عندي استفسار عاجل

[الخيالة]

سلام عليكم

ابي استفسر منكم لان مب عارفه شالحل

احنا كننا ماجرين بيت قبل 5 سنوات من شخص المهم اول ما اجرنا البيت بحكم ان الريال كان خير و بغي يساعد ماكتب عقد و احنا سكننا و طلع عقب العائله اللي كانوا ساكنين قبل ماكانوا دافعين فلوس الكهرباء و الماي و محد قدر يساعدنا للاسف و اضطرينا ندفع احنا مبلغ 7 الاف المهم مر هالموضوع و كملنا 5 سنوات و كننا ندفع اجار البيت كل شهر بدون تأخير حتي يوم و جا يوم اللي صاحبة البيت قالت اطلعوا من بيتي لان بهدم البيت و عطانا مهله ست شهور و احنا ماقدرنا نحصل بيت وأبوي كان مريض في المستشفي و مرينا بظروف صعبه و كلمناها تساعدنا تعطينا فرصه عصبت في البدايه و من هالكلام و احنا قلنا مو بيدنا شي لازم تعطينا فرصه اخوي مسافر عن طريق شغله و ابوي تعبان و احنا بنات مانقدر نسوي شي اخر شي لما قلنا بنتصل وطني الحبيب لان محد قاعد يساعدنا عقب وافقت و قالت عقب الرمضان اخر مهله يعني لين العيد لازم نطلع و هاي اللي صار عقب التعب حصلنا بيت و طبعا ماتتخيلون صعوبة الامر تغيير البيت في الرمضان مع الحر و الصيام لدرجة ان ابوي طاح و مرض و ماقدر يصوم و انا مرتين ترقدت في المستشفي و ماقدرت أصوم كله عشان ان نطلع بأسرع وقت و نفتك من حنتها لان كلش ماتقدر الظروف ع العموم احنا طلعنا اكثر اغراض البيت عاشر يوم من الرمضان و كان باقي شوية اغراض و المكيفات يعني دفعنا اجار البيت الجديد مقدم عقب ما كتبنا العقد و رحنا البيت الجديد و لين ما طلعنا كل الاغراض من بيت القديم تقريبا كان 15 يوم من الرمضان و الحين لين صار تاريخ ثلاثين يونيو اتصلت المراه كلمت امي و ابوي ان تبي اجار هالشهر و ابوي قال قبل خمس سنوات احنا دفعنا مقدم طبعا ماكان في اوراق لان الريال كان يعرف اخوي و عقب توفي و البيت صار ورثه المهم قال لها كل شي عشان تفهم و احنا مستحيل نأكل فلوس حد حتي لو ريال اهيه عصبت و قالت حق ابوي اذا ماعطيتوني باخذ فلوسي من المحكمة و ابوي ريال كبير مسكين من سمع هالكلمة لان في عمره لا رايح مخفر ولي مسوي شي طايح مريض و ضغطه مرتفع ولاقادر يتحرك
الحين ابي اسال من حقها تاخذ اجار هالشهر واحنا بس قعدنا عشر ايام في البيت باقي الايام كننا نروح نجيب اغراض و قبل دافعين مقدم و اهيه مب راضيه و مصره علي 6 الاف و احنا دافعين اجار البيت الجديد و صرفنا وايد حق العفش و هالامور اللي اضطرينا نجيب اي حد بس عشان نطلع و نفتك
والحين ماعرف شنو نسوي معاها و اهيه تهددنا بالمحكمة :(

[@north_star@]

اي نعم يحق لها اطالب بالايجار دامكم ما اخليتوا البيت قبل بداية الشهر لانها لو بتاجر البيت صعبة تلاقي حد ياخذ البيت من 10 الشهر او نص الشهر وحاولوا تحلون الموضوع ودي وبالتفاهم حتى لو تعطونها نص المبلغ او تقسيط والله يفرجها ويستر عليكم

[بن غيث]

اين عقد الإيجار الذي يتم رفع شكوى به إلى لجنة فض المنازعات أو المحكمة المدنية !!

[بصمة قطرية]

شلون بتشتكي و ما في عقد ..!!!
و الإيجار من حقها تاخذه لأنكم قعدتوا ..
الله يعينكم و يسهل عليكم و يشفي أبوج يارب و يخليه لكم ..

[الخيالة]

اهيه قالت نطلع لان بيهدمون البيت مب ان تاجر علي حد بس احنا قعدنا عشر ايام عقب رحنا البيت الجديد و اول ما سكننا هالبيت عن طريق واحد من اَهلها دفعنا مقدم شهر مفروض الحين ماياخذون بس ماعطانا إيصال الريال و الحين هذي ماتصدق و تبي الاجار ست الاف كامل واحنا ماتمينا شهر اصلا و في ناس قالوا انهم يوم اطلعوا مايدفعون اجار اخر شهر لان دوم يكونون دافعين من قبل شهر مقدم نفس البيت اللي حصلنا الحين دافعين شهر مقدم المشكلة اهيه كله تتهاوش حتي مره قطت كلام مب زي علي مرت اخوي و احنا سكتنا لا حول و لا قوة هاي واحنا طول هالمدة لاتاخرنا في دفع الاجار ولي لعوزناها مادري ليش تعاملنا جذيه و دوم تتصل تكلم امي و أبوي و تهدد و تتكلم بطريقه كله هواش

[الخيالة]

اي نعم يحق لها اطالب بالايجار دامكم ما اخليتوا البيت قبل بداية الشهر لانها لو بتاجر البيت صعبة تلاقي حد ياخذ البيت من 10 الشهر او نص الشهر وحاولوا تحلون الموضوع ودي وبالتفاهم حتى لو تعطونها نص المبلغ او تقسيط والله يفرجها ويستر عليكم

في ورقة من البلديه هدم البيت اهيه مابتاجر البيت و احنا ماسوينا بلعماله احنا ماحصلنا بيت لو حصلنا كننا طالعين من زمان لا نبي مشاكل ولي عوار راس و من كم اسبوع بس حصلنا و بسرعه بسرعه حاولنا نخلص و حتي لو تبي تاجر اكيد نفس الوقت ماتقدر و محد بيسكن لان لازم تصبغ و من هالامور

[الخيالة]

اين عقد الإيجار الذي يتم رفع شكوى به إلى لجنة فض المنازعات أو المحكمة المدنية !!
ماعندنا عقد الايجار اخوي لان مثل ماقلت اول شخص اجر لنا بيته كان ريال خير عشان هاي اجار البيت ست الاف هو كان يبي يساعدنا جزاه الله خير و قال مايحتاج عقد لين توفي و عقب جات هذي بس شهريا كانت تاخذ اجار و بعد ماسوت عقد

[الخيالة]

شلون بتشتكي و ما في عقد ..!!!
و الإيجار من حقها تاخذه لأنكم قعدتوا ..
الله يعينكم و يسهل عليكم و يشفي أبوج يارب و يخليه لكم ..


امين يارب
الله يسمع منج و يشفي جميع المرضي

[@north_star@]

اذا مافي عقد ما يطلع لها شي لانه العقد شريعة المتعاقدين وخاصة اذا عطتكم ورقة انها بتردم البيت وبعدين حتى لو راحت المحكمة وما عندها عقد يعني ما عندها إثبات في المحكمة

[alwahesh]

نصيحه اختي ادفعي 300 ريال لاي محامي ويعطيج الخبر اليقين

انا اشوف ان مب من حقه الصراحه

ورقة الهدم مش مستند قانوني ومن حقج تشتكين على المالك اذا فعلا ما هدم العقار وأجر على ناس غير

الكل قام يفتي وبدون خبره

العقد ماله اي قيمه وللعلم حتى الزواج اول بدون عقود

[رجل تعليم]

الله يشفي الوالد ويفك ضيقتكم أختي الكريمة

[MAZEN37]

مافي عقد ما تقدر وشغلتها طويله بالمحاكم وبتدفع اكثر من 6000 غير الروحه والرده
انصحكم تسون تصفيه للكهرب

[الخيالة]

نصيحه اختي ادفعي 300 ريال لاي محامي ويعطيج الخبر اليقين

انا اشوف ان مب من حقه الصراحه

ورقة الهدم مش مستند قانوني ومن حقج تشتكين على المالك اذا فعلا ما هدم العقار وأجر على ناس غير

الكل قام يفتي وبدون خبره

العقد ماله اي قيمه وللعلم حتى الزواج اول بدون عقود


والله اخوي العلم عند الله اهيه بس قالت لنا فجاة ان بهدم البيت حتي قلنا زيدي الاجار بندفع بس خلينا نقعد الحين صعب نلقي بيت و نغير بيت قالت لا مو بيدي و من هالكلام و اذا ماتبي تهدم و قصت علينا ماقول غير حسبي الله و نعم الوكيل لان صج تبهدلنا و تعبنا خصوصا أمي و ابوي ريال كبير 80 سنه و محتاج راحة و مريض و تعب اكثر من التفكير
وانا ماعرف اي محامي او من وين احصل

[الخيالة]

مافي عقد ما تقدر وشغلتها طويله بالمحاكم وبتدفع اكثر من 6000 غير الروحه والرده
انصحكم تسون تصفيه للكهرب

اخوي احنا طلعنا من البيت بس كننا حاطين اغراض لان شوي شوي كننا نطلع و من فترة خلاص دفعنا الكهرباء و كل شي

[الخيالة]

الله يشفي الوالد ويفك ضيقتكم أختي الكريمة



اللهم امين

[الســيل]

اسال الله لك ان يفرج همك وييسر امرك ويسعدك من حيث لاتعلمين وان يجعل لك من كل ضيق مخرجا وينور طريقك

[الخيالة]

اسال الله لك ان يفرج همك وييسر امرك ويسعدك من حيث لاتعلمين وان يجعل لك من كل ضيق مخرجا وينور طريقك


اللهم امين جزاك الله خير خوي

[M.Alkhater]

اسمع الكلام من شخص متلعوز مع المستأجريين ..

ماتقدر تشتكي عليكم في المحكمة مادام مافيه عقد وتعتبر الدعوه مرفوضه ..

لاتردون على اتصالاتها ولا عليكم منها ماتقدر تسوي اي شي ..

توكلي على الله والكلام على مسؤوليتي ..

والله يشفي والدكم

[A-Alansari]

دام مافي عقد شلون بتشتكي

وعلى فكره لو انكم ماطلعتو من البيت ماتقدر تطلعكم غصب حتى لو بيتها لو تشتكي او تسوي الي تسويه القانون مايسمح تطلع عايله من البيت حتى لو كان بيتك

واذا تبون تتطمنون شوفي اي محامي يفيدج في الموضوع عشان الوالد يرتاح

[..عاشق قطر..]

ليش تتدفعون للكهرب ؟؟ مب انتو قطرين ؟

[لبيبة]

وعليكم السلام ورحمة الله وبركاته،

ما دام ما في بينكم عقد، على أي أساس تدفعون لها؟

إذا تبي خلها تروح المحكمة وتصرف أكثر من المبلغ اللي تطالبكم به كمصاريف للمحامي.

وانتوا طلعتوا من بيتها خلاص وتركتوه لها، ما عاد بينكم شي،

ومكان سكنكم الجديد لا تعلمونها اياه، علشان لو حاولت حتى ترفع قضية ما تعرف تعطيهم مكان سكنكم لإعلان المحكمة.

هي مستغلة خوفكم وضعفكم، طمني ابوج ولا تحاتون.

[..عاشق قطر..]

وعليكم السلام ورحمة الله وبركاته،

ما دام ما في بينكم عقد، على أي أساس تدفعون لها؟

إذا تبي خلها تروح المحكمة وتصرف أكثر من المبلغ اللي تطالبكم به كمصاريف للمحامي.

وانتوا طلعتوا من بيتها خلاص وتركتوه لها، ما عاد بينكم شي،

ومكان سكنكم الجديد لا تعلمونها اياه، علشان لو حاولت حتى ترفع قضية ما تعرف تعطيهم مكان سكنكم لإعلان المحكمة.

هي مستغلة خوفكم وضعفكم، طمني ابوج ولا تحاتون.

كلامك 100%

[الخيالة]

شكرًا لكم جميعا و ربي يجزيكم كل خير

و ان شاءالله ان خير

[حليتان*]

ماتقدر تشتكي

بس عن الحلال والحرام عطوها ظ¢ظ*ظ*ظ* ريال عن ال ظ،ظ* ايام الي تميتو فيها فالبيت

[الخيالة]

للاسف اليوم عرفت ان اهيه كذبت علينا ولي بتهدم البيت تبي تجدد البيت و تأجر مره ثانيه مع ان احنا قلنا لها زيدي الاجار بس خلينا نقعد صعب نغير البيت في الحر و رمضان و امي و ابوي تعبانين بس جات و جابت ورقة لصقت ع البيت ان في تاريخ فلاني بيهدمون البيت و اخر وقت لنا العيد و قالت عطيتكم وقت وايد و مادري شنو و تعبتنا و بهدلتنا و قطت كلام مب زين علي مرت اخوي و اخر شي احنا طلعنا من البيت غصب اجرنا مكان و درينا اليوم ان كله كان كذب لان صديقة امي اتصلت لها ان مرت من المكان شافت بيت للاجار و اهيه قالت لها بتجدد البيت عقب بتاجر ماقول غير حسبي الله و نعم الوكيل فيها احنا ولي كَذَبنا عليها ولي تأخرنا في دفع الاجار و لي لعوزناها و اخر شي سوت معانا جذيه ربي يحاسبها يارب لان فعلا بهدلتنا في رمضان صيام و حر و ابوي مريض وامي تعبانه كبار في العمر خلتنا نتوهق و نتعذب حسبي الله و نعم الوكيل فيها اللب ماتخاف من ربها وايد مقهورة كل مااتذكر شلون كانت تقول ماعندكم وقت و مو بيدي و من هالكلام