استفتاء

[رافت]

هل ترى أن السيارة الهجينة لها مستقبل في قطر ؟
السيارة الهجينة هي السيارة التي لديها محرك كهربائي وآخر على البنزين
يوجد في قطر على ما أعتقد نوعين من السيارات الهجينة من الوكالة
بي إم دبليو
وتويوتا بريوس

[جبر ال جبر]

خرعتنا الله يهداك ،،، انا قريت كلمه استفتاء خفت انفصالنا عن الخليج ع العموم انا ضد فكره السيارات الهجينه لانه مضارها اكثر من نفعها ف الوقت الحالى

[رآعي موآجيب]

نعم لها مستقبل في كل دول العالم مش قطر وبس

بل اعرق وافخم شركات السيارات تسوق للمحركات النصف هجين بشكل ( قياسي ) وليس ( اختياري ) على انواع مختاره من سياراتهم

ومنها في قطر أغلب السيارات الاوروبيه

واعتقد والله اعلم انه خلال الـ 10 سنوات القادمه ستكتسح السوق العالمي بشكل تام مع ضعف نسبي في السوق الخليجي بسبب ضعف الثقافه في علم الميكاترونيك و رخص سعر البنزين بشكل عام

[eXpert*]

لازم نخفف الإعتماد على البترول ونخليه للمستقبل اطلما في تقنيات بديلة ليش أحرقه لين آخر قطره ؟

أتمنى يجيبون سيارات كهربائية وتشحن عن طريق محطات كهرباء تعمل بالطاقة الشمسية .

[ماجد]

المستقبل يعتمد على حسب الجدوى الاقتصادية للمستخدم وعلى حسب ظروف كل بلد
حاليا الاستفادة من المحرك الكهربائي كبديل للبنزين او الديزل العادي افضل من الناحية البيئية فقط لاغير
عندنا ماعتقد بيكون لها تاثير لان الوقود موجود وارخص ولا مجال للمقارنة في كفاءة محركات الوقود بالمحركات الكهربائية
السيارات الهجينة تصلح للدول الاوروبية والاسيوية حق السيارات الصغيرة والاقتصادية فقط

[ماجد]

لازم نخفف الإعتماد على البترول ونخليه للمستقبل اطلما في تقنيات بديلة ليش أحرقه لين آخر قطره ؟

أتمنى يجيبون سيارات كهربائية وتشحن عن طريق محطات كهرباء تعمل بالطاقة الشمسية .

فكرة ممتازة استغلال الطاقة الشمسية لتوليد الكهرباء

اعتقد فيه مشروع تابع لقطر فاونديشن متبني الفكرة

[أسد الجزيرة]

عام 2025 اي بعد 9 سنوات ستوقف كل من المانيا و الدنمارك استعمال سيارات البنزين و ستعتمد على السيارات الكهربائية

[بوخالد911]

نعم
خلووونا نغير من البترول
ال الكهرباء .

[Jspec]

نعم
خلووونا نغير من البترول
ال الكهرباء .
وبهذا السبب ممكن تصير الكهرباء عندنا فلوس مستقبلا


انا مع السيارات الهجينه وايضا السيارات الكهربائيه بس اذا توافرت الخدمات الخاصه بها في قطر

[يوسف0]

السيارات الكهربائيه سيئه جدا لان البطاريه وفي الأجواء البارده تضعف مع الوقت سنه الى سنتين وزياده وماتعطيك قوتها او الشحن كامل وتقل بشكل كبيييير جدا

اذا جابوها وفي جو الخليج ما اضنها تصلح ابدا

[GENIUS]

في شركة مختصة بالسيارات الكهربية فقط واسمها تسلا وهي منتشرة بشكل كبير في أمريكا ومنها الفخم والسبورت لكن أشك في قدرتها على تحمل اجوائنا الصيفية بسبب كثرة الالكترونيات والدوائر الكهربائية فيها. أما السيارات الهجينة فموجودة في أسواقنا لكن غير منتشرة وأيضا مدى الاستعمال ليس للمسافات أو لفترة زمنية طويلة مع أن بعضها تشحن نفسها بطريقة ميكانيكية أثناء الحركة .

[رجل الجزيرة]

يا زين صوت المكينة إذا دعست له وبس.
أما صوت مكينة الكهرباء كأنه مخنوق.

[طلعة الروح]

نترك الاجابه لخبراء ميكانيكا السيارات فيما يخص مناخ المنطقه ومايناسبها من متطلبات وخصائص السيارة المثالية

[معماري قطري]

السيارات الكهربائيه سيئه جدا لان البطاريه وفي الأجواء البارده تضعف مع الوقت سنه الى سنتين وزياده وماتعطيك قوتها او الشحن كامل وتقل بشكل كبيييير جدا

اذا جابوها وفي جو الخليج ما اضنها تصلح ابدا

الشيخ شفت السيارة الكهربائية بالكامل تسلا الأمريكية ودخلت في نقاش طويل مع مسؤول المبيعات .. تتكون من بطاريات صغيرة معبية الشاصي بالكامل والشاصي طبقتين .. سئلته لو صار حادث شيصير من تلوث وتبعثر البطاريات قال هيكلهم قوي ولا ينكسرون وهم مفرقين حق تكون قوتهم أكثر .. سئلته عن العمر الافتراضي للبطاريات قال 25 سنة لو تمشي بمعدل كبير نسيت كم وحتى ال 25 سنة اعتقد قال أكثر بس فترة طويلة عندنا تنتهي السيارة فيها بسرعة

تعبي السيارة كهرباء في الليل وتسوقها 700 كيلو بدون صوت نهائياً وسرعتها عالية وسعرها 50000 دولار تحت ال 200000 ريال يعني .. وألحين دخلت الأصغر حجم والكروس اوفر منها بأبواب تنفتح لأعلى للي ورا


https://www.youtube.com/watch?v=KWEUErGlazU

مكاينها 4 قرب التواير كل وحدة قد قوطي النيدو الوسط

[معماري قطري]

يا زين صوت المكينة إذا دعست له وبس.
أما صوت مكينة الكهرباء كأنه مخنوق.

واحد من الربع أجر هجين في أمريكا وراح فيها مسافة ووقف ونزل محل وطلع شغلها يقول ولعت الليتات والعدادات بس المكينة ما تشتغل .. يقول خذت التلفون واتصلت بالشركة وقلت لهم مشكلتي مع السيارة قالوا لي دوس بريك وشغل .. يقول قلت ما تشتغل قالوا حطها في الدي وحاول ترفع رجلك عن البريك يقول مشت سكاتي بدون صوت .. يقول لو دست لها تشتغل مكينة البترول وتعبي للكهرباء اللي تعتبر مساعدة وصرفها للبترول أقل .. هو معانا في المنتدى وممكن يعلمنا بتفاصيل سالفته

[معماري قطري]

الهجين في قطر اللكزس الصغيرة تتعبى على بريك السيارة وسعرها 185000 والتيوتا اعتقد والبي ام ال 3 سلندر ومكينة كهرباء سعرها حول 500 ألف

[يوسف0]

الشيخ شفت السيارة الكهربائية بالكامل تسلا الأمريكية ودخلت في نقاش طويل مع مسؤول المبيعات .. تتكون من بطاريات صغيرة معبية الشاصي بالكامل والشاصي طبقتين .. سئلته لو صار حادث شيصير من تلوث وتبعثر البطاريات قال هيكلهم قوي ولا ينكسرون وهم مفرقين حق تكون قوتهم أكثر .. سئلته عن العمر الافتراضي للبطاريات قال 25 سنة لو تمشي بمعدل كبير نسيت كم وحتى ال 25 سنة اعتقد قال أكثر بس فترة طويلة عندنا تنتهي السيارة فيها بسرعة

تعبي السيارة كهرباء في الليل وتسوقها 700 كيلو بدون صوت نهائياً وسرعتها عالية وسعرها 50000 دولار تحت ال 200000 ريال يعني .. وألحين دخلت الأصغر حجم والكروس اوفر منها بأبواب تنفتح لأعلى للي ورا


https://www.youtube.com/watch?v=KWEUErGlazU

مكاينها 4 قرب التواير كل وحدة قد قوطي النيدو الوسط


حسب الي قريته فالنت مشاكل سيارة تسلا وايد لكن المستهلكين مرتاحين للسياره بسبب شركة تسلا الي فامريكا وتصليحم الفوري واهتمامهم لسمعة الشركه لاكن بعد الضمان الله يعينك على القطع واسعارهم الغاليه (هذا فامريكا ومشاكل السياره واجد)

ونعم على حسب الي قريته البطاريه جيده لاكني اشك انها تنفع فالخليج

والبطاريات تعيش 25 سنه هههههه اسف معماري لاكن مستحيل

ودايما مسؤول المبيعات بيبينلك ان السياره ماعليها كلام ومن هذا القبيل :)

[رافت]

هذي النقطة اللي انا خايف منها وهي عمر البطارية في جو تصل درجة حرارته 50 درجه مئوية
كل التجارب اللي موجودة في اليوتيوب والتقارير اللي بالنت معمولة في جو بارد ومافي أي تجربة في الخليج

[رافت]

خرعتنا الله يهداك ،،، انا قريت كلمه استفتاء خفت انفصالنا عن الخليج ع العموم انا ضد فكره السيارات الهجينه لانه مضارها اكثر من نفعها ف الوقت الحالى

ههههههههههه
الله يعطيك العافية أخوي جبر
بس ايش المضار اللي أنت شايفها في هذا النوع من السيارات