افضل دكتور لعلاج الأكزيما عند الأطفال

[بورصجي_جديد]

السلام عليكم. مبارك عليكم شهر الصيام

الله يبارك فيكم. اسأل عن احسن دكتور لعلاج الاكزيما عندي بنتي عمرها سنتين الاكزيما مأكل جسمها أكال وديتها عند كذا دكتور وبرع الدوحة رحم الله والديكم. من تجاربكم من ووين الأفضل سواء في الدوحة ولا خارج الدوحة تحياتي لكم

[العملة النادرة]

هذي المشكله مالها حل الا ان دايما ترطب الجسم بالكريمات مثل الكيوفي ومرطبات من الصيدلية
واذا تفاقمت الحاله في حالات مثل البرد ممكن تستخدم الكورتزون يخفف الاكزيما وترجع على الكريمات
انا بنتي عمرها خمس سنوات وديتها اماكن كثيره في الدوحه والبحرين وعلاجهم موقت فقط
الله يشفيهم ويعافيهم

[نجم سهيل]

السلام عليكم

الله يشافيها ويعافيها

عندك شجرة الشريش أو النيم .. موجودة عندنا فالدوحة

تغلي اوراقها وتسبحها فيها وتفرك جسمها بالورق نفسه بيخفف عليها بإذن الله .. واذا حاب تتأكد تقدر تجربه على يدها دون الجسم لفترة مثلا عشان تشوف الفرق.

[النهار]

السلام عليكم

الله يشافيها ويعافيها

عندك شجرة الشريش أو النيم .. موجودة عندنا فالدوحة

تغلي اوراقها وتسبحها فيها وتفرك جسمها بالورق نفسه بيخفف عليها بإذن الله .. واذا حاب تتأكد تقدر تجربه على يدها دون الجسم لفترة مثلا عشان تشوف الفرق.

مؤيد لكلام اخونا استعمل مغلي ورق النيم بشكل منتظم علاج فعال لجميع انواع الحساسيه والشجره متوفره في قطر
اما فرك الجسم بالورق لاينصح به
ممكن فرش اورق النيم على سرير الطفل بعد غسلها الماء

[شبح الصمت]

الله يشفيها لك ويشفي ولدي ويشفي ابناء المسلمين وكل مريض

وده الواحد فيه والا يشوف في عياله
ولكن الواحد يقول الحمد لله على ما اعطى وندعي رب العالمين انه يشفيهم ويحفظهم يارب

شوف ياخوي كعلاج مخفف مثل الكريمات عندك الدكتور فهد الباكر من تجربه
بس نسبة الكرتزون اوقات تكون عالية عشان تخفيف الالم

وفي الدكتور مهدي في العيادات الخارجية لو تاخذ عنده موعد وتروح له اهو يعلاج بالماي بتقولي اشلون بالماي ..
حاول انك تاخذ تحويل من المستشفى وتروح له خذ فكرة عن طريقته ويمكن سبحان الله ربك يطرح في يده الشفاء من بعد رب العالمين

ودكتور قمة قمة قمة في الاخلاق وشرح وانسان فاتح تلفونه في ايام خارج الدوام للاستفسارات

الله يسلمك علاج الماي له عدة طرق بس انا الي اتذكره

انك تشتري للطفل ملابس قطن وتبللهم بالماي وتنشفهم ويكونون رطبين وتلبسهم اياه يوم ينام فيهم على هالحال لمدة اسبوع ..

ونصيحة نصيحة ياخوي وكل واحد عنده طفل شوف لهم حد من القراء من وزارة الاوقاف القريب من بيوتهم ودو عيالكم يقرأون عليهم


انا وديت ولدي من فترة قرأ عليه الشيخ وكان يصيح الولد كل ما قرب منه
وسالته اشلون ياشيخ قالي كل الاطفال معرضين للعين والحافظ رب العالمين ..


والحين الحمد لله اشوي اخف لكن ما لنا غنى عن الكريمات

وبخصوص الدكتور مهدي اذا حساسية جسم لها طريقة ولكن اذا حساسية من اكل معين لازم تسوون فحوصات الدم ..

لانه عطانا ابرتين وان شاء الله ما نستخدمهم

لانه الولد في حساسية من اكل معين


والله يشفي ابنائنا وابناء المسلمين آجمعين .

[بوراشد82]

اخصائيه التغذيه ريم العنزي بالكويت،، تكلمت عن الاكزيما وعالجت حالات وايد واذكرت انه سبب الاكزيما ارتفاع معدن البوتاسيوم،، في ثلاث شهور تعالج المرض عن طريق الاكل بس وتنظيم معادن الجسم

[الاستاندر]

محد عانا من الاكزيما مثل بنتي ربي يحفظها
من عمر شهر وهي تستخدم ادويه فيها كرتازون
مريت مراكز صحيه وعيادات مانفع معاهم
وحده من العيادات عطونا كرتازون قوي عن طريق الفم وكان خطر وانا ماعرف واستخدمته على بنتي يومين اخر شي مكتوب عليه لايستعمل للاطفال تحت السنتين
حسبي الله عليهم
واخر شي رحت عياده فهد الباكر عند الدكتوره هايدي والله ممتازه والحمد لله الاكزيما تختفي بالشهور ويوم ترجع ماروح حق غيرها

[غايه الطواش]

اخوي ماله علاج كل الي عليك ترطب الجسم وكل مايكبر الياهل تخف

حاول تستخدم منتجات فينو للاكزيما للاطفال


http://2.bp.blogspot.com/-kEY16iR5oNg/VjHyrZ0WYQI/AAAAAAAAFN4/IcMI1Em4bSY/s320/aveno4.jpg


http://4.bp.blogspot.com/-FwmKg5jL5OE/VjHywvc-BMI/AAAAAAAAFOA/eURiuZUzUCw/s320/aveeno5.jpg

[أبو سعيد]

وعليكم السلام ورحمة الله وبركاتة

اخوي انا عندي بنتي نفس الحالة من ولادتها وهي تعاني من الاكزيما ومافيه مكان ما وديتها لة كانت تحك لين يطلع الدم من الجلد وديتها مصر - والبحرين - والامارات - والمانيا
وسويت لها اختبار الحساسية عن طريق الجلد وانصحوني بالابتعاد عن بعض الاكلات والغبار والحيوانات ومافية علاج ما استعملتة سواء بالكريمات المخلوطة عن طريق الدكاترة .
لكن بالنهاية عليك بالكريمات المرطبة من غير مواد معطرة دايم ولا زم يكون الجلد رطب ومع العمر بأتحسن حالتها تدريجيا وأسال الله العلي العظيم ان يشفيها ويشفي مرضى المسلمين اجمعين.