رسالة ودام : أنطر حمالي لين ما يجيك الربيع

[العابــرQAT]

قصتي

رحت مقصب ودام بالمزروعه خذيت رقم بالعشرينات قالي الموظف بالخيمه أنطر حمالي وأنطر وأنطر مليت
والناس ملت قمت خذيت لفه داخل المقصب الا واحصل 4 حماليه قاعدين على الكراسي تحت المكيف بعد ما خلصوا من الزبون
ورحت أبلغ الموظف ويعصب عليهم
يا ودام اذا الحماليه أتعبوا من أول خروف ومالهم خاطر أكيد
لان الحمالي ياخذ 70 ريال على الخروف متدلع
معقوله يا ودام 20 حمالي حق المناطق الشماليه

اما خدمةالتوصيل المجاني أتصل عليهم ( أيام ) واذا ردوا عليك دورني

[بانغ بانغ]

ايشبسوون ايام العيد

[حبر وقرطاس]

حتى انا اتصلت عليهم ولاااا حد يرد نهائيا صبح ومسا ؟
هل يعقل ذلك .وين المسؤولين ؟ لمتى نعاني من تخاذل المسؤولين في اداء واجبهم تجاه سير العمل .تعبنا

[بوخالد911]

اعلاناتهم براقة بالصحف !!!!
ولكن بالواقع عكس ذلك !!!

[بوخالد911]

اعلاناتهم براقة بالصحف !!!!
ولكن بالواقع عكس ذلك !!!

[ضوى]

اتصلت فيهم اليوم الساعه عشر ونص بالليل ، وردوا علي وماعندهم خرفان سوريه عندهم بس الاردني السوري عقب يومين بيوصل على كلامهم ، طلبت خروف اردني واحد مقطع عشر قطع وبيوصلونه بكرة من 11 الضحى لين اربع العصر ، وعطاني رقم جوال اطرش عليه البطاقه الشخصيه لراعي الطلب والحمدلله افتكينا من سالفه الزحمه والنطرة ونصيحه انصلوا بنفس الوقت وشوفوا شبيصير معاكم

[بوخالد911]

السؤال. كيف نضمن ان الخروف اللي اخترته هو نفسه بيوصلني !؟!

[البهتري]

على أي رقم نتصل فيهم

[ضوى]

جابوا لي الخروف اليوم وماشاء الله صج راهي ومختوم بانه عربي الانصال على الرقم 8000056

[البهتري]

مشكورة

[معماري قطري]

حبايبي الخرفان مب محصلين حد يحملهم لمثواهم الأخير