قالت أهل قطر مايعطونا ..... ليش ؟؟!!!

[طير حوران]

السلام عليكم ورحمة الله وبركاته

في عطلة الربيع كنت في مدينة الحفر وهى احدى المدن الكبرى في الشمال السعودي ويكثر فيها الزوار في هذا الموسم من مختلف دول الخليج

هذه المدينه لااله الا الله يكثر فيها أهل الطراره والشحاذين من دول عربيه مختلفه مجاوره للسعوديه يتقمصون فيها شخصية المرأه الخليجيه لكي تتعاطف معهم


اتتني وحده عربيه طراره ( شحاذه ) تطلب مني مال وكنت قد رأيتها قبل قليل أنها عند مرور دورية الشرطه هربت ودخلت بسرعه داخل أحد المحلات وأخذت تتحدث مع البائع وتمد يدها على الاغراض على شكل زبونه وعندما تجاوزت الشرطه الموقع عادت تتابع مهمتها في الطراره من الماره

دخلت المحل بعدها واشتريت حاجتي وسألت صاحب المحل عنها وقال يااخي هذه من جنسيه عربيه الله يصلحهم تجيبهم سيارات من نساء وأطفال ثم يتركونهم موزعين في مختلف زوايا السوق طول النهار ثم يأتون ويجمعونهم الساعه 10 مساء وعندما يرون الشرطه يدخلون اقرب محل ويساومون على شكل زبائن


أنا أعلم ان بعض الجهات المختصه في دول الخليج تمنح من تقتنع بحاجته من المحتاجين شهاده توضح مشكلته وتحدد مدة لأنتهاء صلاحية تلك الشهاده المسموح بها لحاملها بطلب المساعده خلالها


المهم انها وصلتني وطلبت مني كغيري فقلت لها الله يعطيك

زعلت وقالت لا ليش ماتعطيني وانا مسلمه محتاجه وانت مقتدر وجاي تتفسح

وقالت ( ليش انتو يااهل قطر بالذات ماتعطون واللي غيركم يعطي ؟؟!! )

قلت يمكن مثلي مااقتنعوا انك محتاجه وبعدين وين الشهاده من الجهه المختصه قالت ما يعطون الا اللي يبون

وقالت لا انتوا مرتاحين ولاتشوفون الفقراء

قلت يابنت الحلال الله كريم وترى الشرطه قريبه

صارت تلتفت يمين ويسار ثم هربت مسرعه


الله يهديهم ويصلحهم

[سالم الزهران]

حياك الله يا طير حورانز
نشوف اللي تشوفه والنساء اللي ذكرتهم كانت تنزلهم جموس و تجي تاخذهم بالليل ، من اين و لفين الله اعلم

الحاصل انهم شبكات منظمة و جاهزين للسرقة او للأعمال اللا اخلاقية

بداية ظهورهم في جدة ، لاحظت نشاطهم المتزايد و ناديت على واحد منهم و قلت له

ابيك في شغلة ،، ( ذكرت له عدة شغلات صعبة ) قال لي معك اهم شيء فلوسي تصلني

رحت وبلغت عنهم بتقرير و عرضت فيه التجربة و قالوا لي ما قصرت وعطوني شهادة تقدير :)

مكافحة التسول عندنا مهتمة بالخادمات فقط و التسول ما قد سمعنا انهم اصدروا تقرير او ضبطيات الخ

للأسف في سبات عميق

[طلعة الروح]

لا حول ولا قوة الا بالله واضح من سياق المشهد ان الموضوع مترتب ومخطط له بدليل نقد المرأة أهل قطر لعدم اعطائها مساعدات العتب يكون ع الدوله بدخول كل واحد بدون عمل رسمي حتى لو كانت تأشيرة زيارة يجب متابعة وترحيل كل من يمتهن هذه المهنة بشكل منتظم طالما ان هذه الظاهره غير الحضاريه موجوده بكثره معنى ذلك ان المدينة تاركه الحبل على القارب لهؤلاء ولابد من وقفه معاهم واغلب الظن ان لا يجب مساعدتهم والطلب منهم اللجوء الى القنوات المختصه لأن اهل قطر يقدرون يفرقون بين المحتاج الحقيقي والمتأزم وبين المحترف للمهنة او النصاب.

[Dana’1]

للأسف مو بس بالحفر موجودين حتى بباقي المدن
ونفس الطريقه باص او جمس ينزلهم بوقت وياخذهم بوقت محدد... وظيفه رسميه!

هي لو جات على سؤال الناس الفلوس بس تهون ... المشكله والبلاء فعلا هو استخدام بعضهم مايعمي العين فيسرق كل ماعندك...ما تستوعب إلا عقب ...او حتى سحب الشخص بكبره بالذات البنات !


الله يحفظنا وبناتنا والمسلمين أجمعين و يكفينا شرهم آمين يارب العالمين

[JN000N]

عيارتها عاد اكثر ناس مقصه ويعطون وفلوسهم مب لهم هل قطر وعليه
الا تبي تضربك عالوتر الحساس عشان تثبت العكس وتعطيها
وهذول اصلا مب عايله هذول شبكه متوزعه على مناطق ولهم فروع فكل مكان
تحتهم ملايين خخخ
حمدلله والشكر
حتى لو تغانوا بيزيدونك فقر وهم بيتمون على حالهم

[موظف ((حكومي]

امس كنت في الحسا قريب من شارع الماجد من جهه ثانيه عند الاشاره نفس المشكله

[المحاميه]

:omg::omg::omg:


استغفرالله

[الحياة الخالدة]

وعليكم السلام ورحمة الله وبركاته
تقول اللي تقوله .. احنا أدرى بنفوسنا
ولا احنا بحاجة شهادتهـــــــــا

[المحاميه]

ليش؟

تاكلين عيش وقت الفطور .. :secret:

[الصغيره]

بشارع ال شافي امس

بصيدليه جنب الخضروات اللبنانيه

جاء بنقالي شكله مووذن قال السلام عليكم ماما

مارديت خذيت حاجتي وطلعت دخلت الخضروات اللبنانيه مر شافني من الزجاج دخل وسلم علي انا بالذات

قلت نعم قال ماما اسمعي فيه مدرسه تعليم قران قلت اوكي قلت هات الاوراق الدليل قام وطلع وانظم لمجموعه مثله واختفوا


مره عند مكتبة ابن القيم قبل رمضان شاب هندي يلبس بنطال وغميص لحقني لين ركتب السياره وكشف من ذراعه فيه مثل الضماد والدم وواير لنقل الدم

طلب مساعده

انا خفت سكرت الباب مدري عن صحته او كذبه

حتى لو حالته حرجه وتعبان وبهذا الشكل كيف طلع من المستشفى؟


نبي الجهات المعنيه تعطي لك محتاج شهاده انه محتاج

الصراحه مدري من نصدق ونكذب :(

[مخطط قطري]

العمليه محتاجه تدخل امني ودور اقوى وتوعيه للاخوان لانه هالنوع يعتبر نصاب ويخرب على الفقير الحقيقي

[JN000N]

بشارع ال شافي امس

بصيدليه جنب الخضروات اللبنانيه

جاء بنقالي شكله مووذن قال السلام عليكم ماما

مارديت خذيت حاجتي وطلعت دخلت الخضروات اللبنانيه مر شافني من الزجاج دخل وسلم علي انا بالذات

قلت نعم قال ماما اسمعي فيه مدرسه تعليم قران قلت اوكي قلت هات الاوراق الدليل قام وطلع وانظم لمجموعه مثله واختفوا


مره عند مكتبة ابن القيم قبل رمضان شاب هندي يلبس بنطال وغميص لحقني لين ركتب السياره وكشف من ذراعه فيه مثل الضماد والدم وواير لنقل الدم

طلب مساعده

انا خفت سكرت الباب مدري عن صحته او كذبه

حتى لو حالته حرجه وتعبان وبهذا الشكل كيف طلع من المستشفى؟


نبي الجهات المعنيه تعطي لك محتاج شهاده انه محتاج

الصراحه مدري من نصدق ونكذب :(

هاي حركة اليد الي جنها محترقه وجروح وايد سووها
وبلغت مره مكافحة التسول وياو شلو واحد ماذي العالم كان صوب الابراج وراح العزيزيه
وترى هذي حركة الكل يمرون يسلمون عشان تعطينهم فلوس شباب وكبار يسوونها
انا ماحب هالحركات
انا اعطي من نفسي ماحب حد يجبرني ويلاحقني

[رجل الجزيرة]

هاي حركة اليد الي جنها محترقه وجروح وايد سووها
وبلغت مره مكافحة التسول وياو شلو واحد ماذي العالم كان صوب الابراج وراح العزيزيه
وترى هذي حركة الكل يمرون يسلمون عشان تعطينهم فلوس شباب وكبار يسوونها
انا ماحب هالحركات
انا اعطي من نفسي ماحب حد يجبرني ويلاحقني


شفت لزقات وهميه على شكل حروق يحطها المحتال على يده يوهم الناس على يده حرق.

[بوخالد911]

بشارع ال شافي امس

بصيدليه جنب الخضروات اللبنانيه

جاء بنقالي شكله مووذن قال السلام عليكم ماما

مارديت خذيت حاجتي وطلعت دخلت الخضروات اللبنانيه مر شافني من الزجاج دخل وسلم علي انا بالذات

قلت نعم قال ماما اسمعي فيه مدرسه تعليم قران قلت اوكي قلت هات الاوراق الدليل قام وطلع وانظم لمجموعه مثله واختفوا


مره عند مكتبة ابن القيم قبل رمضان شاب هندي يلبس بنطال وغميص لحقني لين ركتب السياره وكشف من ذراعه فيه مثل الضماد والدم وواير لنقل الدم

طلب مساعده

انا خفت سكرت الباب مدري عن صحته او كذبه

حتى لو حالته حرجه وتعبان وبهذا الشكل كيف طلع من المستشفى؟


نبي الجهات المعنيه تعطي لك محتاج شهاده انه محتاج

الصراحه مدري من نصدق ونكذب :(

هاذوله خراطين دجالين نصابين.

بلغوا عنهم فوراً.

[JN000N]

شفت لزقات وهميه على شكل حروق يحطها المحتال على يده يوهم الناس على يده حرق.

الي شفته كان مقرف مقرف مقرف لدرجه حسيت ان وصخ وايد
كنت شايفته اكثر من مره على مدى ست شهور واكثر
يوم شفته ينطلق من منطقه لمنطقه بلغت عنه

[qatara]

وما الذي أوصل هذه الاشكال وكل يوم وهم في زياده لهذا الحال

سببين لا ثالث لهما :

اما حاجه حقيقه وفقر او سو معاجه للمحتالين

[بانغ بانغ]

جدام عيني ...

عطيت وحدة المقسوم وشكيت فيها وراقبتها من بين السيارات في مواقف ابن القيم المرخية والا اركبت بنتلي موديل السنة بسواق ووحدة قاعدة ورا ... هالكلام من كم سنة

يسيئون للمحتاجين فعلا

[بوخالد911]

الي شفته كان مقرف مقرف مقرف لدرجه حسيت ان وصخ وايد
كنت شايفته اكثر من مره على مدى ست شهور واكثر
يوم شفته ينطلق من منطقه لمنطقه بلغت عنه

وعقب التبليغ عنه.
هل ظهر مرة ثانية ولا؟

[رجل تعليم]

أهل قطر أهل كرم الله يزيدهم من نعيمة وفضله ويحفظ لكم الأسرة الحاكمة ويديم الأمن والرخاء على بلدكم العزيز

[JN000N]

وعقب التبليغ عنه.
هل ظهر مرة ثانية ولا؟

انا حركت من المكان وقت الدوريه يات
وكلموني ع اساس اعطيهم اوصافه ولقوه
ورصفوه لي وطلع هو قلتلهم بس يكشفون عن يده يتاكدون
ومن بعدها كذا مره اروح ماحصلته كلللللشششش
بس ف العموم هو مب واحد
هم وااااايد

[المحاميه]

الفقير والمحتاج الحقيقي ترا عنده عزة نفس مايمد يده للناس ولا يتسول ..
هو عادة يسأل الله وحده لانه علاقته بربه تكون قويه والخير اييه من رب العالمين


لكن اللي يمد يده ويلاحقك .. هذا مادري شاقول عنه ..
عالعموم ياجماعه لو احترتوا ف شخص وماتدرون هو صادق ولا .. تذكروا .. وعلى نياتكم ترزقون .. يعني انت لك الاجر باذن الله على حسب نيتك ..