القطري وسياسه الاستغفال في التعامل معه

[جبر ال جبر]

اول شي مساءكم الله بالخير جميعا
ليش القطري دايمن مستهدف في بلاده والاغلب يمارس عليه عمليه النصب هل لكثره عدد الاجانب في الدوله ووصلت النسبه 9 اجانب مقابل قطري واحد ولا قله الوعي عند معظم القطريين اسعار الحلاقين وصلت 30و40 ريال وهو الا مقص ويطقطق فيه وارتفاع الايجارات مب عذر صارلنا 4 سنين ماسمعنا عن زيادات في الوحدات التجاريه الا بالعكس انخفاض المكيف يضرب عندي يجيني عامل اكاسره من 500 في تنظيف المكيف فقط لين 200 معاناها فيه خلل ،،، شاشه الايفون انكسرت عندي رحت محلات الغرافه عندهم شاشتين وكلهم تقليد كوبي 1 وكوبي عادي واقل سعر للشاشه 500 ريال وتقليد وتوني جاي من المانيا مصلح الشاشه عند ابل ستور الاصلي ب69€ يعني اقل من 300 ريال واصلي
واحد من الربع ماجر بيته على واحد من الجاليه العربيه طلع نصاب وقع له شيكات من غير*رصيد
وعقب اجر البيت من الباطن بنص سعره وقبض مقدم سنتين وشرد امر سوق العلي اشتري غتره او عقال او قحفيه في محل ب250 المحل الي جنبه نفس البضاعه ونفس الشركه ونفس المقاس البضاعه هي هي ب150 !!!!
القطريه سعر التذكره بزنس لندن 20 الف من الدوحه البحريني او السعودي او الكويتي ياخذها ب9000 لا ويطير من بلاده يجي قطر يعني زياده بترول وعقب يطير من قطر لين لندن ويرجع قطر
سيارتي تنبجر امر وقود اطلب تاير يديد ب1300 التاير يعني 4 ب5200 اروح ميزانيه دبي نفس التاير ونفس الماركه ونفس المقاس ب700 ريال يعني 4 ب2800 !!!!
حمايه المستهلك مب ملحقين ماقدر اقول انهم 100% قايمن بدورهم في قصور طبعا من صوبهم ومالومهم في اسباب اقوى منهم ولكن التوعيه بين افراد المجتمع القطري واجبه وضروريه انا لي ربع كويتين ماشاءالله عليهم حريصين وعارفين قيمه الفلوس ووين يوظوفونها ومايسمحون لحد باستغلالهم طبعا مو الكل منهم بس شريحه لاباس بها عندها ثقافه ووعي في عمليه صرف الاموال وكياسه وفطنه في التعامل وهذا الي عطاهم ثقه ودافع لاقتحام مجال التجاره باريحه بدون تردد،،،،
طبعا الامثله وايد ونعجز واحنا نحطها والسموحه الافكار مب مرتبه بس يليت يكون عندنا وعي ومانسمح لحد يستغلنا ترى النصب كاثر هالايام والاستغلال ولي عوده لاستكمال النقاش بهالموضوع المهم والضروري وايجاد حلول دائمه له

[سليمان احمد]

القطري لحمه طري جدا وغني بالدهون المشبعه

طبعا هذي رؤيه التاجر له والاجنبي وللاسف بعض القوانين

[بوخالد911]

الاستغلال لنا بكل مكان تقريبا.
بس لازم تسأل أكثر من جهة. لا تعتمد ع جهة وحدة.

قص الشعر ب 25 ريال. بالمعمورة والعزيزية والليحة ب15

والله يحفظنا من الجشع.

[cafe998]

ههههههه
واحنا بالسعودية نظن ان السعودي مستهدف في بلاده ونظن ان الأجانب يمارسون علينا عملية النصب ورفع الأسعار
و الأجنبي عذره سعودي تقدر تدفع
و مع الأسف ان حاولت تستأجر بيت مثلا يكون الاجار 40 الف واللي قبلك اجنبي مستأجره ب 30 الف
والسبب انك سعودي
غسيل مكيف يكلفنا بالسعودية 60-100 ريال و زعلانين
الحلاقين عندنا
كان الدقن ب 5 صار ب 10 و فيه محلات ب 15
الشعر من 10 صار الى 15-20
و فيه بلديات تفرض تسعيرة موحده بالذات في القرى والمدن الصغيرة


لكن بإختصار بالسعودية ممكن تتناول وجبة ب ريالين و نفس الوجبة ممكن تتناولها 50 ريال
حسب الموقع
الأسعار تحكمها اجارات المحلات و رواتب العمالة والاجارات تفرق اذا الاجار غالي اكيد البضاعه بتكون غالية

[وحيد-الشوق]

كلامك صحيح واتفق معاك لكن ما تلاحظ أيضاً ربعنا مستغفلينا عدل كمثال لما اروح سوق واقف الوكرة اغلب المطاعم اصحابها قطريين وبعضهم شباب ومشاريع جديده ومع ذلك اسعارهم مبالغ فيها جداً اروح اطلب 2 حلى مع كوبين قهوة ب130 ريال وفي الشيراتون 2 ام علي ومشروبين الحساب 155 ريال والله مطعم يقدم حلى عبارة عن قطعة بسكويت وفوقها ايس كريم ب45 ريال >> كم اكرهك ياسوق الوكرة

وغيره من الامثله همبرجر ب80 ريال في مطعم في سوق الوكرة حجتهم لحم طازج مب مجمد همبرجر الفندق ب90 ريال

مثال للنصب والاستغفال عندنا نظارة شمسية في محل في اللاجونا ب1300 بعد الخصم دخلت امازون نظارتين ارخص من وحده عندنا ونفس الموديل ههههههه

زهقنا من عذر الايجارات غالية وحماية المستهلك مايقدرون يتحكمون في الاسعار يقولون دام المطعم او المحل حاط سعر السلعة مانقدر نسوي شيء يعني انا عادي افتح مطعم واحط سندويتش الدجاج ب70 والبيض ب92 ريال والي يسويه لي هندي ولا يعرف شالطماط او محل واحط اسعار بكيفي هذا مب منطق ياجماعة

[khaldoon]

طبيعي يا اخوي.....استعينوا على قضاء حوائجكم بالكتمان......بس لما الاعلام يقول زيادات 10 و 20% و 120% على رواتب الموظفين القطريين فأكيد التاجر راح يفكر يرفع و هالشي ينعكس ايضا على غير المواطن و يصير تضخم و ندفع فلوس في اشياء لا تستحق السعر المعلنه به......

شوف كم محل في قطر ماشي على سياسة استغفال الزباين..... خاصة في المقام الاول و الاخير لما يكون زباينه من النساء......لما تشوف الفلوس اللي تندفع على سخافات و تفاهات بمئات و الالاف الريالات...... محلات الشوكولاته و الحلويات للهدايا في المستشفيات...... كل الكماليات اللي تهم المرأه من ميك- اب و لبس و زينه تفتح بيوت و دور تجميل عالميه و تصرف على الالاف ....

و ايضا علشان ما نقول انه النساء السبب ....شوف بعض الشباب وين يصرفون فلوسهم في سخافات و اشياء ما تسوى ...على سبيل المثال لا الحصر...كماليات و زينة السيارات .....و يحطون عشرات و مئات الالاف .....اخوي بكل امانه لا الوم البياع الحقير اللي يضحك على الناس لانه من يدهم هم اللي صنعوه و خلوه يستغفلهم

كيف تقنع البياع انه يبيعك شي بمية ريال اذا هو يعرف و متأكد انك تقبل تشتريه بألف

تخيل احنا نتكلم عن البياعين في قطر فما بالك لما نتكلم عن خارج قطر.......مثلا لما الخليحي يعطي سواق تكسي المطار مبلغ 500 ريال اجر التوصيل من غير نقاش ولا محاوله لاستكشاف السعر الحقيقي في زمن الموبايلات و الانترنت....كيف نقنع هالسواق انه ياخذ الاجر الحقيقي للتوصيل من الخليجي و هو بس 75 ريال طالما الزبون مستعد يدفع اضعاف هالمبلغ من غير نقاش

[ولي العهد]

ادور راحت البال ولا ابي اعور راسي في الاخير شبسوي بالفلوس اذا ماريحت على نفسي ناس كانت عندها ملايييييييييييييييييين واخرتها في قبر لا يبه اصرف ما بالجيب ياتيك من بالغيب وطبعا بالشي المعقول والي انا محتاجة

[A-Alansari]

والله ياخوك الاستغفال مو من الاجانب اغلب المحلات اصحابها قطريين

الاجنبي هو الاداه يسوي الي يطلبه منه كفيله

لكن الاساس في هالمشكله القطري صاحب الشغل

مو لازم كل شي نقطه على الاجانب الغلط علينا من الاساس لانه مافي بزنس يفتح في قطر الا وفي شريك قطري وله النسبه الاعلى من المشروع

يعني بالمختصر الغلط منا وفينا

[المحاميه]

موضوعك يزعل ..

بس توضيح ترا الكل ملاحظ ويدري وبالعكس احنا شعب نفهم .. لكن تقدر تقول نطوف عشان مالنا بارض ندخل في جدال او نقاش .. ف نشتري راحتنا ..

المشكله .. ان الاجانب يستغفلونك لان حسبالهم انك ماتفهم .. وان ماتفرق معاك وانك مب ملاحظ ..

والخوف .. ان الله يعاقبنا على هالتصرفات .. لما تقط مبلغ غير متناسب مع السلعه او الخدمه المقدمه وانت تدري


الله المستعان ..

[المحاميه]

ادور راحت البال ولا ابي اعور راسي في الاخير شبسوي بالفلوس اذا ماريحت على نفسي ناس كانت عندها ملايييييييييييييييييين واخرتها في قبر لا يبه اصرف ما بالجيب ياتيك من بالغيب وطبعا بالشي المعقول والي انا محتاجة

مثال على ردي السابق ..

[Qt.1]

اول شي مساءكم الله بالخير جميعا
ليش القطري دايمن مستهدف في بلاده والاغلب يمارس عليه عمليه النصب هل لكثره عدد الاجانب في الدوله ووصلت النسبه 9 اجانب مقابل قطري واحد ولا قله الوعي عند معظم القطريين اسعار الحلاقين وصلت 30و40 ريال وهو الا مقص ويطقطق فيه وارتفاع الايجارات مب عذر صارلنا 4 سنين ماسمعنا عن زيادات في الوحدات التجاريه الا بالعكس انخفاض المكيف يضرب عندي يجيني عامل اكاسره من 500 في تنظيف المكيف فقط لين 200 معاناها فيه خلل ،،، شاشه الايفون انكسرت عندي رحت محلات الغرافه عندهم شاشتين وكلهم تقليد كوبي 1 وكوبي عادي واقل سعر للشاشه 500 ريال وتقليد وتوني جاي من المانيا مصلح الشاشه عند ابل ستور الاصلي ب69€ يعني اقل من 300 ريال واصلي
واحد من الربع ماجر بيته على واحد من الجاليه العربيه طلع نصاب وقع له شيكات من غير*رصيد
وعقب اجر البيت من الباطن بنص سعره وقبض مقدم سنتين وشرد امر سوق العلي اشتري غتره او عقال او قحفيه في محل ب250 المحل الي جنبه نفس البضاعه ونفس الشركه ونفس المقاس البضاعه هي هي ب150 !!!!
القطريه سعر التذكره بزنس لندن 20 الف من الدوحه البحريني او السعودي او الكويتي ياخذها ب9000 لا ويطير من بلاده يجي قطر يعني زياده بترول وعقب يطير من قطر لين لندن ويرجع قطر
سيارتي تنبجر امر وقود اطلب تاير يديد ب1300 التاير يعني 4 ب5200 اروح ميزانيه دبي نفس التاير ونفس الماركه ونفس المقاس ب700 ريال يعني 4 ب2800 !!!!
حمايه المستهلك مب ملحقين ماقدر اقول انهم 100% قايمن بدورهم في قصور طبعا من صوبهم ومالومهم في اسباب اقوى منهم ولكن التوعيه بين افراد المجتمع القطري واجبه وضروريه انا لي ربع كويتين ماشاءالله عليهم حريصين وعارفين قيمه الفلوس ووين يوظوفونها ومايسمحون لحد باستغلالهم طبعا مو الكل منهم بس شريحه لاباس بها عندها ثقافه ووعي في عمليه صرف الاموال وكياسه وفطنه في التعامل وهذا الي عطاهم ثقه ودافع لاقتحام مجال التجاره باريحه بدون تردد،،،،
طبعا الامثله وايد ونعجز واحنا نحطها والسموحه الافكار مب مرتبه بس يليت يكون عندنا وعي ومانسمح لحد يستغلنا ترى النصب كاثر هالايام والاستغلال ولي عوده لاستكمال النقاش بهالموضوع المهم والضروري وايجاد حلول دائمه له

جبتها على الجرح صح , فعلا دايما مستغفلينا سواء رحت تشتري شي والاا جبت واحد يشتغل لك في البيت دايما يبون ينصبون عليك قد مايقدرون لانك قطري , بس انا مالومهم لانهم حصلو فئه تدفع بدون ماتفكر فظنو ان الكل نفس الشي لكن لما تصيده وتقوله لا انا لااقي ارخص يبلع ريقه وينزل ,

[qatarman8008]

انا من وجهه نظري ان احنا بالمواطنين احنا السبب الرئيسي في رفع الاسعار..
احنا نحب نشتري الغالي ولانرضى الا بالغالي وصار عندنا نظام الاغلى هو الاجود..
روح محلات الحلاقة وشوف اشلون الشباب يقطون اكراميات .. الحلاقة بخمس وعشرين ريال يدفع له مية وخمسين ريال ما ادري ليش..
محلات بيع الملابس عندهم فستان الاطفال لو يبيعه بمية وخمسين يطلع ربحان لكن هو يبيعه بخمسمسة وخمسين لان لو اعرضه بمية وخمسين ما احد راح يشتريه وبيعتبرونه محل اقل كواليتي وبتتاثر سمعته في السوق..
انا ادش مع المدام محل العبي اكاسر مع الهندي وانزل سعر العباة من 550 الى 350 وبنفس اللحظة تدش وحدة قطرية مع صديقاتها ماسكين عشر تلفونات ايفون ويفصلون نفس العباة بخمسمية وخمسين وبدون مكاسر..
صراحة الهندي غلطان لانه لو كان قال لهم بسبعمية وخمسين كان شروها بعد لكن هو غبي مو فاهم وضع السوق..
المطاعم والشيش صار عندهم اكثر من منيو.. في اي بي و في في اي بي وفيه منيو القرمبع..!!
من يومين تفطرنا في احد الخيام الرمضانية كان حجز جلسة خصة مع افطار وشيشة يكلف ثلاث الاف ريال..!! تخيلوا تميت اراقب اللي قعدوا هناك..
بنات في مقتبل العمر ويوم قاموا بيحركون كانت صحونهم متروسة اكل ما كلوا شي..!!
اسعار الاراضي والايجارات وصلت مراحل جنونية فقط لان قوانين لاتطبق.. قوانين تقسيم الفلل والتاجير من الباطن نراها ولا نشوف تطبيق عملي لها..
اشوف التقشف فقط ماشي هاليومين عالطرارين هالاسيويين الفقاره اذا جا بيطلب عشره ريال يقومون الدنيا عليه ولا يقعدونها واهم توهم متعشيين او متسحرين بالف ريال..
احنا نسافر برى كثير ونشوف ناس كثيرين اغنياء وفقراء لكن ماقدرنا نتعلم الدرس..
التبذير هو تصرف منبوذ منبوذ منبووووووووووووووووووووووووووووووووووووووذ عند جميع شعوب العالم..
الغني والفقير.. واللي يبذر يضحكون له في وجهه وينتقدونه باردى العبارات حتى قبل لايغادر وهو مسكين على باله انه رزه ومميز..!!
المعاناه من اجل الحصول على لقمة العيش في كثير من بلدان العالم تكاد تكون كبيرة جدا.. ونحن نحصل على الاموال الكثيرة ببساطة جدا ونصرفها كلها ببساطة جدا..
لو تسال موظف او موظفة معاشهم فوق الاربعين الف ريال اش سويت بهالراتب بيطلع لا شرى عقار ولا عنده مدخرات ولاشي..
راحت كلها في الهوى وهو او هي مبسوط جدا..!!
ياترى هل لو تغير علينا الحال لا سمح الله.. هل سيغفر لنا ابناؤنا ما نحن عليه..؟؟

[بانغ بانغ]

موضوعك يزعل ..

بس توضيح ترا الكل ملاحظ ويدري وبالعكس احنا شعب نفهم .. لكن تقدر تقول نطوف عشان مالنا بارض ندخل في جدال او نقاش .. ف نشتري راحتنا ..

المشكله .. ان الاجانب يستغفلونك لان حسبالهم انك ماتفهم .. وان ماتفرق معاك وانك مب ملاحظ ..

والخوف .. ان الله يعاقبنا على هالتصرفات .. لما تقط مبلغ غير متناسب مع السلعه او الخدمه المقدمه وانت تدري


الله المستعان ..

اتفق معك

[مخطط قطري]

كلامك صحيح والحين سهل جدا تعرف الثمن التقريبي لاي سلعه المساله محتاجه بس منك ثواني بسيطه للاستفسار وشكلك نسيت اسعار السيارات اعتقد احنا الاعلى في العالم خصوصا البنتلي الفور ويل والروز رايز الناس قامت تشتريها من السعوديه والامارات ونفس المواصفات وموفر 300 و400 الف يشتري فيها لكزس يديده ولا بيم دبليو يديده للبيت

[eXpert*]

مع الأسف أنصدمت من تفكير البعض يقول أشتري راحة بالي ، وما أحب أجادل وغيره !!

يا أخي اللي الله منعم عليه ترى غيرك على قد حاله .. مب الكل في رغد من العيش ..

[جبر ال جبر]

اشكركم جميعا على تفاعلكم ،،، دايمن موسم الاعياد يكون فرصه لضعاف النفوس من التجار لزياده الاسعار
من غير مبرر وانا ذكرت الامثله كثيره وع راسها اسعار الفلل والاراضي الغيرمنطقيه
والسلع الي نحتاجها بشكل يومي بس الهدف من الموضوع اكبر من امثله حيه وحقيقه الهدف ثقافه الشراء والتوعيه وعدم السماح لاي حد باستغفالي او النصب على واستغرب من ردود بعض الاعضاء الي يقول اشتري راحتي لا انت ماتشتري راحتك انت سمحت لشخص بسرقتك انا معاك اذا الشي مايرزى مايستاهل اذا كانت بضعه ريالات ولكن مثل ماذكر مخطط قطري سياره تفرق قيمتها 300 الف !!
تشتري راحتك ولا تشتري سياره يديده فخمه 2016 بهاالقيمه ش الاحسن
معظم الاجانب يشوفون القطري بنك صغير متحرك وانسان مغفل وكسول وحلال عليهم سرقته والنصب عليه
ترى ناس وايد ماترضى انها تكون سفيهه او مغفله و هالمواقف تصيد ناس وايد منا بدون نحس
ولكن الواعي والي قلبه حي الي على قولتهم ييد صعب عليهم استغفاله والنصب عليه

[جبر ال جبر]

‏أكاديمية قطر ( الخور ) ترفع الرسوم للعام الثاني على التوالي وبزيادة 5000 ريال
‏âپ¦â€ھ@Qatar_Edu‬âپ©
من حساب فيصل المرزوقي في تويتر العالم،،،،،، تقشف وانخفاض ف الاسعار والمدارس الخاصه حالفه الا تشقح بالرسوم ال 50 الف بسنه للابتدائي لابد من رادع لهم

[سعود.]

من اسبوع تقريبآ جبت بناي بالبيت عندي على اساس شغلة بسيطة

قالي السعر 7 الاف كاسرته لين وصلت لين 4 الاف

ليش من البداية ماقال لي 4 الاف ؟؟ مع هذا هو اكيد مستفيد !!

[معماري قطري]

الاستغلال لنا بكل مكان تقريبا.
بس لازم تسأل أكثر من جهة. لا تعتمد ع جهة وحدة.

قص الشعر ب 25 ريال. بالمعمورة والعزيزية والليحة ب15

والله يحفظنا من الجشع.

صحيح فيه تسعيرة وكثير من الحلاقين محترمين واللي مب محترم امر عليه مرة كتجربة ولا اعيدها

[معماري قطري]

اشكركم جميعا على تفاعلكم ،،، دايمن موسم الاعياد يكون فرصه لضعاف النفوس من التجار لزياده الاسعار
من غير مبرر وانا ذكرت الامثله كثيره وع راسها اسعار الفلل والاراضي الغيرمنطقيه
والسلع الي نحتاجها بشكل يومي بس الهدف من الموضوع اكبر من امثله حيه وحقيقه الهدف ثقافه الشراء والتوعيه وعدم السماح لاي حد باستغفالي او النصب على واستغرب من ردود بعض الاعضاء الي يقول اشتري راحتي لا انت ماتشتري راحتك انت سمحت لشخص بسرقتك انا معاك اذا الشي مايرزى مايستاهل اذا كانت بضعه ريالات ولكن مثل ماذكر مخطط قطري سياره تفرق قيمتها 300 الف !!
تشتري راحتك ولا تشتري سياره يديده فخمه 2016 بهاالقيمه ش الاحسن
معظم الاجانب يشوفون القطري بنك صغير متحرك وانسان مغفل وكسول وحلال عليهم سرقته والنصب عليه
ترى ناس وايد ماترضى انها تكون سفيهه او مغفله و هالمواقف تصيد ناس وايد منا بدون نحس
ولكن الواعي والي قلبه حي الي على قولتهم ييد صعب عليهم استغفاله والنصب عليه

لا تعطيهم فرصة وخلك واضح من البداية وشوف السعر ومواصفات الشغل والمنتج من كم شخص وجهة

نوع صبغ نفسه نفسه شفت شركات ديكور بس تصبغه ب 70 وبعضها 90 .. تذكرت مقاول عادي يسوي كل الشغلات من كهرباء لين تمديد وصلات جديدة للانارة لين بلاستر لين الصبغ ب 30 ريال .. التسعين سعر شباب وشابات عيونهم خضر واروبيين والسبعين سعر فلبينيين والثلاثين باكستانيين سووا الشغل بهمة ونشاط وجودة عالية .. بس المهم عملية الاختيار تاخذ وقت

والسيارات قلتها بس أوقات تحصل سيارة تسوى بسعر يسوى وتوفر من قيمة الجديدة 65% مب بس النص وما صار لها سنتين .. أحياناً تتوفق في سيارة عند أجنبي أو قطري أو عربي وكلها توافيق والقرار في يدك .. واحد بيتملك سيارة جديدة ما نزلت وبيعرضها للبيع بأغلى من الجديدة اللي بتنزل خلال شهر ويمكن أيام ما الله حدني افوده 20 و 30 و50 ألف اقدر اوفرها واوفر أكثر منها لو صبرت ويمكن اصبر يومين بس

القوانين مشكلتنا والسماسرة خصوصاً العرب منهم وغير من الجنسيات بدوا يدخلون هالشغلة لأن شافوها تربح وايد .. يجيك يدور بعدة كتلوجات ويعرض لك ويزين وبعضهم أرقامهم في الوسيط ولا يمثلون الا نفسهم لا شركة ولا شيء .. يسعر لك غالي بالعين وبس ويعرف شتبغي ويروح يجيب مندوب الشركة ويتفاهم معاه على السعر ويحاول ينزل قد ما يقدر لسعر تحت اللي عرضه عليك .. يستلم فلوسه دفعة أولى تغطي كامل سعر الشغلة وياخذ الدفعة الأخيرة قبل التركيب ويكون هو المستفيد الأكبر

[captin]

البارحة مريت خياط لكزس في السد اخذ ثيابي وثياب لعيال

وجدام عيني دخل دريول وسال عن ثياب معازيبه قالوا له جاهزة
قال لهم كم لحساب قالوا له 9000 ريال :omg:

9000 ريال قيمة تفصيل ثياب شي ما يدخل العقل

حط يده في جيبه وطلع مبلغ كبير ودفع منه قيمة تفصيل الثياب 9000 ريال .

هذا مثال على الاتكالية وترك الامور عند الخدم والسواقين

دام عندنا مثل هالنماذج شلون ما نبي الاجنبي صاحب لتجارة يستغفلنا !!!

.

[طلعة الروح]

البارحة مريت خياط لكزس في السد اخذ ثيابي وثياب لعيال

وجدام عيني دخل دريول وسال عن ثياب معازيبه قالوا له جاهزة
قال لهم كم لحساب قالوا له 9000 ريال :omg:

9000 ريال قيمة تفصيل ثياب شي ما يدخل العقل

حط يده في جيبه وطلع مبلغ كبير ودفع منه قيمة تفصيل الثياب 9000 ريال .

هذا مثال على الاتكالية وترك الامور عند الخدم والسواقين

دام عندنا مثل هالنماذج شلون ما نبي الاجنبي صاحب لتجارة يستغفلنا !!!

.

مادام عنده هالمبلغ أكيد معازيبه عندهم علم بقيمة فاتورة الخياط مسبقآ قبل لا يحاسبونة وأكيد الكمية كبيرة والا ماتطلع الفاتوره بهالمبلغ...الاتكالية نقطه اوافقك عليها واشوفها غلط لكن الاستغفال يمكن مايكون سيد الموقف الحاصل.

[بوخالد911]

البارحة مريت خياط لكزس في السد اخذ ثيابي وثياب لعيال

وجدام عيني دخل دريول وسال عن ثياب معازيبه قالوا له جاهزة
قال لهم كم لحساب قالوا له 9000 ريال :omg:

9000 ريال قيمة تفصيل ثياب شي ما يدخل العقل

حط يده في جيبه وطلع مبلغ كبير ودفع منه قيمة تفصيل الثياب 9000 ريال .

هذا مثال على الاتكالية وترك الامور عند الخدم والسواقين

دام عندنا مثل هالنماذج شلون ما نبي الاجنبي صاحب لتجارة يستغفلنا !!!

.

اشدعوة
هاي قيمة عبايات مب ثياب.

[CH Engineer]

البارحة مريت خياط لكزس في السد اخذ ثيابي وثياب لعيال

وجدام عيني دخل دريول وسال عن ثياب معازيبه قالوا له جاهزة
قال لهم كم لحساب قالوا له 9000 ريال :omg:

9000 ريال قيمة تفصيل ثياب شي ما يدخل العقل

حط يده في جيبه وطلع مبلغ كبير ودفع منه قيمة تفصيل الثياب 9000 ريال .

هذا مثال على الاتكالية وترك الامور عند الخدم والسواقين

دام عندنا مثل هالنماذج شلون ما نبي الاجنبي صاحب لتجارة يستغفلنا !!!

.

يمكن الكميه كبيره
انا كنت افصل ب100 بسوق العلي وكنت استغرب شلون الشباب يفصلون ب150
وكنت افصل شكيبو ب120
الخياط افصل عنده من اكثر من10 سنين ومستحي يرفع السعر
المهم رحت لكزس بصراحه فرق كبير ويستاهل سعره ،، احسن نوع التيوبو وسعره 300 ريال للثوب
ومن يومها افصل عنده هالتيوبو
مرات الجوده تستاهل واذا في خياط عنده نفس النوعيه بنفس الجوده بسعر اقل راح اسحب على لكزس

في محلات اطلعت جديده لو تشوف الاسعار بتقول لكزس رخيص



اشوف الاستغفال موجود بالذات من الجنسيات العربيه
مره لبناني كان يبي يسوي ديكور لواحد فغرفته خلفيه حجر لطوفه وحده بس
حسب عليه 6000 ريال
الحبيب خذ نفس نوعية الحجر وجاب عامل يركبله بنفس التصميم يقول مادفعت الا 800 ريال
انا متاكد لو مب قطري كان اللبناني عطاه ب1000 اذا مب اقل
انك ترفع الاسعار شي وأنك ترفعها عالقطري بس هذا شي ثاني ولازم يتحاسب عليه البايع
الافضل يكون في جمعيه لمكافحة الغلاة وفيها تجارب الأعضاء يعني الواحد يذكر مثل هالتجربه مع اسم المحل عشان محد يطب صوبه

نفس الشي واحد من الشباب يبي يرتب محله ديكور وصبغ وهالسوالف
يقول يكلفه 30 الف ريال
قام جاب عامل يركب الخشب وعامل ثاني يركب الجبس وعامل يصبغ
طلع عليه المحل بديكوره ب5000 ريال !!!!

الواحد شوي يفكر و راح يوفر مبلغ محترم

[هيليوم]

خلك مركز ومنتبه وما تشتري من اول مرة او محل ... هذا الحل باختصار

[ابوالكلام]

سبب الغلاء هو من المستهلك نفسه انت من تحدد.

[بانغ بانغ]

البارحة مريت خياط لكزس في السد اخذ ثيابي وثياب لعيال

وجدام عيني دخل دريول وسال عن ثياب معازيبه قالوا له جاهزة
قال لهم كم لحساب قالوا له 9000 ريال :omg:

9000 ريال قيمة تفصيل ثياب شي ما يدخل العقل

حط يده في جيبه وطلع مبلغ كبير ودفع منه قيمة تفصيل الثياب 9000 ريال .

هذا مثال على الاتكالية وترك الامور عند الخدم والسواقين

دام عندنا مثل هالنماذج شلون ما نبي الاجنبي صاحب لتجارة يستغفلنا !!!

.

صادق والله

امس الشباب ايقولون انهم امفصلين ثياب الواحد ب500 ريال

اشدعوه تفصيل ثوب ..... هم عطوني اسم الخياط لكن اتحفظ عليه الله ايزيده من فضله

فسق والله

[تاجر كشخة]

فعلا أخوي هذا الي احنا نعانيه بشكل يومي
ترى مب بس انتوا حتى احنا الخليجين

[Qt.1]

طبعا كلامي هنا للبعض لحد ياخذ الموضوع بحساسيه ويقولي انت عنصري وغيره , هذي اشياء اتصير يوميا في مجتمعنا ومن حولنا وفي اهلنا , الكثير من المقيمين من جنسيات عربيه يحاولون ينهبون القطري ويمتصونه قد مايقدرون باي طريقه , سواء في عملية شراء او عقد عمل او حتى معامله لازم الواحد يحاول يطلع فايده قد مايقدر من القطري , والله لدرجة اني كرهت التعامل مع العربي عقب ماشفت البعض منهم يحلف على القرأن وهو كاذب !! معقوله وصلنا لهدرجه , مافي واحد جبته في شغل عندي الاا حاول ينصب في السعر , انا للاسف ماتكلم عن تجربه وحده الاا تجارب كثيره , وكل الي حولي سواء هلي او ربعي الاا جنسيه معينه خذت افلوسهم وانصبت عليهم واحد خسر تجارته بهالسبب وللحين يسدد ديونه كان الله في عونه وواحد للحين بيته واقف والسبب نفس الشي بعد انصب عليه في مبلغ يقارب الــ 500 الف !! لين متى احنى ينلعب علينا , والله شي يقهر بصراحه اسمحو لي انا ادري ان في كل بلد الزين والشين لكن الي اشوفه الشين طاغي محد مضيعنا غير بعض الناس من هالفئه , لاحول ولااقوة الاا بالله ,,

[معماري قطري]

سوق مفتوح والقطري يحب يدفع

[Qt.1]

سوق مفتوح والقطري يحب يدفع

هذا هو صدقني ان في اشياء ايبيعونها على القطري اغلى من الااجنبي , شي يحير !!

[معماري قطري]

انا جاني سوري يسوي جلي وكشط طبقة من البلاط للحوش والبلاط شعبي الاماراتي ينكشط مثل الرخام

إختلف معاي في المساحة يحددها بعيونه بدون قياس وانا قايسها بالكمبيوتر لأن المساحة فيها منحنيات وغير منتظمة .. ونسيت كم سعره بس حاول يسحرني بكلامه ويقنعني إن البلاط بيتحول رخام .. انا اقول المساحة كذا وهو مزيدها حول 200 متر وهنا قلت خلاص وصلنا لطريق مسدود ومع السلامة

جبت بنقالي يحك بغرايندر وقرطاس خشن يتركب عليه وسوى الشغل بحول ثلث سعر السوري وخذ اسبوع يشتغل عرفت كيف العملية مزعجة ومتعبة

[toyota]

مساكم الله بالخير
ياخوي السبب لان في بعض القطريين يحبون الزبووو وهذيله مخربين علينا
خلو عنكم الزبووو شوي وامورنا بتصير طيبه

[بومحمد المطاوعه]

ادراك العقل نعمه
يفقدها بعض الناس وللأسف

يقولك القانون لايحمي المغفلين

[h9466]

ابن اختي يقول لي رحت الحسا اركب تواير للسيارة ،،وقفت عندي سيارة بأرقام قطرية السائق سأل صاحب المحل بكم التاير الواحد تركبه قال له صاحب المحل ب 300 ريال صاحب السيارة قال له بعطيك 600 ريال بس خلصني بسرعة،،، مثل ما قال اخد الأعضاء احيانا الشخص نفسه يكون سبب في التشجيع على استغفاله والنصب عليه

[معماري قطري]

هذا هو صدقني ان في اشياء ايبيعونها على القطري اغلى من الااجنبي , شي يحير !!

المشكلة تكون لو المحلات المتشابهة تتبع نفس النظام والتسعير الغالي للقطريين دون غيرهم .. هنا يطيح في ورطة ولازم يدفع والمفروض الدولة تتدخل وتاخذ حقها بضرائب بسيطة منها تضبط الأسعار وتنزلها في المجمل من خلال مراقبتها ومقارنتها ببلدان ثانية .. ومنها تكون عندنا قوانين قوية ومفعلة لمكافحة الغش ومن يغش وينصاد وصيدته سهلة يفترض يتعاقب عقاب رادع

حسب معرفتي البسيطة التجار يسوون تأمين على بضائعهم بفواتير أصلية ويحاولون يزيدون في سعرها شوي حتى يحصلون على تأمين يغطي حتى أرباحهم وللجمرك يستعملون فواتير فيها تسعير غير منطقي ورخيص جداً مقارنة بسعر البضاعة وما تسوى من سعر

[جبر ال جبر]

كلامك صحيح يامعماري بس النسب تكون معقوله يعني انا اقارن اسعارنا بدول الجوار الفرق واضح حتى تجارهم يسسون نفس الشي
اذكر مره قصه في الرياض من كم سنه وفي لوبي الفندق محل ساعات ومعاي ربعي من قطر والسعوديه يوم دشينا المحل عجبت واحد من الربع ساعه وسعرها كان معقول يوم قلت له عليها خصم قالي عيب قطري وتسال عن خصم !!!!!
قالي انا زبايني كلهم من قطر وناس دفيعه انا كنت محترمه هالبايع بس يوم شفت كلامه هشكل قلت بالله انت سعودي قالي لا باكستاني مواليد السعوديه قلت زين صور مع ساعتك هالموقف تافهه وسخيف ولكني نسيته واليوم يوم قريت الردود طرى على وهالموقف قديم والناس ماخذه هالفكره عنا مع الاسف بعض القطريين مايحاسب ويدفع وهو ساكت مالها خص ف البطره يمكن ينحرج او يمكن يحسب السعر لمتد ولكن الصمت اوقاات حكمه واوقات خيبه
البيع والشرا مفاصل عادي وين المشكله اذا ماخذته بسعر اقل بتاخذه بالسعر المعروض
وهل صحيح الخبر الي سمعناه هبوط في اسعار السيارات الانجليزيه مثل الرنج روفر ؟؟؟
يعني هل سوقنا فيه شفافيه لانه اذكر لمن وصل الرنج الاتوبيقرافي 700 الف قالو الباوند طالع زين الباوند نزل الحين كم وصل سعره؟؟؟

[khaldoon]

طبعا كلامي هنا للبعض لحد ياخذ الموضوع بحساسيه ويقولي انت عنصري وغيره , هذي اشياء اتصير يوميا في مجتمعنا ومن حولنا وفي اهلنا , الكثير من المقيمين من جنسيات عربيه يحاولون ينهبون القطري ويمتصونه قد مايقدرون باي طريقه , سواء في عملية شراء او عقد عمل او حتى معامله لازم الواحد يحاول يطلع فايده قد مايقدر من القطري , والله لدرجة اني كرهت التعامل مع العربي عقب ماشفت البعض منهم يحلف على القرأن وهو كاذب !! معقوله وصلنا لهدرجه , مافي واحد جبته في شغل عندي الاا حاول ينصب في السعر , انا للاسف ماتكلم عن تجربه وحده الاا تجارب كثيره , وكل الي حولي سواء هلي او ربعي الاا جنسيه معينه خذت افلوسهم وانصبت عليهم واحد خسر تجارته بهالسبب وللحين يسدد ديونه كان الله في عونه وواحد للحين بيته واقف والسبب نفس الشي بعد انصب عليه في مبلغ يقارب الــ 500 الف !! لين متى احنى ينلعب علينا , والله شي يقهر بصراحه اسمحو لي انا ادري ان في كل بلد الزين والشين لكن الي اشوفه الشين طاغي محد مضيعنا غير بعض الناس من هالفئه , لاحول ولااقوة الاا بالله ,,

اخوي انا كعربي مقيم في قطر اقولك كلامك صحيح و مب بس العربي يقوم باستغفال المواطن القطري ...ايضا المقيم العربي يستغفل المقيم العربي الاخر و انا افضل اتعامل مع هنود مثلا و اشعر انهم افضل من بعض الجنسيات العربيه ...اللي تبيع كلام و غش و نصب اكثر من تقديم جودة محترمه و سعر غالي ما يستحقه

[MAZEN37]

الاستغفال بيكون على اي شخص يسمح
ماله خص قطري او مقيم
نعيب زماننا والعيب فينا
لازم يكون في وعي وتفكير عند اي انسان السؤال والبحث والتعليم والجهد وووو
في هالحاله اعتقد صعب احد يقدر يخدعك لانه بتكون مطلع وعلى نور
المشكله في ثقافة المستهلك

[طلعة الروح]

البائع بعد ذكي دارس نفسية الشاري فأكيد عارف من بيدفع ومن بيرفض ومن بيقاصص في السعر ومن بيخضع للسعر المطروح ويعرف بعد من الي راح يدفعله اكسترا او اكراميه ومن الي بيدفع قيمة الفاتوره بالضبط فمضبط وضعه من البداية..موضوع الاستغفال صعبه يمشي ع الكل بس القطري يميل الى الدفع بهدوء تام في أغلب الاوضاع لكن آن الأوان ان يرفض اذا ماعجبه سعر الخدمه او السلعه ويطالب بالتخفيض لأن النصب صاير اسهل شي في البلد ومب شرط محل عادي حتى احيانا النصب يكون في محال كبيره ومعروفه وكذلك في جهات تابعه للدوله ومب شرط نصب في السعر بس لأن التلاعب والغش واخفاء الحقيقه عن المستهلك اذا كان غشيم او مستحي يسأل او غير فاهم الوضع احيانا يكون اضمن لهم من النصب في السعر وماينتج عنة من مسائله قانونيه ضد البايع والمحل.

[معماري قطري]

كلامك صحيح يامعماري بس النسب تكون معقوله يعني انا اقارن اسعارنا بدول الجوار الفرق واضح حتى تجارهم يسسون نفس الشي
اذكر مره قصه في الرياض من كم سنه وفي لوبي الفندق محل ساعات ومعاي ربعي من قطر والسعوديه يوم دشينا المحل عجبت واحد من الربع ساعه وسعرها كان معقول يوم قلت له عليها خصم قالي عيب قطري وتسال عن خصم !!!!!
قالي انا زبايني كلهم من قطر وناس دفيعه انا كنت محترمه هالبايع بس يوم شفت كلامه هشكل قلت بالله انت سعودي قالي لا باكستاني مواليد السعوديه قلت زين صور مع ساعتك هالموقف تافهه وسخيف ولكني نسيته واليوم يوم قريت الردود طرى على وهالموقف قديم والناس ماخذه هالفكره عنا مع الاسف بعض القطريين مايحاسب ويدفع وهو ساكت مالها خص ف البطره يمكن ينحرج او يمكن يحسب السعر لمتد ولكن الصمت اوقاات حكمه واوقات خيبه
البيع والشرا مفاصل عادي وين المشكله اذا ماخذته بسعر اقل بتاخذه بالسعر المعروض
وهل صحيح الخبر الي سمعناه هبوط في اسعار السيارات الانجليزيه مثل الرنج روفر ؟؟؟
يعني هل سوقنا فيه شفافيه لانه اذكر لمن وصل الرنج الاتوبيقرافي 700 الف قالو الباوند طالع زين الباوند نزل الحين كم وصل سعره؟؟؟

ينزل في الدول اللي فيها مصداقية مثل أمريكا وعندنا لا

لازم تكون عندنا جرأة ما نرضى بالأسعار المبالغ فيها .. مرة دخلت مطعم بلهارس ما ادري بلبمبارس ما ادري بلهمبار معاي بنتي ومشي له وعنوة .. قريت المنيو كله أسعار مبالغ فيها وجاني العربي تؤبرني وتامر وانا اطامر حسيت باستغلالهم عطته المنيو وقلت أسعاركم وايد مبالغ فيها ومشيت .. ما ادري ليش احس باستغفال كبير من البعض

[معماري قطري]

الاستغفال بيكون على اي شخص يسمح
ماله خص قطري او مقيم
نعيب زماننا والعيب فينا
لازم يكون في وعي وتفكير عند اي انسان السؤال والبحث والتعليم والجهد وووو
في هالحاله اعتقد صعب احد يقدر يخدعك لانه بتكون مطلع وعلى نور
المشكله في ثقافة المستهلك

بس بعد إخوي مازن فيه تركيز من بعض الجنسيات على القطري

سمعة قطر وصلت لغالبية دول العالم ومع الباعة في هذي الدول من يعرفون إن اللي يشتري منهم قطري يقولون له بصراحة فلوسكم وايد وتبون رخيص

قطر شرت مشاريع كثيرة وبنت مشاريع كثيرة من ضمنها أكبر مول في واشنطن واستوت لها شهرة كبيرة حتى في أمريكا

[مخطط قطري]

الانسان الواعي والنبيه صعب استغفاله

[جبر ال جبر]

طبعا كلامي هنا للبعض لحد ياخذ الموضوع بحساسيه ويقولي انت عنصري وغيره , هذي اشياء اتصير يوميا في مجتمعنا ومن حولنا وفي اهلنا , الكثير من المقيمين من جنسيات عربيه يحاولون ينهبون القطري ويمتصونه قد مايقدرون باي طريقه , سواء في عملية شراء او عقد عمل او حتى معامله لازم الواحد يحاول يطلع فايده قد مايقدر من القطري , والله لدرجة اني كرهت التعامل مع العربي عقب ماشفت البعض منهم يحلف على القرأن وهو كاذب !! معقوله وصلنا لهدرجه , مافي واحد جبته في شغل عندي الاا حاول ينصب في السعر , انا للاسف ماتكلم عن تجربه وحده الاا تجارب كثيره , وكل الي حولي سواء هلي او ربعي الاا جنسيه معينه خذت افلوسهم وانصبت عليهم واحد خسر تجارته بهالسبب وللحين يسدد ديونه كان الله في عونه وواحد للحين بيته واقف والسبب نفس الشي بعد انصب عليه في مبلغ يقارب الــ 500 الف !! لين متى احنى ينلعب علينا , والله شي يقهر بصراحه اسمحو لي انا ادري ان في كل بلد الزين والشين لكن الي اشوفه الشين طاغي محد مضيعنا غير بعض الناس من هالفئه , لاحول ولااقوة الاا بالله ,,

مايسوى عليه هالكم ريال يحلف بالقران كذب ،، الله يكفينا شرهم

[aloosh]

محد ينصب على احد
القوانين هي اللي خلت الاجانب يلعبون لعبتهم في القطري
القطري غير محمي مكشوف لكل نصاب

فيه مقوله في اسيا والغرب
اذا اردت ان تجني مبالغ طائله اذهب الى قطر

لانهم عارفين ما فيه قانون يحمي القطري ويخلي الاجنبي يسرح ويمرح يبوق ملاين ويسجن 3 سنين لا ويقطعون هم له التذكره

عجبي

[Mbarkaji]

ههههههه
واحنا بالسعودية نظن ان السعودي مستهدف في بلاده ونظن ان الأجانب يمارسون علينا عملية النصب ورفع الأسعار
و الأجنبي عذره سعودي تقدر تدفع
و مع الأسف ان حاولت تستأجر بيت مثلا يكون الاجار 40 الف واللي قبلك اجنبي مستأجره ب 30 الف
والسبب انك سعودي
غسيل مكيف يكلفنا بالسعودية 60-100 ريال و زعلانين
الحلاقين عندنا
كان الدقن ب 5 صار ب 10 و فيه محلات ب 15
الشعر من 10 صار الى 15-20
و فيه بلديات تفرض تسعيرة موحده بالذات في القرى والمدن الصغيرة


لكن بإختصار بالسعودية ممكن تتناول وجبة ب ريالين و نفس الوجبة ممكن تتناولها 50 ريال
حسب الموقع
الأسعار تحكمها اجارات المحلات و رواتب العمالة والاجارات تفرق اذا الاجار غالي اكيد البضاعه بتكون غالية

yas you are right coz of the costs to high in qatar

[جبر ال جبر]

yas you are right coz of the costs to high in qatar

but if we co- operation we will change the system and get all items on normal price

[نمـر]

على طاري أسعار الحلاقين واحد من الشباب عنده محل وأسعاره القديمه ما بدلها ولا غيرها يقولي ياوه البلديه وقالوله إرفع الأسعار خلها نفس المحلات الثانيه ولا بنخالفك 5 آلاف ريال

[بوحارب]

انا توني مفصل ثيابي من سوق العلي الواحد ب 110 ريال والحمدلله الأمور طيبة

:(

[بومحمد المطاوعه]

انا توني مفصل ثيابي من سوق العلي الواحد ب 110 ريال والحمدلله الأمور طيبة

:(

من شماليك

انا افصل ف مدينه خليفة الجنوبيه

خياط الباخره
والحمدلله اموري اطيب من الطيبه

و ب 140 وشكيبو
وتيوبو

[بومحمد المطاوعه]

الانسان الواعي والنبيه صعب استغفاله

صدقت
بس وينهم

الا من رحم ربي

دش اي محل وشوف في حد يكاسر الحين

ماتو الي يكاسرون ياخوك

كنت ف سوق الجبر واكاسر الهندي في المحل
يقول بابا انت نفر من الطيبين هههههههه

ذبحني يوم قالها
قال مافي نفرات واجد يقول سوي خصم ويكاسر
اكثر شي الي يكاسرون الحريم هني
بس رجال مافي واجد واجد

قلت له نزلي 5 على هالكلام بعد:anger1: اراويك انا هههههه

[بومحمد المطاوعه]

ان شاءالله نشوف الاحوال تتحسن

[بوحارب]

من شماليك

انا افصل ف مدينه خليفة الجنوبيه

خياط الباخره
والحمدلله اموري اطيب من الطيبه

و ب 140 وشكيبو
وتيوبو

عدل شغلك

والقماش اللي فصلته نوع لكزس

يعني لو مفصل هالثوب في خياط فاخر كان طلع علي ب 300 اقل شي

الظاهر راعي الخياط مطلع الأجارات من ظهورنا ههههههههه

[بومحمد المطاوعه]

عدل شغلك

والقماش اللي فصلته نوع لكزس

يعني لو مفصل هالثوب في خياط فاخر كان طلع علي ب 300 اقل شي

الظاهر راعي الخياط مطلع الأجارات من ظهورنا ههههههههه

اي والله صدقت ياخوي

هههههه عاد البعض يسوي نفسه كشخه
ويفصل في هالمحلات الشووو

[بوخالد911]

على طاري أسعار الحلاقين واحد من الشباب عنده محل وأسعاره القديمه ما بدلها ولا غيرها يقولي ياوه البلديه وقالوله إرفع الأسعار خلها نفس المحلات الثانيه ولا بنخالفك 5 آلاف ريال

معقووووووووووووولة ؟!؟!؟!؟

[جبر ال جبر]

اليوم الخامس ع التوالي مانحصل جنيه استراليني هذا الان صار استغفال مب ع القطري على الحكومه بكبرها معقوله دوله بمؤسستتها واقتصادهاوبترولهاوشوارعهاوبحرهاوكميه
البشر الي فيها مانحصل باوند!!!!
البحرين الامارات الكويت هل عندهم نفس الازمه!!!
هل قطر لو طلبت من البنك المركزي الانجليزي 200 او 300 مليون باوند ووزعتها على الصرافين فيها مشكله؟؟
الخلل وين من المركزي او من محلات الصرافه
الباوند بالسوق العالمي 4.8 وهنيه ينباع ب4.93 واحنا نبي نشتريه مب محصلينه
الظاهر ينتظرون عليه يطلع فوق 5 وعقب يبعونه هذي ام ام الاستغفال وصوره حيه عنه*رجعنابالذاكره
لزمن السلاجقه

[قطــ86ــر]

العلة في الشعب مع الأسف

[جبر ال جبر]

العلة في الشعب مع الأسف


العله في بعض افراد الشعب الي بطريقه غير مباشره يشجع ويساعد على علو كعب هالفئه من انصاف التجار وعندهم مبادىء فاشلة الغايه تبرر الوسيله والتجاره شطاره وغيرها من ذرائع وحجج مالها من اساس
فهدف الموضوع الرئيسي توعيه وتثيقف وطرح امثله حيه لتجنب الوقووع في مثل هالحفر والعثرات مستقبلا