بلاط أوروربي سميك للحوش

[captin]

السلام عليكم ورحمة الله وبركاته

مبارك الشهر على الجميع الله يجعله شهر رحمة ومغفرة .

عندي مشروع بناء فيلا وسويت تصميم للحوش من خلال مركز قطر خضراء
وتم تحديد المساحات الخضراء والممرات ومواقف السيارات والمداخل الخ .

طلعت عندي كمية البلاط للحوش حوالي 550 متر مربع

وحاب أركب أنواع البلاط الاوروبي غالبا راح يكون اما إيطالي أو أسباني وحاب انه يكون قوي وسميك
يستحمل السيارات والظروف البيئية القاسية .

اللي عنده خبره ياريت يذكر بعض أسماء الشركات المتخصصة في مثل هاذي الأنواع الأوروبية

[معماري قطري]

شفت مرة عند تدمر بورسلان ايطالي رمادي خاصمين عليه بسعر 50 ريال وجاء واحد خذه كله للحوش

شوف عند سيراميكا نوع زين حجري وفيه خشونة وسميك والقطع 90 في 45 .. أسباني هذا ركبه وانت مغمض بس على أرضية خرسانية

وعند غالبية الوكلاء بس اسئل عن النوع السميك واللي فيه خسونة أو الحجر البازلتي أو البورسلان البازلتي اللي للخارج

[Almuraikhi]

السلام عليكم ورحمة الله وبركاته

مبارك الشهر على الجميع الله يجعله شهر رحمة ومغفرة .

عندي مشروع بناء فيلا وسويت تصميم للحوش من خلال مركز قطر خضراء
وتم تحديد المساحات الخضراء والممرات ومواقف السيارات والمداخل الخ .

طلعت عندي كمية البلاط للحوش حوالي 550 متر مربع

وحاب أركب أنواع البلاط الاوروبي غالبا راح يكون اما إيطالي أو أسباني وحاب انه يكون قوي وسميك
يستحمل السيارات والظروف البيئية القاسية .

اللي عنده خبره ياريت يذكر بعض أسماء الشركات المتخصصة في مثل هاذي الأنواع الأوروبية
عليك يتبارك اخوي
عندي سوْال
بخصوص مركز قطر خضراء كيف ألطريقه في التعامل معهم هل يصممون لي الحديقة في الحوش وهل في رسوم عليها وبنسبه للتنفيذ هل ينفذون لك ؟

[captin]

شفت مرة عند تدمر بورسلان ايطالي رمادي خاصمين عليه بسعر 50 ريال وجاء واحد خذه كله للحوش

شوف عند سيراميكا نوع زين حجري وفيه خشونة وسميك والقطع 90 في 45 .. أسباني هذا ركبه وانت مغمض بس على أرضية خرسانية

وعند غالبية الوكلاء بس اسئل عن النوع السميك واللي فيه خسونة أو الحجر البازلتي أو البورسلان البازلتي اللي للخارج



مشكور اخوي معماري قطري

اخبر من فترة مريت عند معرض في طريق سلوى اسمه جامكو عنده منتجات اوروبية
راواني انواع للارضيات ايطالية المصدر يقول انها للحوش ومقاسها كان 30 في 30 بس ما كانت سميكه
واسعارها تترواح من 160 الى 180 ريال للمتر المربع .

عموما باشوف المحلات اللي ذكرتها واتنمى ان تكون الكمية متوفرة لان معظم المحلات بالنسبة للمنتجات الأوروبية
ما تلقى عندهم مخزون يوردون على الطلب .

[captin]

عليك يتبارك اخوي
عندي سوْال
بخصوص مركز قطر خضراء كيف ألطريقه في التعامل معهم هل يصممون لي الحديقة في الحوش وهل في رسوم عليها وبنسبه للتنفيذ هل ينفذون لك ؟




بالنسبة لمركز قطر خضراء تحتاج اخوي انك تمر عليهم في مكانهم في منطقة حزم المرخية

وبيعطونك نموذج خاص تعبيه وتوفر لهم مرفقات مثل مخطط البيت وصورة سند الملكية وقرص مدمج للرسم المعماري
وصورة البطاقة الشخصية وعدد من الصور للموقع بشرط يكون البنيان في مراحل متقدمه .
لما تكتمل الاوراق ويفتحون لك ملف بيحولون المشروع على احد المهندسين او المهندسات وبيقابلك وبياخذ منك التصور للحديقة
المطلوب تنفيذها .

طبعا هاذي الخدمة مجانية من المركز للمواطنين القطريين .

[مضارب دوسري]

اهم شي يكون السمك 3 سم

اي شي اقل من 3 سم فهو مشروع نصب

واحد من الربع راح طريق سلوى لمحل قاله هذا ايطالي وداخله حديد للحوش وقوي وسميك و و و و و والمتر ب 90

ركبه مع اني كنت انصحه مايركبه

وبعد 6 شهور يقول بلاط حوشي تكسر وقبل لا يسكن بعد

[معماري قطري]

مشكور اخوي معماري قطري

اخبر من فترة مريت عند معرض في طريق سلوى اسمه جامكو عنده منتجات اوروبية
راواني انواع للارضيات ايطالية المصدر يقول انها للحوش ومقاسها كان 30 في 30 بس ما كانت سميكه
واسعارها تترواح من 160 الى 180 ريال للمتر المربع .

عموما باشوف المحلات اللي ذكرتها واتنمى ان تكون الكمية متوفرة لان معظم المحلات بالنسبة للمنتجات الأوروبية
ما تلقى عندهم مخزون يوردون على الطلب .

جامكو صح حق جاسم المسند صديق الماضي اللي سنين ما شفته

وفيه عندك بعد العمودي عندهم دوم كميات .. بس لتفوت اللي عند سيراميكا انا مجربه ووايد زين وكلام اخوي مضارب دوسري صحيح الا تكون البلاطة صلبة وتحتها صبية وملصقة بلاصق معبي تحت بالكامل

[معماري قطري]

اهم شي يكون السمك 3 سم

اي شي اقل من 3 سم فهو مشروع نصب

واحد من الربع راح طريق سلوى لمحل قاله هذا ايطالي وداخله حديد للحوش وقوي وسميك و و و و و والمتر ب 90

ركبه مع اني كنت انصحه مايركبه

وبعد 6 شهور يقول بلاط حوشي تكسر وقبل لا يسكن بعد

لو مركب على دفان وبالطريقة اللي يسمونها البلدية ( المصرية ) أكيد بينكسر حتى لو 3 سم

[captin]

اهم شي يكون السمك 3 سم

اي شي اقل من 3 سم فهو مشروع نصب

واحد من الربع راح طريق سلوى لمحل قاله هذا ايطالي وداخله حديد للحوش وقوي وسميك و و و و و والمتر ب 90

ركبه مع اني كنت انصحه مايركبه

وبعد 6 شهور يقول بلاط حوشي تكسر وقبل لا يسكن بعد


مشكور الأخ مضارب على النصيحة

فعلا القلق لما تركب أرضيات خفيفة في الحوش وفي منطقة عليها حركة دوس وحركة سيارات انها بعد فترة
تتكسر او يصير هبوط في بعض المناطق .


والاهم من هذا كله طريقة التركيب تكون على طبقة خرسانية وتحتها مادة لاصقة
مثل ما ذكر اخونا معماري .

[معماري قطري]

إخوي كابتن إطلب خرسانة ضعيفة ومايعة .. قوة انضغاطها 20 كيلو نيوتن في المتر المربع كفاية .. ولا تحط حديد ما فيه داعي له بتطلع وايد أرخص .. بس اطلبها مع اضافات ما تخليها تتشلخ non shrinkage additives أو هذي عبوات حصلتها قبل عند الدرويش وتنصب في خلاط الخرسانة وتستوي خيوط فيبر قوية ما تخليها تتشلخ .. بيتي كله الدور الأرضي حطيت نفس المادة تحت البلاط وحطيت للحوش مع إني كنت موقع العقد على أساس يعملون قار .. الحمد لله 12 سنة للحين بدون هبوطات وبدون تكسر .. إسم المادة التجاري Grace Cemfiber F12 وهذي للصب خلال الصيف تمنع الشلوخ وتخلي الخرسانة صلبة وقوية ومؤكد ألحين يعرفونها شركات الردي مكس ويحطونها لو تطلبها

[captin]

جامكو صح حق جاسم المسند صديق الماضي اللي سنين ما شفته

وفيه عندك بعد العمودي عندهم دوم كميات .. بس لتفوت اللي عند سيراميكا انا مجربه ووايد زين وكلام اخوي مضارب دوسري صحيح الا تكون البلاطة صلبة وتحتها صبية وملصقة بلاصق معبي تحت بالكامل


لو مركب على دفان وبالطريقة اللي يسمونها البلدية ( المصرية ) أكيد بينكسر حتى لو 3 سم




ما اعتقد في سوقنا متوفر سيراميك الحوش بسماكة 3 سم اعتقد اكثر شي 2 سم حسب ما شفت في بعض المحلات على السريع

لكن مثل ما تفضلت طريقة التركيب هي الاهم باستخدام طبقة خرسانية ومادة لاصقة بحيث ماتكون المنطقة مرتخية او فيها فراغ تحت حبة السراميك وهذا يضمن صلابة
الارضية حتى لو عليها دوس سيارات وحركة يومية .
مشكور أخوي معماري بامر هالايام على سيراميكا أشوف الانواع اللي عندهم .

[captin]

إخوي كابتن إطلب خرسانة ضعيفة ومايعة .. قوة انضغاطها 20 كيلو نيوتن في المتر المربع كفاية .. ولا تحط حديد ما فيه داعي له بتطلع وايد أرخص .. بس اطلبها مع اضافات ما تخليها تتشلخ non shrinkage additives أو هذي عبوات حصلتها قبل عند الدرويش وتنصب في خلاط الخرسانة وتستوي خيوط فيبر قوية ما تخليها تتشلخ .. بيتي كله الدور الأرضي حطيت نفس المادة تحت البلاط وحطيت للحوش مع إني كنت موقع العقد على أساس يعملون قار .. الحمد لله 12 سنة للحين بدون هبوطات وبدون تكسر .. إسم المادة التجاري Grace Cemfiber F12 وهذي للصب خلال الصيف تمنع الشلوخ وتخلي الخرسانة صلبة وقوية ومؤكد ألحين يعرفونها شركات الردي مكس ويحطونها لو تطلبها

[CENTER]



كل الشكر والتقدير ما قصرت على قولتهم
Much appreciated for the detailed specs

با بلغ المهندس المشرف على المشروع بعد ما اختار نوعية السيراميك انه يهتم بموضوع الخرسانة وخصوصا الخلطة المانعة للتشقق

مشكلة بلادنا ما تلقى لك واحد فاهم يسوي المطلوب بدقة واحترافية وبمواصفات علية لازم تقد تركض وراهم وتخلي شغلك وارتباطاتك
ويا الله يا الله بعد ما تسلم من ظهور العيوب .
الله يعطيك العافية ما قصرت .

[معماري قطري]

ما اعتقد في سوقنا متوفر سيراميك الحوش بسماكة 3 سم اعتقد اكثر شي 2 سم حسب ما شفت في بعض المحلات على السريع

لكن مثل ما تفضلت طريقة التركيب هي الاهم باستخدام طبقة خرسانية ومادة لاصقة بحيث ماتكون المنطقة مرتخية او فيها فراغ تحت حبة السراميك وهذا يضمن صلابة
الارضية حتى لو عليها دوس سيارات وحركة يومية .
مشكور أخوي معماري بامر هالايام على سيراميكا أشوف الانواع اللي عندهم .

الشيخ السعودي والاماراتي فيه منه 4 سم اعتقد أو 3 وقوي وايد فيه كسر رخام كبيرة وينجلي مثل الرخام .. بس مع مرور الوقت يبقع بسبب الأملاح لكنه عملي لآخر درجة .. في طريق سلوى قرب محطة بترول عزيز يبيعونه بيت الأحساء والثاني قريب منه نسيت اسمه

[معماري قطري]

صورت لك مقطع يوتيوب حق البلاط .. شوف شلون سيدة وثابت ولا متكسر بعد فترة 12 سنة تقريباً .. وهذا سعره حول 40 ريال اتوقع


https://youtu.be/NOlj7Asud7w

[مضارب دوسري]

لو مركب على دفان وبالطريقة اللي يسمونها البلدية ( المصرية ) أكيد بينكسر حتى لو 3 سم

على خرسانه يدويه حديد وكنكري واسمنت

البلاط تكسر والخرسانه صااامده هذا بالنسبه لبيته


عن نفسي ركبت من مركز الرخام والجرانيت صناعه الدوحه مع كسر رخام اعتقد كان قيمته 50 ريال للمتر والسمك 3 سم
وعلى دفان وبطريقه المصريين بصراحه لحد الان الحمدلله تمام بعد مرور سنتين وماشفت اي مشاكل

هي توافيق على حسب العامل وهل يحطون كميه كافيه من الاسمنت او لا

انا فقط حطيت تريب كنكري فوق الدفان
وفوق الكنكري اسمنت والبلاطه فوقه الدفان رشيته 3 مرات تغريق ماي+ خليته 4 شهور لحد ما صار صلللب
واهم حاجه حاسبتهم شغل يد فقطططط
انا جبت الاسمنت عشان اتجنب موضوع النصب

[مضارب دوسري]

الشيخ السعودي والاماراتي فيه منه 4 سم اعتقد أو 3 وقوي وايد فيه كسر رخام كبيرة وينجلي مثل الرخام .. بس مع مرور الوقت يبقع بسبب الأملاح لكنه عملي لآخر درجة .. في طريق سلوى قرب محطة بترول عزيز يبيعونه بيت الأحساء والثاني قريب منه نسيت اسمه

اللي افضل من الاماراتي والسعودي

مركز الرخام والجرانيت مصنعهم فالدوحه وشغلهم عال العال مع كسر رخام واشكال حلوووه بصراحه

[معماري قطري]

على خرسانه يدويه حديد وكنكري واسمنت

البلاط تكسر والخرسانه صااامده هذا بالنسبه لبيته


عن نفسي ركبت من مركز الرخام والجرانيت صناعه الدوحه مع كسر رخام اعتقد كان قيمته 50 ريال للمتر والسمك 3 سم
وعلى دفان وبطريقه المصريين بصراحه لحد الان الحمدلله تمام بعد مرور سنتين وماشفت اي مشاكل

هي توافيق على حسب العامل وهل يحطون كميه كافيه من الاسمنت او لا

انا فقط حطيت تريب كنكري فوق الدفان
وفوق الكنكري اسمنت والبلاطه فوقه الدفان رشيته 3 مرات تغريق ماي+ خليته 4 شهور لحد ما صار صلللب
واهم حاجه حاسبتهم شغل يد فقطططط
انا جبت الاسمنت عشان اتجنب موضوع النصب


شغلهم غلط أكيد وفيه فراغات تحت لكن لو الصبية مستوية سيدة وفيها خشونة أو لا بعض المونة الحديثة تلصق حتى على الحديد والقزاز ما تحتاج تخشين وبعضها تحتاج تخشين حتى تمسك .. وتضمن عدم وجود الفراغات أكثر الا العامل يكون مستقصد يقتصد في المونة ويحط شوي بحيث يترك فجوات تحت .. هذي من تدوس عليها السيارة أو حتى شخص ثقيل تنكسر .. حطيت مقاطع للتركيب بالمشط المربع اللي يوزع المونة صح

طريقتك جيدة بس بعد ما تضمن تغيرات قوة الأرض مع مرور كم سنة بسبب الرطوبة والاهتزازات لكن الخرسانة تعوض لو يستوي تحت شوية فراغ .. ولا تنسى الرش بالماي يخلي التربة متوازنة لكن الرطوبة بين التربة تنفقد بالتدريج أما تتبخر أو تتسرب للأرض وتبقى التربة فيها فراغات صغيرة تكبر مع انزلاقات بسيطة ومع ماي المطر تنجرف شوي تحت وتصير هبوطات .. والعكس دخول الماي ينفخ التربة خصوصاً الطينية والبودرة أكثر وأكثر

عن البلاط القطري صح يسوون أوقات زين لكن الجودة متغيرة وفجأة تحصلهم ما حصلوا مواد خام جيدة وغالبها مستوردة فتحصلهم يستخدمون ناتج حفر من قطر .. جيري أو بودرة تعبانة مع خليط كشرة وخشب صح بنسب قليلة لكنها تخرب البلاط ويتفكك بعد فترة ويتكسر ويتحلل الجزء الضعيف وتحصل الحجارة الصلبة وكسر الرخام بدت تنفصل منه .. لو مختبراتنا تفتش ومن تحصل عينة غلط تكون غرامات قوية وايقاف للمعمل بيلتزمون لكن التفتيش قليل والايقاف كان قبل يكون بتعميم حكومي للجهات الحكومية .. أوقفوا التعامل مع المعمل الفلاني بسبب فشل العينات

بعدين لا تنسى حتى الماي اللي يستعملونه في هذي الصناعات ماي معالج وفيه كمية رهيبة من الأملاح ومن الكلور .. يعني الخلطة ضعيفة

آلية المختبرات لازم توجه لحماية العموم مب رسائل بالخش ما يعرفها الا المطلعين ولازم تكون فيه سلطة ايقاف .. كنا نشوف انترلوك الدوحة شلون يتآكل ويطلع منه الملح لين يئسوا وقاموا يستوردون غرانيت

[Almuraikhi]

بعد إذن صاحب الموضوع
اخوي معماري قطر ممكن تشرحلنا ألطريقه الصحيحه في تركيب بلاط الحوش
يعني اول شي تكون أرضيت الحوش الطبيعية اعمل دفان بودرة على المستوى اللي ابيه ارش الماي والدك اليوم الثاني واركب شبك الحديد واطلب سيارات الخرسانة 20 نيوتن بالمادة المذكورة وعقب اركب البلاط تركيب عادي سمنت ورمل هل هذي ألطريقه صحيحه وقويه
ياريت تشرح لنا بالخطوات وسامحني على الاطالة

[معماري قطري]

بعد إذن صاحب الموضوع
اخوي معماري قطر ممكن تشرحلنا ألطريقه الصحيحه في تركيب بلاط الحوش
يعني اول شي تكون أرضيت الحوش الطبيعية اعمل دفان بودرة على المستوى اللي ابيه ارش الماي والدك اليوم الثاني واركب شبك الحديد واطلب سيارات الخرسانة 20 نيوتن بالمادة المذكورة وعقب اركب البلاط تركيب عادي سمنت ورمل هل هذي ألطريقه صحيحه وقويه
ياريت تشرح لنا بالخطوات وسامحني على الاطالة

هلا إخوي

البودرة شيلها من القاموس بالكامل لو تبي تسوي شيء صح .. دفان عادي مغربل ومشيولة منه الحجارة الكبيرة .. ويندك وينعمل سلوب بعلامات حديد أو خشب مغروسة ومعلم عليها مستوى الخرسانة .. ينحط نايلون سميك وتنصب الخرسانة بعد ما تخلط شوي بخلطة الفايبر إذا سمك 10 سم نسوي فواصل كل 10 متر وإذا 15 كل 15 متر نسوي فاصل ويتعبى بعدين ماستك .. تنرش بالماي الخرسانة فترة 21 يوم المفروض بس نصها بعد تكفي وبعدها يتركب البلاط عادي بمونة قوية أما الأمريكية أو غيرها وحتى الاسمنت الأبيض يمشي للحوش بس حاول المونة بين فاصل البلاط تكون قوية ونوعية جيدة

البلاطة لو ملصوقة صح وتعبئة المونة تجي بالمشط على كامل الأرضية تستوي قطعة وحدة مع الصبية .. تفتك من النمل ومن تكسر البلاط ومن هبوط الأرضية وهذا الفرق بين شغل يدوم وشغل يمشي الحال وحسب الحظ

[معماري قطري]

لتحط حديد لأنه ما له ضرورة لو بتحط فايبر والفايبر يطلع أرخص

[Almuraikhi]

هلا إخوي

البودرة شيلها من القاموس بالكامل لو تبي تسوي شيء صح .. دفان عادي مغربل ومشيولة منه الحجارة الكبيرة .. ويندك وينعمل سلوب بعلامات حديد أو خشب مغروسة ومعلم عليها مستوى الخرسانة .. ينحط نايلون سميك وتنصب الخرسانة بعد ما تخلط شوي بخلطة الفايبر إذا سمك 10 سم نسوي فواصل كل 10 متر وإذا 15 كل 15 متر نسوي فاصل ويتعبى بعدين ماستك .. تنرش بالماي الخرسانة فترة 21 يوم المفروض بس نصها بعد تكفي وبعدها يتركب البلاط عادي بمونة قوية أما الأمريكية أو غيرها وحتى الاسمنت الأبيض يمشي للحوش بس حاول المونة بين فاصل البلاط تكون قوية ونوعية جيدة

البلاطة لو ملصوقة صح وتعبئة المونة تجي بالمشط على كامل الأرضية تستوي قطعة وحدة مع الصبية .. تفتك من النمل ومن تكسر البلاط ومن هبوط الأرضية وهذا الفرق بين شغل يدوم وشغل يمشي الحال وحسب الحظ

عندك حد يشتغل هالشغل لانه يبغيله واحد بروفشنل ومثلك عارف ربعنا (:

[معماري قطري]

عندك حد يشتغل هالشغل لانه يبغيله واحد بروفشنل ومثلك عارف ربعنا (:

صدقني كل مقاول يعرف بس يحتاج اشراف وحد يوجهه أما انت بروحك بتسوي شغل هندسي لازم بيسوون اللي في راسهم .. وبعدين حسب مكانك ممكن الشارع للحين ما انعمل أو مب معروف مستواه هنا تكون المشكلة .. أما يطلع الحوش رفيع ومزعج للدخول والخروج أو يكون نازل

أعرف مقاولين كبار ما ياخذون شغلات صغيرة واعرف مقاول باكستاني ممكن يسوي لك الشغلة بس اشرح له مثل ما شرحت لك .. وأكيد بيقول لك بيجيب بودرة لأَنها متوفرة ورخيصة قول له لا ابي دفان زين وممكن ما تحتاج دفان

الرقم بيوصلك خاص

[Almuraikhi]

صدقني كل مقاول يعرف بس يحتاج اشراف وحد يوجهه أما انت بروحك بتسوي شغل هندسي لازم بيسوون اللي في راسهم .. وبعدين حسب مكانك ممكن الشارع للحين ما انعمل أو مب معروف مستواه هنا تكون المشكلة .. أما يطلع الحوش رفيع ومزعج للدخول والخروج أو يكون نازل

أعرف مقاولين كبار ما ياخذون شغلات صغيرة واعرف مقاول باكستاني ممكن يسوي لك الشغلة بس اشرح له مثل ما شرحت لك .. وأكيد بيقول لك بيجيب بودرة لأَنها متوفرة ورخيصة قول له لا ابي دفان زين وممكن ما تحتاج دفان

الرقم بيوصلك خاص
بيض الله ويهك اخوي وماقصرت

[Azizuk]

صدقني كل مقاول يعرف بس يحتاج اشراف وحد يوجهه أما انت بروحك بتسوي شغل هندسي لازم بيسوون اللي في راسهم .. وبعدين حسب مكانك ممكن الشارع للحين ما انعمل أو مب معروف مستواه هنا تكون المشكلة .. أما يطلع الحوش رفيع ومزعج للدخول والخروج أو يكون نازل

أعرف مقاولين كبار ما ياخذون شغلات صغيرة واعرف مقاول باكستاني ممكن يسوي لك الشغلة بس اشرح له مثل ما شرحت لك .. وأكيد بيقول لك بيجيب بودرة لأَنها متوفرة ورخيصة قول له لا ابي دفان زين وممكن ما تحتاج دفان

الرقم بيوصلك خاص

انزين بوعبدالله داخل البيت وانت بكرامه الحمامات شنو نوع الدفان اللي ينحط

كل مقاول و ملعم بلاط أقول له ابي دفان مغربل يضحك ويستغرب يقول محد يحط دفان مغربل داخل البيت

والرمل بعد فترة يتحرك ومحد ينصح يحط دفان رمل

اما البودرة الكل يحطها ومعظم البيوت اللي دخلتها يحطون بودرة وتنرش بالماي وإذا في مجال ممكن تندك بدكاكه خفيفه وتنحط عليها صبيه 5 سنتمتر

وبعدين انت وكيفك ياتخلي الصبيه تنشف وتلصق البلاط بالغراء

او

انك تركب البلاط مع الإسمنت الناشف مع شوية ماي وبودرة سمنت بدون ماي تنرش عليها

والبعض شفته يحط سمنت عجينه وبعدها يركب الرخامه وبعدين يشيلها ويصب عليها سمنت ابيض رايبه ويرجع الرخامة

هذا شغل الاهنود والسيخ في تركيب الرخام هذا شفته قدامي يركب الرخام

والاسمنت الأبيض عشان يمسك الرخامة عدل وفي نفس الوقت الرخام مايمتص الإسمنت الأسود وبعد فتره يسود

وطرق واجد سمعت عنها وشفتها

بس اللي شفته بيت جاري حط رمل بلاستر وركبو عليه البلاط ماكمل شهرين الا البلاط متحرك ويكسر البلاط ويشل الرمل ويحط بودرة وصبيه 5 سنتيمتر ويركب عليه البلاط

والطريقة الصحيحه اللي هو تنصب ارضية البيت من الداخل بخرسانة بعد تركيب وتمديد بيبات الكهرباء وتنتهي من جميع اعمال التمديدات المتطلبة قبل التبليط ويتركب البلاط بعدها

على سبيل المثال اذا المستوى عندك اتفقتو مع المبلط ارتفاع البيت يكون 15 سنتيمتر صافي مع تركيب البلاط

عندك 2 سنتيمتر سمك الرخام وعندك مادة الغراء الاصق 2 سنتيمتر كميه تنحط والباقي يكون خرسانة

يعنى عندك فرشة خرسانة في البيت وعلى حسب المستوى هبوط قليل في بعض الإمكان تكون الخرسانة بين 10 و 11 سنتيمتر سمك

البعض يقول بيصير ثقل على البيت والبعض يقول مافي داعي والبعض يقول لو تحب تغير البلاط في المستقبل او يطّلع عندك عطل وتبني تكسر صعب تكسر الخرسانة

والواحد محتار

في بيت لقيته حاط طين وبعد فتره لقيت عنده هبوط في الارضيه

بس معظم البيوت اللي دخلتها لقيتهم حاطين بودرة بس فيها حصى صغار محثرب مهب بودرة تتطاير وحاط عليها صبيه سمنت وفوقها اللاصق

[معماري قطري]

انزين بوعبدالله داخل البيت وانت بكرامه الحمامات شنو نوع الدفان اللي ينحط

كل مقاول و ملعم بلاط أقول له ابي دفان مغربل يضحك ويستغرب يقول محد يحط دفان مغربل داخل البيت

والرمل بعد فترة يتحرك ومحد ينصح يحط دفان رمل

اما البودرة الكل يحطها ومعظم البيوت اللي دخلتها يحطون بودرة وتنرش بالماي وإذا في مجال ممكن تندك بدكاكه خفيفه وتنحط عليها صبيه 5 سنتمتر

وبعدين انت وكيفك ياتخلي الصبيه تنشف وتلصق البلاط بالغراء

او

انك تركب البلاط مع الإسمنت الناشف مع شوية ماي وبودرة سمنت بدون ماي تنرش عليها

والبعض شفته يحط سمنت عجينه وبعدها يركب الرخامه وبعدين يشيلها ويصب عليها سمنت ابيض رايبه ويرجع الرخامة

هذا شغل الاهنود والسيخ في تركيب الرخام هذا شفته قدامي يركب الرخام

والاسمنت الأبيض عشان يمسك الرخامة عدل وفي نفس الوقت الرخام مايمتص الإسمنت الأسود وبعد فتره يسود

وطرق واجد سمعت عنها وشفتها

بس اللي شفته بيت جاري حط رمل بلاستر وركبو عليه البلاط ماكمل شهرين الا البلاط متحرك ويكسر البلاط ويشل الرمل ويحط بودرة وصبيه 5 سنتيمتر ويركب عليه البلاط

والطريقة الصحيحه اللي هو تنصب ارضية البيت من الداخل بخرسانة بعد تركيب وتمديد بيبات الكهرباء وتنتهي من جميع اعمال التمديدات المتطلبة قبل التبليط ويتركب البلاط بعدها

على سبيل المثال اذا المستوى عندك اتفقتو مع المبلط ارتفاع البيت يكون 15 سنتيمتر صافي مع تركيب البلاط

عندك 2 سنتيمتر سمك الرخام وعندك مادة الغراء الاصق 2 سنتيمتر كميه تنحط والباقي يكون خرسانة

يعنى عندك فرشة خرسانة في البيت وعلى حسب المستوى هبوط قليل في بعض الإمكان تكون الخرسانة بين 10 و 11 سنتيمتر سمك

البعض يقول بيصير ثقل على البيت والبعض يقول مافي داعي والبعض يقول لو تحب تغير البلاط في المستقبل او يطّلع عندك عطل وتبني تكسر صعب تكسر الخرسانة

والواحد محتار

في بيت لقيته حاط طين وبعد فتره لقيت عنده هبوط في الارضيه

بس معظم البيوت اللي دخلتها لقيتهم حاطين بودرة بس فيها حصى صغار محثرب مهب بودرة تتطاير وحاط عليها صبيه سمنت وفوقها اللاصق

يا اخوي كل مقاول يدور السهل له واللي يعرفه .. بعض مقاولين الحجر تجيب له طاري التركيب الميكانيكي يكشر في ويهك ويسوي لك تمثيلية

ليش الجكومة كانت مانعة البودرة ويمكن أجازوها ألحين بعض المهندسين اللي ماشي عليهم الكلام الغلط .. من خلال دراستنا أسوأ أنواع التربة من ناحية الانتفاخ والهبوط الغير متساوي الطينية وما تسمى بالسلتية وهي شوي أعلى من الطينية لكن حباتها صغيرة Silty Soil لو حاب تطلع على معلومات حولها اقرأ

جيب لي معلم تركيب بلاط مب كذاب يتفيهمون ووقت الهبوط يقول لك الأرض ريحت ولا تشوف وجهه بعد .. لموازنة أي هبوط خفيف نحط صبية من 10 إلى 15 سم .. وحسبتها بسيطة جداً لداخل البيت .. القاعة اللي تجيك أقصر بعد فيها 15 متر تسويها 15 سم حتى تجي ككتلة وحدة بدون فاصل والفاصل يكون هو الأطراف قرب الجسور الأرضية .. 12 متر تركب 12 سم .. لكن لو المساحة فرضاً 20 في 20 يستحسن تقسمها 4 قطع كبيرة كل قطعة بسمك 10 سم وتكون 10 متر في 10 متر

لخارج البيت تحكمك الفواصل أكثر .. لو سويتها 15 سم بتقلل الفواصل وبتكون الفواصل كل 15 متر بالطول والعرض

الطرق الغير هندسية توصلك لحلول هندسية لكن غير مضمونة والطرق والحسابات الهندسية توصلك لحل هندسي مضمون أو خل نقول شبه مضمون .. الشخص العادي ومن ضمنهم المشرف اللي خلفيته العلمية ضعيفة يوثق في العامل والعامل يفتي باللي يعرفه .. تعلم يركب بالروبة الاسمنتية خلاص ما يعرف غيرها .. للخارج معاك ممكن نستخدم روبة وسط واسمنتية بس فيه درجة أعلى من الاسمنت العادي

الدفان المغربل اللي يضحك عليه العامل طريقته سهلة شبك حديد ويمررون الدفان من خلاله وفتحاته تسمح بمرور حجارة معينة بقطر معين وتمنع الباقي .. بلهجتنا يشخلونه بمشخال كبير ولكل احتياج شروط معينة

البودرة مستعد احلف لك كانوا يستلمونها المقاولين من الكسارات ببلاش وكناتج غير مرغوب فيه ويترجون المقاولين تحميله بعد ما يجيبون الدفان الزين اللي يطلعونه من حفر البيوت أو المشاريع .. في النهاية اللي يبي البودرة فلوسه وبيته وهو حر واللي يبي يسوي شغل صح يسمع رأي المختصين ويقرأ مواصفات الدولة .. مب شرط المخشوشة الحالية يشوف السنوات السابقة سنوات المصداقية والمشاريع الجيدة

شوف ألحين بلاط قطر الشعبي وبعضهم ياخذونه للحوش حشوته بيضا ومضغوطة وفيه كسر رخام قليلة .. هذا غالبيته بودرة ويتفتت بعد فترة ويستوي سيء مثل الانترلوك اللي نشوفه المطر يخربه ويطلع خرابيطه

[معماري قطري]

فيه مبنى أُعجوبة مكون من عدة أدوار نسيت في أي مدينة أمريكية .. بنوه من زمان على أرض عمق الطين فيها كبير وحتى يمر الماء من فوق لتحت خلال حبات الطين الرفيعة والمكونة لطبقة الصلصال يحتاج فترة تقدر بمئات السنين .. وهذا ردسناه في كورس التربة .. وكان المبنى ينزل نزول غير متساوي وتستوي فيه كراكات كبيرة فاضطروا لشفط المياه من بعض الجهات لجعل النزول متساوي

العملية معقدة بس استوى المبنى ينزل بالتدريج ويغوص في الأرض مثل الشخص اللي يغوص في الوحل .. لدرجة إنهم كل فترة يضحون بدور سفلي ولا ادري اذا موجود هالمبنى أو اندثر وكان فندق حسب ما اذكر .. اللي يحب يسوي بحث عنه

[captin]

صدقني كل مقاول يعرف بس يحتاج اشراف وحد يوجهه أما انت بروحك بتسوي شغل هندسي لازم بيسوون اللي في راسهم .. وبعدين حسب مكانك ممكن الشارع للحين ما انعمل أو مب معروف مستواه هنا تكون المشكلة .. أما يطلع الحوش رفيع ومزعج للدخول والخروج أو يكون نازل

أعرف مقاولين كبار ما ياخذون شغلات صغيرة واعرف مقاول باكستاني ممكن يسوي لك الشغلة بس اشرح له مثل ما شرحت لك .. وأكيد بيقول لك بيجيب بودرة لأَنها متوفرة ورخيصة قول له لا ابي دفان زين وممكن ما تحتاج دفان

الرقم بيوصلك خاص



يعطيك العافية اخوي معماري على آرائك النيرة

انا قررت اروح مع تركيب سيراميك للحوش بعد مقارنة ومفاضلة مع الانترلوك
رغم ان المقاول عندي حاول يقنعني بالانترلوك انه عملي وسهل الصيانة على عكس السيراميك
لو صار هبوط او تطلب الامر لصيانة تحت السيراميك مضطرين نكسر ونركب جديد واذا النوع ما كان متوفر
بنضطر انرقع او نشيل الكمية كلها ونركب سيراميك جديد.

السراميك اللي اخترته نوع اسباني سماكته 2سم وخشن شوي وسعره تقريبا 80 ريال للمتر والمساحة المطلوب
تبليطها حوالي 550 متر مربع في الحوش .

كلمت مقاول التشطيب عندي يسعر على اساس يكون دفان نظيف وطبقة خرسانية بمقدار 5سم .
عطاني سعر للتركيب والمواد والعمالة 95 الف ريال يعني بمعدل 172 للمتر واذا اضفنا عليه تكلفة السيراميك
بيطلع 252 ريال .

هل تعتقد السعر مناسب لتكلفة تركيب سيراميك الحوش كتكلفة شاملة ؟

[معماري قطري]

السلام عليكم ورحمة الله وبركاته والعيد مبارك مقدماً على الجميع

إخوي كابتن طبقة 5 سم اسمنت واللي مسميها مقاولك خرسانة هذي بلاستر ومؤكد بيتكسر من دوس السيارات .. الخرسانة المقصودة تجي ردي مكس وممكن حتى خلطها في الموقع بس تجي مقواة أما بالفايبر مثل ما شرحت عدة مرات أو بشبك الحديد ويبدأ سمكها من 10 سم وانت طالع

سعر تركيبهم يبين لي غالي ومبالغ فيه ويا ليت الشغل صح .. بعدين شرحت بعد صب الخرسانة وكيف يحطون حديد معلم عليه ارتفاع الخرسانة ووقت الصب يساوون الإرتفاع على الحديد وبقطعة ألمنيوم مثل البلاستر بحيث ما تكون فيه هبوطات .. شوف الباكستاني اسحق باطرش لك رقمه وقول له شتبي بالضبط وقارن بين السعرين

[captin]

جزاك الله خير اخوي معماري وتقبل الله طاعتك ومبارك عليك العيد

[معماري قطري]

جزاك الله خير اخوي معماري وتقبل الله طاعتك ومبارك عليك العيد

الله يجزيك بما دعيت وكان المفروض مني من زمان اوضح الفرق بين مصطلح خرسانة concrete وبلاستر أو screed .. الأُولى صبية قوية وبسمك مناسب ما تنكسر ولا تنشلخ بسهولة والثانية قشرة بسيطة وغير مناسبة نهائياً لدوس السيارات