> الابراج وتاثيرها في عقول البعض <

[شبح الصمت]

السلام عليكم ورحمة الله وبركاته ،،،


هل صحيح في اناس يبنون حياتهم وعلاقاتهم المجتمعية
على اي برج انت واي شهر وانت وانتي برجك لا ما يناسبني ..

ما راح نتفق !!!


شيء مضحك والله
وهالشيء ترى صاير في العالم العربي بالذات
يعني الكفار ما عندهم

بس عندنا احنا ايه
ودراسة تقول انه الحريم هم اكثر من يؤمن بهالشيء ..

[ya3coub]

أنا عمري ما فهمت منه شي معني كنت اقرى

ما دريت انه يتغير

حدي اعرف أني من برج العقرب

بس في ناس كثير صحيح يعرفون المواصفات و المميزات حسب كلامهم لكل برج
الله العالم بس الواحد ما المفروض يصدق او يبني حياته على هالشي

[بانغ بانغ]

فعلا شبح

في ناس عايشة على الايمان بحسن الطالع وسوء الطالع وايقرر حياته على المعتقدات

سواء الوان او ارقام او ايام معينة او اوقات ...

في الصين ... مصاعدهم مافيها رقم 14 مثلا لانه رقم شؤم

ويا كثرهم عندنا في العالم العربي .... قنوات خاصة لهم

[ضوى]

يوم صغيرة وايد اقرا عن الابراج واللي عرفته اني عقرب ، يقولون انه الابراج علم في فهم الشخصيات مب تنجيم ولكن زي تحليل الشخصيات ، زي مايقولك الابراج الترابية صفاتها كذا والابراج المائية صفاتها كذا ، ماأومن بالاراج طبعا ولا بالطالع ولا بهالخرابيط كلها ، بس مقتنعه انه في شي اسمه تحليل شخصيات يعني في صفات مشتركة لمواليد نفس الشهر او اليوم ، او فيه عيوب او او ، لكن تنجيم لا والف لا

[شبح الصمت]

أنا عمري ما فهمت منه شي معني كنت اقرى

ما دريت انه يتغير

حدي اعرف أني من برج العقرب

بس في ناس كثير صحيح يعرفون المواصفات و المميزات حسب كلامهم لكل برج
الله العالم بس الواحد ما المفروض يصدق او يبني حياته على هالشي



يعطيك العافيه

بس في ناس وايد يصدقووون هالسوالف
وخذ لك لفه على عم قوقل او اكتب الابراج وراح تشوف انه في ناس مصدقه هالاشياء ..

[شبح الصمت]

فعلا شبح

في ناس عايشة على الايمان بحسن الطالع وسوء الطالع وايقرر حياته على المعتقدات

سواء الوان او ارقام او ايام معينة او اوقات ...

في الصين ... مصاعدهم مافيها رقم 14 مثلا لانه رقم شؤم

ويا كثرهم عندنا في العالم العربي .... قنوات خاصة لهم



عاد الصينين وهالكفار عادد يقدسون ارقام ويامنون فيها انها وانها ..

وعادي الياهل منهم يوم يوصل 14 سنه محل شؤووم وبعد يصيده شيء اووف على طوول يصدقون نضريتهم ..

[JN000N]

اتفق مع ضوى
هي مجرد دراسات تكشف بعض الجوانب المشتركه ونلاحظ انها تكون تقريبا اساسيه ف شخصيات الابراج المتوافقه
لاحظت شخصيات برج الحوت مثلا وااايد متشابهه
بس مالقيت حد يشبهني ف برج العذرا خخخ
اما سالفة اليوم بيصير جذي وعقب شهر جذي ومادري شنو
كذب المنجمون ولو صدقو

[شبح الصمت]

يوم صغيرة وايد اقرا عن الابراج واللي عرفته اني عقرب ، يقولون انه الابراج علم في فهم الشخصيات مب تنجيم ولكن زي تحليل الشخصيات ، زي مايقولك الابراج الترابية صفاتها كذا والابراج المائية صفاتها كذا ، ماأومن بالاراج طبعا ولا بالطالع ولا بهالخرابيط كلها ، بس مقتنعه انه في شي اسمه تحليل شخصيات يعني في صفات مشتركة لمواليد نفس الشهر او اليوم ، او فيه عيوب او او ، لكن تنجيم لا والف لا



يعطيج العافيه ضوى

بس ما تلاحظين انه فئة الحريم اهم اكثر تاثرا في هالامور ..

صح والا انا يتهيأ لي

[شبح الصمت]

اتفق مع ضوى
هي مجرد دراسات تكشف بعض الجوانب المشتركه ونلاحظ انها تكون تقريبا اساسيه ف شخصيات الابراج المتوافقه
لاحظت شخصيات برج الحوت مثلا وااايد متشابهه
بس مالقيت حد يشبهني ف برج العذرا خخخ
اما سالفة اليوم بيصير جذي وعقب شهر جذي ومادري شنو
كذب المنجمون ولو صدقو


تتفقين بس المجتمع يشوف انه الحريم هم اكثر ناس تصدق ..

يعني عادي يختلفون بنات مع بعض عشان برج رفيجتها ما يناسب شخصيتها !

صح والا لا جنون

:shy:

[JN000N]

تتفقين بس المجتمع يشوف انه الحريم هم اكثر ناس تصدق ..

يعني عادي يختلفون بنات مع بعض عشان برج رفيجتها ما يناسب شخصيتها !

صح والا لا جنون

:shy:


على مستوى الخليج البنات اكثر
على مستوى الوطن العربي الجنسين
اصلا انا مافتكرت ف تحليل شخصيات الابراج الا عقب ما اذاني مديرنا المصري وواحد ثاني ف قسم ثاني
وايد وايد يتكلمون عن الابراج وتحليل الشخصيات

[ريتويت]

بااااال مال اول الابراج

[المحاميه]

عفوا اخوي شبح

الموضوع انطرح من قبل من اخونا غير البشر ..
واعتقد الموضوع خذ حقه وزود ..

وكلش غلط انه ينطرح ف هالوقت ..

هذا رايي .. والسموحه اذا كان مزعج ..

[شبح الصمت]

على مستوى الخليج البنات اكثر
على مستوى الوطن العربي الجنسين
اصلا انا مافتكرت ف تحليل شخصيات الابراج الا عقب ما اذاني مديرنا المصري وواحد ثاني ف قسم ثاني
وايد وايد يتكلمون عن الابراج وتحليل الشخصيات




ما اشوف حد من هلي او ربعي او من هل قطر يتكلم في هالسوالف واتكلم

عن الرجاجيل يعني ما قد مره جاء رفيجي وسالني انت اي برج ..


بس هذولي الي كانوا يتكلمون عن الابراج حولج اتوقع لهم غرض منها

[شبح الصمت]

بااااال مال اول الابراج



انزين شنو الجديد

:eek5:

[شبح الصمت]

عفوا اخوي شبح

الموضوع انطرح من قبل من اخونا غير البشر ..
واعتقد الموضوع خذ حقه وزود ..

وكلش غلط انه ينطرح ف هالوقت ..

هذا رايي .. والسموحه اذا كان مزعج ..



اشدعوه يالمحامية
عادي

لو ادري انه انطرح من قبل ما نزلته بس مب شرط انطرح شيء ما ينطرح موضوعه مكانه

كل موضوع حتى لو متشابه
بس له طريقة حوار
وابديت جديد في المعلومات ..


بس سؤال ليش مب وقته يعني !!!

[المحاميه]

^

شكراً لانك تفهمت ..

والله اقول مب وقته لان رمضان .. يعني ممكن مواضيع عامه تخص الشارع القطري والمواطن نبدي راينا فيها ونستفيد منها .. يعني الاحداث اللي حاصله الحين ..
اما ابراج ورمضان؟!!

الواحد اذا بيذكر الناس او يبيهم يتكلمون في موضوع يا يكون موضوع عباده او موضوع عام ..

هذا رايي .. يمكن رايك يختلف عني
والسموحه ..

[شبح الصمت]

^

شكراً لانك تفهمت ..

والله اقول مب وقته لان رمضان .. يعني ممكن مواضيع عامه تخص الشارع القطري والمواطن نبدي راينا فيها ونستفيد منها .. يعني الاحداث اللي حاصله الحين ..
اما ابراج ورمضان؟!!

الواحد اذا بيذكر الناس او يبيهم يتكلمون في موضوع يا يكون موضوع عباده او موضوع عام ..

هذا رايي .. يمكن رايك يختلف عني
والسموحه ..



اشكرج على التنبيه ..

وصدقتي


اطالب من مكاني انه يحذفون الموضوع

او ياخرونه لين بعد رمضان ..