المجلس المشترك

[سعود.]

مساء الخير

كثير من الاخوان تطلع اراضيهم جنب بعض شي حلو

ولاكن ؟؟؟

مش معقوله كل واحد يبني مجلسه بروحه منفصل عن لاخر !!

المشكله هذا هو القانون ممنوع مجلس مشترك .

الحل طبعآ بعد اتمام البناء .

ليش مايكون فيه قانون يسمح ببناء مجلس مشترك بين الاخوان ؟؟؟؟؟؟

[معماري قطري]

سهالات كثير مسوين وحتى عيال عم مب اخوان وبرخصة بناء مجلس .. بس اللي يقهر بعض القيود اللي يحطها التخطيط على المجالس في بعض المناطق كعدم فتح الواجهة على الخارج وبعض الارتدادات مع عمل رصيف يعيق وقوف السيارات ويفترض حتى تنظيم المواقف الخارجية من قبلهم

الواحد يحتاج مجلس صغير تابع لبيته بالإضافة لمجلس كبير العائلة

[سعود.]

مرحبا اخوي معماري

بلدية ام صلال رافضين الموضع اساسا شهور وانا احاول فيهم ممنوع منعآ باتبآ ؟؟؟

[معماري قطري]

مرحبا اخوي معماري

بلدية ام صلال رافضين الموضع اساسا شهور وانا احاول فيهم ممنوع منعآ باتبآ ؟؟؟

مأجورين ويبغون يقضون على الهوية القطرية .. لازم حد يشتكي وسمو الأمير ما يرضى بهذا الشيء لأنه يمس تراثنا

[سعود.]

الله يعين الجميع

مالي حل الا بعد اتمام البناء .

تعال من جديد في بنيان المجلس لين يخلص بعدين عزل . كهرباء . بيبات ماي . ديكور ووووووووالخ .

يعني لو فيه وافقة كان مرة وحدة وخلصنا بنيان تشطيبات .

[معماري قطري]

وزير البلدية رجال طيب ومنتبه وإن شاء الله يطور هذي القوانين لصالح الجميع

[شموخ دائم]

,

,


مرحبا


شكرا على الموضوع

مافي شي اسمه مجلس ( مشترك )
اما يكون في ارضك او ارض اخوك او يكون في ارض منفصله ولها ملكيتها الخاصه

اذا احد الاخوان قرر يبيع بيته شنو بيكون وضع المجلس !!؟
مع المشتري الجديد !!

واذا احد الاخوان قرريهدم المجلس لاي سبب من الاسباب
والاخ الثاني مو راضي !!
شنو وضعه القانوني !!

مو شرط الاخوان يكونون متصافيين طول العمر
البلد فيها مشاكل كثيره في المحاكم


هناك اسباب لكل شي

والبلديه معاها حق بهذا الموضوع
لازم ننظر للموضوع من كل النواحي


والله ما يجيب مشاكل يارب

,
,

[سعود.]

مرحبا اخوي شموخ دائم

انا معك بنقاط الي ذكرتها وهي نفس نقاط البلدية .

بس هذي نسبتها انها تصير نسبة ضعيفه جدا بيع او ايجار واذا صارت اكيد راح يفصل المجلس او يهدمه

ومثل ماقلت في بداية الموضوع اغلب الاخوان تكون اراضيهم جنب بعض واكيد الكل يبي

مجلس مشترك منها يكون المجلس كبير ومنها ياخذ من ارضة مساحة اقل .

الله يبعد المشاكل عن الكل ....

[معماري قطري]

هي مشكلة تقريباً اجتماعية والا التخطيط يرضون لو حد بيبني مجلس على أرضه .. بعض الأراضي اللي تتوزع يتم اعطاء الكبار قطع اضافية للمجالس .. وبعضهم قايم بهذي المهمة من زمان حتى يجمع عيال عمه واخوانه حوله .. هذا وضع ونشوف كيف المجلس يبنى ليكون مجلس وأحياناً على قطعة أرض كبيرة ويكون مجلس معاه ملحقات حتى غرف فندقية ومكاتب

دخلت مكتب شركة عبارة عن بيت عادي لكن مجهز بالكامل بادارة ومواقف ليكون شركة بدون اللافتة حتى ما تزعل البلدية .. الميزة الطيبة فيهم الجد والوالد والأحفاد كلهم لهم مكاتب ويديرون شغلهم منه وبهدوء واحترام للجوار

المفروض مجالس العائلات تطور وتكون كبيرة ومناسبة حق الاجتماع فيها

أذكر سمو الأمير الوالد الله يحفظه زار أحد الوزراء السابقين وكان مجلسه صغير فأمر له بأرض حكومية ليبني عليها مجلس

[معماري قطري]

أحد الأشخاص مسوي مجلس 3 طوابق .. طابق تحت المجلس كمواقف للسيارات وطالع المجلس مرتفع ومسوي طابق فوق مكتب خاص له وبدون أي ارتداد ومجلسه يبين تحفة من حيث المنظر الراقي واطلالته على الشارع .. أرضه كبيرة حول 5000 متر مربع والقوانين كلها تغيرت علشانه وغير أرضهم صغيرة وممنوع يفتحون دريشة على الشارع