مكيفات الدكت سبليت ..... ما يشمل عنها ؟

[المعنى88]

السلام عليكم .... ايها الاخوة الكرام
تجربة المكيفات بانواعها تختلف بحجم الطن ونوع الصناعة ومكان تصنيعها والسعر والجودة وفترة الاستمرار
لكني عشت محتار ومتردد على تصميم وتنفيذ للمكيفات والمفاضلة بين السبليت والدكت سبليت في خارطة البيت مع الاستشاري
اذا لك رغبة لازم دراسة تشوف السعر والتصميم مايكون فيه عرقلة للتمديدات وقبل اعتمادها من البلدية في حالة الرغبة دكت سبليت ولا سبليت بس
عشان تراعي ارتفاع الدور والجسور الي تمر منها بيبات الدكت والسبليت يونت في هل الحالة يتطلب تختار مهندس تكييف تتفق معاه على التوزيع قبل لا يبدأ المقاول في التنفيذ

اللي حصل معاي انه درست ميزانيتي للمشروع وشفت اني قادر اسوي في البيت مكيفات الدكت سبليت والمشكلة صارت اني اعتمدت مخطط البيت بعد تصريح البناء على مكيفات السبليت فقط .... والتنفيذ مع المقاول وصل قبل صب سقف الدور الارضي ففي خلال شهرين قبل الصب كنت ادور على شركة تكييف من خلال مهندس تكييف يوزع
بشكل صحيح ...... الشركات تفاوت أسعارها بين الوكيل والموزع اللي يستورد من الوكيل وهاذي النقطة اللي ابغيكم تنتبهون لها ؟؟؟؟؟؟؟؟
كل العروض اللي جاتني طلعت نفس حجم الطن في توزيع الفيلا ونوع التكييف بين الدكت والسبليت يونت ..... ( يعني اختياري للفيلا اماكن في دكت واماكن سبليت يونت فقط )
لكن المشكلة في تسعير الشركات
جنرال العمادي -و جنرال من موزع طلع الفرق ما بينهم 80000 ريال
ميستوبيشي اليكتريك من بين 3 شركات تكييف طلع الفرق مابينهم ( 50000 - 70000 - 45000 )
مكيفات جري من الوكيل ورغم انه صيني طلع سعره فوق الميستوبيشي ( 50000 )
مكيفات msk من شركة المناعي صناعة الشارقة بالأمارات اقل من الميستوبيشي ( 20000 )

شفتو الفرق والتفاوت في السعر رغم ان حجم الطن نفسه والاختيار نفسه في نوع التكييف ؟

فا شفت العرض الأفضل والاقل والاجود واللي مايفرق عن مكيفات الجنرال هو مكيفات ميتسوبيشي اليكتريك تجميع تايلاند

اعتقد ان الصورة واضحة اللي حبيت انبه فيها اللي بيركب مكيفات الدكت سبليت من شركات تختلف اسعارها .... ولازم تختار اثناء التصميم والارتفاع للدور يكون
4.20 م مع مراعاة الجسور والحمام اعزكم الله والممر في تركيب الاجهزة .

[معماري قطري]

مشكور إخوي المعنى

[بوخالد911]

جزيت خيرا.

[Stars]

ممكن تفيدنا لو الفيلا بمساحة ظ،ظ*ظ*ظ* م
( غرف وصالات ومجالس )
كم تقريبا يكلف الدكت اسبلت بالتقريب

[Stars]

مساحة الفيلا ألف ومئة متر

[معماري قطري]

نظام التكييف الأمريكي كثير عملي وجيد .. يسوون دكت سبلت في الغالب أو باكج .. بس تكون وحدة البكج محمية في كراج السيارة المغلق وممددين للبيت كله أو تكون وحدات خارجية مجزأة لكل غرفة وصالة على الأرض في الحديقة .. والتمديد لبايب الغاز أُفقي لراحة الكمبريسر وهو يشتغل ولسهولة التبديل .. والوحدات الداخلية تكون في تجويفات في الجدار ومنها الدكتات لأَقصر مسافة وتنفتح في الحائط جانبية .. تكييف اقتصادي وعملي وقابلت فني جاء اشتغل في اللؤلؤة في قطر

[سعود.]

ممكن تفيدنا لو الفيلا بمساحة ظ،ظ*ظ*ظ* م
( غرف وصالات ومجالس )
كم تقريبا يكلف الدكت اسبلت بالتقريب

هنا جواب لسؤالك !!

شوف ردود معماري قطري و Azizuk

http://www.qatarshares.com/vb/showthread.php?611333-%C7%E1%CA%E6%D2%ED%DA-%C7%E1%E3%CB%C7%E1%ED-%E1%D8%E4-%C7%E1%CA%DF%ED%DD

[Azizuk]

نصيحه بخصوص المكيفات

من كم سنة وعندي مكيف كل ماسوي له صيانة ( غسيل و تعبئة غاز وتنظيف ) يشتغل كم سبوع ويرجع حار

بعد فترة جاني عامل وقال لي ان سبب الخراب هو فلتر من نحاس موجود في بيبات الغاز الموجودة في الوحدة الخارجية

وغالباً تنسد من الأتربة مع الماي وتسد مجرى الغاز من جذي الغاز مايأخذه راحته في المرور لعملية التبريد

( طبعاً الانسداد حدث قبل التركيب وأثناء التركيب اول مره لان البيبات كانت مكشوفة فترة من الزمن )

مرفق صور الفلتر وعملية تركيبة

97438


الفلتر قبل عملية القص
97439

الفلتر بعد القص
97440


الفلتر الجديد لاحظ ألون قبل الاستخدام لون النحاس الطبيعي
97441


اثناء التلحيم
97442

اذا حد عنده مشكلة في تبريد المكيف يغير الفلتر النحاسي

عذراً عن تنزيل باقي الصور المنتدى يحمل خمس صور فقط

وعذراً مره اخرى الى صاحب الموضوع أني خارج عن صلب الموضوع وأتحدث عن صيانة المكيفات

[Azizuk]

بخصوص اختلاف الأسعار الشركات

تختلف وتفرق بعض الشركات تعطيك مواصفات تختلف عن بعضها

ممكن شركة تعطيك عرض سعر على دكتات من الفلين المجلفن

و شركة تعطيك سعر على دكتات من صاج ( معدن )

طبعاً الصاج أغلا من الفلين المجلفن

حتى الصاج انواع في الهندي وفي السعودي من شركة سابك والتايلندي وتختلف أسعارهم

وحتى نوع الكمبرسر يختلف سعره من شركة وعلى حسب نوع الكمبرسر نفسه

ممكن كمبرسر 4 طن بستن اغلا من كمبرسر 4 طن حلزوني سكرول من نفس المصنع

في كمبرسر 3 طن بس يعطيك قوى وأداء طنين وثلاث ارباع او طنين ونص

وحتى حجم بيبات النحاس بالنسبة للمكيفات الامريكية اكبر حجم من المكيفات الشركات الآسيوية وسعر البيبات هنى يختلف

السعر يختلف بين الشركات على حسب مواصفات التصنيع نفسها

[معماري قطري]

بو سعود مشكور وما قصرت .. بخصوص تحميل الصور حمل عن طريق imgur وسجل فيه بايميلك ما تضيع الصور لو حبيت ترجع لها وفيه برنامج تحرير الصور

[Azizuk]

بو سعود مشكور وما قصرت .. بخصوص تحميل الصور حمل عن طريق imgur وسجل فيه بايميلك ما تضيع الصور لو حبيت ترجع لها وفيه برنامج تحرير الصور

هلا بوعبدالله نزلت البرنامج من زمان بس ماعرف استخدمة

انزل الصور على البرنامج وماعرف كيف انسخ او وين مكان نسخ الانك عشان انزله في المنتدى

قبل كان غلف أب سهل تنزل منه الصور

وحاولت انزل الصور عن طريق غوغل وبعد ماعرفت كيف الطريقة

ياليت يابوعبدالله توضح لنا بالصور كيفية تحميل الصور عن طريق برنامج imgur او اي برنامج اخر

[معماري قطري]

هلا بوعبدالله نزلت البرنامج من زمان بس ماعرف استخدمة

انزل الصور على البرنامج وماعرف كيف انسخ او وين مكان نسخ الانك عشان انزله في المنتدى

قبل كان غلف أب سهل تنزل منه الصور

وحاولت انزل الصور عن طريق غوغل وبعد ماعرفت كيف الطريقة

ياليت يابوعبدالله توضح لنا بالصور كيفية تحميل الصور عن طريق برنامج imgur او اي برنامج اخر

من تفتح البرنامج يطلع لك مكتوب فوق upload image هذا تضغط عليه ويعطيك خيارين أما براوز أو دراغ أند دروب وبعدين تختار اللنك اللي مكتوب عنده BBc وفيه آيكون للتحرير لو تبي

تحرير الصور انا اسويه قبل عن طريق برنامج الاوفيس فيه برنامج مايكروسوفت اوفيس بكجر مانيجر .. منه تصغر أو تكبر الصورة وتزيد انارتها حتى تبين واضحة

[المعنى88]

ممكن تفيدنا لو الفيلا بمساحة ظ،ظ*ظ*ظ* م
( غرف وصالات ومجالس )
كم تقريبا يكلف الدكت اسبلت بالتقريب

مساحة البناء 1048م .......... تكلفة الدك سبليت يعتمد على عدد الاجهزة اللي تبغيه او اللي يحدده المهندس اثناء التوزيع وعدد الفتحات

[المعنى88]

بخصوص اختلاف الأسعار الشركات

تختلف وتفرق بعض الشركات تعطيك مواصفات تختلف عن بعضها

ممكن شركة تعطيك عرض سعر على دكتات من الفلين المجلفن

و شركة تعطيك سعر على دكتات من صاج ( معدن )

طبعاً الصاج أغلا من الفلين المجلفن

حتى الصاج انواع في الهندي وفي السعودي من شركة سابك والتايلندي وتختلف أسعارهم

وحتى نوع الكمبرسر يختلف سعره من شركة وعلى حسب نوع الكمبرسر نفسه

ممكن كمبرسر 4 طن بستن اغلا من كمبرسر 4 طن حلزوني سكرول من نفس المصنع

في كمبرسر 3 طن بس يعطيك قوى وأداء طنين وثلاث ارباع او طنين ونص

وحتى حجم بيبات النحاس بالنسبة للمكيفات الامريكية اكبر حجم من المكيفات الشركات الآسيوية وسعر البيبات هنى يختلف

السعر يختلف بين الشركات على حسب مواصفات التصنيع نفسها

تأكد تمام ان الاختيار للكمبريسر البستن ـــــ والصاج هو من الحديد واللي شفته في السوق حاليا من الكويت والامارات تصنيع
والاطنان تختلف من 5 الى 3.5 و 2.5 وتجميع المكيف في تايلند

[المعنى88]

مشكور إخوي المعنى

العفو ياستاذ معماري نستفيد منكم في تجاربكم

[المعنى88]

جزيت خيرا.

ويجازيك انشاء الله

[الزجاجي]

موضوع جا في وقته .. جزاك الله كل خير

سؤال .. ليش ما شفت اسعار مكيفات دايكن و كاريير ؟
وممكن عنوان الشركة الي اتفقت وياها ؟

[معماري قطري]

انا نصيحتي للي بيركب دكت سبلت أو مركزي يحط التكييف من أساسيات التصميم ولازم يشوف مكتب أما يتعاون مع مهندس تكييف أو من ضمن طاقمه مهندس تكييف ويكون متوقع التكلفة من البداية وعارف التصميم كيف .. والمكتب ينسق الرسومات على هذا الأساس

لاحظت مبالغات عند البعض في الارتفاع والمصمم الانشائي إن وجد متعود على جسور نازلة وكبيرة وزاد الله من زاد ولا يدري شمتطلبات التصميم وتجي في راس المالك المسكين

كان معانا مهندس تكييف مختص قديم وكبر في السن ومرض ورجع مصر واستقال .. بعد فترة أحد من كانوا يعملون معه صار مسؤول اداري وطلبه وجاء يشتغل مرة ثانية وكان بحق خبير تكييف وحق مباني كبيرة وقاعات وفنادق ما نتكلم عن بيوت .. البيوت تكييفها سهل بس يحدد كل شيء من البداية

[Azizuk]

معلومة جديده

تم سحب وكالة مكيفات ميديا الصينية MDV قسم السنترال من شركة الدرويش

وخذتها شركة الجابر

شركة ميديا عندهم نوعين من خط الانتاج

خط انتاج خفيف اللي هو ماخذ الوكالة جنرال كول الريس

وخط انتاج مواصفات أمريكية خط الثقيل

الدرويش كان ماخذ وكالة خط الانتاج الامريكي

http://www.midea.com/global/

وهذا موقعهم

اما الشركة الثانية اللي تم سحب وكالتها من شركة الدرويش هي شركة كولكس الكويتية

http://coolex.com.kw

وذلك بسبب ضعف المبيعات لدى شركة الدرويش تم سحب الوكالتين

حتى شركة ترين سبق وتم سحب الوكالة من شركة الدرويش وأعطها الى شركة تديرها تبع الصالون الأزرق والآن تم سحب الوكالة من شركة إدارة الصالون الأزرق

والله اعلم من خذ الوكالة

تنبيه للأشخاص المقبلين على شراء وتعاقد مع شركات المكيفات

بس نقطة لازم أوضحها مازالت شركة الدرويش توفي بعقودها مع العملاء وصيانة المكيفات

كما مازالت تبيع مكيفات ترين الامريكية وذلك بسبب باعها الطويل في صيانة وبيع مكيفات ترين الامريكية مازالت تعطيك ضمان المصنع الام وتتحمل صيانتها وضمانها

[Azizuk]

انا نصيحتي للي بيركب دكت سبلت أو مركزي يحط التكييف من أساسيات التصميم ولازم يشوف مكتب أما يتعاون مع مهندس تكييف أو من ضمن طاقمه مهندس تكييف ويكون متوقع التكلفة من البداية وعارف التصميم كيف .. والمكتب ينسق الرسومات على هذا الأساس

لاحظت مبالغات عند البعض في الارتفاع والمصمم الانشائي إن وجد متعود على جسور نازلة وكبيرة وزاد الله من زاد ولا يدري شمتطلبات التصميم وتجي في راس المالك المسكين

كان معانا مهندس تكييف مختص قديم وكبر في السن ومرض ورجع مصر واستقال .. بعد فترة أحد من كانوا يعملون معه صار مسؤول اداري وطلبه وجاء يشتغل مرة ثانية وكان بحق خبير تكييف وحق مباني كبيرة وقاعات وفنادق ما نتكلم عن بيوت .. البيوت تكييفها سهل بس يحدد كل شيء من البداية


اخوي معماري اهم شي اللي يبي يبني ويركب دكت او سنترال

اول شي يتجنب الجسور الساقطة ويخلي جميع الجسور مخفيه يكلف شوي بس بيتجنب أمور كثيرة

والاهم يخلي لارتفاع مثل ماقال صاحب الموضوع 4.50 متر او 4.70 متر.

لان تقريباً .90 سنتيمتر راح يروح في ممرات الدكتات وديكور الجبس

انا في بيتي سويت الارتفاع 4.20 وصفيت على ارتفاع سقف 3.30

الارتفاع في البيت وخاصة المجالس والصالات يعطي البيت فخامة ورقي

اهم شي تحط في بالك ان مكيفات حجم 4 طن و 5 طن تحتاج كهرباء 3 فيز للوحدة الخارجية

وفتحت حائط مقاس مترين للتهوية مع مرور الدكتات

( عندك مكيف 5 طن في مجلس او صالة تحتاج تهوية مع مرور دكت فتحه في الحائط مقاس 1.90 متر )

وبعد لا تنسى مكان تركيب الوحدة الداخلية يفضّل تكون في دورات المياه بالنسبة للغرف او المجالس

والصالات تكون في الممرات

بس شوي صعبه على اللي يبني اول مره يغامر ويختار الأماكن بروحه

بالنسبة لي أني خضت تجربه كبيرة مع مهندسين التكيف ومشاكل كثيرة مع المقاول والكهربائي تعلمت أشياء واجد

والمشاكل اللي واجهتني اول شي الارتفاع والجسور الساقطة وأماكن تنزيل بيبات الغاز

والحمدالله تجنبنا أمور واخطاء كثيرة

في الاحسن ينعمل لها حساب في التصميم من البداية

بس نصيحة اي حد بيركب مكيف كمبرسر سكرول الحلزوني يركب 3 طن

لان اقل مكيف دكت سبلت يجي كمبرسر سكرول حلزوني 3 طن

واللي اقل من 3 طن يجي كمبرسير روتري جميع الشركات

معليش شكل الصيام مآثر على

[Stars]

اخوي عزيز ممكن توضح ايش تقصد بفتحة تهوية للدكت

������������
وفتحت حائط مقاس مترين للتهوية مع مرور الدكتات

( عندك مكيف 5 طن في مجلس او صالة تحتاج تهوية مع مرور دكت فتحه في الحائط مقاس 1.90 متر )

[Almuraikhi]

السلام عليكم
مبارك عليكم الشهر
حبيت انقل لكم تجربتي بعد دراسه طويله في موضوع المكيفات وفي الأخير تم القرار على السنترال من الميتسوبيشي
اول شي صممت البيت على السنترال وعملت الجسور المخفية مع ارتفاع اربع ونص وكل شي تمام
سويت مقارنه بين السبلت يونت والدكت سبلت والسنترال المركزي طبعا من الماركة المختارة ميتسوبيشي
السبلت معروف يخرخر ماي وصيانته غاليه اذا كل مكيف ميتين وخمسين ريال وغثا وقدني ضايق منه وسعره للبيت كامل سبع وعشرين مكيف تقريبا أميه وعشر آلاف ريال
الدكت اسبلت مشكلته عباله في التركيب وكثرت فتحات الجبس والوحدة اللي تركب في الحمام بعد تخر ماي بعض المرات ويخيس الجبس شفت هذي التجربة عند حد الاخوان والخمسة طن له صوت مزعج في السقف وطلع علي سعرة ميتين وعشرين الف
جيت حق الحبيب الغالي السنترال من واقع تجربه نسيبي مركبه من ست عشر سنه ما اشتكا منه والحمدلله وأخوه ركبه من ثلاث اسنين ولا اشتكا منه من نفس المحل متسوبيشي وجيت أنا ركبته فقط في الطابق الأرضي والطابق العلوي كامل مع الماستر روم ماعدا اربع غرف فقط بركب له سبلت لان السبلت في العادة في غرف النوم مايخترب لانه اقل اشتغال من الصالات والأماكن المفتوحه طلع علي مئه وخمسين الف ثلاث وحدات فوق السطح وأربع مكيفات اسبلت ست عشر الف وصيانته السنوية تكلف تقريبا الفين وارخص من السبلت يونت حتى
وبنينا وخلصنا ووصلنا مرحلت تركيب الدكتات اتمنا استفتوا من تجربتي والمقارنة والله يوفقنا معاكم

[معماري قطري]

عليكم السلام ورحمة الله وبركاته وتحية طيبة لجميع المريخات وأولهم الطيار محمد بن ظاهر صديق العمر

بس حبيت نبذة بسيطة عن مواصفات المتسوبيشي ونوعية الدكتات .. لأَن صراحة سعره كثير جيد

ولي تعليق بسيط عن السبلت العادي .. عندي غالبية مكيفات البيت ال جي التعيس وكلفني نص تكلفة الدكت سبلت اللي كنت ناوي اركبه جزئي للبيت بعد من عندهم .. الحمد لله 12 سنة للحين غيرنا بعضها وبعضها شغالة .. بس انا مركب عازل حراري للجدران بطريقة صحيحة وعازل حتى الجسور الخرسانية ومن فترة 3 - 4 سنوات ظللت الوحدات الخارجية .. عن الماي التنظيف مهم وضروري من وقت لوقت ومن أول تسريب ننظف وأحياناً نسوي ضغط هواء للتسليك وصيانة المكيفات ولا شيء صراحة .. سوينا غسيل للوحدات الخارجية الوحدة ب 30 ريال والماي جاهز فوق السطح ببرشر

[Azizuk]

اخوي عزيز ممكن توضح ايش تقصد بفتحة تهوية للدكت

ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½
وفتحت حائط مقاس مترين للتهوية مع مرور الدكتات

( عندك مكيف 5 طن في مجلس او صالة تحتاج تهوية مع مرور دكت فتحه في الحائط مقاس 1.90 متر )

هذا هو المقصود بفتحة التهوية فتحة يمر فيها الدكت بالهواء البارد والباقي هو فتحت رجوع الهواء للتهوية الوحدة الداخلية

97460

وهذا احد المشاكل اللي واجهتني مع الجسر الساقط والحمدالله تم تفادي المشكلة بنزول الدكت بعدين تم رفع الدكت مره ثانيه عشان ماينزل سقف الجبس

97461

وهذا بعض صور الدكتات

97462

97463

[معماري قطري]

ما شاء الله بيتك يبين أحلى يا بو سعود

بس لازم تركب درايش جيدة حتى تستفيد من التكييف عدل

[Almuraikhi]

الله يحيك اخوي معماري قطر
أكيد لازم تستغرب من السعر ماتنلام لان المساله اطلعت حسابيه بطن وحجم الوحدة كنت ابي اركب في الفيلا كامله ومساحتها 750 من غير بنت الهاوس طبعا لأَنِّي اذا شملت البنت الهاوس بتوهق مع الارتفاعات وبتجاوز القانون
المهم اول كوتيشن لي كان شامل الفيلا كامله من غير بنت الهاوس وطلع علي السعر 300 الف وأربع وحدات فوق السطح ثنتين كبار 30.5 طن وحده وسط 20 طن ووحده 9 طن قلتله لا كنسلي اربع غرف في الطابق العلوي وكل غرفه مساحتها خمسه ونص في خمسه بس ركبلي في الماستر روم والصاله فقط وش اللي صار فيه الحين ؟ أنقصت الوحدات وصغر حجمها بالطن اللي في الطابق الأرضي نفس ماهي والطابق العلوي كنسلي الكبيرة والمتوسطة وركبلي صغيرة 9 طن والصغيرة مب هينه مغطيه لي مساحة 130 متر مربع وهي تغطي 300 متر مربع وصار السعر 160 الف وبعد المفاوضات خليناه 150 الف ونوعيت الدكتات فوم اللي عنده
المحل اسمه البحريه للمكيفات والتبريد والماركه ميتسوبيشي الكترك طبعا هو موزع مش وكيل وعندهم مشاريع كبيرة و أحد المشاريع اللي مستلمينها جلدرن مول اللي في كتارا الحين مستلمين مكيفات المول كامله ومسوين لهم نظام تبريد الارضيه في المول نفس الحرم المكي في الصحن اعتقد في ساحة خارجيه في المول

[معماري قطري]

الله يوفقك اخوي المريخي وزين نستفيد من تجاربكم

انا صراحة قناعتي التامة للسبلت لكن ما يمنع إن شاء الله أخلط النوعين .. جاني فني تكييف مرة في بيت مأجره في فلوريدا وكنت طالب صيانة التكييف وتبديل مكيف نافذة في مجلس مبني بعدين للبيت وملصق به .. الفني قال الدكتات عندك صاج حديد وألحين ما يسونها كله فوم ومدح وايد في الحديد وإن الفوم مادة رخيصة ومن هشكل متخوف من شركات التكييف عندنا .. السبلت الجداري والمعلق في السقف بالنسبة لي كفاية ولا وجع الراس

[Almuraikhi]

الله يوفقك اخوي المريخي وزين نستفيد من تجاربكم

انا صراحة قناعتي التامة للسبلت لكن ما يمنع إن شاء الله أخلط النوعين .. جاني فني تكييف مرة في بيت مأجره في فلوريدا وكنت طالب صيانة التكييف وتبديل مكيف نافذة في مجلس مبني بعدين للبيت وملصق به .. الفني قال الدكتات عندك صاج حديد وألحين ما يسونها كله فوم ومدح وايد في الحديد وإن الفوم مادة رخيصة ومن هشكل متخوف من شركات التكييف عندنا .. السبلت الجداري والمعلق في السقف بالنسبة لي كفاية ولا وجع الراس
وياك الله يسلمك
نوعيت الدكتات الصاج موجوده عندهم بس أغلى طبعا والفوم أرخص يجيك ملبس الالمنيوم وقالي المدير ترا نفس الشي ومستحيل الفوم يصيدة شي وهو فوق ونصحني بالفوم وقالي لاتخسر نفسك ترا في النهايه نفس الأداء والفوم صعب ينكسر لانه مقوى الصاج بس يركبه لي في الأماكن المعرضه للشمس فوق السطح وعليه عازل حراري طبعا

[Stars]

الآه يبارك لك يالمريخي والربع كلهم
بس اللي اعرفه عن السنترال ان درجة الحرارة وحدة
للأماكن اللي تغطيه الوحدة يعني اذا الوحدة تغطي
الغرفة والصالة فدرجة الحرارة للاثنين وحدة

[Almuraikhi]

الآه يبارك لك يالمريخي والربع كلهم
بس اللي اعرفه عن السنترال ان درجة الحرارة وحدة
للأماكن اللي تغطيه الوحدة يعني اذا الوحدة تغطي
الغرفة والصالة فدرجة الحرارة للاثنين وحدة

الله يجازيك الخير اخوي
لا الله يسلمك انت تقدر تركب ريموت في كل غرفه تبيها
والغرفه اللي فيها ريموت يركبون فيها قطعه نفس البكس صغير في سقف الحمام الله يعزك هذا للتحكم
يعني الوحدة وحده ولها كذا ريموت شي درجت حرارته 20 وشئ 22 وشي مسكر عادي يعني مثلا عندي ركبت ثلاث أجهزت تحكم تحت وعلى وحدتين واحد حق غرفة نوم والثاني نص البيت والثالث النص الثاني

[Azizuk]

الله يجازيك الخير اخوي
لا الله يسلمك انت تقدر تركب ريموت في كل غرفه تبيها
والغرفه اللي فيها ريموت يركبون فيها قطعه نفس البكس صغير في سقف الحمام الله يعزك هذا للتحكم
يعني الوحدة وحده ولها كذا ريموت شي درجت حرارته 20 وشئ 22 وشي مسكر عادي يعني مثلا عندي ركبت ثلاث أجهزت تحكم تحت وعلى وحدتين واحد حق غرفة نوم والثاني نص البيت والثالث النص الثاني

اخوي المريخي توضيح بخصوص الريموت التحكم

هو عبارة عن صِمَام يفتح ويسكر ويتحكم في كمية تدفق الهواء

وجهاز التحكم يكلف تقريباً 3 آلاف ريال

قيمة الجهاز مكلفه في دينامو مع المدة يخترب

بعض الشركات مايوضح للعميل وإذا حد ساله عن السعر مايعترف له بالحقيقه او ان يقول له لا غير مكلف

وهو في الأساس حاط سعر جهاز التحكم من ضمن قيمة الدكت او قيمة المكيف والشغل بشكل عام

من الصعب انك تقدر تتحكم في درجة حرارة جهاز الوحدة الخارجية

هذا ممكن تتحكم في درجة الحرارة اذا انت مركب شيلار اللي هو يشتغل على الماي

وهو حاله نفس حال مكيفات اللي تشتغل على الغاز بس تكون الوحدة الداخلية في الممر او في دورة المياه

ونظام الشيلار يتركب في البنايات الكبيرة والمرتفعة زي الأبراج والفنادق وناطحات السحاب وغالباً يكون سعره غالي بالملايين ويتصمم المكيف على حسب حجم الطاقة المستهلكة

وهو يشتغل يتبرد الماي بالغاز ويتمرر من خلال بيبات واراديتر

الغاز يبرد الماي ويندفع بقوى من الوحدة الخارجية الى الوحدة الداخلية

ودايمن يندفع من تحت الى اعلى عشان الماي ينزل بقوة الاغرفتي ويتوزع على المبنى بالتساوي

او الوحدة الخارجية تتركب في سطح المبنى وفي هالحاله تحتاج خزانات الماي تكون فوق والخزانات تكون ثقيلة على المبنى

عشان جذي يفضّل ان الوحدة الخارجية تتركب تحت وتمدد البيبات فوق

وهو يعتبر مكيف صحي وهادي غير مزعج وبروده خفيفه بسب يستخدم في عملية التبريد الماي عكس مكيفات اللي تعمل على الغاز


ومعلومة ثانية كمبرسير مكيفات الشيلارات تكون زي البرغي تدفع الماي بقوى

معليش عورت روسكم بموضوع التكيف وطلع بحر وعالم ثاني في عملية تشغيله وتصنيعه

هذي صورة لمكيفات الشيلارات

Air Cooled Screw Chiller-Split series

97509

97510

[Azizuk]

اللي يبي يشوف الوحدات الداخلية مركبه في المجمعات وخاصه السوبر ماركات

اذا دخلت كارفور شوف فوق السقف راح تشوف الوحدات الداخلية معلقة لونها ابيض ومارة فيها بيبات الماي اذا المكيفات شيلارات او بيبات غاز اذا المكيف يشتغل على الغاز

عيب مكيف الغاز ان مايقدر يغطي تبريد ارتفاع او مسافة طوليه بمقدار 15 متر يضعف الغاز ومايوصل عدل ويجيك المكيف حار

بسبب قلة كمية وسرعة الغاز للوحدة الخارجية

من جذي يفضّل استخدام مكيفات تبريد المائي للحصول على نتيجة تبريد افضل

[معماري قطري]

كورس التكييف بو سعود صج من أصعب الكورسات دخلناه واعتمدنا على شعار ربعٍ تعاونوا ما ذلوا وكنا اثنين شطار يحلون كل واحد نص الاختبار والباقي نسخ وما نلحق نخلص .. اللي 100 معدله يطلع ب a واللي 95 بي يحصل

[Azizuk]

كورس التكييف بو سعود صج من أصعب الكورسات دخلناه واعتمدنا على شعار ربعٍ تعاونوا ما ذلوا وكنا اثنين شطار يحلون كل واحد نص الاختبار والباقي نسخ وما نلحق نخلص .. اللي 100 معدله يطلع ب a واللي 95 بي يحصل


وانت صاج يابوعبدالله الموضوع جداً صعب دراسة التكيف

لي صديق بريطاني من أصل عراقي يشتغل في بريطانيا مع شركة كارير مهندس تصنيع الوحدات الخارجية وماقصر معاي في المعلومات

وأخوه في أمريكا بعد مهندس في شركة هيولت باكارد hp بعد تخصص برمجة تكيف

تستغرب من التخصصات اللي احنا نظر لها نظره غير بس في الحقيقيه عالم اخر

عمري ماسمعت شخص قطري متخصص في التكيف

ممكن يصلح او عنده فكره عن المكيفات بس مب متخصص

[Stars]

يعطيك العافية اخوي عزيز وباقي الربع
والاه يتمم بيتك على خير
بغيت اعرف الشركة اللي تعاقدت معاهم للتكييف
وايش تقييمك لهم لو سمحت

[Azizuk]

يعطيك العافية اخوي عزيز وباقي الربع
والاه يتمم بيتك على خير
بغيت اعرف الشركة اللي تعاقدت معاهم للتكييف
وايش تقييمك لهم لو سمحت

الله يسلمك اخوي ستار

انا متعاقد مع شركة الدرويش

طبعاً شركة الدرويش لهم باع طويل في مجال التكيف

كثير من الناس لا ترغب في تركيب مكيفات الامريكية الا للي جربها

تعامهم جداً متعاونين مع العميل وفاهمين شغلهم بسبب خبرتهم

وكل شركة لهم ايجابيات وسلبيات

بس في شركات خاصه صغيرة تقوم بعمل مخطط وتركيب جميع انواع المكيفات ويقال انهم أرخص من الشركات المعروفة

لأنهم يجيبون بضاعتهم من الامارات تكون أرخص وتقدر تختار اي نوع شركة تكيف

الشي اللي من واقع تجربه وشفته في الفنادق أكثرها او معظمها تستخدم المكيفات الامريكية

اي شركة أمريكية التصنيع ممتازة

سكنت في الاْردن في فندق رويال الشيلار شركة كارير والوحدة الداخلية شركة ترين وكلهم امريكي

شركة كارير او يورك او ترين كلهم ممتازين اذا التصنيع امريكي


في نظام جديد نازل السوق العالمي اسمه vrv

وهو نظام تكون الوحدة الخارجية فيها ثنين او ثلاث كمبرسرات وتشغل عدد من المكيفات ممكن الوحدة الخارجية الوحدة تشغل 8 مكيفات مره وحدة تتركب فيها توصيلات انابيب الغاز وتتوزع على كل وحدة داخلية

وتقدر تستخدمها مع مكيف سبلت ومكيف كست ومكيف الكبت ومكيف الدكت مره وحده

وتقدر تشغل كل مكيف بروحه ماله شغل بالمكيف الثاني

يكون خط بيب الغاز خارج من الوحدة الخارجية ومتفرع بصمامات على كل وحده داخليه

هذا الجهاز جديد في السوق وحالياً اللي شفتهم تم تركيبهم هم شركة دايكن وشركة متسوبيشي

المنتج جديد ومب اي حد يعرف يركبة

فايدة الاثنين كمبرسير او ثلاثه كمبرسرات ان واحد يشتغل واثاني احتياط او ثنين يشتغلون واحد احتياط ويشتغلون بالتناوب

شوي النظام معقد بس موفر لطاقة تخيل تستخدم وحدة خارجية وحده وتشغل عليها 8 مكيفات

الوحدة الخارجية

97512

97513

للفنادق والبنايات الكبيرة

97514


صِمَام توزيع الغاز

97515

الوحدة الخارجية من الداخل وعدد الكمبرسرات

97516

[Azizuk]

هذا جهاز التحكم بتدفق كمية الهواء بين الدكتات للغرف

يعمل علي التحكم في كمية تدفق الهواء المار بالدكت ويمكن التحكم بها يدويا او بموتور كهربائي .

Split Dampers

97518

هذا موقع يقوم بشرح جميع استفساراتكم عن المكيفات وأنواعها وطريقة تركيبها

http://www.smartengs.com/2015/04/dampers-in-hvac-system.html

[Stars]

الله يبارك لك اخوي عزيز
يعني خذت من الدرويش ماركة ترين ؟

[Azizuk]

الله يبارك لك اخوي عزيز
يعني خذت من الدرويش ماركة ترين ؟

ويبارك فيك

لا والله خذة من عندهم مكيفات صينية الصنع ميديا خط الانتاج الامريكي mdv اللي هو خط الانتاج الثقيل يعتبر

وأسباب الاختيار اول شي ان الكمبرسر عليه ضمان خمس سنوات هذا غير فرق السعر بين الصيني وبين الأمركي الصنع طلع على فوق مائة الف

والشي الثاني وقت تركيب الوحدات الداخلية الامريكي راح يجي صنع الصين

تقنية المكيفات الامريكية القديمة لها ايجابيات ولها سلبيات

في قطعه مرور الماي تجي مكشوفة داخل الوحدة الداخلية ودايمن يتجمع فيها الوصخ ويسبب انسداد في مجرى التصريف

الصيني يجي مغلف هذا غير صوت التكيف لأمريكي شوي مزعج نوعا ما اما الصيني هادي وسهل الصيانة

الصيني ممكن يتصلح وهو في مكانه اما الامريكي لازم تنزل الوحدة الداخلية للصيانة

هذا غير ان الصيني ممكن تركب عليه اي قطعه اخرى

اما الامريكي لازم نفس القطعه الاصيله من أمريكا

بس الصراحة لأمريكي معاليه كلام

الخوف من الامريكي يتوقف التصنيع بسبب ارتفاع سعره ودخول المنتج الصيني السوق بقوى حيث اثبت جودته

هذا غير ان جميع الشركات الحين يتصنع المكيف في الصين مصنع ميديا يصنع لجميع الشركات مع تغير بسيط في الشكل والعلامات

حيث يوجد في مصنع ميديا خط انتاج المتسوبيشي وتوشيبا وسامسونغ وكارير ويورك وترين وجنرال ودايكن ومعظم الشركات التكيف

بس كل شركة تحدد متطلباتها من نوع الكمبرسر وبعض المواصفات الآخرى وكل شركة تحتفظ باسرارها

بس مازات الشركات الامريكية والاسيوية محتفظة بمصانعها في دول المنشأ الأصلية

زي شركة سامسنغ للتلفوزيونات موجود مصنع في كوريا والصين ومصر

شركات التكيف اللي لاحظته فيهم ان معظمهم الوحدات الداخلية من الصين

اذا الواحد يقدر يركب سنترال يركبه

بالنسبة لي احتاج كل غرفه تتحكم لوحدها

مشكلة السنترال يشتغل على جميع الأماكن وصعب التحكم في

ممكن يتركب في الصالات والمجالس والممرات ومداخل البيت

اما الغرف صعب التحكم في

مع العلم عندي في البيت مكلفني التكيف قيمة سنترال لأني طالب مواصفات زيادة

بالنسبة للمكيفات الجديد ذكرت في السابق ان النظام الجديد اللي هو كمبرسير السكرول اقل شي يجي 3 طن وطالع

ومادون يكون روتري

وهذا قطعه قَص مقطعي للكمبرسر سكرول ( حلزوني )

97519

97520

97521

وهذا كمبرسر اللي يجي في الشيلارات على شكل برغي حلزوني

97522

97523

معاليه شباب اشرح واجد واتعمق واجد في الشرح لتعم الفايدة والناس تعرف ايش اقصد

لأني انا خذة وقت طويل لين فهمت موضوع التكيف

[Stars]

ويبارك فيك

لا والله خذة من عندهم مكيفات صينية الصنع ميديا خط الانتاج الامريكي mdv اللي هو خط الانتاج الثقيل يعتبر

وأسباب الاختيار اول شي ان الكمبرسر عليه ضمان خمس سنوات هذا غير فرق السعر بين الصيني وبين الأمركي الصنع طلع على فوق مائة الف

والشي الثاني وقت تركيب الوحدات الداخلية الامريكي راح يجي صنع الصين

تقنية المكيفات الامريكية القديمة لها ايجابيات ولها سلبيات

في قطعه مرور الماي تجي مكشوفة داخل الوحدة الداخلية ودايمن يتجمع فيها الوصخ ويسبب انسداد في مجرى التصريف

الصيني يجي مغلف هذا غير صوت التكيف لأمريكي شوي مزعج نوعا ما اما الصيني هادي وسهل الصيانة

الصيني ممكن يتصلح وهو في مكانه اما الامريكي لازم تنزل الوحدة الداخلية للصيانة

هذا غير ان الصيني ممكن تركب عليه اي قطعه اخرى

اما الامريكي لازم نفس القطعه الاصيله من أمريكا

بس الصراحة لأمريكي معاليه كلام

الخوف من الامريكي يتوقف التصنيع بسبب ارتفاع سعره ودخول المنتج الصيني السوق بقوى حيث اثبت جودته

هذا غير ان جميع الشركات الحين يتصنع المكيف في الصين مصنع ميديا يصنع لجميع الشركات مع تغير بسيط في الشكل والعلامات

حيث يوجد في مصنع ميديا خط انتاج المتسوبيشي وتوشيبا وسامسونغ وكارير ويورك وترين وجنرال ودايكن ومعظم الشركات التكيف

بس كل شركة تحدد متطلباتها من نوع الكمبرسر وبعض المواصفات الآخرى وكل شركة تحتفظ باسرارها

بس مازات الشركات الامريكية والاسيوية محتفظة بمصانعها في دول المنشأ الأصلية

زي شركة سامسنغ للتلفوزيونات موجود مصنع في كوريا والصين ومصر

شركات التكيف اللي لاحظته فيهم ان معظمهم الوحدات الداخلية من الصين

اذا الواحد يقدر يركب سنترال يركبه

بالنسبة لي احتاج كل غرفه تتحكم لوحدها

مشكلة السنترال يشتغل على جميع الأماكن وصعب التحكم في

ممكن يتركب في الصالات والمجالس والممرات ومداخل البيت

اما الغرف صعب التحكم في

مع العلم عندي في البيت مكلفني التكيف قيمة سنترال لأني طالب مواصفات زيادة

بالنسبة للمكيفات الجديد ذكرت في السابق ان النظام الجديد اللي هو كمبرسير السكرول اقل شي يجي 3 طن وطالع

ومادون يكون روتري

وهذا قطعه قَص مقطعي للكمبرسر سكرول ( حلزوني )

97519

97520

97521

وهذا كمبرسر اللي يجي في الشيلارات على شكل برغي حلزوني

97522

97523

معاليه شباب اشرح واجد واتعمق واجد في الشرح لتعم الفايدة والناس تعرف ايش اقصد

لأني انا خذة وقت طويل لين فهمت موضوع التكيف



الله يجزاك الخير و يبيض وجهك

[Azizuk]

الله يجزاك الخير و يبيض وجهك

وجهك ابيض

انا اشوف كثير من الأعضاء تمدح مكيفات غري

مكيف ممتاز في الوقت الحالي من واقع شهادة الأعضاء

وشفت بيوت ومجالس وأجده في قطر عندنا ودوّل الخليج تستخدم مكيفات غري

مر عليهم معرضهم بطريق سلوى كبير وعنده جميع المكيفات والموظف بيشرح لك جميع الأنواع اللي عندهم

بس حط في بالك اي شركة بتاخذ منها تأكد ان الكمبرسر يكون سكرول

حتى لو تأخذ اكثر من حاجتك

يعنى اذا غرفه تحتاج مكيف بطاقة طنين ونص والكمبرسر روتري انا انصحك تأخذ 3 طن سكرول احسن

وإذا غرفة تحتاج مكيف بطاقة طنين خذ روتري طنين ونص وإذا الأمور تسمح خذ مكيف كمبرسر 3 طن احسن لك

مشكلة كمبرسر السكرول الحلزوني مايجي اقل من 3 طن في الوقت الحالي

شركة غري ماعندهم مكيفات دكت سبلت بطاقة 5 طن وانا عندي الصالات تحتاج 10 طن

اعلى طاقة كمبرسر دكت سبلت عند غري 4 ونص طن

اما مكيفات السنترال متوفرة عندهم جميع الاحجام

[Stars]

وجهك ابيض

انا اشوف كثير من الأعضاء تمدح مكيفات غري

مكيف ممتاز في الوقت الحالي من واقع شهادة الأعضاء

وشفت بيوت ومجالس وأجده في قطر عندنا ودوّل الخليج تستخدم مكيفات غري

مر عليهم معرضهم بطريق سلوى كبير وعنده جميع المكيفات والموظف بيشرح لك جميع الأنواع اللي عندهم

بس حط في بالك اي شركة بتاخذ منها تأكد ان الكمبرسر يكون سكرول

حتى لو تأخذ اكثر من حاجتك

يعنى اذا غرفه تحتاج مكيف بطاقة طنين ونص والكمبرسر روتري انا انصحك تأخذ 3 طن سكرول احسن

وإذا غرفة تحتاج مكيف بطاقة طنين خذ روتري طنين ونص وإذا الأمور تسمح خذ مكيف كمبرسر 3 طن احسن لك

مشكلة كمبرسر السكرول الحلزوني مايجي اقل من 3 طن في الوقت الحالي

شركة غري ماعندهم مكيفات دكت سبلت بطاقة 5 طن وانا عندي الصالات تحتاج 10 طن

اعلى طاقة كمبرسر دكت سبلت عند غري 4 ونص طن

اما مكيفات السنترال متوفرة عندهم جميع الاحجام



ونظام البستن ما عاد فيه او اشلون ؟

[Azizuk]

ونظام البستن ما عاد فيه او اشلون ؟

البستن طال عمرك على حسب النظام والقوانين الجديدة العالمية راح يتوقف تصنيعه عالمياً

لان يعتبر مستهلك لطاقة الكهربائية

اعتباراً من تاريخ 1/7/2016 ممنوع بيع المكيفات القديمة اللي هي البستن مع استخدام الغاز القديم r22

واستبدال الكمبرسر القديم بالجديد اللي هو كمبرسر السكرول ( الحلزوني ) والغاز الجديد اللي هو صديق للبيئة a410

ولاكن أتوقع راح يعطون التجار فرصة لمدة شهر او شهرين لتخلص من المنتج القديم من المستودعات

والغاز الجديد راح يتوقف تصنيعية سنة 2030 من جميع المصانع في العالم

يعنى بعد سنة 2030 الله يعين العالم تغير الكمبرسرات او المكيف بالكامل بالغاز الجديد مع الكمبرسر الجديد

بس الواحد مايعرف شنو من تغيرات راح تصير في القوانين في العالم

حالياً الدول المصنعة للغاز القديم هم الهند والصين وسنة 2030 عالمياً راح يتوقف تصنيعية

لان الغاز r22 ضار للبيئة وعلى طبقة الأوزون

قرار توقف استيراد النظام القديم قديم جداً من ثلاث سنوات

والدول المجاورة طبقة القانون الجديد من ثلاث سنوات السعودية والإمارات وباقي الدول

الكمبرسرات الجديدة هي سكرول ( حلزوني ) وروتري

الغريب عندنا قرار النظام الجديد راح يطبق على مكيفات السبلت والوندو فقط حالياً

[Azizuk]

هذا قصر يُبين في عدم وجود جسور ساقطة فلات سلاب لتمرير كدتات مكيف السنترال

التصوير من بعيد شوي الجو كان حار وصورت سريع سريع من بعيد

97615

97616

97617

97618

97619

[معماري قطري]

مشكور يا مهندس عبدالعزيز على الصور

هذي الله يسلمك فلات سلاب مهجنة مع spandrel beam ونظرة أي مهندس إنشائي فاهم للتصميم يقول لك ما دام سواها فلات سلاب يكمل عليها فلات سلاب يحتاج للأبيام الجانبية في العادة في الأبراج لتثبيت الواجهات الزجاجية ولإعطاء قوة جانبية للبرج ضد الهواء .. هنا ما نحتاجها كلش ومبالغة على الفاضي وتكون عندنا مشكلة كبيرة لو عزلنا الحائط تحتها حرارياً وما عزلناها لأنها تدخل حرارة وبرودة بكثرة وتعتبر جسر حراري كبير

الأبيام نحتاجها في الوسط أكثر لأن الوزن أكثر من الأطراف .. بس مثل ما يقولون شيء أفضل من لا شيء

[Azizuk]

مشكور يا مهندس عبدالعزيز على الصور

هذي الله يسلمك فلات سلاب مهجنة مع spandrel beam ونظرة أي مهندس إنشائي فاهم للتصميم يقول لك ما دام سواها فلات سلاب يكمل عليها فلات سلاب يحتاج للأبيام الجانبية في العادة في الأبراج لتثبيت الواجهات الزجاجية ولإعطاء قوة جانبية للبرج ضد الهواء .. هنا ما نحتاجها كلش ومبالغة على الفاضي وتكون عندنا مشكلة كبيرة لو عزلنا الحائط تحتها حرارياً وما عزلناها لأنها تدخل حرارة وبرودة بكثرة وتعتبر جسر حراري كبير

الأبيام نحتاجها في الوسط أكثر لأن الوزن أكثر من الأطراف .. بس مثل ما يقولون شيء أفضل من لا شيء

الله يسلمك يابوعبدالله ماعليك زود

انت المهندس واحنا نقطة في بحرك

والعين ماتعلى على الحاجب

[معماري قطري]

الله يسلمك يابوعبدالله ماعليك زود

انت المهندس واحنا نقطة في بحرك

والعين ماتعلى على الحاجب

لا ما شاء الله عليك تستحق هندسة فخرية وانت صج تمدنا بتفاصيل دقيقة

انا بس حبيت اعقب على الصور حسب وجهة النظر الهندسية وانا مع الفلات سلاب كنظام واحد متكامل للبيوت وللمكاتب والعمارات الطابوقية

[Azizuk]

لا ما شاء الله عليك تستحق هندسة فخرية وانت صج تمدنا بتفاصيل دقيقة

انا بس حبيت اعقب على الصور حسب وجهة النظر الهندسية وانا مع الفلات سلاب كنظام واحد متكامل للبيوت وللمكاتب والعمارات الطابوقية

والله اخوي معماري التقيت مع مهندس كان في الامارات يقولي ان الكويت والإمارات ماعندهم جسور ساقطة

معظم البيوت تنبني بدون جسور ساقطة ويستخدمون نظام الفلات سلاب وتنحل مشكلة مرور الدكتات

لان معظم بيوتهم مكيفات سنترال

وبعدين كمية الحديد والخرسانة استهلاكها اقل من النظام القديم

يعني اقل تكلفة الخرسانة بدل ماتكون توصل بعظها الى 40 سنتيميتر

ومع نظام الفلات سلاب راح توصل 25 سنتيمتر وممكن اقل توصل الى 20 سنتيمتر على حسب مساحة البنيان

يوم رجعت وقلت للمهندس اللي سوى لي الخارطة ليش ماسويت لي نظام الفلات سلاب يقولي انت ماطلبة

الحين من المهندس انا وإلا انت عشان انا اطلب

انت المكتب الهندسي المفروض توضح للعميل المواصفات

المعماري والإنشائي عندك مب العميل هو المهندس

تنقصنا ثقافة البناء ومعرفة المواد المستخدمة في عملية البناء

اللي ضحكني يقول لي لا بنيانك أقوى قلت له ليش اللي مسوي فلات سلاب راح يطيح عليه البيت او القصر

يقولي لا الصوت ينسمع اذا حد يمشي فوق لان سمك الخرسانة قليل

قلت له انا عندي بعد الخرسانة 90 سنتيمتر جبس وديكور وين اسمع صوت اللي يمشون

في ابراج تنبني بنظام الفلات سلاب جاءت على فيلا سكنية

بس هدر كمية حديد وخرسانة على حساب العميل

والمستفيد المقاول والشركات

الله يعين أهل قطر على هالمهندسين والاستشاريين

[معماري قطري]

العيب يا اخوي من مسؤولين ترخيص المكاتب عندنا .. والتخطيط شل يده كلش من مراجعة الانشائي قال للمكاتب كثروا الحديد حتى ما يطيح مبنى ولو طاح مسؤوليتكم واحنا مب فاضيين نراجع كل شيء

[Stars]

العيب يا اخوي من مسؤولين ترخيص المكاتب عندنا .. والتخطيط شل يده كلش من مراجعة الانشائي قال للمكاتب كثروا الحديد حتى ما يطيح مبنى ولو طاح مسؤوليتكم واحنا مب فاضيين نراجع كل شيء

اخوي المعماري سئلت احد المقاولين عن تكلفة الفلات سلاب قال ان تكلفتها اكثر من الجسور الساقطة
وقال خل الدكتات تمر في الجسر النازل وخله اعرض وخله مع موازاة الجدران يعني فوق الطوفة
مهب في النص عشان ما يخرب عليك الجبس والدكت

لو تفيدنا بارك الله فيك هل هو مكلف اكثر من الجسر النازل

[Azizuk]

للأسف ان بعض المقاولين يتعذر ويبين ان الفلات سلاب أغلى

يالمقاول ماعنده امكانيات لعمل نظام الفلات سلاب لان يحتاج جيكات بمواصفات غير الجيكات العاديه

او بعظهم مايبي عوار الرأس لان متعود على نظام الجسور الساقطة

والشي الثاني راح يقلل كمية الحديد وكمية الخرسانة

وبالنسبة للمقاول خسارة مالية في الربح

وهذا فيديو شرح بسيط من المهندس المعروف عبدالغني الجند


https://youtu.be/QTqaVqaaqDc

https://youtu.be/QKlNW6zZdZE


https://youtu.be/2-GpVqwKb80

اي شخص يقدر يتصل على المهندس عبدالغني ويستفسر عن اي معلومة وعنده

صفحه كاملة على اليوتيوب عن جميع انواع البناء والأخطاء وكيفية تفادي ومعالجة الأخطاء

[معماري قطري]

اخوي المعماري سئلت احد المقاولين عن تكلفة الفلات سلاب قال ان تكلفتها اكثر من الجسور الساقطة
وقال خل الدكتات تمر في الجسر النازل وخله اعرض وخله مع موازاة الجدران يعني فوق الطوفة
مهب في النص عشان ما يخرب عليك الجبس والدكت

لو تفيدنا بارك الله فيك هل هو مكلف اكثر من الجسر النازل

يا اخوي بو سعود ما قصر عرض لنا إجابة مفصلة

فيه عندك الهوردي كم نظام وطريقة لها وهذي قوية واقتصادية .. ذكر المهندس عن الفلات سلاب إنها تكون أعمق شوي ويكون حديد التقوية علوي وسفلي وهذا اللي يزيد التكلفة .. وإختيار النظام مسؤولية المهندس الانشائي المصمم ولازم نتجه لمكتب تصميم جيد ونحدد متطلباتنا من البداية

فيه عندك الأنظمة الموجودة في سوقنا الهوردي وكم نوع منها بعضها بالطابوق وبعضها بالفلين وبعضها بالطوب الأحمر .. وبعضها بفورمات خشب أو فيبر ثم تزال فتبقى فيها فجوات تزين بالجبس أو الخشب

فيه الأسقف الجاهزة وهذي تنعمل في معامل وتنقل وتركب على أبيام مدروسة وبعضها بعد جاهزة الصب .. فيه طرق تقوية حق الأبيام ( الجسور ) وللصبيات بعضها يجي بكيابل مشدودة وتجي شوي منحنية على فوق وبعد تركيبها مع الوزن تستقيم ويحطون عليها صبية رقيقة بعد تساويها .. حتى السيبوريكس شفت منه سلابات جاهزة وتتركب

لو تسوي فتحة في جسر للتكييف بتكون أضعفته كثير وعلى المبالغات عندنا لو تلغي الجسر بالكامل أوقات يبقى بنيانك من أفضل ما يمكن

نصيحتي انا الهوردي أفضلهم للمباني الصغيرة مثل البيوت وحتى القصور وسوى منها الاستشاري لبيتي وبنينا قواطع فوق غير عن اللي تحت يعني طابوق فوق الصبية مباشرة وكان لتكرمون حمام كبير وغرفة ملابس وكنت متخوف من الوضع وللحين متخوف .. بس طمني الاستشاري و12 سنة الحمد لله بدون مشاكل

[Azizuk]

اخوي معماري لا تنسى

ان اذا الواحد بيركب مكيفات دكت سبلت او سنترال انا انصح يسوي فلات سلاب

ويتجنب الجسور الساقطة لان انا مريت في كذا مشكله مع الجسور الساقطة مع راعي المكيفات وراعي الكهرباء وكل واحد يقط المشكلة على الثاني

اللي يقول لي المقاول ماسوى فتحت التكيف عدل تحتاج تكبير والكهربائي يتهاوش مع المقاول الا عامود طالع له بالغلط وإلا لما يوصل بيب المكيف الى السطح يطّلع له شباك

يعني مريت بكذا مشكلة اثناء تنفيذ البناء وتعال حلها

صحيح تم حل المشكلة بس عوار راس

وبعض العمال يتعمد يسوى الخطاء عشان تطلب تصحيح الخطاء بعدين وتدفع له مره ثانية عشان التعديل

هذي مرت على مع راعي الجبس وراعي المكيفات واللي يصف الطابوق

وآلله مره أقول حق البناي لا تسكر هالفتحه خلها ابي أسويها باب

وقعدة اراقبة ويتغافلني متعمد يسكر الفتحه

وسالت ليش قال لي الناطور انت ماتعرف شلون تتعامل مع هالعمال

انت اذا طلبت منه لا تسكر هالفتحه معنى المقاول ماراح يدفع له قيمة فتحت الباب راح ينقص عليه قيمة كم طابوقة

وبعدين بتجي تطلب منه انك تفتح الفتحه راح يحاسب المقاول على الإزالة وانت اللي بتدفع قيمة الإزالة

والعذر ان فتحت الباب مب موجوده في الخارطة

الطابوقة الوحدة تكلف المقاول 6 ريال شاملة الإسمنت والرمل وقيمة العامل

المقاول اللي بنى البيت عندي يحاسب العمال والبنى والنجارين والحدادين بالمتر

واللي يركب الطابوق يحاسبه كم طابوقة ركبها

على سبيل المثال عندي فتحه مكيف 1.90 متر يروح يسوي الفتحه 1.70

عشان بعدين يجي راعي المكيفات يقول والله الفتحه صغيره نحتاج فتحه 1.90 تجي تكلم المقاول كبر الفتحه

وخذ عااااد مشاكل من هالنوع

اللي يبي يسوي نظام الدكتات يايسوي جسور مخفيه او يسوي نظام الفلات سلاب

انا تجنبت بعض الجسور الساقطة وسويتها جسور مخفيه بس بعد تكلف

يعنى عندي جسر ساقط 50 سنتيمتر حولته الى جسر مخفي صار متر

وبعض الجسور المخفية متر ونص وبعضها وصل مترين

كل ما كبر الجسر الساقط في العمق والعرض وجيت تحوله الى جسر مخفي يكبر عندك الجسر المخفي

[معماري قطري]

اخوي معماري لا تنسى

ان اذا الواحد بيركب مكيفات دكت سبلت او سنترال انا انصح يسوي فلات سلاب

ما انسى وانا معاك مؤيد .. صج التكلفة شوي أعلى لكن حل مناسب .. الأقوى الهوردي وممكن يسونها بأبيام بسيطة مب نازلة وايد .. كذلك الحلول المعمارية بتنزيل السقف في الأطراف مع تنزيل الدكت تحت الجسر ورفعه في الوسط يعطينا شكل متدرج وحلو مثل بيوت الكويت يكتفون بإرتفاع 3 متر ويخلون الدكتات جانبية ويجي السقف متدرج من 2.4 وحولها لين 3 متر في الوسط وفتحة التكييف ممكن تكون في واجهة السقف المرتفع أو مفتوحة في السقف النازل .. وبهذا بدال ما يسوون 3 أدوار مرتفعة يسوون 4 بإرتفاع اقتصادي وهناك القانون يساعدهم بحيث يقدرون يفتحون نوافذ

ويتجنب الجسور الساقطة لان انا مريت في كذا مشكله مع الجسور الساقطة مع راعي المكيفات وراعي الكهرباء وكل واحد يقط المشكلة على الثاني

اللي يقول لي المقاول ماسوى فتحت التكيف عدل تحتاج تكبير والكهربائي يتهاوش مع المقاول الا عامود طالع له بالغلط وإلا لما يوصل بيب المكيف الى السطح يطّلع له شباك

شغل الاستشاري من البداية وهو لازم ينسق كل المخططات حسب احتياجك وهنا نقاشنا يوضح المشكلة حتى يتفاداها المقدم على البناء .. لازم متابعة الاستشاري لكل الأُمور ولازم من بداية التخطيط نحدد شنبغي حتى ما نخسر وقت وفلوس ووجع راس

يعني مريت بكذا مشكلة اثناء تنفيذ البناء وتعال حلها

صحيح تم حل المشكلة بس عوار راس

وبعض العمال يتعمد يسوى الخطاء عشان تطلب تصحيح الخطاء بعدين وتدفع له مره ثانية عشان التعديل

هذي مشاكل الشغل القطاعي يطلع عليك أغلى مع وجع راس وتعب وفترة طويلة .. إتفاقك مع مقاول واحد من البداية أفضل بكثير ويجنبك هذي المسائل .. ولو مخططاتك واضحة وصحيحة ومحددة وكل شيء مدروس بتعتمدها والاستشاري بيتابع براحته والمقاول بينفذ اللي في الخرائط .. أي تعديل بسيط لازم يمر بمراحل هندسية واضحة ويعتمدها الاستشاري بناءً على دراسة ويرسلها للمقاول بفاكس رسمي أو ايميل والمقاول يكون مسؤول عن تنفيذها .. أما في الموقع ودوشة ووجع راس فيصعب اتخاذ قرار صحيح حتى

هذي مرت على مع راعي الجبس وراعي المكيفات واللي يصف الطابوق

وآلله مره أقول حق البناي لا تسكر هالفتحه خلها ابي أسويها باب

وقعدة اراقبة ويتغافلني متعمد يسكر الفتحه

وسالت ليش قال لي الناطور انت ماتعرف شلون تتعامل مع هالعمال

انت اذا طلبت منه لا تسكر هالفتحه معنى المقاول ماراح يدفع له قيمة فتحت الباب راح ينقص عليه قيمة كم طابوقة

وبعدين بتجي تطلب منه انك تفتح الفتحه راح يحاسب المقاول على الإزالة وانت اللي بتدفع قيمة الإزالة

والعذر ان فتحت الباب مب موجوده في الخارطة

الطابوقة الوحدة تكلف المقاول 6 ريال شاملة الإسمنت والرمل وقيمة العامل

المقاول اللي بنى البيت عندي يحاسب العمال والبنى والنجارين والحدادين بالمتر

واللي يركب الطابوق يحاسبه كم طابوقة ركبها

على سبيل المثال عندي فتحه مكيف 1.90 متر يروح يسوي الفتحه 1.70

عشان بعدين يجي راعي المكيفات يقول والله الفتحه صغيره نحتاج فتحه 1.90 تجي تكلم المقاول كبر الفتحه

وخذ عااااد مشاكل من هالنوع

اللي يبي يسوي نظام الدكتات يايسوي جسور مخفيه او يسوي نظام الفلات سلاب

انا تجنبت بعض الجسور الساقطة وسويتها جسور مخفيه بس بعد تكلف

يعنى عندي جسر ساقط 50 سنتيمتر حولته الى جسر مخفي صار متر

وبعض الجسور المخفية متر ونص وبعضها وصل مترين

كل ما كبر الجسر الساقط في العمق والعرض وجيت تحوله الى جسر مخفي يكبر عندك الجسر المخفي

مسوي جسر مخفي في صالة والجسر مدعم درج معلق ضخم واضطروا يعيدون حساباتهم ويطلبون من المقاول حديد ربط يوصل لين آخر الصالة ويتثبت في الجسور بمقاس 20 ملم وبطول كبير حتى يثبت الدرج .. بسطة الدرج معلقة بدون support 3.5 متر وهذا يعتبر خطر المفروض 2 متر لكن حديد الشد وازن الدرج .. مسكين الاستشاري كان متخرع هو وربعه لأن كلها حسابات ويوم راجعوها اكتشفوا خطورة الوضع .. سمك الصبية 35 سم وسويتها بدون جبس

شوف الصورة هذي بين العمودين الخضر يوجد حائط تحت مسوي دعم للدرج وربط من الأرضية وممتد صوب جزء الصالة تحت 3.5 متر ومدعم بالحديد بدون عمود تحته .. هذا التصميم الانشائي مستحيل يسويه مهندس من المكاتب العادية .. الأعمدة اللي تشوفها ديكورية وانا حبيت فكرتها لكن الاستشاري كان يقول لو ملغيها كان بيبين الدرج صج طافي فوق واعتقد كانت وجهة نظره أصح

http://i.imgur.com/i8uNOb8.jpg

[معماري قطري]

الصالة فوق عندي للجبس 2.8 ارتفاعها وتحت 2.9 ما ادري 3 وبدون جبس وتكييف بيتي كله سبلت وافتكيت من الأذية .. الدرج ذيه ارتفاع عتباته 14 سم ومريح جداً .. وبعض البيوت يسونها 18

[معماري قطري]

إنارة البيت عندي طبيعية في النهار والمناطق اللي نورها قوي الصالة الصغيرة فوق لأن فوقها سكايلايت هرمي وبسطة الدرج اللي مصور عندها فوقها قبة بثمان درايش .. وإن شاء الله اتفرغ اجيب المخططات من الاستشاري واللي يبي يسوي نفس التصميم حلاله وباسهل له الحصول عليه من الاستشاري .. كان عندي بس كمبيوتري القديم اخترب وراح معاه التصميم

[Azizuk]

الله يوفقك يامعماري قطري

انت دارس هندسة معمارية وهذا تخصصك لازم تبدع في

اما انا اول مره أخوض وادخل في مجال البناء

وكنت اجهل أمور كثيرة في مجال البناء وتعلمتها منك في المنتدى ومن باقي الأعضاء ماقصرو في المعلومات

والحمدالله قدرت أتفادى اخطاء كثيرة في مرحلة البناء وتعلمت أمور كثيرة

ماكانت اعرف كيف اتعامل مع العمال وكيف أتفادى الأخطاء

وماكنت مخطط في الخرائط أني اركب دكت سبلت وقلت للاستشاري قبل

وقال لي عادي ممكن تنسق مع المقاول وتعطيه خرائط التكيف ويبدل لك ويعدل من غير مانعدل على الخارطة الاساسية

والكل قال لي تقدر تعدل اثناء وقبل البناء مع المقاول والارتفاع عندي 4 متر و 20 سنتيمتر ماعندي مشكلة

والحمدالله المقاول رتب لي فتحات التكيف والكهربائي غير مكان نقاط التكيف مع مرور بيبات الغاز وتصريف الماي

أموري طيبه بس لو مخطط من الأساس احسن لي وأريح

وحبيت انقل بعض المشاكل اللي انا مريت فيها عشان باقي الأعضاء يستفيدون منها

والحمدالله تعلمت أمور كثيرة في مجال البناء من التفكير في مخطط جديد لين التشطيب

كانت خبرة لي ممتازة لأني مريت وعشت واقع البناء وتعلمت من أخطائي وكيف وشلون اختار الشي المناسب في كل مايختص في أمور البناء

[معماري قطري]

الله يوفقك يامعماري قطري

انت دارس هندسة معمارية وهذا تخصصك لازم تبدع في

اما انا اول مره أخوض وادخل في مجال البناء

وكنت اجهل أمور كثيرة في مجال البناء وتعلمتها منك في المنتدى ومن باقي الأعضاء ماقصرو في المعلومات

والحمدالله قدرت أتفادى اخطاء كثيرة في مرحلة البناء وتعلمت أمور كثيرة

ماكانت اعرف كيف اتعامل مع العمال وكيف أتفادى الأخطاء

وماكنت مخطط في الخرائط أني اركب دكت سبلت وقلت للاستشاري قبل

وقال لي عادي ممكن تنسق مع المقاول وتعطيه خرائط التكيف ويبدل لك ويعدل من غير مانعدل على الخارطة الاساسية

والكل قال لي تقدر تعدل اثناء وقبل البناء مع المقاول والارتفاع عندي 4 متر و 20 سنتيمتر ماعندي مشكلة

والحمدالله المقاول رتب لي فتحات التكيف والكهربائي غير مكان نقاط التكيف مع مرور بيبات الغاز وتصريف الماي

أموري طيبه بس لو مخطط من الأساس احسن لي وأريح

وحبيت انقل بعض المشاكل اللي انا مريت فيها عشان باقي الأعضاء يستفيدون منها

والحمدالله تعلمت أمور كثيرة في مجال البناء من التفكير في مخطط جديد لين التشطيب

كانت خبرة لي ممتازة لأني مريت وعشت واقع البناء وتعلمت من أخطائي وكيف وشلون اختار الشي المناسب في كل مايختص في أمور البناء

الله يحفظك يا اخوي وانت من الشباب الطيبين اللي يفيدون غيرهم ويستفيدون باذن الله توفيق من الله

وللأسف يا بو سعود الاستشاريين يخدعون الواحد بكلمة كل شيء سهل ويطمنونه ولا يسوون شغلهم .. بعضهم عندهم عذر لأن الإتفاق شيء والواقع شيء ثاني وبعضهم ما يكونون صريحين بأن لو تبغي نسوي لك تصميم وتنسيق بياخذ منا جهد ووقت ونحتاج مقابل

انا الله يسلمك ويسلم الجميع متخصص مدني ومعماري جامعتنا كانت تعطي بكالوريوس وبكالوريوس .. وكان بسبب احساسي بالفشل في المدني حولت معماري وبعدين أنصفوني وخرجوني في المسارين وكانت ممارستي في البداية إنشائي بس سنتين أو 3 بعدين تحولت للعمارة وابتعدت كلياً عن التصميم الانشائي ونسيت القوانين والمراجع ولو ابذل شوية مجهود قادر على التصميم الانشائي والعملية سهلة