من سوى ليزر للحيه

[الاستاندر]

السلام عليكم
شباب انا واحد تعبت من اللحيه
لحيتي غليضه وخشنه وشعره فوق وشعره تحت
وكل ماحلق اجروح وحبوب وسالفه
احلق اليوم بكره اللحيه طالعه
وخاطري اسوي ليزر
وسوال في سعودي قالي لو تسوي ليزر للحيه كامله
بيطلع الشعر في اللحيه وبيكون ناعم ومرتب
هالشي صحيح او لا
وتسلمون

[A-Alansari]

لا تسوي ليزر تحمل

اذا تبي تسوي روح الحلاق حدد العارض اول وعقب سو ليزر على تحديد العارض

اما تشيل الشعر كله بالليزر لا بتخرب ويهك والشعر مايرجع نفس ماكان يصير شكله غلط

[al saad]

الشيخ الطرق وايد للليزير ممكن اتحدد واتسوي ليزر الجلسه ب 300 ريال وممكن الوجه كامل تقريبا ب 1000 والشعر بيطلع بعد شهرين او ثلاثة حسب الشخص وبيطلع شعر ناعم بويصلات جديدة
بي حق شخص اول مرة بتشوف النتايج بعد 3 جلسات والجلسه من 15 دقيقه وطالع حسب الشغل

[Q A T A R I]

-


اللي فهمته , انه في مناطق عندك فاضية مافيها شعر..
لو تفتح الوسيط بتشوف عيادات الجلدية تعرض هالنوع من الخدمات..
حاول اذا رحت للعيادة ,
تطلب منهم صور حقيقة لنتائج صارت ف العيادة.


لكن ياخوي انتبه , تحمل بعمرك..
وروح لواحد عنده درايه في الموضوع
لان ف النهاية بيكون وجهك , ومحد يقدر يخبي وجهه

موفق

[بـن عدوان]

هو القصد بخصوص انه يطلع الشعر انعم صحيح لانه بينشال بالليزر


الموس يخلي الشعر اخشن

بس شالفايدة لين متى بتسوي ليزر عشان يكون ناعم

يعني اذا بتسوي كم من جلسة مردك للموس وترى من اول شخطة بيطلع الشعر نفس قبل اخشن

مثل ماذكر الاخ عزوز حدد العارض وعقبها شيل البقايا بالليزر وخفف العارض بالمكينة

او انك تشيله كامل ببيطلع ناعم وعقب تحدده وتشيل البقايا

[رجل الجزيرة]

يا اخوي:
أول كلم دكتور جراحة التجميل د. سعيد كلداري ( عيادة خاصة) وشوف رأيه.

[بعيد النظر]

بكلمك عن تجربتي ..


انا مثل حالتك لي حددت العارض اتلته مع ان لحيتي مش غليظة ..
بس الموس يسويلي مشاكل كثيرة ..


قررت اسوي ليزر .. ورحت عيادة حسن العبدلله ..
عند مايكل فلبيني .. وصارلي تقريبا سنة ونص .. اروحله كله شهر ونص شهرين ..

احدد عند الحلاق .. واروح يحددلي العارض بالليزر ..
طبعا النتيجة شفتها في ثاني جلسة الحمدلله .. وتقريبا" هاي ثاني احسن شي اسويه ..
من عقب ليزك العين ..


تحديد الليزر ما يااخذ دقيقتين الا انا خالص ..
بس الله يعينك على العوار ..


تكنيك الليزر .. تلحق في الحلاق تحدد بالليزر ..
يطلع شعر بعد كم من يوم .. خله .. بيطيح من نفسه ..
وعقب سماكة الشعر تخففف لييين تصير ناعمة ! انت واستمراريتك !

وكل ما كانت بشرتك فاتحة كل ما استفدت اكثر ..



وبالتوفيق

[ya3coub]

أخوي الأستاندر

انا ضد العيادات الجلدية بس انصحك لأني نفس حالتك

و الحلاق دايما يقولي انت مو اي احد يحلق لك انت لحيتك بنفسها امتحان حلاقه ....

المهم انا سويت جلستين فقط و ارتحت منها لين الحين ارجعت بس محتار ارجع او ما ارجع و اتم على الحلاق.



الطريقه اول شي تحلق و علطول او ثاني يوم بالكثير تروح علشان يبين التحديد واضح. انا سويتها فعيادة حصة الأنصاري في فلبيني لك عليه شوي بس شنسوي. العوار عوار بصراحة استغرب اشلون الحريم يستحملونه و شي لا يدخل العقل بس بعدها النتيجة بيطلع الشعر و انت تنتفه اذا متملل بيدك بعد يومين 3 من تحط ايدك يطيح الشعر.

نصيحة مهمة جدا جدا جدا خل يستخدم عود خشب للأسنان او شي نفس المسطرة او الي يكون علشان يفصل بين اللحية و مكان الليزر لأن لو ما استخدم شي ممكن لحيتك لا قدر الله تصير فيها دائرة بدون شعر.


انه تصير انعم لا كلش لا انعم ولا هم يحزنون بس انت و الحلاق تحسون براحة نفسية و حتى لو كبرت لحيتك شوي بعد ما تحاتي شي اسمه حلاق كللللللللللللللللش و منطقة الذقن بدال ما اهي خضرة بسبة الموس بتصفى و تصير بيضا لأن اصلن مافي شعر و مافي حبوب كللللللللللللللللللللللللللللللللللللللللللللش مادري شنهي العلاقة بس الحين رجعتلي الحبوب وقت الحلاقة تضايقني.

سويت جلسة ب400 ريال "حزت الخصم بين الساعه 12-3" و جلسة اخرى بعد السعر الأصلي بــ500 ريال شفته يسوى كلف فبالي بالألوفات. هالكلام شهر 3 و الحير رجعت لحيتي عادي ولا كأني سويت ليزر قبل يعني هالشي الحمد الله.

الشي الي افكر فيه او مخليني اتردد بأني ارجع اول شي يمكن انا مابي انه العارض يكون محدد طول عمري بعد فترة ممكن تتعب البصيلات لأنك تقتلها و يمكن مع كثرة الجلشات تقضي عليها كلش في ناس عادي عندها انا مادري احاتي يمكن يأثر او يكون له تأثير سلبي فالمستقبل.

الله يعينك على العوار انا سويته مرتين ما تعودت و يقولي ما استخدم القوة بالكامل لو استخدمها العوار اكثر بس النتائج افظل و انا كنت راضي بالنتيجة الي كانت قبل, مافي شعر انعم

[A-Alansari]

اخوي يعقوب لازم تستمر فتره على الليزر وعقب ماراح يطلع لك شعر بس يختلف من شخص لشخص في بعضهم مايطلع لهم كلش وفي بعضهم يطلع لهم شوي خفيف كلش

انا مسوي تحديد حق العارض وعقب 6 جلسات الحين مايطلع الا خفيف كلش ومايبين الا عقب اسبوعين لو ماحلقت

وعقب ماتخلص من الليز اشتر لك مكينة حلاقه من اي مكان وعقب في البيت تخفف اللحية على الرقم الي تبيه وتقدر تضبط التحديد عادي لانه يبين مكانه واضح من الليز وتشيل الشعر الي يطلع الخفيف بنفس المكينة تخليها على الصفر

صرت ماروح الحلاق الحين الا لو ابي اقص شعري اما اللحية خلاص قمت اسويها في البيت بروحي بالمكينة لانه مكان التحديد يبين

واذا بغيت اغير العارض اروح الحلاق واغلب الاحيان مالي بارض اروح احلق في البيت اضبط العارض وخلاص

[JN000N]

احين مب حرام ليزر اللحيه عالرياييل؟؟؟؟؟؟

[ya3coub]

اخوي يعقوب لازم تستمر فتره على الليزر وعقب ماراح يطلع لك شعر بس يختلف من شخص لشخص في بعضهم مايطلع لهم كلش وفي بعضهم يطلع لهم شوي خفيف كلش

انا مسوي تحديد حق العارض وعقب 6 جلسات الحين مايطلع الا خفيف كلش ومايبين الا عقب اسبوعين لو ماحلقت

وعقب ماتخلص من الليز اشتر لك مكينة حلاقه من اي مكان وعقب في البيت تخفف اللحية على الرقم الي تبيه وتقدر تضبط التحديد عادي لانه يبين مكانه واضح من الليز وتشيل الشعر الي يطلع الخفيف بنفس المكينة تخليها على الصفر

صرت ماروح الحلاق الحين الا لو ابي اقص شعري اما اللحية خلاص قمت اسويها في البيت بروحي بالمكينة لانه مكان التحديد يبين

واذا بغيت اغير العارض اروح الحلاق واغلب الاحيان مالي بارض اروح احلق في البيت اضبط العارض وخلاص

هاي الي كنت اسويه و من ناحية العارض حتى بالموس كنت اسويه قبل فالسفر و العسكرية

بس اهني الواحد يتكيسل يسوي شي فالبيت و كلامك صحيح و ان شاء الله بشوف عقب العيد يمكن الحين اكيد زحمة عليهم.


^^^^^ اختي جنون اول مرة اسمع انه حرام الي يشيل كلشي قالو متشبه بالنساء "الي من الوجه إلى الرجل" كلشي
بس احنا نتكلم عن تحديد عارض فقط كأنه توه طالع من الحلاق المنطقة الي تحت الذقن إلى الرقبه فقط و في ناس فوق الخد بشوي و بس اما اللحية موجودة بالكامل هاي الي انتكلم عنه

[JN000N]

ماعرف والله يعقوب
هاي الي قريته ف اكثر من فتوى

http://fatwa.islamweb.net/fatwa/index.php?page=showfatwa&lang=&Option=FatwaId&Id=1926

بعدين الليزر مع الوقت يمنع ظهور الشعر نهائي

[ya3coub]

أشكرج أخت جنون معلومة جديدة و هاي من الأسباب الي متردد بأنه ممكن انه مرة وحدة ما يرجع يطلع الشعر.

و المنطقه مثل ما ذكرت ما تجي 10-15% من اللحية نفسها.


القسم الأول: ما نص الشارع على تحريم أخذه وذلك كاللحية من الرجل وكذلك حرم الشارع النمص وهو أخذ شعر الحاجب وهذا عام للرجال وللنساء. ودليل الأول ما ثبت في الأحاديث الصحيحة الواردة عن الرسول صلى الله عليه وسلم وفيها الأمر بإعفاء اللحى ومنها عن ابن عمر رضي الله عنهما قال: قال رسول الله صلى الله عليه وسلم: " أحفوا الشوارب وأعفوا اللحى، وفي رواية وأفوا اللحى. " رواه مسلم. ودليل الثاني: ما ثبت في الصحيحين عن ابن مسعود رضي الله عنه أنه قال: لعن رسول الله صلى الله عليه وسلم الواشمات والمستوشمات والمتنصمات والمتفلجات للحسن المغيرات خلق الله فقالت له امرأة في ذلك فقال: مالي لا ألعن من لعنه رسول الله وفي كتاب الله قال الله تعالى: ( وما أتاكم الرسول فخذوه وما نهاكم عنه فانتهوا ) [ الحشر : 7 ]

اللإقتباس فوق للفتوى لأن السؤال شي و الإيجابة عن ازالة الشعر و القسم الأول الي يخصنا و مثل ما ذككرت بردي السابق ازالة اللحى بالكامل هذا حرام بحيث انه لا يخرج الشعر من جديد بوجه الرجل.

امثلة من النت
http://static.yafita.net/evs/d/0/75/ev755993/org/icon_crop.jpg

https://i.ytimg.com/vi/3QLzPnpnPBc/maxresdefault.jpg

https://i.ytimg.com/vi/Yh34JVlxHGs/maxresdefault.jpg

اللحية لا تزال موجودة و الجزء السفلي فقط الي يتم ازالته بالليزر.

و الله اعلم تنبيه مفيد اختي جنون اشكرج عليه

[الاستاندر]

حيرتوني ههههههه
انا اهم شي عند مب كل 3 ايام اروح احلق بروحها هاي سالفه
وخذ جروح
وعجبتني اللي قال تحليقته امتحان حلاقه ههههههه
وربي نفس معاناتك حتى ماروح الا حلاق معين لانه يده خفيفه واحين سافر وضاع مستقبلي ههههههه
شكلي بتبع شوركم وبحدد العارض من فوق ومن تحت

[A-Alansari]

حيرتوني ههههههه
انا اهم شي عند مب كل 3 ايام اروح احلق بروحها هاي سالفه
وخذ جروح
وعجبتني اللي قال تحليقته امتحان حلاقه ههههههه
وربي نفس معاناتك حتى ماروح الا حلاق معين لانه يده خفيفه واحين سافر وضاع مستقبلي ههههههه
شكلي بتبع شوركم وبحدد العارض من فوق ومن تحت

اول شي روح عيادة خذلك موعد

وقبل الموعد بساعه روح حلق وروح الموعد

وبعد ماتخلص بتفتك من اللحية قريب الشهر لكن بتحتاج تخفف العارض والشنب عشان ماتصير اسد ههههههه

يعني تقدر تخفهم في البيت بأي مكينة حلاقه على الرقم الي يعجبك مابتحتاج لا حلاق ولا موس

وكل شهر تروح موعدك وتسوي الليزر بعد 5 او 6 جلسات بيصير مايطلع الشعر واذا طلع بيطلع شي خفيف تقدر شيله بروحك بمكينة بدون حلاق

واسال عندهم عند كريم بنج تحطيه قبل نص ساعه من الموعد مكان التحديد او الي بيشيل الشعر منه عشان يخف الالم شوي من الليزر

[A-Alansari]

احين مب حرام ليزر اللحيه عالرياييل؟؟؟؟؟؟

احنا الي نشيله بالليزر نشيله بالموس في الحلاق

فيعني يا انه حرام نحدد العارض من الاساس ولا عادي

لانه الموضوع مب في الاداه الي تشيل الموضوع شنو بتشيل

مثل ماوضح يعقوب احنا بس نشيل من تحت يعني كأني توني محلق في الحلاق نفس الشي