سواقه الاجانب البطيئه والبريكات الغير منطقيه

[بورصجي_جديد]

السلام عليكم والرحمه الله وبركاته

بتكلم عن سبب الازدحام العيب مب فقط من شوارع لاحظت وخصوصا الهنود اغلبهم لايعرف كيف يقود السياره خصوصا طريق 24 فبراير او خط قطر السرسع بل معظم المناطق يضربون بريك من مسافه اكثر من 1000 متر دون اي مبررر ويسوق لك علي 60 وشارع مكتوب 80 هذولا كيف صار عندهم رخص قياده وهم سبب الازدحامات وسبب تعرقل طرقات الحل هو تعليمهم سواقه من جديد او سحب رخص القياده بصراحه مب واحد ولا اثنين معظمهم مايعرف يسوق

[وحيد-الشوق]

الهنود حتى لو علماء ودكاتره وعندهم شهادات الدنيا بس ما اعرف ليش في السواقة يطلعون كل انواع الغباء اثناء السواقة

مانعمم لكن كثير منهم ويومياً تمر علي مواقف ودي انزل لهم من الموتر :)

[شيخ الديرة]

ليش اجيب واحد اعلمه في شوارعي أصلاً ؟

تحولت الدوحة الى ساحة تعليم سياقة لكل من هب ودب.
هناك مكاتب دولية معتمدة يمكن استخدام شهاداتهم كمؤهل اساسي لاستقدام السائق

[JN000N]

اي واااااااالله
واستهبال درجة مب طبيعيه انت وراه تسوق وهو فجاه يطق بريك لا قدامه سياره ولا رادار ولا دوار ولا اشاره
ودك تسوق رابتر ولين طق بريك تدعمه وتركب فوقه وتكمل طريقك :mad:

لا لين ديمت له والا طقيت له هرن يسوي نفسه مايجوف
من يومين واحد ماسك الجوال ع قوقل ماب ويسوق سواقة دياي وفتلنص لا ماسك يمين ولا يسار
فجاه لف لفة حااده يمين لان انتبه ان قدامه حدايد تفصل الشارع يا تروح يسار تركب جسر او يمين تحت الجسر
والي كان على يمينه لف عاللي حذاه كان بتصير ماساه بس الله ستر
واخر شي الاخ ماسك الجوال وحاطه ف ويهه

وامس عالهاي وي والله حسبت اللي يسوق سكران من كثر ما يلف يمين ويسار
واخر شي طلع يتعافر مع اللي حذاه
ولو بتصل بشتكي بيقولك مال المرور تعال قدم بلاغ
لا لاني فاضيه انا اراكص وراكم ف المراكز
شاطرين دورياتكم يدورون المخالفات ف مواقف الابراج والا المخفي الكامل
اما سواقة اللي جنهم سكارى ف الشارع عادي

[بوخالد911]

انا ودي اشوف شرطي مرور يخالف اللي يمشي بطيء

واللي يبط جبدي بعض السواقين لما ينتقل من مسار الى مسار يضرب بريك !!!!!
اضربوك بعجرة ان شاء الله.

[بورصجي_جديد]

للاسف نبي حل للموضوع هذا بريكات وتمشي اقل من سرعه القانونيه بكثير

[بـن عدوان]

مافيه ثقافة ياريال

والله انه احيانا تصير زحمة بسبة لا شيء

مجرد مجموعة سيارات تمشي مع بعض بسرعة بطيئة ومسببة زحمة

و لا والقهر لما يكون حادث بسيط العالم تمسك بريك وتجوف الحادث

المفروض الجهات المختصة تبتدي تجوف حلول ،، واذا انت يالسايق انبطت جبدك من مصاخة السواقين وتجاوزت على طول خالفوك!:weeping:

[نجم سهيل]

السلام عليكم

المفروض يسوون حملات توعية في مدارس التعليم بهالأمور مع التنبيه انه ستفرض عليهم غرامات في حال عرقلة حركة السير على الطرق السريعة

والله بتشوفهم يدوسون ومنتبهين دام السالفة فيها فلوس مثل اول مانزل قرار الـ 6000 ريال على قطع الاشارة الجماعة اشتغلوا تشخخخط بريكات بس من يحسون انها بتصير صفرة

اول خطوة هي الجدية من ادارة المرور بعدها بيمشون مثل الاوادم ..

[aziz4z]

أغلب الحوادث الكبيرة سببها السرعة الزائدة ، و خاصة لما تكون شوارع فاضية
في التأني السلامة و في العجلة الندامة
الهنود أغلبهم خايفيين و مايستهترون بالارواح ، بس منهم جديدين على السواقة و خاصة أغلبهم يستعملون مواصلات عامة عندهم في الهند ، اهني عندنا كل واحد شماخر و آخر شيء مسوي حادث

[شيخ الديرة]

والغريب انه لما يفتح لك اليسار، يرجع بعد ان تسبقه، واليمين فارغ، وخاصة سائقات نيسان ساني و ميتسوبيشي لانسر

يبدو هناك من قال لهم ان اليمين للسواق المساكين او الدرجة الثانية...

[بوحارب]

وفيهم عله ثانية تحصلهم عند المجمعات التجارية دايما يوقفون بطريقة مخالفه

الظاهر عندهم حصانه من المخالفات المرورية

[شيخ الديرة]

مافيه ثقافة ياريال

والله انه احيانا تصير زحمة بسبة لا شيء

مجرد مجموعة سيارات تمشي مع بعض بسرعة بطيئة ومسببة زحمة

و لا والقهر لما يكون حادث بسيط العالم تمسك بريك وتجوف الحادث

المفروض الجهات المختصة تبتدي تجوف حلول ،، واذا انت يالسايق انبطت جبدك من مصاخة السواقين وتجاوزت على طول خالفوك!:weeping:
الفضول وحب الاستطلاع في حالة الحوادث تصرف بشري لا يقتصر على سكان قطر، وانما كل الدول تعاني منها،وفي امريكا يسموها ربر نك، يعني الرقبة المطاطية لانه يلتفت يمين يسار حتى يشوف.
الحل في كاليفورنيا ان الشرطة تأخذ معها ستائر يتم تركيبها بسرعة حول موقع الحادث لمنع الرؤية واستمرارية المرور بصورة طبيعية

[ya3coub]

أغلب الحوادث الكبيرة سببها السرعة الزائدة ، و خاصة لما تكون شوارع فاضية
في التأني السلامة و في العجلة الندامة
الهنود أغلبهم خايفيين و مايستهترون بالارواح ، بس منهم جديدين على السواقة و خاصة أغلبهم يستعملون مواصلات عامة عندهم في الهند ، اهني عندنا كل واحد شماخر و آخر شيء مسوي حادث

شوماخر في الي بحوادث و في الي بدون حوادث أخوي و حوادثهم بالأغلب مع فئة السائقين "الغير شوماخر"

فالنهاية من الفئتين في حوادث سوائا متسبب او متضرر


عتبنا عالي يمسكون 3 مسارات يمشون جنب بعض كأنه مسيرة ولا واحد راضي يدوس ولا واحد راضي يخف شنو تسوي معاه و انت عندك سيارة ما تقدر تطوف بينهم.

عتبنا عالي علباله انه لا يزال فالمدرسة اي شي يسويه عادي او اذا خفف من سرعته اكثر خلاص صار بأمان اكثر ما عنده المدرب الي بيدوس بريك او بينبهه أخر لحظه.

عتبنا عالي اخذ عادة السرعه البطيئة جدا فالهايواير راح تخلي الناس تتجاوز من اليمين و يشترون راحة بالهم بعد ما يفقدون الأمل معاه و يكبر راسه اكثر.

أختي جنون فوق ما قصرت و انا وقفت تصوير للهايوي نفس ما كنت اسوي قبل ولا في سوالف كثيرة تصير عندنا مالها اي داعي تغصبك انك تصوق كأنك بلعبه


اعوذ بالله من كلمة انا دراجتي صارلها لحد الحين شهرين تقريبا بين تئمين و تصليح و خرابيط و طلب قطع من الخارج غلطانين علي و فوق هاي مافي تصليح ولا تعويض ولا اي شي تستفيد منه السبب قائد مركبة بطيء جدا عيزان يدوس بريك الحل انه يلف يمين و يسدح الناس و الحادث ما كان على سرعة عالية اقل من 40 كيلو بالساعه بس سبب ضرر كبير لي و لغيري.

النظام اهم شي الهنود فالهند ما يسوقون بتأني كلش للي راح الهند و يشوف مافي شي اسمه اولوية لا دراجة ولا سيارة انت بنفسك تخاف بكل تقاطع تتوقع حادث بس في تفاهم و نظام واحد ماشين عليه كللللللللللللللللهم
عندنا فالدوحة و لله الحمد نعمة التنوع من كل بستان زهرة على قولتهم من كل قارة و من كل عرق و من كل ثقافة عندنا ناس يسوقون مركباتهم و وين القطري بكل عيوب و تنوع ثقافه سواقينا من شباب و كبار انتم "أقلية في بلادنا" فأكيد تصارع الثقافات الأخرى فالسواقة بيخلط مزيج غير متكافئ للسياقة بقطر.

عندك على سبيل المثار رمضان, اجازة الصيف, اجازة الربيع, راس السنة نمط السواقه يتغير بالشوارع لأن في ثقايفه قلت او زادت من مستخدمي الشارع

السرعه مو كل شي و ايضا فن الذوق و التعامل و التسامح و المشاركة اهم سوائا يمشون 260 نفس الأوتو بان و بعض شوارع الخطوط السريعه فدول كالأمارات و السعودية الواحد يمشي بسرعات قاتله بس في تفاهم بين اغلب السائقين و بين هايواي سرعته 100 و علاماته 80 و السرعه فيه بمتوسط 60 كيلو متر فالساعه.

[بومحمد المطاوعه]

جات على الأجانب

في قطريين اخس من الأجانب يسوقون
ويمسك لك الشارع ولا يوخر

على باله الشارع بأسمه ولا بأسم جده العاشر
الجهل في ثقافه المرور هي المشكله

البعض جاهل في هذي الأمور
والبعض يسوي نفسه عنتر

[شبح الصمت]

احلى شيء فينا ننقد على الهنود

ونص البيوت فيها دريولية هنود !!

[شيخ الديرة]

أخ يعقوب، ممكن توضح نقطة التصوير، ما فهمت

[بومحمد المطاوعه]

احلى شيء فينا ننقد على الهنود

ونص البيوت فيها دريولية هنود !!

هههه هني المشكله بعد

ولو تفتش على لياسنهم
البعض عنده دريول شارد ومتستر عليه
والبعض ليسنه خليجي مب قطري
والبعض اصلن مايشوف عدل ومسلمه موتر يوصل اهله

مضحي في اهله


تعال خط 22 فبراير وشوف العجب العجاب
تقول ملعب صابوني

[العنيده]

اليوم الصبح وتحديدا الساعه 8 قدامي سياره ماسك الخط السريع من كثر ماهو بطئ اتوقع لو انزل وامشي له كنت بكون بنفس سرعته ..
البريك واللف بدون اشاره والسرعه اللي تعرقل السير .. لو يتخلصون منها سواقتهم زينه

[Rider]

ولا ننسى مدارس تعليم السواقه لي تعلمهم بالخطأ المدرب في المدرسة محتاج الي يعلمه

[شيخ الديرة]

ولا ننسى مدارس تعليم السواقه لي تعلمهم بالخطأ المدرب في المدرسة محتاج الي يعلمه

مشاركة مهمة
نحتاج ان تكون هذي المدارس تجتاز اعتماد دولي قبل ان تستقبل جيل جديد من السواق وتفسدهم.

لما كنت اوصل بنتي لمدرسة السواقة كنت الاحظ حركات حول المدرسة تعلمك وتجبرك انك تخالف

[جوال 11]

الظاهر اطلاق كلمة هنود على كل واحد اتى من اسيا والشوارع فيها من كل الجنسيات وهنالك قلة ادب في البعض وعدم معرفة (غشامة)السواقة في البعض الاخر المدارس تعلمهم يمسكون في نصف الشارع تعال شوفهم في الشوارع التي فيها اربع مسارات يمسك ثالث خط او الرابع ويترك اليمين فاضي وبعض الوافدين العرب أسوء أدبا من الاسيويين ويشعر بان هذا وطنه .
في دبي الرادار له ثلاث وظائف خاصية زيادة السرعة وخاصية السرعة البطيئة وخاصية صيد الشاحنات في الاوقات الممنوعة لكن عندنا شاطرين يحطون الرادار قدام سيارة وكانهم يجمعون اموال وليس حفاظا على حياة الناس الرادارات توضيع في الاماكن التي تحتاج تخفيف السرعة او امام المستشفيات والدارس او عبور المشاة .
اقترح بان يتخذ قرار لتصميم طرق ذات اتجاه واحد ذهابا او ايابا حتى تاخذ السيارات مسافة حتى ترجع الى نفس المكان وعدم تكدس السيارات في مكان واحد

[شبح الصمت]

هههه هني المشكله بعد

ولو تفتش على لياسنهم
البعض عنده دريول شارد ومتستر عليه
والبعض ليسنه خليجي مب قطري
والبعض اصلن مايشوف عدل ومسلمه موتر يوصل اهله

مضحي في اهله


تعال خط 22 فبراير وشوف العجب العجاب
تقول ملعب صابوني



معاناه يا بومحمد صدق

[بورصجي_جديد]

بفض النظر ان كان هندي او وافد عربي او قطري الملاحظ سبب الازدحام الغير مميالي الي متى

[ya3coub]

أخ يعقوب، ممكن توضح نقطة التصوير، ما فهمت

اخوي شيخ الديرة
كايرا تتعلق ورى او تحت المنظرة الخلفية
تصور كلشي امام السيارة من لما تشغلها لين تسكرها، صارت عدة نقاشات و كنت اتعبث فيها و اختبرت من كذا سنة

نفس فيديوهات الحوادث الي تصير بروسيا و حول العالم تراويك الأخطاء سوائا منك كقائد مركبة او من غيرك

مثال فالرابط لبعض الحوادث المسجلة بمثل هالكاميرا

http://m.youtube.com/watch?v=gjMRlEe7HWA

[شيخ الديرة]

اخوي شيخ الديرة
كايرا تتعلق ورى او تحت المنظرة الخلفية
تصور كلشي امام السيارة من لما تشغلها لين تسكرها، صارت عدة نقاشات و كنت اتعبث فيها و اختبرت من كذا سنة

نفس فيديوهات الحوادث الي تصير بروسيا و حول العالم تراويك الأخطاء سوائا منك كقائد مركبة او من غيرك

مثال فالرابط لبعض الحوادث المسجلة بمثل هالكاميرا

http://m.youtube.com/watch?v=gjMRlEe7HWA

عندي مثلها، لكن لا اعرف بم تقصد انك توقفت

[ya3coub]

عندي مثلها، لكن لا اعرف بم تقصد انك توقفت

حسب ما توصلت إليه سابقا و نقاشات بانها قانونيا ممنوعه و التصوير غير قانوني !!!

و اصلن الشرطة ما يستخدمونها فالمحكمة كدليل و ممكن تنقلب ضدك في حال استخدمتها لتبرئة نفسك من موقف او حادث معين. <<<< الي عندي تعبثت فيها وايد كنت احاول انتفها و اسوي منها حجم مصغر للدراجة :shy: بس سبب توقفي الإنتقادات الي جاتني بأن السيارات فيها حريم و الي مع هله و من هالكلام الي لحد الحين انا مو مقتنع فيه انا ما اصور و مسوي زوم على شوفات خلق الله تصوير كل ما امام سيارتي وقت القيادة فقط, و في بعض الأنشطة الشبابية سابقا كنت احط بعض المقاطع مثال على ايام التوعية المرورية انصدم بأن في من قسم التوعية نفسهم الي ضد هذا الشي.

الفائدة الوحيدة منها اذا لا قدر الله صادك حادث ممكن تراوي الفيديو للمحقق لتسهيل عملية الوصف و الشرح بس غيره ما منها فايدة عندنا فالدوحة بالعكس الي سمعته لأن مافي قانون واضح يجرم هالشي بانها ممنوعه بالكلام و قد تتسبب للشخص في حال تصوير لمركبات الدولة مثلا دورية جدامك انت مصور عادي بس بترجع سلبا ضدك في حال انه شافها و وقفك و اثبت انها كانت تسجل

الكلام كله من 3 سنوات تقريبا

[Qt.1]

السلام عليكم والرحمه الله وبركاته

بتكلم عن سبب الازدحام العيب مب فقط من شوارع لاحظت وخصوصا الهنود اغلبهم لايعرف كيف يقود السياره خصوصا طريق 24 فبراير او خط قطر السرسع بل معظم المناطق يضربون بريك من مسافه اكثر من 1000 متر دون اي مبررر ويسوق لك علي 60 وشارع مكتوب 80 هذولا كيف صار عندهم رخص قياده وهم سبب الازدحامات وسبب تعرقل طرقات الحل هو تعليمهم سواقه من جديد او سحب رخص القياده بصراحه مب واحد ولا اثنين معظمهم مايعرف يسوق

هذي معاناتي يوميا على خط الشمال !!

[بوفاطمه]

وعليكم السلام ورحمة الله وبركاته ..
كل عام وانتم بخير ،مبارك عليكم الشهر الفضيل .
اشكرك اخوي على طرحك هذا الموضوع .
البعض منهم تكرم ماركب على الحمير في بلاده،وهني يعطونهم سيارات كبيرة .
حتى لو يسوق في بلاده ،سواقتهم غير عن سواقتنا .
والبعض منهم احس متعمد يكع بريك .

[شيخ الديرة]

حسب ما توصلت إليه سابقا و نقاشات بانها قانونيا ممنوعه و التصوير غير قانوني !!!

و اصلن الشرطة ما يستخدمونها فالمحكمة كدليل و ممكن تنقلب ضدك في حال استخدمتها لتبرئة نفسك من موقف او حادث معين. <<<< الي عندي تعبثت فيها وايد كنت احاول انتفها و اسوي منها حجم مصغر للدراجة :shy: بس سبب توقفي الإنتقادات الي جاتني بأن السيارات فيها حريم و الي مع هله و من هالكلام الي لحد الحين انا مو مقتنع فيه انا ما اصور و مسوي زوم على شوفات خلق الله تصوير كل ما امام سيارتي وقت القيادة فقط, و في بعض الأنشطة الشبابية سابقا كنت احط بعض المقاطع مثال على ايام التوعية المرورية انصدم بأن في من قسم التوعية نفسهم الي ضد هذا الشي.

الفائدة الوحيدة منها اذا لا قدر الله صادك حادث ممكن تراوي الفيديو للمحقق لتسهيل عملية الوصف و الشرح بس غيره ما منها فايدة عندنا فالدوحة بالعكس الي سمعته لأن مافي قانون واضح يجرم هالشي بانها ممنوعه بالكلام و قد تتسبب للشخص في حال تصوير لمركبات الدولة مثلا دورية جدامك انت مصور عادي بس بترجع سلبا ضدك في حال انه شافها و وقفك و اثبت انها كانت تسجل

الكلام كله من 3 سنوات تقريبا

هذا تقرير عن الموضوع باللغة الانجليزية، والشخص المذكور لازال يعمل في منصبة وقد أكد لي شخصياً ان الكاميرات قانونية ويمكن استخدامها في المحاكم

http://m.gulf-times.com/story/377533/Dash-cam-footage-admissible-in-accident-probes

ولكن اتفق معك اننا نحتاج فقرة قانونية تصرح بذلك

[شبح الصمت]

تبون الصدق وبدون زعل

وانا اول واحد

صرنا اخس منهم في الاسواقه

نسوق وعيونا على التلفونات ونروغ يمين ويسار ولا ننتبه

[جوال 11]

ايضا عمل بعض الجنسيات في شرطة المرور له تاثير في سواقة الاجانب قبل عدة سنوات حصل حاصة لسيارة خاصة لي وطلب من السائق احظار تقدير تصليح من ثلاث كراجات ولما احضرها قال له الشرطي لا لازم تصلح في هذا الكراج وهو خارج التقدير وكلمني ولما رحت حصلت جندي فلسطيني سالته قال نعم يصلح في هذا الكراج دخلت عند الضابط مديرهم طلع المتسبب في الحادث ابن عم الشرطي ولا عنده رخصة والاستمارة منتهية والضابط يقول تدري هؤلاء ما عندهم فلوس وساعدهم قلت له باصلح الكراج المناسب لي ويدفع لي قيمة التصليح وافق الضابط والحمد لله صلحت ودفعته المبلغ كامل مثل هؤلاء يساعدون الاجانب يتجاوزن في القانون ولا يهتمون

[بوحارب]

تبون الصدق وبدون زعل

وانا اول واحد

صرنا اخس منهم في الاسواقه

نسوق وعيونا على التلفونات ونروغ يمين ويسار ولا ننتبه



اتفق معاك كثير من ربعنا يسوق وعيونه على التلفونه

وحتى الأسيويين صاروا نفسنا

[المحاميه]

أخوي اذكرك

في التأني السلامة ..

اللي مستعيل يطلع قبل الوقت ..

وخلاص اصلا لازم نتعايش مع الزحمه ونرضى فيها .. لان صارت موجوده ف كل وقت وكل مكان ..

العجبه اصلا لو طلعت وحصلت الشوارع فاضيه ..

بعدين لاتلومهم يشوفون شارع شطول وسيارات من كل صوب اكيد بيتخرعون ..

ويضربون بريكات احسن من يسرعون ويجيبون العيد ..

والله يحفظ الجميع

[بوخالد911]

اقتراحي للمرور

غرامة مالية اللي يضرب بريكات وااايد .

[SouthK]

يبيلهم نيسان بصدام صب موديل 89 باب واحد (أبد مب عندي) و تعطيه ثالث و تدخل فيه علشان مرة ثانية يستعدل و يفتح الطريق!

المشكلة ان المرور يعطي الليسن بشكل عشوائي و على مبادئ تدريب و تقييم ما صارت تنفع .. و اذا احنا نتكلم عن فئة معينة و مشاكلها في الشارع الاحسن يتم تفعيل القوانين اللي تغرم القيادة بسرعة متدنية لكن لا حياة لمن يسوق!!!

[SouthK]

أخوي اذكرك

في التأني السلامة ..

اللي مستعيل يطلع قبل الوقت ..

وخلاص اصلا لازم نتعايش مع الزحمه ونرضى فيها .. لان صارت موجوده ف كل وقت وكل مكان ..

العجبه اصلا لو طلعت وحصلت الشوارع فاضيه ..

بعدين لاتلومهم يشوفون شارع شطول وسيارات من كل صوب اكيد بيتخرعون ..

ويضربون بريكات احسن من يسرعون ويجيبون العيد ..

والله يحفظ الجميع


صار لنا في مسلسل الزحمة من سنة 2000 تقريبا بدون حلول لمشاكل تسببت فيها بشكل مباشر و غير مباشر قوانين معطلة و اهمال و عدم مبالاة من الجهات المعنية ..

دوامي سبع و نص متى اطلع و انا بيني و بين دوامي اقل من 30 كيلو و اقدر اوصل في نص ساعة ةقت الزحمة لكن عقب ما اتعطل اغلب الوقت بسبب سواقين ما يندرى اشلون خذوا لياسن؟؟

الواحد يطلع من وقت عادي لكن المشكلة في السواقين و الحفريات اللي ما تخلص!!

[طلعة الروح]

تقليل ترخيص الدريولية بضبط العدد المسموح للاسره الواحده ومنع اعطاء تسجيل السيارات ورخصة قيادة لكل فرد من افراد عائله الاجانب راح يخفف من السيارات ع الطريق، اما المواطن لازم مايطلع من البيت الا عقب دراسة وغرض وهدف حقيقي لخروجه نفس وقت الدوام ومقاضي البيت مع دراسة مسؤولة لأماكن والطرق التي سيقطعها ويتجنب قدر الامكان الاماكن المعروفه بزحمتها الطبيعية في كل الاوقات ان كان موده يخلص بسرعه.

[بانغ بانغ]

التكنولوجيا جعلت الناس زومبيات ادمية

كل واحد ايكلم نفسه وايصورر نفسه ويمشي بنفسه و ايبربر ( سناب شات )

والاجانب خاصة النيباليين ... من سياكل لين سيارات !

كانك تعطي واحد ايسوق دبابة ..

يجب سحب الليسن من اي مخالف اجنبي فئة عمال لو مخالفة ادت لمشكلة مثل قطع سير عن اسعاف او حالة عاجلة او ما شابه

[معماري قطري]

السلام عليكم والرحمه الله وبركاته

بتكلم عن سبب الازدحام العيب مب فقط من شوارع لاحظت وخصوصا الهنود اغلبهم لايعرف كيف يقود السياره خصوصا طريق 24 فبراير او خط قطر السرسع بل معظم المناطق يضربون بريك من مسافه اكثر من 1000 متر دون اي مبررر ويسوق لك علي 60 وشارع مكتوب 80 هذولا كيف صار عندهم رخص قياده وهم سبب الازدحامات وسبب تعرقل طرقات الحل هو تعليمهم سواقه من جديد او سحب رخص القياده بصراحه مب واحد ولا اثنين معظمهم مايعرف يسوق

شفت شلة يمشون في سيارة مكسرة على طريق سلوى والسرعة عليه توصل 140 يمشون 60 وكنت بادعم السيارة من ورا والله ستر

السيارة ما تبين ليتاتها الخلفية ضعيفة ومكسرة والصالح منها مغبر .. العيب الصراحة والتقصير في الشرطة اللي مغمضين عن هذي الأُمور

وقبل رمضان واحد دخلت في مشكلة معاه وطلبت مخالفته يمشي شوي شوي ويسولف مع رفيجه ويوم طفته دخلت جدامه داس حق سيارته يبغي يسكر علي شوي واحتديت اضرب بريك بسبب الزحمة وبغى يدعمني ويمر جنبي معصب ويأشر ليش تضرب بريك .. حاولت اوقفه ما وقف سجلت رقم سيارته وبلغت عليه وكلموني الشرطة .. غريبين تعال بيواجهك قلت لهم انا فلان وهذي صفتي وللمحاكمة إدعوني .. بعدين كلمني ضابط قال رمضان قريب وسامحه قلت لو سامحته شوارعنا بتستوي مهزلة له ولأمثاله قال خلاص باسجل مخالفة وانت يحق لك تخالف قلت أحسن حتى يعرف القانون ما يقترح القانون من مخه

أمس واحد أو وحده في بورش كيان تدخل لفة وتسوي اشارة تبغي تطلع منها وتروح سيدة وتعرقل السيد .. مرة قلت معذورة على كثر التحويلات لكن جدام شوي وقفت في وسط الطريق وتنتظر المرور يوقف لها حتى تمر وتصير بريكات ورا بعض وانا منهم واللي وراي بغى يدعمني .. يعني كثير يفكرون في نفسهم بس وسواقتهم كلش تعبانة

[طلعة الروح]

شفت شلة يمشون في سيارة مكسرة على طريق سلوى والسرعة عليه توصل 140 يمشون 60 وكنت بادعم السيارة من ورا والله ستر

السيارة ما تبين ليتاتها الخلفية ضعيفة ومكسرة والصالح منها مغبر .. العيب الصراحة والتقصير في الشرطة اللي مغمضين عن هذي الأُمور

وقبل رمضان واحد دخلت في مشكلة معاه وطلبت مخالفته يمشي شوي شوي ويسولف مع رفيجه ويوم طفته دخلت جدامه داس حق سيارته يبغي يسكر علي شوي واحتديت اضرب بريك بسبب الزحمة وبغى يدعمني ويمر جنبي معصب ويأشر ليش تضرب بريك .. حاولت اوقفه ما وقف سجلت رقم سيارته وبلغت عليه وكلموني الشرطة .. غريبين تعال بيواجهك قلت لهم انا فلان وهذي صفتي وللمحاكمة إدعوني .. بعدين كلمني ضابط قال رمضان قريب وسامحه قلت لو سامحته شوارعنا بتستوي مهزلة له ولأمثاله قال خلاص باسجل مخالفة وانت يحق لك تخالف قلت أحسن حتى يعرف القانون ما يقترح القانون من مخه

أمس واحد أو وحده في بورش كيان تدخل لفة وتسوي اشارة تبغي تطلع منها وتروح سيدة وتعرقل السيد .. مرة قلت معذورة على كثر التحويلات لكن جدام شوي وقفت في وسط الطريق وتنتظر المرور يوقف لها حتى تمر وتصير بريكات ورا بعض وانا منهم واللي وراي بغى يدعمني .. يعني كثير يفكرون في نفسهم بس وسواقتهم كلش تعبانة

يبي لك تروق اثناء السواقه وتركلس الاندفاع والعصبية مايخدم الموقف خاصة ان هالمواقف قاعده اتكرر معاك بشكل يومي بالنسبه للبريكات المتخلفه او بلغة المرور الي مالها داعي يا اما تغير مسارك وتجاوزه بطريقه ما او تترك مسافه معتبره من باب الاحتياط وحتى تأمن الي وراك ان يترك مسافه وراك وهكذا بس اتفق معاك ان في حركات تجيب العيد وتضر الاخرين نفس المثال الي ذكرته.

[A-Alansari]

مدارس السواقه لازم يكون فيها المدربين قطريين

اذا هندي بنفسه سواقته مثل ويهه تروح تجيبه وتحطه مدرب

يعني هندي يدرب هندي شتبون المنتج مثلا شوماخر؟

انا اخبر يوم كنت اروح اتدرب كنت اسوق وقتها بدون ليسن ويوم اروح المدرسة المدرب يعطيني المفتاح يقول روح تدرب اي شي تبي لهالدرجة

واذا بنطلع شارع يوديني مخبز يشتري خبز حق بيتهم شغلني دريول :weeping:

هذا وانا كنت اعرف اسوق فتخيل لو واحد مايعرف يسوق ويجيله نفس هالمدرب شلون بيتعلم؟

[موظف ((حكومي]

نبي مخالفات لي يستعمل جواله اثناء سير المركبه

((تكلمت انا وشرطي يعطي مخالفات عشان باركن وقلت له انزين مخالفه لي يستعمل التلفون قال لي مانقدر نعطيه مخالفه

[محمد سعيد]

حاسب الي عطاهم الرخصة

[شيخ الديرة]

نبي مخالفات لي يستعمل جواله اثناء سير المركبه

((تكلمت انا وشرطي يعطي مخالفات عشان باركن وقلت له انزين مخالفه لي يستعمل التلفون قال لي مانقدر نعطيه مخالفه

شرطي ؟ مع كل احترامي له، ليس كل شرطي فاهم القانون وفقراته.

اقرأ المادة 95 وماذا يقول عن المادة 54، رلا عليك امر شارك مع الاعضاء ما استنتجت من ذلك
http://www.almeezan.qa/LawArticles.aspx?LawTreeSectionID=13205&lawId=3993&language=ar

[شيخ الديرة]

انا ودي اشوف شرطي مرور يخالف اللي يمشي بطيء

واللي يبط جبدي بعض السواقين لما ينتقل من مسار الى مسار يضرب بريك !!!!!
اضربوك بعجرة ان شاء الله.

روووووء تائلك :discuss:

على المستوى العام للسلامة المرورية، ولو تسأل قسم الطوارئ في مؤسسة حمد، اللي يمشي سريع يستحق الغرامة ، وليس البطئ.

الحادثة بين سيارتين بطيئة عواقبها تختلف عن سيارة سريعة واخرى بطيئة.
اول من يعارض مخالفة البطئ هم قسم الطوارئ، لأن شافوا مصايب مهولة بسبب السرعات العالية

اعتبر السيارات البطيئة مكعبات ثلج في كوب ماء دافئ، مهدئات للانسيابية المرورية.

[المحاميه]

الحمدلله اني ماسوق
ولا كانت بتستوي كارثه :secret:

[شيخ الديرة]

الحمدلله اني ماسوق
ولا كانت بتستوي كارثه :secret:

تستحقين مكافئة سنوية على هذا الاعتراف

[شبح الصمت]

مع احترامي والله الشديد للبعض ..

اذا لف عليه موتر قديم يلحقه ويكبس له ومستعد يذله ذل .

واذا لف عليه واحد موتره فخم ركد ويمكن ينزل يبوس خشمه البعض اقول .


ليش يعني ترى الخطا اهو نفسه نفسه ذاك راعي الموتر القديم لف عليك
وارعي الموتر الفخم لف عليك


ليش تعصب على ذاك وهذه لا ..
خلك منصف في كلا الحالتين وخلك راعي شخصية

في ناس استغفر الله العظيم احسهم فيهم نقص صح

[شيخ الديرة]

مع احترامي والله الشديد للبعض ..

اذا لف عليه موتر قديم يلحقه ويكبس له ومستعد يذله ذل .

واذا لف عليه واحد موتره فخم ركد ويمكن ينزل يبوس خشمه البعض اقول .


ليش يعني ترى الخطا اهو نفسه نفسه ذاك راعي الموتر القديم لف عليك
وارعي الموتر الفخم لف عليك


ليش تعصب على ذاك وهذه لا ..
خلك منصف في كلا الحالتين وخلك راعي شخصية

في ناس استغفر الله العظيم احسهم فيهم نقص صح

اتفق معك، هذا يطلق عليه مصطلح الطبقية المرورية، وهذا حوار يحتاج منتدى لحاله

[شبح الصمت]

اتفق معك، هذا يطلق عليه مصطلح الطبقية المرورية، وهذا حوار يحتاج منتدى لحاله



وتحصل بعضهم ملتزم في السواقه بس عيبه عنصري فالسواقه

او يمكن البعض سواقته اعوذ بالله يلف على ذي ويخالف ذي

ويجيك يتحلطم انزززين بالاول شوف نفسك

دامني انه على خطأ فاحترم نفسي والا اتحلطم على العالم

وسب ذي والعن ذي

استغفر الله العظيم

[محمد عبدالرحمن]

ليش اجيب واحد اعلمه في شوارعي أصلاً ؟

تحولت الدوحة الى ساحة تعليم سياقة لكل من هب ودب.
هناك مكاتب دولية معتمدة يمكن استخدام شهاداتهم كمؤهل اساسي لاستقدام السائق

بل تحول الوضع العام للتجارب، قيادة على الطرقات، مستويات فكرية، مستشاري صناع قرار في كثير من القطاعات، كلها تجارب من نوع "أيما شيء" لا من نوع "شيئاً ما"، أخبروني من نحن بالنسبة للعالم و حاجته لنا بعد يوم واحد من 2022 و رؤية قطر 2030.

[بانغ بانغ]

وتحصل بعضهم ملتزم في السواقه بس عيبه عنصري فالسواقه

او يمكن البعض سواقته اعوذ بالله يلف على ذي ويخالف ذي

ويجيك يتحلطم انزززين بالاول شوف نفسك

دامني انه على خطأ فاحترم نفسي والا اتحلطم على العالم

وسب ذي والعن ذي

استغفر الله العظيم

وازيدك

اتلف على الشرطي لبنانية او بنت .... ان الله غفور رحيم ويمكن ما انتبهت

ايلف عليه قطري .... ايقطع الربع الخالي وراه عشان ايخالفه

ازدواجية معايير

[راجي الْعفو]

وازيدك

اتلف على الشرطي لبنانية او بنت .... ان الله غفور رحيم ويمكن ما انتبهت

ايلف عليه قطري .... ايقطع الربع الخالي وراه عشان ايخالفه

ازدواجية معايير

ياخي توصيفك عجيب ^_^

----

اتوقع لو قانون المرور شاف سواقة هالفئة كان انتحر وقال قبل ذلك:

ليتني لم يلدني المسؤولون ^_^

[JN000N]

مع احترامي والله الشديد للبعض ..

اذا لف عليه موتر قديم يلحقه ويكبس له ومستعد يذله ذل .

واذا لف عليه واحد موتره فخم ركد ويمكن ينزل يبوس خشمه البعض اقول .


ليش يعني ترى الخطا اهو نفسه نفسه ذاك راعي الموتر القديم لف عليك
وارعي الموتر الفخم لف عليك


ليش تعصب على ذاك وهذه لا ..
خلك منصف في كلا الحالتين وخلك راعي شخصية

في ناس استغفر الله العظيم احسهم فيهم نقص صح

لا احنا ماعندنا هالكلام
يوم ان سيارة يديده بعد موديل 2016 اذتنا قدامنا تلفلف
دعمناها عمد
والغلط عالي قدامنا مب علينا
ماضرب اشاره بيلف ومافتحناله وهو متعنتر وفالنهايه سيارته تعورت واحنا ماصادنا شي
اصلا حتى لو طق اشاره ماله حق يلف لين تعطيه مجال

[طلعة الروح]

لا احنا ماعندنا هالكلام
يوم ان سيارة يديده بعد موديل 2016 اذتنا قدامنا تلفلف
دعمناها عمد
والغلط عالي قدامنا مب علينا
ماضرب اشاره بيلف ومافتحناله وهو متعنتر وفالنهايه سيارته تعورت واحنا ماصادنا شي
اصلا حتى لو طق اشاره ماله حق يلف لين تعطيه مجال

جذي تصير الشوارع غابة عباره عن وحوش تأكل بعضها بعضا
وساعات فعلا يجيني هالشعور لما اشوف اندفاع العالم ولهاثهم للوصول في جميع الاوقات والمناسبات الجميع مندفع ومستعجل مع ان فعل الاستعجال والتهور يكون بدون مبالغة أكبر من اهمية الحدث نفسه (متمثلا في خروجه العظيم الى الشارع ذلك اليوم)

[طلعة الروح]

وازيدك

اتلف على الشرطي لبنانية او بنت .... ان الله غفور رحيم ويمكن ما انتبهت

ايلف عليه قطري .... ايقطع الربع الخالي وراه عشان ايخالفه

ازدواجية معايير

مب شرط وياما صارت مخالفات وطلب حجز لمواتر بنات واصلا مايدري الشرطي وماينتبه لمن داخل الموتر بس يمكن بعض الشرطه يحترم حق النساء اكثر من غيره ويرى ان المرأة تعذر اكثر من الجنس الخشن في الشارع وانا ضذ الشي هذا لان قانون المرور يمشي على الكل والي يجهله او يستغبى يقعد ف بيته احسن له واحسن للناس.

[جوال 11]

انا خالفوني مبلغ 500 ريال وحجز السيارة اسبوع لاني وقفت امام مدخل حسب المخالفة وانا كنت واقف في الدفنة امام الحوطة التي عليها شعار بنك قطر جنب البريد فاضية ولا حد فيها مجرد سور ولها باب .
الدفنة ما لها مواقف واجبروا الشركات تستأ جر الابراج والموظفين والمراجعين يدفعون المخالفات المبنى له 20 موقف تحت المبنى وموظفي الشركة اكثر من 300 موظف ارحموا الناس من المخالفات أخطاء البلدية في الموافقة على عمل الابراج بدون مواقف الاراضي الفاضية اعملوا فيها مواقف تحت الارض ووسعوا على الناس

[JN000N]

جذي تصير الشوارع غابة عباره عن وحوش تأكل بعضها بعضا
وساعات فعلا يجيني هالشعور لما اشوف اندفاع العالم ولهاثهم للوصول في جميع الاوقات والمناسبات الجميع مندفع ومستعجل مع ان فعل الاستعجال والتهور يكون بدون مبالغة أكبر من اهمية الحدث نفسه (متمثلا في خروجه العظيم الى الشارع ذلك اليوم)

على اساس ان احنا في حديقة غناءة والا شوارع سمحه
روحي امريكا شهر وجوفي سواقة حتى العرب المستهترين هني
بتجوفينهم يمشون عالمسطره ومتسنعبن
اما عندنا كلن يستقوي
واذا بتفكرين تتصلين للمرور وتشتكين مثل ما صار لي مليون مره بيقولون لج تعالي المركز وقدمي بلاغ
مره بغا يقلبنا ياهل الشنب ماخط ف ويهه وانا مع الدريول ويوم اتصلت قالولي تعالي المركز
لا انا مب رايحه المركز
واذا المرور نفسهم ما حطو حلول لهالمشاكل
كلن بيحل مشكلته بطريقته
وانا مع اللي يدعم لين حد يستهبل قدامه عشان يعرف ان الله حق
وهو الخسران سيارته تتضرر وبتنصبغ وتنزل قيمتها

[نفسي عزيزه]

الاسبوع الي طاف صادني كروزر الظاهر متهاوش مع مرته حرقني حراق بالهرن وانا فالهولكس قريب الدوار حكرني بزاويه وكان رفيجي يسوقه وواخر عنه والا ذاك يرفع يده ويتحلطم علينا وعلى الي معاه لاحول ولاقوة الا بالله
انا حزنت على الهولكس 2016 لحد الان مايحترمونه بالشارع ويهرنون عليه
الظاهر باشتري جمس دبل تاير واربع غمارات ومافيه مني فول البقاء للاقوى

[بانغ بانغ]

الاسبوع الي طاف صادني كروزر الظاهر متهاوش مع مرته حرقني حراق بالهرن وانا فالهولكس قريب الدوار حكرني بزاويه وكان رفيجي يسوقه وواخر عنه والا ذاك يرفع يده ويتحلطم علينا وعلى الي معاه لاحول ولاقوة الا بالله
انا حزنت على الهولكس 2016 لحد الان مايحترمونه بالشارع ويهرنون عليه
الظاهر باشتري جمس دبل تاير واربع غمارات ومافيه مني فول البقاء للاقوى

ايوا الحين عرفت الوصفة الطبية
انا اذا المزاج كلش ... اطلع في السييرا دبل كابين والله يرحم المتحرش

[شيخ الديرة]

ايوا الحين عرفت الوصفة الطبية
انا اذا المزاج كلش ... اطلع في السييرا دبل كابين والله يرحم المتحرش

عدنا وكيل بالدوحة لهذي الماركة ؟

مشاركاتكم تقول ان الشوارع غير
http://images1.wikia.nocookie.net/__cb20111016080854/rage/images/thumb/e/ea/Cuprino_Transparent.png/300px-Cuprino_Transparent.png
https://www.google.com/search?q=fighter+car&client=ms-android-oneplus&prmd=ivsn&source=lnms&tbm=isch&sa=X&ved=0ahUKEwiEt4iJirzNAhXL2RoKHbNaD-wQ_AUIBygB&biw=360&bih=559#tbm=isch&q=rage+car&imgrc=j5MrDt5X3rmlcM%3A

[معماري قطري]

على اساس ان احنا في حديقة غناءة والا شوارع سمحه
روحي امريكا شهر وجوفي سواقة حتى العرب المستهترين هني
بتجوفينهم يمشون عالمسطره ومتسنعبن
اما عندنا كلن يستقوي
واذا بتفكرين تتصلين للمرور وتشتكين مثل ما صار لي مليون مره بيقولون لج تعالي المركز وقدمي بلاغ
مره بغا يقلبنا ياهل الشنب ماخط ف ويهه وانا مع الدريول ويوم اتصلت قالولي تعالي المركز
لا انا مب رايحه المركز
واذا المرور نفسهم ما حطو حلول لهالمشاكل
كلن بيحل مشكلته بطريقته
وانا مع اللي يدعم لين حد يستهبل قدامه عشان يعرف ان الله حق
وهو الخسران سيارته تتضرر وبتنصبغ وتنزل قيمتها

السبب بسيط ما فيه قانون مفروض

[معماري قطري]

الاسبوع الي طاف صادني كروزر الظاهر متهاوش مع مرته حرقني حراق بالهرن وانا فالهولكس قريب الدوار حكرني بزاويه وكان رفيجي يسوقه وواخر عنه والا ذاك يرفع يده ويتحلطم علينا وعلى الي معاه لاحول ولاقوة الا بالله
انا حزنت على الهولكس 2016 لحد الان مايحترمونه بالشارع ويهرنون عليه
الظاهر باشتري جمس دبل تاير واربع غمارات ومافيه مني فول البقاء للاقوى

انت وفي للهيلوكس وتوها جديدة

[معماري قطري]

روووووء تائلك :discuss:

على المستوى العام للسلامة المرورية، ولو تسأل قسم الطوارئ في مؤسسة حمد، اللي يمشي سريع يستحق الغرامة ، وليس البطئ.

الحادثة بين سيارتين بطيئة عواقبها تختلف عن سيارة سريعة واخرى بطيئة.
اول من يعارض مخالفة البطئ هم قسم الطوارئ، لأن شافوا مصايب مهولة بسبب السرعات العالية

اعتبر السيارات البطيئة مكعبات ثلج في كوب ماء دافئ، مهدئات للانسيابية المرورية.

معليش سيارات بطيئة لكن يضرب بريك حتى يغير مسار ليش ومن سرعته يعني .. بعضهم يمشي 60 في شارع 80 وماسك اليسار وبياخذ لفة يسار يوصل المسرب ولا يلف وفجأة يضرب بريك بعدين يلف لين قرب من نهاية مدخل المسرب اليسار .. هذا صراحة يستاهل مخالفة دسمة

[معماري قطري]

يبي لك تروق اثناء السواقه وتركلس الاندفاع والعصبية مايخدم الموقف خاصة ان هالمواقف قاعده اتكرر معاك بشكل يومي بالنسبه للبريكات المتخلفه او بلغة المرور الي مالها داعي يا اما تغير مسارك وتجاوزه بطريقه ما او تترك مسافه معتبره من باب الاحتياط وحتى تأمن الي وراك ان يترك مسافه وراك وهكذا بس اتفق معاك ان في حركات تجيب العيد وتضر الاخرين نفس المثال الي ذكرته.

لو كنت قريب كان دعمت بس اللي وراي بغى يدعمني والسبب من اللي واقف في وسط الطريق يبي يغير مساره ومتورط .. والحمد لله دوم ملتزم بالحزام والمسافة القانونية وكله تلفوني على الهاند فري ولا اتصل بس ارد على الاتصالات ولا اتصل الا اذا وقفت .. حتى المسجات ما امسك التلفون واقراها عند الدوار لعلمي إن الكاميرات بدت تشتغل وبتصور الكل وقريب يطبقون قانون اللي يتصور ماسك التلفون بيتخالف واللي يتصور بدون حزام بيتخالف كذلك واللي تكون عليه نقاط بيرتفع التأمين على سياراته .. وانا حاب اعيش في ظل القانون ومقتنع به

[بانغ بانغ]

عدنا وكيل بالدوحة لهذي الماركة ؟

مشاركاتكم تقول ان الشوارع غير
http://images1.wikia.nocookie.net/__cb20111016080854/rage/images/thumb/e/ea/Cuprino_Transparent.png/300px-Cuprino_Transparent.png
https://www.google.com/search?q=fighter+car&client=ms-android-oneplus&prmd=ivsn&source=lnms&tbm=isch&sa=X&ved=0ahUKEwiEt4iJirzNAhXL2RoKHbNaD-wQ_AUIBygB&biw=360&bih=559#tbm=isch&q=rage+car&imgrc=j5MrDt5X3rmlcM%3A


ههههههه يبيله والله

[النهار]

عدنا وكيل بالدوحة لهذي الماركة ؟

مشاركاتكم تقول ان الشوارع غير
http://images1.wikia.nocookie.net/__cb20111016080854/rage/images/thumb/e/ea/Cuprino_Transparent.png/300px-Cuprino_Transparent.png
https://www.google.com/search?q=fighter+car&client=ms-android-oneplus&prmd=ivsn&source=lnms&tbm=isch&sa=X&ved=0ahUKEwiEt4iJirzNAhXL2RoKHbNaD-wQ_AUIBygB&biw=360&bih=559#tbm=isch&q=rage+car&imgrc=j5MrDt5X3rmlcM%3A

ههههههههههههههههههههههههه
ان جاك خان بسكس ويل ولف عليك ايش بتسوى لك هالقوطي

[سليمان احمد]

في امريكا بالذات الثقافه المروريه ل 90% الى 95% متوافقه مع فكر واسلوب وقياده الشارع هناك

وهناك تخطيط للشوارع والطرق يساعد وهناك حزم في المخالفات مثل السرعه وقطع الاشاره والالتزام بالمسار

لذلك الفئه القليله 5%من النوع ( الحيوان ) اللي يتعدى على حقوق الاخرين في فرض فوضويته على الناس بتجاوز

السرعه المحدده او العكس من خلال تعطيل حركه السير بالبطئ في السواقه او التجاوز او البريكات هذولاء يذوبون

ولايقدرون يفرضون هالاسلوب لانه هناك قوانين وهناك التزام تام من السائقين وعشان كذا يضطر يلتزم بالقانون

لانه وجد بيئه وقوانين وسائقين ملتزمين وغرامات تحد من جعله فوضوي ويسوق على كيفه

اما هنا في قطر فللاسف موجوده قوانين لكن الغالبيه ضاربين بعرض الحائط سواء مواطنين او مقيمين لذلك الشخص

الملتزم والمنضم يجد نفسه وسط عالم من الفوضويه ويرى انه هو المختلف الوحيد وحقه في السير يضيع منه بسبب

الاخرين وحقه في الاولويه في مساره يراه وهو يتعدى عليه السائقين وكي لايصاب بالجلطه يضطر انه يمشي مع

قانون ( الفوضى ) المروري للناس هنا وغير التخطيط في الطرق وبعض الجسور والشوارع ووجود اشاره داخل دوار

وشرطي مترجل واحيانا عشوائيه والنتيجه هذه الفوضى اللي نشوفها في شوارعنا الزبده

اخذ شخص فوضوي ووده لبلد منظم مروريا يصبح سائق ملتزم بسبب غلبه التنظيم

وجب شخص منظم في بلد فوضوي مروريا المحصله اما شخص يتحول تلقائيا الى فوضوي مع الغالبيه

او شخص يضيييع حقه في الشارع لانه الوحيد الملتزم

[مضارب دوسري]

هو صحيح ان سواقتهم مب تمام
وان احيانا الواحد يتنرفز من سواقتهم

وطبعا هالفتره بسبب الصيف والصيام البعض يكون متنرفز خلقه

ولكن لو جينا للحق

ايهم اكثر وفيات السيارات

المواطنين
ام
المقيمين والاجانب


هل شفتوا مقيم او اجنبي ماسك جواله وهو يسوق الا نادرا ؟

[طلعة الروح]

هو صحيح ان سواقتهم مب تمام
وان احيانا الواحد يتنرفز من سواقتهم

وطبعا هالفتره بسبب الصيف والصيام البعض يكون متنرفز خلقه

ولكن لو جينا للحق

ايهم اكثر وفيات السيارات

المواطنين
ام
المقيمين والاجانب


هل شفتوا مقيم او اجنبي ماسك جواله وهو يسوق الا نادرا ؟

ضبط النفس في السواقه اهم من السواقه نفسها

الالتزام مش خيار شخصي قد ماهو مسؤولية عامة واجبه على كل سائق المشكله عندك diversity mix و عدم تناغم في معرفة الحقوق والواجبات المرورية بين الشرائح المختلفه للسواقين لما يغلب عليها خصائص بارزة كالجهل من جهة والاندفاع من جهة اخرى هاي طبعا يحفز السائق المتحفظ باتخاذ استراتيجة خاصه avoiding strategy او بمعنى اخر المشي جنب الطوفه وطلب السلامه من رب العباد قد ماشفنا مواقف خلتنا نتخذ هالاستراتيجية بعد استقراء وفهم لواقع الطرق ومستخدمي الطرق.

[كاشف الغطاء]

ما ينلامون من يشوفون الرادار يتخرعون وشوارعنا السرعة 110 بس العلامات 50 ! 22 فبراير صوب التحويلات اشلون ما تدري
مأساة يومية

[حليتان*]

بيضرب بريك فويهي وله بيسوي نفسه مينون بيلف علي فالدوار هو بيزعل هههههه من اكثر ما ادعم ابوي قالي بحط لك دريول ههههههه مايدري اني بالعماله ادعمهم هههههه

مره دعمت 2 مره وحده

واحد لف علي فالدوار وديت جمب موتره نزلت له الجامه قلت له تعال المركز والثاني وانا رايح المركز طلع من اللفه فويهي طيرته هههههههه خليتهم هم الثنين يلحقوني

يوم رحت المركز المحقق يقولي هاي انت داعمهم ؟ :omg: موتري مافيه الا زلغ ع طرف الصدام ويروح بالبولش وبرغي واحد مال التصفيحه الي فالصدام انكسر والدواسه انطعجت

[نورث يورك]

لازم نكون متسامحين وصبورين ...

[فيصل99]

بيضرب بريك فويهي وله بيسوي نفسه مينون بيلف علي فالدوار هو بيزعل هههههه من اكثر ما ادعم ابوي قالي بحط لك دريول ههههههه مايدري اني بالعماله ادعمهم هههههه

مره دعمت 2 مره وحده

واحد لف علي فالدوار وديت جمب موتره نزلت له الجامه قلت له تعال المركز والثاني وانا رايح المركز طلع من اللفه فويهي طيرته هههههههه خليتهم هم الثنين يلحقوني

يوم رحت المركز المحقق يقولي هاي انت داعمهم ؟ :omg: موتري مافيه الا زلغ ع طرف الصدام ويروح بالبولش وبرغي واحد مال التصفيحه الي فالصدام انكسر والدواسه انطعجت


الصبر زين ولكن بمقام وحدود

احيانا مافعله الاخ هو الحل

يوم يجي على بالك انه للناس عليك حقوق لازم يجي على بال الناس انه جا على بالك انه لهم حقوق وانه لك حقوق:eek5:

[ya3coub]

لازم نكون متسامحين وصبورين ...

اي متسامحين والله امس واحد يتعافر معاي و انا قافله معاي اشوة ما صار حادث خشن المشكلة اهله معاه و انا اصلن رايح حق اهلي و مو وقت حوادث بس صج كان ودي اشوفه يدعم على الحركات الي يسويها

[معماري قطري]

بديت الاحظ كثير من الشباب والقطريين عموماً يمشون صج بطيء ومشغولين مع التلفونات ومرفعين سياراتهم من ورا وحاطين رمانة متر

ما ادري الشرطة مغمضين أو ما يشوفون اللي حاصل وكل واحد يسوق على كيفه كأن الطريق ملك له وحده .. لو بغى يسرع وخروا من جدامي متعود على ألعاب الكمبيوتر والدعمة كله يتخيلها لعب وتصوير .. ولو بغى يخفف بياخذ راحته ويومه كله في السعي في الشوارع

[Riku3]

قبل كنت اشوف مقاطع السواقه في الدول المجاورة واقول الحمد لله احنا في خير ونعمة .. بس بعد ما سقت في امريكا شهر ونص عرفت ان حتى عندنا النظام ضايع ..

كل السيارات تمشي بسرعه الشارع او اكثر ونادر جداً لما تلاقي حد يمشي بسرعه بطيئة وواضح عليه اما سائح او مضيع .. اما الباقي ملتزمين .. وطول الوقت كنت في الشارع ولا شفت الحوادث الي اشوفها عندنا ! ..

يسوون شوارع وسيعه وتخطيط للمستقبل وتمشي وانت مرتاح .. مرات تحس الشارع مليان سيارات بس كلنا نمشي بسرعه تستغرب من احترامهم للشارع ..

ينزل مطر ساعات وبعده بدقايق تحصل الشوارع مافيها نقطة ماي ولو نفس هالمطر نزل في الدوحة 10 دقايق اليوم الثاني المدارس تعطل ونص الدوحة تغرق @_@ ..

اول يوم استغربت كيف كذا تقاطع بدون اشارات !! .. بس مع الوقت تعودت على نظامهم واحترام الدور ..

عندنا انقهر لو كنت اول واحد في الاشارة .. من تفتح وامشي بسرعه عادية لمسافة قصيرة اشوف نفسي معدي الي كانوا معاي بمسافة كبيييييرة ..... ليش ياخذ وقت طويل علشان يزيد السرعه ويوصل 60 والا 80 ؟؟؟؟!!!! .. لا تقولون سياراتهم صغيرة او عزمها ما يساعد .. سقنا مثل مواترهم ونعرف ان السبب من السائق مب السيارة ..

اول امس في شارع المطار شفت موقف فاضي وضربت اشاره واحترمت الي جاي من الطرف الثاني مع ان كان عندنا وقت ادخل بسهولة ...... راح الــ***** خذ الموقف !!!! .. تعوذت من ابليس وقلت صايم بس صفيت وراه قفلت عليه ونزلت الدوبي خلصت شغلي وطلعت ولا فتح حلجه >_< .. الاحترام مايفيد للاسف والشرهه علي انا المفروض اسوق برعونه .

[معماري قطري]

إخوي ركوع أمريكا في كل داعوس تشوف سيارة شرطة غير عن المخفيين وكلهم يراقبون المرور ويخالفون حتى اللي يمشي بطيء يتحاسب وأوقات تنلغي رخصته فتحصل الشياب يحترمون القانون

[khaldoon]

اتمنى سحب الرخصه من كل واحد يمشي اقل من سرعة الشارع و يكون في رادار يراقب السرعات المنخفضه و يتخالف و يصير فيه مثل اللي يصير باللي يسرع لكل واحد ماشي شوي شوي بدون مبرر بما انه عندنا رادارات ذكيه

[eXpert*]

والغريب انه لما يفتح لك اليسار، يرجع بعد ان تسبقه، واليمين فارغ، وخاصة سائقات نيسان ساني و ميتسوبيشي لانسر

يبدو هناك من قال لهم ان اليمين للسواق المساكين او الدرجة الثانية...

عجزت أفسر هذه النظرية لليوم مب فاهم . حالفين عليه ما يسوق الا في الحارة اليسار .

[eXpert*]

8000 رخصة قيادة في الشهر * 12 = 96000 رخصة في السنة ..

تخيل تقريباً 100 ألف ليسن ينصرف كل سنة !! يعني الشعب كله يسوق :omg:

[LSBU]

المفروض حتى نفتك من مشكلة البريكات هذي

ادارة المرور تسوي مسابقة خاصة لهم الي تعيش سفايفة اكثر من شهر يعطونة دهن لراس مع وزار مقلم :ok:

مرة واحد جدامي من بعيد سيارتة سكويا قسم بالله محد حولة اشوفة بعيد بروحة ضرب بريك من قوة البريك الشاصي من تحت بين كامل :eek5:

[بوخالد911]

المفروض حتى نفتك من مشكلة البريكات هذي

ادارة المرور تسوي مسابقة خاصة لهم الي تعيش سفايفة اكثر من شهر يعطونة دهن لراس مع وزار مقلم :ok:

مرة واحد جدامي من بعيد سيارتة سكويا قسم بالله محد حولة اشوفة بعيد بروحة ضرب بريك من قوة البريك الشاصي من تحت بين كامل :eek5:

يمكن قطو مر جدامه !!
:)

[طلعة الروح]

المفروض حتى نفتك من مشكلة البريكات هذي

ادارة المرور تسوي مسابقة خاصة لهم الي تعيش سفايفة اكثر من شهر يعطونة دهن لراس مع وزار مقلم :ok:

مرة واحد جدامي من بعيد سيارتة سكويا قسم بالله محد حولة اشوفة بعيد بروحة ضرب بريك من قوة البريك الشاصي من تحت بين كامل :eek5:

مستغنيين عن بريكاتهم العالم بس لو تاخذ نظره تحليليه تكتشف ان استخدام الهاتف وعدم التركيز هو السبب الرئيسي وكذا واحد يخبط بموتره او يكسر مساره او بريك بدون داعي اشوفه ماسك التلفون او مشغول بالسوالف مع الي احذاه.

[qatara]

طيب والي

يتمشون وياكلون ولا يتقهوون بالسياره اغلبهم شبابنا

والي يتمشون وومع التيلفون .....

والي يتمشون ولا كن في الشارع الا هم شوي
ويدعم الي قدامه حتا لو الي قدامه يمشي بسرعه قانونيه

هل هولاء أجانب

؟

[بورصجي_جديد]

ياجماعه اليوم المغرب والله هههه ضرب دريول بريك جامد وقدامي تخيلوا مافي ولا سياره قدامه ولا شي هههه وشي ثاني تخيلوا الاشاره خضرا يمشي علي 40 وشارع فاضي

[qatara]

ياجماعه اليوم المغرب والله هههه ضرب دريول بريك جامد وقدامي تخيلوا مافي ولا سياره قدامه ولا شي هههه وشي ثاني تخيلوا الاشاره خضرا يمشي علي 40 وشارع فاضي

الحمد لله على السلامه

الغلط منك لو دعمته لانك ماتركت مسافه امنه بينك وبينه

[aloosh]

الحل واحد فقط

تشديد على مدارس السواقه
واي واحد اخذ ليسن بموجب ليسن بلاده يعاد له التراي

غير هذا ما فيه

وسمعت اللي ما عندهم رخص ويبي يتصل في بلاده واحد من اهله يطلع له رخصه ويطرشها

لعبه في كل شي

والله اذا لم تصير ضوابط للاجانب

تزيد المشاكل ليست السواقه فقط

[شيخ الديرة]

الحل واحد فقط

تشديد على مدارس السواقه
واي واحد اخذ ليسن بموجب ليسن بلاده يعاد له التراي

غير هذا ما فيه

وسمعت اللي ما عندهم رخص ويبي يتصل في بلاده واحد من اهله يطلع له رخصه ويطرشها

لعبه في كل شي

والله اذا لم تصير ضوابط للاجانب

تزيد المشاكل ليست السواقه فقط

مدارس السواقة هي أساس المشكلة مع السواق الجدد

1. ليس عندهم اي اعتماد او تقييم دولي
2. المعلمين لا يهمهم غير البغشيش بعد النجاح
3. لا يدخلون المتعلمين للطرق السريعة من اجل التدرب الصحيح عليها
4. لا يستخدمون حواسيب المحاكاة لكل السواق للتعلم على أدب السياقة
5. يبدو المدارس لازلت تقرأ 1960 على تقويمها
6. ادعو الى استخدام امتحان للذكاء قبل دخول امتحان السياقة

[aloosh]

مدارس السواقة هي أساس المشكلة مع السواق الجدد

1. ليس عندهم اي اعتماد او تقييم دولي
2. المعلمين لا يهمهم غير البغشيش بعد النجاح
3. لا يدخلون المتعلمين للطرق السريعة من اجل التدرب الصحيح عليها
4. لا يستخدمون حواسيب المحاكاة لكل السواق للتعلم على أدب السياقة
5. يبدو المدارس لازلت تقرأ 1960 على تقويمها
6. ادعو الى استخدام امتحان للذكاء قبل دخول امتحان السياقة

بزيدك ان البعض يروح معا دريوله ويسولف معا الضابط ويطلع باليسن
يعني كل شي مخربط ما فيه نظام

[هيليوم]

سمعت ان اللي يدعم من ورا حاليا يدفع غرامة الف ريال بسبب عدم ترك مسافة كافية ، يعني موت وخراب ديار

[نجم سهيل]

السلام عليكم

سالفة ضحكتني

يقول لكم واحد من الربع خذ الدريول وطلع وياه يراويه

يقول له شوف .. اللي بيفتح لك الخط من نفسه قطري واذا مافتح انتوا ادرى وش بيطلع والدريول مب مقتنع بكلامه،المهم طلع وياه وخلاه يشوف لين قال له اي والله صحيح .


الله أعلم هالخط السريع وش فيه من سحر معلق قلوب الآسيويين فيه

[ثابت]

انا اقول ليش الشوارع عندنا خربانة من بريكات الدريولية :)

ما انسى هالموقف لدرجة من قوة الموقف تميت اضحك لين اليوم كل ما اتذكرة

تذكرون اول ما حطوا قانون مخالفة قطع الاشارة 10 الف في شارع حمد الكبير الاشارة الي بالنص عند البنوك الاشارة خضراء ودريول في بيك اب جاي مسرع الاشارة خضراء وصارت صفراء وهو خلاص متعدي قدة من قوة الخوف من المخالفة والله العظيم احسة مب داس بريك احسة قط نفسة كامل على البريك فجر ام السفايف والله انة موترة من قوة البريك افتر عرض في نص الشارع ومن قوة العطبة تقول انفجار صاير اقول حسبي الله عليهم كان بيودون الرجال في ستين داهية الظاهر تذكر المخالفة وهو قدة بنص الاشارة وعادي يقدر يطوف بس صادة القريقة ام الركب

[موظف ((حكومي]

ارحم من هندي يسوق كورلا المهم اهو طايف الاشاره صارت صفرا ضغط بريك ورجع في وجهي بس لفيت منه وكملت طريقي (( ساعه 6 و45

[حليتان*]

يعني فالذمه اذا اكثر مدربين السواقه اسيوين ومهم اصلا مايعرفون يسوقون شلون تبونهم يعلمون غيرهم عدل ؟؟!

الحمدلله ان اغلبنا ابهاتنا علمونا لادشينا مدرسة سواقه ولاشي وله كان الشارع فخرايطها

[بومحمد المطاوعه]

المشكله في بعض الناس ,,

لو تسوق سوبر بان او يوكن
يجونك الشباب من ورى
ويكبس ليتات تقول برررق مب ليت
ويلصق فالموتر ويطق هرانه

انزين ليش ياماوكلي !!

يعني الي يسوق هالموتر مب انسان ,,
ولو قلنا دريول يسوق اكيد في نسوان فالموتر في اطفال في بشر

ليش هالتصرف الغير انساني ,,

لأني مجرب الحالتين عندي تاهو وعندي لكزس
لو اطلع في اللكزس ما احصل هذي الحفلات في الشارع

لكن خلوني اطلع في التاهو
تعالو شوفو العرس الي يصير ورى الموتر ,,

وهالكلام اتكلم عنه على خط 22 فبراير ,,
من بعد جسر الشمال لين دوار خميس العبيدلي
والعكس صحيح

والله يعين الناس الي على هذا الخط ,,

[بومحمد المطاوعه]

مع احترامي والله الشديد للبعض ..

اذا لف عليه موتر قديم يلحقه ويكبس له ومستعد يذله ذل .

واذا لف عليه واحد موتره فخم ركد ويمكن ينزل يبوس خشمه البعض اقول .


ليش يعني ترى الخطا اهو نفسه نفسه ذاك راعي الموتر القديم لف عليك
وارعي الموتر الفخم لف عليك

ليش تعصب على ذاك وهذه لا ..
خلك منصف في كلا الحالتين وخلك راعي شخصية

في ناس استغفر الله العظيم احسهم فيهم نقص صح

ياريال
هذيله والعياذ بالله مب محترمين ,,
لأن مره صار موقف جدامي نفس الشي والله
بس راعي هالموتر القديم
طلع قطري
وماوصفلك شسوى في العنتر الي مستقوي عليه

[السكين]

أنا من أشوف برادو ولا أكورد ولا سي آر في ولا لانسر اقول الله يستر !

أمس من اشارات نادي قطر باتجاه البريد أو اشارة برزان طبعاً الاشارة فتحت والكل عارف زحمتها والمسارات ضيقة ، وفيه هوندا سي ار في ماسك اليسار ، فجأة صنفت معاه يلف اللفة اليمين ضرب بريك ووقف ينتظر المسارين اللي جنبه يفضوا بالاضافة للخط الداخلي اللي يمهدك لدخول اللفة لدرجة اللي وراي كان بيدعمني والله.

واليوم من اشارت دحيل باتجاه جسر الشمال برادو ماسك الخط اليمين والخط مزدحم ولا عرفت اتجاوزه والاشارة بعيييييييدة، لما تجاوزته الا أشوف ولا سيارة قدامه !

حل المشكلة يبدأ من مدارس السواقة ،،

[معماري قطري]

انا اتوقع الهنود لين جاو بلدان فيها شوية حضارة ونظام ينصدمون بعد زحمة بلادهم والفوضى هناك ولا تتعدل برمجتهم

[شيخ الديرة]

سمعت ان اللي يدعم من ورا حاليا يدفع غرامة الف ريال بسبب عدم ترك مسافة كافية ، يعني موت وخراب ديار

من وعينا عالدنيا وهي كذلك، السائق اللي بالخلف يحسب حساب السيارة اللي أمامه.

ام هل تقصد شي غير ؟

[khaldoon]

ياجماعه اليوم المغرب والله هههه ضرب دريول بريك جامد وقدامي تخيلوا مافي ولا سياره قدامه ولا شي هههه وشي ثاني تخيلوا الاشاره خضرا يمشي علي 40 وشارع فاضي

يا اخوي التمس له عذرا يمكن مر قدامه كيس نايلون فكره قطوه ههههههه