::: شنهي أفضل ماركات الإضاءة الداخليه للمنزل :::

[إعلامي قطر]

..

بسم الله الرحمن الرحيم..

::: شنهي أفضل ماركات الإضاءة الداخليه للمنزل :::

أرجو الإفاده وياليت تكون صناعه إنجليزيه؟؟

وإذا مالقيت إنجليزي هل تنصحون
بالصيني الدرجه الأولى وشنهي
الماركات المشهوره بسوقنا؟؟

فيه ليتات مثل السبوت لايت بس بحجم كف اليد
أو أكبر شوي وماركاتهم Calix ومكتوب إنه
صناعة UK وعليهم ضمان 3 سنين لكن
سألت كهربائي أثق فيه وقال لي كله
صيني درجه أولى ومب إنجليزي !

أرجو الإفاده من الخبراء
وجزاكم الله خير..

..

[Azizuk]

شوف طال عمرك وعمر السامعين

انغليزي موجود وألماني موجود وأسباني موجد بس المحلات ماطلع فايدة ربحية منها منك

تنباع لمشاريع الحكومة والمشاريع الكبيرة لانها تنباع لهم بسعر غالي أضعاف أضعاف

وإذا باعها لك مايقدر يطّلع منها ربح الا قليل لان الشركة الام راح تحاسبه على السعر

البضاعة الصينية رخيصة السعر ويبيعه عليك بسعر غالي ويطلع منك أرباح اكثر

بينما الأصلي يشتريه غالي وربحة في اقل في

وعلى سبيل الامثله دخلت مره مخزن شركة القمر في الصناعية ولهم محل في قرية بروة

طبعاً طلبت كمية وقال لي تعال بكرة وانا كنت مستعجل قال لي روح المخزن الحين في الصناعية وأخذ بضاعتك

المهم دخلت المخزن الا احصل عندهم بضاعة انجليزية اصلية الصنع

سالت مسوول المخزن ليش هذي ماتنباع او تنعرض بالمحل قالي السالفة بس اذا انت تبي بنبيعك عادي

الا المخزن متروس بضاعة ممتازة بس للأسف ماتنعرض للجمهور الا اللي يعرف

وفي واحد تاجر أدوات كهربائية يعرفه الوالد مره تناقشنا معاه الا يقول انا أورد اورسوم ألماني الصنع اصلي بس لمشاريع الحكومة

يورد لانارة الشوارع وصيانتها

السوق في بضاعة ممتازة الصنع بس لازم تبحث بنفسك

واحد من الأعضاء الله يسلمه نزل لنا موضوع عن الانارة من شركة إسبانية

وهذا موقعهم

97640

وانا احتفظت في بعض مشاركة اخونا اوريو والأخ كمباري الله يطول في أعمارهم

97641

97642

97643

97644

ماعرف انزل لك مشاركتهم قديمة وايد

للأسف مازلت ماعرف انزل صور من المواقع دخلت وسجلت في موقع امغور imugr بس ماعرفت شلون انزل الصور

اخوي معماري قطري ماقصر علمني تفاصيل تنزيل الصور بس يمكن لأني استخدم الآي باد

ودخلت على موقع غوغل وانزل الصور بعد ماعرف شلون انسخ الرابط

[ابوعلي]

اخوي انا ركبت في بيتي هالنوع والحمدلله ما اشتكيت منه والحين لي في حدود السنة بالرغم اني ركبت نوعيات ثانية واحترقت

https://imagizer.imageshack.com/img922/6600/en1B0G.jpg

https://imagizer.imageshack.com/img923/9467/0lQ2tv.jpg

[معماري قطري]

بو علي الله يوفقك يا اخوي وهذي الإنارة تبين جيدة بس من وين خذتها وصناعتها من وين مكتوب الشركة بريطانية بس احتمال تصنع في الصين

جربت نوع صيني من الصالحية فيه منه بمحول ويركب مكان السبوت القديم وجاء قوي ولامع ولونه ذهبي .. ركبته مخلوط مع الهالوجين والهالوجين يبين لي شوي أضعف منه مع إن الهالوجين 50 وات وذاك 3 أعتقد أو 5 نسيت بالضبط .. فيه عادي بدون محول بس ضعيفة إضاءته وله فترة يشتغل بدون مشاكل

حصلت في ألترا لايت نوع هنغاري بخمسين أعتقد الحبة وقوي كان .. فيه عند الدرويش نوعيات جيدة بس يجيب كميات وتطير سرعة للمشاريع .. حتى النيون الطويل صاروا يسونه ال اي دي

[معماري قطري]

إذا صيني درجة اولى وماركة خذه ولا تهتم .. بس اللي يجي بمحول أفضل بعدين عندك الفريم خذ نوع مزخرف ايطالي أو أسباني بيطلع أحلى ومع الوايرات والمحول صناعة اوروبية ولو تحصل ألماني فوق الممتاز .. اللمبة لو احترقت تتبدل بسهولة المهم التأسيس

[ابوعلي]

بو علي الله يوفقك يا اخوي وهذي الإنارة تبين جيدة بس من وين خذتها وصناعتها من وين مكتوب الشركة بريطانية بس احتمال تصنع في الصين

جربت نوع صيني من الصالحية فيه منه بمحول ويركب مكان السبوت القديم وجاء قوي ولامع ولونه ذهبي .. ركبته مخلوط مع الهالوجين والهالوجين يبين لي شوي أضعف منه مع إن الهالوجين 50 وات وذاك 3 أعتقد أو 5 نسيت بالضبط .. فيه عادي بدون محول بس ضعيفة إضاءته وله فترة يشتغل بدون مشاكل

حصلت في ألترا لايت نوع هنغاري بخمسين أعتقد الحبة وقوي كان .. فيه عند الدرويش نوعيات جيدة بس يجيب كميات وتطير سرعة للمشاريع .. حتى النيون الطويل صاروا يسونه ال اي دي

هلا مرحبا اخوي معماري ويوفقك دنيا واخرة ان شاء الله

الله يسلمك خذت هالنوع من السوق الصيني في دبي وعند محل وحد الي يجيب هالنوع ونفس هالحجم بسعر 43 درهم

وبعد ماشاء الله الكميات تطير من عنده

[معماري قطري]

هلا مرحبا اخوي معماري ويوفقك دنيا واخرة ان شاء الله

الله يسلمك خذت هالنوع من السوق الصيني في دبي وعند محل وحد الي يجيب هالنوع ونفس هالحجم بسعر 43 درهم

وبعد ماشاء الله الكميات تطير من عنده

هذا اللي لاحظته كل محل يجيب شوي غير ولا حد يستهين بالمحلات الصغيرة واذا حصل بضاعة زينة يشتري كمية احتياط

المحول ميزته يضبط الكهربة ولو قوت فجأة أو انقطعت يخلي القوة والانقطاع تدريجي ما يحرق اللمبة .. فيه محولات حديثة صناعة ألمانية واحد لثلاث لمبات في الدرويش

[سعود.]

بو علي الله يوفقك يا اخوي وهذي الإنارة تبين جيدة بس من وين خذتها وصناعتها من وين مكتوب الشركة بريطانية بس احتمال تصنع في الصين

جربت نوع صيني من الصالحية فيه منه بمحول ويركب مكان السبوت القديم وجاء قوي ولامع ولونه ذهبي .. ركبته مخلوط مع الهالوجين والهالوجين يبين لي شوي أضعف منه مع إن الهالوجين 50 وات وذاك 3 أعتقد أو 5 نسيت بالضبط .. فيه عادي بدون محول بس ضعيفة إضاءته وله فترة يشتغل بدون مشاكل

حصلت في ألترا لايت نوع هنغاري بخمسين أعتقد الحبة وقوي كان .. فيه عند الدرويش نوعيات جيدة بس يجيب كميات وتطير سرعة للمشاريع .. حتى النيون الطويل صاروا يسونه ال اي دي


فيه حساب اتابعة في تويتر مختص ( كهرباء )

يقول ان اكثر الاسلاك والليتات السبوت وغيرها صينية تقليد انجليزي

في السوق الخليجي ؟؟

[معماري قطري]

فيه حساب اتابعة في تويتر مختص ( كهرباء )

يقول ان اكثر الاسلاك والليتات السبوت وغيرها صينية تقليد انجليزي

في السوق الخليجي ؟؟

صحيح ما قال شيء غلط والعتب على حماية المستهلك .. ليش دوم أقول لازم نركز على الجودة والصناعة الأُوروبية؟ لأن فيه تحكم في الجودة وفحص والمواد كلها آمنة الصينيين ما يهتمون لو كرتون منه 10 لمبات فيها مشكلة تصنيع وتحترق وتشتعل وتشعل البيت

كلنا شفنا شلون ربعنا يحبون التقليد ويدورون الرخيص وشارع الوعب ليتاته موجهة للعين وصادتنا مناعة منها خلاص .. وهذي كانت عارضتها شركة أسبانية لكن خذوا الكتلوج وعرضوه على واحد جاب لهم تقليد من الصين وعرفت الشركة الأسبانية ورفعت قضية على قطر واتوقع كسبتها

[سعود.]

الله يعيننا عليهم

حماية المستهلك Zzzzzzzz

[إعلامي قطر]

..

جزاكم الله خير على ردودكم جميعاً..

آخر المستجدات كالتالي:

أولاً Calix صيني درجه أولى ومكتوب على علبته
صناعة UK وسعره مع الخصم 58 ريال..

ثانياً فيه نوع بمحل ألترا لايت أخوي نصحني فيه
صيني درجه أولى أسمه Osram رحت شفته اليوم
الحبه بـ 175 ريال وخذت واحد ركبته إضاءته كلش
مب مريحه وبصراحه ثقيل من قلب وزنه تقريباً ضعف
وزن Calix حتى الكهربائي قال لي بابا هادا واجد تقيل !!

ثالثاً فيه نوع زكاه لي الكهربائي وإسمه Newlux وسعر
الحبه 65 ريال وقال لي هذا قرنتي سنه ويتبدل إذا إخترب !

وقال لي إن Calix يعطون عليه وارنتي فقط ويصلحونه
ومايبدلونه وهذي سالفه بعد وقصه وروايه !!

شرايكم يالشيوخ؟!

..

[معماري قطري]

تبي نصيحتي لو محتار وايد خذ الكتلوجات أو عينات وروح شوف نصيحة مهندس كهرباء .. مهندسين اتحاد قطر للتخطيط شياب وخبراء في مجالهم وأتوقع بيسونها لك خدمة سريعة وبيعطونك يمكن اختيارات أفضل

تبي رقم مهندس كهرباء عندي فلسطيني وسوداني شغالين في الحكومة واثنينهم خبرة بس اتحاد قطر للتخطيط مؤكد أفضل ومتصلين بالسوق وبالمشاريع على طول

هذا لو تبي تركب نوع واحد لكل البيت ولو تبغي تنوع شوف كم موديل فيه بعضهم يجي فيهم قطعة كريستال وتقريباً كل نوع هالوجين يركب بداله لمبة ال اي دي

[معماري قطري]

مر على قطر للانارة كان عندهم كريستال سوارفسكي وايد راهي وحلو للمجلس والصالات

[Azizuk]

مر على قطر للانارة كان عندهم كريستال سوارفسكي وايد راهي وحلو للمجلس والصالات

عندك كريستال عصفور بس مافي في الدوحه لازم تروح مصر

الموجود في الدوحة كلها مسميات تقريبية لكرستال عصفور

الموجود عصفور كريستال او العصفور للكرستال واظهار كلها تقليد لكريستال عصفور

وهذا موقع كريستال عصفور الأصلي

http://www.asfourcrystal.com

كله عصفور في عصفور هههههههه

97670

97671

97672

97673

[captin]

الانارة فعلا مووضوعها محير وقصتها قصة

اللي صاير عند معظمنا في قطر بعد ما يجهز البيت الواحد فينا يلف السوق
وبشكل عشوائي يسوي تشكيلة من السبوت لايت ومن اضاءات الحمامات والممرات
من نوع ال اي دي ومعظمها صينية الصنع وتتراوح اسعارها من 20 ريال الى 180 او 200 ريال .
والثريات والاضاءات الخارجية بانواعها المختلفة ويركب عشوائي .

المشكلة مب في اختيار الاضاءة المشكلة في معرفة قوتها ودرجة انارتها والاهم توزيعها في الاماكن
على سبيل المثال لو كان عندنا حمام مساحته 2X3 وفيه عدد من القطع دبليوسي ومغسلة وشاور
شلون بنوزع الاضاءة في هذا الحمام هل بنركب عدد 4 ال اي دي مقاس القطر 15 سم بقوة 20 وات مثلا
او نركب عدد 2 بقطر 20 سم بقوة 35 وات او نركب عدد 6 صغار قطر 7سم ونوزعهم بحيث الاضاءة تكون ساقطة
على القطع اللي عندنا .

طبعا هذا مثال على حمام صغير فما بالكم في الغرف والممرات والصالات والمجالس فالموضوع ابدا مب سهل ان الواحد
يشتري ليتات بشكل عشوائي ويركبهم.
لازم نجزء مشروع الاضاءة الى عدة اقسام اولا المساحات الكبيرة المفتوحة مثل الصالات والمجالس والممرات
بعدين الغرف وبعدين الحمامات وبعدين عندنا جزء مهم الا وهو الاضاءة الخارجية وهاذي تتفرع الى الحوائط والممرات والحديقة
انا اشوف اذا الواحد مب قادر يتصور ويخطط شنو نوع الاضاءة وقوتها وتوزيع اماكنها المفروض يحط له مصمم او مهندس
متخصص او اذا الشركة نفسها تقدر تصمم له وتوزع له الاضاءة بيكون افضل طبعا .

حاليا منتشرة ليتات نوع سبوت لايت مصنوعة من الجبس تركب وما يبين الاطار تماما مجرد اضاءة تطلع من سقف الجبس
مثل اللي موجودة في صالة الدرجة الاولى في المطارات وبعض مكاتب الشركات . اشوف منها اوروبي ايطالي ومنها ايضا صيني
منها مدور ومنها مربع . هاذي مجموعة روابط لشركات تنتج هذا النوع .

http://www.arenaluci.com/led-lighting/gypsum-recessed-ceiling-lights

http://www.sinvey.com/gypsum-spot-light/345-gypsum-spot-light.html

http://www.globalmarket.com/product-info/2015-modern-gypsum-plaster-anti-fire-invisible-ceiling-spot-light-9621178.html


للاسف الشركات عندنا همها تبيع مب همها تقدم خدمة للزبون فلو الشركات جابت لها شخص متخصص في امور الكهرباء
والتوزيع والتصميم للافراد والمشاريع كان بتجذب الزبائن فعلا .

[معماري قطري]

عندك كريستال عصفور بس مافي في الدوحه لازم تروح مصر

الموجود في الدوحة كلها مسميات تقريبية لكرستال عصفور

الموجود عصفور كريستال او العصفور للكرستال واظهار كلها تقليد لكريستال عصفور

وهذا موقع كريستال عصفور الأصلي

http://www.asfourcrystal.com

كله عصفور في عصفور هههههههه

97670

97671

97672

97673

حلوين وايد

[معماري قطري]

الانارة فعلا مووضوعها محير وقصتها قصة

اللي صاير عند معظمنا في قطر بعد ما يجهز البيت الواحد فينا يلف السوق
وبشكل عشوائي يسوي تشكيلة من السبوت لايت ومن اضاءات الحمامات والممرات
من نوع ال اي دي ومعظمها صينية الصنع وتتراوح اسعارها من 20 ريال الى 180 او 200 ريال .
والثريات والاضاءات الخارجية بانواعها المختلفة ويركب عشوائي .

المشكلة مب في اختيار الاضاءة المشكلة في معرفة قوتها ودرجة انارتها والاهم توزيعها في الاماكن
على سبيل المثال لو كان عندنا حمام مساحته 2X3 وفيه عدد من القطع دبليوسي ومغسلة وشاور
شلون بنوزع الاضاءة في هذا الحمام هل بنركب عدد 4 ال اي دي مقاس القطر 15 سم بقوة 20 وات مثلا
او نركب عدد 2 بقطر 20 سم بقوة 35 وات او نركب عدد 6 صغار قطر 7سم ونوزعهم بحيث الاضاءة تكون ساقطة
على القطع اللي عندنا .

طبعا هذا مثال على حمام صغير فما بالكم في الغرف والممرات والصالات والمجالس فالموضوع ابدا مب سهل ان الواحد
يشتري ليتات بشكل عشوائي ويركبهم.
لازم نجزء مشروع الاضاءة الى عدة اقسام اولا المساحات الكبيرة المفتوحة مثل الصالات والمجالس والممرات
بعدين الغرف وبعدين الحمامات وبعدين عندنا جزء مهم الا وهو الاضاءة الخارجية وهاذي تتفرع الى الحوائط والممرات والحديقة
انا اشوف اذا الواحد مب قادر يتصور ويخطط شنو نوع الاضاءة وقوتها وتوزيع اماكنها المفروض يحط له مصمم او مهندس
متخصص او اذا الشركة نفسها تقدر تصمم له وتوزع له الاضاءة بيكون افضل طبعا .

حاليا منتشرة ليتات نوع سبوت لايت مصنوعة من الجبس تركب وما يبين الاطار تماما مجرد اضاءة تطلع من سقف الجبس
مثل اللي موجودة في صالة الدرجة الاولى في المطارات وبعض مكاتب الشركات . اشوف منها اوروبي ايطالي ومنها ايضا صيني
منها مدور ومنها مربع . هاذي مجموعة روابط لشركات تنتج هذا النوع .

http://www.arenaluci.com/led-lighting/gypsum-recessed-ceiling-lights

http://www.sinvey.com/gypsum-spot-light/345-gypsum-spot-light.html

http://www.globalmarket.com/product-info/2015-modern-gypsum-plaster-anti-fire-invisible-ceiling-spot-light-9621178.html


للاسف الشركات عندنا همها تبيع مب همها تقدم خدمة للزبون فلو الشركات جابت لها شخص متخصص في امور الكهرباء
والتوزيع والتصميم للافراد والمشاريع كان بتجذب الزبائن فعلا .

ويفترض العينات موجودة يراويك وما يخسر شيء لو يجيب كميات ويخزنها جاهزة

كتلوجات حلوة واضاءة أول مرة اشوفها وانصح الكل يطلع عليها .. مشكور

[مرتبش]

اعتقد ما تحصل صناعة اوروبية الا في الشركات الكبيرة ..عندهم الماني وانكليزي وايطالي .. الشركات عندك المشاريع والتوريد .. شركة انوار الخليج.. الشعلة..الوصل العربية هذا اللي يحضرني الان