مطلوب اقتراحاتكم

[QtrGate]

السلام عليكم

ومبارك عليكم الشهر

ارفق لكم في المرفقات شكل ارضي ومحتاج مساعدتكم في بعض الاستفسارات لانها بتكون تمهيد لبداية تصميم بيت العمر..

1- ماهي مساحة البناء التقريبية التي تناسب مساحة الارض (901) وتكون مريحه من الداخل والخارج ؟؟
2- ماهو افضل موقع لمدخل باب الحوش ومدخل مواقف السيارات ؟؟
3- ماهو افضل موقع للملاحق الخارجية والمجلس الخارجي ؟؟

في انتظر اقتراحاتكم ،،،،

[معماري قطري]

تعتمد على احتياجاتك .. تقدر تسوي تصاميم ما لها نهاية

الأرض لو حولها شوارع فرعية تقدر تفتح الباب على أي جهة بس تبتعد من الزاوية المشطورة 5 متر أقل شيء

هذي رسمة سريعة ومبسطة وتفاصيل التصميم موجودة في موضوع مراجعة المخططات المعمارية

تقدر تسوي مجلس جدام البيت عندك حول 8 متر ارتداد وورا الملحق وباب البيت في الزاوية يسار ممكن

http://i.imgur.com/eTWOewC.png

[r3aad]

حاول تروح لمكتب استشاري زين ويكون قوي يقدر يطلع لك ارتدادات ظ،.ظ¥ من البلديه ويعطيك مقترحات للفيلا بالتصميم ويلز لك المجلس والملاحق في زاويه ويخصص لك مكان مفرد للحوش ويتحكم لك فالمساحات ويستغلها
وعندك اخوك معماري احسن واعرف شخص في هالامور الله يعطيه الصحه والعافيه الكل يرفع له القبعه ويتعلم منه

[معماري قطري]

مشكور إخوي رعد شهادة اعتز بها

المكاتب أكيد عندها حلول بس يقهرون بلفهم ودورانهم أول شيء .. المفروض الواحد يروح يعطونه نماذج تناسب أرضه وكلها كوبي أند بيست ويخلص مقترح مبدئي أو حتى 10 مقترحات بتسعيرها وبتكلفة التصميم وبمحاسنها ومميزاتها حتى الواحد يقدر يقرر .. لكن يقط لك شيء مختصر وبطلعة روح وبعضهم ياخذون اسبوع واثنين ويحطون نوذج عندهم بس يجردونه من تفاصيله

[sweet qatar]

عليكم السلام ورحمة الله وبركاته


مبارك علينا وعليك .. والله يبلغنا واياكم أجره





اخوي مثل ما ذكر لك استاذ معماري .. التصاميم مالها نهاية



المفروض تعطي المهندس احتياجاتك و ذوقك بدون ماتحدد توزيع او تصميم ، وماتخليه رسام بس

عشان يحلل الفلوس الي بياخذها :)


لكن ما يمنع نناقش بعض التصاميم ، لعلها تفيد



http://download.mrkzy.com/e/1016_344b2ae8764d1.png



http://download.mrkzy.com/e/1016_aa2b5beb97992.png



حاولت قد ما اقدر اتذكر تصميم الفيلا ، كانت وايد مرتبة ماشالله

[معماري قطري]

فيه تصميم موفر للأرض يجي مستطيل هذا بيكون مناسب وهو ناقشناه في مراجعة التصاميم المعمارية

[sweet qatar]

فيه تصميم موفر للأرض يجي مستطيل هذا بيكون مناسب وهو ناقشناه في مراجعة التصاميم المعمارية


ودي استغل الموضوع عشان اوضح بعض الاشيا المؤثرة في البيت ونحاول نوعي بعض بالي نعرفه او مر علينا


دخلت بيوت على 700 متر ، شرحة و توسع الخاطر

و بيوت على 1700 ضيق و غمتة


شوف المخطط الي حطيته لفيلا وااايد حبيتها و بغيت اشتريها لكن للاسف صاحبها كان يبي ياجرها بس

هالكلام من سنتين تقريباً ، الله يهني صاحبها والي سكن فيها

بس للحين كل ما تطري علي اتذكر شعوري لما دخلتها

على بساطة التصميم بس كان وااااايد مرتب

[معماري قطري]

ودي استغل الموضوع عشان اوضح بعض الاشيا المؤثرة في البيت ونحاول نوعي بعض بالي نعرفه او مر علينا


دخلت بيوت على 700 متر ، شرحة و توسع الخاطر

و بيوت على 1700 ضيق و غمتة


شوف المخطط الي حطيته لفيلا وااايد حبيتها و بغيت اشتريها لكن للاسف صاحبها كان يبي ياجرها بس

هالكلام من سنتين تقريباً ، الله يهني صاحبها والي سكن فيها

بس للحين كل ما تطري علي اتذكر شعوري لما دخلتها

على بساطة التصميم بس كان وااااايد مرتب

أَكيد معاج حق .. فيه تصميم شرح ويفتح النفس وتصميم عشوائي وما فيه ذوق

تصميم البيت مرتفع ودرج مدخل البيت كأنه درج مدرسة ( شفت واحد مسوين له عرض 15 متر وسبع درجات كل وحدة 15 سم ) بهالطريقة البيت يكون غير مرحب بمن يدخله .. النور والزراعة والنور طبيعي وصناعي والزراعة داخلية وخارجية والماء كذلك كلها عناصر مهمة لإضفاء البهجة .. اللون مهم خصوصاً الملك الأبيض والاكسسوارات من ألوان ثانية بارزة .. المواد والخشب

اللي يمر في مناطقنا يشوف غالبية البيوت تصميم عشوائي ويحس بالمنطقة تدل على الفئة اللي فيها .. بعضها لا راقية ومتعوب في تصميمها .. وبين ذي وذيك نشوف منزل مميز بالكامل ويلفت نظرنا ونقول هذا أفضلها

[sweet qatar]

أَكيد معاج حق .. فيه تصميم شرح ويفتح النفس وتصميم عشوائي وما فيه ذوق

تصميم البيت مرتفع ودرج مدخل البيت كأنه درج مدرسة ( شفت واحد مسوين له عرض 15 متر وسبع درجات كل وحدة 15 سم ) بهالطريقة البيت يكون غير مرحب بمن يدخله .. النور والزراعة والنور طبيعي وصناعي والزراعة داخلية وخارجية والماء كذلك كلها عناصر مهمة لإضفاء البهجة .. اللون مهم خصوصاً الملك الأبيض والاكسسوارات من ألوان ثانية بارزة .. المواد والخشب

اللي يمر في مناطقنا يشوف غالبية البيوت تصميم عشوائي ويحس بالمنطقة تدل على الفئة اللي فيها .. بعضها لا راقية ومتعوب في تصميمها .. وبين ذي وذيك نشوف منزل مميز بالكامل ويلفت نظرنا ونقول هذا أفضلها


صدقت والله



تذكرت بيت 900 متر ، اكثر شي عجبني فيه تصميم المجلس الخارجي

الفيلا كانت عادية جدا ستاندرد ، وحركة حلوة مسويها صاحب البيت انه صاف الملاحق صف ورا البيت


http://download.mrkzy.com/e/1016_88b3d99543b51.png



المنطقة البرتقالية هذي مظلة كراج كويك سبان خلت المكان كتمة


على اني حبيت فكرة الملاحق ، لكن اشوف ان الحوش كله ضاع في الكراج ، و وجود غرفة السايق بين الملاحق يحرم اهل البيت من الاستمتاع بالحوش طول الوقت

[معماري قطري]

لازم جزئية تخرب على جزئية .. مشكلتنا التخطيط يرفض فتح باب السائق على الخارج وانا اشوف أحسن حل قرب الباب الخارجي بحيث ينعمل بابه برا بس مستور بجزء حايط وفي حدود البيت .. بس بيوت كثيرة ما يسمح حوشها ووضعها بهذا المكان

التخطيط ورا رفضهم أسباب أمنية منطقية بعد غير عن المنظر العام

[sweet qatar]

لازم جزئية تخرب على جزئية .. مشكلتنا التخطيط يرفض فتح باب السائق على الخارج وانا اشوف أحسن حل قرب الباب الخارجي بحيث ينعمل بابه برا بس مستور بجزء حايط وفي حدود البيت .. بس بيوت كثيرة ما يسمح حوشها ووضعها بهذا المكان

التخطيط ورا رفضهم أسباب أمنية منطقية بعد غير عن المنظر العام


المفروض هم يوجدون حلول ، يعرفون احتياجات البيت واساسياته

هذي غرف السكيورتيه في كل مكان تفتح على الشارع وين المشكلة !! بس يضيقون على العالم !!



http://download.mrkzy.com/e/1116_0560ad1d20791.png


http://download.mrkzy.com/e/1116_f485e6f169382.png



كل ما تذكرت بيت سويت له مخطط بسيط جداً عشان ما انساه

طبعا بدون قياسات ولا شي ، الاهم عندي اوضح التوزيع


المخطط الاخير شفته لبيت في الناصرية


حلوة المسافة بين الفيلا والملاحق الخارجية ولو انها مب واضحة في الرسم لان الفيلا كانت اكبر من جذي

ممكن تنحط جلسة خارجية لان المكان صاد بياخذون راحتهم حتى لو الباب الخارجي مفتوح

[معماري قطري]

المفروض هم يوجدون حلول ، يعرفون احتياجات البيت واساسياته

هذي غرف السكيورتيه في كل مكان تفتح على الشارع وين المشكلة !! بس يضيقون على العالم !!



http://download.mrkzy.com/e/1116_0560ad1d20791.png


http://download.mrkzy.com/e/1116_f485e6f169382.png



كل ما تذكرت بيت سويت له مخطط بسيط جداً عشان ما انساه

طبعا بدون قياسات ولا شي ، الاهم عندي اوضح التوزيع


المخطط الاخير شفته لبيت في الناصرية


حلوة المسافة بين الفيلا والملاحق الخارجية ولو انها مب واضحة في الرسم لان الفيلا كانت اكبر من جذي

ممكن تنحط جلسة خارجية لان المكان صاد بياخذون راحتهم حتى لو الباب الخارجي مفتوح

انا بيتي أرضه 1200 وعلى شارع واحد بس رتبته صح .. ولو في يدي اضيف مجلس خارجي لكن التخطيط معقدين .. واللي اسويه ألحين في موضوع تعديل المخططات أفضل من اللي سويته لبيتي قبل حول 15 سنة حيث كانت الخبرة محدودة آنذاك

سويت حديقة ورا ودوار جدام ومدخل مرتب بزراعة وحطيت له صور .. إستغليت جزء من الحديقة النازلة ورا لعمل حوض سباحة وتم الحفر قليلاً حول نص متر والدفان حول متر ونص حتى يوصل الحوض في مستوى أرضية الصالة .. وهذي صورة للحوض مطل على الصالة التحتية من بسطة الدرج فوق

http://i.imgur.com/OBi5sMP.jpg

أذكر استشرت 3 مهندسين طرق منهم واحد عنده ماجستير طرق وواحد أدار أشغال فترة ومهندس شيبة مخضرم وكلهم قالوا لي تخطيطك للدوار صعب ووايد صغير وبتكون صعبة لفة السيارة عليه .. استويت الف بدون ما ارجع ريوس بالجي صج لازم انتبه بس بسهولة .. وكنت محرك البيت 13 متر من جدام ارتداد و6 أمتار و3 في بعض الأماكن و 4 وراء .. أحد المهندسين الفلسطينيين قال مخلاش خُرُم إبره ما استغله

[معماري قطري]

كنت مسوي هذي الزاوية مشطورة 45 درجة ومسوي الواجهة الزجاجية أكبر بس غيرها لزاوية 90 درجة أثناء التنفيذ لإستغلال الجهة الخلفية كصالة تلفزيون بمقاس 3 في 6 متر

[معماري قطري]

صورة شوي يسار الصورة فوق تبين الصالة التحتية تحت بسطة الدرج ووراها صالة الجلوس المفتوحة على حوض السباحة وحطيت لها مقطع فيديو من أيام في قناتي في اليوتيوب ونقلته هنا .. قناتي hamadqatar للي يبغي يتابع التفاصيل


http://i.imgur.com/INRIm8W.jpg

[sweet qatar]

كنت مسوي هذي الزاوية مشطورة 45 درجة ومسوي الواجهة الزجاجية أكبر بس غيرها لزاوية 90 درجة أثناء التنفيذ لإستغلال الجهة الخلفية كصالة تلفزيون بمقاس 3 في 6 متر


بالضبط هذا الي جا في بالي ليش ما خليتها واجهة زجاجية كاملة


ماشالله المكان مرتب ..


لكن اتخيل الي بيدخل صالة التلفزيون وهو مبلل بينقلب على راسه :)

ماشالله منظر الماي يشرح الصدر ، و حلوة الجلسة الي على حوض السباحة الله يبارك

[معماري قطري]

بالضبط هذا الي جا في بالي ليش ما خليتها واجهة زجاجية كاملة


ماشالله المكان مرتب ..


لكن اتخيل الي بيدخل صالة التلفزيون وهو مبلل بينقلب على راسه :)

ماشالله منظر الماي يشرح الصدر ، و حلوة الجلسة الي على حوض السباحة الله يبارك

لا إختي كل شيء ورا هذي الصالة ممر بس .. فيه حمام خارجي مع شاور بخار وفيه جلسة مع تلفزيون بالبلاط المخشن ما يزلق كلش ورا .. بلاط الصالة اللي في الصورة صج يزلق

[معماري قطري]

يعني اللي بيفكر في الحوش كتجزئة بيحصل مدخل جانبي ومقابله مظلة لأربع سيارات وجزء مقابل مدخل البيت فيه مظلة عبارة عن مكتب فوق ومكان لوقوف سيارة أو للتنزيل قرب باب الصالة .. ومظلة جنب الدوار حق 3 سيارات هذي اللي سويتها حديد بتلبيس خرسانة .. والزراعة جاية في الأطراف .. وورا عندي جزء حوض السباحة وجزء جلسة قرب الحوض ملمومة وصغيرة .. 3 في 6 وجزء حديقة خارجية للباربيكيو ومظللة بعريش

[sweet qatar]

لا إختي كل شيء ورا هذي الصالة ممر بس .. فيه حمام خارجي مع شاور بخار وفيه جلسة مع تلفزيون بالبلاط المخشن ما يزلق كلش ورا .. بلاط الصالة اللي في الصورة صج يزلق

اي انا اقصد الي بيدخل الصالة الداخلية


شفت الفيديو على قناتك في اليوتيوب

انت لو تسمعني و تسوي سناب عقب تحفظ السنابات في اليوتيوب بتوصل المشاهدات بالالاف


ماشالله المكان في الفيديو اشرح من الصور



نسيت امس اقول عن مجلس صممه وليد الجابر في الكويت

عجبني انه صمم كورنر للبوفيهات

يعني تدخل الديوانية لوبي وعلى يمينك مكان كله طاولات بوفيه ومقابلك المجلس



حبيت الفكرة بس ما فهمت شلون بيستخدمونها !

[معماري قطري]

عاد وين انا مب مبلتع سمعتي تعليقي شلون فضيحة وممل خليني على بعض التوضيحات في اليوتيوب وايد علي

[sweet qatar]

عاد وين انا مب مبلتع سمعتي تعليقي شلون فضيحة وممل خليني على بعض التوضيحات في اليوتيوب وايد علي


متواضع استاذ معماري :)


شفت الفيديو الشرح واضح

بس السناب وايد يسهل عليك الموضوع

شوف هذا الفيديو للمصمم وليد الجابر ، كان يشرح على السناب وجمع السنابات ونزلهم في اليوتيوب

https://www.youtube.com/watch?v=UDtzXcn024U



ان شالله اذا فضيت بحط مخطط المجلس الاخير الي صممه


ابي اعرف ليش مجلس الرجال عندنا لازم يكون خارجي ؟

[معماري قطري]

متواضع استاذ معماري :)


شفت الفيديو الشرح واضح

بس السناب وايد يسهل عليك الموضوع

شوف هذا الفيديو للمصمم وليد الجابر ، كان يشرح على السناب وجمع السنابات ونزلهم في اليوتيوب

https://www.youtube.com/watch?v=UDtzXcn024U



ان شالله اذا فضيت بحط مخطط المجلس الاخير الي صممه


ابي اعرف ليش مجلس الرجال عندنا لازم يكون خارجي ؟

ما شاء الله المقاطع مفيدة وفيها أُمور ناسيها ولا التفت لها أوقات باحطه في يوتيوبيات البناء ( سرقة علنية ) بس لازم اشوف الباقي

بالنسبة لمجالس الرجال تكون خارجية أحلى وعملية ومبتعدة عن البيت للعزايم والحشرة والسهرات عادي حتى لسكن الضيوف

[sweet qatar]

ما شاء الله المقاطع مفيدة وفيها أُمور ناسيها ولا التفت لها أوقات باحطه في يوتيوبيات البناء ( سرقة علنية ) بس لازم اشوف الباقي


ههههههه حلالك

هذا الله يسلمك شغلنا .. التصميم الداخلي :)






بالنسبة لمجالس الرجال تكون خارجية أحلى وعملية ومبتعدة عن البيت للعزايم والحشرة والسهرات عادي حتى لسكن الضيوف




بس كثرة الملاحق في ارض احيانا ما تتعدا 1200 ما يخدم كثر ما يضيق

شوف الكويت والسعودية

مجالس رجالية بملاحقها مفصولة فصل تام عن مجالس الحريم



حتى سالفة المطبخ ليش داخلي و خارجي ، مطبخ واحد يكفي

[معماري قطري]

دوم هذي فكرتي حق المطبخ يكون كبير وبارز .. يعني طالع من زاوية البيت متصل مع البيت وفي نفس الوقت شبه خارجي حتى سقفه نقدر نسويه جزء زجاجي أو منور فوق كاونتر الطبخ وخروج بايب الدخان يكون سيدة لفوق .. بنفس الوقت يكون متصل مع صالة الجلوس العائلية وصالة الطعام للتقارب الأُسري

مجلس الرجال لو كان في البيسمنت وله حوش نازل ومدخل خاص باب صغير من برا بيكون أحسن خصوصاً للأراضي الصغيرة