قربت الاجازة .... وبدأ القلق الاوروبي من الخليجيين !

[بانغ بانغ]

السعودية تدعو مواطنيها باحترام حظر سويسرا للبرقع والنقاب ابتداءا من اول يوليو

بداية لاجواء ساخنة من الخليجيين في ربوع اوروبا

سيبدأ موسم السيارات الفاخرة .... وكشخة الذهب الفاتنة .... وعرض الازياء من الخليجيات ... وصيد البط والوز من البحيرات ....

وبعدين ستكثر الشكاوي من التحرشات والسرقات والمضايقات ونفس الاسطوانة ستعاد مرة اخرى والمتضرر الوحيد اللي رايح علاج او دراسة ...

نتمنى من مواطنينا الالتزام بمعايير السياحة واحترام قوانين البلدان الزائرة ..... وبلاش امفوشر زيادة عن اللزوم

تحياتي

http://www.raya.com/Mob/GetPage/f6451603-4dff-4ca1-9c10-122741d17432/10aab736-e563-4a1d-a345-367f056792c7

[حمد 2002]

اذا هم حضروا البرقع والنقاب ، لماذا نحن لانحظر التعري والتفصخ الذي يمارسه الغرب والاجانب في بلادنا العربيه والإسلاميه .

[بانغ بانغ]

اذا هم حضروا البرقع والنقاب ، لماذا نحن لانحظر التعري والتفصخ الذي يمارسه الغرب والاجانب في بلادنا العربيه والإسلاميه .

فعلا يا زعيم ....

خايفين تندثر السياحة عندنا

كلها سوق واقف وسيلين .

بس نبغي فعلا الالتزام لان كثير من الناس بيتضررون مثل الطلاب والمرضى اللي رايحين علاج خاصة الاحداث الاخيرة في المنطقة اثرت في نفسية الغرب تجاهنا

[عيون الدوحة]

من ناحية السرقة أحذر أخواني المسافرين الي المانيا
كثرة المهاجرين في السنه الاخيره لها وكثرة بلاغات السرقات خصوصا في القطارات
من الجاليات العربية
يسالك الساعة كم ولا انت جديد بالمنطقة ويستغل فرصة أنشغالك بالكلام معاه ويسرقك
وأكثرهم بنات في مقتبل العمر يرجى الحذر

[Dana’1]

قلق اوربي !! لعنبو هالغرب الي ليل نهار يفكرون بمشاعرهم
انا مع احترام القوانين في اي بلد تروح له
لكن زودوها .. يعني المشاكل ماتجي الا من الخليجيين؟
عندهم همج ومجرمين ببلادهم غير إلي يجون من بلدان اوربيه مختلفه وعندهم مهايطيه يحبون الشو من الاثريا عندهم وعند الجاليات الغير العربيه .. بس الظاهر حاطيين الخليجيين براسهم!

[بانغ بانغ]

من ناحية السرقة أحذر أخواني المسافرين الي المانيا
كثرة المهاجرين في السنه الاخيره لها وكثرة بلاغات السرقات خصوصا في القطارات
من الجاليات العربية
يسالك الساعة كم ولا انت جديد بالمنطقة ويستغل فرصة أنشغالك بالكلام معاه ويسرقك
وأكثرهم بنات في مقتبل العمر يرجى الحذر

صحيح كلامك اخوي ... الاستغفال مشكلة خاصة الواحد ايكون مع اسرته واعياله

[بانغ بانغ]

قلق اوربي !! لعنبو هالغرب الي ليل نهار يفكرون بمشاعرهم
انا مع احترام القوانين في اي بلد تروح له
لكن زودوها .. يعني المشاكل ماتجي الا من الخليجيين؟
عندهم همج ومجرمين ببلادهم غير إلي يجون من بلدان اوربيه مختلفه وعندهم مهايطيه يحبون الشو من الاثريا عندهم وعند الجاليات الغير العربيه .. بس الظاهر حاطيين الخليجيين براسهم!

طبعا لان امفكرين بنشتريهم وبنشتري راحتهم وانسبب لهم الزحمة والصداع ... نوعا ما قلقهم في محله

[Qtr37]

الله يعينهم ع الزحمة
انا انتظر الصيف علشان تخف الزحمة عندنا

[رآعي موآجيب]

قلق اوربي !! لعنبو هالغرب الي ليل نهار يفكرون بمشاعرهم
انا مع احترام القوانين في اي بلد تروح له
لكن زودوها .. يعني المشاكل ماتجي الا من الخليجيين؟
عندهم همج ومجرمين ببلادهم غير إلي يجون من بلدان اوربيه مختلفه وعندهم مهايطيه يحبون الشو من الاثريا عندهم وعند الجاليات الغير العربيه .. بس الظاهر حاطيين الخليجيين براسهم!

صادقه اختي ، بس الخليجي اللي يبغي يلفت الانتباه او الخليجي اللي مفكر نفسه في استراحه مستأجره ، يكون مصدر ازعاج فعلي

وطبعا الخليجي يكون هو المتهم الاول في هذا الوقت بسبب كثرة الخليجيين وتمركزهم في اماكن معينه يكون طاغي على هالاماكن


السائح الخليجي يا يكون مزعج بسيارته اللي لها اصوات دبابه وتنفض الحي نفاض ، او هالشباب اللي عندهم سيارات سكراب كحيانه راسمين عليها خط سيرهم من الخليج لأوروبا ويتمشون كـ قروبات ورافعين على اصوات المسجلات واشكالهم وتصرفاتهم مقززه ، او بعض العوائل اللي يتعاملون مع الطبيعه في اوروبا مثل ما يتعاملون مع الطبيعه في بلدانهم ، تلاقين العائله داخله حديقه وش زينها واذا طلعت منها نشوف مخلفاتهم في كل مكان تقريبا

طبعا استثني من هالكلام الكثير من الاشخاص والعوائل المحترمه واللي يروحون ويرجعون وهم مستمتعين ومالهم حس

بس من المعروف ان الجانب السيء هو الملفت للإنظار دائما وهو اللي يستهوي ويثير الفضول في البشر , وطبعا الباقيين يدفعون الثمن

[ضوى]

بيذلون العرب وبفلوسهم

[بانغ بانغ]

بيذلون العرب وبفلوسهم

طبعا ردة فعل طبيعي .

[بانغ بانغ]

صادقه اختي ، بس الخليجي اللي يبغي يلفت الانتباه او الخليجي اللي مفكر نفسه في استراحه مستأجره ، يكون مصدر ازعاج فعلي

وطبعا الخليجي يكون هو المتهم الاول في هذا الوقت بسبب كثرة الخليجيين وتمركزهم في اماكن معينه يكون طاغي على هالاماكن


السائح الخليجي يا يكون مزعج بسيارته اللي لها اصوات دبابه وتنفض الحي نفاض ، او هالشباب اللي عندهم سيارات سكراب كحيانه راسمين عليها خط سيرهم من الخليج لأوروبا ويتمشون كـ قروبات ورافعين على اصوات المسجلات واشكالهم وتصرفاتهم مقززه ، او بعض العوائل اللي يتعاملون مع الطبيعه في اوروبا مثل ما يتعاملون مع الطبيعه في بلدانهم ، تلاقين العائله داخله حديقه وش زينها واذا طلعت منها نشوف مخلفاتهم في كل مكان تقريبا

طبعا استثني من هالكلام الكثير من الاشخاص والعوائل المحترمه واللي يروحون ويرجعون وهم مستمتعين ومالهم حس

بس من المعروف ان الجانب السيء هو الملفت للإنظار دائما وهو اللي يستهوي ويثير الفضول في البشر , وطبعا الباقيين يدفعون الثمن

كلامك من ذهب .... واختصرت كلام وايد

[غريب الدّار]

مرحبا الحبيب بانغ

اول نقطة : اعتقد ان سوالف البعض من الخليجيين فعلا زكمت روايحها الانوف مثل ماقالوا ، وهالشي له أسبابه حتى لو كانت غير مبررة ، وللأسف ان السيئة تعم

ثاني نقطة : وبصراحة ماسويت بحث حول هالنقطة : هل الخليجيين فعلا اكثر الناس اثارة للمشاكل في أوروبا ؟ هل الجنسيات الأخرى (أيا كانت) مشاكلها اقل ؟ او مايتم نشرها مثلا في الجرايد سواء عندنا او عندهم؟ بصراحة مابحثت هالموضوع

ثالث نقطة : من حق كل دولة انها تسن أي قانون تشوف انه يحفظ امنها واستقرارها ، سواء دولة أوروبية او خليجية او عربية او أيا كانت ، بشرط ان يكون لها طابع عام وماتكون القوانين موجهة لفئة بعينها ، ودواعي الامن القومي كثيرة مثل ماانت عارف اخوي العزيز بانغ.

رابع نقطة : بكل بساطة : اللي يشوف ان القوانين هناك مجحفة مثلا ، او يشوف ان الأوروبيين عنصريين مثلا ، او مايحترمون الخليجيين ، او مايحترمون المسلمين ، لايروح لهم ، بسيطة جدا

مع ملاحظة ان الموضوع يتكلم عن مجرد (قلق أوروبي) ، ومع الاخذ في الاعتبار ان السواح الخليجيين يدرون مئات الملايين كل سنة على أوروبا وغير أوروبا (وبالمناسبة هم انفسهم يتكلمون عن دعم الفلسطينيين ومقاطعة أمريكا :) )

والله يوفق الجميع

[بانغ بانغ]

مرحبا الحبيب بانغ

اول نقطة : اعتقد ان سوالف البعض من الخليجيين فعلا زكمت روايحها الانوف مثل ماقالوا ، وهالشي له أسبابه حتى لو كانت غير مبررة ، وللأسف ان السيئة تعم

ثاني نقطة : وبصراحة ماسويت بحث حول هالنقطة : هل الخليجيين فعلا اكثر الناس اثارة للمشاكل في أوروبا ؟ هل الجنسيات الأخرى (أيا كانت) مشاكلها اقل ؟ او مايتم نشرها مثلا في الجرايد سواء عندنا او عندهم؟ بصراحة مابحثت هالموضوع

ثالث نقطة : من حق كل دولة انها تسن أي قانون تشوف انه يحفظ امنها واستقرارها ، سواء دولة أوروبية او خليجية او عربية او أيا كانت ، بشرط ان يكون لها طابع عام وماتكون القوانين موجهة لفئة بعينها ، ودواعي الامن القومي كثيرة مثل ماانت عارف اخوي العزيز بانغ.

رابع نقطة : بكل بساطة : اللي يشوف ان القوانين هناك مجحفة مثلا ، او يشوف ان الأوروبيين عنصريين مثلا ، او مايحترمون الخليجيين ، او مايحترمون المسلمين ، لايروح لهم ، بسيطة جدا

مع ملاحظة ان الموضوع يتكلم عن مجرد (قلق أوروبي) ، ومع الاخذ في الاعتبار ان السواح الخليجيين يدرون مئات الملايين كل سنة على أوروبا وغير أوروبا (وبالمناسبة هم انفسهم يتكلمون عن دعم الفلسطينيين ومقاطعة أمريكا :) )

والله يوفق الجميع

ايصبحك بالخير شيخنا غريب

كل النقاط اللي ذكرتها في محلها .... يمكن هو اصلا توجس اكثر منه قلق لان فعلا بعض الخليجيين وبحكم انهم ملاك لبعض العقارات والمحلات والشركات ( طبعا دولهم وليسوا هم كأفراد ) ... ايحبون يبرزون جانب من ثرائهم الفاحش والمشكلة بعض افراد الأسر الحاكمة من دولهم اصبحوا قدوة في التفنن في هالجانب.

اتوقع واللي اعرفه عن الاسيويين يوم ايجون كسياح ... يتم ابلاغهم بشكل مسبق في دولهم عن احترام قوانين البلدان المزمع زيارتها .... من كذا ما تلاقي وايد مشاكل من طرفهم ويمشون في مجموعات ... طبعا اكيد البعض منهم يثير المشاكل لكن مب في الاماكن العامة

والبنات ايضا يمشون في كامل زينتهم مما يؤدي لتتبع اللصوص لهن ...

الغرض هو توعوي فقط وليس حسدا ... هاي حلالهم الله ايوفقهم لكن ضمن ضوابط

حبيب غريب

[المحاميه]

قلق مع نفسهم .. والحمدلله الغينا سفرتنا لهم :tease:

اصلا محد معطهم ويه ومعلي شانهم غيرنا .. بس مايحمدون ربهم وشايفين نفسهم مادري اشعليه!!
اظاهرعلى الزط والقح اللي هم وخدماتهم فيه ..

[بانغ بانغ]

قلق مع نفسهم .. والحمدلله الغينا سفرتنا لهم :tease:

اصلا محد معطهم ويه ومعلي شانهم غيرنا .. بس مايحمدون ربهم وشايفين نفسهم مادري اشعليه!!
اظاهرعلى الزط والقح اللي هم وخدماتهم فيه ..

زين سويتي . صج بعض مرافقهم بسيطة والخليجيين اينمون اقتصادهم من جهة .

عن نفسي بروح سنغافورة ان شاء الله مرة ثانية . ناس وتعامل ومرافق وجو

[بوخالد911]

ما ألوم بعض الدول الغربية لما تسن قوانين صارمة لصالحها نتيجة أعمال صبيانية غير حضارية مرفوضة من ( مسلمين )

[نمر بن عدوان]

يعطيك العافيه الغالي بنغ

1- الاوروبيين كدول لاتهمهم الاموال بقدر مايهمهم الالتزام بالقانون

2-فعلا الفوضى والمشاكل واغلاق الراحه والازعاج اغلبه منا وخصوصا في الصيف لذلك الاغلبيه يحبون اوروبا اما في شهر 10 او 4 او 5 بعد ماتخف الزحمه
3- مادري ليش مقطعين اعمارنا على اوروبا واحنا عندنا دول اسلاميه مافي احلى منها تركيا البوسنه المغرب وعلى راس الكل مكه والطايف .

[بانغ بانغ]

يعطيك العافيه الغالي بنغ

1- الاوروبيين كدول لاتهمهم الاموال بقدر مايهمهم الالتزام بالقانون

2-فعلا الفوضى والمشاكل واغلاق الراحه والازعاج اغلبه منا وخصوصا في الصيف لذلك الاغلبيه يحبون اوروبا اما في شهر 10 او 4 او 5 بعد ماتخف الزحمه
3- مادري ليش مقطعين اعمارنا على اوروبا واحنا عندنا دول اسلاميه مافي احلى منها تركيا البوسنه المغرب وعلى راس الكل مكه والطايف .

صدقت يا شيخ نمر ... فعلا في اماكن على الاقل تسمع فيها الآذان وطبيعة ورخص وناس طيبة

[بانغ بانغ]

ما ألوم بعض الدول الغربية لما تسن قوانين صارمة لصالحها نتيجة أعمال صبيانية غير حضارية مرفوضة من ( مسلمين )

صحيح اخوي بوخالد

[وحيد-الشوق]

مادري ليش سوالف البلشتيه والهيلق مرتبطه مع بعض العرب والخليجين

استغرب من ناس ماشاء الله تشحن 3 مواتر لشهر او حتى شهرين درينا عندك فلوس اشحن سيارة وحده واكشخ فيها بس ثلاثه !!!

ماعمري سمعت عن امريكي او اوروبي ملياردير شحن سيارته معاه للخليج !!

من المواقف الغريبة الي شفتها العام كنا قاعدين في شقة في عمارة واول ماجاء الصيف العمارة صار فيها خليجين وايد يدخنون ويقطون الزقاير في الممرات ويتركون قلاصات ستاربكس تحت عن المدخل وذاك اليوم قاطين كيس زباله عود من الدور الرابع وجات كلمتني عجوز المانيه مالكه او مسئووله عن العمارة ماتعرف انجليزي بس تقولي ليش جذي قلت ادري عيب تقولي ادري مب انت الي مسويها بس تقول ليش !!

وغير السوالف الباقيه :)

[بومتعب]

مادري ليش سوالف البلشتيه والهيلق مرتبطه مع بعض العرب والخليجين

استغرب من ناس ماشاء الله تشحن 3 مواتر لشهر او حتى شهرين درينا عندك فلوس اشحن سيارة وحده واكشخ فيها بس ثلاثه !!!

ماعمري سمعت عن امريكي او اوروبي ملياردير شحن سيارته معاه للخليج !!

من المواقف الغريبة الي شفتها العام كنا قاعدين في شقة في عمارة واول ماجاء الصيف العمارة صار فيها خليجين وايد يدخنون ويقطون الزقاير في الممرات ويتركون قلاصات ستاربكس تحت عن المدخل وذاك اليوم قاطين كيس زباله عود من الدور الرابع وجات كلمتني عجوز المانيه مالكه او مسئووله عن العمارة ماتعرف انجليزي بس تقولي ليش جذي قلت ادري عيب تقولي ادري مب انت الي مسويها بس تقول ليش !!

وغير السوالف الباقيه :)



غلطان الشيخ ....سبب شحن السيارة من الخليج لأوروبا هو الرقم الخليجي اللي على السيارة وليست السيارة ذاتها .... هذا اللي يخلي الواحد يتحمل تعب الشحن والمخالفات المرورية هناك..

[وحيد-الشوق]

غلطان الشيخ ....سبب شحن السيارة من الخليج لأوروبا هو الرقم الخليجي اللي على السيارة وليست السيارة ذاتها .... هذا اللي يخلي الواحد يتحمل تعب الشحن والمخالفات المرورية هناك..

3 سيارات قيمة كل وحده فوق المليون مع ثلاث ارقام كشخة محد قدي ههههههههه :)

[بانغ بانغ]

مادري ليش سوالف البلشتيه والهيلق مرتبطه مع بعض العرب والخليجين

استغرب من ناس ماشاء الله تشحن 3 مواتر لشهر او حتى شهرين درينا عندك فلوس اشحن سيارة وحده واكشخ فيها بس ثلاثه !!!

ماعمري سمعت عن امريكي او اوروبي ملياردير شحن سيارته معاه للخليج !!

من المواقف الغريبة الي شفتها العام كنا قاعدين في شقة في عمارة واول ماجاء الصيف العمارة صار فيها خليجين وايد يدخنون ويقطون الزقاير في الممرات ويتركون قلاصات ستاربكس تحت عن المدخل وذاك اليوم قاطين كيس زباله عود من الدور الرابع وجات كلمتني عجوز المانيه مالكه او مسئووله عن العمارة ماتعرف انجليزي بس تقولي ليش جذي قلت ادري عيب تقولي ادري مب انت الي مسويها بس تقول ليش !!

وغير السوالف الباقيه :)

هههههههههه زين ما احذفوا سيارة زايدة .

[شموخ دائم]

,

,


مرحبا


هناك البعض من ( الاثرياء ) الخليجيين لهم بعض السلبيات
وهناك البعض من الشباب الي تصرفاتهم فيها مراهقه وتعمل ازعاج

لكن خل نتكلم ( بالعقل )

الصيف ( موسم ) لكثير من المدن والارياف للكسب والربح في هذا الموسم

كنت اسولف مع سائق نمساوي في ( زلامسي ) اقوله هل الخليجيين وكثرتهم هنا مسببه ازعاج لكم

قالي بالحرف الواحد وهو يبتسم

مافي ازعاج هذا موسم ( الربح ) لنا وننتظره والي اكسبه في الصيف من السياح الخليجيين اعيش فيه باقي شهور السنه وانا مرتاح
كل هذي المدينه عايشه على انفاق السائح الخليجي
من فنادق وتكاسي ومطاعم ومحلات الهدايا والالعاب
السائح جاي ينبسط وطبيعي بيكون هناك تصرفات من البعض خاصه الي يسوق سياره

السائح الاوربي يجي ( قروبات ) وما ينفق شي حقيقه في الشارع اذا كلش بيصرف يشتري ( ايسكريم )
عكس الخليجي يصرف في الشارع مبلغ كبير يوميا والكل يستفيد منه

السياح الخليجيين يحركون اقتصاد مدن كامله وهم مرحب فيهم بكل مكان
ولابد من بعض السلبيات والتصرفات الغير مسئوله

والدليل على ذلك ( تسهيل ) الفيزه لهم بكل مكان مستحيل يرفضون فيزا لخليجي الا لسبب قوي
عكس الجنسيات الاخرى


شوي ازعاج وكثير ( مصاري ) هذي هي المعادله

:)

هل يستطيع السائح الخليجي يحسن من تصرفاته !!

نعم يستطيع اذا شاف القانون صارم عليه

وهذا ما تحاول الدول الاوربيه ان تفعله ان تكون اكثر صرامه بالقانون

لايقاف هذه التصرفات

,

,

[Dana’1]

,

,


مرحبا


هناك البعض من ( الاثرياء ) الخليجيين لهم بعض السلبيات
وهناك البعض من الشباب الي تصرفاتهم فيها مراهقه وتعمل ازعاج

لكن خل نتكلم ( بالعقل )

الصيف ( موسم ) لكثير من المدن والارياف للكسب والربح في هذا الموسم

كنت اسولف مع سائق نمساوي في ( زلامسي ) اقوله هل الخليجيين وكثرتهم هنا مسببه ازعاج لكم

قالي بالحرف الواحد وهو يبتسم

مافي ازعاج هذا موسم ( الربح ) لنا وننتظره والي اكسبه في الصيف من السياح الخليجيين اعيش فيه باقي شهور السنه وانا مرتاح
كل هذي المدينه عايشه على انفاق السائح الخليجي
من فنادق وتكاسي ومطاعم ومحلات الهدايا والالعاب
السائح جاي ينبسط وطبيعي بيكون هناك تصرفات من البعض خاصه الي يسوق سياره

السائح الاوربي يجي ( قروبات ) وما ينفق شي حقيقه في الشارع اذا كلش بيصرف يشتري ( ايسكريم )
عكس الخليجي يصرف في الشارع مبلغ كبير يوميا والكل يستفيد منه

السياح الخليجيين يحركون اقتصاد مدن كامله وهم مرحب فيهم بكل مكان
ولابد من بعض السلبيات والتصرفات الغير مسئوله

والدليل على ذلك ( تسهيل ) الفيزه لهم بكل مكان مستحيل يرفضون فيزا لخليجي الا لسبب قوي
عكس الجنسيات الاخرى


شوي ازعاج وكثير ( مصاري ) هذي هي المعادله

:)

هل يستطيع السائح الخليجي يحسن من تصرفاته !!

نعم يستطيع اذا شاف القانون صارم عليه

وهذا ما تحاول الدول الاوربيه ان تفعله ان تكون اكثر صرامه بالقانون

لايقاف هذه التصرفات

,

,


بالضبط..
تو كنت برد حول ردك من استفادتهم من السياح والخليجيين بالذات..بس أنت كفيت ووفيت

[Dana’1]

صادقه اختي ، بس الخليجي اللي يبغي يلفت الانتباه او الخليجي اللي مفكر نفسه في استراحه مستأجره ، يكون مصدر ازعاج فعلي

وطبعا الخليجي يكون هو المتهم الاول في هذا الوقت بسبب كثرة الخليجيين وتمركزهم في اماكن معينه يكون طاغي على هالاماكن


السائح الخليجي يا يكون مزعج بسيارته اللي لها اصوات دبابه وتنفض الحي نفاض ، او هالشباب اللي عندهم سيارات سكراب كحيانه راسمين عليها خط سيرهم من الخليج لأوروبا ويتمشون كـ قروبات ورافعين على اصوات المسجلات واشكالهم وتصرفاتهم مقززه ، او بعض العوائل اللي يتعاملون مع الطبيعه في اوروبا مثل ما يتعاملون مع الطبيعه في بلدانهم ، تلاقين العائله داخله حديقه وش زينها واذا طلعت منها نشوف مخلفاتهم في كل مكان تقريبا

طبعا استثني من هالكلام الكثير من الاشخاص والعوائل المحترمه واللي يروحون ويرجعون وهم مستمتعين ومالهم حس

بس من المعروف ان الجانب السيء هو الملفت للإنظار دائما وهو اللي يستهوي ويثير الفضول في البشر , وطبعا الباقيين يدفعون الثمن

انا معك فيه مزعجين .. لكن دول اوربا فيها قانون ويمكن مميز إنه يطبق على الكل .. فيقدرون يحاكمون المزعجين مثيرين المشاكل إلي هم قليل

[سالم الزهران]

التكشف الفاضح في اللبس ----> حرية

لبس الخمار --------> ممنوع و مخيف بالنسبة لهم

الموضوع انه شعار اسلامي يحاربونه ،،، لو شلنا الحجاب ولبسوا عيالنا شباصة اسلامية اكس لارج بدل الشيلة ،،، بيطلعون قرار منع الشباصة .

[بانغ بانغ]

التكشف الفاضح في اللبس ----> حرية

لبس الخمار --------> ممنوع و مخيف بالنسبة لهم

الموضوع انه شعار اسلامي يحاربونه ،،، لو شلنا الحجاب ولبسوا عيالنا شباصة اسلامية اكس لارج بدل الشيلة ،،، بيطلعون قرار منع الشباصة .

تصدق دخلت داعوس في شوارع احد المدن الريفية في فرنسا .... والا احصل شيشة

سالته قلت اشلون اتعرفون هاي ... قالي في خليجيين جابوا معاهم وعرفناها منهم وعملنا بزنس

شي طيب ننقل ثقافتنا لهم هههههههه

[سالم الزهران]

تصدق دخلت داعوس في شوارع احد المدن الريفية في فرنسا .... والا احصل شيشة

سالته قلت اشلون اتعرفون هاي ... قالي في خليجيين جابوا معاهم وعرفناها منهم وعملنا بزنس

شي طيب ننقل ثقافتنا لهم هههههههه

انا صراحة ودي اصير كوري ،،، العرب اللي المفروض اهتماماتهم تتركز على اللحاق بالامم الاخرى ،،، تلاقي همومهم دون دون .

ليتني كوري شمالي ،،،، ليتني ماكنت عربي

[aloosh]

ياخذون من الخليجين المليارت ويدسون رقابهم لا وراضين
والله لو الدول الاسلاميه احترمت دينها وقرته وكل تعري يضرب بيد من حديد ان تجد اروبا لا تحرش بالخليجين بل ستجد لهم شرطه خاصه تسهر على اقامتهم

[Dana’1]

انا صراحة ودي اصير كوري ،،، العرب اللي المفروض اهتماماتهم تتركز على اللحاق بالامم الاخرى ،،، تلاقي همومهم دون دون .

ليتني كوري شمالي ،،،، ليتني ماكنت عربي

:eek5::rolleyes2:

[naklan]

عادي الدول الأوربية ولندن وأمريكا لهم انظمة صارمة
وربعنا تقول في طيب الرقدة يا موقف السيارة غلط ولا يشكمن ومزعج
الناس وعلى فكرة في لندن كيلوين حذا الهايد بارك ويدورون
شوفوني انظرو الي طالعوني ادخل اليوتيوب وشوف

[naklan]

انا صراحة ودي اصير كوري ،،، العرب اللي المفروض اهتماماتهم تتركز على اللحاق بالامم الاخرى ،،، تلاقي همومهم دون دون .

ليتني كوري شمالي ،،،، ليتني ماكنت عربي

والله ما ألومك وش سوو العرب من شي يشفع لهم
المنطقة وصل التهديد فيها الى الاسوار وربعنا يلعبون
بالمال في سفاهة وعقد نفسية وشوفوني الناقص يبي
يصير شي من لا شي حتى تاير سيارته لي بنشر
ما يقدر يبدله

يعلمون عيالهم من الصغر السواقة وشلة الطير
والمقناص يأشي هنا ما حصل من الطير الا لمحوط
على ثيابه

والدول الاخرى من الصغر ليطلع طبيب او عالم
كوريا الطلاب يركبون مولدات الكهربا في الابتدائية
وبلد من الفقر صار دولة عظمى تخوف الي حواليها

رحمتك يارب
اللهم لا تؤاخذنا بما فعل السفها منا

[بانغ بانغ]

والله ما ألومك وش سوو العرب من شي يشفع لهم
المنطقة وصل التهديد فيها الى الاسوار وربعنا يلعبون
بالمال في سفاهة وعقد نفسية وشوفوني الناقص يبي
يصير شي من لا شي حتى تاير سيارته لي بنشر
ما يقدر يبدله

يعلمون عيالهم من الصغر السواقة وشلة الطير
والمقناص يأشي هنا ما حصل من الطير الا لمحوط
على ثيابه

والدول الاخرى من الصغر ليطلع طبيب او عالم
كوريا الطلاب يركبون مولدات الكهربا في الابتدائية
وبلد من الفقر صار دولة عظمى تخوف الي حواليها

رحمتك يارب
اللهم لا تؤاخذنا بما فعل السفها منا

خريج الثانوية يخوي ايعرف الفرق بين الجي والجي اكس وتواير البالون والتواير العادية

لا تظلمهم

[naklan]

خريج الثانوية يخوي ايعرف الفرق بين الجي والجي اكس وتواير البالون والتواير العادية

لا تظلمهم


كله من زواج الاقارب
الفكر في البالون والشنبر اي شي تحت
عند نعاله يشوفه وأنتم كرامة

[سالم الزهران]

:eek5::rolleyes2:

لا تخافين ، بخش الصواريخ للعيد هههه

[بانغ بانغ]

لا تخافين ، بخش الصواريخ للعيد هههه

والله يخوي سالم مالومك يوم انشوف خليجيين يتمشون في لندن بوزار او فانيلة وصروال او جلابية وفي القهاوي

بعيني شايفهم .

وبعض الحريم ببطولتها وبرقعها داشين هارودز .... امفكرين سوق الخميس والجمعة ولا شبربوش .

ودني معك كوريا

[المهندس عبدالعزيز]

يا خوي الخليجين نسبتهم بسيطة الروس والصينين عددهم اكبر من السياح الخليجين

[سالم الزهران]

والله يخوي سالم مالومك يوم انشوف خليجيين يتمشون في لندن بوزار او فانيلة وصروال او جلابية وفي القهاوي

بعيني شايفهم .

وبعض الحريم ببطولتها وبرقعها داشين هارودز .... امفكرين سوق الخميس والجمعة ولا شبربوش .

ودني معك كوريا

بدينا يا اخ بانغ ، ودني معك ، وقف لي ! ، لا تنسى انك مسولف على اخت كيم جي و لا معاد تبيها ؟ ^_^

بالنسبة لربعنا ، والله انا ناقد عليهم حتى بالخليج هنا تصرفاتهم تفشل ،،، وترى انظمة المدارس هي مطلعتهم لا مبالين و لا متربين و لا يقيمون وزن للأنظمة و لا يعرفون واجباتهم، تطوير المناهج وما ادراك ما تطوير المناهج دمار

[بانغ بانغ]

يا خوي الخليجين نسبتهم بسيطة الروس والصينين عددهم اكبر من السياح الخليجين

مرحبتين مهندسنا .... صح كلامك بس نقصد الفئة الغوغائية اللي بمواترها الفخمة ايسوون ازعاجات ويضربون بقوانين البلد عرض الحائط

يعطيك العافية

[بانغ بانغ]

بدينا يا اخ بانغ ، ودني معك ، وقف لي ! ، لا تنسى انك مسولف على اخت كيم جي و لا معاد تبيها ؟ ^_^

بالنسبة لربعنا ، والله انا ناقد عليهم حتى بالخليج هنا تصرفاتهم تفشل ،،، وترى انظمة المدارس هي مطلعتهم لا مبالين و لا متربين و لا يقيمون وزن للأنظمة و لا يعرفون واجباتهم، تطوير المناهج وما ادراك ما تطوير المناهج دمار

محد دق الصدر وراح معاي كوريا عشان نخطب اخته ... بوهلال غسل يده والنهار شل عليه ونكلان سافر دبي

صادق مناهجنا يبغيلها شغل خاصة لطلاب الثانوية المقبلين على الدراسة بالخارج

حبيب سالم

[سالم الزهران]

^_^

سرني المداخلة معكم و تسلم على مواكبتك لنشاطات الشعب :)

[Dana’1]

والله يخوي سالم مالومك يوم انشوف خليجيين يتمشون في لندن بوزار او فانيلة وصروال او جلابية وفي القهاوي

بعيني شايفهم .

وبعض الحريم ببطولتها وبرقعها داشين هارودز .... امفكرين سوق الخميس والجمعة ولا شبربوش .

ودني معك كوريا

عفوا بانغ بانغ ... وين المشكله اذا المرأه الخليجيه دخلت هارودز ببرقعها وبطولتها ؟! هذا لبسنا بالذات كبار السن
بعض الاجانب اوربيين وامريكان عندنا يدخلون سوق واقف بلبسهم الفاضح مفكرين إنهم بميامي بيتش .. هذا وهو ما يعد لبس يعني حتى ببلادهم مو اي وحده تلبس لبسها

كل بلد لها لبسها شفنا الهنود والباكستانيه والاتراك وغيرهم بأمريكا وعرفنا جناسيهم من لبستهم بنجابي والتركيات جلباب هم واحجبتهم .. بعد وين المشكله بالموضوع؟!

[بانغ بانغ]

عفوا بانغ بانغ ... وين المشكله اذا المرأه الخليجيه دخلت هارودز ببرقعها وبطولتها ؟! هذا لبسنا بالذات كبار السن
بعض الاجانب اوربيين وامريكان عندنا يدخلون سوق واقف بلبسهم الفاضح مفكرين إنهم بميامي بيتش .. هذا وهو ما يعد لبس يعني حتى ببلادهم مو اي وحده تلبس لبسها

كل بلد لها لبسها شفنا الهنود والباكستانيه والاتراك وغيرهم بأمريكا وعرفنا جناسيهم من لبستهم بنجابي والتركيات جلباب هم واحجبتهم .. بعد وين المشكله بالموضوع؟!

لا القصد ان قوانينهم تمنع لان ما يعرفون من ورا النقاب رجال او نساء

هاي المقصد

[قطر خضراء]

والله يخوي سالم مالومك يوم انشوف خليجيين يتمشون في لندن بوزار او فانيلة وصروال او جلابية وفي القهاوي

بعيني شايفهم .

وبعض الحريم ببطولتها وبرقعها داشين هارودز .... امفكرين سوق الخميس والجمعة ولا شبربوش .

ودني معك كوريا


لا القصد ان قوانينهم تمنع لان ما يعرفون من ورا النقاب رجال او نساء

هاي المقصد

صباح الخير أخي الكريم
لماذا السخرية من عادات العرب بل من وجوب تغطية وجه المرأة عند كثير من الفقهاء
فمثلك يعلم يقينا أنه في لندن وعموم المملكة المتحدة ليس هناك منع للنقاب وتغطية الوجه

[بانغ بانغ]

صباح الخير أخي الكريم
لماذا السخرية من عادات العرب بل من وجوب تغطية وجه المرأة عند كثير من الفقهاء
فمثلك يعلم يقينا أنه في لندن وعموم المملكة المتحدة ليس هناك منع للنقاب وتغطية الوجه

السلام عليكم ورحمة الله وبركاته ( تحية الاسلام )

ابدا ما سخرت لكن مادام قوانينهم تمنع النقاب في بعض الاماكن فليش التعنت والتمسك بالدين في هاللحظة

السعوددية المرجعية الدينية لنا اقرت ذلك ونبهت حريمهم

القصد ان الغرب ما يعرف من خلف النقاب كما وضحت سابقا .... في الدوحة اتصير مشاكل وانتحال شخصيات

وشي ثاني عندهم الحجاب .. هل هو حرام او ممنوع ؟؟؟ فليش ما يلبسون حجاب بدل نقاب في الاماكن العامة

او خل ايشوفون بلد ثاني تسمح

العام اميرة سعودية انضربت في بلجيكا لانها رفضت فسخ النقاب لما وقفتها الشرطية

ازدواجية معايير اخوي الفاضل

[Dana’1]

جرايم انتحال الشخصيه والتزوير موجوده عندهم ..وهم منبعها ..شغل عصابات مضبوط هذا وهم رجال ونساء سفور

فسالفة إنهم مايعرفون من خلف هذا النقاب وهالشي يخوفهم هم يتحججون بها...ولو يبغون طلعو مليون حل وحل والشرطه النسائيه موجوده يقدرون يتأكدون من الهويه الشخصيه

وإذا هذي حجتهم،،،بكره عادي يقولون لا لازم الخليجيه تشيل العبايه الواسعه سودا او غيرها ..لأن ما نضمن يمكن حاطه حزام ناسف!
البدله مع غطاء رأس يكفي!!

مع العلم أغلب إلي يفجرون في بلادهم رجال

عالعموم نعرف إن هذي دولهم وهم احرار بسن قوانينهم .. بس مثل هالقانون ضد النقاب يعتبر عنصريه وغباء

[بانغ بانغ]

جرايم انتحال الشخصيه والتزوير موجوده عندهم ..وهم منبعها ..شغل عصابات مضبوط هذا وهم رجال ونساء سفور

فسالفة إنهم مايعرفون من خلف هذا النقاب وهالشي يخوفهم هم يتحججون بها...ولو يبغون طلعو مليون حل وحل والشرطه النسائيه موجوده يقدرون يتأكدون من الهويه الشخصيه

وإذا هذي حجتهم،،،بكره عادي يقولون لا لازم الخليجيه تشيل العبايه الواسعه سودا او غيرها ..لأن ما نضمن يمكن حاطه حزام ناسف!
البدله مع غطاء رأس يكفي!!

مع العلم أغلب إلي يفجرون في بلادهم رجال

عالعموم نعرف إن هذي دولهم وهم احرار بسن قوانينهم .. بس مثل هالقانون ضد النقاب يعتبر عنصريه وغباء

كلامك مية مية صحيح

طبعا انا ضد هذه التصرفات التعسفية ضد الخليجيين لكن الواقع يقول الالتزام بالقوانين افضل في ظل هالظروف

وكان زين يطبق عندنا ان اي وحدة اوروبية تتكشف يتم مسائلتها بالمثل

تسلمين على ردودك الواعية والجدال المنطقي

[بوحارب]

تايلاند يبه واموركم طيبة ^_^

[بانغ بانغ]

تايلاند يبه واموركم طيبة ^_^

هلا بالحبيب بوعبدالرحمن ..

اي والله اسيا احسن شي هالايام

[naklan]

في لندن يلعوزون المنقبة ويقولون لهم النينجا
وغيره من الكلام الجارح

[شبح الصمت]

بيمنعووون محد بمجبور يسير عليهم ..

في دول غيرها وقوانينها سهلات ..

بس ذولي يبوون يمشون السياح على مزاجهم ..

[naklan]

تايلاند يبه واموركم طيبة ^_^

ما يبونها يبون لي ردو يقولون والله توني رادة من لندن
ويبون شبربوش وفي الردة 10 شناط شحن حتى الملاحف
مال الاسرة من لندن خلّصو حتى حبوب البندول

[Dana’1]

في لندن يلعوزون المنقبة ويقولون لهم النينجا
وغيره من الكلام الجارح

مو بس بـ لندن حتى ببعض دول الخليج فيه من يقل ادبه ويقول سلاحف النينجا مير يمكن النينجا حاف اطلق شوي مقاتلين وكذا

[qatari911]

يمنعون البراقع والنقاب والحجاب ليش؟؟
والحجاب اذا بيمنعونه خل يمنعون حجاب الراهبات الي عندهم
ولحد يطنز على الخليجين ترى انت من الخليجيين ومحسوب منهم

[naklan]

مو بس بـ لندن حتى ببعض دول الخليج فيه من يقل ادبه ويقول سلاحف النينجا مير يمكن النينجا حاف اطلق شوي مقاتلين وكذا

والله يأختي ديور أني اشوف ان السفر لهذه البلدان يجب
ان يكون للضرورة مَش للسياحة الي مضطر يروح والي مالها
حاجة تتم في ديرتها معززة مكرمة وبلا بلادهم بالمره

[بانغ بانغ]

يمنعون البراقع والنقاب والحجاب ليش؟؟
والحجاب اذا بيمنعونه خل يمنعون حجاب الراهبات الي عندهم
ولحد يطنز على الخليجين ترى انت من الخليجيين ومحسوب منهم

عزيز وغالي اخوي قطري911 لا والله حشا .. كنت فقط انتقد بعض الجوانب في اماكن معقدة مثل اوروبا ... dress code معين وقوانين معينة واماكن معينة

[naklan]

ليش ما يروحون يهايطون في أمريكا بسيايرهم
الشرطة هناك يسدحونه في الشارع ويدوس على
وجهه اكتب في اليوتيوب توقيف أمير سعودي
وشوف شسوو فيه*

[راجي الْعفو]

مع احترامي الشديد

ولكن هذه الحقيقة:

اذا كانت هناك بلدة تمنع الحجاب الشرعي ايا كانت هي، فيجب انهم ما يروحون لها

اما اللي يتنازل عن حجاب اهله رضوخا لقوانينهم من اجل انه يستمتع بدنياه

فهذا ذكر عديم رجولة اولا !!
وتلك امرأة عديمة دين و حيا !!


ومسألة السفر لبلاد الكفر ذكرها أهل العلم الموثوقين من أهل السنة
وبينوا فيه التفصيل في العموم ،انه ان كانت هناك حاجة او ضرورة فله السفر بشروط
وان كان للسياحة فهو محرم ..

والله يهدي المسلين ..

[Dana’1]

والله يأختي ديور أني اشوف ان السفر لهذه البلدان يجب
ان يكون للضرورة مَش للسياحة الي مضطر يروح والي مالها
حاجة تتم في ديرتها معززة مكرمة وبلا بلادهم بالمره

هذي وجهة نظرك ويمكن كثيير يأيدها ،،
لكن فيه من يشوفها كتغيير جو براد وطبيعيه وترفيه يحتاجون له عقب سنه دراسيه طويله عمل مرهق إلخ
فالمنقابات مالهم إلا يشوفون دول ماتمنع النقاب أظن مو كل اوربا تمنعه

وأرض الله واسعه ،،ماحبكت على أوربا



ليش ما يروحون يهايطون في أمريكا بسيايرهم
الشرطة هناك يسدحونه في الشارع ويدوس على
وجهه اكتب في اليوتيوب توقيف أمير سعودي
وشوف شسوو فيه*

عليك نور...بدال ما يتذمرون بجرايدهم وأخبارهم من ازعاج الخليجيين بسبب فئه من الي يهايطون
ليش مايسنعونهم وبوقتها مثل الأمريكان ،،عقب شوف كفو أحد يسوي هالحركاات

[بوحارب]

هلا بالحبيب بوعبدالرحمن ..

اي والله اسيا احسن شي هالايام
هلا بك زود

انشهد ^^

ما يبونها يبون لي ردو يقولون والله توني رادة من لندن
ويبون شبربوش وفي الردة 10 شناط شحن حتى الملاحف
مال الاسرة من لندن خلّصو حتى حبوب البندول

ولا تنسى الأوت لت ههههههههه

بلفيت شاريين ماركات بنص السعر

لماذا هذا التصرف وانا موجود ؟

[شبح الصمت]

هلا بك زود

انشهد ^^


ولا تنسى الأوت لت ههههههههه

بلفيت شاريين ماركات بنص السعر

لماذا هذا التصرف وانا موجود ؟



ودنا معاك لندن هالسنه انا وبوسيف

نبي نونسك في وحشتك وغربتك

[qatari911]

عزيز وغالي اخوي قطري911 لا والله حشا .. كنت فقط انتقد بعض الجوانب في اماكن معقدة مثل اوروبا ... dress code معين وقوانين معينة واماكن معينة

هلابك اخوي بانغ بانغ
اولا ما قصدتك بالرد والرد كاان بالعموم
وdress code يحللون شي لهم ويحرمونه على غيرهم
خلاص اتمنى نصدر قوانين بلبس محتشم علشان تعرف الردود منهم شنو وهذا بعد اذا مااعملو مظاهرة علشان يلبسون على راحتهم
بس احنا ننتقد العرب ككل وهم مو مقصرين فينا اذا صار شي من مسلم قالو هذا الارهاب ونشرو فيديوات ومظاهرات واذا صار من امريكي او اوروبي قالو حرام عنده حاله نفسيه او عليه ظغوطات ويسكتون

[بوNasser]

في لندن يلعوزون المنقبة ويقولون لهم النينجا
وغيره من الكلام الجارح

تميت اكثر من ثلاث سنين في بريطانيا انا بلحيتي :) وزوجتي بنقابها :) ولا احد كلمنا كلش

[naklan]

تميت اكثر من ثلاث سنين في بريطانيا انا بلحيتي :) وزوجتي بنقابها :) ولا احد كلمنا كلش

يمكن خافو شافو اللحية قالو هذا لو نقول شي
بيفجرنا بحزام ناسف هههههههههه التحرشات الي
سجلت كانت في الباصات لمراة مع ابنها الصغير ولاخرى
مع امها العجوز او بنات مع بعض الي مع زوجها ما
سمعت عن حاله تحرش

[معماري قطري]

من ناحية السرقة أحذر أخواني المسافرين الي المانيا
كثرة المهاجرين في السنه الاخيره لها وكثرة بلاغات السرقات خصوصا في القطارات
من الجاليات العربية
يسالك الساعة كم ولا انت جديد بالمنطقة ويستغل فرصة أنشغالك بالكلام معاه ويسرقك
وأكثرهم بنات في مقتبل العمر يرجى الحذر

اللي بيروح اوروبا يفكر مليون مرة ولو مضطر ياخذ شنطة بحزام صغيرة وتكون مسكرة بجرار ولو ممكن حتى برقم سري ويحذر هله من حمل شناط والجوازات يخشهم في الفندق .. ويخلي كرت فيزا أو ماستركارد في الصندوق احتياط لتنسرق شنطته

[طلعة الروح]

اللي بيروح اوروبا يفكر مليون مرة ولو مضطر ياخذ شنطة بحزام صغيرة وتكون مسكرة بجرار ولو ممكن حتى برقم سري ويحذر هله من حمل شناط والجوازات يخشهم في الفندق .. ويخلي كرت فيزا أو ماستركارد في الصندوق احتياط لتنسرق شنطته

من طلع من داره قل مقداره اذا بسافر سفره وبقعد احتاط كل هالاحتياطات والprecautions خلني في الدوحه احلى

[معماري قطري]

من طلع من داره قل مقداره اذا بسافر سفره وبقعد احتاط كل هالاحتياطات والprecautions خلني في الدوحه احلى

صحيح وانا مفكر كذلك

عن عنوان الموضوع الأُوروبيين ما يحتاطون بالعكس يستبشرون خير ويرفعون الأسعار ويكون عندهم موسم تجاري ناجح .. العام في ألمانيا كذا واحد يقول لي الحكومة تشتغل شغل قوي لحماية الخليجيين خصوصاً بسبب تهديدات أمنية وبتسيء لسمعة البلاد ولأنهم يصرفون أضعاف السائح الأُوروبي

[بانغ بانغ]

تداول بعض المغردين فيديو يقال انه خليجي في عراك شديد مع شرطة المانيا في المطار لاهانتهم زوجته حسب الفديو بس مش عارف فيديو قديم او جديد

ضربهم ضرب بس اسدحوه في الاخير بمسدس كهربائي الظاهر

بغض النظر عن هالفيديو ... واحد من ربعي سرقوا شنطة زوجته في فيينا من يومين وشافوا الحرامي عقبها بثواني لكنه اختفى بين الناس وما حبوا ايوصلون الوضوع للشرطة او للسفارة لان الشنطة كانت شبه فاضية وفيها بطاقات بس مب مهمة

يرجى الحذر في ظل هالاوضاع السياسية والارهابية اللي ستطال الخليجيين بدون شك

[راجي الْعفو]

صباح الورد بنجبنج

قاعدة المفروض نمشي عليها كلنا:

( لاتحط نفسك في موضع مذلة ! )

الدول الاسلامية السياحية متوفرة ..

[بانغ بانغ]

صباح الورد بنجبنج

قاعدة المفروض نمشي عليها كلنا:

( لاتحط نفسك في موضع مذلة ! )

الدول الاسلامية السياحية متوفرة ..

حبيب رجرج

بس والله انهم ما يفرقون بين عربين اسيوي وخليجي ... اي مشكلة بتعمم على الكل ..

الله المستعان

[الماريّة]

مرحبتين اخوي بانغ بانغ

يعطيك العافيه

وشلي حادكم على \ول الغرب
برااد الحمدالله عندنا براد في السياره براد
وفي المكتب براد وفي البيت براد وفي المولات براد

وين الحر الي نحس به مابه حر

طبيعه عندهم حتى احنا عندنا طبيعه ارفع راسك فوق الحين وشوف السحاب
وفي الليل عندنا نجوم الي ماتظهر عندهم ولا يشوفونها ابد
واماكن كلها تحتاج تأملات
بحر,, جبال,, حزووم ,, حلال ,, الحمدالله مب ضروري بلادهم
((متع نفسك بنفسك في بلادك))

اهم شي الرضا والقناعه :)
المهم علموني متى بتسافرون كلكم برى عشان
اصير ملكه الشارع وانا رايحه لدوامي لازحمه ولا شي:shy:


..
..

[مرتبش]

الواحد شكثر يسافر.. اسبوع او اسبوعين واخرتها بيرجع للجو الجميل ..عادي الامور طبيعية .
https://youtu.be/y1FdfFlPtt0
فيديو عن سلامة السياح في بلادهم..

[بانغ بانغ]

مرحبتين اخوي بانغ بانغ

يعطيك العافيه

وشلي حادكم على \ول الغرب
برااد الحمدالله عندنا براد في السياره براد
وفي المكتب براد وفي البيت براد وفي المولات براد

وين الحر الي نحس به مابه حر

طبيعه عندهم حتى احنا عندنا طبيعه ارفع راسك فوق الحين وشوف السحاب
وفي الليل عندنا نجوم الي ماتظهر عندهم ولا يشوفونها ابد
واماكن كلها تحتاج تأملات
بحر,, جبال,, حزووم ,, حلال ,, الحمدالله مب ضروري بلادهم
((متع نفسك بنفسك في بلادك))

اهم شي الرضا والقناعه :)
المهم علموني متى بتسافرون كلكم برى عشان
اصير ملكه الشارع وانا رايحه لدوامي لازحمه ولا شي:shy:


..
..

والله اختي انا عادة اصيف عقب الصيف بعد ما يرجعون العرب

اشزينه الحر ... ابهاتنا قبل اشلون عاشوا

[بانغ بانغ]

الواحد شكثر يسافر.. اسبوع او اسبوعين واخرتها بيرجع للجو الجميل ..عادي الامور طبيعية .
https://youtu.be/y1FdfFlPtt0
فيديو عن سلامة السياح في بلادهم..

كلام سليم

بينصلخون عقب البراد هههههه

هالسنة الحر امطول لين تسعه

[بانغ بانغ]

عملية طعن في لندن ووفاة امراة واصابا متنوعة

الله يستر عالسياح العرب

[ابوالكلام]

اهلاً للاسف لم يعتاد المواطن الخليجي على احترام القوانين. واحترام خصوصية الاخريين. فلا تتوقع منه ان يتصرف تصرف سوي. ان تم وضع قانون. ضده. قال يكرهون المسلمين. او يكرهوننا كعرب. دعوني افعل ماشئت والا سوف أتهمكم بالكراهية للعرب او الاسلام. تحياتي. على الانسان ان برأى الامور من كذا جانب.

[بانغ بانغ]

اهلاً للاسف لم يعتاد المواطن الخليجي على احترام القوانين. واحترام خصوصية الاخريين. فلا تتوقع منه ان يتصرف تصرف سوي. ان تم وضع قانون. ضده. قال يكرهون المسلمين. او يكرهوننا كعرب. دعوني افعل ماشئت والا سوف أتهمكم بالكراهية للعرب او الاسلام. تحياتي. على الانسان ان برأى الامور من كذا جانب.

بالضبط كلامك عين الصواب

[qatari911]

اهلاً للاسف لم يعتاد المواطن الخليجي على احترام القوانين. واحترام خصوصية الاخريين. فلا تتوقع منه ان يتصرف تصرف سوي. ان تم وضع قانون. ضده. قال يكرهون المسلمين. او يكرهوننا كعرب. دعوني افعل ماشئت والا سوف أتهمكم بالكراهية للعرب او الاسلام. تحياتي. على الانسان ان برأى الامور من كذا جانب.

بص حضرتك ماتعممش على الكل لان مثل مافيه خليجيين بعد فيه مصريين بيعملو من الحبه قبة



بالضبط كلامك عين الصواب

:telephone:
يارجل :)

[بانغ بانغ]

بص حضرتك ماتعممش على الكل لان مثل مافيه خليجيين بعد فيه مصريين بيعملو من الحبه قبة




:telephone:
يارجل :)

ليش .. خل انكون صريحين ما صارت هالقوانين الا من ربعنا

[qatari911]

ليش .. خل انكون صريحين ما صارت هالقوانين الا من ربعنا

بعضهم بس مو الكل الله يجزاكم خير
اذا على ربعنا على قولتك
حتى في الدوحة البعض من الشباب مستهتر ولا فيه حترام للناس
وهي راجعه على شخصية الانسان يمكن يفوشر ويمكن هو مااحترم نفسه علشان يحترم الاخرين