محتاجة حل او شخص شاطر في تركيب رخام

[العملة النادرة]

عندي مشكله في الحمام الرئيسي هو عباره عن بانيو + شور
طبعا المقاول اقترح علينا نسوي لشور حدود من رخام ومن ثم تركيب الزجاج وتم والشكل صار جيد

لما بدينا نستخدم الحمام صار فيه مشكله ان الرخام الي تحت مب مركب زين والماي يطلع من تحت وما اعرف شكله صار قبيح ويطلع وصخ مع كثره الماي

رحنا المتحده عشان نشتري بوكس شاور ونحل المشكله ما حصلنا معظمهم جهتين بس واحنا نحتاج من ثلاث جهات لان الطوفه بس في الظهر ومال المتحده قال الرخام هو افضل حل بس ان يستوي بطريقه صح
احين ابي رقم شخص شاطر ممكن يسويلي حدود رخام بطريقه مرتبه ومحترفه لان الحمام السيراميك والطقم من المتحده وهو جدا راقي حرام ما ابي عامل عادي مثل عمال المقاول اوردي الزجاج المكون من ثلاث جهات موجود المطلوب بس حد يسوي حدود رخام في الارض بس بطريقه محترفه او يحط شي في الارض كقاعده ويركب عليها رخام ما ادري ..
او اذا في محل ممكن احصل فيه بوكس من ثلاث جهات يكون راقي وما يكون اربع جهات لان جهه الظهر مركب فيها الشور وما ابي اشيله لان مكلفني مبلغ وقدره من المتحده .

ما عندي مشكله لو حصلت بوكس حلو يركب على المكان ان الزجاج الي عندي ما استعمله

[معماري قطري]

تحتاجين إختي فني رخام ويركبه بقطع ألمنيوم وبراغي ما تصدي من تحت وبحيث ما تكون تبين ويلمع الرخام ويركب الزجاج فوقه ويسد الحواف بسيليكون لو ضروري

شوفي كلمي مركز الرخام والجرانيت ولازم عندهم حد .. بعدين المتحدة يشتغلون رخام ويمكن كانوا .. وشغلهم من أفضل ما يمكن