احتباس السوائل

[partyQtr]

مساكم الله بالخير ومبارك عليكم الشهر

عندي استفسار بخصوص احتباس السؤال في الجسم لو في اعشاب ممكن تفيد مع الأدويه

وشئ يفيد الضغط المرتفع مع الادويه من تجاربكم

ولو عندكم نظام غذائي معين يفيد لمرضى السكر والضغط والكلى

للأسف والحمدالله على كل حال اختي تعاني من هالاشياء ولازم تحافظ عالكلى عشان لاتوصل لاقدر الله لمرحلة الغسيل

وهي صغيره في السن ، لو عندكم فكره عن أي شيء ممكن يفيد

وشئ ثاني ووين ممكن احصل أشياء دايت غير اللولو والمييره لانه مافيها شيء ابي كل شيء

حتى الجبن اللي بدون ملح وابي ماي مافيه صوديوم وبوتاسيم يعني ابي مكان اقدر اشتري منه

بدائل صحيه للأكل حتى الخبز لانه صعب انها تمتنع عن الاكل وفي نفس الوقت الخيارات بسيطه

[سالم الزهران]

نسأل الله ان يلبس اختنا الصحة و العافية ويرفع عنها كل داء انه هو اللطيف الخبير

نسأل الله في هذه الساعة و هذا اليوم المبارك ان ييسر لكم سبل العلاج و اهم شيء ان المريض ما يهاب انه يقوم بأية تدخلات او عمليات يوصون بها الأطباء . التردد مب طيب مرّه

[بريق الحق]

مساكم الله بالخير ومبارك عليكم الشهر

عندي استفسار بخصوص احتباس السؤال في الجسم لو في اعشاب ممكن تفيد مع الأدويه

وشئ يفيد الضغط المرتفع مع الادويه من تجاربكم

ولو عندكم نظام غذائي معين يفيد لمرضى السكر والضغط والكلى

للأسف والحمدالله على كل حال اختي تعاني من هالاشياء ولازم تحافظ عالكلى عشان لاتوصل لاقدر الله لمرحلة الغسيل

وهي صغيره في السن ، لو عندكم فكره عن أي شيء ممكن يفيد

وشئ ثاني ووين ممكن احصل أشياء دايت غير اللولو والمييره لانه مافيها شيء ابي كل شيء

حتى الجبن اللي بدون ملح وابي ماي مافيه صوديوم وبوتاسيم يعني ابي مكان اقدر اشتري منه

بدائل صحيه للأكل حتى الخبز لانه صعب انها تمتنع عن الاكل وفي نفس الوقت الخيارات بسيطه

في جمعيه صوب قطر غاز
وعندج جمعيه نسيت اسمها الصراحه
الموز زين عشان ينزل السوائل
الرياضه القلبية تنزل
الاكل الصحي استبدلي الزيوت بالزيوت الصحيه
السكر العسل وقصب السكر هذي الأشياء مفيده
الخضروات اهم شي عشان مايصيد الامساك فالبطن والماي قطرات وفي شركة ثانيه يبعونه أتوقع في مطعم شاطر عباس
تنظيم جدول الاكل سهل جدا وإخراج السوائل يحتاج تدقيق في انواع الاكل ونصيحه اي شي تفقدينه بسرعه يرجع بسرعه

[بصمة قطرية]

يارب في هالأيام المباركة الله يشفيها ويعافيها
و يلبسها ثوب الصحة و العافية
و يشفي جميع مرضى المسلمين يارب ..

بخصوص إحتباس السوائل
في حبوب خاصة بهالشي بس متعبة شوي
تسمى ( حبوب مدرة للبول ) وانتي بكرامة ..
هاي الطريقة اللي تخلص الجسم من السوائل
بشكل سريع ..
متعبة إن اللي ياخذها يروح الحمام الله يعزج بكثرة ..
و هالشي أفضل لها عشان ما تتراكم الأملاح السموم في الجسم ..
جدة عيالي الله يرحمها كانت تاخذها في مرحلة ما قبل غسيل الكلى
بس لأن حالتها كانت متأخرة إحتاجت غسيل كلى ..
الماي القليل أو الخالي من الصوديوم في أنواع كثيرة
لازم أدقق على الصوديوم في الماي
دانه
أروى
تنورين
رتاج
و في أنواع ثانية ..
الابتعاد عن المخللات فيها نسبة كبيرة من الصوديوم
و المعلبات بصورة عامة ..
تراقب الأكل بحيث ما يكون غني بالبوتاسيوم
لأن إرتفاع البوتاسيوم يضر القلب*..

[durra]

الصمغ السوداني اتوقع يساعد ان شاءالله
في صيدلية بشارع ام الدوم بمعيذر الشمالي يبيعونه ومفيد للكلى ومدر للبول..
سمعت عن ناس جربوه ونفع معاهم
والله يشفي اختج شفاءا لا يغادر سقما..

[sweet qatar]

الله يشفيها ويعافيها من كل شر

عندج ميغا مارت ، و سبينيس ، و مونوبري و ايتوبيا

تلقين عندهم اكل صحي وبدائل غذائية

[بريق الحق]

الله يشفيها ويعافيها من كل شر

عندج ميغا مارت ، و سبينيس ، و مونوبري و ايتوبيا

تلقين عندهم اكل صحي وبدائل غذائية

ميغا مارت ايووووه كفووو عليج سويت

[Dana’1]

أسأل الله العظيم رب العرش العظيم أن يشفيها

حسب معرفتي البسيطه جدا
الشعير مره زين للكلى.. وأهل الجنوب يسونها كقهوه( دوري طريقتها بالنت)
واكتبي عن فوايد الشعير وشوفي

وفييه شعير حب عضوي يباع في الميغامارت

وممكن يسمن شوي


وحتى القشر قرأت مره انه زين للكلى وبعد أهل الجنوب يسونها بديل للقهوه
القشر هو ( قشر القهوه)


والبقدونس
يغلونه ويشربونه زي الشاي وبإذن الله مفيد للكلى

الله يشفيها ويعافيها يارب