هل هذه مدرسة ام مكتب سياحي

[qatara]

أرسلت احد المدارس مسج توضيح لجتماع توضيحي بالمدرسه نفسها

للقاء تعريفي السنوي عن إجراءات ماقبل السفر للمملكه المتحده .

(والعجب انه لقاء سنوي يعني جدول سنوي )

ليته كان تعريف ( بالحج او العمره ) لبيت الله

السوال هل هو تغريب لابنائنا ام ماذا ؟!

فاالي أقوله الله المستعان


واترك التعليق لكم

[بانغ بانغ]

يخوي ترى عادي هاي عرف اكاديمي سنوي وشي جيد ايعرفون الطلاب بامور ما قبل السفر

طبعا لاغراض الدراسة

اما موضوع ارسال الناس لعيالهم للخارج هذا موضوع غير في ظل وجود معاهد وجامعات عالمية في البلد

[معماري قطري]

مساكين يبون رز بعد ما فلسوا الانجليز .. يقولون الملكة متصلة برئيس عربي تقول له شلون قدرت تسكت شعبك

[qatara]

يخوي ترى عادي هاي عرف اكاديمي سنوي وشي جيد ايعرفون الطلاب بامور ما قبل السفر

طبعا لاغراض الدراسة

اما موضوع ارسال الناس لعيالهم للخارج هذا موضوع غير في ظل وجود معاهد وجامعات عالمية في البلد

أولا لما تحدد بلد معين فما القصد

ثانيا لما يشوف الطالب غيره من المستطيعين للسفر وهو ضروفه لاتسمح فما شعوره بين زملائه

ثالثا قد يكون ولي الامر مقتدر لاكن لا يرغب لابنائه في الذهاب لمثل هذه البلدان وانت تعرف ما اعني

فيعيش باخذ ورد معا أبنائه ليش غيرنا ليش غيرنا فعتقد هل الشي لا يجوز

رابعا لما لا يكون البرنامج السنوي للتعريف باماكن لها تاريخ مجيد بهذه الامه وضمن دراسته طول السنه

بيكون شي مقبول يعني ما باقي الا حجز فنادق وتذاكر لبريطانيا بالمدرسه انا كولي امر كرهت هذا التصرف من المدرسه

مع احترامي لك لا اتفق مع رايك ابد ليس بعادي وارجع وأقول هل هي مدرسه ام مكتب سياحي .

واتحداك تجيب لي أي مدرسه ببريطانيا تجمع ولاة الامر وطلابها اخر السنه تقول لهم ننضم ونشرح لكم زياره لدولة قطر .

(كان يفرحني كولي امر لو كان المسج اجتماع للطلبه واوليا الأمور نشرح لكم عن كيفيه الحج او العمره )

واذا تقول منهج اكاديمي فانا اعتبره برايي انه منهج سيي

[مفكر قطري]

مستحيل يكون هذا اللقاء الزامي لأولياء الأمور.. و اذا الزامي فالخلل من المدرسة نفسها..
اللقاء بيكون مفيد للطلاب اللي راح يبتعثون لبريطانيا و أكيد في اللقاء راح يجون ممثلين من جامعات بريطانية لجذب الطلاب. و الحمدلله الدولة موفرة فرص الابتعاث للخارج في كافة المجالات.

[Dana’1]

مسجات المدرسه توصل للكل حتى لو كان المسج يخص صف معين دون أخر
فيمكن هالمسج للطلاب المتميزين لي يودونهم بريطانيا لدراسة*اللغه

[qatara]

ياكثر مسجاتهم الي ماتخلص


اعتقد انا لم أتكلم عن التميز فالنقاط الي كتبتها واضحه

[مواقف النجادة]

التعليم ما له والي من زمااااان..

[shadad]

خهخخخ الملكة المتحدة تبي رز, اشوف واصلني مسج على البرودباند واللي انا اصلا بالعاده ما اطالع مسجاته ومسوين عروض لشقق فندقيه. طاح السوق عيل هناك .

[غايه الطواش]

اعتقد هذا المسج حق المدراس الي عندهم طلاب يودونهم فالصيف لندن يدرسون لغه ولد اخوي واحد منهم واخوي جاه المسج
وهو مسج لجميع اولياء الامور فالمدرسه

[بومحمد المطاوعه]

الله الغني عنهم
ولا نبي يودون عيالنا ولا شي ,,

ندرسهم وسطنا وبين اهلهم وفي بلادهم المسلمه

ولا نبي بلاد الكفر

[غايه الطواش]

الله الغني عنهم
ولا نبي يودون عيالنا ولا شي ,,

ندرسهم وسطنا وبين اهلهم وفي بلادهم المسلمه

ولا نبي بلاد الكفر

بالعكس اخوي مثل هالرحلات تزرع فيهم الثقه فالنفس وتقوي شخصيتهم وتقلل الاتكاليه وتزيد من الاعتماد على النفس وخاصه ان عليهم مشرفين
وفالاخير اللغه الانجليزيه هي اللغه الي تحكم العالم , والطلاب الي بيروحون فالمرحله الثانويه يعني سنه سنتين ويدرسون بره
هالكورسات راح تساعدهم في حال تقديمهم للتوفل والايلتس
لان بالعاده بالنصف الاول من كل سنه سواء حق اول ثانوي او ثالث يبتدي تسجيل الجامعات ويبتدي التقديم على السبونسر
كل ماكان الطالب جاهز كل مازادت فرصته فالقبول

[بومحمد المطاوعه]

بالعكس اخوي مثل هالرحلات تزرع فيهم الثقه فالنفس وتقوي شخصيتهم وتقلل الاتكاليه وتزيد من الاعتماد على النفس وخاصه ان عليهم مشرفين
وفالاخير اللغه الانجليزيه هي اللغه الي تحكم العالم , والطلاب الي بيروحون فالمرحله الثانويه يعني سنه سنتين ويدرسون بره
هالكورسات راح تساعدهم في حال تقديمهم للتوفل والايلتس
لان بالعاده بالنصف الاول من كل سنه سواء حق اول ثانوي او ثالث يبتدي تسجيل الجامعات ويبتدي التقديم على السبونسر
كل ماكان الطالب جاهز كل مازادت فرصته فالقبول

صحيح
من هذي الناحيه انا معاج

لان الحين كل مكان يبون انجليزي
وهذي متطلبات تطور الزمن

في رحلات دول اخرى بعد مفيده
مثل بعض الجمعيات الخيريه
يودون الشباب
ماليزيا او اليابان
والله شي عجيب


الله يحفظ عيالنا ويحميهم من الفتن

[qatara]

بالعكس اخوي مثل هالرحلات تزرع فيهم الثقه فالنفس وتقوي شخصيتهم وتقلل الاتكاليه وتزيد من الاعتماد على النفس وخاصه ان عليهم مشرفين
وفالاخير اللغه الانجليزيه هي اللغه الي تحكم العالم , والطلاب الي بيروحون فالمرحله الثانويه يعني سنه سنتين ويدرسون بره
هالكورسات راح تساعدهم في حال تقديمهم للتوفل والايلتس
لان بالعاده بالنصف الاول من كل سنه سواء حق اول ثانوي او ثالث يبتدي تسجيل الجامعات ويبتدي التقديم على السبونسر
كل ماكان الطالب جاهز كل مازادت فرصته فالقبول

كل مكان يبون انجليزي
والله وشي يبي ؟ هاذي منسيه
اللغه تقدرين تدرسينها حتا وانتي في بيتج لو اني جاده


مسلمين جدد يعتنقون الإسلام بالغرب والشرق
كم هي صعبه اللغه العربيه ياخذون الترجمات
ويعرفون الدين وكل ذالك تقصير من العرب
ويدرسون بأنفسهم ويتوصلون لحقيقة الدين
وانتو تتعذرون بكلمتين انجليزي تحذفون مراهقين
عند بلدان كل شي فيها مباح تقويه لغه هههههه

[غايه الطواش]

كل مكان يبون انجليزي
والله وشي يبي ؟ هاذي منسيه
اللغه تقدرين تدرسينها حتا وانتي في بيتج لو اني جاده


مسلمين جدد يعتنقون الإسلام بالغرب والشرق
كم هي صعبه اللغه العربيه ياخذون الترجمات
ويعرفون الدين وكل ذالك تقصير من العرب
ويدرسون بأنفسهم ويتوصلون لحقيقة الدين
وانتو تتعذرون بكلمتين انجليزي تحذفون مراهقين
عند بلدان كل شي فيها مباح تقويه لغه هههههه

المراهقين ماراحو بروحوهم لا راحوا مع مشرفين اكفاء وثقه
وهالكورسات من زمان كانت تصير حتي يوم كنا طلبه بجامعه قطر كانو يودون الطالبات
وفالاخير انت ك ولي امر مخير يا انك توافك او ترفض مافي شي اجباري
انا ردي كان على سبب المسج

بعدين حتي الطالب الي يخص ثانوي ويتغرب عشان الدراسه عمر 17 او 18 يعتمر عمر مراهقه

ماعتقد ااذا واكبنا متطلبات العصر والتطور معناتها تركنا الدين على جنب

[طلعة الروح]

اظن انجلش سكول اللي تقصدها لاتنسى ان جزء من ثقافة المدرسه بالنهاية ماشوف في مشكل كبير اذا انطرح برنامج اختياري وليس الزامي وانت كولي أمر تقدر تنصح عيالك باللي يصلح لهم من برامج تعليمية داخل البلاد او خارجها بس ماتجبر المدرسه على طرح البرنامج من عدمه لأن غيرك يمكن يحتاج هالفرصه.