استفسار محلات المطابخ

[][ Q6r ][]

السلام عليكم ورحمه الله وبركاته

استفسار افضل محلات المطابخ الخشب او الالمنيوم
يكون اسعارهم مب مبالغ فيها
مريت كذا محل اسعارهم 35الف وفوق هذا بدون الفرن والثلاجة المكرويف

[معماري قطري]

لو تحب شيء زين ومميز خذ المقاسات بالضبط وأرسلها لاختصاصيين المطابخ في السعودية

أعتقد فيه عند الكحيمي وفيه مصنع انجليزي له فرع اسمه crab tree أو هذي الماركة .. انا خذت من وكيل لهم في قطر 3 مطابخ ب 35000 بس علي الرخام والمغسلة التركيب عليهم كان بس سكر صاحب المحل

[إعلامي قطر]

..

الشيخ فيه مطبخ خارجي ألمنيوم برونزي لونه فخم
وعليه رسومات ورود خفيفه عجيب شكله حبيته
من أول نظره بمحل الميره سعره حروة العشرين
لمطبخ 6*4 أنصحك فيه وأنصحك أيضاً تاخذ
الفرن وباقي الشغلات مثل الثلاجه والغساله
والمايكرويف وإلخ من شركة بوش الألمانيه شغل
فاخر جداً وأسعار منافسه مثلاً الفرن بـ 3 وشي
والغساله بـ 900 ريال وإلخ وعن طريق الميره ممكن
هم ينسقون لك كل شي مع بوش ويركبون لك وهالشكل
وإذا رحت الميره إسأل عن "إلياس" تعامله مريح وسلس
وإذا تبغي رقمه راسلني خاص وفالك طيب..

..

[إعلامي قطر]

..

وإذا بتروح بوش بنفسك وهذا الأفضل "لأن الخصومات بتكون أكبر"
أنصحك تتعامل مع "فادي" شاب خدوم وطيوب وماعنده شغل الفهلوه !

وإذا تبي رقمه راسلني خاص وفالك طيب..

..

[][ Q6r ][]

لو تحب شيء زين ومميز خذ المقاسات بالضبط وأرسلها لاختصاصيين المطابخ في السعودية

أعتقد فيه عند الكحيمي وفيه مصنع انجليزي له فرع اسمه crab tree أو هذي الماركة .. انا خذت من وكيل لهم في قطر 3 مطابخ ب 35000 بس علي الرخام والمغسلة التركيب عليهم كان بس سكر صاحب المحل

والله الظاهر هذا اللي بسويه
ولا هنت

[][ Q6r ][]

..

الشيخ فيه مطبخ خارجي ألمنيوم برونزي لونه فخم
وعليه رسومات ورود خفيفه عجيب شكله حبيته
من أول نظره بمحل الميره سعره حروة العشرين
لمطبخ 6*4 أنصحك فيه وأنصحك أيضاً تاخذ
الفرن وباقي الشغلات مثل الثلاجه والغساله
والمايكرويف وإلخ من شركة بوش الألمانيه شغل
فاخر جداً وأسعار منافسه مثلاً الفرن بـ 3 وشي
والغساله بـ 900 ريال وإلخ وعن طريق الميره ممكن
هم ينسقون لك كل شي مع بوش ويركبون لك وهالشكل
وإذا رحت الميره إسأل عن "إلياس" تعامله مريح وسلس
وإذا تبغي رقمه راسلني خاص وفالك طيب..

..

ان شاء الله امر عليهم اشوف اسعارهم
ولا هنت

[al saad]

الشيخ ابعد عن الميرة غالي و مواعيد تسليم زفت اول ما يخذون العربون لاحقهم ولا يسلمك الى بعد الدفع كامل قبل التسليم يعني اذا صار أي شي ضاع حقك وراكض وراهم

[Azizuk]

من غير خوض في موضوع فتن والتحدث عن الديانات

بس اللي حسّيت من شركة الميره إدارتهم عندهم نوع من العنصرية واعرف لي شخص كان شغال معاهم قسم التصميم كأنو يعاملونه معاملة مب طيبه لانه مسلم بعدين طلع من عندهم

وانا شفت بيعيوني كيف كأنو معاي يوم مريت عليهم

الشاهد الله الموظفين اللي في صالة المعرض ممتازين اللي استقبلوني رجال ومدام جداً محترمين

بس يوم التقيت بمديرهم مارتحت له كلش قبل ماعرف الشخص اللي كان شغال معاهم وبلغني بعنصريتهم فيمابعد

مطابخهم تتصنع في الامارات لأنهم فرع من شركة اماراتية

ويمكن تغيرت الادارة عندهم

الكلام هذا من سنتين تقريباً

انا يهمني الشخص اللي اتعامل معاه واحترم الشخص مهما كانت ديانته وشكلة وجنسيته ولاكن اذا حسّيت ان الشخص هذا يحاول يُبين لي عنصريته او يتفاخر اويحاول يقلل من الشخص اللي قدامة هذا خط احمر بالنسبة لي

وخاصه اذا وصل الموضوع الى موضوع ديني

وجهة نظر حبيت انقلها عن هالمحل

[شمس المغيب]

اذا المطبخ خارجي الألمنيوم أفضل
في الاختصاصي شغلهم ممتاز و نظيف
واذا للداخلي في المنيوم نوعية مقاربة للخشب
عند كتشن استديو ماتفرق بينه و بين الخشب
بس سعره غالي وناويه احط منه في بيتي
لفيت كل محلات المطابخ هذيلا افضل اثنين شفتهم
بالنسبة للخشب عند الشايع شغل راقي و مرتب
بس أنا ما حب الخشب فاستبعدته
بس مطبخ ب 35000 مالقيت كلهم فوق
الا الاختصاصي وهذا راح اركب عنده للمطبخ الخارجي
إن شاء الله

[Azizuk]

والله معظم محلات المطابخ عيارين ونصابين وغير دقيقين في مواعيدهم

قبل مااخلص الخرائط طلب مني الاستشاري خرائط الديكور وانا تفاجأت من كل مكان اروح له يطلب مني مبلغ اذا انا ابغي مخطط مبدئي

محد من المحلات اللي رحت لها حاول يساعدني وانا كانت اول مره لي ادخل واخوض في هذا المجال

المهم رحت حق راعي المكيفات قال لي ماعطيك خرائط التكيف الا اذا وقعت معاي العقد

رحت للديكور يطلب مني توقيع العقد مع خرائط التكيف والمطبخ

ونفس الشي راعي التكيف يطلب مني خرائط المطبخ

واحترت الحين انا

صرت اشوط يمين ويسار بين محلات التكيف والديكور والمطابخ

وكل واحد يبي أوقع معاه العقد عشان يأخذ فلوس

والمشكلة طالبين مبالغ مب بسيطه

وانا لين الحين في الحمد ماخلصت الخرائط او قريب اخلص الخرائط

لفيت محلات الديكور واستقريت على عالم الديكور وأخذ مني 19 الف على الخرائط الديكور وعلى قولته انها راح تنخصم من قيمة الديكور

وطلب مني ديكور المطبخ عشان يحدد مكان الديكور ومطبخ البانتري فوق في الصالة عندي

التكيف شركة الدرويش وبعد دفعت 40 الف عشان خرائط الديكور ونفس الشي بتنخصم من قيمة التكيف وبعد طلب مني خرائط المطبخ عشان يحدد مكان فتحات التكيف

لان بعض كباتت المطابخ تجي لاصقه في السقف وبعضها فيها جزيرة في النص

المهم كل شي متعلق في الثاني وانا اول مره لي وماعرف شي في هذي الأمور وادفع لهم لأني مطر

وكل هذا وانا لين الحين ماحفرت اساسات البيت وإلا خلصت رخصة البناء

نجي حق المطبخ بعد الف من محل الى محل استقريت على مطابخ رافكو والكل مدحهم لي

وطبعاً لازم أخذ منهم اسكتش حق تصميم المطبخ وإلو اسكتش بسيط عشان بس احدد نقاط و مكان تسليك الكهرباء

قالو لا مانعطي اسكتش لازم توقع عقد

طيب انا توني ماقدر اختار نوع وشكل المطبخ النهائي قالو مب مشكلة بنسيو لك تصميم وبعدين تختار نوع الخشب والديكور بس لازم تدفع

وقلت لهم باقي لي مشوا طويل لين اركب المطبخ مب تجون تقولون لي يالله يالله المطبخ جاهز وماعندنا مكان لتخزين

المهم دفعت 30 الف ونفس الشي بتنخصم من قيمة المطبخ

اخذة الخرائط كلها وعطيت كل واحد نسخه لراعي الديكور وراعي التكيف

بعد فترة تقريباً 3 شهور من توقيع العقد طلبو مني رافكو احدد نوع الخشب ولازم ادفع مبلغ لهم لان كل نوع له سعر

دفعت وأمري لله

في شهر 12 قبل ماتخلص السنة طلبو مني ادفع لهم مبلغ لان اذا مادفعت راح تزيد الأسعار 10% السنة الجايه

ليش بعد ادفع قالو أسعار الخشب بترتفع اذا مادفعت على الأقل قيمة الخشب شوف انت العيارة لان النوع اللي انا مختارة راح يوفق انتاجة

خذ العيارة بس بعد دفعت لهم بعد هواش وزعل بينهم ومناحر

بعد ست او 8 شهور اتصلو على وقالو لي تعال ادفع كامل السعر ورفضت خلاص وصلت عندي معاهم

وبعد نقاش حاد قالو خلاص ادفع وخل 10 % اخر دفعه

والله حرام يلعبون في الناس جذي هالمحلات وخاصه أني كنت غشيم في أمور البناء قبل

وصار لي موقف معاهم انا مختار أدوات كهربائية من تيكا teka والثلاجات فرجدير من عند المانع

بعد فترة اتصلو على قالو لي الثلاجات اللي اخترتهم من المانع خلاص المصنع وقف تصنيعهم وفي مديلات جديدة نفس الحجم بس مطورة شوي وسعرها زاد شوي

المهم رحت للمانع وطلبت صحيح ان غيرتو الموديل قال لي صحيح نزل فيها ليتات ال اي دي وشوي تغير بس السعر متغير واجد شي بسيط

رجعت للمطابخ قلت لهم انتو طالبين مبلغ زيادة على سعر الثلاجة والاتفاق اللي بيني وبينكم

تخيلو سعر الثلاجة ب 5900 ريال طبعاً هي ثلاجة منفصلة وفريزر منفصل وكلهم نفس السعر على 5900 بعد الخصم النهائي عند المانع لأني عميل عندهم من زمان وهي سعرها الأصلي بعد الخصم ب 6500 ريال

كم طالبن مني زيادة رافكور على كل ثلاجة وفريزر ألفين ريال على السعر المتفق عليه اول ماوقعت العقد معاهم

يعني 4 آلاف ريال كنت بدفع زيادة

واروح ادفع قيمة الثلاجة عند المانع واكنسل طلب الثلاجة عن طريق رافكور

ويوم جبت لهم الفاتورة انحرجو واتصلو على موظف المانع قسم المشاريع وتهاوشو معاه وقالو له انت حطيتنا في موقف محرج مع العميل وهذا يضر سمعت رافكور

لأني انا اخذة الأغراض من محل المانع الي جنب مدماك

من جذي اطلب من الناس اللي راح تركب مكيفات دكت سبلت او سنترال يتجنبون الجسور الساقطة

عشان مايتوهق زيي وكل واحد يطلب منه مبلغ للخرائط

ويسوي ارتفاع 4 متر ونص من الارض الى السقف صافي

ويحدد مكان توزيع نقاط الكهرباء ونوع التصميم التقريبي للمطبخ

وبعدين يحدد مكان ومن وين يشتري المطبخ

او اذا هو دفيع وماتهمه الفلوس يدفع الاستشاري كامل الخرائط للديكور والتكيف والتصميم ويعطيه الخارطة كامله بس راح يكلفة مب اقل من 90 الف ريال للخارطة بس اذا مب أزيد مع الإشراف

وهذ معاناتي مع تنفيذ الخرائط وبناء البيت

وهذا صورة من عقد المطبخ ومذكور في اخر العقد ان راح يحاسبوني على كل شهر تاخير في استلام المطبخ مبلغ 250 ريال

97661

97662

97663

والله المستعان

وآسف على كثر الكلام والإطالة

[معماري قطري]

مأساة يا بو سعود والله والسبب ضعف المكتب الاستشاري صدقني وضعف القوانين عندنا

لو المكتب الاستشاري جيد هذا كله شغل معماري وفي البداية يعطيك تصور وتتفق عليه وتبني على هذا الأساس .. إذا قرب وقت التنفيذ تروح انت للبياعين ذيلا تفرض تصميمك وهم ينفذون التفاصيل الدقيقة حسب الخدمات الموجودة

صج التنسيق يحتاج لوقت وعدة زيارات ويحتاج رؤية عامة قبل وتقرير أي نظام بنسوي حتى ما نطيح ضحية للسرقة

[Azizuk]

الحمدالله الأمور عدة على خير عندي

بس حبيت انصح الشباب والاعضاء المقبلين على بناء منزل العمر كيف يتفادون الأخطاء

ومتى الوقت المناسب لاختيار اللي محتاجينه لبيتهم

هذا صور المطبخ الداخلي والخشب كريمي ساده

97665

97666

97667

97668

وهذا البنتري فوق بلاط سادة لان المطبخ على شكل الخشبي

97669

وإذا ركب المطبخ ان شاالله راح انزل الصور النهائية

[معماري قطري]

الصور النهائية ارسلها لي وتس أب بانزلها في موضوع المطابخ وباكبرها

أتذكر البانتري فوق وما شاء الله بدأ يبين أوضح والله يوفقك .. حلو سويت اللونين وقطع السيراميك الكبيرة

[Azizuk]

الصور النهائية ارسلها لي وتس أب بانزلها في موضوع المطابخ وباكبرها

أتذكر البانتري فوق وما شاء الله بدأ يبين أوضح والله يوفقك .. حلو سويت اللونين وقطع السيراميك الكبيرة



هذا مخطط للمطبخ الداخلي

97682

97683

97684

97685

97686

المطبخ عندي شلت الجزيرة اللي بالنص لانها راح تقيدني وراح استبدلها بطاولة متنقلة

صحيح الجزيرة تعطي منظر وممكن استخدم فيها مغسلة إضافية مع ثلاجة وأدرج وفي نفس الوقت احس انها راح تضيق على المكان وخاصة أن المطبخ الداخلي راح يكون يستخدم كمطعم غير المطعم الرئيسي

[Azizuk]

وهذا الفرن راح أسوي مثله في المطبخ الخارجي


97687

97687

وهذا المطبخ الخارجي

97688

97689

97690

[Azizuk]

يتبع

97692

97693

97694

97695

مادري عندي احساس ان المطبخ الخارجي راح يطّلع احلا من الداخلي

[معماري قطري]

الله يوفقك شغل زين وتخطيط حلو .. المطبخ الداخلي ضيف له طاولة في الوسط أو جزيرة جزء للتحضير وجزء للأكل لو حبيت

[المعنى88]

السلام عليكم .......... الاخ عزيز
أشوفك استعجلت في كثير من التعاقدات ومانتبهت لنفسك ....... الخبرة مهمة والصبر والتفكير بشكل زين احسن من الاستعجال
الاستشاري مو كل شي ممكن يفهم الاحسن ..... دايما يعتمد على فكر المالك واحتياجه في التصميم صعب الحكم على الاستشاري في النقص يقابله المقاول والمصممين
الخيارات قبل التنفيذ موجود في يد المالك في اللي يرغب فيه قبل التنفيذ واثناء التنفيذ
لكن عن نفسي من ناحية المطبخ مافكرت في تصميم لان التكييف اسبليت ماعدا البيت من الداخل دك سبليت .... وما همني تصميم الديكور قبل لان ممكن اتفاداه بعد التنفيذ
وهذا خلاني افكر اعمل حساباتي المالية على هدوء اثناء عمل تصميم للمطبخ وديكور الفيلا اللي ساعدني من اكثر من راي ( مهندس التكييف اخلاق وتعامل مع ابناء العم - الاستشاري محترم - المقاول وهو مواطن واب عزيز ) هؤلاء خلوني امشي معاهم بثقة وعلى متابعة مني شخصيا على اي تنفيذ .

[Azizuk]

السلام عليكم .......... الاخ عزيز
أشوفك استعجلت في كثير من التعاقدات ومانتبهت لنفسك ....... الخبرة مهمة والصبر والتفكير بشكل زين احسن من الاستعجال
الاستشاري مو كل شي ممكن يفهم الاحسن ..... دايما يعتمد على فكر المالك واحتياجه في التصميم صعب الحكم على الاستشاري في النقص يقابله المقاول والمصممين
الخيارات قبل التنفيذ موجود في يد المالك في اللي يرغب فيه قبل التنفيذ واثناء التنفيذ
لكن عن نفسي من ناحية المطبخ مافكرت في تصميم لان التكييف اسبليت ماعدا البيت من الداخل دك سبليت .... وما همني تصميم الديكور قبل لان ممكن اتفاداه بعد التنفيذ
وهذا خلاني افكر اعمل حساباتي المالية على هدوء اثناء عمل تصميم للمطبخ وديكور الفيلا اللي ساعدني من اكثر من راي ( مهندس التكييف اخلاق وتعامل مع ابناء العم - الاستشاري محترم - المقاول وهو مواطن واب عزيز ) هؤلاء خلوني امشي معاهم بثقة وعلى متابعة مني شخصيا على اي تنفيذ .


تسلم اخوي المعنى 88

انا اول مره ادخل في مواضيع البناء ومعلوماتي محدودة في البناء والتشطيب

يمكن اللي ساعدك في عملية وقت الاختيار طبيعة عملك ، المحيط اللي حولك ، نصائح من بعض الأصدقاء

ومثل ماتفضلت مهندس التكيف والمقاول والاستشاري والعمام واللي حولك ساعدوك في النصائح

الحمدالله افتكيف من بعض الأمور ومن قيمتها ودفعتها كلها محد يطالبني بشي حالياً

المشكلة مهب مشكلة مادية المشكلة في عدم إنجاز الأمور في الوقت المحدد وعلى حسب الاتفاق

تدري ان بعضهم أقول لهم تعالو خلصو شغلكم عشان اعطيكم باقي مستحقاتكم المالية مايرضون ويراوغون ويتأخرون لأنهم ماعندهم القدرة على إنجاز الاعمال في الأوقات المحددة

[معماري قطري]

صراحة الله يعين اللي يبني ولا عنده خلفية .. عندنا لازم يستوي مثقف هندسياً للأخير .. شفت رجال كبير يمشي على عكاز يقول هدني البنيان وغش المقاولين لأن الانسان العادي يوثق في الكلام ويتذكره والمقاول والمهندس يلعبون على الثغرات التعاقدية والقانونية وقد ما يقدرون ياخذون من المالك

الأجانب عندهم لكل شيء ستاندرد معين ونظام قضائي ولا حد يشتغل الا برخصة ويسحبونه لو عليه شكوى حتى بعد 10 سنين .. إحنا وصلنا النظام في المرور لكن في البنيان للحين كله شقح أرصفة

[معماري قطري]

يتبع

97692

97693

97694

97695

مادري عندي احساس ان المطبخ الخارجي راح يطّلع احلا من الداخلي

تركيب البلاط عندك والبلاط ذيه حلو وايد وجودة عالية ولو تاخذ له قراوت مناسب بلون جريء بيطلع أحلى وأحلى .. شوي صعبة بس خل عندك لون بتاخذ منه للقطع الكهربية ونفترض الأحمر أو الأصفر أو الأزرق وكلها تمشي مع البلاط والقراوت بنفس اللون بيطلع حاقة تهوس بس يبي لك تحصل القطع قبل