررت اني اول ما ارجع اغير البنك وكنت متردد وقررت اني
افتح في مصرف الريان والحمدلله توفقت معاهم لي تقريبا سنتين ونص معاهم ومرتاح اولا / مرابحه بطريقه شرعيه
في ذمتهم لو كان هناك اي تحايل
ثانيا : مركز الاتصال : الاستجابه سريعه
ثالثا ؛ عدد الفروع كثيره خاصة انه عنهم فروع في المجمعات : وذنان مول / الستس سنتر / والمول
رابعا : عندهم تطبيق على الاندرويرد وتطبيق حلو ومعرب ومناسب ويعطيك كل الخدمات
خامسا : ماعندهم زحمه مثل المصرف والدولي الاسلامي
مبدئيا انا مرتاح معاهم ولو فيه سلبيات ماندي مشكله اذكرها انا اعطيه تقييم جيدجدا 77%
واسف على الاطاله لكن حبيت اوضح سبب اللي خلاني انتقل رغم اني عميل لاكثر من 16 سنه
في الدولي الاسلامي

[بوخالد911]

بروة
عندهم حسابات متعددة
جاري. توفير. ثراء. فسيل.
تقدر تحول فلوس من موقعهم ع النت. حوالة محلية ودولية.

اللي يبط جبدي الكول سنتر. جنسية معينة محتكرة !!!!
تقول غزو !!!!!

[المزن الرياني]

الريان بلا منازع

[بوخالد911]

والأهم هو. لازم تعرف واحد من ربعك شغال بالبنك
يخلص لك أمورك وانت مرتاح.

[بصمة قطرية]

^

اتفق معاك ابعد عن المصرف بنك فاشل والله

واول ما تخلص المديونية بطلع منه


انصحك في الريان


فعلاً المصرف للأسف مب نفس قبل
سابقاً كان الأفضل ..

عموماً إبتعد عن الربوية ..

[بصمة قطرية]

حد يعطينا اسباب ان الواحد يغير المصرف
غير الكول سنتر اللي ماله علاج ، والانتظار لان الحمدلله في خدمه التمييز وزينه

شاللي يخلي الواحد يروح الريان او بروه ؟ شالمزايا اللي عندهم؟

أخطائهم كثيرة
و الظاهر من الضغط عليهم ما يركزون
بوالعيال خذ قرض
نزل القرض ناقص 7500
كلمهم سألهم ليش ناقص انا محتاج المبلغ كامل
قالوا له هاي رسوم تخليص المعاملة ..
طيب ليش ما بلغتوني عشان أزيد المبلغ
قالوا ليش الموظف ما بلغك ..!!!
مادري شلون فوائد و رسوم ..!!!!!!
من شهرين تفاجئت بخصم مبلغ من حسابي
كنت في محل خليت بوالعيال يحول لي
و ينسحب المبلغ على طول
يوم كلمتهم شالسالفه ..!!
قالوا إحنا نبي منج مبلغ
عسى ماشر كل اللي ينزل لي مصروف
ما خذت منكم شي
قالوا الشهر اللي طاف انتي سحبتي مبلغ
وما كان موجود في حسابج
المكينه عطتج المبلغ ..!!
شلون جذي مادري يقولون خطأ من المكينة
وصادف هالشي الوقت اللي كان في تحديث
و ما كانت توصلني المسجات ..

اختي نفس الشي وايد متغربلة مع المصرف ..

[دايموند]

انصحك ببنك بروة..حبيت خدماتهم وماعليهم ضغط كلش..


ماجربت المصرف

[الوسيط العقاري]

المصرف

[محمد سعيد]

الريان اخوي افضل شي

اما بروة ماقدر اقول اسلامية مسابقات كل من وفر زاد فرص الفوز له

يعني اسلامي و يناصيب

وخدمة العملاء فاشل هياط على شنو مادري.!