استفسار بخصوص قاعة افراح

[AliQatar]

السلام عليكم تقبل الله منا ومنكم صالح الاعمال ....
ياجماعه بغيت مساعدتكم بخصوص قاعة لحفل زواج مصغر العدد بين 80 ال 100 ...
اللي عنده فكره ياليت يساعدني واذا تكون القاعه شامله العشاء يكون احسن مع العلم القاعه للنساء

[وليف الشوق]

شوف ياخوي في مجمع فلل ازدان اللي جنب جسر الدحيل وانت داخل الغرافه على اليمين روح مكتبهم وعندهم قاعه تكفي لعدد 200 شوفهم وحدد معاهم الموعد
وعندك اكثر مكاتب الافراح عندهم فكرة عن انواع القاعات وراح يساعدونك ويخبرونك عن اماكنهم وعندك الاستراحات بعد كلمهم

[AliQatar]

ماعندي فكره عن الاستراحات لو تقدر تفيدني فيها

[ضوى]

استراحه الصخامه وايد حلوة وكذا حفله صارت فيها دور بالنت راح تطلع لك وبيطلع لك بعد الانستغرام تبعهم وبالتوفيق ان شاء الله

في عندج قاعه جنة الخليج وقاعه الملينيوم مناسبين لحفله صغيرة

[AliQatar]

من جرب فندق جنه الخليج

[ابراهيم 2012]

فندق وأرويك خمس نجوم امام مستشفي حمد خلف فندق ويندهام علي دوار مستشفي حمد السعر شامل 120 للفرد بوفيه مع القاعة قبل رمضان حضرت حفل لأكن كان رجالي

[بوخالد911]

موووفقين.

[AliQatar]

اخ ابراهيم القاعه تصلح للنساء من حيث المدخل والمكان

[AliQatar]

بوخالد ماخبرت شي

[بوخالد911]

بوخالد ماخبرت شي

لا والله.
بس جرب مع ويندام
صالة الريجنسي
الفنادق اللي حول متحف قطر
صوب موفمبيك
في وايد فنادق مناك.

[بوخالد911]

لين اخترت
حطنا بالصورة
لا هنت.

[بوخالد911]

تذكرت
شوف نادي الدانة بالدفنة
لاصق في ملعب التنس والاسكواش

[ابراهيم 2012]

اخ ابراهيم القاعه تصلح للنساء من حيث المدخل والمكان

اظن ان شاءالله تصلح وتري اكثر القاعات محجوزة لان اخر السنه بغيت احجز لابني حصلت ويندهام اكثر التواريخ محجوزة وقاعه ملينبوم بعد حلوه وأسعارها معقوله لاكن بعد حصلت محجوزه الشيراتون نفس. الشي اخر شي حجزت بالريتز تقدر بعد تتصل علي الفنادق وتسال لان الاسعار من 350 لان 120 علي حسب المكان والقاعه وبعض القاعات مايعطبك غير البوفبه والطاولات والقاعه وانت عليك االكوشه والتجهيزات لو بغيت اسعار معقوله لهاي الاشياء اذا القاعه مافيها عرفني برسلك لأخ مابيقصر معك ان شاءالله

[AliQatar]

والله يااخ ابراهيم لو ترسل لي رقمه من الحين

[JN000N]

المختصر ف الرتز
السنبوك او الدشه ف شرق
فندق الهلتون يقسم لك القاعه ع عدد المعازيم
الملينيوم زينه بس طواليه
ويندام حلوه وزينه
انتركونتننتال زينه
ميليا زوينه بس مشكلتها ف العواميد
الدبليو زينه تشيل
الماريوت زينه
مجمع الريفيرا السكني فيه قاعه زينه
ازدان فيه بس ما عجبني
لاسيغال زينه
الشعله زينه
ممم ماذكر بعد

[بريق الحق]

باقي البيت ياجنون

[بوخالد911]

باقي البيت ياجنون

باقي فوق السطح !!!
:)

[JN000N]

ههههههههه
يعني ماكتب حق الريال ؟

[ابراهيم 2012]

والله يااخ ابراهيم لو ترسل لي رقمه من الحين

55356727

[بريق الحق]

ههههههههه
يعني ماكتب حق الريال ؟

اقصد احسن قاعه وارخص شي
البيت (:

[بوخالد911]

ما قلت
ووين حجزت وبكم.

[AliQatar]

للحين يابوخالد ماسويت شي لأَنِّي كنت مسافر

[حراير قطر]

فندق وأرويك خمس نجوم امام مستشفي حمد خلف فندق ويندهام علي دوار مستشفي حمد السعر شامل 120 للفرد بوفيه مع القاعة قبل رمضان حضرت حفل لأكن كان رجالي

ابد ما انصحك فيها القاعه صغيره ومب حلوه

عندك المختصر فالريتز كلم نوره وبتعطيك خصم حلو

والملينيوم وويندام وشنغريلا هاي كلهم لهم مداخل خاصه

واغلب الفنادق اتكون فوق بالدور الاول ومالهم مداخل خاصه

[بونووف]

السنبوك او الدشه في فندق شرق ... لهم مدخل خاص حق الحريم من السيارة لين الباب واسعارهم معقوله

[حليتان*]

شوف الماريوت الي عند الستي فيه قاعه رخيصه*

[حمد 2002]

فيه قاعه بمجمع بن طوار صوب الآند مارك .. اتوقع أسعارها زينه ..