خادمتي الاندنوسيه

[مبتدئه]

السلام عليكم ورحمة الله وبركاته

انا بضيقه مايعلم بها الا الله عندي خادمه اندنوسيه ابتليت بها خذيتها نقل كفاله الله يسامحها لو عندها علم بسواياها ،الخادمه ببداية كانت زينه ونشيطه امنت عليها ببيتي كانت اغراض تضيع علي بالبيت ما انتبه ولا اشك فيها اختفى شي من دهبي شكيت فيها بالبدايه وسالتها وحلفت لي انهاماشافته او خذته وبدات تختفي او ينسرق اشياء ذهب وملابس وتلبس ملابسنا وتكذب انها شرتهم ومالها وصارت بعد فتره ماتنظف عدل وحصلت بتلفونها ارقام دريوليه هنا فقطر ورغم كل هذا ماتعترف وانا ماعندي دليل عليها.

ابغيكم تفيدوني وتنصحوني كيف السواه معاها اسفرها وذهبي معاها وخسرت فلوس نقل الكفاله او في مكان هنا لتاديب مثل شرطه او جههه والله من اللي تسوي فيني اخاف اتهور اسوي فيها شيوانا مابغي امد يدي عليها اشلون اادبها واخليها تخاف وتعترف اذا وديتها الشرطه اخاف يردوني وتزيد تتمرد علي لان محد يقدر يوقفها

سامحوني والله من الضيقه كلامي مو مرتب لكن ماعندي حد اشكي له والجا له بعد الله الا انتم لعلي القى نصيحه منكم تنفعني ولكم اجرها

[CH Engineer]

وهي تنظف خذيها معاج لبيت حد يقربلج او قولي لها بوديج اخذلج ثياب للعيد
وافتحوا غرفتها ودوروا بكل مكان حتى داخل الشامبو

اذا تبين ادورين بنفسج خليها تطلع مع وحده من قرايبج
وبعدها قرري تخلينها او لا

وحافظي على ذهبج محد يحط ذهبه للخدم ( اشتري لج خزنه او لا ادخلينها غرفتج الا وقت التنظيف ونتي موجوده)

[<اضرب واشرد>]

عليكم السلام ورحمة الله وبركاته

- إذا المسروقات في البيت، فتشوا غرفتها تفتيش دقيق
- أما لو كانت تتواصل مع معارف أو أصدقاء لها، وتعطيهم المسروقات أول بأول، فهذي مشكلة! راقبوها وهي تطلع من البيت (في طريقها لبيت الجيران، أو تقطع الزبالة -وأنتوا بكرامه-)
- إذا ماتعرفين تتصرفين معاها، خلي ناس من الأهل (رجال أو نساء) شداد مع الخدم يتفاهمون معاها ويطلعون الذهب من عينها، ولاتتركين الأطفال عندها من باب الحيطة، ولاتخلونها في البيت بروحها

يفترض أن:
- تركبين كاميرات في الصالات والمطبخ والحوش
- تشترين تجوري/خزنة حديدية، لحفظ الذهب والفلوس والأشياء الثمينة والأوراق المهمة
- تقفلين باب الغرفة إذا طلعتي من البيت

والله يرد حلالكم ويعوضكم خير

_______________

سعوديات يمتهنّ «تفتيش الخادمات» قبل سفرهنّ مقابل 400 ريال
http://www.alsharq.net.sa/2012/08/08/432699

[معماري قطري]

الله يعينكم صج مأساة

عندنا نفس الحالة نقص من كل شيء الظاهر يسوون اعادة تصدير .. وركبت كاميرا على الباب موجهة جهة القمامة بس ما فيه شيء مضمون

[JN000N]

الله يهديج
وايد وايد معطتها ثقه
شلون تخلين ذهبج سبيل قدامها وماتبينها تبوق
عموما اتصلي للشرطه ع اساس انج فاقدتهم مب ع اساس هي بايقتهم
خل اييبون لج جلاب يطلعون من الي باقه وغصبن عنها بتعترف
وفتشيها ونبشي اغراضها غير الذهب يمكن تلاقين بلاوي مازلتي غافله عنها

[كيلو حديد]

الحمد لله ما عندنا خدامه
الأهل قايمين بالبيت على أكمل وجه
وإذا احتجنا طلبناهم بالساعات
صج تعب بس الحمد لله افتكينا منهم ومن شرهم

مدري شلون الناس يثقون بالخدامه
لا هي منهم ولا من أهلهم ولا بينهم عشره حقيقيه
المفروض غرف النوم ما تدخلهن

من الربع من لقى الخدامه والدريول يتسدحون بالبيت وهم مسافرين
يتصورن بكل أجزاء البيت ويلبسون لبسهم ...
يتصورون ويحطون صورهم بالفيس بوك ههههههههههههه

[توشيبا]

دام عندها ارقام سواقين شي طبيعي كل اغراضها وصلت ديرتها

وحتى لو سفرتيها يمكن تتفاجئي واهي مسافره مو شايله الا شنطه اليد

اهم شي كذا يبقون وشركات شحن تجي لين باب البيت تشيل الاغراض وتوصلها

وحاولي لا تزعليها عشان لا تندمي اذا ماتبينها سفريها بدون تهديد او ضرب او صراخ عشان لا تصرين شوربه لحم على الفطور

[مبتدئه]

جزاكم الله خير على ردودكم

انا مفتشه اغراضها مافي مكان مافتشته هي بعد واثقه من نفسها كل ماسالتها عم شي تقول مدام روحي فتشي ماعندي شي

ابغي اعرف اذا وديتها الشرطه يحققون معاها ولا لازم دليل

[مبتدئه]

وش ممكن تسوي فيني اذا سفرتها وانا مفتشه اغراضها وماعندها اثر او شي يخصني علشان تسوي سحر اشلون تقدر

والله خايفه اسفرها تسوي فينا شي

[توشيبا]

جزاكم الله خير على ردودكم

انا مفتشه اغراضها مافي مكان مافتشته هي بعد واثقه من نفسها كل ماسالتها عم شي تقول مدام روحي فتشي ماعندي شي

ابغي اعرف اذا وديتها الشرطه يحققون معاها ولا لازم دليل

انتي ترضين الشرطه تحقق معج في شي بدون دليل ؟

اذا رحتي للشرطه اتهام بدون دليل صدقيني الخدامه تطلب رد اعتبار

[وليف الشوق]

عزيزتي كل عام وانتي بخير ومبارك عليج ماتبقى من الشهر
بالنسبة للخدامه مانقدر ولا تقدرين تثبتين عليها دليل قاطع الا اذا تأكدي بطريقة او شفتي بعينك ومثل هالنوعيه من الخدم فرقاهم عيد واشتري راحتك وقبل كل شي عشان تستردين الذهب توجهي فورا الى قسم او مركز الشرطة التابعه لمنطقتكم وتكلمي مع الضابط المناوب وخبريه بالموضوع واهو ماراح يقصر انه يفيدك او يوجه لك النصيحه وانا عارف انه راح يقول لك افتحي ملف واهم راح يستدعون الخدامه مع جوالها وذهاب البحث الجنائي الى البيت لعمل اللازم ومن ثم اطلاع الدلائل كلها ووضعها في السجن ومن ثم تحويلها على السلطات المختصه وبذلك قد ترجع كل المصوغات او عوضك على الله

[كيلو حديد]

واضح الدريوليه ما قصروا خذوا الأغراض وطاروا
ولهذا هي مطمئنه

طيريها أبرك لك بدون ما تقولين لها

[aloosh]

هذا اللي حاصل الحين تعرف ناس بالخارج وهذي عصابه مو معا خدامتك وبس يتعرفون على الخدم وعند اخذ الاقراض يتم توصيلها لهم ولها نسبه وهم يتصرفون فيها

وبعد ما عرف الخدم انه يتم تفتيش غرفهم صاروا يتبعون ها الطريقه وكما ذكرت هذي عصابه واكثر من يسويها البنغل وهم اصحاب الفكره

لو يقطع دابر البنغالي من البلد كان انحلت مشاكل كثيره

[مبتدئه]

يعطيكم العافيه وجزاكم الله خير كلكم ماقصرتوا بالتوجيه او النصيحه وكنت ادور الحل ووليد الشوق ماقصر بسوي مثل ماعلمني ببلغ عنها وبشوف وش راح يصير

[CH Engineer]

جزاكم الله خير على ردودكم

انا مفتشه اغراضها مافي مكان مافتشته هي بعد واثقه من نفسها كل ماسالتها عم شي تقول مدام روحي فتشي ماعندي شي

ابغي اعرف اذا وديتها الشرطه يحققون معاها ولا لازم دليل

اذا الموضوع لهالدرجه وديها الأبعاد بدون أغراضها
جوالاتها صدريهم ،،
وارجعي فتشي الغرفه مره ثانيه وثالثه ومعاج حد عشان ماتملين

حاولي تعرفين المفقودات الي عندج!!!
اذا ثياب مصيرها تنرمي واذا ذهب حددي كم قيمته
ان شاء الله مبلغ صغير
اذا مبلغ كبير بلغي ان في سرقه منها وطرشي مسج لأكثر رقم تتصله امسكوه فالبيت هددوه بالتسفير او الاعتراف
يطلعون كلهم قروب حراميه

[دايموند]

من قال ان ماعندج دليل!!

عندج اقوى دليل

روحي يبه اشكتي عليها وعطيهم جوالها خل يتصلون ع الدريوليه الي تعرفهم ويسالونهم شنهي علاقتهم فيها
وبيعترفون

[الشفق الحالم]

اشلون مخليتها بالبيت للحين!!! هذي اكيد تدخل ناس البيت وانتو ماتدرون وتهرب ذهبكم وملابسكم، مستحيل تخلي المسروقات بالبيت!! عموما اقترح تطلعينها برع البيت وتدخلين تفتشين كل شبر بالبيت حتى خيشة السكر والعيش شوفي داخلها ، بعد كده حتى لو ماحصلتي شي اتصلي بشرطه الابعاد يجوا يشيلونها لان هذي ممكن تسويلكم سحر بالبيت ، الله يستر عليكم

[fzaa_qatar]

فرقاها عيد ونصيحه لا تروحين تشتكين عليها فالمركز اول شي روحي استفسري منهم عن الموضوع واجراءته وخاصه ما عندج اي دليل يثبت السرقه تفتيش وفتشتي غرفتها والخدامه وواثقه من نفسها فانتي راح تتعبين روحه ورده عالمركز .. سفريها قلعتها وافتكي منها .. واذا ناويه تقدمين شكو لازم تعرفين الذهب اللي انسرق كم قيمته والشرطه ترفع البصمات والله يعينكم عليها .. وع طاري سالفتج كانت عندنا خدامه اثيوبيه الله لا يوفقها اسرقت ذهب من البيت وانا والله متاكد رحت وزنت الذهب وطلع كيلو وشي عشان الزكاه وعقب ما سافرت قلت راح اوزن مره ثانيه عشان نبيع ونبدل وطلع الوزن 300 جرام انصدمت من المحل قلت متاكدددد.. فما نقول الا الله المستعان منهم والله لا يوفقهم ولا يردهم ولا يهنيهم فلي سرقوه .....

[PathFinder]

ما تزعليها. صديق لي سفرها الى بلادها بمشكله وعمات لولده سحر وللان مبتلش فيه الله يشفيه وما حد من الأطباء عارف مشكلته. الله يعينهم

[مبتدئه]

جزاكم الله خير ردودكم ومشاركتكم همي يطيب الخاطر

شكلها معطيه الذهب واغراض حد من برع لانها واققه من نفسها تقول مدام بسافر وقبل لاطلع من البيت فتشيني انا ماسكه عليها راتب كم شهر ،واللي يقول لاتزعليها انا من النوع المسالم مره والله ماحب ازعل حد واخاف الظلم لكن هذي خرجتمي عن طوري من تصرفاتها وتعاملها معانا تتعمد علشان املها واسفرها ماتبغي تقعد تبي تسافر واذا اذتني او كذبت علي باشياء تسويها في البيت عيني عينكم تكذب تقول ماعرف ماسويت فاضطر امد يدي عليها وانا عارفه مايصير وحرام لكن اعلمها انتي مثل واحد من اولادي اذا يكذب ويخرب ااذبه خاصة لو مايفهم ويتعمد

اذا سفرتها وماعندها شي لنا مفتشتها عدل اشلون تقدر تسوي سحر والله هاي الشي اللي مخوفني وماسفرتها علشانه

[العقل المدمر]

يتصورن بكل أجزاء البيت ويلبسون لبسهم ...
يتصورون ويحطون صورهم بالفيس بوك ههههههههههههه


صارت ويانا اكتشفت الموضوع صدفة
3 شغالات عند هلي مصورين بيوتهم وعيالهم وبملابسهم
زين بعد ماصوروا الحريم خفت الصراحة :(



اذا سفرتها وماعندها شي لنا مفتشتها عدل اشلون تقدر تسوي سحر والله هاي الشي اللي مخوفني وماسفرتها علشانه


لا تعلمونها انها بتسافر خذوها على اساس طلعة عادية وعالمطار علطول

[الصغيره]

للاسف البعض اذا اكتشف شي مب زين بخادمته نقل كفالتها وغش الكفيل الجديد بدون مايخبره وهذا مب زين بالاسلام ويعتبر اذيه للغير

افضل شي تذكره على ارخص شركة طيران ولا اذي العالم بها من اجل اني اقلل خسارتي


وبس