استفسار لاهل الخبرة والتجار.. بخصوص محل

[دايموند]

السلام عليكم ورحمة الله وبركاته



اخواني بغيت المشورة منكم ياليت تساعدوني في اتخاذ القرار...


بصراحه انا لي نية افتح محل ورد وشكولاته وتنسيق الافراح في مدينة الخور..

بصراحة فالخور العديد من المحلات الجديدة والفاضية وكل ما اسأل عن الاجار انصدم .. المحلات صغيرة والاجار مابين 17 الف الى 20 الف ريال!! بس لان ع الشارع العام..

وانا ادور ع محل ايجارة مايتعدى 15 الف ويكون حجمه اشوي كبير يصلح لمحل ورد وموقع مميز ع الشارع العام او الشارع التجاري..



اخيرا بعد ما داخ راسي بالفرارة لقيت لي محل موقعه فوووق الممتاز وكبير والاجار 15 الف ريال..

بس المشكلة ان جدامه حفريات واصلاحات مالت اشغال قاعدين يسوون بالشارع والحفريات صارت لها اكثر من سنه..
وهالحفريات مسوية عائق لدرجة ان الى الان ماعرف اشلون اوصل المحل وادخله..

كلمت راعي المبنى قالي راح يعطيني خصم 15% ع الايجار لين ما يتعدل الشارع ...

بصراحه العرض مغري وبنفس الوقت مابي اخسر المحل لان موقعه ممتاز بس المشكله الحفريات والاصلاحات الي جدام المبنى خلت 3 من المستأجرين يطلعون من محلاتهم لان مافي زباين لان اصلا مايقدرون يوصلون للمحلات بسبب الحفريات


فمادري شنو تنصحوني أخذ المحل والا لا؟ راعي المبنى قالي ان اشغال قالوا له خلال 5 شهور بيخصلون خرابيطهم بس قالي لا تاخذين من اشغال حق و لا باطل..


فمادري لو خذت المحل وبسبب الحفريات والاصلاحات الي جدام المحل ماجاني ولا زبون( وهالشي مؤكد خاصه الحريم ماراح يقدرون ) هل اقدر اشتكي ع اشغال او هل اشغال راح تعوض المستأجرين؟

والله يا اخواني ماقص عليكم مافي طريق تدخلنا ع هالمحلات ماعرف اشلون اوصل للمحل واتوقع ان وصلت له لازم امشي امتاااار علشان اوصله المفروض اشغال تحط لنا بديل او ممر علشان الزباين يقدرون يوصلون للمحلات..

فمادري شتقولون ؟؟

ترى الموقع والايجار ممتاز ولا يتعوض

[عيون الدوحة]

غلطانه أختي تاخذين محل ل هذا النشاط
أخذي لج فيلا بهذا المبلغ وبتكون عندج مساحة كبيرة لنشاطج
واغلب محلات تجهيز الافراح صارو يأجرون فلل

[عازف]

السلام عليكم ورحمة الله وبركاته


اخواني بغيت المشورة منكم ياليت تساعدوني في اتخاذ القرار...


بصراحه انا لي نية افتح محل ورد وشكولاته وتنسيق الافراح في مدينة الخور..

بصراحة فالخور العديد من المحلات الجديدة والفاضية وكل ما اسأل عن الاجار انصدم .. المحلات صغيرة والاجار مابين 17 الف الى 20 الف ريال!! بس لان ع الشارع العام..

وانا ادور ع محل ايجارة مايتعدى 15 الف ويكون حجمه اشوي كبير يصلح لمحل ورد وموقع مميز ع الشارع العام او الشارع التجاري..



اخيرا بعد ما داخ راسي بالفرارة لقيت لي محل موقعه فوووق الممتاز وكبير والاجار 15 الف ريال..

بس المشكلة ان جدامه حفريات واصلاحات مالت اشغال قاعدين يسوون بالشارع والحفريات صارت لها اكثر من سنه..
وهالحفريات مسوية عائق لدرجة ان الى الان ماعرف اشلون اوصل المحل وادخله..

كلمت راعي المبنى قالي راح يعطيني خصم 15% ع الايجار لين ما يتعدل الشارع ...

بصراحه العرض مغري وبنفس الوقت مابي اخسر المحل لان موقعه ممتاز بس المشكله الحفريات والاصلاحات الي جدام المبنى خلت 3 من المستأجرين يطلعون من محلاتهم لان مافي زباين لان اصلا مايقدرون يوصلون للمحلات بسبب الحفريات


فمادري شنو تنصحوني أخذ المحل والا لا؟ راعي المبنى قالي ان اشغال قالوا له خلال 5 شهور بيخصلون خرابيطهم بس قالي لا تاخذين من اشغال حق و لا باطل..


فمادري لو خذت المحل وبسبب الحفريات والاصلاحات الي جدام المحل ماجاني ولا زبون( وهالشي مؤكد خاصه الحريم ماراح يقدرون ) هل اقدر اشتكي ع اشغال او هل اشغال راح تعوض المستأجرين؟

والله يا اخواني ماقص عليكم مافي طريق تدخلنا ع هالمحلات ماعرف اشلون اوصل للمحل واتوقع ان وصلت له لازم امشي امتاااار علشان اوصله المفروض اشغال تحط لنا بديل او ممر علشان الزباين يقدرون يوصلون للمحلات..

فمادري شتقولون ؟؟

ترى الموقع والايجار ممتاز ولا يتعوض

تحملي تأخذين محل جدامة اعمال اشغال او غيرة خسرانة مليون بالمئة حتى ولو أجار بسيط،،،

[البرونزي]

نصيحتي اخذي فيلا افضل وماعرف القانون اذا يسمح لكن ممكن تستغلينها كسكن للعمال
وبتكون عندج مساحات كبيره للتوسعه في المستقبل وابعدي عن المحال الي قدامه حفريات

[سالم الزهران]

يتأجل المشروع حتى ينتهي الأشغال و الفلوس في الحساب ازين تروح لحساب راعي المحل

ولو تم استئجار المحل ، بتلاقون غيره ، و رزقك بيجيك اهم شيء شغلة العجلة و الدكان بيروح هذي تعليقه مامنها فايده ... فالكم طيب

[دايموند]

كلكم ضد الفكره :weeping:

بس اشوف محلات الورد في فيلا ماتدخل كثر المحلات الي تكون فع الشارع العام او الشارع التجاري..
مستحيل استأجر فيلا للورد والشوكلت في الخور الا اذا فيلا ع شارع العام او الشارع التجاري وللاسف مافي..


والله يا اخوان المحل اوريدي مضبوغ وعليه ديكورات وجبس وحركات حلوة ...والمحل وااايد كبير فوق وتحت وفوق الله يعزكم فيه حمام بعد ..وغير جذي من كبره يصلح للمعارض..مساحته اعتقد 130 متر مربع..والايجار بحدود 15 الف وشويات وبعد ماتخلص الحفريات يرجع السعر الى 18 الف
المحل ع الشارع التجاري..احسه عرض مغري والله

والله محتارة

[bohilal191]

اذا راس المال كاش مب قرض ومقتدرة تدفعين اجار بدون نشاط توكلي على الله بس اذا راس المال كاش ومب مقتدرة انصحج تنتظرين وان شاء الله اذا لج رزق في مكان ثاني بتاخذينه والله يوفقج

[مشتاقة لقطر]

الله يوفقج يارب مفروض يخفض لج اكثر بعد مب شوي تدفعين 180 الف فالسنة على حظك نصيبك يمكن يجيج زباين ويمكن لا

[الدكتور عزوز]

اختي نصيحتي توكلي على الله السعر جدا ممتاز وبما أن الديكور والمساحة عاجبتج استخيري وتوكلي على الله

اساسا الى ان تخلصين السجل والرخصة وقيد المنشأة وتستقدمين العمالة اللي تحتاجينها راح ياخذ منج وقت من شهرين إلى 4 شهور وخلال هذي المدة تبدأين تخلصين اللمسات النهائية من ديكورات المحل وعمل دفاتر الفواتير او النظام الإلكتروني اللي راح تستخدمينه

تقدرين مبدئيا يكون عندج توصيل للمنازل (وممكن لكافة مناطق الدولة اذا امكانياتج تسمح) وتكثفين الدعاية على محلج من قبل الافتتاح

وتقدرين تتفاهمين مع صاحب المحل انج تدفعين له ايجار بعد شهرين أو ثلاث شهور في حالة انه كان يقدر راح يكون الأمر ممتاز

وحطي في بالج ميزانية ايجار 6 شهور على الاقل تكون موجودة عندج احتياط ما تمسكينها لأن المحل أول ما يفتح مدخوله قليل لكن مع الوقت يدخل أكثر

وايضا تقدين تتفاهمين مع الفنادق وصالات الافراح انج توفرين لهم الورود والتشوكليت اللي يحتاجونها في مناسباتهم وتعطينهم اسعار حلوة وتكون الفايده لج ولهم مشتركة


الأهم استخيري قبل كل شيء

[eXpert*]

أخذي فيلا على شارع عام ،، وغيري واجهتها بحيث تصير زجاج في زجاج .. يعني شيلي طوفة الحوش وطوف الصالة وأستبدليها بزجاج وشوية أنارة قوية وبيصير عندج أحلى محل .

[سفير الدوحة]

من اطلاعي في هالمجال :
التجاره والفكره ممتازه
لكن كثرو المنافسين
والتجاره بهالانشطة اساسها العقود
يعني اذا لقيتي 3 عقود دائمة مع جهات معينه ،، خلاص لاتحاتين بالنسبة للزبائن
اما اذا بتعتمدين على الزبائن ،، اجار المحل بيغطي التكاليف ان شاء الله ،، وبالعكس لازم تنزل اسعار الزهور وغيرها مقارنة بالمنافسين
سوق الزبائن ممكن يزيد او ينقص على حسب
بعدين تاثيث وتجهيز المحل ياخذ كم من شهر اهم شي المساحه قدام المحل تكون وسيعه وكبيره ، الاضاءه والديكور زين ، وحاولو تبتكرون اشياء جديدة لهذه الانشطة

الله الموفق ان شاء الله

[جبر ال جبر]

الله يوفقكم وخصوصا الوكيشن مهم جدا في اي نشاط تجاري ونصيحتي ادرسي كل شي بتمعن وقيس قبل لاتغيص

[CH Engineer]

أخذي فيلا على شارع عام ،، وغيري واجهتها بحيث تصير زجاج في زجاج .. يعني شيلي طوفة الحوش وطوف الصالة وأستبدليها بزجاج وشوية أنارة قوية وبيصير عندج أحلى محل .

+1 انا مع هالرأي

ترا الموضوع مكلف جدا احسبي كل شي عدل ومكاين الشوكلاته غاليه ويبيلها مكان
نشاطج افضل شي له فيلا صغيره وترتبين الواجهة وصالة العرض

المحل ما يسوى شي بهالحاله وبتخسرين كثير وإشغال ماراح تخلص ب5 شهور
والشغله الثانيه ماله حق يرفع الايجار من 15000 الى 18000
النسبة القانونيه 10% كل سنه

اهم شي جودة الشغل وحساب الانستقرام وسيارة توصيل
واذا عندج انستقرام وزباين والمحل عاجبج اعرضي عليه 10000 ريال وشهرنين مجاني لين تخلصين الإجراءات القانونيه وتبدين النشاط
تجار وايد وعندهم القدره ياخذون مهله 30-45 يوم
بس الدلالين يستغلون جهل التاجر الجديد ويفهمونه ان هالشي مستحيل

بالتوفيق