سيتم افتتاح مدينة ألعاب دبي شهر 10 القادم

[معماري قطري]

على غرار دزني لاند وقد تكون مطورة أكثر بأربعين عرض سينمائي 4 دي حيث تعيشك الحدث كالواقع مع جميع الحواس

لهم فترة يحطون دعايات وأكيد بيحددون أو حددوا يوم وساعة الافتتاح ما قالوا في الربع الرابع والا الربع العاشر

[سعود.]

عقبال عندنا

[.قطر.]

بالتوفيق لدبي
عاد احنا عادي يقولون في الربع الاول ويتأخرون سنه زياده مافيش مشكله :omen2::rolleyes2:

[معماري قطري]

عقبال عندنا

آمين .. إحنا نستثمر برا أكثر من داخل ولو شوية تركيز على الداخل أكثر من الاستثمار الخارجي بيكون الربح باقي وبيستفيد منه الكل

[معماري قطري]

بالتوفيق لدبي
عاد احنا عادي يقولون في الربع الاول ويتأخرون سنه زياده مافيش مشكله :omen2::rolleyes2:

هذا اللي شاك في مستوى شغله يقول سيتم الافتتاح في سنة 2017 مثلاً بعدين يقول لك الربع الأول من 2018 وبعدين يمدد لين 2019 وشفنا أمثلة كثيرة على ذلك

[معماري قطري]

https://www.youtube.com/user/dubaiparksandresorts

[mr. abdulla]

يا آخوان ... حرام نقارن دبي و قطر من ناحية البنية التحتية و المنشأت ... بعدين حلاة ألعاب سناء... مجددين المكان... مودي عيالي من شهر...و المكان فاضي...

[Dana’1]

بالتوفيق لدبي
من كم يوم قريت خبر إن السعوديه فتحت المجال لشركه six flags بالاستثمار بالسعوديه... عاد ما اعرف بأي منطقه
بعضهم اشتغلو على ايجابيات مثل هالقرار
وبعضهم قال تسويق للفرح بالمملكه!! :(

أسأل الله العظيم كل مافيه خير للعباد والبلاد

[معماري قطري]

يا آخوان ... حرام نقارن دبي و قطر من ناحية البنية التحتية و المنشأت ... بعدين حلاة ألعاب سناء... مجددين المكان... مودي عيالي من شهر...و المكان فاضي...

ليش حرام قطر شناقصها .. إستثماراتها في دول غير مستقرة انمسحت بالكامل مثل اليمن وليبيا ومصر ولو بهذي الاستثمارات مسوين مشاريع مثل ذي وتتزامن مع مسمار أشغال ( البنية التحتية ) بتكون عندنا مشاريع سياحية نوعية

ما اشوف اسم ديزني في اعلانات حدائق دبي والظاهر مسوين شغل خاص بعيد عن الشركة يهودية الأصل والداعمة حق الصهاينة وتحصل تنسيق الشغل بشركات دول العالم الثالث الرخيصة واللي فيها عقول تنتج والمهم الإدارة

[معماري قطري]

بالتوفيق لدبي
من كم يوم قريت خبر إن السعوديه فتحت المجال لشركه six flags بالاستثمار بالسعوديه... عاد ما اعرف بأي منطقه
بعضهم اشتغلو على ايجابيات مثل هالقرار
وبعضهم قال تسويق للفرح بالمملكه!! :(

أسأل الله العظيم كل مافيه خير للعباد والبلاد

الله يوفقهم ويرزقهم .. لو يسوون خطة من الصفر أفضل لهم من هذي الماركات بس تكون خطة مدروسة صح وعلى مستوى عالي

[بانغ بانغ]

والله عندنا امكانيات افضل من دبي لكن الحرامية اكثر ...

[راجي الْعفو]

بو عبدالله نبي الشوارع تخلص بسرعة و بجودة

هذا هو ديزني لاند مالنا ^_^

[بانغ بانغ]

خل ايضبطون شاطئ ام الحول اول عقب ايسوون دزني او جرني

[راجي الْعفو]

خل ايضبطون شاطئ ام الحول اول عقب ايسوون دزني او جرني

شكلك ماكل عليهم حصى
خربوا عليك كشتاتك البحرية الرومانسية ^_^

[حمد 2002]

شكلك ماكل عليهم حصى
خربوا عليك كشتاتك البحرية الرومانسية ^_^

هههههههههه

[معماري قطري]

والله عندنا امكانيات افضل من دبي لكن الحرامية اكثر ...

لا سوء تخطيط مالي وسياحي واستثماري والله يعين ويوفق

[معماري قطري]

بو عبدالله نبي الشوارع تخلص بسرعة و بجودة

هذا هو ديزني لاند مالنا ^_^

ما عندنا الا مقاولين أو ثلاثة والمقاول الدولي شافطينه بعد مقاولين محليين شلون بتخلص .. غير عن التخطيط والاستملاكات اللي ما اتوقع تتغير الشوارع .. إذا عمارة كليوباترا القديمة باقية مكانها وإذا سوق واقف المبني حديث مضيق الرصيف شلون بيعدلون التخطيط قبل

[ya3coub]

عاد من عقب علاء الدين لحد الحين مافي غير الأكوا بارك ولا منها فايدة

دولة كاملة مافيها مدينة ملاهي :( نسافر برع علشان نلعب.


عقبال احد يفكر باي مشروع و راضين المهم العاب

[qatari911]

عاد من عقب علاء الدين لحد الحين مافي غير الأكوا بارك ولا منها فايدة

دولة كاملة مافيها مدينة ملاهي :( نسافر برع علشان نلعب.


عقبال احد يفكر باي مشروع و راضين المهم العاب

اتفق معك
بس اكو بارك والله من اول مافتحت ماطبيتها ابدا
وحطيت x بعد ماسمعت ان المياه الي فيها مكرر والمستنقع الي كان بالسيليه اختفى فربط اختفاء المستنقع بالكوا بارك :eek5: عادي مادري صدقهم من كذبهم

[معماري قطري]

اتفق معك
بس اكو بارك والله من اول مافتحت ماطبيتها ابدا
وحطيت x بعد ماسمعت ان المياه الي فيها مكرر والمستنقع الي كان بالسيليه اختفى فربط اختفاء المستنقع بالكوا بارك :eek5: عادي مادري صدقهم من كذبهم

لو منقى تنقية عالية بيكون مناسب .. يستخدمونه بدون تنقية عالية لزراعة الأعلاف ولأرضيات الطرق للدك .. ولغسيل الرمل واعتقد للخرسانات بس في كل هذي الاستخدامات يفترض اعادة معالجته بازالة الأملاح والكلو والكيماويات الباقية

[معماري قطري]

عاد من عقب علاء الدين لحد الحين مافي غير الأكوا بارك ولا منها فايدة

دولة كاملة مافيها مدينة ملاهي :( نسافر برع علشان نلعب.


عقبال احد يفكر باي مشروع و راضين المهم العاب

خلاص ألحين نبغي شيء لعيال عيالنا حتى عيالنا كبروا واللي مروا في مملكة علاء الدين قبل يحتاجون علاج طبيعي وركبهم ما تشيلهم

شكل دبي بيسوون شيء مميز وثلاث حدائق قريبة من بعض واتوقع بتكون فيها مواصلات مريحة وتكييف غير عن ديزني واتوقع التخطيط والنظام مبتكر ما تدخل فيه ديزني ولو تدخل تدخل بحدود

[النهار]

ما عندنا الا مقاولين أو ثلاثة والمقاول الدولي شافطينه بعد مقاولين محليين شلون بتخلص .. غير عن التخطيط والاستملاكات اللي ما اتوقع تتغير الشوارع .. إذا عمارة كليوباترا القديمة باقية مكانها وإذا سوق واقف المبني حديث مضيق الرصيف شلون بيعدلون التخطيط قبل

هههههههههههههههههههههههههه

ذكرتني بعمارة كليوباترا كان الايرانين والبلوش يسمونها عماره مال مركب
يوم بركب التكسي يقول له وين تبي تروح يقول عماره مال مركب اصحاب التكسي كلهم يعرفون هذه التسميه
نفس اصحاب البقالات يوم يقول له عطني علي بن علي معناتها سيجائر روثمان
والميرندا كانت جديده وقبلها كان فاليتا يقول عطني فاليتا الاخ يبغي ميرندا

[وحيد-الشوق]

عادي عندنا جنغل زون تكفي :)

[بوخالد911]

الفال لنا.

[معماري قطري]

هههههههههههههههههههههههههه

ذكرتني بعمارة كليوباترا كان الايرانين والبلوش يسمونها عماره مال مركب
يوم بركب التكسي يقول له وين تبي تروح يقول عماره مال مركب اصحاب التكسي كلهم يعرفون هذه التسميه
نفس اصحاب البقالات يوم يقول له عطني علي بن علي معناتها سيجائر روثمان
والميرندا كانت جديده وقبلها كان فاليتا يقول عطني فاليتا الاخ يبغي ميرندا

كلهم آذكرهم بس العمارة ما اذكر تسميتها مع إن باصنا كل يوم يمر صوبها في طريقه لمدرسة بو بكر الصديق

جددوها بنفس الهيكل بس تشطيب وصبغ وشوية تغييرات شوف شلون خرساناتها من ذاك الوقت للحين يعني بالراحة 50 سنة وفوق

[fzaa_qatar]

شفت اعلان المشروع وكان اعلان تشويقي وحلو والمشروع ضخم جدا جدا ونوعي عباره عن 3 مدن ترفيهيه بالاضافه لمدينه مائيه ومنتزه ضخم بشكل غير موجود ومغطاه ومكيفه في العالم في قلب مدينة دبي وبمساحه تبلغ مليون ونص متر ويبلغ زوارها سنويا 4 ل 5 مليون شخص للمدن الترفيهيه بس.. دبي تسابق الزمن فالاستثمار فالسياحه وعارفه السياح وش يبون وشلي يخليها متميزه عن غيرها ... عقبالنا ان شاء الله

[معماري قطري]

شفت اعلان المشروع وكان اعلان تشويقي وحلو والمشروع ضخم جدا جدا ونوعي عباره عن 3 مدن ترفيهيه بالاضافه لمدينه مائيه ومنتزه ضخم بشكل غير موجود ومغطاه ومكيفه في العالم في قلب مدينة دبي وبمساحه تبلغ مليون ونص متر ويبلغ زوارها سنويا 4 ل 5 مليون شخص للمدن الترفيهيه بس.. دبي تسابق الزمن فالاستثمار فالسياحه وعارفه السياح وش يبون وشلي يخليها متميزه عن غيرها ... عقبالنا ان شاء الله

هذا وما عندهم بترول بس عندهم عقول

[fzaa_qatar]

هذا وما عندهم بترول بس عندهم عقول

صحيح كلامك عقل وتفكير واراده شفت لدبي من كم يوم فاتحين جسر من 8 مسارات عشان يخفف الضغط ع شارع الشيخ زايد شي رهيب وشغل عالي الجوده .. ونقول عقبالنا .. جسر الصناعيه اللي بعد دوار الصناعيه فاتح من كم شهر الحين تسكر صيانه او القار اخترب .. ونقول عقبالنا ان شاء الله

[معماري قطري]

صحيح كلامك عقل وتفكير واراده شفت لدبي من كم يوم فاتحين جسر من 8 مسارات عشان يخفف الضغط ع شارع الشيخ زايد شي رهيب وشغل عالي الجوده .. ونقول عقبالنا .. جسر الصناعيه اللي بعد دوار الصناعيه فاتح من كم شهر الحين تسكر صيانه او القار اخترب .. ونقول عقبالنا ان شاء الله

خاطري اعرف شيقولون أشغال بس لو انسألوا عن هذي المشاريع للمسؤولين

[طلعة الروح]

عادي الي يبي يلعب في الملاهى يقدر يسافر دول معروفه بهالأمور أظن اسبوع واسبوعين يكفي الواحد ويرجع طفل عود

لأن انا ماحس ان بلادنا يصلح لها احنا بنستانس اكثر اذا اشغال عدلوا الشوارع وبطلوا اللفات والطرق الاساسية الفرحه بتكون اكبر لان تعودنا ان حتى لو افتحوا شي فبيكون للاجانب والزوار في الأغلب.

الا شصار على مشروع حديقة الحيوان؟

[معماري قطري]

عادي الي يبي يلعب في الملاهى يقدر يسافر دول معروفه بهالأمور أظن اسبوع واسبوعين يكفي الواحد ويرجع طفل عود

لأن انا ماحس ان بلادنا يصلح لها احنا بنستانس اكثر اذا اشغال عدلوا الشوارع وبطلوا اللفات والطرق الاساسية الفرحه بتكون اكبر لان تعودنا ان حتى لو افتحوا شي فبيكون للاجانب والزوار في الأغلب.

الا شصار على مشروع حديقة الحيوان؟

جاري العمل فيها على قدم وساق .. حول سنتين يهدمون المحطة وللحين باقي شوي هذا هدم شلون لو بناء .. والشغل شوي شوي في التوسعة الشمالية وصراحة غريبين أوقات يحلى لهم الشغل بعد 12 في الليل وحنة ونقل تريبات دفان وشهور طويلة يوقفون

أحد المطلعين قال لي وقفوا العمل في المشروع لوجود مشاريع أهم وصراحة الشغل ما يبي له شيء وبتكون توسعة جيدة وامتداد لحديقة اسباير من خلال الجسر اللي يقطع الشارع

[ya3coub]

جاري العمل فيها على قدم وساق .. حول سنتين يهدمون المحطة وللحين باقي شوي هذا هدم شلون لو بناء .. والشغل شوي شوي في التوسعة الشمالية وصراحة غريبين أوقات يحلى لهم الشغل بعد 12 في الليل وحنة ونقل تريبات دفان وشهور طويلة يوقفون

أحد المطلعين قال لي وقفوا العمل في المشروع لوجود مشاريع أهم وصراحة الشغل ما يبي له شيء وبتكون توسعة جيدة وامتداد لحديقة اسباير من خلال الجسر اللي يقطع الشارع


غريبة علبالي الجشر إلى المنطقة الغربية و ليس الشمالية !!!!

مشاريع كثيرة سحبتها اشغال أخرها مشروع بمليار و شوية و مقسم ‘لى ثلاثة مشاريع و تم ترسية المناقصات و توقيع العقود جك بوم وصل ايميل بأن اشغال بتسحب مشروع الصرف الصحي بالكامل "المشروع الي توه ادرجوه و اعتمدوه و وقعو مع الماقولين"

بحكم بانه غير ظروري و قيمته عالية و انه الميزانية صارت اقل و سيتم الإستغناء عن المشاريع الأقل اهمية حتى لو مانت للبنية التحتية فالوقت الحاضر


بصراحة مدري شنو اقول مردهم بيسوونه ليش مو الحين مرة وحدة مع الطرق ولا ينطرون لين استوت الطرق يردون بقيمة اعلى يفتحون و يحفرون و يردمون !!!

[معماري قطري]

غريبة علبالي الجشر إلى المنطقة الغربية و ليس الشمالية !!!!

مشاريع كثيرة سحبتها اشغال أخرها مشروع بمليار و شوية و مقسم ‘لى ثلاثة مشاريع و تم ترسية المناقصات و توقيع العقود جك بوم وصل ايميل بأن اشغال بتسحب مشروع الصرف الصحي بالكامل "المشروع الي توه ادرجوه و اعتمدوه و وقعو مع الماقولين"

بحكم بانه غير ظروري و قيمته عالية و انه الميزانية صارت اقل و سيتم الإستغناء عن المشاريع الأقل اهمية حتى لو مانت للبنية التحتية فالوقت الحاضر


بصراحة مدري شنو اقول مردهم بيسوونه ليش مو الحين مرة وحدة مع الطرق ولا ينطرون لين استوت الطرق يردون بقيمة اعلى يفتحون و يحفرون و يردمون !!!

هو من شمال حديقة الحيوان الى المنطقة الغربية الجنوبية من اسباير

عن مشاريع الصرف الصحي سياستهم يسوون المشروع غالي ومبالغ فيه ومعتمد على الجاذبية ومن هشكل يغزر الحفر كل ما ابتعدنا حتى يكون السلوب مناسب وهذا اللي يكلف أكثر شيء .. ولو يسوون الحفر سطحي أو البايبات مبني لها فوق الأرض بتكلف وايد أقل بس التكلفة الجارية أو التشغيلية بتكون أكبر بسبب الاعتماد على المضخات .. التكلفة التشغيلية ممكن تدخل فيها طاقة شمسية أو طاقة رياح ويكون التوفير كبير كذلك سهولة الصيانة لو البايبات قريبة وظاهرة مبني حولها جدار مثلاً أو دفان مزروع .. والأهم تنبني بسرعة وبسعر معقول وبدون أذية لخلق الله .. وهذي المميزات ما يعرفونها أشغال يعرفون شلون يستنزفون فلوس من الحكومة بس

[معماري قطري]

تخيل قبل شلون احنا معتمدين على الجاذبية لتوصيل الماي لحمامات بيوتنا نفس الشيء هم معتمدين على طريقة أساسية خاطئة وقديمة وتحتاج بايبات كبيرة وحفر عميق .. طريقة الضخ مثل الماء مع البرشر شلون يوصلنا وبطاقة بسيطة نفس الشيء للصرف فيه مكاين كبيرة تضخ ولا فيه داعي للحفر الغزير وبسلوب بسيط جداً معزز بقوة الضغط حتى ما نحتاج قطر كبير للقنوات اللي تحت الأرض ولا نحتاجها تحت الأرض أصلاً