&& الأعمال الخيرية والشو الاعلامي &&

[ضوى]

حقيقة لا اعرف كيف أبدا هذا الموضوع الذي سبب لي ألماً بالغاً في نفسي ، على اي حال سأبدأ حتى وان لم تكن افكاري مرتبة بشكل جيد

تطالعنا مواقع التواصل الاجتماعي والقنوات التلفزيونية والفضائية والصحف احيانا بصور المساعدات الخيرية التي يحصل عليها المحتاجون في مختلف بقاع العالم الفقير ، اليمن ، سوريا ، العراق ، سيرلانكا ، الهند .. الخ ، إلى هنا ويبدوا الامر عادياً جدا ، ولكن الغير عادي هو ان يتم تصوير المحتاج ايا كان رجلا او امرأة او طفل صغير وهو ممسك بسلة غذائية او مساعدة عينية ايا كان نوعها ويريدونه ان يشكر هذا المتبرع او تلك الجمعية الخيرية .
نقطة عالسطر ونكمل

وردت لي عالواتس اب مجموعة صور لمحتاجين من بلد عربي مسلم ، وهم ممسكين بأكياس الرز والسكر والطحين .. الخ ، احدهم كان لمسن تبدو عليه الحاجة ، صورته كانت معبرة جدا حيث امتلأت عينيه بالدموع التي لم يستطع ان ينزلها لسبب ما ، رأيت فيه انكساراً وذلاً ادمى قلبي ، كيف يمكن لهؤلاء الناس او الجمعيات الخيرية ان تكسر شموخ وعزة هذا المسن ؟؟ بأي حق فعلوا ذلك ؟ هل لأجل أن يقال هذه الجمعية جيدة في توصيل التبرعات وبالتالي يزداد تدفق التبرعات النقدية عليهم ؟
لا اعترض على اظهار المساعدات وحجمها وكمياتها وخلافه ، الاعتراض ان يتم تصوير المحتاجين وهم يستلمون هذه التبرعات ، يجب أن نحفظ لهؤلاء المحتاجين كرامتهم وعزتهم ، يجب ان يحسوا بقيمتهم كبشر وليس كمحتاجين يتم الاستعراض بهم في مواقع التواصل الاجتماعي والقنوات والصحف .

اطالب الجهات الرسمية والغير رسمية بمنع تصوير المحتاج بشكل قطعي حفاظا على كرامته وماء وجهه ،

[الدوحه1]

http://store2.up-00.com/2016-06/1465801191261.jpg (http://www.up-00.com/)

[بانغ بانغ]

معظم صور الفقراء والمحتاجين دعائية يعني ايصورونهم في الاستوديو وليست حقيقية

[بانغ بانغ]

كان زين الموضوع اخذ منحنى اخر الا وهو الخساير على الدعايات والصور في الشوارع والشو الاعلامي لمنتسبيهم

مشهورين اكثر من هل الرياضة وتصوير وحفلات " خيرية " ... اتشبع قارة

[قطر خضراء]

لأجل أن يقال هذه الجمعية جيدة في توصيل التبرعات وبالتالي يزداد تدفق التبرعات النقدية عليهم

لو فقهوا فعلا معنى الصدقة ماأظهروا وجوه المحتاجين وقصفوا كرامتهم بهذا الشكل المشين

عموما فاقد الشيء لا يعطيه

[qatari911]

اختي ضوى
البعض من الناس قام يشكك في الجمعيات الخيرية في تقديم المساعدات للناس المحتاج سوا هنا او بالخارج
فقامت الجمعيات الخيرية تتجه لتصوير وصول المساعدات والمفروض ليس لتصوير مستحقيها وهم يستلمونها
اذا بناء المساجد يطلب صور للمسجد ومراحله واذا كافل يتيم يطلب صور لليتيم وهو يستلم المبلغ او مساعدات عينيه ليطمن
كلامي من شخص متبرع فيه هالصفه واسلتها كثيرة وان الجمعيات الخيريه يمكن ماتساعد او غيرها
وانا مع التصوير المساعدات ولكن لست مع تصوير مستحقينها ابدا

[ضوى]

معظم صور الفقراء والمحتاجين دعائية يعني ايصورونهم في الاستوديو وليست حقيقية

اخوي بانغ

الصور حقيقية جدا ، وكلامي مب عن الصور اللي في الاستديو اللي تكون لزوم تصوير فقط ، التصوير كان لمسنين وعجايز واطفال متلهفين للحصول على السلة الغذائية ، غير طابور إفطار صائم اللي امتد ربما لكيلو او أثنان

[ضوى]

كان زين الموضوع اخذ منحنى اخر الا وهو الخساير على الدعايات والصور في الشوارع والشو الاعلامي لمنتسبيهم

مشهورين اكثر من هل الرياضة وتصوير وحفلات " خيرية " ... اتشبع قارة

نقطة مهمة اخوي بانغ ، تستحق ان تكون بموضوع منفرد لمناقشتها شكرا لك

[بانغ بانغ]

اخوي بانغ

الصور حقيقية جدا ، وكلامي مب عن الصور اللي في الاستديو اللي تكون لزوم تصوير فقط ، التصوير كان لمسنين وعجايز واطفال متلهفين للحصول على السلة الغذائية ، غير طابور إفطار صائم اللي امتد ربما لكيلو او أثنان

عجل هاي يوثق كلامي في انتقادهم وتبريرهم لتصوير المحتاجين بهالطريقة المهينة .... والله قهر ...

[الحياة الخالدة]

http://d.top4top.net/p_1649aui0.jpeg (http://up.top4top.net/)

http://c.top4top.net/p_164qjn40.jpeg (http://up.top4top.net/)

يعني ما يكفيهم ذل الفقر والحاجة .. عشان نصورهم و ننشر صورهم
سبحان الله أمور بسيطة ممكن تضيع أجر العمل الصالح
قد يكون المقصد حسناً لكن مثل ما قالوا اللي قبلي تصوير المباني و الاماكن و التصوير اللي ما يركز على الافراد يفي بالغرض و الهدف المنشود

جزاكِ الله خير .. موضوع طيب

[ضوى]

http://store2.up-00.com/2016-06/1465801191261.jpg (http://www.up-00.com/)

فعلا هذا اللي صاير الحين ، يارب لاتبلينا ويارب ثبت العقل والدين علينا

[ضوى]

لو فقهوا فعلا معنى الصدقة ماأظهروا وجوه المحتاجين وقصفوا كرامتهم بهذا الشكل المشين

عموما فاقد الشيء لا يعطيه

الله المستعان ويهدي الجميع

شكرا لك

[ضوى]

اختي ضوى
البعض من الناس قام يشكك في الجمعيات الخيرية في تقديم المساعدات للناس المحتاج سوا هنا او بالخارج
فقامت الجمعيات الخيرية تتجه لتصوير وصول المساعدات والمفروض ليس لتصوير مستحقيها وهم يستلمونها
اذا بناء المساجد يطلب صور للمسجد ومراحله واذا كافل يتيم يطلب صور لليتيم وهو يستلم المبلغ او مساعدات عينيه ليطمن
كلامي من شخص متبرع فيه هالصفه واسلتها كثيرة وان الجمعيات الخيريه يمكن ماتساعد او غيرها
وانا مع التصوير المساعدات ولكن لست مع تصوير مستحقينها ابدا


ماعندي مشكلة في تصوير مسجد بناه متبرع او فاعل خير ولا عندي مشكلة في تصوير يتيم كافله فاعل خير ، بالعكس ابي اشوف ولدي اللي كافلته واللي بيكون سبب في مجاورة الرسول عليه الصلاة والسلام في الجنة ان شاء الله ، لكن المشكلة اصور طفل وانا اعطيه مساعدة والا ثياب والا اكل ، والله انها تكسر قلب المحتاج ، اعطي المحتاج من غير لا اذله بتصوير والا شو ،

[ضوى]

http://d.top4top.net/p_1649aui0.jpeg (http://up.top4top.net/)

http://c.top4top.net/p_164qjn40.jpeg (http://up.top4top.net/)

يعني ما يكفيهم ذل الفقر والحاجة .. عشان نصورهم و ننشر صورهم
سبحان الله أمور بسيطة ممكن تضيع أجر العمل الصالح
قد يكون المقصد حسناً لكن مثل ما قالوا اللي قبلي تصوير المباني و الاماكن و التصوير اللي ما يركز على الافراد يفي بالغرض و الهدف المنشود

جزاكِ الله خير .. موضوع طيب


وجزاج الله الجنة ونعيمها

بالضبط هذا اقصده ، الصورة اللي حطيتيها معبرة جدا ، اصور طفل محتاج وهو يستلم مساعدة عينية ، طيب اصور ظهره من غير لا اطلع ملامحه ماينفع ؟

[الحياة الخالدة]

المزيد من الصور :

http://d.top4top.net/p_164pnu70.jpeg (http://up.top4top.net/)

http://c.top4top.net/p_1643nwn0.jpeg (http://up.top4top.net/)

http://e.top4top.net/p_164rmz30.jpeg (http://up.top4top.net/)

[بريق الحق]

للامانة جميع البرامج أصبحت شو والتصوير في دول فخمة
ياريت البعض يمشي كما فعل السميط الله يرحمه يارب

[نمر بن عدوان]

للامانة جميع البرامج أصبحت شو والتصوير في دول فخمة
ياريت البعض يمشي كما فعل السميط الله يرحمه يارب

الله يرحمه ويغفرله ويجمعنا فيه في جنات النعيم فعلا ونعم الرجل الخير

[بريق الحق]

الله يرحمه ويغفرله ويجمعنا فيه في جنات النعيم فعلا ونعم الرجل الخير

والله ابحث له فاليوتيوب تجد مقاطع نادره للشيخ وكانت افعال الله يتقبلها كبيره سبحان الله
رجل يجب ان يدرس للدعاة

[بومحمد المطاوعه]

اختي ضوى
البعض من الناس قام يشكك في الجمعيات الخيرية في تقديم المساعدات للناس المحتاج سوا هنا او بالخارج
فقامت الجمعيات الخيرية تتجه لتصوير وصول المساعدات والمفروض ليس لتصوير مستحقيها وهم يستلمونها
اذا بناء المساجد يطلب صور للمسجد ومراحله واذا كافل يتيم يطلب صور لليتيم وهو يستلم المبلغ او مساعدات عينيه ليطمن
كلامي من شخص متبرع فيه هالصفه واسلتها كثيرة وان الجمعيات الخيريه يمكن ماتساعد او غيرها
وانا مع التصوير المساعدات ولكن لست مع تصوير مستحقينها ابدا

صادق الله يجزاك خير

البعض يتهم الجمعيات بالبوق
والبعض اتهم بأن الفلوس ينحط ف مخبى الناس الي
يروحون ومتطوعين

الصور دليل على توثيق التبرعات

ومب كل صوره المفروض تنشر
في صور تستحق النشر وفي صور لاتستحق النشر


علشان يسكرون حلوج الناس الي تتكلم وتظلم

وذمتهم كبر الحجر

[السيف5]

موضوع بغاية الاهمية

فعلا تصوير وجوه الاشخاص الذين يستلمون المساعدات

احسه ذل لهم على الاقل طمسوا الوجوه وخلو الاجساد

يعطيك العافية اختي وعسى ان يلتفت المختصين بالجمعيات الخيرية

[الحياة الخالدة]

للامانة جميع البرامج أصبحت شو والتصوير في دول فخمة
ياريت البعض يمشي كما فعل السميط الله يرحمه يارب

الله يرحمه ويغفر له و يسكنه الفردوس الأعلى .. مَثَـــلٌ يُحتــــــذى

[Rider]

شكرا اختى على الموضوع فعلا كان شاغلني من زمان واخيرا حد تكلم عنه

[بومحمد المطاوعه]

الي بيصور
على حسب نيته ،،

اذا يبي يستعرض ويراوي الناس ان شوفوني
انا دفعت او انا سويت ولا عطيت

هذي راح عليه الأجر ورب العالمين يعلم بنيته ،،

على الاقل في ناس تأثرت من الصور وحست بأخوانهم الفقراء المحتاجين

ربما صوره تأثر في نفوس اطغى البشر ،،

محد يعلم ولكن الله يعلم ،،

لو مافي دعايات ولا في صور ولا في اعلان
اشلون الواحد بيعرف حالهم هناك ؟

في حد تطرق وسافر وراح شاف عيشتهم اشلون ولا حالهم ؟؟

الي يروح ويشوف ويعيش جوهم اقسم بالله بيحس بمعاناتهم

انا مابي اتكلم واقول وين رحت وشنو سويت وشنو شفت ولكن اتمنى
واحد بس يسافر ويشوف عيشتهم وحالتهم اشلون

ويتابع اخبارهم بيعرف ان صج صج الكثير في الخليج غافل عنهم ،،

ولا يعرف شلون عايشين واشلون يرقدون

الحمدلله ان الايادي البيضه تتبرع وللحين الناس بخير وعافيه

وانا شخصيآ يشرفني لين صورت ولا ضميت و مسكت طفل وحبيت راسه
وانا اشوف الابتسامه على وجها
رغم عيشته العسره يبتسم ويضحك ويفرح

سبحانك ربي ما ارحمك الي تخلي قلب هذا المسكين الي حتى ملابس مثل الناس مب لابسه

رب العالمين جعل الابتسامه على وجهم وفرحهم بوجود الناس حواليهم

وسبحان الله رب العالمين نزع الابتسامه من بعض البشر ويملك الملايين وافضل عيشه


سبحانك ربي ما ارحمك

[@north_star@]

كلام سليم وفعلا شي يقهر ....والناس اللي يتبرعون للجمعيات الخيرية عندهم ثقة بالجمعيات الخيرية ولله الحمد فما أظن انه يحتاج توثيق وتصوير بهالطريقة وكل واحد ونيته لانه الشخص المتبرع بمجرد ما يسلم المبلغ للجمعية تكون بذمتهم في توصيلها للمحتاجين والله يستر على أمة محمد صلى الله عليه وسلم .

[بومحمد المطاوعه]

كلام سليم وفعلا شي يقهر ....والناس اللي يتبرعون للجمعيات الخيرية عندهم ثقة بالجمعيات الخيرية ولله الحمد فما أظن انه يحتاج توثيق وتصوير بهالطريقة وكل واحد ونيته لانه الشخص المتبرع بمجرد ما يسلم المبلغ للجمعية تكون بذمتهم في توصيلها للمحتاجين والله يستر على أمة محمد صلى الله عليه وسلم .
اكيد بذمتهم
بس تدري ليش توثيق
لان الناس

تتهم بالبوق وان الفلوس تنهب وتنسرق

ليش صار التوثيق

اولآ علشان يثبت للناس
ثانيآ

علشان الواحد يشوف عيشتهم هناك شلون
وتصل الصوره للناس الي عايشين ف خير هني

من اكل وملبس وبعض الناس لاحمد ولا شكر

[Dana’1]

فعلا الطريقه مش اوك بالذات بعض الحالات والصور ..وممكن الوحد يحس إنهم يسوقون لأنفسهم ويتاجروون على حساب قضاياا وآلام غيرهم
او يمكن مثل ما قال قطري911.. يمكن يبغون يثبتون للناس إن مساعداتهم توصل
يقدرون يسوون هالشي مع عدم اظهار الوجيه عالأقل!

الله أعلم بنياتهم هو شو او تنافس بالخير او إلي هو
بس الأهم مايضغطون عليهم إلا يظهرونهم او مافيه مساعده ويخلون الامر اختياري لهم اذا حب يظهر كيفه واذا لا يحترمون هالشي

[بوخميس]

اللي يقول ان توثيق وعشان الناس تثق ان مساعداتها توصل

اقوله سلامتك

هيئة الاعمال الخيرية تراقب كل مدخولات ومصروفات الجهات الخيرية، وهذي المساعدات اللي تطلع برا ما ياخذونها معاهم، هذي تروح هالدول عن طريق سفارات قطر وعن طريق وزارة الخارجية.

فموضوع التوثيق انسوه. مثل ما في عنوان الموضوع (شو إعلامي) فقط واستغلال حاجة المساكين.

[بومحمد المطاوعه]

اللي يقول ان توثيق وعشان الناس تثق ان مساعداتها توصل

اقوله سلامتك

هيئة الاعمال الخيرية تراقب كل مدخولات ومصروفات الجهات الخيرية، وهذي المساعدات اللي تطلع برا ما ياخذونها معاهم، هذي تروح هالدول عن طريق سفارات قطر وعن طريق وزارة الخارجية.

فموضوع التوثيق انسوه. مثل ما في عنوان الموضوع (شو إعلامي) فقط واستغلال حاجة المساكين.

مب استغلال حاجه المسكين ولا شي اخوي

وبخصوص التبرعات ترى مافي شي اسمه تبرعات عينيه وفلوس تدفع ومافي ولا جمعيه تودي فلوس معاها

وتوزع على كيف المتطوعين

اصلن شي معروف ان كل شي يتم بالتحويل والسفاره هناك تستقبل وترتب كل الامور لو من ناحيه الفلوس
ومن ناحيه التبرعات الملابس وهذي الامور يكون في جمعيه في هالدول
للتنسيق والترتيب

وكان الله غفور رحيم

المقصد من التوثيق في الصور للناس الي تبربر
وتتهم والي بعض الناس ذمتهم وسعيه وتطلع سوالف على الجمعيات


انت لو كنت متطوع في احدى الجمعيات بتواجهه مثل هالاشخاص

الله لايحطك في هالمواقف علشان ماتغير كلامك عقب

[بومحمد المطاوعه]

لو كان مافي اعلان عن التبرعات
ولا في اعلان ونقل الصور المعيشيه في هالدول

كان محد عرف حالهم هناك شلون

انا ماقول صورو المحتاج وهو يبكي او وهو يستلم
ولكن مافي مانع اخذ صوره معاهم وهو مبتسم
او اخذ صوره للمكان الي عايش فيه ،،

علشان الي عايشين في النعيم هني يحسوون ويعرفون ان في ناس مب لاقيه تاكل

[ضوى]

الله لا يبلينا بحب الظهور والشو الاعلامي واتفق معاك تماما بو خميس ، المقصد شو فقط ، والا الصور اللي نزلتها الحياه الخالدة هذي يرضي رب العالمين ، اصور ذل الحاجه والعازة والفقر واقول عادي ، اعلنوا عن مشاريعكم عن اعمالكم بس ابعدوا عن تصوير المحتاج ، انت بهالشكل تذله وتكسره اعوذ بالله

[شيخ الديرة]

احسنت الاختيار ضوى

[ضوى]

وبعدين سالفه التوثيق

انا لما اتبرع اكون بكامل ايماني وقواي العقليه وثقتي بهالشخص او هالجمعيه ، ماراح اقوله تكفى ابي اشوف تبرعي على هالمحتاج هذي يدور صيت مايدور اجر ، يوم اتصدق او اتبرع نيتي خالصه لوجه الله تعالى ماوراها رياء ان شاء الله ولا راح اشك ولو لحظه انه هالصدقه مابتوصل لانه عارفه اجري انحسب على رب العالمين ، وصلت ماوصلت اجري وصل باذن الله

[بومحمد المطاوعه]

الناس اجناس

ناس تتكلم وتتوكل على الله وتثق
وناس فيهم مرض الشك
ماتثق وتبي دليل والعياذ بالله

من جذي الجمعيات يبون يبرون ذمتهم
قالو نصور علشان نسكر حلج الي يتكلم والي فيه مرض النفس
وعدم مصداقيه الجمعيات الخيريه

[بوخالد911]

الله يبعدنا عن الرياء.
لأنه الشرك الأصغر. كما أخبرنا الحبيب عليه أفضل الصلاة والسلام : ((أخوفُ ما أخاف عليكم الشركُ الأصغر))، فسئل عنه، فقال: ((الرياء))؛ رواه أحمد.

رابط الموضوع: http://www.alukah.net/sharia/0/84687/#ixzz4BV9bIUaH

[شيخ الديرة]

الناس اجناس

ناس تتكلم وتتوكل على الله وتثق
وناس فيهم مرض الشك
ماتثق وتبي دليل والعياذ بالله

من جذي الجمعيات يبون يبرون ذمتهم
قالو نصور علشان نسكر حلج الي يتكلم والي فيه مرض النفس
وعدم مصداقيه الجمعيات الخيريه

يعني كيف صورة تثبت ؟ غريبة والله بعض التفسيرات، واللي بالصورة جزء قليل من كلفة ايصال المعونات، شحن، تذاكر طيارات، اجور خزن، نقل داخلي، فنادق، ...

[بومحمد المطاوعه]

يعني كيف صورة تثبت ؟ غريبة والله بعض التفسيرات، واللي بالصورة جزء قليل من كلفة ايصال المعونات، شحن، تذاكر طيارات، اجور خزن، نقل داخلي، فنادق، ...

انت تدري ان في بعض الناس وقت تتبرع تشرط على الجمعيات صور وتوثيق .؟

من حقه الواحد لو يبي يبني مسجد يتأكد هل بنى هذا المسجد او لا
يقدر يسافر ويشيك بنفسه افضل من الصور اذا مب واثق من الجمعيات ,,

انا ماقلت صورو المحتاج او ذلوه او خلوه يبكي وانتو تصورونه

محد يرضى هذا الشي ,,

ولاتنسى ان بعض الصور المؤلمه حركت بعض القلوب المتحجره للتبرع ,,

[ضوى]

للامانة جميع البرامج أصبحت شو والتصوير في دول فخمة
ياريت البعض يمشي كما فعل السميط الله يرحمه يارب

السميط شخصية لم ولن تتكرر ابدا الله يرحمه ويعفي عنه ويوسع منازله

جزاك الله خير

[ضوى]

موضوع بغاية الاهمية

فعلا تصوير وجوه الاشخاص الذين يستلمون المساعدات

احسه ذل لهم على الاقل طمسوا الوجوه وخلو الاجساد

يعطيك العافية اختي وعسى ان يلتفت المختصين بالجمعيات الخيرية

نتمنى الكل ينتبه لهالشي ، الا ذل الحاجة ماينوصف كيف لو تم تصويره ونشره عالملأ ؟

[ضوى]

شكرا اختى على الموضوع فعلا كان شاغلني من زمان واخيرا حد تكلم عنه

بصراحة شاغلني من زمان بس هالمرة قررت اتكلم لانه محد يتحمل الانكسار

[بانغ بانغ]

هل كل من طول لحية ولبس بشت ووقف على المنبر حافظ له حديثين شريفين ..... صار " فضيلة الشيخ "

سؤال في بالي من زمان

ووينهم عن الدعوة الفعلية في المجتمع تجاه الأجانب وضعفاء الدين من الناس ...

ولا بس فالحين برامج فضائية وشو

السموحة يمكن هالتساؤل برع الموضوع بشكل او بآخر

[ضوى]

الي بيصور
على حسب نيته ،،

اذا يبي يستعرض ويراوي الناس ان شوفوني
انا دفعت او انا سويت ولا عطيت

هذي راح عليه الأجر ورب العالمين يعلم بنيته ،،

على الاقل في ناس تأثرت من الصور وحست بأخوانهم الفقراء المحتاجين

ربما صوره تأثر في نفوس اطغى البشر ،،

محد يعلم ولكن الله يعلم ،،

لو مافي دعايات ولا في صور ولا في اعلان
اشلون الواحد بيعرف حالهم هناك ؟

في حد تطرق وسافر وراح شاف عيشتهم اشلون ولا حالهم ؟؟

الي يروح ويشوف ويعيش جوهم اقسم بالله بيحس بمعاناتهم

انا مابي اتكلم واقول وين رحت وشنو سويت وشنو شفت ولكن اتمنى
واحد بس يسافر ويشوف عيشتهم وحالتهم اشلون

ويتابع اخبارهم بيعرف ان صج صج الكثير في الخليج غافل عنهم ،،

ولا يعرف شلون عايشين واشلون يرقدون

الحمدلله ان الايادي البيضه تتبرع وللحين الناس بخير وعافيه

وانا شخصيآ يشرفني لين صورت ولا ضميت و مسكت طفل وحبيت راسه
وانا اشوف الابتسامه على وجها
رغم عيشته العسره يبتسم ويضحك ويفرح

سبحانك ربي ما ارحمك الي تخلي قلب هذا المسكين الي حتى ملابس مثل الناس مب لابسه

رب العالمين جعل الابتسامه على وجهم وفرحهم بوجود الناس حواليهم

وسبحان الله رب العالمين نزع الابتسامه من بعض البشر ويملك الملايين وافضل عيشه


سبحانك ربي ما ارحمك


وين المشكلة اذا تعرفنا على نمط حياتهم والوضع اللي عايشينه من غير تصويرهم ؟ هذا انا اعتبره عبث في مشاعر المحتاجين ، اصور بيتهم اصور مقتنياتهم اصور اكلهم مب اشكالهم عوار قلب والله

[شيخ الديرة]

ولاتنسى ان بعض الصور المؤلمه حركت بعض القلوب المتحجره للتبرع ,,[/B]

هذا ما كنت اخشاه. فشل في مناهج الدعوة الى الخير يؤدي الى اتباع طرق مثيرة للجدل[/SIZE][/COLOR][/FONT]

[بومحمد المطاوعه]

هل كل من طول لحية ولبس بشت ووقف على المنبر حافظ له حديثين شريفين ..... صار " فضيلة الشيخ "

سؤال في بالي من زمان

ووينهم عن الدعوة الفعلية في المجتمع تجاه الأجانب وضعفاء الدين من الناس ...

ولا بس فالحين برامج فضائية وشو

السموحة يمكن هالتساؤل برع الموضوع بشكل او بآخر

لا من قالك
نسيت ان في شكثر الحين من الأخوان المسلمين
ومشايخ معروفين والعالم يلحقونهم
لو شافو منهجهم اعرفو هذي منهجه ايش او يتبع من

ومؤيدين لداعش وخرابيط وتحريض

خلها على الله بس

[ضوى]

كلام سليم وفعلا شي يقهر ....والناس اللي يتبرعون للجمعيات الخيرية عندهم ثقة بالجمعيات الخيرية ولله الحمد فما أظن انه يحتاج توثيق وتصوير بهالطريقة وكل واحد ونيته لانه الشخص المتبرع بمجرد ما يسلم المبلغ للجمعية تكون بذمتهم في توصيلها للمحتاجين والله يستر على أمة محمد صلى الله عليه وسلم .

هذا اللي أنا مؤمنة به ، ولو سلمنا جدلاً انه توثيق مع اني مب مقتنعة بهالمنطق ابدا ، اصور صور خاصة واطرشها للمتبرع نفسه بشكل خاص جدا مثل مايسوون مع كافل اليتيم يطرشون صوره وهو متنهدم ويحطون تقريره معاه بس توصل لكافله مب بجرايد وبمواقع تواصل اجتماعي في فرق شاسع بين الخاص والعام

[ضوى]

فعلا الطريقه مش اوك بالذات بعض الحالات والصور ..وممكن الوحد يحس إنهم يسوقون لأنفسهم ويتاجروون على حساب قضاياا وآلام غيرهم
او يمكن مثل ما قال قطري911.. يمكن يبغون يثبتون للناس إن مساعداتهم توصل
يقدرون يسوون هالشي مع عدم اظهار الوجيه عالأقل!

الله أعلم بنياتهم هو شو او تنافس بالخير او إلي هو
بس الأهم مايضغطون عليهم إلا يظهرونهم او مافيه مساعده ويخلون الامر اختياري لهم اذا حب يظهر كيفه واذا لا يحترمون هالشي

تعتقدين عزيزتي ديور لو قالوا للمحتاج بنصورك ترضى والا ماترضى شبيكون رده وهو محتاج ؟؟؟ الانكسار من الداخل بتشوفينه في عيونهم مثل ما انا شفته في الصور اعلاه

[بومحمد المطاوعه]

وين المشكلة اذا تعرفنا على نمط حياتهم والوضع اللي عايشينه من غير تصويرهم ؟ هذا انا اعتبره عبث في مشاعر المحتاجين ، اصور بيتهم اصور مقتنياتهم اصور اكلهم مب اشكالهم عوار قلب والله

انا معاج
عوار قلب

المشكله اشلون الواحد بيعرف حياتهم اذا ماشاف ,,

انا ضد تصوير اي شخص محتاج بصوره غير طيبه ,,

يعني مثال
شخص يبكي
شخص ياخذ او ينتظر ياخذ الفلوس او الحاجه

في قلوب متحجره هني ماتتحرك الا لين شافت الصور
بيعرفون ان عيشتهم مب عيشه طيبه ولا عيشه انسان

لو الواحد راح وسافر وشاف بشوف العين بيحس فيهم

اما الي قاعد ف مكيف وبين اكل والشرب يوصل له لين كرسيه
وين يحس في هالناس

الا من رحم ربي

[ضوى]

الله يبعدنا عن الرياء.
لأنه الشرك الأصغر. كما أخبرنا الحبيب عليه أفضل الصلاة والسلام : ((أخوفُ ما أخاف عليكم الشركُ الأصغر))، فسئل عنه، فقال: ((الرياء))؛ رواه أحمد.

رابط الموضوع: http://www.alukah.net/sharia/0/84687/#ixzz4BV9bIUaH

احسنت اخوي بو خالد ، مشاركة قيمة جدا

[بومحمد المطاوعه]

هذا ما كنت اخشاه. فشل في مناهج الدعوة الى الخير يؤدي الى اتباع طرق مثيرة للجدل

مب كل جمعيه تطلع الصور
وحتى لو شفت بعض الصور هذا ولا شي لو رحت بنفسك وشفت

الي ينقل لكم والي تشوفونه
20 %
من الوضع هناك

سافر لهم وشوف بنفسك بتشوف ان هالصور ولا شي من الوضع هناك

[بومحمد المطاوعه]

هذا اللي أنا مؤمنة به ، ولو سلمنا جدلاً انه توثيق مع اني مب مقتنعة بهالمنطق ابدا ، اصور صور خاصة واطرشها للمتبرع نفسه بشكل خاص جدا مثل مايسوون مع كافل اليتيم يطرشون صوره وهو متنهدم ويحطون تقريره معاه بس توصل لكافله مب بجرايد وبمواقع تواصل اجتماعي في فرق شاسع بين الخاص والعام

كافل اليتيم اذا كان شخصي مايصير يعلنون عنه في الجرايد ولا مواقع التواصل الأجتماعي ولا صارت ولا استوت

يطرشون للشخص نفسه

عاد تعالي اسمعي بعض الناس في المجالس

البعض يتكلم انا كافل هالكثر وانا مسوي هالكثر

هذيله شتقولين عنهم ,,

اهم يبون الرياااء والشوو

[شيخ الديرة]

مب كل جمعيه تطلع الصور
وحتى لو شفت بعض الصور هذا ولا شي لو رحت بنفسك وشفت

الي ينقل لكم والي تشوفونه
20 %
من الوضع هناك

سافر لهم وشوف بنفسك بتشوف ان هالصور ولا شي من الوضع هناك

أسافر ؟
اتوقع ان الموضوع سيتخذ مسار آخر، لذلك سأتوقف عن المشاركة، والاكتفاء بالمتابعة.

[بومحمد المطاوعه]

أسافر ؟
اتوقع ان الموضوع سيتخذ مسار آخر، لذلك سأتوقف عن المشاركة، والاكتفاء بالمتابعة.

اذا كنت متشكك من وضعهم هناك اشلون
سافر وشوف بنفسك عادي ترى

شكثر شباب يسافرون ويشوفون والحمدلله مافي اي خطوره ولا في اي سبب يمنع السفر والكشف عن المحتاج وتتبع الحاله ,,

رحنا وشفنا والحمدلله بنروح بعد وبنشوف

وارد اقول الي تشوفونه من الصور ولا شي من العيشه الي هناك

لو الواحد يروح يسافر ويكتشف
بيعرف ان هالصور نقطه في بحر عيشتهم

الله يفك عوقهم يارب

[ضوى]

انا معاج
عوار قلب

المشكله اشلون الواحد بيعرف حياتهم اذا ماشاف ,,

انا ضد تصوير اي شخص محتاج بصوره غير طيبه ,,

يعني مثال
شخص يبكي
شخص ياخذ او ينتظر ياخذ الفلوس او الحاجه

في قلوب متحجره هني ماتتحرك الا لين شافت الصور
بيعرفون ان عيشتهم مب عيشه طيبه ولا عيشه انسان

لو الواحد راح وسافر وشاف بشوف العين بيحس فيهم

اما الي قاعد ف مكيف وبين اكل والشرب يوصل له لين كرسيه
وين يحس في هالناس

الا من رحم ربي


اسمح لي اخوي بو محمد مب لازم اسافر واشوف عشان احس بالمحتاجين ، ليش لازم اشوف معاناتهم عشان يكون عندي احساس بالفقراء ، يعني الزكاة اللي يطلعها المسلمين كل سنة لازم يوزعونها بنفسهم على مصارف الزكاة التسعة عشان يحسون بهم وبحاجتهم ، هذا انت تعطيها لبيت الزكاة وهو يتولى هالشي .
ومب معنى اني قاعدة ببيتي وبمكان مكيف يعني الاحساس معدوم الاحساس بالقلب ولانه احنا مسلمين نحس بمعاناة المسلمين امثالنا بمجرد مسج ممكن تطرشه الجمعيات الخيرية او الهيئات الخيرية

[ضوى]

أسافر ؟
اتوقع ان الموضوع سيتخذ مسار آخر، لذلك سأتوقف عن المشاركة، والاكتفاء بالمتابعة.

اتمنى ماياخذ الموضوع مسار اخر

اخوي بو محمد خلينا بصلب الموضوع

[بومحمد المطاوعه]

اسمح لي اخوي بو محمد مب لازم اسافر واشوف عشان احس بالمحتاجين ، ليش لازم اشوف معاناتهم عشان يكون عندي احساس بالفقراء ، يعني الزكاة اللي يطلعها المسلمين كل سنة لازم يوزعونها بنفسهم على مصارف الزكاة التسعة عشان يحسون بهم وبحاجتهم ، هذا انت تعطيها لبيت الزكاة وهو يتولى هالشي .
ومب معنى اني قاعدة ببيتي وبمكان مكيف يعني الاحساس معدوم الاحساس بالقلب ولانه احنا مسلمين نحس بمعاناة المسلمين امثالنا بمجرد مسج ممكن تطرشه الجمعيات الخيرية او الهيئات الخيرية

زكاة الفطر المفروض الشخص بنفسه يروح يطلعه للمحتاج ,,

مب يدفع للجمعيات

قد ثبت عن رسول الله صلى الله عليه وسلم أنه فرض زكاة الفطر على المسلمين صاعاً من تمر أو صاعاً من شعير

بس الحين كل شي تسهل للناس وصار الدفع عن طريق الجمعيات ,,

ولكن الأصح الواحد بنفسه يوزع

https://islamqa.info/ar/49793

انتي تقولين الاحساس مب معدوم الحمدلله
الناس مب كلهم سوى وسيا
في ناس ماتخرج حتى زكاه المال ولا زكاه الفطر وعندها الملاييين

ف مابالج لو ماشافو حال المساكين ,,؟

[بومحمد المطاوعه]

اتمنى ماياخذ الموضوع مسار اخر

اخوي بو محمد خلينا بصلب الموضوع

ماراح ياخذ ان شاءالله
واستوقف النقاش ,,

كل شي واضح والي يبي يسعي للخير يقدر مب لازم الواحد يدزه ولا يشوف الصور علشان يحرك قلبه ,,

سبحانك اللهم وبحمدك ، أشهد أن لا إله إلا أنت أستغفرك وأتوب إليك

والسلام عليكم ورحمة الله وبركاتة

[Dana’1]

تعتقدين عزيزتي ديور لو قالوا للمحتاج بنصورك ترضى والا ماترضى شبيكون رده وهو محتاج ؟؟؟ الانكسار من الداخل بتشوفينه في عيونهم مثل ما انا شفته في الصور اعلاه
أختي ضوى

طبعا المتعففين بنشوف بعيونهم الحزن والاحراج والإنكسار

انا كتبت هالشي من باب إني آمل على الأقل إن هالجمعيات ما تضغط عليهم لتصويرهم*اوتخليه شرط للمساعدتهم
مو باب إني اايدهم بالتصوير بس بشرط ياخذون الاذن قبل


ااما رايي فهو واضح
ضد تصوير الاسر المتعففه بالمره
وفيه اكثر من طريقه يقدرون يوثقون فيها هالشي بدون تصويرهم بهذي الطريقه!

وما أشوف فيه حرج في تصوير لمشاريع الخيريه العامه مثل حفر ابار بناء مساجد دور علم وتحفيظ ومثل كذا
اشياء عامه حتى وإن صوروا فرحة اهل القريه بشكل عفوي

[Dana’1]

صحيح مو شرط الواحد يسافر الاسر المتعففه موجده بكل ديره

مره أخوي يعلم أمي
يقول ماشاءالله على فلان ( صديق اخوي) وهو ماشاءالله تاجر ابن تاجر ويملكون كثييير من المحلات التجاريه وغيرها لهم الله يزيدهم
المهم يقول شفته بالصدفه و بنفسه ماخذ سيارة بيك اب ومتلطم عشان محد يعرفه وينزل زاد واغراض الاسر محتاجه
يقول اخوي طبعا عرفته لاني اعرفه عدل و صديت بسرعه وغيرت طريقي عشان مايحس بي ويدري اني شفته
واخوي يقول لأمي وهو حيل مبسوط له ومفتخر فيه:)

[ضوى]

أختي ضوى

طبعا المتعففين بنشوف بعيونهم الحزن والاحراج والإنكسار

انا كتبت هالشي من باب إني آمل على الأقل إن هالجمعيات ما تضغط عليهم لتصويرهم*اوتخليه شرط للمساعدتهم
مو باب إني اايدهم بالتصوير بس بشرط ياخذون الاذن قبل


ااما رايي فهو واضح
ضد تصوير الاسر المتعففه بالمره
وفيه اكثر من طريقه يقدرون يوثقون فيها هالشي بدون تصويرهم بهذي الطريقه!

وما أشوف فيه حرج في تصوير لمشاريع الخيريه العامه مثل حفر ابار بناء مساجد دور علم وتحفيظ ومثل كذا
اشياء عامه حتى وإن صوروا فرحة اهل القريه بشكل عفوي

اتفق معاج اختي ديور تمااما

نعم تصوير المشاريع والفرحة بهذه المشاريع تختلف كلية عن تصوير المحتاج وهو يستلم مساعدة غذائية

[المهندس عبدالعزيز]

لماذا الظن السيء قد يكون الهدف ان يبينوا للناس وللعالم أن الاموال تصل لمستحقيها، خصوصاً ان هناك من ينتقد الخليجين بأنهم لا يتبرعون للفقراء

[النهار]

كانت في السابق الدعايه سنسون ودمعه وتصوير المحتاجين بصور مزريه
بعد الهجوم عليهم من قبل الصحافه والمنتديات حتى عندنا في منتدى شبكة الاسهم كانت مواضيع عده عن هذالموضوع
اشوفهم غيروا الي ماهو عليه الان

[محمد سعيد]

الناس تطلب ادله ومتابعة لوصول اموال الصدقات او الزكاة للمستحقين عشان يتطمنون وتزيد ثقتهم اكثر بالجهة الخيرية

وهذا التشكيك ماصار من فراغ الا بعد فشل احدى المؤسسات الخيرية عدة سنوات في بعض المشاريع الخيرية وضياع اموال الناس بس ان شاء الله اجر الصدقات والزكاة ماتضيع عند الله

المهم ان إهمال المؤسسة الخيرية وعدم محاسبة المؤسسة من قبل الدولة جعل الناس تفقد الثقة في المؤسسه مما اثر على باقي المؤسسات الخيرية لكن تأثير نسبي


وبعد اعتماد الناس على مجهودهم الخاص وثقتهم ببعض الأشخاص لتوصيل التبرعات تم سحب العمل الخيري من تحت بسطة المؤسسات الخيريه يعني ماصار لهم لزمة يازلمة

فطلعوا لنا بفكرة التصوير واستخدام برامج ومنصات التواصل الاجتماعي لتوثيق الاعمال الخيرية ودفع الملايين للبرامج التلفزيونية مادري على حساب من! بس المهم ان قاموا يوثقون كل أعمالهم عشان الناس ترد تثق فيهم


وقامة الدولة بإنشاء هيئة خيرية الي منعت الأفراد من جمع وتوزيع التبرعات وارجاع المنصة للجهات الخيرية الرسمية

ولكن محد يحاسب الجهة الخيرية في حال فشل مشاريعها الخيريه في بعض الدول

بالاضافة ان المشاريع الخيرية الخارجية تتم بتوجيهات من وزارة الخارجية


ويتم توفير المعلومات للأمم*المتحدة

وكان الافضل ان الهيئة تحاسب الجهات الخيرية في حال تقصيرها لتوصيل التبرعات وفشلها في المشاريع واسرافهم في الإعلانات الي ممكن ميزانية الإعلانات والبرامج التلفزيونية تسوي مشاريع ناجحة

والعمل الخيري يحتاج لافراد يحبون العمل والمجال هذا موب شو


اتمنى المعلومة وصلت ��

[ضوى]

اخوي عبدالعزيز وين سوء الظن ؟!! انا رافضه مبدأ تصوير المحتاج وهو يستلم الاعانه عالاقل وجهه حفاظا على كرامته وعزة نفسه ؟ انا ماشككت في نوايا الجمعيات والا الافراد انا سميته شو اعلامي لانه مايفيد الا في انكسار المختاج ،مدري ليش مصرين انه الناس ماعندها احساس بالمحتاج الا اذا شافته بوضع مزري وهو يستلم مساعدته ، اي شخص طبيعي يوم يتصدق مايحط عينه بعين المتبرع له حتى مايشوف ذل الحاجه بعيونه فما بالكم بتصوير عالملأ !؟

[ضوى]

كانت في السابق الدعايه سنسون ودمعه وتصوير المحتاجين بصور مزريه
بعد الهجوم عليهم من قبل الصحافه والمنتديات حتى عندنا في منتدى شبكة الاسهم كانت مواضيع عده عن هذالموضوع
اشوفهم غيروا الي ماهو عليه الان

ماشوف في اختلاف كبير بين قبل والحين ،

[ضوى]

اخًي الكريم محمد سعيد

موضوعي عن التبرعات العينيه والتي تسلم باليد للمحتاجين وتصويرهم شخصيا ، المشاريع والاعمال الاخرى بالعكس تصويرها يحث على زيادتها ويحث عالتبرع لما لها الاثر الايجابي في نفس المحتاج والمتبرع ، يعني مدرسه والا مستشفى والا بئر ارتوازيه هذي اصورها واصور فرحه القريه او المدينه بهالمشاريع ، لكن فهموني شنهي الاستفادة لما اصور شخص مسن او طفل يستلم سله غذائيه !؟؟؟

[بوخميس]

تصوير المحتاج هدر للكرامة الانسانية

اي واحد فينا ممكن يصير في هالموقف، من يرضى يتصور؟

أهل سوريا ما كانوا محتاجين حد، والحين الكل يتسابق ويروح يصور وهو يعطيكم كم ريال

صندوق الزكاة في قطر صار له 20 سنة ويصرف مساعدات بالملايين كل سنة، ليش ما نشوفهم يحطون صور الناس؟

[محمد سعيد]

اخًي الكريم محمد سعيد

موضوعي عن التبرعات العينيه والتي تسلم باليد للمحتاجين وتصويرهم شخصيا ، المشاريع والاعمال الاخرى بالعكس تصويرها يحث على زيادتها ويحث عالتبرع لما لها الاثر الايجابي في نفس المحتاج والمتبرع ، يعني مدرسه والا مستشفى والا بئر ارتوازيه هذي اصورها واصور فرحه القريه او المدينه بهالمشاريع ، لكن فهموني شنهي الاستفادة لما اصور شخص مسن او طفل يستلم سله غذائيه !؟؟؟

للتوضيح اختي الكريمة

هذا التصوير فقط لزيادة الثقة عند الناس للمؤسسات الخيرية

يعني شوفي انا اوصل تبرعاتكم للمستحقين وتزيد الثقة

وفي اتجاه اخر يغطي فشل بعض مشاريعهم الخارجية

فيلزمهم الشو الاعلامي اختي للاستمرار في جمع التبرعات

وانا معاج اتفق الفقير والمسكين بشر لهم كرامتهم واحترامهم اكيد على روسنا

لكن بس يقولون له عشان الناس تتبرع و تصدق انكم محتاجين لازم نصور فيكون الفقير مجبور للتنازل والسماح لهم بالتصوير

بس في قلبه موب راضي ولا كان يتمنى يكون في هالصورة

عموما الله يعين الجهات الخيرية على جمع وتوصيل التبرعات

ونصيحة للهيئة الخيرية


جمع وتوصيل التبرعات لها ناسها موب شو وكلام فاضي

[بوخالد911]

اخًي الكريم محمد سعيد

موضوعي عن التبرعات العينيه والتي تسلم باليد للمحتاجين وتصويرهم شخصيا ، المشاريع والاعمال الاخرى بالعكس تصويرها يحث على زيادتها ويحث عالتبرع لما لها الاثر الايجابي في نفس المحتاج والمتبرع ، يعني مدرسه والا مستشفى والا بئر ارتوازيه هذي اصورها واصور فرحه القريه او المدينه بهالمشاريع ، لكن فهموني شنهي الاستفادة لما اصور شخص مسن او طفل يستلم سله غذائيه !؟؟؟

عيل انا أقترح على الجهات الخيرية بعمل تظليل على وجوة المستفيدين حفاظاً على كرامتهم.

[JN000N]

محمد سعيد
المقصد كله ان تبون تصورون توزيعاتكم صوروها
صورو كل اتعابكم وكل الي تسوونه عشان ع قولتكم نتطمن وين تروح فلوسنا
لكن الاساس كله ان مب حلوه كلش نصور المحتاج وهو شايل في يده الي عطناه اياه
احنا مانعطي ونمن
خلاص نعطي ونبتغي الاجر من الله
وصل او ما وصل هذا كله عند الله
لكن بعد مانصور اذلالهم وكسر نفوسهم وخواطرهم

حط نفسك مكانهم
انت من اسره متعففه ومحتاج وجاتك تبرعات ترضى حد يصورك؟ وينشرك ع اساس يتطمن الي تبرع ان وصلت تبرعاته؟

[الماريّة]

الله يجزيج خير يا ضوى موضوع مهم للغايهه
والله قلتي الي دايم اردده ليش يصورونهم حرام
يحرجونهم ويذلونهم مايسوى عليهم هاللقمه الي ياخذونها

حديث الرسول صلى الله عليه وسلم
( رجل تصدق بصدقه فأخفاها حتى لاتعلم شماله ماصنعت يمينه )

والواجب ان المنفق لما يتصدق على الفقير انه يضعها في يده ولاينظر لعينه ويسرع بالانصراف عنه حتى مايسبب له احراج

الله يهديهم واتمنى ينظرون لهذي النقطه المهمه جدا

وبخصوص الي يقول لان فيه ناس ماتصدق الجمعيات عشان هالشكل يصورون
يااخي انت تصدق وانوي الخير وكله اجر حتى لو افترضنا بعض الجمعيات ماتوصل الصدقه يكفي النيه
بتاخذ عليها اجر

واشكرج اختي ضوى مره اخرى موضوع رائع الله يكثر
من امثالج


:
:
:

[بشائر]

مب استغلال حاجه المسكين ولا شي اخوي

وبخصوص التبرعات ترى مافي شي اسمه تبرعات عينيه وفلوس تدفع ومافي ولا جمعيه تودي فلوس معاها

وتوزع على كيف المتطوعين

اصلن شي معروف ان كل شي يتم بالتحويل والسفاره هناك تستقبل وترتب كل الامور لو من ناحيه الفلوس
ومن ناحيه التبرعات الملابس وهذي الامور يكون في جمعيه في هالدول
للتنسيق والترتيب

وكان الله غفور رحيم

المقصد من التوثيق في الصور للناس الي تبربر
وتتهم والي بعض الناس ذمتهم وسعيه وتطلع سوالف على الجمعيات


انت لو كنت متطوع في احدى الجمعيات بتواجهه مثل هالاشخاص

الله لايحطك في هالمواقف علشان ماتغير كلامك عقب



اتفق مع هذا الرأي تماما ..
المسألة ماهي رياء ولا استعراض أبدا .. صدقتك لازم تعرف راحت لمن وطاحت بيد من وكل من يجمع المال للمحتاجين دون تصريح يعرض نفسه للمسائلة ..
والجمعيات كجهة مسؤولة أمامنا عن توصيل صدقاتنا
تصور وتوثق لأصحاب التبرعات إبراء للذمة والرياء يكون بإظهار ا(سم الشخص المتبرع) وليس الشخص اللي استلم التبرع ..
ودون ذلك ليس فيه رياء بالعكس شجع الكثير للمزيد من البذل والعطاء ..ولنا في ذلك قدوة في صحابة الرسول صلى الله عليه وسلم
و أكيد لما تشوف بعض التبرعات المرسلة وعليها اسم الدولة اللي تبرعت موزعة في فنادقدهم بدلا عن مساكينهم المحتاجين هنا بتحط على أمانة وذمة الجمعيات ستين خط أحمر !!
لذلك وجب التوثيق ..وبعد علشان مايستغل المنافقين حب المتصدقين لفعل الخير بمحاربتهم بأموالهم ..

فالتصوير و التوثيق خاصة في وقتنا الحالي يطمئن المتبرعين بأن أموالهم استلمتها أياد أمينة وتصل لمستحقينها..
والفقير المسكين اللي تم تصويره ماعنده تلفزيون يشوف عمره وحتى لو شافه حد محد بيعرفه ..

[بوحارب]

اذا كان التصوير عشان نشوف فرحة الأطفال ودليل على استلام المساعدات للمحتاجين اشوف الموضوع عادي

وماظن السالفة فيها شو وحب الظهور امام الناس انهم يسوون الخير بالعكس الأمور طيبة /*

[JN000N]

اتفق مع هذا الرأي تماما ..
المسألة ماهي رياء ولا استعراض أبدا .. صدقتك لازم تعرف راحت لمن وطاحت بيد من وكل من يجمع المال للمحتاجين دون تصريح يعرض نفسه للمسائلة ..
والجمعيات كجهة مسؤولة أمامنا عن توصيل صدقاتنا
تصور وتوثق لأصحاب التبرعات إبراء للذمة والرياء يكون بإظهار ا(سم الشخص المتبرع) وليس الشخص اللي استلم التبرع ..
ودون ذلك ليس فيه رياء بالعكس شجع الكثير للمزيد من البذل والعطاء ..ولنا في ذلك قدوة في صحابة الرسول صلى الله عليه وسلم
و أكيد لما تشوف بعض التبرعات المرسلة وعليها اسم الدولة اللي تبرعت موزعة في فنادقدهم بدلا عن مساكينهم المحتاجين هنا بتحط على أمانة وذمة الجمعيات ستين خط أحمر !!
لذلك وجب التوثيق ..وبعد علشان مايستغل المنافقين حب المتصدقين لفعل الخير بمحاربتهم بأموالهم ..

فالتصوير و التوثيق خاصة في وقتنا الحالي يطمئن المتبرعين بأن أموالهم استلمتها أياد أمينة وتصل لمستحقينها..
والفقير المسكين اللي تم تصويره ماعنده تلفزيون يشوف عمره وحتى لو شافه حد محد بيعرفه ..

في فرق لما تكون للشخص نفسه الي تبرع
مثل ما يطرشون لنا صور المكفولين والايتام والا المستفيدين من الابار
وفرق لما ينشرون على وسائل التواصل مثل الصور اللي انحطت ف الموضوع وان شوفو عطناهم اكل ومؤونه

[saeed2005]

موضوع في الصميم جزاكي الله خيرا أختي ضوى كان سيدنا علي رضي الله عنه ( إذا جاءه سائل يسأله حاجة كان يطلب منه أن يكتب سؤاله في كتاب حتى لا ينظر إلى ذل المسألة في وجهه ) راحوا الطيبيين

[نجم سهيل]

السلام عليكم

زيدي اختي عليها الدعايات الزايدة واكثر شي لفت انتباهي بعض صناديق التبرع اللي عليها شاشاتهم

والله انها اضاعة اموال ،الفقراء أولى بها من شاشاتهم

[بانغ بانغ]

السلام عليكم

زيدي اختي عليها الدعايات الزايدة واكثر شي لفت انتباهي بعض صناديق التبرع اللي عليها شاشاتهم

والله انها اضاعة اموال ،الفقراء أولى بها من شاشاتهم

ما شفت مكاتبهم !

[هيليوم]

اذا كان التصوير عشان نشوف فرحة الأطفال ودليل على استلام المساعدات للمحتاجين اشوف الموضوع عادي

وماظن السالفة فيها شو وحب الظهور امام الناس انهم يسوون الخير بالعكس الأمور طيبة /*

اتفق معاك لكن أتمنى يتم التوضيح حق اللي يتم تصويرهم انه احتمال تنعرض الصور في الجرايد ووسائل التواصل والقرار لهم لكن يتصورون وما يخبروهم بالنقطة هذه اشوفها غير مناسبة لا قانونيا ولا من جهة خصوصية الناس

[شيخ الديرة]

اتفق معاك لكن أتمنى يتم التوضيح حق اللي يتم تصويرهم انه احتمال تنعرض الصور في الجرايد ووسائل التواصل والقرار لهم لكن يتصورون وما يخبروهم بالنقطة هذه اشوفها غير مناسبة لا قانونيا ولا من جهة خصوصية الناس

المسكين ميت الجوع تتوقع راح يعترض وتضيع عليه المساعدة ؟

[هيليوم]

المسكين ميت الجوع تتوقع راح يعترض وتضيع عليه المساعدة ؟


ايش اللي يضمن ان المساعدة راح تضيع عليه لو ما وافق ؟

شخصيا انا اقدم حسن الظن في اجراء الجمعية الخيرية في مسألة التصوير الا لو ثبت لي العكس واؤيد الراي الخاص بتغطية الوجوه احتراما لحاجة الناس

[JN000N]

ايش اللي يضمن ان المساعدة راح تضيع عليه لو ما وافق ؟

شخصيا انا اقدم حسن الظن في اجراء الجمعية الخيرية في مسألة التصوير الا لو ثبت لي العكس واؤيد الراي الخاص بتغطية الوجوه احتراما لحاجة الناس
مرات ماتكون حتى من جمعيات خيريه
تكون مجهودات شخصيه وفيها تصوير ونشر

ممكن يكون التصوير خاص للي قدمو المساعدات بدون نشر للكل
مهما كان مانبي نكسر بخواطرهم

[شيخ الديرة]

ايش اللي يضمن ان المساعدة راح تضيع عليه لو ما وافق ؟

شخصيا انا اقدم حسن الظن في اجراء الجمعية الخيرية في مسألة التصوير الا لو ثبت لي العكس واؤيد الراي الخاص بتغطية الوجوه احتراما لحاجة الناس
نتكلم عن ناس بسطاء، يوقف ساعتين بالدور وهو مايدري اصلاً ما راح يحصله من يوصله الدور، وبعدين تحط عليه شرط ؟

لنتفق انه اي اعلان يحتوي صورة واضحة يتضمن عبارة إخلاء المسؤولية بخط واضح يقول ان كل من يظهر بالصورة وافق على نشر صورته

[هيليوم]

مرات ماتكون حتى من جمعيات خيريه
تكون مجهودات شخصيه وفيها تصوير ونشر

ممكن يكون التصوير خاص للي قدمو المساعدات بدون نشر للكل
مهما كان مانبي نكسر بخواطرهم

ما اختلفنا اختي ، انا من جهتي حطيت نفسي مكان المسؤول في الجمعية الخيرية اللي يروح هناك ويشوف اللي احنا ما نشوفه واللي الصور ما راح تقدر تنقله لنا ، عشان جي احسن الظن فيهم وان اللي يسوونه القصد منه جمع تبرعات اكثر وبس وممكن تكون الفكرة المطروحة في الموضوع ما مرت عليه او مرت لكن الوضع المأساوي هناك يخليها اقل أهمية بالمقارنة مع احتياجات الناس و المسؤولية اللي يحس فيها

[JN000N]

ما اختلفنا اختي ، انا من جهتي حطيت نفسي مكان المسؤول في الجمعية الخيرية اللي يروح هناك ويشوف اللي احنا ما نشوفه واللي الصور ما راح تقدر تنقله لنا ، عشان جي احسن الظن فيهم وان اللي يسوونه القصد منه جمع تبرعات اكثر وبس وممكن تكون الفكرة المطروحة في الموضوع ما مرت عليه او مرت لكن الوضع المأساوي هناك يخليها اقل أهمية بالمقارنة مع احتياجات الناس و المسؤولية اللي يحس فيها

وممكن بعد ان احنا ننبهم بموضوع الرياء والخوف ان الواحد يدخل فيه
وبعد ننبهم بكسر نفوس وخواطر هالفقارى مهما كانت فرحتهم بالمساعدات
وبعد نبين لهم اكثر من طريقة وحل لتوصيل معلومة ان التبرعات وصلت لمستحقيها ولكن من دون تصوير اشكال الناس المستلمين

[جوال 11]

فعلا هنالك حسد بين الجمعيات ولا يوجد تنافس شريف ويذكر لي احدهم كانوا يجمعون التبرعات لاغاثة سوريا من خلال ااذاعة القران الكريم واذا بالجمعية الاخرى تبث رسائل بنفس الموضوع تحث الناس على التبرع من خلال جمعيتهم وعندما يتم نشر مشروع اسلامي توضع صور من اعضاء الجمعية في الجريدة ولا يذكر المتبرع او فاعل خير كأن الاموال من جيوبهم العمل بصمت ابتغاء وجه الله وليس بهذه الصورة وهذه التصرفات علمتنا اين نضع اموالنا للتبرعات والصدقات اسأل وتحرى ولا تدفع الا من خلال الجهات الرسمية وحذاري من الذين يمرون على المجالس لجمع الاموال لمشاريع اسلامية

[qatara]

خل يعلنون بالعكس الاعمال بالنيات

وهي مشجعه ليتنافسون

[بومحمد المطاوعه]

اصلن واضحه مثل وضوح الشمس
لو الجمعيه ماتصور
ومافي اي اعلان للتبرعات ولا في شوو فالتصوير على قولتكم

ماكان في حد تبرع ،،

الكل بيدور على الجمعيات الموثوقه
واشلون الواحد يشوف الجمعيات الموثوقه الا بالصور ،

ولا وين الواحد بيكون واثق

عيل بكره بيطلع لنا اي شخص وبيطرش مسجات
لجمع التبرعات يرجى ارسال مسج او تحويل وصيد او او او

هل الواحد بيصدق وبيقول انا تبرعت وف ذمته؟؟

ماعتقد في حد بيتبرع
بريال حق هذا الشخص اذا ماشاف ان هالجمعيه او هالشخص موثوق


ف اي شخص تسأله وين تتبرع

يقولك قطر الخيريه اوعيد الخيريه او راف

اشلون اقتنع ووثق فيهم
لان شاف صور وشاف المشاريع وشاف ان في ناس تسافر وتوثق وتوزع
وتتعب في السفر والمشقه للوصول حق هؤلاء المحتاجين

غير الخطوره الي يمكن تصيد هؤلاء الناس الي سافرو لإيصال التبرعات للمحتاجين


وشكرآ

[هيليوم]

نتكلم عن ناس بسطاء، يوقف ساعتين بالدور وهو مايدري اصلاً ما راح يحصله من يوصله الدور، وبعدين تحط عليه شرط ؟

لنتفق انه اي اعلان يحتوي صورة واضحة يتضمن عبارة إخلاء المسؤولية بخط واضح يقول ان كل من يظهر بالصورة وافق على نشر صورته

ما أتوقع تحط شرط ولا شي، اللي يصير غالبا الناس تجي تأخذ والمصور يشوف لقطة مناسبة فيصورها وممكن يطلبون من واحد او اكثر بعد ما يأخذ ان يوقف يتصور وياهم لا اكثر ولكن يفضل مراعاة ( خصوصيات الناس وكرامتهم ) والجمعيات الناس المسؤولين عنها اهل خير وما يقصرون وان شاء الله يحطون النقطة في الاعتبار

جنون


وممكن بعد ان احنا ننبهم بموضوع الرياء والخوف ان الواحد يدخل فيه
وبعد ننبهم بكسر نفوس وخواطر هالفقارى مهما كانت فرحتهم بالمساعدات
وبعد نبين لهم اكثر من طريقة وحل لتوصيل معلومة ان التبرعات وصلت لمستحقيها ولكن من دون تصوير اشكال الناس المستلمين

ممكن بعد ونتأمل من المسؤولين في الجمعيات الخير وهم اهله

[ضوى]

لا زال البعض مو فاهمين الهدف من موضوعي ولا النقطة الاساسية اللي اقصدها

يا عيال الحلال انا مب ضد الاعلن عن المشاريع ولا الاعمال الخيرية بشكل عام ، أنا ضد تصوير المحتاج فقط ، اصلا مكروه هالشي ، اذا المستحب انك تعطي المحتاج وماتحط عينك بعينه حتى ماتشوف انكساره فاشلون تصوره وتنشره على مواقع التواصل الاجتماعي ؟ شنهو الهدف ؟ اكسر خاطر الناس وبالمقابل اكسر نفس هالمحتاج ؟ طيب ظلل ويهه ، طيب صور ظهره ! ليش لازم ويهه ؟

[بومحمد المطاوعه]

فاهم الموضوع
ولله الحمد واعرف المقصد

على الاقل تظليل الوجه نفس ماقلتي

وتقدرين تتواصلين مع احدى الجمعيات وتطرحين لهم الفكره وتنقلين الموضوع لهم
علشان ياخذونه بعين الاعتبار
ويطبقونه ان شاءالله

احسن من نطرحه هني وفي ناس جهلاء مايعرفون
واجبات وتعب ومشقه الجمعيات ووقفاتهم

بس ينتقدون وهم قاعدين رجل على رجل
غير البعض من البشر الي يذم ويسوء الظن في الجمعيات

ولا يدرون اي شي عن الجمعيات وعن طرق وقفاتهم لإيصال الحاجات للمساكين في الدول المستضعفه

[ضوى]

بو محمد الحق على صلاه العشا والتراويح ونتفاهم تالي ان شاء الله

[بومحمد المطاوعه]

ماعليج متابعين اول بأول

شابك من الجوال وفي طريقي للمسجد

جزاكم الله خير

[JN000N]

ماعليج متابعين اول بأول

شابك من الجوال وفي طريقي للمسجد

جزاكم الله خير

ثمان ونص عز الصلاه ف المسيد :rolleyes2:

[ضوى]

على فكرة يا بو محمد ، موضوعي وصل للجمعيات الخيريه ان شاء الله وبيكون في اجراء ايجابي ، غير هذا انا ابي يوصل موضوعي للكل للافراد للجمعيات لفاعلي الخير ، انه مايصورون المحتاج وهو ماد يده ياخذ مساعده ، وماشفت احد من الاعضاء ذكر التشكيك في الجمعيات الخيريه الا انت ، والا الباقي ماشككوا في نياتهم ولا اهدافهم ، وكونك اشتغلت بالجمعيات ورحت وشفت مايكون مبرر للدفاع المستميت ومناقشه امور انا اساسا ماطرحتها في موضوعي ، موضوعي عن التصوير مب عن وصول المساعدات من عدمها

[بومحمد المطاوعه]

على فكرة يا بو محمد ، موضوعي وصل للجمعيات الخيريه ان شاء الله وبيكون في اجراء ايجابي ، غير هذا انا ابي يوصل موضوعي للكل للافراد للجمعيات لفاعلي الخير ، انه مايصورون المحتاج وهو ماد يده ياخذ مساعده ، وماشفت احد من الاعضاء ذكر التشكيك في الجمعيات الخيريه الا انت ، والا الباقي ماشككوا في نياتهم ولا اهدافهم ، وكونك اشتغلت بالجمعيات ورحت وشفت مايكون مبرر للدفاع المستميت ومناقشه امور انا اساسا ماطرحتها في موضوعي ، موضوعي عن التصوير مب عن وصول المساعدات من عدمها

اي بذكر التشكيك لان سمعت وشفت
وشوفي كم عضو ذكر هالنقطه
ان في بعض الناس تشكك والي يألف ان بعض الجمعيات تبوق الفلوس
وغير الكلام الي يوصل ونسمعه

والي سمعته وشفته بتكلم فيه
ليش اخش سوايا بعض الناس وتشككهم في الجمعيات
غير بعض الناس الي يذم في المجالس ويتكلم وسوء الظن عنده اكبر من كرشته

وتكلمت في موضوعج بشكل عام مدام فتحتيه بنذكر بعض النقاط مافي مانع

افضل من افتح موضوع مشابهه لموضوعج
واعتقد ان مثل هالمواضيع مايحل شي ولا يحرك شي للناس الي متواجدين
لان اغلب الناس تتبرع فالجمعيات لان الحمدلله ماشفنا في بلادنا ناس راقدين فالشارع
ولا ناس عايشين مثل الي فالخارج
هناك الوضع جدآ مأساوي وشي يكسر الخاطر

تكلمتي بخصوص التصوير للأشخاص
صحيح وانا معاج في هالشي
بعض الحالات المفروض ماتتصور ولا تعرض

اذا كان المسكين يصيح او في وضع جدآ صعب
الافضل مايتم تصويره ولا نشر الصور

ولامانع من تصوير الحالات وهم يبتسمون وشي طبيعي بيكون عارف ان بيتصور
وحزات هم يطلبون يتصورون معانا
مافيها شي من هذي الناحيه لو حاب يتصور معاي

اخوي فالاسلام وانا مب احسن منه
من ناحيتي انا ماعندي مانع اتصور معاهم واقعد وسطهم بالعكس هالشي يحسون فيه اهم
يمكن احنا مانحس بالشعور اهم يحسون بشعور ثاني
لان يشوفونا احسن ملابس واحسن عيشه
ف الواحد يبين لهم ان احنا بشر مثلكم
في ناس مايحبون هالشي ولا يحبون حتى يتقربون منهم
كل شخص وراحته*

وجزاكي الله خير اذا وصلتي للجمعيات الموضوع وان شاءالله يتم النظر فيه
ويتم التنسيق في اختيار الصور للعرض والنشر

[بومحمد المطاوعه]

ثمان ونص عز الصلاه ف المسيد :rolleyes2:

صحيح
بريك بين الفرض والتراويح

تبين صور ههههه
اخاف يطلع ويه المؤذن مسكين حاط لزقه على خده :nice:

[ضوى]

بو محمد اشدخل انت تصور معاهم ؟! يعني محتاج عادي بيصور سواء من قلبه والا من ورا قلبه ، غير هذا ماتكلمنا عن راعي الجمعيه انه بيستحي يقعد وسطهم ويصور معاهم ويتواضع ترا الموضوع بالعكس

[بومحمد المطاوعه]

بو محمد اشدخل انت تصور معاهم ؟! يعني محتاج عادي بيصور سواء من قلبه والا من ورا قلبه ، غير هذا ماتكلمنا عن راعي الجمعيه انه بيستحي يقعد وسطهم ويصور معاهم ويتواضع ترا الموضوع بالعكس

ادري فاهم عليج انا

موضوعج فاهمه عدل
وعارف ان في بعض الصور المفروض ماتتصور ولا تعرض
لان شي يعور القلب

بقولج شي بعض المساكين ياخذ الكسوه وهو مبتسم
وبعضهم ياخذ وهو صاد منحرج
وبعض منهم يصيح والله

يعني في حالات المفروض ماتتصور

معاج في هالنقطه 100%

[ضوى]

هذا ماكنت أخشاه

يارب لا تبلينا ولا تبتلينا

http://www.mrkzgulf.com/do.php?img=335034 (http://www.mrkzgulf.com/)

[بوخالد911]

لو يتم تغطية وجيهم أو عمل تظليل
يكون أفضل

[بومحمد المطاوعه]

لو يتم تغطية وجيهم أو عمل تظليل
يكون أفضل

صحيح بوخالد
نتمنى ذالك

[بريق الحق]

لااله الا الله
فالوقت الحالي حتى المحتاج يرفض فكرة التصوير لكن في طريقه أفضل الي هي تكون من خلال جمعيه وجمعيه تستقبل الطلبات ويكون بهذي ألطريقه أفضل والي يبي يوصل او يساعد الناس المحتاجة بدون هذي الأشياء والي يبحث راح يحصل
أنا الي استنكره كثرت البرامج التلفزيونية الله يتقبل من العاملين لكن أفضل مثال عبدالرحمن السميط الله يرحمه والله أني كنت اشوف طريقته ممتازة في نشر الدعوه والمساعدات كان بعيد عن الاعلام والوسائل التواصل الاجتماعي وذلك والله اعلم كان التوفيق من الله

[ضوى]

السميط رجل بالف رجل ، ماكان يدور شهره ولا بهرجه اعلاميه ، من درا عن اعماله غير يوم توفى !؟ مافي مجال للمقارنه رجل لم ولن يتكرر

[بومحمد المطاوعه]

لااله الا الله
فالوقت الحالي حتى المحتاج يرفض فكرة التصوير لكن في طريقه أفضل الي هي تكون من خلال جمعيه وجمعيه تستقبل الطلبات ويكون بهذي ألطريقه أفضل والي يبي يوصل او يساعد الناس المحتاجة بدون هذي الأشياء والي يبحث راح يحصل
أنا الي استنكره كثرت البرامج التلفزيونية الله يتقبل من العاملين لكن أفضل مثال عبدالرحمن السميط الله يرحمه والله أني كنت اشوف طريقته ممتازة في نشر الدعوه والمساعدات كان بعيد عن الاعلام والوسائل التواصل الاجتماعي وذلك والله اعلم كان التوفيق من الله

الله كريم ياخوك
في ناس الحين مع الصور ويشوفون احوالهم ومايتبرعون
تبي بدون صوور عن حالاتهم وعن اماكن عيشتهم
محد راح يتبرع الا من رحم ربي

[بومحمد المطاوعه]

السميط رجل بالف رجل ، ماكان يدور شهره ولا بهرجه اعلاميه ، من درا عن اعماله غير يوم توفى !؟ مافي مجال للمقارنه رجل لم ولن يتكرر

السميط الله يرحمه
وفي ناس مثله واحسن منه
من قالكم مافي

اشلون تقولون لم ولن يتكرر
تبون الناس تتكلم للشو يعني علشان تقارنون
في ناس وايد تسوي الخير بسكات ولله الحمد
لايتكلمون ولا يصورون

ف محد يقدر يحكم ان مايتكرر


الحمدلله الدنيا بخير وسلامه

[ضوى]

التصوير غلط والمفروض مايصورون

اللي بيتبرع وبيمن لا يتبرع الله الغني عنهم

واللي بيتبرع وبيذل ويبي صور بعد الله الغني

ونعم السميط لم ولن يتكرر

[بريق الحق]

السميط رجل بالف رجل ، ماكان يدور شهره ولا بهرجه اعلاميه ، من درا عن اعماله غير يوم توفى !؟ مافي مجال للمقارنه رجل لم ولن يتكرر

نعم البهرجة الاعلاميه الصراحه تدخل في صحة نية الشخص
كل مكان الابتعاد عن الشو الإعلامي كل ماكان أفضل
قد نذكر تقرير عن حالة هذي الدولة ومايحدث لهم وتكون من جمعيه تابعة للدولة يتم التبرع من خلالهم ويكون في أشخاص ثقات يتابعون العمل هناك هذا أفضل شي

[بريق الحق]

الله كريم ياخوك
في ناس الحين مع الصور ويشوفون احوالهم ومايتبرعون
تبي بدون صوور عن حالاتهم وعن اماكن عيشتهم
محد راح يتبرع الا من رحم ربي

لا يابومحمد أهل الخير والي يبحثون عن الناس الفقيره المسكينه موجودة وتبحث عنهم في كل منطقه وفي كل مكان

[بريق الحق]

السميط الله يرحمه
وفي ناس مثله واحسن منه
من قالكم مافي

اشلون تقولون لم ولن يتكرر
تبون الناس تتكلم للشو يعني علشان تقارنون
في ناس وايد تسوي الخير بسكات ولله الحمد
لايتكلمون ولا يصورون

ف محد يقدر يحكم ان مايتكرر


الحمدلله الدنيا بخير وسلامه

القصد هنا ان السميط امثالهم صعب تكرارهم مثل احمد ديدات ومن خدمو هذا الدين هذا المقصد الله يبارك فيكم

[بومحمد المطاوعه]

القصد هنا ان السميط امثالهم صعب تكرارهم مثل احمد ديدات ومن خدمو هذا الدين هذا المقصد الله يبارك فيكم


صعب يتكرر نعم وفي يمكن الاحسن والافضل
محد يعلم الا الله تعالى

محد يقدر يقول مايتكرر او مافي

هالكلام مايجوز
لان محد يعلم بالنوايا الا الله تعالى

يعني البشر شلون يعرفون ان هذي افضل من هذي

لو طلع اعماله قلتو شوو
ولو خش قلتو مافي ولن يتكرر


هذي الاعمال خالصه لوجه الله تعالى مب للبشر وشوو

ويجزاك كل خير يارب

[بومحمد المطاوعه]

لا يابومحمد أهل الخير والي يبحثون عن الناس الفقيره المسكينه موجودة وتبحث عنهم في كل منطقه وفي كل مكان

موجودين ولله الحمد ياخوي
ماقلنا مافي ياخوي

في واثني على هذا الشي والحمدلله

واهل الخير وايد والحمدلله

[بريق الحق]

يابومحمد القصد فالكلام ان السميط ذهب رحمه الله
قد يكون هناك من أفضل من ديدات والسميط و و و هذا يقال من باب التشبيه انه رجل بامة

[بومحمد المطاوعه]

نعم البهرجة الاعلاميه الصراحه تدخل في صحة نية الشخص
كل مكان الابتعاد عن الشو الإعلامي كل ماكان أفضل
قد نذكر تقرير عن حالة هذي الدولة ومايحدث لهم وتكون من جمعيه تابعة للدولة يتم التبرع من خلالهم ويكون في أشخاص ثقات يتابعون العمل هناك هذا أفضل شي
المشكله يالشيخ
التصوير من قبل الجمعيات
للتوثيق ولتوصيل احوال الناس للناس هني الي عايشين في احسن عيشه

لان في ناس تذم الجمعيات بعدم ايصال التبرعات اول بأول
وهني المشكله

اما الاشخاص الي يصورون بنفسهم هذي يمثل نفسه
لان بعض الصور المفروض ماتتصور ابد

[بومحمد المطاوعه]

يابومحمد القصد فالكلام ان السميط ذهب رحمه الله
قد يكون هناك من أفضل من ديدات والسميط و و و هذا يقال من باب التشبيه انه رجل بامة

ذهب نعم
اسأل الله ان يرحمه وانا على يقين ان الدنيا بخير وفي ناس مثله واحسن منه
الدنيا بخير ياخوي

[qatara]

شفت اليوم برنامج عن نفس الموضوع

رحاله من قطر من بينهم الممثل طفاش

نعم ااويد رايك الواجب اعلان المشروع وتصويره

وليس تصوير المحتاجين وبعيونهم ذل الحاجه

[BigBrother]

هل تعلم أين تكون الأموال يوم القيامة وإلى أي شيئ تتحوّل




http://safeshare.tv/v/lQMo5Lzn3KY

[بومحمد المطاوعه]

97594

مثل هذي الصوره ماعتقد فيها اي اهانه للمحتاج
ولا للذل في التصوير واظهار الوجه

عكس الصور الي نزلت في الموضوع

[ضوى]

بو محمد حتى الصورة اللي حطيتها مالها داعي لا فيها اسم مشروع ولا توزيع مساعدات يعني هذي صورة تجمع ناس عادي مالها اي علاقه بموضوعي اطلاقا

وبعدين ماشاء الله عليك امس تقول الموضوع ماله اي فايده وفي مواضيع اهم وتبي الموضوع يغلق ، واليوم رافعه ومعلق فيه !؟؟ وعجبي

[بومحمد المطاوعه]

بو محمد حتى الصورة اللي حطيتها مالها داعي لا فيها اسم مشروع ولا توزيع مساعدات يعني هذي صورة تجمع ناس عادي مالها اي علاقه بموضوعي اطلاقا

وبعدين ماشاء الله عليك امس تقول الموضوع ماله اي فايده وفي مواضيع اهم وتبي الموضوع يغلق ، واليوم رافعه ومعلق فيه !؟؟ وعجبي

ناس عاديه !!!

والشاحنه الي فيها توزيعات شنهي هذي ؟؟

عجبي على التعليق

عيل استلمي الصوره الجايه

[بومحمد المطاوعه]

97596

ها ان شاءالله مب تجمع عادي بعد

للعلم هؤلاء ارتيريين
لاجئين من سنه 1985 وعايشين في السودان في معسكر الشجراب

[بومحمد المطاوعه]

97597

هذي بيوتهم
لامكيف ولا ليت ولا حتى ماي نظيف

الحمدلله على النعمه الي عايشين فيها احنا

[ضوى]

بو محمد لازلت تشخصن الامور وتحاول تجره لمنحنى اخر تماما

الموضوع يتكلم عن شي اخر وانت وجهه نظرك وصلت خلاص ماله داعي التكرار وفي غير هدف الموضوع

شكرا على مشاركاتك

[بومحمد المطاوعه]

بو محمد لازلت تشخصن الامور وتحاول تجره لمنحنى اخر تماما

الموضوع يتكلم عن شي اخر وانت وجهه نظرك وصلت خلاص ماله داعي التكرار وفي غير هدف الموضوع

شكرا على مشاركاتك

هههههه
اشخصن !!
ف شنو

اتهام جديد هذي هههه

والله ماعرفت لج الصراحه
قلتي الصوره تجمع ناس عاديين وحطيت التوثيق مب عاجبج

ههههه

مادري شالمطلوب او شنو الدليل الواضح عن مصداقيه الصوره

المهم
عرفت الموضوع وعرفت عن شنو الموضوع وناقشت فيه

اهم شي وصلتي على قولتج للجهات المختصه
والجهه المختصه بتشوف الصح وبيتطبق ان شاءالله
اهم ابخص في هذي الأمور


والحمدلله اصحاب الخير موجودين
والي يبي الشو موجودين في كل شي

ومسك الختام
السلام عليكم ورحمة الله وبركاتة

[ضوى]

‏ï´؟فسقى لهما ثم تولىï´¾

إذا أحسنت لأحد فابتعد عنه
لا تحرج ضعفه ولاتلزمه شكرك
اصرف وجهك كي لا ترى حياءه عارياً أمام عينيك يكفيك أن يجازيك الكريم ..


في صلب الموضوع

[مــاي ورد]

ممكن يصورونهم من بعد اذنهم صورة عادية مش وهم يستلمون المعونة عشان ما يحسون بالمذله و الحاجة

تصويرهم عشان الناس تعرف حالهم ويرق قلبهم عليهم .. السمع غير عن الشوف ودايما الاشياء المرئية مؤثرة اكثر من اني اسمع من احد او انتظر لين يوصلني خبر ان في دوله محتاجة

اما الحين التصوير صار بالفوتوشوب ومادري ايش ودعاية و سالفه وهاي كله شوو واني اصور وانا اعطي فلان شي هاي بكبره رياء

لكن كتصوير لتوضيح حالتهم ومدى حاجتهم وتصوير فرحتهم بعد وصول المعونة شي جميل ولعله يرقق قلوب الناس ويؤثر فيهم

لكن والله اقعد بالبيت ومادري عن شي كفايه ان الناس مشغولين هالايام وماعندهم وقت للاتصال بذويهم وين فاضيين للفقراء ولا اني انتظر واحس بمعانات غيري وانا ما ادري ولاشفت حجم معاناتهم

وياريت التصوير يكون من بعد اذن المحتاجين لان في كبار سن و نساء دعتهم الحاجة الماسة للمعونه و الله يعلم بحالهم

[مــاي ورد]

ولو صج الواحد بيحس وبيتبرع جان ماخلوا التبرعات بالمسجات و في الامكن العامه هاي كله عشان يوصلون للمتبرع .. قبل المتبرع هو اللي يسعى للتبرع ويروح لحد مكان التبرع الحين يتعيز يطرش مسج تبرع من تلفونه.. دايما الصوت و الصورة معبره اكثر من مجرد كلام.. والتاثير في الناس وحثهم للتبرع شي رائع ولكن طبعا بمراعاه مشاعر المحتاجين وعدم التعدي على حقوقهم كبشر

[يمامـة]

اتفق معاج يا ضوى..... مثل هالصور مب مقبولة لأني لو في مكانهم مب حلو يعطوني ويصورني صور تذكارية..

لكن ممكن في الوقت نفسه نلتمس العذر لهم انهم استخدموا التصوير لاثبات حرصهم على إيصال المساعدات..
خاصة مع الاتهامات الكثيرة اللي تطالهم بسبب تشكيك الناس فيهم..

الا اني أتمنى ان تكون هناك اليات افضل لاثبات ما يقومون به.. من غير استغلال حاجتهم بتصويرهم
سواء برضاهم او من غير رضاهم..

[برشلوني قطر]

حتى افطار صائم ع تلفزيون قطر استغربت من الخيام الرمضانية ويصورونهم وهم يعطينهم الاكل...

من وجهة نظري ماله داعي..ويمكن ف منهم من ينحرج..

الله المستعان