مشاهدة النسخة كاملة : التصوير بالأشعة النوويه
الخيالة
17-06-2016, 01:53 PM
سلام عليكم
عندي استفسار
حد منكم مجرب في المستشفي التصوير بالأشعة النوويه؟
انا معطيني موعد حق الكلي اصور بالتصوير النووي مادري شلون بس خايفه هل يضر هل له مضاعفات اذا عندكم فكرة ساعدوني
سالم الزهران
17-06-2016, 02:49 PM
وعليكم السلام . وقدامكم العافية
هذا التصوير يسوونه بعد ما يعطون الشخص ادوية يتناولها بالفم او عن طريق الوريد و بعدين يسوون له التصوير النووي و يحددون بإذن الله بدقة المكان اللي فيه المشكلة وهنا الكلام عن خلايا ما ترى الا بالمجهر ولذلك يستخدمون التصوير النووي .. وهو بإذن الله آمن و متطور و مريح مب مثل الاشعة المقطعية
الخيالة
17-06-2016, 03:04 PM
وعليكم السلام . وقدامكم العافية
هذا التصوير يسوونه بعد ما يعطون الشخص ادوية يتناولها بالفم او عن طريق الوريد و بعدين يسوون له التصوير النووي و يحددون بإذن الله بدقة المكان اللي فيه المشكلة وهنا الكلام عن خلايا ما ترى الا بالمجهر ولذلك يستخدمون التصوير النووي .. وهو بإذن الله آمن و متطور و مريح مب مثل الاشعة المقطعية
مشكور اخوي ع الرد
يعني مابيكون اي مضاعفات؟
اسمع ناس يقولون اذا سويت بعدها ب 48 ساعه اي شخص كبير بالعمر او اللي ماعنده مناعه واليهال مب زين يكونون عندي
الخيالة
17-06-2016, 03:04 PM
و في ناس يقولون ما أجازف و مااسوي حيروني و قمت اخاف
الحياة الخالدة
17-06-2016, 03:24 PM
السلام عليكم ورحمة الله
أختي التصوير آمن بالنسبة للمريض
لكنه ينصح بأن لا يقترب من الصغار والرضع و الحوامل لفترة بعد أخذ المادة وانتهاء التصوير
لأن المادة مشعة و تبعث نوع من الأشعة قد يتسبب لهم بالضرر
وتقدرين تسألينهم هناك وبيعطونج نصايح اكثر لما يعطونج المادة
بصمة قطرية
17-06-2016, 07:41 PM
سويتها للكلى ..
عادي ما لها أي مضار بس اهم شي ما تقربين من الاطفال
والحوامل تقريباً ست ساعات مش متذكرة بالضبط
لين تطلع الصبغة من الجسم ..
تاخذينها عن طريق الوريد ..
الخيالة
18-06-2016, 11:24 PM
شكرًا ع المرور
في ناس قالوا انهم عقب ماخذوا الماده و خلصوا من التصوير قاموا يرجعون وايد انتوا صار معاكم هالشي؟ انا لان جسمي ضعيف عشان هاي عقب ما سمعت صرت اخاف
بصمة قطرية
19-06-2016, 04:35 PM
ما قد سمعت حد رجع عقب الإشعاع
أنا حساسة وايد والحمدلله له ما صار لي اي شي ..
عندي ثلاث سووها والحمدلله الأمور طيبة ..
لا تقعدين توسوسين اذا متخوفة لهالدرجة لا تسوينها ..
الخيالة
21-06-2016, 06:22 PM
مشكوره اختي ع المرور
لا ان شاءالله بسويها خلاص يعني لازم أسويها حق علاجي
ان شاءالله خير
تاجر كشخة
27-06-2016, 12:24 AM
الله يقومك بالسلامة ما تشوفين شر
الخيالة
02-07-2016, 06:05 PM
الشر مايجيك اخوي
Powered by vBulletin® Version 4.2.5 Copyright © 2025 vBulletin Solutions Inc. All rights reserved.