تم ازاله جميع الخيام من مسجد

[بومحمد المطاوعه]

السلام عليكم ورحمة الله وبركاتة

تم ازاله جميع الخيام من مسجد 600 وهو مسجد ابو بكر الصديق
من قبل وزاره الاوقاف
سرعة التصرف تحسب لوزارة الأوقاف للمحافظة على هيبة
واحترام بيت الله تعالى من العبث
97648

هني يلعبون بته
97649

لاحول ولاقوة الا بالله
شنو هالبشر والعياذ بالله

http://d.top4top.net/m_18296vi0.mov

ناقصهم كيرم وبليارد
استغفرالله واتوب إليه

[MAZEN37]

ليش يشلون الخيام والصالح يروح بالطالح الاشخاص الي يلعبون صغار ومراهقين المفروض في رقابه من ادارة المسجد واخراج من لا يحترم الاعتكاف

[بوخالد911]

تصرف مرفوض من الجاليات العربية.
باقي يجيبون شيشة السنة الجاية !!!!!

[بريق الحق]

اول شي هؤلاء مرفوع عنهم القلم
العتب كله الآباء الله يهديهم ويصلح حالهم
وثاني شي للامانه يوم كنّا صغار كنّا نسوي مثل هذي التصرفات بس نعرف ان راح نضرب لكن الفرق اليوم ماعاد فيه خوف

[بومحمد المطاوعه]

بريق الحق
اول مره اشوف ف حياتي حد مدخل خيمه فالمسجد

فراش شفنا وملاحف شفنا
لكن خيام وبته !!

باقي كيرم يالذيب وفتبول

[بومحمد المطاوعه]

تصرف مرفوض من الجاليات العربية.
باقي يجيبون شيشة السنة الجاية !!!!!

اي والله
هذا الخوف بعد

استغفرالله

الإمام شنو وضعه
المفروض يتم محاسبته

[aziz4z]

أمحق اعتكاف
رحت مسجد السوق المركزي على وقت صلاة الظهر كله خيام وريحة
الصحابة رضوان الله عليهم كانوا رهبانا بالليل فرسانا بالنهار
إعتكاف ماخذينها نوم و لعب أستغفر الله

[بومحمد المطاوعه]

ليش يشلون الخيام والصالح يروح بالطالح الاشخاص الي يلعبون صغار ومراهقين المفروض في رقابه من ادارة المسجد واخراج من لا يحترم الاعتكاف

المفروض الإمام اول شي يراقب
وهو المسؤول عن هذا المكان
لكن الله يعلم ليش ماتدخل ومنع او بلغ على الاقل


على كلام واحد من الربع ان هذي الاشياء كل سنه تصير

نايمين فالعسل المراقبين الظاهر

[بريق الحق]

بريق الحق
اول مره اشوف ف حياتي حد مدخل خيمه فالمسجد

فراش شفنا وملاحف شفنا
لكن خيام وبته !!

باقي كيرم يالذيب وفتبول

أنا شفت واحد من الربع كان يسويها لكن قبل 5 سنين وبعدها اختفيت عنه

[بومحمد المطاوعه]

أنا شفت واحد من الربع كان يسويها لكن قبل 5 سنين وبعدها اختفيت عنه

ليش متعب نفسه
يقعد ف بيتهم ابرك له

خيمه ف مسجد هههههه

شيحس فيه الحبيب
الله يهديهم هالناس
مادري شيفكرون فيه او ليش هذا التصرف بالأساس

[nooora]

كل شخص يشوف له زاويه في المسجد ويركب حاجز قماش مثلا ... اي في ناس تغلط نروح ننصحهم لكن الي ما يقدر يعتكف ما يخرب على غيره

[كيلو حديد]

نظام الخيام مب مقبول في نظري

[بنت شرق]

ليش نعيب على الكل من اجل اخطاء البعض ، الوزارة تدري فيه اعتكاف برمضان غصب عن من رضى والي مايرضى ، ودورهم فقط ابراز تعليمات لضبط الأمر حتى لايشوش المعتكفون على باقي المصلين

[بومحمد المطاوعه]

ليش نعيب على الكل من اجل اخطاء البعض ، الوزارة تدري فيه اعتكاف برمضان غصب عن من رضى والي مايرضى ، ودورهم فقط ابراز تعليمات لضبط الأمر حتى لايشوش المعتكفون على باقي المصلين

من عيب على الكل ،،

احنا نتكلم على هذا التصرف
وهذا التصرف غير مقبول

ماخذين الاعتكاف نوم ولعب ورق ؟؟


للعلم مب اي مسجد مصرح للأعتكاف
بعض المساجد التي تصرحها وزارة الاوقاف
والمفروض في احترام للمسجد من المعتكفون


عجبي

[بريق الحق]

بومحمد البعض يفعله كاتباع النبي صَل الله عليه وسلم أتمنى تبحث عن الموضوع مره ثانيه

[بانغ بانغ]

تخلف باسم السنة

الاعتكاف عمره ما كان لعب وسوالف

[بومحمد المطاوعه]

بومحمد البعض يفعله كاتباع النبي صَل الله عليه وسلم أتمنى تبحث عن الموضوع مره ثانيه

اتباع الرسول صل الله عليه وسلم
مب بهذي الطريقه ياخوي

تبي اطرش لك الفيديو الثاني تشوفه !!

الصراحه تقول قاعدين ف الحراج
وين هالتصرف ولا شعره من اتباع رسولنا الحبيب صل الله عليه وسلم

[بومحمد المطاوعه]

نظام الخيام مب مقبول في نظري

مادري ليش خيام
يعني مايقدرون يحطون لهم ملحف وخلاص
ليكون مب رجال المعتكفين

والله شي غريب ياخوك

[سليمان احمد]

وزارة الاوقاف المفروض مثل ماتحدد المساجد للاعتكاف تحدد الضوابط والاليه
وتحدد انه ممنوع نصب الخيام ووضع السواتر الحمدلله مسلمين وفي بيت الله
شف لك زاويه وحط فراشك ونام انت جاي تعتكف وفي بيت ملك الملوك تادب مع الخالق
والتزم بما شرع الله للمعتكف من مباحات

[بومحمد المطاوعه]

تخلف باسم السنة

الاعتكاف عمره ما كان لعب وسوالف

اي والله

كل واحد منخش مادري ليش

الصراحه كفو على الاوقاف

[.قطر.]

خيمه داخل المسيد !

[بومحمد المطاوعه]

خيمه داخل المسيد !

اقولك عاد

باقي بس
يشوون مشاوي

[المزن الرياني]

خطوه متأخره من الأوقاف
لو كان في متابعه لما وصلنا للخيام و لعب الورقه

[النهار]

لاحول ولاقوة الا بالله
ايش قاعد يصير ناقص يقلبونها خيم رمضانيه في المساجد
من الي عطاهم اذن بنصب مثل هذه الخيام وين الامام عنهم

[مضارب دوسري]

كان المفترض يشلون الامام مع الخيام

ليش ما بلغ عنهم ؟؟؟

[الحاقول]

كان المفترض يشلون الامام مع الخيام

ليش ما بلغ عنهم ؟؟؟

يجب التحقيق مع امام المسجد ثم فصله من العمل بالمسجد

هذه ظاهره خطيره وقد تعرض المصلين للخطر

نحن مع اعتكاف المصلين في المساجد

ولكن ليس مع التخييم في المسجد


هل معقول كل من جاب خيمتة وفراشة خيم في المسجد

هذا مسجد وليس مخيم سيلين

[هيليوم]

موضوع الخيم في المسجد هذا من زمان صاير وبعض المعتكفين كانوا يستفيدون من جوانب المسجد ويعلقون ساتر ، بس أتوقع صارت تجاوزات مثل الورق فكان قرار الأوقاف بالازالة ، اللوم على الإباء اللي يشوفون عيالهم مب حق اعتكاف ويودونهم

[بانغ بانغ]

عاد بومحمد ان شاء الله محد جايب زوجته واعياله معه في الخيمة !

في جنسيات عادي عندها

[كاشف الغطاء]

وكان صلى الله عليه وسلم يأمر بخباء ( على مثل هيئة الخيمة ) فيضرب له في المسجد ، فيمكث فيه ، يخلو فيه عن الناس ، ويقبل على ربه تبارك وتعالى ، حتى تتم له الخلوة بصورة واقعية .

واعتكف مرة في قُبَّة تركية (أي خيمة صغيرة) وجعل على بابها حصيراً . رواه مسلم (1167) .
منقوووول
https://islamqa.info/ar/12658

[مشاكل]

والله انا اشوف الخيمة استر للمعتكف وخصوصاً وقت النوم بدال ماينبطح قدام العالم ويمكن تنكشف عورته او ياخذ وضعية غلط وهو نايم تخدش الحياء

يعني بعد مايقعد من النوم وفي وقت الصلاة يطوي الخيمة وكان الله غفوراً رحيما

[نمر بن عدوان]

اخوي بومحمد متأكد انهم يلعبون بته لان الصوره مب واضحه واحتمال في يدهم كتيبات صغيره يراجعون فيها او كروت الاسئله الدينيه .

[بومحمد المطاوعه]

اخوي بومحمد متأكد انهم يلعبون بته لان الصوره مب واضحه واحتمال في يدهم كتيبات صغيره يراجعون فيها او كروت الاسئله الدينيه .

في فيديو واضح ياخوي
بس ماحبيت انشره
هذي الفيديو مضبب اشوي

متأكد انها ورقه
قبل لا اكتب الموضوع

تحياتي لك

[بومحمد المطاوعه]

الاعتكاف له احترامه

وحتى لو كان فيه خيام

لاتضع بهذي الطريقه

اتمنى وصلت المعلومه