تجارب الاعضاء مع خدمة عملاء Ooredoo 111

[محمد11]

السلام عليكم ورحمة الله وبركاته ..

حبيت احط لكم هذا الموضوع لذكر السلبيات الكثيرة والايجابيات القليله في تعامل خدمة عملاء Ooreedo

1 - قبل فترة جاتني فاتورة فيها هالمبلغ وانا مسافر اتصلت 111 قلت للموظفه ليش هذي الفاتورة قالت لي من الانترنت قلت لها
انا مسكر DATA قالت لي ( الصدمة ) الانترنت من Wifi !!!!! قلت لها متاكدة قالت نعم قلت لها انزين اذا الجوال من غير كرت وبشبك النت !! قالت مادري !!

2 - اتصلت حبيت استفسر عن الموقع الرسمي ان في خاصية استفسار عن الفاتورة او المكالمه بعد ساعتين قلت لها وين الخاصية هذي الحين مب موجوده قالت لي دقيقه !!! بعدها قالت احنا عملنا ابديت جديد وراحت هذه الخاصية قلت اختي متاكده قالت نعم !! المهم سكرت ورديت اتصلت رد علي واحد وشرح لي الطريقة وشفت الفاتورة !!!

3- جاتني فاتورة 15 الف بسبب خدمة جواز السفر ... الاهل مسافرين مب عارفين يجددون خدمة جواز السفر 111 قلت لهم اقدر اجدد الخدمة عن طريق برنامج اوريدو الموجود في الهواتف لان الخاصية موجوده !! قال نعم تقدر .. المهم جددت وخلصت ... بعد يومين الاهل متصلين من جوال ثاني ان الجوال مافي ارسال
اتصلت 111 قلت لهم ليش قالوا لي عليك فاتورة 15 الف وكلها خارجيه قلت لهم انا مشترك في جواز سفر اوريدو وجددت الاشتراك عن طريق الابلكيشن
قالوا لي طريقة االتجديد الي جددتها خطأ لازم تشتري بطاقة تعبئه وتعبيها بعدها يتجدد !!! قلت لهم ان الموظف قال غير بعدها قالي خلك على الخط وسكروا الجوال في ويهي والسبب ان مايعرف يرد علي !!

اتصلت مره ثانيه وقدمت شكوى بعدها رحت القانونيه وانحلت المشكله وشلوا المبلغ !!

الموضوع الرئيسي :
50 % من الموظفين ماعندهم اي خبره في طريقة حل المشكله او طريقة توصيل الفكره او الحل للعميل وهذا الشي مشكله كبيره
والمشكله الكبيره في حالة عدم معرفة الموظف المشكله يضطر ان يعطيك حل غير مناسب ويعرضك الى مشاكل كثيره هذا المشكله الكبيره

وانشوف تعاملكم مع خدمة العملاء او التجارب

[naklan]

كيوتل يشتغلون صح كم شهر وفجاة
يرقعونك مبلغ ما تعرف من وين جاي انا جوالي
مسكر وانا خارج البلد فاتورتي ما تتجاوز 100 ريال
بس استلم مسجات وفجئة قبل كم شهر فاتورتي 1100
كلمتهم من خارج البلد مافيه فايده دفعت وانا
اضحك وراحت مثل غيرها

[بوحارب]

بإختصار والله من افشل ما رأيت

متصلهم قريب السبع مرات عشان مشكلة صارت لي

وكل واحد يقولي بنسجل لك بلاغ شكوى
وبعد يومين يجيني مسج تم حل مشكلتك
والمشكلة لا انحلت ولاشي

شركة فاشلة لا تستطيع ان تحل ابسط مشاكل العملاء :)

[monatee]

نادر ماتلقى موظف خدمة عملاء عندنا فاهم الحل للاغلبيه المشاكل

سواء اوريدو او البنوك

اذا العميل ماكان نفسه فاهم في المشكله ومجرد يطلب من الموظف اعمل كذا وكذا لاني احتاج كذا فقط بهالطريقه بتنحل المشكله

اما اذا العميل مايدري شسالفه والموظف مايدري شسالفه وبيقعد يقرى حل للمشكله من الفورمه اللي ماعطينها اياه ، اثنينهم بيكونون ضايعين بالطوشه

الزبده اللي يبي يعرف اللي له واللي عليه من اوريدو يحاول يفهم المشكله بنفسه ويعرف الحل وبعدها يتصل ويعطي الموظف الحل ويقوله سوه ، بهالطريقه تشمي الامور عندنا

لين اليوم وانا اتصل ع اوريدو او البنك واعطيهم حلول لمشكلتي عشان يحلونها وانتهي من الموضوع

[@الأدعم@]

اللي عنده مشكله يكتب لاوريدوو في تويتر يجاوبون عليك ويحلون المشكله

[CH Engineer]

نفس الشي
الاهل وهم مسافرين الشبكه اقلبت من نفسها على شبكه ثانيه غير معتمده في جواز اوريدو
بس حملت فيديو ورجعت الشبكه (( شي غريب ))
اطلعت فاتوره الف وشوي على هالمقطع!!!!!


فاتورتي انزلت مع اشتراك غريب
المصيبه الموظف مايعرف شي عن الاشتراك الا بعد ما تهاوشت معاه عطاني اسم الاشتراك
وطلبت منه يكنسل الاشتراك لان مايوصلني اي مسج يومي ولا يوصلني طريقة الالغاء قالي مايصير لازم اقدملك طلب للقسم الفني يكنسلونه!!!

قدمت فالشكوى اني ابي اعرف من الي اشترك لي وليش!! و فلوسي ترجع
الشكوى تسكرت ثاني !!!!!!

أتوقع عندهم موظفين من غرب الوطن العربي،، بدون ما حدد اكيد لاعبين عليهم

قدمت شكوى للمجلس الأعلى للاتصال طلبوا مني انتظر شهر الموضوع يمكن مر عليه اكثر من شهر
تذكرته يوم شفت موضوعك ،،

اُسلوب مماطله وسرقه العميل
اليوم انت مرتاح بكره بتتعب معاهم الدور الا ويجيك

[رجل الجزيرة]

نفس الشي
الاهل وهم مسافرين الشبكه اقلبت من نفسها على شبكه ثانيه غير معتمده في جواز اوريدو
بس حملت فيديو ورجعت الشبكه (( شي غريب ))
اطلعت فاتوره الف وشوي على هالمقطع!!!!!


فاتورتي انزلت مع اشتراك غريب
المصيبه الموظف مايعرف شي عن الاشتراك الا بعد ما تهاوشت معاه عطاني اسم الاشتراك
وطلبت منه يكنسل الاشتراك لان مايوصلني اي مسج يومي ولا يوصلني طريقة الالغاء قالي مايصير لازم اقدملك طلب للقسم الفني يكنسلونه!!!

قدمت فالشكوى اني ابي اعرف من الي اشترك لي وليش!! و فلوسي ترجع
الشكوى تسكرت ثاني !!!!!!

أتوقع عندهم موظفين من غرب الوطن العربي،، بدون ما حدد اكيد لاعبين عليهم

قدمت شكوى للمجلس الأعلى للاتصال طلبوا مني انتظر شهر الموضوع يمكن مر عليه اكثر من شهر
تذكرته يوم شفت موضوعك ،،

اُسلوب مماطله وسرقه العميل
اليوم انت مرتاح بكره بتتعب معاهم الدور الا ويجيك

قدمت شكوى للمجلس الأعلى للاتصال طلبوا مني انتظر شهر

أخبر 48 ساعة.

[CH Engineer]

9744797447


قدمت شكوى للمجلس الأعلى للاتصال طلبوا مني انتظر شهر

أخبر 48 ساعة.

صح كاتبين 30 يوم من شكوى اوريدو في حال لم يتم اغلاقها
عالعموم تم اغلاقها و عطيتهم رقم الشكوى والتفاصيل وللحين وبعد اكثر من شهر محد رد علي

[مضارب دوسري]

مالك الا حسابهم ف تويتر لحل المشاكل العالقه

5 مرات تنحل مشاكلي معهم بكل سلاسه عبر تويتر

اما عن طريق 111
ماخبر حلوا مشكله لي

[مضارب دوسري]

وانا متاكد ان الخطا سيكون انك استخدمت شبكه فالدوله اللي رايح لها وهاشبكه ما تدعم جواز اوريدو



جواز اوريدو مقلب للي على نياته

لذلك لما تسافرون 300 ولا 500 ريال خذ فيهم خط جديد مع نت

وخل الواتس اب على رقمك القطري
وبيكون وضعك تمام

[بوخالد911]

بعض الموظفين غير ملمين المام تام
فيفتي ع كيفه.
لو قال بسأل وبرد عليك. يكون أفضل.

[طلعة الروح]

أظن ان المشكله ان طاقم الكول سنتر ماعنده خبره كامله بالمشاكل والاحداث التي تطرأ وكيفية حدوثها ولأن كل يوم في خدمه جديده مايقدرون يلمون بكل الاخطاء واسبابها وكيفية معالجتها في وقت وقوع المشكله لكن انا ضد ان يفتي اي موظف بدون علم ويجب ان يحيل المشكله مباشره للقسم المختصص اذا ماقدر يقترح ويعالج من اول لحظه.

[ya3coub]

للأسف الواحد يقول يا رب ما يطيح بمشكلة او شكوى او عائق فني معاهم لأنه بيتعب و اهو يشرحلهم شغلهم و الأنظمة المعتاده بقطر و خارجها و اهم نادر يجيكم واحد يعرف بس فالحين ادفع او ارفع اللمت الحين و بعدين راجع الفرع الي فيه اتعس و ادمر للأسف


كنت فترة طويلة جدا جدا فشركة فودا فون, و توني من اقل من سنة حولت على اوريدو على اساس الناس تمدح فيهم و كان في عرض و الي فاوريدي يقولون احسن من قبل و من هالكلام

ميزة فودافون تعويض العميل و الإستماع له. و بعد شهر يتم إرجاع المبلغ الي الشخص معترض عليه كانت مشكلتي معاهم كل شهرين إلى ثلاث اشهر الفاتورة اتكون غلط و لازم ادقق وراهم و هالشي طبيعي كوني اعرف استخدتمي فكان عندي انترنت ببلاش فقط علشان ما اطلع من عندهم و اشياء جميلة بس موضوع اني ادقق وراهم و ورى كمبيوترهم ما كانت عاجبتني


رحت لأوريدو و للأسف شهر بشهر الفاتورة تزيد و للأسف لا حق ولا باطر و لاني ماخذ عن طريع عرض لازم اتم سنة كاملة

الي توصلتله الي ياخذ الباقة الكبيرة او باقه الإنترنت اللامحدود من يومها ولا اتصلت فيهم ولا يتصلون فيني و كل ما يجيني استبيان للأسف اكتب الصج الي احسه بأنه نصب و احتيال فقط علشان العملاء ياخذون اكبر باقه

[بـن عدوان]

الارجح انك اشتركت في جواز اوريدو وشبكت على شبكة مش من ضمن الشبكات المعتمدة

فكأنك ماسويت شي

انا دايما لما اسافر افعل جواز اوريدو والحمدلله ولا مرة جاتني فاتورة عليها

[محمد11]

يعطيكم العافيه ..
وننطر تجارب باقي الاعضاء ..

بغض النظر عن مشاكلهم الي ماراح تخلص وعن السستم مالهم الي يقولون عنه معصوم من الغلط !! ..
اوريدو تعتبر من افضل الشركات ف العالم ف الخدمات من ناحية التسعيره او الانترنت او الخدمات الخارجيه . .

اما بخصوص جواز السفر نصيحه انصحكم فيها الي يبي يشترك في خدمة جواز السفر خذو لكم كرت هلا وتعبئه 100 ريال بعدها محد يقدر يطلعك انت غلطان الا في بعض الاوقات اذا كانوا حاطينك في بالهم .. مثل ماصار لي ..

عبيت الكرت واشتركت ف جواز السفر جاتني رساله تم التفعيل بعدها شبكة النت وبعد ساعه وصلني مسج ان رصيدي خلص !!! رديت اتصلت لهم قالوا لي انت ماشتركت !! قلت لهم وصلني مسج ان تم تفعيل الخدمة خلوني ساعه ع الخط .. بعدها قالوا لي بنسجل لك شكوى لان الخدمة تفعلت بشكل صحيح لكن بعدها تكنسلت ورجع الرصيد في حسابك .. وبعدها قام ياخذ من الرصيد .. علشان جي خلص الرصيد ������

قالوا السستم مايغلط قالوا ..

[بوخالد911]

الارجح انك اشتركت في جواز اوريدو وشبكت على شبكة مش من ضمن الشبكات المعتمدة

فكأنك ماسويت شي

انا دايما لما اسافر افعل جواز اوريدو والحمدلله ولا مرة جاتني فاتورة عليها

والأهم تخلي اختيار الشبكات يدوي
مب تلقائي.

[البهتري]

بوحارب وطلعة الروح كلامكم سليم 100%
والمشكلة اللي مر فيها بوحارب للحين امر فيها