عزل دورات المياة !!

[سعود.]

ماهو افضل لعزل دورات المياة ( اعزكم الله ) !!!

ناس تقول رولات وناس تقول عزل بمادة ( فولكم ) المائية ؟؟؟

ومادة فولكم موجودة في الدوحة ولا ؟؟؟

[شموخ دائم]

,

,


مرحبا


استخدم العزل العادي رولات معروف بقطر والعماله تعرفه زين
والشركات المعروفه المسند وتدمر وغيرهم كثيرين


https://pbs.twimg.com/media/BVCC5rtCAAMG5fF.jpg

بالنسبه لماده العازل ( فولكم ) هي معروفه بالسعوديه اكثر من قطر وهي شركه امريكيه
ومو منتشر بقطر في البيوت الخاصه ولكنها موجوده للمشاريع

الماده تشبه ( البيتومين ) تطلى بالفرشاه ويجي منه نوعين نوع جيد جدا ونوع وسط

النتيجه وحده في الحالتين

وانصحك بالرولات العاديه

يوجد في قطر انواع كثيره تشبه الفولكم وهي متخصصه

وتسخدم ( للعمارات ) وليس للفيلات وسعرها اغلا

للفيلا الرولات العاديه افضل وعليها ضمان 10 سنوات

المشكله هاذي المواد الشركات المتخصصه ما تجي لفيلا وحده فيها 4 او5 حمامات

يجون لعماره فيها 20 او 30 حمام


,

,

[سعود.]

جزاك الله خير اخوي ( شموخ دائم ) على الرد والتوضيح

بتوكل على الله وبركب رولات .

[معماري قطري]

الرولات شوف النوع السميك أضمن اخوي سعود .. 6 ملم .. بعدين لو السيراميك مركب زين وبغراوت جيد حتى لو ما تعزل ما عندك مشكلة ما يتسرب الماي منه .. البايبات اللي تحت للصرف الصحي لازم تكون نوعية ممتازة وسمك جدرانه كبير مب بسهولة تنطعج وتنكسر وتكون ملصوقة بلزقة في كل جوينت وبجزء موصل مناسب وجيد .. بعض العليمية يسونها بالحرق وتوسعة البايب حتى يدخل في البايب .. هذا شوته بوز في رمضان وجيب غيره .. لو ضمنت عدم التسريب ما عندك مشكلة .. لكن لو ما ضمنته وحصل تحت البلاط حتى لو العازل 4 أضعاف بيرتفع لفوق وبيسيل على الجدران

[معماري قطري]

بعضهم للشكل وللحصول على بلاطة كاملة تحت في الجدار يخلي البلاطة الأخيرة لبعد تركيب الأرضية .. يبقى الحد الفاصل في الزاوية مجال للتسريب القليل ويتراكم ويبين بعد فترة مبقع على الطوفة من الخارج .. هنا في حال التقاء سطحين رأسي وأُفقي الوضع صعب حتى القراوت ينفتح ولازم سيليكون ويتجدد

الحل الثاني تنسى البلاطة الأخيرة وتخليها تحت مستوى بلاط الأرضية وتسكر الفتحة في الطرف بالقراوت

[سعود.]

جزاك الله خير اخوي ( معماري قطري )

مانستغني عن نصايحك .

اشكرك

[معماري قطري]

العفو يا اخوي وجزيت بما دعيت إن شاء الله