رفع اسعار الوقود 10 دراهم في يوليو

[مضارب دوسري]

السلام عليكم ورحمة الله وبركاته

http://gulf-up.com/do.php?img=118426 (http://gulf-up.com/)

[aloosh]

دام فيه مصلحة حق اقتصاد البلد ما يثر شي بسيط

انا شريت سياره صغيره والحمدلله البترول من 3 ايام الى 4

وسياره الكبيره لسفر فقط:)

[Diamond]

لا صراحه وايد ... اول الايام ما حسينا بالفرق .. بس اللحين وكل شهر 10 دراهم وايد فرقت .. بالذات سيارت البيت ..

لو رجع البترول لين السبعينات في الاسواق العالميه .. كم بيوصل عندنا؟؟؟؟



فالنهايه لو الحكومه تقوم بواجبها لمكافحة الغلاء ماعندنا مشاكل .. بس الدوله مقصره مقصره في مكافحة الغلاء ومحافظة الاسعار و ترفع البترول !!!!! الله يعين

[معماري قطري]

الله يوفق حكومتنا لما فيه مصلحة الجميع وإن شاء الله تستفيد من فرق السعر للمشاريع وتكون فيه سيطرة على المشاريع ويكون سعرها حسب المتوسط العالمي مب الأغلى عالمياً والأقل جودة في نفس الوقت

معادلة لو يطلع الخوارزمي وانشتاين ما عرفوا يفسرون أسبابها

[MAZEN37]

اعتقد سعر برميل النفط نزل عالمياهذا الشهر كيف حسابات وقود ؟
لازم شفافيه في تسعير وقود

[بانغ بانغ]

كنت اعبي الكروزر 135

الحين 150

[ابوالعبد]

انا كل 4 ايام اعبي نيسان بترول 100 ريال صرفيه نيسان وايد مشكله توهقت فيه والله بس الحلو في نيسان عزمه قوي بس ياكل بترووول والله رحم الله سيارات بو 4 سلندر

[وحيد-الشوق]

البترول صاير مافيه بركه مادري ليش يومين الا مخلص البترول ميزانيه البترول صارت مبلغ وقدره

الحمدلله على كل حال

[مضارب دوسري]

انا كل 4 ايام اعبي نيسان بترول 100 ريال صرفيه نيسان وايد مشكله توهقت فيه والله بس الحلو في نيسان عزمه قوي بس ياكل بترووول والله رحم الله سيارات بو 4 سلندر

انا كل يوم اعبي موتري 50 ريال
يعني 200 ريال كل 4 ايام

[بوخالد911]

الحمدلله على كل حال.

[بوخالد911]

انا كل 4 ايام اعبي نيسان بترول 100 ريال صرفيه نيسان وايد مشكله توهقت فيه والله بس الحلو في نيسان عزمه قوي بس ياكل بترووول والله رحم الله سيارات بو 4 سلندر

اشدعوة !؟!؟!؟
عندي نيسان والبترول يكفيني اسبوع.
مشاويري متوسطة

[بورصجي_جديد]

والله شدراني اخوي معني ما ادعس شلون يخلص مادري

[سلوى حسن]

اعتقد سعر برميل النفط نزل عالمياهذا الشهر كيف حسابات وقود ؟
لازم شفافيه في تسعير وقود

المعلومه
ارتفاع اسعار برميل نزول السعر لكم
اما اذا برميل منخفض
هون الحكومه بزيد السعر

[نيساني]

اخوي اذا موترك بو 320 حصان فهذا الموتر عيبه انه جيره خمس تبديلات فيتم حاكر وهذا اللي يخليه يصرف زياده

اما بو 400 هذا صرفيته ممتازه ماشاء الله

اللي عندي بينهم جير عادي 6 تبديلات وصرفيته ولله الحمد زينه يمشيني تقريباً 560 كيلو ويولع الليت ومرات 600

والله يعين الجميع

[معماري قطري]

المعلومه
ارتفاع اسعار برميل نزول السعر لكم
اما اذا برميل منخفض
هون الحكومه بزيد السعر

معلومة مفيدة كنا فاهمين العكس

هشكل لين وصل 120 بيكون سعر البنزين يمكن 25 درهم

[Jspec]

على هالترند الصاعد (كل شهر زياده 10 درهم) اتوقع اخر السنه اللتر بيصير بريالين

انا مستغرب انه زاد سعره عندنا مع انه النفط عالميا نزل سعره؟؟؟
شلون الحسبه اللحين؟؟


والله شكلها من عيون الناس على قطر قطر قطر شكله قدامنا سنوات عجاف الله يستر

[Jspec]

المعلومه
ارتفاع اسعار برميل نزول السعر لكم
اما اذا برميل منخفض
هون الحكومه بزيد السعر

اخبر انه البترول كان مدعوم من الدوله وكان سعر برميل النفط 120 دولار
ويوم طاح لين 27 البرميل شالوا الدعم عنه كنوع من التوفير على ميزانية الدوله

شالوا الدعم = يباع علينا بسعر تكلفته + ربح نسبي للمنتج او الموزع

فكيف بينزل سعره اذا الدوله شايله الدعم عنه ... كيف تربح وقود والمحطات الاهليه؟؟؟

[رافت]

سعر البترول هالأيام حول 50 ريال للبرميل
وحسب تحليل خبراء الإقتصاد أنه بيوصل 70 ريال مع نهاية السنه لأن سبب نزوله من البداية هو ضخ كميات كبيرة من الوقود في السوق والفائض هذا بيخلص مع نهاية السنه وبيرجع الوضع طبيعي كما كان

[العنيده]

البترول صاير مافيه بركه مادري ليش يومين الا مخلص البترول ميزانيه البترول صارت مبلغ وقدره

الحمدلله على كل حال

زين يعني مو بس انا اعاني من هالشي :rolleyes2:

[jeep-srt8]

هههه صج البترول مافيه بركه كل شوي اعبي مادري شسالفه وفعلا الموتر صارله ميزانية خاصه بس للبترول

الله يعين الجميع

[بوحارب]

اللي ما يبغي يعبي بترول كل يوم لا يطلع من البيت:secret::tease:

[مرتبش]

30 درهم .. وكم شهر 10 دراهم.... وكم شهر 10... و 20 وما نوصل 2017 الا والسعر ريالين

[.قطر.]

138 * 1.40 = 193 ريال
تفويلة الكروزر بتصير بـ 193 ريال :eek5:

[بوخالد911]

138 * 1.40 = 193 ريال
تفويلة الكروزر بتصير بـ 193 ريال :eek5:

بنلحق اخوانا الاماراتيين .

[طلعة الروح]

ما افول الموتر في الصيف أخليه يعبي النص منها توفير ومنها احتياط

[طلعة الروح]

ما افول الموتر في الصيف أخليه يعبي النص منها توفير ومنها احتياط

أظن المواتر 4 & 6 سلندر يوفرون في استهلاك البترول

[البرونزي]

اشدعوة !؟!؟!؟
عندي نيسان والبترول يكفيني اسبوع.
مشاويري متوسطة
يابوخالد الله يجزاك خير حساب استهلاك الوقود بالكيلومترات
مب بالايام ههههههههههه ملاحظ اغلب الشباب يتكلم بالايام
في فرق بين سياره تمشي 10 كيلو في اليوم وسياره تمشي 100 كيلو في اليوم
شي اكيد السياره الي تستهلك 10 كيلو بيكون عندها ايام اكثر

[مضارب دوسري]

الحمدلله عالقرار الحكيم

شكرا للحكومه

http://gulf-up.com/do.php?img=118587 (http://gulf-up.com/)

[فيصل99]

الله المستعان أنا كل مره ادش المحطه ما اعبي اكثر من 100 ريال ويوم يوصل الربع اعبي مره ثانيه
اقص على نفسي انه السعر مثل ما هو
موتري 8 سلندر ويشفط مثل الهوا

[بعيد النظر]

موتري رابتر واعبي كل يومين 125 عادي ..
واداوم في لفان ..



الله يعيين

[BUHASSEN]

الله المستعان والمشكله الجوده قلت الي موجود الحين 95 أوكتين 97 مب موجود نفس قبل والسعر ماتغير لا وقام يزيد

حماية المستهلك يقدرون علي وقود :telephone:

[راعي الكورفت]

خطة وقود كالتالي وهي رفع البترول حتى يوصل إلى 2 ريال للتر.

أما كلامهم أن السوبر 95 أفضل من 97 فهذا ضحك على الذقون واستغفال من ليس له خبره بالسيارات.

فكلما ارتفعت نسبة الاوكتين كانت أفضل للمحرك من ناحية العزم وانخفاض صوت المحرك وايضا عدم ظهور تفتفه للسياره .



طبعا اتكلم عن السيارات الرياضية والسيارات الألمانية التي تتطلب وقود اوكتين نسبته عاليه تصل إلى 98 اوكتين وأقل من هذا الرقم يضر بالمحرك على المدى البعيد.



والسوبر صار ب95 اوكتين بسبب انه كان متكدس عندهم في خزاناتهم ومحد كان يصبه قبل قرار إلغاء ال97 اوكتين الي هو بالاساس كان السوبر.



95 اوكتين كان اسمه Gold وكان موجود في النصف بين السوبر 97 الي مسمينه platinum
وبين العادي 90 اوكتين الي مسمينه sliver



فال95 اوكتين كان متواجد قبل سنتين أو 3 سنين في محطات وقود ومحد كان يستخدمه لأن الفرق السعر بينه وبين السوبر كان 0.05 ريال .


ال97 اوكتين ب1 ريال وال95 اوكتين ب0.95 ريال .


يعني يبوون يصرفون ال95 المتكدس عندهم في خزاناتهم قبل ما بينزلون وقود اوكتين 98 وسعره طبعا أعلى من 95



يعني لو نزل بيكون كالتالي.

98 اوكتين ب1.50 ريال
95 اوكتين ب1.40 ريال
91 اوكتين ب1.30 ريال



والأسعار اكيد شهريا بتزيد وهذا ونحن من الدول المنتجه والمصدره للبترول.



طبعا أصحاب ال4 سلندر مش هاتفرق معهم لكن الي معاه سياره بو 8 سلندر يحتاج صرفية شهريه للبترول توصل إلى أكثر من 2000 ريال .




وهذا لو كانت مشاويره قليله :(

[.قطر.]

خطة وقود كالتالي وهي رفع البترول حتى يوصل إلى 2 ريال للتر.

أما كلامهم أن السوبر 95 أفضل من 97 فهذا ضحك على الذقون واستغفال من ليس له خبره بالسيارات.

فكلما ارتفعت نسبة الاوكتين كانت أفضل للمحرك من ناحية العزم وانخفاض صوت المحرك وايضا عدم ظهور تفتفه للسياره .



طبعا اتكلم عن السيارات الرياضية والسيارات الألمانية التي تتطلب وقود اوكتين نسبته عاليه تصل إلى 98 اوكتين وأقل من هذا الرقم يضر بالمحرك على المدى البعيد.



والسوبر صار ب95 اوكتين بسبب انه كان متكدس عندهم في خزاناتهم ومحد كان يصبه قبل قرار إلغاء ال97 اوكتين الي هو بالاساس كان السوبر.



95 اوكتين كان اسمه Gold وكان موجود في النصف بين السوبر 97 الي مسمينه platinum
وبين العادي 90 اوكتين الي مسمينه sliver



فال95 اوكتين كان متواجد قبل سنتين أو 3 سنين في محطات وقود ومحد كان يستخدمه لأن الفرق السعر بينه وبين السوبر كان 0.05 ريال .


ال97 اوكتين ب1 ريال وال95 اوكتين ب0.95 ريال .


يعني يبوون يصرفون ال95 المتكدس عندهم في خزاناتهم قبل ما بينزلون وقود اوكتين 98 وسعره طبعا أعلى من 95



يعني لو نزل بيكون كالتالي.

98 اوكتين ب1.50 ريال
95 اوكتين ب1.40 ريال
91 اوكتين ب1.30 ريال



والأسعار اكيد شهريا بتزيد وهذا ونحن من الدول المنتجه والمصدره للبترول.



طبعا أصحاب ال4 سلندر مش هاتفرق معهم لكن الي معاه سياره بو 8 سلندر يحتاج صرفية شهريه للبترول توصل إلى أكثر من 2000 ريال .




وهذا لو كانت مشاويره قليله :(
الله يستر بس لايزيد بعد :weeping:
صار البترول غالي :(

[toyota]

بالعكس الاسعار مناسبة لنا بصراحه مقارنة بالاسعار في اوروبا او امريكا كان عندي جيب شيروكي في امريكا واعبي الفوول ب 70 دولار تقريبا وعليكم الحسبه....لكن عندنا اليوم زيادة 10 دراهم ويمكن الشهر الجاي ينزل 10 او 20 درهم ،، انا من رأيي ان السعر مناسب والله يوفق الجميع

[معماري قطري]

10 درهم على ريال و 40 درهم = 7.1% وبين اليوم وأمس ارتفع النفط حول 3% ولو افترضنا على آخر الشهر ارتفع 10% بعد بيزيدون سعره

[نفسي عزيزه]

الله يرحمنا برحمته

[كيلو حديد]

انا كل يوم اعبي موتري 50 ريال
يعني 200 ريال كل 4 ايام

ههههه هالي خلاني أبيعه
أقول للربع صرت رفيج المحطات
شوي وبيمروني بالحلم

[كيلو حديد]

ما افول الموتر في الصيف أخليه يعبي النص منها توفير ومنها احتياط

احتياط لشنو ؟؟

تعبئة الوقود للفل أفضل من تعبئة الوقود للنص في حال الخوف من الحرارة أو الإنفجار أو غيره

[captin]

يمكن سياسة غير مباشرة من الدولة لتخفيف الزحمة

بمعنى ان زيادة اسعار المحروقات بتخلي الناس تتخلص من السيارات الكبيرة
من باب توفير النفقات وكل بيت بدال ما يكون فيه خمس ولا ست سيارات و
4 سواقين يكون فيه بالكثير سيارتين وحده لرب الاسرة والثانية للاسرة.

لكن اذا كان هذا صحيح شنهي بدائل المواصلات العامة للمواطن والوافد ؟؟؟

[sos 12]

طبعا كالمعتاد لا يوجد بدائل ... تخبط في القرارات من غير دراسه كامله ... خاطري اعرف اشلون الحكومة ماشيه ... قفلوا محطات البترول من غير دراسه وصار الضغط علي محطات وقود ... سوء تخطيط الشوارع ... وغيرها من فشل ... زهقنا

[Abu Muhsen]

لمدة سنوات كنت ساكن جنب الشغل المسافة 2 كيلو و 500 متر ... يعني ولا ادري عن البترول .. لكن غيرت مكان السكن بعيد عن الشغل مسافة 30 كيلو ذهاب 30 كيلو عودة .. في احسن الاحوال اعبي كل 3 ايام بي 67 ريال ... صراحة مكلف جدا .. هذا غير الاستهلاك والاطارات والسيرفس ... وتم التوجه لسيارة صغيرة جدا تمشي 350 كيلو بي 35 ريال ولله الحمد ...

امس شفت تويوتا بريوس 2016 بالشارع هايبرد ... الله يهني راعيها ويعطيه خيرها ويكفيه شرها .. والله خيار موفق صراحة ..

[Abu Muhsen]

يمكن سياسة غير مباشرة من الدولة لتخفيف الزحمة

بمعنى ان زيادة اسعار المحروقات بتخلي الناس تتخلص من السيارات الكبيرة
من باب توفير النفقات وكل بيت بدال ما يكون فيه خمس ولا ست سيارات و
4 سواقين يكون فيه بالكثير سيارتين وحده لرب الاسرة والثانية للاسرة.

لكن اذا كان هذا صحيح شنهي بدائل المواصلات العامة للمواطن والوافد ؟؟؟

معاك حق اخي الكريم .. انا اول شخص من معارفي توجهت لخيار السيارة الاقتصادية وفي اربعة على الطريق وراي يفكرون بالتغيير لسيارة صغيرة اقتصادية ... وبالمستقبل اتوقع انتشار السيارات الهجينة في قطر لانها الحل الوحيد لتخفيف مصروف البترول

[Jspec]

يمكن سياسة غير مباشرة من الدولة لتخفيف الزحمة


لكن اذا كان هذا صحيح شنهي بدائل المواصلات العامة للمواطن والوافد ؟؟؟

الحل موجود لكن عندنا بلد الاختراعات ولا ننظر للي ناجح برى ونطبقه عندنا

اولا مشكلتنا هنا التوسع الافقي صارت الدوحه كل شي فيها مشاور بعيد والسبب انها تتمد افقيا وهذا خطاء كبير
التمدد الافقي يعني بتقطع مسافات اكثر علشان تخلص شغلك وتحرق بترول اكثر وتصير زحمه ووقت يضيع وقد وضحت هالشي في احد المواضيع السابقه

ثانيا المواصلات العامه مكانك سر (احتكار ولا فيه تطوير) والكل ينتظر الريل وللي للاسف مايغطي الدوله كامله لانه موجه فقط للمجمعات والملاعب فقط
ابسط شي المفروض يطوورون باصات النقل العامالشوارع موجوده فقط يوفرون عدد اكبر من الباصات وتكون نظامها نفس لندن حتى الفرجان والمناطق السكنيه توصلك (بشرط يحطون اماكن انتظار مهئيه للبشر مش نفس اللحين تحت الشمس تخيس) ومايمنع يكون فيها كوفي شويب صغير ووايفاي وتلفزيون ترى بالنهايه هذي خدمه مدفعوع فلوسها وبزنس للدوله وللشركات

[l0o0rd-qtr]

الحل بالسيارات الهايبرد

من شهر كنت بامريكا وشفت سيارات كثيره هايبرد وبعطيكم مثال الافالون الهايبرد مكينه 4 سلندر مع مكينه كهرباء بنفس قوه وعزم افالون 6 سلندر مع فارق كبير بصرفيه البترول لصالح الهايبرد

المفروض سوق السيارات يتجه لاستيراد سيارات الهايبرد لانها افضل وسيله لتخفيض استهلاك البترول

[qtr qtr]

الحل بالسيارات الهايبرد

من شهر كنت بامريكا وشفت سيارات كثيره هايبرد وبعطيكم مثال الافالون الهايبرد مكينه 4 سلندر مع مكينه كهرباء بنفس قوه وعزم افالون 6 سلندر مع فارق كبير بصرفيه البترول لصالح الهايبرد

المفروض سوق السيارات يتجه لاستيراد سيارات الهايبرد لانها افضل وسيله لتخفيض استهلاك البترول

الحل هذا راح يعارض لجنة المواصفات والمقاييس بحجة تقليل من استهلاك الكهرباء مثل منت عارف توه من شهرين الغوا نضام مكيفات البوستن بحجة تقليل من استهلاك الكهربه .