«أم علي» بالشيراتون.. تثير أزمة

[دايموند]

97626



يبدو أن العلاقة التي تربط بين الشعب القطري و«أم علي» الحلوى الشعبية القديمة عميقة ولا يمكن أن تندثر مع الأيام بأي طريقة بل إن إقبالهم عليها وحبهم لها جعلها تصنف كأحد المعالم القطرية بحيث لا يمكن أن نصادف قطرياً لا يعشق «أم علي» أو لم يجربها، وهذا التعلق يجعلهم يدافعون عنها ويثيرون أزمة تويترية من أجلها.


وليست كل «أم علي» مثل غيرها،.. فالمنافسة في صنعها كان ولايزال الهدف الأول للعاملين في قطاع الضيافة والفنادق تحديداً، ومهما كثر الحديث عن المنافسة فإن فندق «الشيراتون» في الدوحة يظل خارج المعادلة حيث يجمع كل القطريين تقريباً على أنه أفضل من صنع حلوى «أم علي» يوماً، وقد اشتهر بها منذ تأسيسه، حيث كان القطريون ومازالوا يقصدون الفندق فقط للحصول على طلبيتهم من «أم علي» التي لم يتغير طعمها على مر السنوات.


لكن، يبدو أن عشق المواطنين لهذه الحلوى دفع فندق الشيراتون إلى رفع سعرها، وهو ما أدى إلى أزمة تويترية تعترض على رفع سعرها وقد أشعلت الأزمة تغريدة لأحد المواطنين تقول: إن فندق الشيراتون رفع سعر «أم علي» من 90 ريالا إلى 130 ريالا وحالياً إلى 190 ريالا، واصفاً الأمر بأنه «غير مقبول بتاتا» وقد أشعل بذلك تويتر حيث استنكر المغردون رفع السعر معتبرين أن هناك مبالغة شديدة في السعر الذي يفوق سعرها في كل الفنادق مع اعترافهم بأن الشيراتون يقدم «أم علي» الأفضل على الإطلاق ولكن لا يفترض أن يكون ذلك مبرراً لرفع سعرها إلى هذا الحد.

وفي تغريدة ترد على استنكار المواطنين لرفع السعر فقد أشار صاحب التغريدة الأولى إلى أنه قد تم التواصل معه من قبل الجهات المعنية عن طريق حماية المستهلك وقاموا بزيارة فندق شيراتون ووضعوا حداً لذلك، مشيداً بهذه الخطوة التي ستنهي أزمة «أم علي» وتريح صدور المواطنين وتطمئنهم.
وقد قال أحد المواطنين في تغريدته: «أفضل أم علي بشهادة الجميع لكن ما توصل لهذا السعر.. سعر مبالغ فيه جداً».


وأكدت مواطنة أخرى في تغريدتها أن «أم علي» في الشيراتون هي «أفضل أم علي في الكون» ووصف مغرد آخر «أم علي» بالقول إنها من المعالم السياحية والترفيهية في قطر، كما وصف مغرد آخر «أم علي» الشيراتون بأنها محبوبة الملايين.
ونشر مغردون صوراً عديدة لـ«أم علي» الشيراتون، واصفين إياه بالطبق الشهي الذي لا يقاوم.


المصدر

http://www.al-watan.com/news-details/id/11192

[بومحمد المطاوعه]

لو عندنا حملات مثل السعوديين والكويتيين

كان ماشفتي تلاعب في الأسعار ,,
اذا رفعو اي شي عندهم
طلعو حمله
مثل الروب فالسعوديه محد قام يشتري من المراعي يوم ارفعو السعر
وعقب نزلو السعر نفس قبل ,,

وقطع الغيار اول مارفعو كم قطعه طلعو حمله
اسمها

خلوها تصدي ,,

والله كفو واحييهم الصراحه

لأن بعض الناس لو يعطيه اي سعر راعي المحل طلع بوقه الحبيب ودفع حتى مايكاسر ولا يٍسأل ولا شي
وعقب يدخل تويتر ويقول غالي
ويشتكي في المجالس ,,

عجبي من بعض البشر ,

[احمد1]

احب انوه انه ما ننسى ولا نهضم حق حمص بيروت طبعا الكل عارفه الي كان في شارع الكهربا قبل ....

[شبح الصمت]

حالة صج كل شيء وارفع


سمعو سالفتي توها فرش ..

ماخذين بطارية اسي ديلكو من وقود ..

اختربت وعليها ضمان
وديتها ابدلها رحت وقود قلت لهم بدلوها لي قالوا لا ما نقدر انت ماخذها من المحطة الفلانية روح لهم ..

قلت اروح لهم ليش وانتم مب وقود وهاي مب ورقتكم قالوا لا لا احنا ما لنا خص والموظف نخاف يتحاسب

قلت اوكي اروح لهم

وانا في طريقي اتصلت في حماية المستهلك
الوو
اهلا اخوي تفضل
عندي شكوى
شنهي شكوتك
شكوتي اني خذت بطارية من وقود وابي ابدلها في وقود قالي اخوي في قسم شكاوي لوقود اتصل فيهم
واذا ما فادووك وحلو مشكلتك اتصل فينا بنرفعها محكمة
محكمة على بطارية !!! :omen2:

المهم وصلت وقود المحطة الام الي خذنا منهم البطارية
رفيق تعال شيك بطارية
شافها قام يلف ويدور ويبي يطلع انه الخراب مب من البطارية
قالي وين كرت الضمان قلت له عندي الفاتورة وفي اشارة على اسم بطارية وشراها
قالي لا لا لازم الكرت جيب الكرت ولو مب عندك ما ابدل لك !!
انزين والفاتورة يعني الكرت اهم من الفاتورة ..!!

اش هالعبط يعني

المهم حصلت الكرت وعطيته اياه
قلت له يلا شيك

قام يقول لا بابا هذه الدينمه
قلت له اسمع تراني مب غشيم والا انسان ما افهم في المواتر
البطارية اهي المشكلة والدينمه لو منتهيه ما كان اشتغل الموتر وكنت بحس فيه اشتغاله وعزمه ..

المهم يمين يسار
قالي بغير لك قلت له غير


يعني حماية المستهلك ما فادوني وقالوا قدم شكووى

ام علي لو واحد اشتكى اش بيقولون له قدم شكوى على ام علي

وبنحولها محكمة :eek5:

[بومحمد المطاوعه]

حالة صج كل شيء وارفع


سمعو سالفتي توها فرش ..

ماخذين بطارية اسي ديلكو من وقود ..

اختربت وعليها ضمان
وديتها ابدلها رحت وقود قلت لهم بدلوها لي قالوا لا ما نقدر انت ماخذها من المحطة الفلانية روح لهم ..

قلت اروح لهم ليش وانتم مب وقود وهاي مب ورقتكم قالوا لا لا احنا ما لنا خص والموظف نخاف يتحاسب

قلت اوكي اروح لهم

وانا في طريقي اتصلت في حماية المستهلك
الوو
اهلا اخوي تفضل
عندي شكوى
شنهي شكوتك
شكوتي اني خذت بطارية من وقود وابي ابدلها في وقود قالي اخوي في قسم شكاوي لوقود اتصل فيهم
واذا ما فادووك وحلو مشكلتك اتصل فينا بنرفعها محكمة
محكمة على بطارية !!! :omen2:

المهم وصلت وقود المحطة الام الي خذنا منهم البطارية
رفيق تعال شيك بطارية
شافها قام يلف ويدور ويبي يطلع انه الخراب مب من البطارية
قالي وين كرت الضمان قلت له عندي الفاتورة وفي اشارة على اسم بطارية وشراها
قالي لا لا لازم الكرت جيب الكرت ولو مب عندك ما ابدل لك !!
انزين والفاتورة يعني الكرت اهم من الفاتورة ..!!

اش هالعبط يعني

المهم حصلت الكرت وعطيته اياه
قلت له يلا شيك

قام يقول لا بابا هذه الدينمه
قلت له اسمع تراني مب غشيم والا انسان ما افهم في المواتر
البطارية اهي المشكلة والدينمه لو منتهيه ما كان اشتغل الموتر وكنت بحس فيه اشتغاله وعزمه ..

المهم يمين يسار
قالي بغير لك قلت له غير


يعني حماية المستهلك ما فادوني وقالوا قدم شكووى

ام علي لو واحد اشتكى اش بيقولون له قدم شكوى على ام علي

وبنحولها محكمة :eek5:

الله يعينك ياخوي
ههههههههههههه يمكن بيشتكون وبيحولون الزبيب على القاضي

[Dana’1]

بصراحه لذيذه..:shy: تصدق من كم يوم كنا بالدوحه طاح بخاطرنا ام علي وطبعا على طول رحنا الشيراتون نزلنا
الا الموظف يقول لا المطعم سكر12 ومافيه الا المجلس !!
المهم مرينا وما احب اجواء المجالس والخيم بالذات برمضان فتميت بالسياره على اساس بناخذها للبيت الا نظام بوفيه وشبه خالصه ماتنوخذ يعني فتركها
يعني فعلا ضرب عصي عليها...بس بصراحه ماتوقعت يعرها ب 190 شدعوه عاد:eek5:

[شبح الصمت]

الله يعينك ياخوي
ههههههههههههه يمكن بيشتكون وبيحولون الزبيب على القاضي



هاهاهاي

ياخي كل ما شافوا العالم هبت ارفعووا الاسعار ..

اهم شيء الزبيب يوزعونه

:tease:

[دايموند]

ترى كلها اشوية خبز رقاق مع اشوية حليب واشوية مكسرات اشدعوة تشترونها بهالمبالغ

[الدكتور عزوز]

لحد يطلب منهم ام علي بس كم يوم وبعدين بيضطرون يرجعونها للسعر

للأسف ما عندنا ثقافة المقاطعة

[لـبـيـه]

ترى كلها اشوية خبز رقاق مع اشوية حليب واشوية مكسرات اشدعوة تشترونها بهالمبالغ

هذا الي نقوله الشرهه مب عليهم على الي يشترونها

ولو وصلت 300 ريال بعد بيشترونها والي عندو قرش ومحيرو يشتري حمام ويطيرو

[شبح الصمت]

لحد يطلب منهم ام علي بس كم يوم وبعدين بيضطرون يرجعونها للسعر

للأسف ما عندنا ثقافة المقاطعة



اذا ما طلبت انت والا انا في ناس امورها سهلات عادي بيطلب ومب مخلصها بعد ..

لانه برستيجه ما يسمح له يخلصها لازم اشوي يعني

اني بس عن خاطر

[بومحمد المطاوعه]

لحد يطلب منهم ام علي بس كم يوم وبعدين بيضطرون يرجعونها للسعر

للأسف ما عندنا ثقافة المقاطعة

اي والله
فديت الكويتيين والسعوديين

فالكويت مقاطعين السمك
وفالسعوديه لو ارتفع شي
قالو خلوها تصدي

كفو

[بومحمد المطاوعه]

هاهاهاي

ياخي كل ما شافوا العالم هبت ارفعووا الاسعار ..

اهم شيء الزبيب يوزعونه

:tease:

ههههههههههه
:nice:
الله كريم ياخوي
نظام المكاسر للحين ماشي عليه
لو ادخل رولكس :)

[شبح الصمت]

ههههههههههه
:nice:
الله كريم ياخوي
نظام المكاسر للحين ماشي عليه
لو ادخل رولكس :)


انا اتوقع اتوقع بومحمد ارتفعت مع انفصال بريطانيا من الاتحاد الاوربي

وارتفع سعر الذهب

هاهاهاي

[Dana’1]

ترى كلها اشوية خبز رقاق مع اشوية حليب واشوية مكسرات اشدعوة تشترونها بهالمبالغ

اي والله شدعوه بهالسعر.. انا خبري فيها من زمااااان .. !!

[بومحمد المطاوعه]

انا اتوقع اتوقع بومحمد ارتفعت مع انفصال بريطانيا من الاتحاد الاوربي

وارتفع سعر الذهب

هاهاهاي

هههههههه
ياخوي اهم شي الزبيب لايرتفع بس
ويسبب ازمه على البرياني :nice:

[بانغ بانغ]

جوعتونننا يا ناس حراااام

الا ام علي ... عاد .. بيزعل بوعلي

[راجي الْعفو]

حلاوة أم علي أصلها مصري
ولها قصة طريفة ..

الحياة كل ما لها تغلى ..
نتمنى نشوف قرارات و ضوابط للموضوع..

[Rider]

معقولة موضوع في مواقع التواصل الاجتماعيه علشان ام علي للاسف شوف تفكرينا وين وصل ناس مب محصلين شي ياكلونه وناس همها ام علي ارتفع سعرها

[راجي الْعفو]

معقولة موضوع في مواقع التواصل الاجتماعيه علشان ام علي للاسف شوف تفكرينا وين وصل ناس مب محصلين شي ياكلونه وناس همها ام علي ارتفع سعرها
في أردى منه بوايد
هذا يعتبر زين ^_^
الفضاوة تجيب حلاوة ^_^

[راجي الْعفو]

جوعتونننا يا ناس حراااام

الا ام علي ... عاد .. بيزعل بوعلي

خل يحصلونه بالأول ^_^

[A-Alansari]

معقولة موضوع في مواقع التواصل الاجتماعيه علشان ام علي للاسف شوف تفكرينا وين وصل ناس مب محصلين شي ياكلونه وناس همها ام علي ارتفع سعرها

والله داش ابي اكتب نفس ردك

صج فضاوة موضوع ومقابلات مع ناس عشان ام علي ارتفع سعرها لا ويبون يحسسون انه حماية المستهلك مسيطرين يعني رجعو سعرها نفس ماكان

واذا كلممت حماية المستهلك ماعندهم غير ردين يا انه هاي سياسة محل يا انه عندهم موافقة برفع السعر ههههههههههه

[بوحارب]

واحد ام علي بو 15 ريال مع بيبسي بليز

[حمد 2002]

واحد ام علي بو 15 ريال مع بيبسي بليز

اتصلت على الشيراتون وساله عن بوفيه الفطور ب 225 للشخص وبالبوفيه أم علي وكل أنواع الأكل ..


سعر مغري يابوحارب ..

ها شرايك تعزمنا اليوم

وفرصة نتعرف عليك يالفارس الشهم الشجاع الكريم :shy:

[الشفق الحالم]

حتى لما كانت ب 90 ريال بعد كانت غاليه شدعوه كيلو المشاوي بأي مطعم قريب من هالسعر!!! شويه حليب وخبز يابس ومكسرات ب 190!!!

[رآعي موآجيب]

لو الشعب يحب ام علي لهالدرجه ما كان تعلق مطعم المضياف سنين طويله لا هو شغال ولا هو مقفول

لأنه كان افضل مطعم في قطر يسوي ام علي ، وبـ حروة 20 ريال :secret:

المهم ، الاخوان في تويتر كانوا جواعا وهفت نفوسهم على ام علي ، ودام كان فيه تفاعل وحتى الجرايد تفاعلت وتقول ام علي طبق قطري!! كانوا ذكروا الخبيص بالخير

والا البرستيج ما يسمح ؟ :omen2:

[style]

لاتعليق ...لان الموضوع تافه جدا جدا

[بومحمد المطاوعه]

الموضوع
مهم

مب سالفه ام علي

ولا ام بطيخ

السالفه ان استغلال
ومقصه على الشعب
والشعب زييي اللوز يدفع ولا يبالي

ناس مب لاقيه تاكل
وناس تقط فلوسها ف اشياء ماتسوى

مثل الي يقول

صفار البيض مع المزيج الابيضي واللمسات من الطماط الخفي والصوص الكتكوتي

وسعر الوجبه 75 ريال


واخرتها بيض وطماط بوريالين


وبعض الناس
واااااااااو
يطلب ويدفع ويصور حق سناب وانستقرام
ههههههههههه
ياحبيبي بيض وطماط
قاصين عليك ودفعوك مبلغ مضبوط وانت مبسوط

75 ريال اشتري فيه كرتون بيض حق شهر :nice:

[ذكي جدااا]

ام علي بالشيراتون ب 45 ريال من كم سنه ولا تغير سعرها ونا دايما اروح الشيراتون. كلام الجرايد مب صحيح

[بومحمد المطاوعه]

ام علي بالشيراتون ب 45 ريال من كم سنه ولا تغير سعرها ونا دايما اروح الشيراتون. كلام الجرايد مب صحيح

توني متصلهم ومتأكد من السعر
وطلبت بعد
لان عندنا ضيوف اليوم عالفطور

ب 190 ريال

[ذكي جدااا]

توني متصلهم ومتأكد من السعر
وطلبت بعد
لان عندنا ضيوف اليوم عالفطور

ب 190 ريال
انا اتكلم عن الشخص الواحد اللي يروح عندهم. بالنسبة للسعر اللي قلت عليه هذا يمكن سعر الصحن الكبير حق البوفيه هذا اذا سعره 190 اشوفه معقووول مقارنه ب 45 ريال للشخص الواحد

[بومحمد المطاوعه]

انا اتكلم عن الشخص الواحد اللي يروح عندهم. بالنسبة للسعر اللي قلت عليه هذا يمكن سعر الصحن الكبير حق البوفيه هذا اذا سعره 190 اشوفه معقووول مقارنه ب 45 ريال للشخص الواحد

صحيح لان قالت لي
حق 10 اشخاص


بس ك سعر الداخلي مادري
دايمآ اطلب بوفيه لو بقعد
الصراحه اوفر وتاكل على راحتك وجميع انواع الاكل

[الحاقول]

سلامتها ام حسن من العين ومن الحسد ... اقصد سلامتها ام علي

[أم هشام]

لكن ام علي اللي بالشيراتون بطل طعمة نفس اول
رحنا على المطعم اول ما خلصوا ترميم الفندق و طلبنا ام علي فكرناه نفس طعم اول طلع ما بتاكل للاسف .
الا اذا الطبق الكبير المخصص للبوفيهات طعمه غير عن الاطباق اللي بقدموها بمطعمهم !!

[ضوى]

لاحول ولا قوة الا باللهز

موضوع طول بعرض عشان ام علي !!

عفوا دايموند ماقصدج والله اقصد الموضوع نفسه

يارب ثبت علينا الدين والعقل

[طلعة الروح]

أثر يامواطن ازمه عكسيه وبادر بالمقاطعه

(مع الاخذ بعين الاعتبار النقاط التالية : مطعم في فنذق 5 ستار يعنى luxury + وجود بدائل اخرى + كون السلعه او الخدمه غير اساسية )

[qatara]

النعمه زواله

[بومحمد المطاوعه]

ههههههههاي

الموضوع عجيب والله

ناس يتكلمون عن استغلال المواطن
ويبربرون في الصفحات وعفسه


وعقب

يعجبهم موضوع رفع سعر ال ام علي
وعادي الاستغلال
عيل ليش العفسه في موضوع الاستغلال

شكله بس لوك لوك لوك


هههههه
الحمدلله والشكر لك يارب

[بومحمد المطاوعه]

النعمه زواله

صادق
بس وين الواحد يحس ياخوك

تعال شوف المطاعم
او البوفيهات
اشلون الاكل على بعض الطاولات
ماكلين منها اشوي بس

للأسف والله منظر يقشعر البدن

[العقل المدمر]

المفروض يزيد الاقبال عليها
عندنا يموتون عالمفوشر فكل شي
حتى لو علوج ب 200 بيطلع هبة والكل بيطيح فيه
وفي ناس يمكن مابيعجبهم الموضوع
بس بيدفعون 200 على علوج عشان يعرفون ليش الناس طايحة فيه
وسمعة اهل قطر عند تجار الخليج انهم يحبون يدفعون ولازم يرفعون عليهم السعر
لان لو باعوهم برخيص يشكون فالبضاعة ويقولون تقليد ومب شي
واذا ارفعوا عليهم 10 اضعاف الكل يشتريه يعني شوفونا عيال خير وماناخذ الا الغالي

[بوخالد911]

وشصار عقب هالاثارة!؟
هل حماية المستهلك بتتحرك؟!

[khaldoon]

يا جماعه صلحولي معلوماتي...ما كانت من عشرين سنه ب 45 ريال؟...... معقول لهالدرجه المكسرات و الخبز صار غالي هههههههه...

[بومحمد المطاوعه]

بس يالغاليين
اذا حق 10 اشخاص الصحن العود

ترى يسوى 190 ريال

لأن لو بتحسب الشخص
يطلع 19 ريال

امس طلبت منهم وعطوني صحن كبير وصحن صغير معاه
ب 190
وكفى المعازيم ولله الحمد وزاد

[khaldoon]

بس يالغاليين
اذا حق 10 اشخاص الصحن العود

ترى يسوى 190 ريال

لأن لو بتحسب الشخص
يطلع 19 ريال

امس طلبت منهم وعطوني صحن كبير وصحن صغير معاه
ب 190
وكفى المعازيم ولله الحمد وزاد

اها يعني الحديث عن صحن كبير مب صحن لشخص واحده..... اذا الكلام هالشكل اوكي منطقي جدا.....ظلمتوا ام علي

[بومحمد المطاوعه]

اها يعني الحديث عن صحن كبير مب صحن لشخص واحده..... اذا الكلام هالشكل اوكي منطقي جدا.....ظلمتوا ام علي

هههههههه اي ياخوي
الكلام على الصحن العود

يسوى تبي الصج
والبوفيه عندهم بعد يسوى
ب 240 اعتقد

واكل لين تطفح :nice:

[قطريه ماركه]

احنا متولعين فيها و نطلبها باستمرار و انصدمنا يوم قالت لنا ب 380 :eek5:

ترى كلها بف بستري :secret:

بس والله لذيذه وايد لا يستغلوننا :telephone:

[M&F]

الحجم الصغير قبل 130 و الحين 190
والكبير قبل ب 210 والحين 380

ليش عسى ماشر ؟
واحنا مهمتنا ندفع واحنا ساكتين

:secret:

ننطر دور حماية المستهلك :weeping:

[بومحمد المطاوعه]

الحجم الصغير قبل 130 و الحين 190
والكبير قبل ب 210 والحين 380

ليش عسى ماشر ؟
واحنا مهمتنا ندفع واحنا ساكتين

:secret:

ننطر دور حماية المستهلك :weeping:

عادي
قطري ادفع

عقب نتشكى ونقول قصو علينا
واستغلال
ومن هالكلام

المشكله ياخوي في بعض البشر الي مب هامه شي ويدفع عقب يتشكى في المجالس
هني البلا

[جبر ال جبر]

للامانه الشرتون من الTpo 5 في احسن ام على على مستوى الدوله وحاصل على المركز الثاني وتستاهل سعرها القديم بس السعر الجديد مالهم حق ابدا مافي شي من مكونات ام على زاد الشكوى هذي مايحلها الا السيد بابا غنوج المحترم زوج ام على

[وحيد-الشوق]

صج لذيذة بس الناس وايد تبالغ صراحه

ام علي الفورسيزون حلوة بعد وعندكم امي علي كافيه فوج حلوة مع ايس كريم

[أم عزوزي]

بصراحة لا تعليق...
رفع الأسعار للأسف ماجه بس على أم علي .. رفع الأسعار جه على كل شي بالديرة
وفوق هذا تعالوا شوفوا الي يدعون التجارة في الانستقرام ... الشغله تلقاها برع الديره ب 150 مثلا .. وبالديره تلقاه حول 450 وتجي عند حد من الي يتاجرون تلقاه شي والف!!!
عنبوه ليش جي !!
تخيلوا وحده من الاخوات يبلفيت تصمم وتخيط عبايات .. تخيلوا اقل شي تحصلونه ب 1500 بدون شيله وساده مثلا .. وخذوا الباقي فوق
المهم تخيلوا شنو عرفنا.. انها تتعامل مع خياط عبايات في احد الدول المجاورة من مجلس التعاون ويكون مخيطها مثلا ب 250 او 500 maximum ... وتجي تبيعها هني على أساس ان من شغلها
اوكي معليه التجارة شطارة بس مو بوق عيني عينك!!

لايعني احنا في حال يرثى لها بصراحة .. ومع ان البلاد مو مقصره معانا عشان نتعايش مع غلاء المعيشة ولله الحمد لكن السوق والي حوالينا يرفعون اسعارهم اول بأول

علاقة طردية للأسف

لكن شنقدر نقول غير الله المستعان ..

السموحة يمكن طلعت عن موضوع ام علي وغيره .. لكن هاي الصج

وشكرا على طرحكم هالموضوع .. ويعطيكم العافية

[khaldoon]

97626










وفي تغريدة ترد على استنكار المواطنين لرفع السعر فقد أشار صاحب التغريدة الأولى إلى أنه قد تم التواصل معه من قبل الجهات المعنية عن طريق حماية المستهلك وقاموا بزيارة فندق شيراتون ووضعوا حداً لذلك، مشيداً بهذه الخطوة التي ستنهي أزمة «أم علي» وتريح صدور المواطنين وتطمئنهم.وقد قال أحد المواطنين في تغريدته: «أفضل أم علي بشهادة الجميع لكن ما توصل لهذا السعر.. سعر مبالغ فيه جداً».

المصدر

http://www.al-watan.com/news-details/id/11192

يعني بعد الكلام اللي بالاحمر كم صار سعرها الحين؟

[بعيد النظر]

يعني بعد الكلام اللي بالاحمر كم صار سعرها الحين؟

ثابت وما تغير !
وردو الشيراتون ان السعر لعدة الاشخاص

[khaldoon]

ثابت وما تغير !
وردو الشيراتون ان السعر لعدة الاشخاص

بارك الله فيك على التوضيح اخوي.....توقعت انه ما راح ينزل السعر ولا يصير شي

[bwor]

120 سعر الطبق ؟؟؟
اوووف ليش هالشكل

[الصغيره]

فعلا ام علي بالشرتون غير عن تجربه

[khaldoon]

يا جماعه الحين اخر كلام فهمونا ...ام علي الصحن كم ...190؟ و بيكفي كم شخص و شكرا

[الحياة الخالدة]

يا جماعه الحين اخر كلام فهمونا ...ام علي الصحن كم ...190؟ و بيكفي كم شخص و شكرا

هههههههه شرايك تروح تتأكد بنفسك و تجي تبلغنا

[khaldoon]

هههههههه شرايك تروح تتأكد بنفسك و تجي تبلغنا

هههههههه دنا غلباااااان...لا ابي اروح و انا عارف ايش بدفع ...ما احب المقالب

[jajassim]

هههههههه دنا غلباااااان...لا ابي اروح و انا عارف ايش بدفع ...ما احب المقالب

هههههههههه افا عليك ،، امر عليك ترا حاضرين

[khaldoon]

هههههههههه افا عليك ،، امر عليك ترا حاضرين

تسلم يا الغالي ما تقصر. لمتى بتم هالشكل مب فاضيلنا

[fantasy]

يالطيبين انتوا تتكلمون عن قطري، تعرفون شنو قطري، يعني ماتهمه الفلوس وغير متعاون مع اخوه القطري اذا غيره ماشرا مايفتكر بيشتري اهم شي بطنه، يعني انسواا هذا الحل ان والله بنقاطع محد مفوا فيكم يقاطع وانا اقولها كقطري منكم وفيكم لا يجي حد يكذبني هذا واقعنا وعشان كذا احنا غير عن غيرنا ومتميزيين مشالله في الشراء بدون تفكير

[alberaky]

البوفيه عندهم كم ؟؟؟؟؟؟؟

[جبر ال جبر]

كم صك سعر ام على اليوم؟

[عبدالعزيز 9]

كم صك سعر ام على اليوم؟

هههههههه

[مستشارالشعب]

إذا على حماية المستهلك مشتكي على شركة البورش للحين ماخذو حقي من 6 شهور اتوقع المفتش ماحل مشكلتي

[khaldoon]

إذا على حماية المستهلك مشتكي على شركة البورش للحين ماخذو حقي من 6 شهور اتوقع المفتش ماحل مشكلتي

حماية المستهلك لما تشتكي لهم على اي شركة ....بقولك لو شريت شي و طلع مضروب و البايع التزم بالتصليح فترة الضمان فما نقدر نسويله شي...طيب و عقب يخلص الضمان ايش اسوي؟.....يقولك بيع السياره و افتك من همها و ارميها على واحد ثاني و اشتري شي جديد....هالكلام عن تجربه

[Qatar 2030]

فعلا غالية .. لكن المشكلة باللي يشتريها حتى ولو وصلت فوق ال 190 ريال