> وأما السائل فلا تنهر <

[شبح الصمت]

السلام عليكم ورحمة الله وبركاته ،،،

مبارك عليكم شهر رمضان الفضيل .
والله يتقبل منا ومنكم يارب
ويكتب لنا ولكم اجر صيامة وقيامة


الموضوع متكرر ونزلت فيه مواضيع كثيرة من قبل
وفي كلام صحيح انقال عن البعض


ولكن
انه تهاوش شخص جاك وما تعرف حاجته وتهدده على انك بتقطع رزقه .
فانا اشوف هالشيء خطا

انسان يجيك معلق بطاقته ويرويك اسمه ما اتوقع انسان شغال طراره ..

موقف حصل لي امس وعور قلبي
وادري في ناس بتقولي انت اشفيك وليش يعورون قلبك خلهم يروحون للجمعيات الخيرية او يرجعون بلادهم .

انا معاكم في كل شيء بتقولونه
ولكن ضدكم في انك تنهر شخص وتهاوشه وتذلة ..

رجال كسا البياض شعر راسه ولحيته
ويرى من بعيد شخص مقارب لعمره يتقدم اليه بخطوات متانيه

يتقدم يقف امامه يريه ورقه ويشرح له وضعه وانا اشاهد المنظر بدون ما يحس فيني
في لحظة اشوفه ياشر الشيبه ويهاوش ويرفع تلفونه ويصور هالمسكين ويهدده انه راح يبلغ عليه ..


ليش !!
رجع لمكانه وتسند على الطوفه مسكين ويمش عرق وجهه ..


قعدت اشوفه واتامل فيه شلي حده هالانسان في هالعمر على هالفعل ..
قام وقف اشرت له

جاني سلمت عليه
يا عم كيف حالك طمني عليك ..

بدون تصنع
الحمد لله على كل حال يابني ..

شلي قاصرك ليش تمد يدك
قالي الحاجه يا ابني الشغل يوم و10 ما يجيني وساكن بسكن لا كهربى ولا ماي مقطوعة فيها ..

طبعاً اذا اعطيت لا تتكلم
لكني بتكلم عشان العالم تحس والله يغفر لي ويرحمني

مديت يدي للبوك وطلعت الي فيه وانا اعرف كم عندي وادري راح يقضي حاجته لفترة بسيطة جدا ..

قام يبكي هالشيبه وعيالي الصغار معاي
قلت له يا عم رزق والله ساقه لك


ليش ننهرهم
ليش نصدهم

ياخي ما عندك قوله الله يستر عليه
سبحان الله الانسان يبين من هيئته .

والله العظيم قعد يدعي لي وان اقوله خلاص يا عم روح الله يستر عليك ..



وسبحان الله امس اعطيت

واليوم جاني رزقي
سبحان الله اضعاف اضعاف الي انفقته 100 مره


سبحان الله
ربك ما ينسى عباده
واصدق النيه مع الله ومع نفسك ربي يبارك لكم ..


اسف على الطاله

[Abu Mahmoud]

جزاك الله خير اخي على تصرفك وجعله في ميزان حسناتك

لو جاك من يسألك الحاجة وهو راكب حصان

لا ترده اعطه ما تقدر عليه .. انت لك أجرك ولا تبالي بوضعه

هناك الكثير من العائلات هنا لا بلد ولا ملجأ لهم الا هنا

ويعانون أشد العناء .. وهناك من تعثرت ظروفهم

وأجبرتهم الحاجة على مد اليد والسؤال ..

اللهم سهل لهم امرهم وارزقهم .

الرحمة الرحمة . من رحم الناس وأعانهم على قضاء حوائجهم

رحمه الله وجزاه الأجر ..

[شبح الصمت]

جزام الله خير اخي على تصرفك وجعله في ميزان حسناتك

لو جاك من يسألك الحاجة وهو راكب حصان

لا ترده اعطه ما تقدر عليه .. انت لك أجرك ولا تبالي بوضعه

هناك الكثير من العائلات هنا لا بلد ولا ملجأ لهم الا هنا

ويعانون أشد العناء .. وهناك من تعثرت ظروفهم

وأجبرتهم الحاجة على مد اليد والسؤال ..

اللهم سهل لهم امرهم وارزقهم .

الرحمة الرحمة . من رحم الناس وأعانهم على قضاء حوائجهم

رحمه الله وجزاه الأجر ..



ويجزاك يارب
ويبارك فيك يابوعبد الرحمن ..

[بانغ بانغ]

الله يجزيك خير ما قصرت

ايودي مب غريبة عليك

[شبح الصمت]

الله يجزيك خير ما قصرت

ايودي مب غريبة عليك



ويجزاك يارب ..
وصدقني يا ياخوي ترددت في طرحه

لانه في ناس بتقول اعطى وقاعد يروينا
وفي ناس بتقول وبتقول ذولي ما يستحقون
وكلام كثير ..


لكن السائل الي يجيك بحاجه
غير الحرامي الي يجيك ولا تشوفه بعدها ..


الله يغفر لنا ويرحمنا برحمته
ويرحمكم يارب

[Dana’1]

جزاك الله خير وفي ميزان حسناتك
بالعكس مافيها شي الواحد يذكر انه عمل خير او شي من باب التنافس بالخير او التوضيح للغير بعض الامور
خصوصا بالمنتدى غالبا معرفتنا ببعض هي باسم المعرفات فقط
أنا معك بعض السائلين فعلا محتاجين والله يرزقهم

بس
بعضهم يستخدم وسائل فعلا تدل عالكذب الصريح هذا غصب تقوله روح الله يعطيك او عيب عليك
مثلا واحد حاط فيمتو والا بيبسي على مود دم ومسوي عمليه ويدور صوب سوق الديره والجبر يتلوى ويتعكف عشان يكسر الخاطر !وهو شاب نشيط مافيه إلا العافيه! ومن يحصل تهديد تلقاه يركض بين السيارات مافيه فيه إلا العافيه
صحيح ما اعرف إذا فيه ظروف حدته على هالشي ؟!
بس هل مثل هالتصرف مقبول؟!

[مضارب دوسري]

العنوان فيه غلط

واما

[مضارب دوسري]

الله يجزاك خير

[شبح الصمت]

جزاك الله خير وفي ميزان حسناتك
بالعكس مافيها شي الواحد يذكر انه عمل خير او شي من باب التنافس بالخير او التوضيح للغير بعض الامور
خصوصا بالمنتدى غالبا معرفتنا ببعض هي باسم المعرفات فقط
أنا معك بعض السائلين فعلا محتاجين والله يرزقهم

بس
بعضهم يستخدم وسائل فعلا تدل عالكذب الصريح هذا غصب تقوله روح الله يعطيك او عيب عليك
مثلا واحد حاط فيمتو والا بيبسي على مود دم ومسوي عمليه ويدور صوب سوق الديره والجبر يتلوى ويتعكف عشان يكسر الخاطر !وهو شاب نشيط مافيه إلا العافيه! ومن يحصل تهديد تلقاه يركض بين السيارات مافيه فيه إلا العافيه
صحيح ما اعرف إذا فيه ظروف حدته على هالشي ؟!
بس هل مثل هالتصرف مقبول؟!


ويجزاج يارب ..

وسبحان الله اقولج يا ديور الانسان الصادق ينعرف من الكذاب ..
بس انسان بصحته وبعافيه ويتسأل ما نعرف ظروفه صحيح
لكنه انسان الله عطاه الصحة والعافيه
او يمكن حدته ظروف الزمن
علاج
اسرة كبيرة
امور اخرى ..

ومثل هالناس الي عندهم عوائل باب الجمعيات الخيرية مفتوحه لهم وبعد بحث الحالة ..
وموافاتهم للشروط وحالتهم صعبة
اتوقع تساعدهم الجمعيات .

[شبح الصمت]

العنوان فيه غلط

واما


الله يجزاك خير



ويجزاك يارب

واتمنى الادارة تعدل العنوان

الله يجزاهم خير .

[مضارب دوسري]

انا عن نفسي ضد النهر والرد الغير لائق او التبليغ والتصوير

انا ضد التسول ايضا

ولكن دائما على حسب الشخص اللي يطلب امامي وعلى حسب قصته
وفي معظم الاحيان ادفع ولكن مبالغ بسيطه
1_5_10ريال

الى درجه واحد قعد يطلب ويحاول ويلح وانا مب مقتنع بكل كلامه

عطيته ريال
قال خلهم معك

قلت له احسن

فالافضل بدل النهر او التبليغ او او اذا كنت لا تريد ان تعطي احد او ضد هذه الظاهره عالاقل عطه مبلغ بسيط ماراح يزيدك او ينقصك
1 او 5 ريالات ماراح تغير مجرى الحياه

ولكن بتكون اتقيت النار ولو بشق تمره

[السيف5]

جزاك الله خير

والله ياجرك على قد نيتك

[الحياة الخالدة]

وعليكم السلام ورحمة الله وبركاته
مبارك عليك الشهر
جزاك الله خير .. ورحم الله والديك

[بوحارب]

مبارك عليك الشهر شبح

والله يجزاك خير ويزيدك من فضله

[العقل المدمر]

الى درجه واحد قعد يطلب ويحاول ويلح وانا مب مقتنع بكل كلامه

عطيته ريال
قال خلهم معك

قلت له احسن



ذكرتني فواحد قال لي يبي فلوس حق العشا
عطته 10 ريال قال هاذي انا شنو يشتري ؟
قلت له اشتر لك هابي ميل من ماك ب 10 والا هاتهم انا باخذ لي :(
صج يقهروني اللي يطلبون اكثر ودي اسحب الفلوس منهم :anger1:

[العقل المدمر]

قال الشيخ ابن عثيمين رحمه الله: لكن بلاءنا في الحقيقة في رد السائل هو أن كثيراً من السائلين كاذبون؛ يسأل وهو أغنى من المسؤول، وكم من إنسان سأل ويسأل الناس ويلحف في المسألة فإذا مات وجدت عنده دراهم الفضة والذهب الأحمر والأوراق الكثيرة من النقود! وهذا هو الذي يجعل الإنسان لا يتشجع على إعطاء كل سائل، من أجل الكذب والخداع، حيث يظهرون بمظهر العجزة وبمظهر المعتوهين والفقراء وهم كاذبون. انتهى.

المصدر: http://fatwa.islamweb.net/fatwa/index.php?page=showfatwa&Option=FatwaId&Id=167487

وعشان جذي الواحد يتعامل مع الجمعيات احسن واذا فيه شخص محتاج مابيقصرون معاه
ومع اني ضد الهواش والتهديد بس لازم يكون في تصرف معاهم لان الاغلبية الشبعانة منهم
نشبة ولزقة ويأذون خلق الله ولا يفجون عنهم

[QtrGate]

الي يسئل عطه حتى لو خمس ريال
الجذاب يُبين والمحتاج يُبين
وانت بكيفك كم تعطيه

كان يجينا شخص من جنسية عربيه
يطلب الملابس القديمة
ويقول لاهله ولجيرانه وان في منطقته كلهم محتاجين

كنّا نشوف أقاربنا والي يعز علينا ونجمع له ملابس شهرياً
الى ان صادفته في سوق الحراج يبيع الملابس ولديه بسطه
لما شافني أنصدم. من يومها ماشفته

[تاجر كشخة]

بارك الله فيك اخوي شبح الصمت وبارك الله في هلك وعيالك الله يجزاك الجنة الله يكثر من امثالك الله يوفقك دنيا وآخره

[CH Engineer]

شبح الصمت*
الله يبارك لك في مالك

بس وأما السائل فلا تنهر معناها مختلف
الجمعيات الخيريه ماتقصر بس الواحد مايعرف ظروف الي قدّامه
مرات رفيجك عنده خير ونعمه ويتسلف منك
ماشوف فيها شي لو تعطي غيرك مبلغ بسيط لو محتاج

الي يجيك ومعاه ورقة طبيه مزوره والسوالف هذي المفروض يمسكونه ويبعدونه
والي يلحقك غصب الا وتدفع هذا يمسكونه ويبعدونه

بس الي قاعد بحاله تبي تعطيه او لا المفروض يتساهلون شوي مع المحتاجين
برع اشوف الإنجليز ينشرون ثقافة التبرع للمحتاج وعندنا العكس

كم حالة مرضيه أتم بالأسابيع والشهور في الجمعيات ولا يكتمل المبلغ
الواحد يحمد ربه على النعمه

[سالم الزهران]

عسى الله يتم لنا ولكم العمل الصالح

شبح الصمت ، الله يوسع رزقك و يعينك على فعل الخير

القصة مؤثرة ، رغم انا ما شفناها و عسى الله يسد حاجة كل محتاج

[بوخالد911]

الله جزاك ع قد نيتك.
والله يتقبل منا ومنكم.

[شبح الصمت]

الله يجزاكم خير جميع ..

[معماري قطري]

السلام عليكم ورحمة الله وبركاته ،،،

مبارك عليكم شهر رمضان الفضيل .
والله يتقبل منا ومنكم يارب
ويكتب لنا ولكم اجر صيامة وقيامة


الموضوع متكرر ونزلت فيه مواضيع كثيرة من قبل
وفي كلام صحيح انقال عن البعض


ولكن
انه تهاوش شخص جاك وما تعرف حاجته وتهدده على انك بتقطع رزقه .
فانا اشوف هالشيء خطا

انسان يجيك معلق بطاقته ويرويك اسمه ما اتوقع انسان شغال طراره ..

موقف حصل لي امس وعور قلبي
وادري في ناس بتقولي انت اشفيك وليش يعورون قلبك خلهم يروحون للجمعيات الخيرية او يرجعون بلادهم .

انا معاكم في كل شيء بتقولونه
ولكن ضدكم في انك تنهر شخص وتهاوشه وتذلة ..

رجال كسا البياض شعر راسه ولحيته
ويرى من بعيد شخص مقارب لعمره يتقدم اليه بخطوات متانيه

يتقدم يقف امامه يريه ورقه ويشرح له وضعه وانا اشاهد المنظر بدون ما يحس فيني
في لحظة اشوفه ياشر الشيبه ويهاوش ويرفع تلفونه ويصور هالمسكين ويهدده انه راح يبلغ عليه ..


ليش !!
رجع لمكانه وتسند على الطوفه مسكين ويمش عرق وجهه ..


قعدت اشوفه واتامل فيه شلي حده هالانسان في هالعمر على هالفعل ..
قام وقف اشرت له

جاني سلمت عليه
يا عم كيف حالك طمني عليك ..

بدون تصنع
الحمد لله على كل حال يابني ..

شلي قاصرك ليش تمد يدك
قالي الحاجه يا ابني الشغل يوم و10 ما يجيني وساكن بسكن لا كهربى ولا ماي مقطوعة فيها ..

طبعاً اذا اعطيت لا تتكلم
لكني بتكلم عشان العالم تحس والله يغفر لي ويرحمني

مديت يدي للبوك وطلعت الي فيه وانا اعرف كم عندي وادري راح يقضي حاجته لفترة بسيطة جدا ..

قام يبكي هالشيبه وعيالي الصغار معاي
قلت له يا عم رزق والله ساقه لك


ليش ننهرهم
ليش نصدهم

ياخي ما عندك قوله الله يستر عليه
سبحان الله الانسان يبين من هيئته .

والله العظيم قعد يدعي لي وان اقوله خلاص يا عم روح الله يستر عليك ..



وسبحان الله امس اعطيت

واليوم جاني رزقي
سبحان الله اضعاف اضعاف الي انفقته 100 مره


سبحان الله
ربك ما ينسى عباده
واصدق النيه مع الله ومع نفسك ربي يبارك لكم ..


اسف على الطاله




تستاهل كل خير اخوي شبح الصمت والله أدمعت قلبي قبل عيني

[شبح الصمت]

تستاهل كل خير اخوي شبح الصمت والله أدمعت قلبي قبل عيني



تستاهل الطيب ياخوي ..
وصدقني ما طرحت الموضوع الا لاني شفت في هالانسان ضعفه ..

وسبحان الله الصادق ينعرف من الانسان الكذاب ..

والله يغفر لنا ويرحمنا برحمته ..

[معماري قطري]

أُم العيال قبل رمضان سمعت عن عائلة بلوشية لها سنتين بدون مكيف .. كبرى بناتها 18 وعندها كم ولد وابوهم غير موجود .. شرت مكيف وطلبت توصيله لهم وتواصلت مع الأُم .. تقول الأُم شكرتها وفكرت تروح تشوف واقعهم .. وتقول واقعهم صج محد يتخيله

هذي مشاهد بسيطة ننقلها يمكن يوصل صوتنا لصناع القرار في حكومتنا ومن هم قائمون على جمعياتنا الخيرية .. المشكلة عائلات ذويها امتهنوا مهنة لا تسمن ولا تغني من جوع ومتعبة كالفراش والحمالي .. ولا عندهم هويات واثبات شخصية أو هاربين من التجديد لأسباب كثيرة .. يعيشون على الكفاف ويخافون يسئلون حاجة ومقطوعين من كل جهة ويعزون قطر ولا يعرفون غيرها

لا أزال أذكر الحمالي في سوق واقف الذي عرف والدي وسلم عليه بعد 20 سنة من انقطاع الوالد عن السوق .. والفقر ليس انتقاص لإنسانية الانسان لكنه امتحان لميسوري الحال حتى يعطفوا على هذا الفقير .. وحقيقة أتمنى من جمعياتنا الخيرية ومن ميسوري الحال الالتفات لهم

[معماري قطري]

تستاهل الطيب ياخوي ..
وصدقني ما طرحت الموضوع الا لاني شفت في هالانسان ضعفه ..

وسبحان الله الصادق ينعرف من الانسان الكذاب ..

والله يغفر لنا ويرحمنا برحمته ..

اللهم آمين ويتجاوز عن أخطاؤنا دوم نحكم على الناس بالمظهر

[معماري قطري]

بعضهم حتى الجمعيات الخيرية يخافون يطلبونهم بسبب وضعهم القانوني واقامتهم ولازم تلتفت لهم الحكومة

[ya3coub]

أخوي شبح الصمت الله يكثر من امثالك للأسف الواحد مرات يشوف مثل هالتصرفات و ما يقدر يتدخل.


حتى بالنصح و اشكر ايضا القائمين على برنامج صدمة, عسى و لعل يوعي بعض الناس للتصرفات الغلط و انهم يتدخلون و يستنكرون الخطأ.



الله يجزيك خير يا رب و مرات الواحد يقول يا رب تسمح لنا لما ننهر او نعتذر لحاجة انسان او نشكك فيها بما ظهر ولا نعلم المخفي.

مرات الواحد وده يساعد و مرات يحس بأن يتم استغلاله


الخير مهم و انك تكتب موضوع ايضا مهم جدا للأسف البعض يقول لما تسوي شي خير اسكت لا يبا غلط انك تسكت الي صار بينك و بين الشخص لوجه رب العالمين, كثير ناس محتاجة بس حاجتنا احنا اكثر منهم للمغفرة و تطهير انفسنا و اموالنا و اهلنا و رزقنا انه نعطيهم حقهم و الي بيجينا من هالفعل احنا بحاجته اكثر من حاجتهم للمال

[بصمة قطرية]

لا حول و لا قوة إلا بالله
والله حرام كبير في السن و يسوي فيه جذي ..!! :(
على الأقل يحترم كبر سنه
ما اعتقد رجل كبير في السن بيجي يطلب و هو مب محتاج
الحاجة صعبة الله يكون في عون كل محتاج ..
بصراحة مرات نحتار نعطيهم و لا ما نعطيهم
الكبار في السن وضعهم غير ..
بس الشباب و الحريم ..!!!
أكثر من موقف صار لي و اكتشفت كذبهم
هاي اللي يخليني أتردد مرات ..

الله يجزاك خير يا شبح
من فرج عن مؤمنٍ كربةً من كرب الدنيا
فرج الله عنه كربةً من كرب يوم القيامة ..
عن تجربة مجرد ما الواحد يفرج كربة شخص و يساعده
الله يفتحها عليه و يرزقه على طول ..
الصدقة فضلها عظيم ..

[Mohammed2]

جزاك الله خير

بس بخصوص العنوان واما السائل فلاتنهر
هذه الايه تخص النبي محمد صلى الله عليه وسلم فقط

[qatara]

اعطي بنيتك على قدر استطاعتك

لوجه الله وليس هل هو محق ام كاذب

واترك نية السائل على السائل يوم الحساب

[Qtr37]

في سياق هذا الموضوع
انا عندي استفسار
لو يجيك سائل بشكل دوري تقريبا كل اسبوع ولعدة سنوااااات تقريبا من خمس او من ست سنوات،، هذا ايش الحل معاه؟! وايش نعتبره؟!