شركه بورش... اسوء وكاله في السوق القطري

[A.S.A.M]

السلام عليكم

من فتره رحت اصلح سيارتي في الوكالة البروش و بمذله رجعوها لي

يوم رجعوها لقيت الاخوان داعمين الباب بس قالوا راح يصلحونه

المشكله انا ابغى أبيع السياره و هذا طيح من قيمتها
كلمت صاحب الوكالة و حولني على موظف ما سوى شي و يُبين لك انه هو مش غلطان

على العموم يا جماعه فيدوني ايش اقدر أسوي

[بن غيث]

تحريك دعوة قضائية للضرر الواقع حاليا على السيارة .. والضرر المستقبلي في حالة بيع السيارة

[gprs]

الله يعين ما ندري وين دور حماية المستهلك من هل المواضيع لان فعلا الوكالات طغوا وبغوا ومحد يحاسبهم
وعندك الا اردى منهم وكالة الرنج ووايد وكالات لاحسيب ولا رقيب
والله يكون في العون

[وكر الذيب]

انا اشهد انها اسوء وكالة في قطر وبجدارة وبلا منازع لي تجارب مريرة معاهم

[بعيد النظر]

الله لا يضيع حقك !!!!!!!


خاطري احد يمدحهم

[بن جعران]

لي صديق عنده بورش وصار عنده تسرب في خزان البترول من خلل في الخزان نفسه
دخلها الشركه والضمان قانونياً يصلح له المشكله
وقلبوا السالفه عليه عشان يدفع من جيبه وكان العذر سوء استخدام
ان الخزان تعرض لضربه من الاسفل
وبالغصب دخلنا الورشه ومالقينا اي ضربه اسفل الخزان
ومن هنا لهناك وبعد الهواش صلحوها عالضمان
ولو تكفل صديقي بالتصليح بيكلفه الموضوع مو اقل من 8 الالف ريال بدون شغل اليد

[ya3coub]

للأسف من اسوء الوكالات

أخوي عنده و حرام فيها المبالغ الخيالية اوديها مرات السيرفس تنبط مرارتي. غير الطقة السخيفة الي فالسيارة دخلناها 6 مرات و إلى الآن يقولك هاي شي طبيعي بكل سيارات السبورت و لما خذنا وحدة تست درايف من الوكالة و وحدة ثانية مستعملة مرجعه مافيهم هالصوت.


و ليلحين على هالحال و قريب يخلص الضمان والله يستر

السيارة زينة مشكلتها السعر المبالغ فيه و السيرفس سنتر الوكيل للأسف مو متعاون حتى فالخصم

[بوخالد911]

اطلب مقابلة سلمان الدرويش. فيس تو فيس.
واطلب تعويضك
وكذلك معاقبة الموظف المتسبب

[معماري قطري]

خليتوني ما افكر في البورش

[sos 12]

شعار مالك وكاله البورش ... مابي كل قطر يسوقون سيارات البورش ... الأخ فاهم غلط

[بوخالد911]

خليتوني ما افكر في البورش

موتر فوق ال300 الف
وعرررررررررررررر

هالشي اللي مستغرب منه

غير اللكزس لا تفكر
لو تأخذ حق هلك فكر بالكزس rx
موووفق.

[LiL iNVe$ToR]

موتر فوق ال300 الف
وعرررررررررررررر

هالشي اللي مستغرب منه

غير اللكزس لا تفكر
لو تأخذ حق هلك فكر بالكزس rx
موووفق.


البورش وعر؟ ماقول عنه وعر بالعكس ريف لكن يابس وتحس بالاشيا اكثر لان شاصيه رياضي ومايتقارن مع اللكزس او شركه ثانيه ..الفئه مختلفه.

وهالشي اصلا ايجابي مب سلبي :).

[معماري قطري]

موتر فوق ال300 الف
وعرررررررررررررر

هالشي اللي مستغرب منه

غير اللكزس لا تفكر
لو تأخذ حق هلك فكر بالكزس rx
موووفق.

صراحة بيتنا كله تيوتا ولكزس الشاذ كدلك اسكاليد ونيسان نيفارا

ولو حصلت لكزس موديل العام بسعر مناسب شكلي باخذها

لا للبورش وغيرها من السيارات اللي وكالاتها ما فيها خير

[KSK Logistic]

وكاله تعيسه ، فاشله الله ايعين الي عنده بورش

[KSK Logistic]

بعد المرسيدس حاسبوا منه عليه شكاوي وايده

[راعي الكورفت]

الأفضل الابتعاد عن جميع السيارات الاوربيه بكافة أنواعها.

الأمريكي أو الياباني غيرهما لا تشتري

[الـقـاسـي]

من أجمل السيارات اللي جربتها كانت بورش كايين بالرغم من كثره الانتقادات للسياره لكن مميزه جدا لكن السبب الوحيد اللي خلاني ابيع السياره الوكيل سيء إلى ابعد الحدود واسعار مبالغ فيها

اولا ضمان السياره من الوكاله سنتين فقط بعد سنتين قالوا لي ادفع حوالي 7 الاف عشان امدد سنه او ادفع 12 الف عشان سنتين

اي شي تدخل السياره عشانه لازم تقعد في الوكاله كم يوم

يعني اذكر مره الموتر ماشي تقريبا 27 الف قالوا لي سفايف ودرامويل منتهيه عندك لازم تبدلها طلعت تقريبا ب 8 الاف وشوي رحت خذتها من الامارات بأقل من نص السعر والله يسلم التيسير

ما ادري ليش دايما الوكالات عندنا خدماتها تعبانه جدا

[khaldoon]

تحريك دعوة قضائية للضرر الواقع حاليا على السيارة .. والضرر المستقبلي في حالة بيع السيارة

والله يا الغالي حسب علمي انه المحكمه ما تحكم للمدعي بمبلغ الا كل شي تم تقديمه من فواتير بالارقام و بالريال ..يعني اي شي يطالب فيه المدعي غير مدعم بفواتير و اثباتات ما تعترف فيه الحكومه و اي شي يجيبه بفواتير و معاه حق ممكن تحكمله فيه المحكمه ...اتكلم عن تجربه سابقه معي شخصيا

[غايه الطواش]

اشوه هانت علي مصيبه شركه المرسدس

[معماري قطري]

بعد المرسيدس حاسبوا منه عليه شكاوي وايده

من دخلت الوكالة وشفت بو لبنة وطريقة تسويقهم للسيارة خفت اغامر

[CH Engineer]

المفروض دور حماية المستهلك
واذا رفضت الوكالة التعويض حماية المستهلك يتكفلون برفع دعوى قضائية ضد الشركه
اذا مشينا على هالنظام خلال سنتين مابتشوفون مشاكل من هالشركات

[معماري قطري]

الأفضل الابتعاد عن جميع السيارات الاوربيه بكافة أنواعها.

الأمريكي أو الياباني غيرهما لا تشتري

الأمريكية صراحة الكدلك خذته مستعمل سنتين من 2009 للحين محترم نفسه غير الصيانة العادية

والياباني خصوصاً التيوتا واللكزس تذلها ولا تذلك .. كان عندي في اكس آر 1995 وتم عندي 14 سنة تكسير ومغامرات حتى رحت فيه لبنان ورجعت بتهور وسواقة اجرامية فوق الجبال وقت حرب 2006

[KSK Logistic]

من دخلت الوكالة وشفت بو لبنة وطريقة تسويقهم للسيارة خفت اغامر


والله انك صاج بولبنه من اتشوفه في شركه اعرف انها وراها مشاكل