الصيانه الاجبارية الدورية في الوكالات و الا بنخسر الضمان

[khaldoon]

السلام عليكم و رحمة الله و بركاته

كل عام و انتم بخير......من يومين بتكلم مع احدى الوكالات المشهوره في قطر و عند الحديث عن الضمان و الصيانه انه حسب علمي فأنا غير ملزم بعمل الصيانه عندهم و ما اخسر الضمان فقالي لا لابد انك تسوي صيانه عندنا كل عشرة الاف كيلو....قولت له انه حماية المستهلك اصدروا قانون من اكثر من سنه انه عمل صيانة للسياره خارج الوكاله لا يلغي الضمان ...فقالي حتى الان ما وصلنا هالكلام ولابد من عمل الصيانه كل عشرة الاف كيلو و الا بتخسر الضمان.

السؤال هو ايش الفرق بين الحين و قبل و احنا على ايش هللنا و فرحنا و استبشرنا خير و انبسطنا و حسينا بالفرق لما سمعنا انه الصيانه ممكن نسويها خارج الوكاله وما بنخسر الضمان؟

ممكن تفهموني لو سمحتوا

[سالم الزهران]

يعني حماية المستهلك سوالف ليل مثل عندنا ؟ من المستفيد !

[khaldoon]

يعني حماية المستهلك سوالف ليل مثل عندنا ؟ من المستفيد !

والله ما يندرى عنهم....جد للحين ابي اعرف الفرق و احنا على ايش فرحنا قبل

[وليف الشوق]

ماعلي من كلام الوكاله واي شي راح اراجع حماية المستهلك واهم يتحملون نتيجه قرارهم

[بوخالد911]

كلام الوكالة غلط في غلط.
تقدر تعمل صيانة برع الوكالة والضمان ما راح ينلغي.

[CH Engineer]

انت فرحت وهللت لان الخبر صحيح
والسيارة تحت الضمان ما عليك منه و اتصل على حماية المستهلك

ماخذ كلام الموظف على انه قانون وهو يمكن متوظف امس ...
وقت ما تحتاج الضمان قوله بتصل في حماية المستهلك موضوعك بيمشي

[khaldoon]

ماعلي من كلام الوكاله واي شي راح اراجع حماية المستهلك واهم يتحملون نتيجه قرارهم

والله يا اخوي انا اعتقد نشيك مع حماية المستهلك اول احسن بلاش يخذلونا و نضطر ندفع ....اقول هالكلام لانهم خذلوني من قبل مع نفس الوكاله سنة 2011

[khaldoon]

كلام الوكالة غلط في غلط.
تقدر تعمل صيانة برع الوكالة والضمان ما راح ينلغي.


اتمنى ذلك ....جزاك الله كل خير اخوي العزيز على مرورك الجميل

[khaldoon]

انت فرحت وهللت لان الخبر صحيح
والسيارة تحت الضمان ما عليك منه و اتصل على حماية المستهلك

ماخذ كلام الموظف على انه قانون وهو يمكن متوظف امس ...
وقت ما تحتاج الضمان قوله بتصل في حماية المستهلك موضوعك بيمشي

حياك الله مهندسنا العزيز.....شوف ردي في المشاركة رقم 7

كل الشكر و التقدير

[khaldoon]

على فكرة مب بس الوكاله اللي كلمتها قالولي هالكلام.... ايضا الموزعين اللي يبيعون سيارات وارد الامارات يشترطون اماكن معينه لعمل الصيانه فيها للحفاظ على الضمان.......معقول انهم كلهم يتكلموا غلط و الا قاريين عند شيخ واحد و الا متفقين على استهبال و استغفال الجميع؟!!!!!

[Bo Rakan]

وعليكم السلام ورحمة الله ،، أفضل شي تكلم حماية المستهلك وتسفسر منهم اكثر وإذا فعلاً مطبقين القرار خلاص امش على كلامهم وتقبل وجهة نظري

[khaldoon]

وعليكم السلام ورحمة الله ،، أفضل شي تكلم حماية المستهلك وتسفسر منهم اكثر وإذا فعلاً مطبقين القرار خلاص امش على كلامهم وتقبل وجهة نظري

جزاك الله كل خير اخوي على هذا الرد الطيب

[khaldoon]

حبيت اقولكم اني طرحت الموضوع لما كلمت وكالة الجيده و ايضا احد الموزعين و كلامهم نفس الشي ...اني لازم اسوي الصيانه عندهم و الا بخسر الضمان ...اما امس كنت في وكالة الميتسوبيشي فقالي انهم ملتزمين في قانون حماية المستهلك و اقدر اسوي صيانه اي مكان وما اخسر الضمان.... يعني الظاهر انه بعض الوكالات لسه عايشه مع نفسها في العصور الغابره قبل نزول قانون حماية المستهلك و الله اعلم

كل الشكر و التقدير لتفاعلكم و مروركم

[ya3coub]

أخوي العزيز خلدون

اطلب منه رسالة رسمية اذا هذا القانون غير متوفر خل الموظف او مديرة يطبعه على ورقة و يوقع على هالكلام

و اخذ الورقة معاك على حماية المستهلك و تأكد قبل ما تشتري

[khaldoon]

أخوي العزيز خلدون

اطلب منه رسالة رسمية اذا هذا القانون غير متوفر خل الموظف او مديرة يطبعه على ورقة و يوقع على هالكلام

و اخذ الورقة معاك على حماية المستهلك و تأكد قبل ما تشتري

بارك الله فيك يا الغالي....صرفت نظر عن الجيده مع انهم يعطون ضمان 12 سنة و بدون كيلومترات.... تخيل 12 هذا على حد قول الموظف والله اعلم

[sos 12]

أنا نزلت القير وغيرت البدي فلف علي الضمان ... من غير مااسوي سيرفس في الوكالة ... مجرد ماقالي الموظف الحساب 4500 ريال رفعت التلفون علي أساس اتصل علي حمايه المستهلك ... علي طول قالي علي الضمان