مصختوها يا "البيئه" !!! [الأرشيف] - منتديات شبكة الأسهم القطرية

مشاهدة النسخة كاملة : مصختوها يا "البيئه" !!!

ضليع التبريد

09-06-2016, 01:08 AM

مو شنكم مصختوها يا "البيئة"؟!

لما يأتونكم أهل قطر يطلبون ترخيص لمخيم شتوي تطلبون منهم دفع مبلغ تأمين 10000 عشر الاف ريال ويقوم كل واحد منهم فوراً بدفعها لكم في دقائق،،، وعندما ينتهى وقت المخيم يقعد شهور إنتظار ردها ومع كبر التأخير يندفع صاحب الحلال ويكلم المسؤولين يسال عن التأخير فيقول له المسؤول فلان يقول عند فلان ويكلم الاخر يقول عند الاخر وهكذا سلسله طويله حتى يأتيك الي يقول خلاص جاهزه وحولناها للماليه، يتصلوا بالمالية يقولون له مو صحيح ما جانا منهم شيء ومن قال لك؟!،، وهكذا مهزله ومطاردت حق ضاع بين مكاتبهم ....
ماذا يعني هذا الإستهتار بحقوق الناس وعدم الجديه في الصرف وفيهم من ينفعه هذا المبلغ في شهر الرحمه شهر رمضان ووقت الاختبارات والمدرسين الخصوصيين الخ ....

الاستهتار والتباطئ في إعادة حقوق الناس ما فائدتكم منها يا "البيئه"؟!

أقول لكم تصرفكم هذا "مُعيبّ" فاحترموا شيبان هل قطر إلي أحترموكم ولبوا مطالبكم كُلها في البدايه ونسيتوهم في النهايه!!!

مرت شهور والى الأن تأخير غير طبيعي وخارج مبادئ التقدير والاحترام للطرف الأخر وحقوقه!!!

بوخالد911

09-06-2016, 01:12 AM

يمكن التأخير بسبب وجود مخالفات على صاحب المخيم.

qatarman8008

09-06-2016, 01:23 AM

كلنا ما رجعوا لنا مبلغ التامين..
ولا حد من اللي خيموا رجعوا له المبلغ..
والصراحة المفروض يكون فيه الية انه لو حب المخيم يسترجعها او يخليها حق الموسم القادم ..

ضليع التبريد

09-06-2016, 01:38 AM

يمكن التأخير بسبب وجود مخالفات على صاحب المخيم.

تدور لهم عذر،،، لا أبشّرك ناجحين 100 في ال100

ضليع التبريد

09-06-2016, 01:40 AM

كلنا ما رجعوا لنا مبلغ التامين..
ولا حد من اللي خيموا رجعوا له المبلغ..
والصراحة المفروض يكون فيه الية انه لو حب المخيم يسترجعها او يخليها حق الموسم القادم ..

هلا،، أدري

أسد الجزيرة

09-06-2016, 03:03 AM

باقي 3 شهور و تخلص الوديعة

محمد2

09-06-2016, 03:09 AM

يا اخوان
فلوسكم فالبنوك محفوظة كوديعة لجهة اللي دفعتوا لها وشوفوا اشكثر ربح هالمبلغ في فرضاً 8 شهور
واحسبوا كم شخص دفع التامين * 10.000 ريال * المدة اللي المبلغ فالبنك = مبلغ محترم تدخل في حساب البيئة

Dana’1

09-06-2016, 03:29 AM

شلون وديعه؟!
اذا هم مخبرينكم من قبل ومتفقين معكم على موعد وتاريخ محدد لإسترجاع مال التأمين ... مالكم إلا الصبر

أما اذا يسترجع فور انتهاء التخيييم .... هذي مشكله فعلا
من البشاعه والظلم تضييع حقوق الناس أو تأخيرها
الله يعوض عليكم بكل خير

مواقف النجادة

09-06-2016, 04:08 AM

وَيْل للمطففين

لـبـيـه

09-06-2016, 08:36 AM

ناطرين الموسم الجديد الي ماباقي عليه شي

مخطط قطري

09-06-2016, 01:23 PM

انشهد انك صدقت ياريال ولد عمي مدير عندهم هناك في البيئة مسكين ينتظر ب3 شهور و4 شهور عشان يعطونه بدل تمثيل اذا سافر في مهمه رسميه وخصوصا مجال عمله يتطلب تمثيل الدوله في المحافل الدوليه في حين اغلب الوزارات تعطيكك 75% من بدل المهمه في حسابك والباقي لرجعت والبعض منها مايطول عن اسبوع او اسبوعين وينزل في حسابك مب شهور
يعني موضوع البيئه اي شي اتوقعه منهم حتى عقب الضم مع البلديه هالامور مازالت عالقه يليت يكون تدخل من معاليه لحل مثل هالمواضيع وارجاع حقوق اهل قطر باسرع وقت

ضليع التبريد

13-06-2016, 12:26 AM

Thamer_Qat

13-06-2016, 02:12 AM

اتفق معاك ومع صاحب الموضوع اخواني الكرام
حاولت اقنعهم بان يحفظوا المبلغ عندهم بعد ماتأخروا علي الموسم اللي فات ولا بقى على الموسم المقبل الا أسابيع قليله
المبلغ رجع لي في بداية أكتوبر ورديت دفعته لهم بعدها بأسبوعين

AL_MUTAEM

13-06-2016, 09:14 AM

اللي لحد الان لم يتم تحويل مبلغ التأمين ( 10.000) لحسابه يستطيع مراجعة الوزاره ..

انا تم تحويل المبلغ يوم الخميس الماضي الساعه السابعه صباحا ..!

كل سنه تأخير في ارجاع المبلغ ومع انهم يعلمون عند استلامه متى يرجعونه للمواطنين واستغرب التأخير لفتره ليست بالقصيره ..!

معماري قطري

13-06-2016, 10:39 AM

عجبني طرحك للمشكلة إخوي ضليع التبريد وهذا تقصير كبير في وزارة تتعامل مع الجمهور ولازم تتم معالجته بسرعة

10000 مبلغ مب بسيط والكل في حاجته هالأيام

BoFahed

13-06-2016, 10:48 AM

عجبني طرحك للمشكلة إخوي ضليع التبريد وهذا تقصير كبير في وزارة تتعامل مع الجمهور ولازم تتم معالجته بسرعة

10000 مبلغ مب بسيط والكل في حاجته هالأيام

صادق اخوي فيه مشكله بقسم الحسابات بالوزارة اذكر رحت عندهم العام اخذ التامين لانهم تاخرو وايد وكانوا مب متعاونين كلش الموظف يقولي روح مكتبنا في سيلين اقوله ليش اتصله وتاكد منه ويقول مب شغلي هاي مشكلتك ؟؟؟ ويالله وافق ومتحلطم