مشكلة في النيسان باترول الرجاء الافادة

[وحيد-الشوق]

السلام عليكم

عندي مشكلة في النيسان باترول 2013 الموتر ماشي 60 الف بعد ماوديته الصيانة الدوريه قبل 10 ايام بدلوا او نظفوا شيء مثل ماذكر في الفاتورة carry out a complete engine oil flush المهم بعدها بكم يوم طلعت لي مشكله الموتر صار ينفض عند السرعات البطيئه وعند وقوف السيارة والرجوع للخلف ومؤشر الاربي ام ما احسه طبيعي يكون تحت ال1 ويطلع وينزل وديت الموتر لهم السيرفس ركب معاي الفني مرتين وسقت الموتر ومايبين شيء ابو القهر وجيك على كمبيوتر السيارة ماطلع عنده اي خطأ المهم يقولي حتى لو شفنا الي تقول عنه مانقدر نسوي شيء اهنيه روح الصناعية وانا من اسمع اسم الصناعية استضيق شالحل يا اخوان الي يقول نظف البخاخات او نظف الثروتل وغير فلتر البترول !!

ملاحظة اليوم بس طلعت علامة المكينة في الطبلون!!

[عبدالرحمن1]

الموتر 400 ولا 320

[عاشق العديد]

فالحالتين موترك ع ضمان أتوقع وكل تيجكاتك فالوكاله حرام تنظف شي ود لهم سياره افضل حل لك

[@north_star@]

اذا طلعت علامة المكينة روح شيك كمبيوتر وبيظهر الخلل مباشرة وزين اللي طلعت العلامة عشان تكتشف وين المشكلة .

[بونووف]

وعليكم السلام ورحمة الله وبركاته

بل عاد صار لي كم يوم افكر في نيسان اس اي حطمتني وموترك مب ماشي شي ان شاءالله الموضوع بسيط

يالربع بعد اذن اخوي وحيد الشوق في حد اشتكى من se

[ya3coub]

وعليكم السلام ورحمة الله وبركاته

بل عاد صار لي كم يوم افكر في نيسان اس اي حطمتني وموترك مب ماشي شي ان شاءالله الموضوع بسيط

يالربع بعد اذن اخوي وحيد الشوق في حد اشتكى من se

الوالد عنده SE بس ما اقدر اقولك غير انه موتر زين جدا لحد الحين

بس الوالد استخدامه يهتم بسيارته اكثر من اي شي ما شاء الله.

المشكلة الوحيدة الي صارت و بدلوها تسمع اصوات من برع فقط تطلع من السيارة اذا تمشي فيها فالحصى تحسها مخرخشة بــ114 ريال تبدل ربلات البانة Bump stop hood و رجعت السيارة هادية برع و داخل

سافرت فيه مرة احلى من الكروزر و اريح جدا جدا بس ما اقدر احكم لأن ممشاه إلا الآن ما وصل 25 ألف كيلو دوام بيت بس صارله 3 سنين عندنا الوالد يستخدمه و مستانس فيه.

الشباب يشتكون بأنه يصرف بترول

[A-Alansari]

الشيخ وده الوكاله دام طلعت العلامه احسن

وتحمل تسوي فلاش المكينه مره ثانيه لانه ممكن تخبط مكينتك وله اضرار كثيره ممكن تبحث عنها في قوقل خصوصا المواقع الاجنبيه

وعلى الاغلب مشكلتك من البلاكات او كمبيوتر الوكاله يبيله ريست

اذا مالك بارض حق الوكاله افصل البطاريه ظ¢ظ* دقيقه وعقب ركبها وشوف يتغير وضع الموتر ولالا

واذا ماتغير لازم توديه الوكاله

[الرايــق]

الثروتل او حساس الهواء يبيله تنظيف
اخوي جرب افصل البطارية نص ساعه وخبرنا

[وليف الشوق]

صدقني من البلكات وماعليك الا انك تغيرهم وماانت خسران شي وان صابت فالحمدلله واذا استمرت المشكله فالبلكات جديده والنصيحه الثانيه شوف محلات الفحص المتوزعه على طريق سلوى واهم راح يعطونك القرار الاكيد لان الوكاله احيانا مايبين معاهم شي

[.قطر.]

وعليكم السلام ورحمة الله وبركاته

بل عاد صار لي كم يوم افكر في نيسان اس اي حطمتني وموترك مب ماشي شي ان شاءالله الموضوع بسيط

يالربع بعد اذن اخوي وحيد الشوق في حد اشتكى من se
الـ se بيصير سته سلندر في موديل 2017
يعني اذا تبيه ثمانيه سلندر لحق عليه
بس الثمانيه يصرف ف الـ 320 اكثر من الـ 400

[@north_star@]

ما أظن البلكات لانه الموتر ماشي 60 الف كم والمفروض انها تتبدل على 120 الف كم تقريبا لانها بلاتينيوم

[sos 12]

صارت حق موتر رفيجي نفس الشي وأكثر ... تم متكيسل لين ماقفل الموتر في الشارع ... موترك يبقي له أعاده برمجه واحتمال يبدلون لك الكمبيوتر اذا مانفع أعاده البرمجة ... هذا الي صار مع موتر رفيجي بدلو له الكمبيوتر كامل ... موتره نيسان 2012 le ... تم شراء الموتر في سنه 2014 ... الحل أتودي الموتر الصناعية وتشرح لهم الحاله اذا تم الموتر عندهم اكثر من 14 يوم تقدر تأخذ موتر من عندهم اذا محتاج ... مافي داعي تبدل بلاكات او تنظف بخاخات ... موتر جديد مشكلته الكمبيوتر ... والله اعلم

[alwahesh]

غير فلتر البترول

السبب تغيير النسبه من 98 الى 95 اوكتين او اوكتان

انا سيارتي 2016 ماشيه 4000 ونفس المشكله وطبعا من فتره بسيطه انتبهت او حسيت ابها بس مارحت الوكاله

[معماري قطري]

التيوتا وبس

[qatarman8008]

يكون صبيت له بترول عادي ؟؟

[وحيد-الشوق]

يعطيكم العافية جميعاً

السموحه تأخرت عليكم في الرد الموتر le 400 فصلت البطارية مره وماحدث اي تغيير انا شكيت في تغيير البترول بعد من 97 لين 95 بس اعتقد البلاء من فلاش المكينه لأن وقت ما استلمت السيارة من صيانة 60 الف كانوا مغييرين البترول بالنسبة لفلاش المكينه وايد مايمدحونه ومايتسوى لمواتر جديدة عاد النيسان مستانسين عندهم جهاز تنظيف جديد حسب ماشفت اليوم في الصناعية وقالوا نجرب على مواتر الزباين واعتقد حسب كلام الفلبيني مشكلتي صارت لاحد الاخوان من قبل المهم ننتظر وان شاء الله خير


عاد مايندرى يمكن صبيت عادي بالغلط وانا مادري لأني اذكر مره عبيت في رمضان بدون ما اقوله سوبر او عادي وكنت موسوس من طلعت من المحطه

اشكركم يا اخوان وبارك الله فيكم والسموحه منكم

[@north_star@]

يعطيكم العافية جميعاً

السموحه تأخرت عليكم في الرد الموتر le 400 فصلت البطارية مره وماحدث اي تغيير انا شكيت في تغيير البترول بعد من 97 لين 95 بس اعتقد البلاء من فلاش المكينه لأن وقت ما استلمت السيارة من صيانة 60 الف كانوا مغييرين البترول بالنسبة لفلاش المكينه وايد مايمدحونه ومايتسوى لمواتر جديدة عاد النيسان مستانسين عندهم جهاز تنظيف جديد حسب ماشفت اليوم في الصناعية وقالوا نجرب على مواتر الزباين واعتقد حسب كلام الفلبيني مشكلتي صارت لاحد الاخوان من قبل المهم ننتظر وان شاء الله خير


عاد مايندرى يمكن صبيت عادي بالغلط وانا مادري لأني اذكر مره عبيت في رمضان بدون ما اقوله سوبر او عادي وكنت موسوس من طلعت من المحطه

اشكركم يا اخوان وبارك الله فيكم والسموحه منكم

تغيير البترول من 97 اوكتان الى 95 أوكتان ماله أي علاقة ولا يأثر بالموتر الا اذا صبيت 91 أوكتان ممكن تحس بنفضة وتقطيعة وتختلف سحبية الموتر وقومته

[عبدالرحمن1]

أخوي مشكلتك عرفتها مالك الا الوكاله والمشكله في
حاجه مثل مضخه يركب جنب المكينه اهو المسؤوله عن ضخ
البترول في المكينه ال 400 فقط ماتشوف سألتك
في البدايه موترك 320 ولا 400 على العموم الله يعينك تصليحها
غالي تقريبا 13000 بس ان شاءالله موترك تحت الضمان
هذا والله أعلم

[عبدالرحمن1]

نصيحه لو طلعت اللي قلت لك لاتصلح برا الوكاله
لانها صعب تصليحها

[وحيد-الشوق]

تغيير البترول من 97 اوكتان الى 95 أوكتان ماله أي علاقة ولا يأثر بالموتر الا اذا صبيت 91 أوكتان ممكن تحس بنفضة وتقطيعة وتختلف سحبية الموتر وقومته

شكراً عالافادة اخوي نورث ويعطيك العافية


أخوي مشكلتك عرفتها مالك الا الوكاله والمشكله في
حاجه مثل مضخه يركب جنب المكينه اهو المسؤوله عن ضخ
البترول في المكينه ال 400 فقط ماتشوف سألتك
في البدايه موترك 320 ولا 400 على العموم الله يعينك تصليحها
غالي تقريبا 13000 بس ان شاءالله موترك تحت الضمان
هذا والله أعلم


نصيحه لو طلعت اللي قلت لك لاتصلح برا الوكاله
لانها صعب تصليحها

13 الف عاد موتري تحت الضمان لين شهر 8 وعندي ضمان ممدد سنتين انا وديت الموتر امس وبشوف شنو بيقولون لي واذا قالوا لي ادفع شيء انا بتهاوش وياهم لأنه الموتر كان تمام ومايشكي من شيء الا عقب مادخلته صيانة ال60 ماخذوا ساعة ونص وقالوا موترك جاهز حسيت شغلهم مستعجل

عالعموم ننتظر ونشوف واشكرك عالتجاوب والإفادة

[بوخالد911]

هلا
موتري نيسان se مو 2012
من شهور اسمع ارتفاع الصوت حق
rpm
كان المؤشر يوصل 2
2.5
حنة مش طبيعية
كأني أسوق باص.
بالرغم اكون سايق بالفريج وسرعتي ماتتعدى 50-60 ك

وديته فرع بو هامور. ما اعرفوا السبب
خذت موعد بالصناعية الاسبوع الفايت

وطلعت المشكلة من كلتش المروحة
قلت غيروا
كلفتني الشغلة 1700
الف وسبعمية.

والحين الحمدلله اختفت الحنة.

[عازف]

هلا
موتري نيسان se مو 2012
من شهور اسمع ارتفاع الصوت حق
rpm
كان المؤشر يوصل 2
2.5
حنة مش طبيعية
كأني أسوق باص.
بالرغم اكون سايق بالفريج وسرعتي ماتتعدى 50-60 ك

وديته فرع بو هامور. ما اعرفوا السبب
خذت موعد بالصناعية الاسبوع الفايت

وطلعت المشكلة من كلتش المروحة
قلت غيروا
كلفتني الشغلة 1700
الف وسبعمية.

والحين الحمدلله اختفت الحنة.


بخصوص الحنة او الصوت ،،، يجيك مع تشغيل المكيف وله ماله شغل أرجو الإفادة يابو خالد

[بوخالد911]

بخصوص الحنة او الصوت ،،، يجيك مع تشغيل المكيف وله ماله شغل أرجو الإفادة يابو خالد

اي نعم
بعد ما اشغل المكيف وادوس ريس لين ما اوصل 50 او 60 للسرعة

شنو توقعك؟

[Qt.1]

انا مهب عارف مع ان الشركه يدرون ان الفلاش ممكن ياثر بشكل كبير على المكينه لكن ايسوونه مهب عارف ليش , الفلاش للمكينه ياخوي معناها بيحطون ماده تنظف المكينه كامله من داخل يعني اتزيل اي شوائب عالقه في المكينه وهالشي يسبب جفاف في الجدار الداخلي للمكينه فما ينصح فيه والسياره ماشاء الله جديده لو قديمه بنقول ممكن تحتاجه , شوف فلتر البترول وشيك عليه وحاول اتحط الانجكتر كلينر , هذا مجرد منظف للانجكترات اتحسه مثل البترول اتصبه في دبة البترول بس البترول يكون تحت النص احسن وان شاء الله بسيطه ,,

[عازف]

اي نعم
بعد ما اشغل المكيف وادوس ريس لين ما اوصل 50 او 60 للسرعة

شنو توقعك؟

تختفي الحنة ،،، ماصلحته على الضمان وله ما يشمله

[بوخالد911]

لا ما تختفي.
الضمان انتهى معاي
لانه بس 3 سنوات.

[كتكوت الوحش]

لا ما تختفي.
الضمان انتهى معاي
لانه بس 3 سنوات.

لا شيك عالضمان أتكون وبعيدين شيك متى تسجيل السياره بالضبط في دفتر السياره يكون

[بوخالد911]

لا شيك عالضمان أتكون وبعيدين شيك متى تسجيل السياره بالضبط في دفتر السياره يكون
انتهى الضمان العام الماضي
موتري 2012 /11
ضماني فقط 3 سنوات.

[A-Alansari]

اي نعم
بعد ما اشغل المكيف وادوس ريس لين ما اوصل 50 او 60 للسرعة

شنو توقعك؟

اخوي هالحنه طبيعيه في الصيف المروحه تشتغل تبرد الموتر خاصه مع المكيف الظهر

مالها الا حل واحد

تركب مراوح قدام الراديتر تبريد للمكيف وبتختفي الحنه والحراره ماراح ترتفع عن الربع وحتى لو وقفت وقت طويل ماراح يحر المكيف

اذا تبي تركب روح حق حالول في طريق سلوى بيضبطك

ترى مو ضروري تركب مراوح موترك طبيعي من الوكاله جذي لكن لو تبي الحنه تخف سو الي قلت لك عليه

والمشكله هاذي حلوها في موديلات 2016 قامو يركبون مراوح نفس الي قلت لك عليها تجيك من الشركه

[عازف]

اخوي هالحنه طبيعيه في الصيف المروحه تشتغل تبرد الموتر خاصه مع المكيف الظهر

مالها الا حل واحد

تركب مراوح قدام الراديتر تبريد للمكيف وبتختفي الحنه والحراره ماراح ترتفع عن الربع وحتى لو وقفت وقت طويل ماراح يحر المكيف

اذا تبي تركب روح حق حالول في طريق سلوى بيضبطك

ترى مو ضروري تركب مراوح موترك طبيعي من الوكاله جذي لكن لو تبي الحنه تخف سو الي قلت لك عليه

والمشكله هاذي حلوها في موديلات 2016 قامو يركبون مراوح نفس الي قلت لك عليها تجيك من الشركه

يعني اخوي المشكلة موب من كلتش المروحة،،،

[A-Alansari]

يعني اخوي المشكلة موب من كلتش المروحة،،،

لا كلتش المروحه عيب مصنعي صادف بعض موديلات 2016

ولو كلتش المروحه منتهي او فيه مشكله بترتفع حراره السياره

لكن لو موترك حرارته طبيعيه فمافي مشكله هاذي الحنه طبيعيه

[عازف]

لا كلتش المروحه عيب مصنعي صادف بعض موديلات 2016

ولو كلتش المروحه منتهي او فيه مشكله بترتفع حراره السياره

لكن لو موترك حرارته طبيعيه فمافي مشكله هاذي الحنه طبيعيه

وديت الموتر تشييك 40 الف كامل آواخر رمضان يوم تابعت موضوعكم قمت اليوم رجعته السرفيس قلت لهم عن الحنة اثناء تشغيل المكيف قالو لي بنغير لك كلتش المروحة على ضمان،،، وقلت لهم مايصير تركبون مروحة إضافية مثل 2016 قالو لا لازم تبدل بعض القطع في المكينة،،،بس قالو مجرد ماتغير كلش المروحة كل شي أوكي....وموتري نيسان 400leبترول 2014م

[بوخالد911]

وديت الموتر تشييك 40 الف كامل آواخر رمضان يوم تابعت موضوعكم قمت اليوم رجعته السرفيس قلت لهم عن الحنة اثناء تشغيل المكيف قالو لي بنغير لك كلتش المروحة على ضمان،،، وقلت لهم مايصير تركبون مروحة إضافية مثل 2016 قالو لا لازم تبدل بعض القطع في المكينة،،،بس قالو مجرد ماتغير كلش المروحة كل شي أوكي....وموتري نيسان 400leبترول 2014م

نفسي تماما.
بدلوا كلتش المروحة.
والحنة راحت.
ولله الحمد.

[عازف]

نفسي تماما.
بدلوا كلتش المروحة.
والحنة راحت.
ولله الحمد.

الحمدالله وحيد الشوق نزل الموضوع بوقت مناسب اسمع صوت الحنة مع تشغيل المكيف على بالي طبيعي،،،اخوي اذا عندك صوت طقطقة بسيطة في الطبلون يمين يسار،،، ترى يصلحونة لك هو عبارة عن تبديل الكليبات +الربلات والبوشات كل هذي ماتكلفك 150ر،ق تقريباً

[البرونزي]

الله يعز الكروزرات شكلي هونت على النيسان مراوح وكلجات ومكيفات واصوات وحنه فلم رعب ههههههههه
المشكله المواتر الي ذكرتوها موديلات جديده

[سعود.]

[B]
الله يعز الكروزرات شكلي هونت على النيسان مراوح وكلجات ومكيفات واصوات وحنه فلم رعب ههههههههه
المشكله المواتر الي ذكرتوها موديلات جديده


بالعكس اخوي

عندي باترول LE 400 وكالة من عام 2013

ولا مرة وقف من عطل . وماشي للحين 139 km وياما سافرت فية ورحت للبر سيلين والعديد

ماشي مع حلاوه .

وكان عندي قبلة تويوتا . والفرق الي شفتة العزم والبترول والسفايف والمواصفات كلها للنيسان باترول.

التويوتا اريف في البر فقط . لان تواير الباترول 20 تكون وعرة اكثر في البر

وسلامتك

[وحيد-الشوق]

ابشركم امس استلمت السيارة ولله الحمد بدلوا لي سنسر الهواء وشيء ثاني مب متذكر كأنه حساس (سنسر) ثاني وسبب مشكلة السيارة حسب كلامهم حساس الهواء كان خربان والتصليح كان مجاني عالضمان

جزيل الشكر لكم يا اخوان :)


انا مهب عارف مع ان الشركه يدرون ان الفلاش ممكن ياثر بشكل كبير على المكينه لكن ايسوونه مهب عارف ليش , الفلاش للمكينه ياخوي معناها بيحطون ماده تنظف المكينه كامله من داخل يعني اتزيل اي شوائب عالقه في المكينه وهالشي يسبب جفاف في الجدار الداخلي للمكينه فما ينصح فيه والسياره ماشاء الله جديده لو قديمه بنقول ممكن تحتاجه , شوف فلتر البترول وشيك عليه وحاول اتحط الانجكتر كلينر , هذا مجرد منظف للانجكترات اتحسه مثل البترول اتصبه في دبة البترول بس البترول يكون تحت النص احسن وان شاء الله بسيطه ,,

قلت لكذا واحد في الشركة هالكلام عاد هم مب راضيين يقتنعون يقولون مفيد جداً وتخيل ينصحون فيه كل 30 الف كيلو مشينا بمواتر فوق 150 الف ولاسوينا هالخرابيط


اخوي هالحنه طبيعيه في الصيف المروحه تشتغل تبرد الموتر خاصه مع المكيف الظهر

مالها الا حل واحد

تركب مراوح قدام الراديتر تبريد للمكيف وبتختفي الحنه والحراره ماراح ترتفع عن الربع وحتى لو وقفت وقت طويل ماراح يحر المكيف

اذا تبي تركب روح حق حالول في طريق سلوى بيضبطك

ترى مو ضروري تركب مراوح موترك طبيعي من الوكاله جذي لكن لو تبي الحنه تخف سو الي قلت لك عليه

والمشكله هاذي حلوها في موديلات 2016 قامو يركبون مراوح نفس الي قلت لك عليها تجيك من الشركه

اتفق معاك انا الاحظ في الصيف تزيد حنة النيسان وبعد بحث واستفسارت الكل يقولي هذا شيء طبيعي في ال8 سلندر خاصّة مع النيسان والكروزر

[وحيد-الشوق]

وديت الموتر تشييك 40 الف كامل آواخر رمضان يوم تابعت موضوعكم قمت اليوم رجعته السرفيس قلت لهم عن الحنة اثناء تشغيل المكيف قالو لي بنغير لك كلتش المروحة على ضمان،،، وقلت لهم مايصير تركبون مروحة إضافية مثل 2016 قالو لا لازم تبدل بعض القطع في المكينة،،،بس قالو مجرد ماتغير كلش المروحة كل شي أوكي....وموتري نيسان 400leبترول 2014م


الحمدالله وحيد الشوق نزل الموضوع بوقت مناسب اسمع صوت الحنة مع تشغيل المكيف على بالي طبيعي،،،اخوي اذا عندك صوت طقطقة بسيطة في الطبلون يمين يسار،،، ترى يصلحونة لك هو عبارة عن تبديل الكليبات +الربلات والبوشات كل هذي ماتكلفك 150ر،ق تقريباً

اظن الحنه تطلع الظهر اذا ماني غلطان لأني حزات اشوف الموتر يحن وقت الظهر والحرارة العالية في الصيف بس ما اعتقد انها مشكله او يمكن حنه عن حنه تفرق والله اعلم


الله يعز الكروزرات شكلي هونت على النيسان مراوح وكلجات ومكيفات واصوات وحنه فلم رعب ههههههههه
المشكله المواتر الي ذكرتوها موديلات جديده

هههههههههه بالعكس ياخوي انا شخص انصح في النيسان موتر قوي وحلو عزم وفخامه، ولله الحمد ما واجهتني مشكله قبل غير هذي الحاليه ووايد مواترهم مشت فوق ال100 الف وما اشتكوا من شيء يمكن الصيانة فيها بعض السلبيات البسيطة بس وايد اهون من شركات كثيرة


[B]


بالعكس اخوي

عندي باترول LE 400 وكالة من عام 2013

ولا مرة وقف من عطل . وماشي للحين 139 km وياما سافرت فية ورحت للبر سيلين والعديد

ماشي مع حلاوه .

وكان عندي قبلة تويوتا . والفرق الي شفتة العزم والبترول والسفايف والمواصفات كلها للنيسان باترول.

التويوتا اريف في البر فقط . لان تواير الباترول 20 تكون وعرة اكثر في البر

وسلامتك

ماشاء الله الله يبارك لك في موترك