تجاربكم مع جرثومة المعدة ....

[بـن عدوان]

السلام عليكم

مساكم الله بالخير


بغيت اسألكم

بخصوص جرثومة المعدة

شنهي الحلول عشان الواحد يتخلص منها ؟

انا شاك فيني جرثومة المعدة وبفحص بعد العيد ان شاءالله في حمد

واذا تعرفون عيادة يكون فحصها سريع ياليت تقولون لي

[Chanel]

انا تعالجت منها عند دكتور محمد امين زبيب عياده خاصه
والحمد لله

[ya3coub]

تجي و تروح اهم شي ترجع الي ببطنك كله و اسهال و قبلها تاكل

غير عن هاي العلاج الطبيعي ما اعرف

جربت ادوية و اليوم صارلي قريب الأسبوع يوميا ابر و سيلان و فحوصات ولا اعرفو شنو العلة و مافيني لا جرثومة ولا تسمم.

الجرثومة في لا دوائين واحد قبل الأكل و واحد بعد و الأحسن اذا الجسم مناعته قوية يطردها طبيعيا عن طريق هيجان المعدة و الترجيع \ الإسهال

[Dana’1]

الدكتور حمد العذبه.. بالأهلي

وحاليا ابتعد عن الخس وعموما الورقيات الي زي الخس ..
شوكلاته والغازيات*السكريات عوما

حاول تترك هالاشياء بإذن الله بترتاح

[البارع]

أي مشكلة بالمعدة حموضه/ الام/انتفاخ/

ملعقة طعام خل تفاح في كاس ماي دافي جداً على الريق لمدة 7 أيام بعدها نفس الطريقة 3مرات في الأسبوع

وان شاءالله تختفي كل الام

مع الابتعاد اثنا فنرة العلاج من المقالي والفلفل

اسئل الله لكم الشفاء التام

[qatara]

تجنب القهوه


الشاي الأحمر

المخللات

أي اكله فيها هيل

الكوافي

السهر

التمر

جرب قبل لاتلقلق نفسك بالمستشفيات
ونشاء الله بتبين لك النتيجه
وماتشوف شر

[aloosh]

مرحبا بك

شوف هذي الوصفه لكل شي

خذ ماي فاتر لا يكون بارد او حار عادي

ملعقة عسل اصلي وعصر عليه ليمون

هذا بأذن الله لكل شي وراح تحس بنشاط وتحسن ويمنع الزكام

[بصمة قطرية]

الدكتور حمد العذبه.. بالأهلي

وحاليا ابتعد عن الخس وعموما الورقيات الي زي الخس ..
شوكلاته والغازيات*السكريات عوما

حاول تترك هالاشياء بإذن الله بترتاح

ولدي يتعالج عند الدكتور حمد العذبة معاه حرثومة في المعدة ..
أول شي العلاج لازم كورس مضاد حيوي
عقب يدخل مرحلة الوقاية بأدوية ثانية
والورقيات مثل ما قالت ديور إبتعد عنها نهائياً
والأكل الدسم والسبايسي و الدهون و تجنب المطاعم ..
روح عند العذبة بيسوي لك منظار عشان تتأكد ..
ما عليك شر إن شاءالله ..

[آخر حبه]

قبل الفحص تاكد انك ما تاخذ لفتره 10 ايام اي حبوب للمعده مثل زنتك وغيرها لانها بتخفي اثار الجرثومه

في عده طرق للفحص
- يعطونك نفس بلونه تنفخ فيها
- عن طريق الدم
- عن طريق المنظار باخذ عينه من المعده للزراعه

وعلاجها يكون بالمضادات الحيويه ومافي خوف منها ان شاء الله

[بوحارب]

تعالجت منها قبل 7 سنين في عيادة الدوحة عن طريق حبوب

[حظيظ]

مرحبتين
جرثومة المعدة موجودة في كل انسان ولكن لها معدل معين اذا تجاوزته تبدأ الاعراض تظهر على الانسان
ولها علاج طبي وشعبي ,, وانصحك بالشعبي لانه مجرب وغير ضار وهو .....

عسل نوع اسمه ( مجرى ) لونه ابيض مصفر
تاخذ ملعقة كبيرة في كأس ماء دافئ وتحركها الى ان تذوب وتشربها في الصباح قبل الاكل بساعة
لمدة اسبوع ... للعلم بعد اليوم الثالث بتشعر انك تشافيت وهذا صحيح لكن الافضل اسبوع كامل .

وبالهناء والشفاء