التامين الطبي (صحه )

[musel999]

مساكم الله بالخير


بخصوص صحه التامين الطبي لما وقوفوه قالو بيرجع شهر 6
الموضوع وقف وكنسلوه او لهم رجعه
الميزانيه مطروحه من بداية السنه اكثر من العام المفروض انها بتغطي


لو في موظف عندهم يعطينا معلومه وماتقصرون
اسمحولى اكتب من الجوال الموضوع مختصر ومتروس اغلاط املاءه

[بوخالد911]

التأمين الصحي أجلوه لين السنة الياية.
والله يكتب الخير لهل قطر.

[مضارب دوسري]

تاجل اخوي الى 2017
بس ما حددوا اي شهر بالضبط

[جوال 11]

يراقبون أسعار العيادات والمستشفيات الخاصة حتى يستفيد المواطن من التامين الصحي فتح الملف الطبي لازال معمول به في العيادات الخاصة مع العلم بصدور قانون يمنع ذلك وخلع السن في عيادة الخراشي فرع الغرافة بسعر 900 ريال و 150ريال لفتح الملف هل يعقل هذا يا من بيدكم القرار ؟
اذا لم يتم تحديد أسعار العلاجات والرقابة على الأسعار فسوف تستنزف ميزانية الصحة من قبل اناس همهم الربح السريع بغض النظر عن مستوى الخدمات المقدمة

[Jspec]

والله العظيم انه الحل بسيط بس وين صاحب القرار القوي اللي يسويها

اولا امنع الاحتكار ويكون السوق مفتوح (خطوط جويه محطات بترول تكاسي خدمات) وشوف اشلون التنافس في تقديم الافضل بسعر افضل
ثانيا يفكونا من شي اسمه توسع افقي ويصير التوسع طولي (عمارات 15 دور وفوق ومواقف تحت الارض وتحت كل شي سوبرماركت وخياطين وحلاقين ومواقف باصات ومترو) عنبوه الدوحه صارت خمسين كيلو في خمسين كيلو ذبحتونا مشاوير


وصدقوني بتشوفون انه التجاره تزدهر والاجارات تخف ومافيه زحمه لانه الكل لاقي احتياجاته قريب بيته او شقته




بهالطريقه كل شي بيرخص حتى العلاج لانه الاجار نزل والمحلات كثيره

[شيخ الديرة]

بهالطريقه كل شي بيرخص حتى العلاج لانه الاجار نزل والمحلات كثيره
احد طرق تسعير الخدمات هو استعدادية الزبائن للدفع، بغض النظر عن كلفة الخدمة الاساسية

[Sowaidi]

^^^^
بس اذا حصلوا نفس المنتج بسعر أقل هل راح يدفعون للاغلى

شوف الفرق في الزحمه بين الميره واللولو
وفي النهاية اللولو يتوسع ويحقق أرباح والميره عايش بدعم مب صاحي

[شيخ الديرة]

^^^^
بس اذا حصلوا نفس المنتج بسعر أقل هل راح يدفعون للاغلى

شوف الفرق في الزحمه بين الميره واللولو
وفي النهاية اللولو يتوسع ويحقق أرباح والميره عايش بدعم مب صاحي

نعم يدفعون

هناك عوامل نفسية تتدخل في قرارات التسوق وأهمها ما يسمى "القيمة المنظورة" (https://en.m.wikipedia.org/wiki/Value-based_pricing) ، وللتوضيح خذ مثال حاجة مسعرة ب 50 ريال ونفسها بالضبط مسعرة 2000 ريال، راح تقول لو بيها خير كان ما باعوها ب 50 ريال، والثاني يقول لولاها زينة كان ماباعوها ب 5000

[بنت شرق]

ما انشوف هالتشدد على الصرف على الرياضة ، وماشفنا ايقاف للصرف الي ماله معنى عليها ، بس كل شي ينفع الناس فتحوا عينهم عليه

[المحاميه]

جزا الله الحكومه خير
ماقصرت ابد
وتأكدوا ان كل اللي يسونه ف مصلحة المواطن
لاتستعجلون والخير جاينا ان شاء الله
ورجاء لاتذمرون
ارجع اقول الحكومه مش ملزومه بهالخطوه وجزاهم الله خير على جهودهم

العام موجود للجميع وبالمجان
واللي يبي الخاص يدفع من جيبه

[الشفق الحالم]

شدعوه اجلوه لييييش!!! منتظره التأمين بودي عيالي اسنان الاهلي !!

[الصغيره]

اتمنى يكو ن للافضل

اتمنى يكون هناك مجلس مراقبه من عدة مواطنين يتبع التامين الصحي

ياناس مثلا انت يا قطري يا قطريه لما تذهب تريد عياده وتشتكي من مرض ويعالجونك يعمل تعميم على كل العيادات ان الشخص هذا راجع العياده الفلانيه بتاريخ كذا وصرف له العلاج اللازم ولا يستحق معاينه جديده الا بعد شهر او تقرير من طبيب معتمد

لان البعض يجي العياده ذي يوم الا هو بعياده ثانيه خربوا علينا الصراحه بسوء تصرفهم


وبعدين ياصحه حرام عليكم دام الميزانيه تكفي فكو لنا الباب والله هلكنا من طوابير الانتظار بالطواري او انتظار المواعيد بالمراكز الصحيه

[رفيع الهامه]

إن شالله ما يرجع التامين الصحي

والاسباب كل هل قطر يعرفونها, لان الاجانب قاموا يستغلون اهل قطر ويتعالجون بدالهم ..



يالله في العشر الاواخر انهم مايرجعون التامين الصحي

[JN000N]

والله مافي احسن من المستشفى الحكومي
ولا احسن من مستشفى حمد
لكن الاولويه فيه صارت للاجانب مب للقطريين
والدليل روحو الطواري وشوفو النسبه
روحو العيادات الخارجيه وشوفو
وروحو بعد مستشفى النساء والولاده العيادات الخارجيه اول شهور الحمل خلوها ف المراكز الصحيه بس تستغرب هالاجانب الي توهم ف اول شهور الحمل وفمستشفى الولاده مب مركز صحي
ومدري ان تحويلهم لحالات معينه
لكن ماجفت الا اجانب ولا وحده قطريه واقفه ف الطوابير

خليتو ياهل قطر المستشفى الحكومي الزين ورحتو ورا الخاص الي ما وراه الا الخساير والمشاكل

[A-Alansari]

فقط معلومه للي مايدري

العيادات الخاصه مالها حق تدفعك رسوم فتح ملف

واي عيادة تطلب منك رسوم فتح ملف اتصل على حماية المستهلك وبيشرشحونهم

وقول لهم انك مكلم حماية المستهلك وقايلين لك ممنوع العيادات تاخذ رسوم فتح ملف

[العابــرQAT]

لا والحراميه يقولون لك تبي تشوف الدكتور تدفع 150 ريال من غير الادوية ما ادري داش اشوف مولر او روبن

[musel999]

إن شالله ما يرجع التامين الصحي

والاسباب كل هل قطر يعرفونها, لان الاجانب قاموا يستغلون اهل قطر ويتعالجون بدالهم ..



يالله في العشر الاواخر انهم مايرجعون التامين الصحي

لا تدعي قول ان شاء الله انه يرجع بطريقة مدروسة

انا واحد من الناس التامين كان يغطي علي كنت اسوى جلسات علاجية لعيالي الاثنين مرتين في الاسبوع
الجلسه بميتين يعني كان يوفر علي ثمانمية ريال اسبوعيا

ياليت يرجعونه بطرق مدروسة ولا يخصخص ف شركات تامين عندهم خبره في السوق ممكن يتحكمون في الاسعار
في نصب صار ايه في نصب بسبة قلة الرقابه
في حل ممكن انه الواحد يدفع من جيبه وبعدين يراجع التامين والتامين يسدد له في هالحاله كل واحد بيدقق علي فاتورته ويعرف وين صرفها

ولو كان العلاج المناسب متوفر في الحكومية بنفس جودة الخاص ماتوجهو له الناس لكن التجربة مرت نتمنا يستفيدون منها ويتفادون اخطاه

[بوحارب]

إن شالله ما يرجع التامين الصحي

والاسباب كل هل قطر يعرفونها, لان الاجانب قاموا يستغلون اهل قطر ويتعالجون بدالهم ..



يالله في العشر الاواخر انهم مايرجعون التامين الصحي

ياخي في ناس محتاجين التأمين الصحي

عندهم ظروف وحالات مرضية الله لا يحطك مكانهم ...

[مهره]

من البدايه ما كان في تخطيط جيد للتأمين

[سليمان احمد]

يرجع ان شاء الله بطريقه افضل للجميع

ويتم تلافي المشاكل السابقه بما يحفظ حق الجميع

حق الدوله بعدم تلاعب المستشفيات

وحق المواطن انه يضمن علاج في اكثر من مكان

وصدقوني هذا الايقاف من صالح الدوله لمراجعه الاليه والاجراءات السابقه لتلافي التلاعب

ومن صالح المواطن ليعود منظم اكثر

[بوحنان]

إن شالله ما يرجع التامين الصحي

والاسباب كل هل قطر يعرفونها, لان الاجانب قاموا يستغلون اهل قطر ويتعالجون بدالهم ..



يالله في العشر الاواخر انهم مايرجعون التامين الصحي

يالله في العشر الأواخر انك تشفي رفيع الهامه