اللي يحب يشوف الدوحة 1966

[معماري قطري]

هذا رابط طرشه لي أحد الأعضاء لتصوير قديم حق الدوحة .. طريق سلوى للحين ما انبنت عليه محطة بترول عزيز والعزيزية عبارة عن زرع وفريجنا اللي يسمونه جديد في أسفل الصورة يسار .. حتى بيوت قليلة فيه وبيت ابوي وقتها للحين ما انبنى عمري سنتين كنت وعايشين في بيت جدي

حديقة الحيوان كانت غير

http://spatialheritage.org/keyhole/

[الخيالة]

صورة خريطه بس

[النهار]

هههههههههههههههه
وين الرابط

[معماري قطري]

هههههههههههههههه
وين الرابط

هلا شيخنا عيدك مبارك وجميع من يقرأ

الرابط هو الصورة شوف من خلالها دواعيس الدوحة قبل وإنت أكيد بتبحر في الذكريات

http://spatialheritage.org/keyhole/

[معماري قطري]

صورة خريطه بس

في آخر الرابط رمز الفيس بوك منه تدخلين على معلومات أكثر وصور أكثر

[معماري قطري]

هذي الصورة طلعتها من الفيس بوك يتذكرها النهار أكيد وأشغال بيقولون من زمان قطر تغرق من المطر مب شيء جديد

http://i.imgur.com/ACpVfhX.jpg

[qatarman8008]

عجيييييييب..
اشكرك عالنقل..

[Charisma]

مراحب المعماري ، وعيد الله عليك مبارك .


سبحان الله ،

قعدت عالموقع قريب الساعه افصل واخيط ، بصراحه جمييييل شكرا على الموضوع . :nice:

[راجي الْعفو]

خياط البحرين .. غصبه الناس تفصل عنده ^_^

[لبيبة]

السلام عليكم ورحمة الله وبركاته،

شكرا أخوي معماري على هذا الرابط الجميل،

شفت أماكن عمري ما تخيلت إنها كانت جذي،

أهلي علموني من قبل بس ما تخيلت،

دخلت الفيس بوك عندهم ولقيت في أحد التعليقات واحد حاط رابط لفيديو عن الدوحة في الستينات،

دخلت قناته طلع إنها 8 فيديوات، كان أبو صاحب حساب يوتيوب مصور الدوحة لما كان يشتغل هني.

بأحط الفيديوات للي يبي يشوفهم في الردود الجاية، من بعد إذن الإدارة وصاحب الموضوع معماري قطري.

[لبيبة]

الفيديو الأول


https://www.youtube.com/watch?v=w91JRmn_Elg

[لبيبة]

الفيديو الثاني


https://www.youtube.com/watch?v=QA5jWwUMygk

[لبيبة]

الفيديو الثالث


https://www.youtube.com/watch?v=ElS6-D1bj7c

[لبيبة]

الفيديو الرابع


https://www.youtube.com/watch?v=LHzUAxxBKvg

[لبيبة]

الفيديو الخامس


https://www.youtube.com/watch?v=TwuXC9vpH_w

[لبيبة]

الفيديو السادس


https://www.youtube.com/watch?v=UXsZwS4qGPo

[لبيبة]

الفيديو السابع


https://www.youtube.com/watch?v=hIR6y0Hw24U

[لبيبة]

الفيديو الثامن والأخير


https://www.youtube.com/watch?v=JsMt5fnmlX8

[معماري قطري]

حبيت الفيديوهات خصوصاً الأول يوضح شارع الريان وعبدالله بن ثاني .. كانت الدوحة حلوة وشبه فاضية بسهولة الواحد يوصل للمكان اللي يبغيه

[معماري قطري]

عجيييييييب..
اشكرك عالنقل..

منورين الموضوع اخوي قطر مان قبل مئات الالوف بنت قطر والحين مئات الملايين ولا تجيب نتيجة

[معماري قطري]

مراحب المعماري ، وعيد الله عليك مبارك .


سبحان الله ،

قعدت عالموقع قريب الساعه افصل واخيط ، بصراحه جمييييل شكرا على الموضوع . :nice:

انا عجبتني الأفلام اللي حطتها لبيبة هذي أثارت الشجون خصوصاً دوار العثمان في شارع عبدالله بن ثاني تذكرت شلون الجي مرة جابل عكس السير عليه

[معماري قطري]

خياط البحرين .. غصبه الناس تفصل عنده ^_^

كان لكزس الماضي

[معماري قطري]

السلام عليكم ورحمة الله وبركاته،

شكرا أخوي معماري على هذا الرابط الجميل،

شفت أماكن عمري ما تخيلت إنها كانت جذي،

أهلي علموني من قبل بس ما تخيلت،

دخلت الفيس بوك عندهم ولقيت في أحد التعليقات واحد حاط رابط لفيديو عن الدوحة في الستينات،

دخلت قناته طلع إنها 8 فيديوات، كان أبو صاحب حساب يوتيوب مصور الدوحة لما كان يشتغل هني.

بأحط الفيديوات للي يبي يشوفهم في الردود الجاية، من بعد إذن الإدارة وصاحب الموضوع معماري قطري.

عليكم السلام ورحمة الله وبركاته

والله استانست وايد بالفيديوهات .. ما شاء الله كانت فكرة حلوة فكرة اللي صور ونشرها وكنا وقتها متولعين بالتصوير ولا حافظنا على الصور

[بوخالد911]

الماضي الذهبي.

[النهار]

هذي الصورة طلعتها من الفيس بوك يتذكرها النهار أكيد وأشغال بيقولون من زمان قطر تغرق من المطر مب شيء جديد

http://i.imgur.com/ACpVfhX.jpg

ايه نعم اتذكر كل هذه الاحداث
على فكره وقت المطر الدوحه كانت تغرق كل نقعه اكبر من الثانيه
اما الفيديو هاي شفته من اكثر من 4 سنوات
اذكر تفاصيل كثيره منها سوق الحلال والمقصب الي كانوا مقابل وزراة الماليه مكانه الحين المواقف المتعدده وسوق البادي
وسوق الخضره وخلفه كانت جبرة السمج خلف وزارة التربيه سوق الحطب والحدادين والعماير
العماير ليست العمارات بل محلات تبيع جميع لوازم البناء وصناعة السفن

[qatara]

ما ادي أقول اسعدتني الذكريات ام احزنتني
لانني ممرت باغلبها ذكرتني بالبيوت القديمه
وأهلها بمن رحلو رحمهم الله وتغير الدنيا

الله يحسن الخاتمه
ويعطيك العافيه

[النهار]

خياط البحرين .. غصبه الناس تفصل عنده ^_^

ههههههههههههههههههههه

وين يارجي ماكان مشهور لهذيه الدرجه
المعروفين في السابق خياط حبيب الي في سوق فالح عادي هاي التوب يجونه العالم من حدب وصوب طق مطاق عليه
وخياط ثاني اسمه عبدالكريم عند مفروشات المير عند المسجد الي صوب المقبره في السوق
خياط البحرين هو الوحيد الي كان يسوي الثياب الشد المطرزه بس ماكان مشهور
وبقية العرب يشترون الثياب الجاهزه من عند الايرانين هههههههه يجيب المتر ويقيس ويطلع لك ثوب
وبعدها يفل الثوب ويقيس من صوب الكتف ويقول لك توكل على الله هههههههههههههه

[سالم الزهران]

هذيك الايام الطيبة ، ريحة البخور احلا من الحين ، الالوان ازهى من الحين ، الميرندا طعمها غير ، واهم شي الرجاجيل يعرفون يتحاكون ، مب مثل اليوم . خذني وادفني في اي صورة وكون لك من الشاكرين

[qatarman8008]

منورين الموضوع اخوي قطر مان قبل مئات الالوف بنت قطر والحين مئات الملايين ولا تجيب نتيجة

والله ياخوي ودنا نشوف ديرتنا تنافس الشرق والغرب بالعمران والتطور ..

[qatarman8008]

كان لكزس الماضي

اتذكر اول خياط هبوا الناس عليه كان خياط حبيب سوق فالح..

[معماري قطري]

الماضي الذهبي.

انا من محبين الماضي لأن كان كل شيء سهل وحولك تخترق الدوحة من سيلين لين الخور عادي وتفتر شوي على دخان كان البترول يخلص في يومه .. كنت كله مخلي غطى الخزان مفتوح كان ينقفل بسويش السيارة ولازم تبندها وتعطي اللي يصب المفتاح يفتح شغلة والمكيف كله فول ما ابي ابنده

[معماري قطري]

اتذكر اول خياط هبوا الناس عليه كان خياط حبيب سوق فالح..

آذكره كان الوقوف له سهل وعلى الشارع مجابل شرق على ما اذكر

[معماري قطري]

ايه نعم اتذكر كل هذه الاحداث
على فكره وقت المطر الدوحه كانت تغرق كل نقعه اكبر من الثانيه
اما الفيديو هاي شفته من اكثر من 4 سنوات
اذكر تفاصيل كثيره منها سوق الحلال والمقصب الي كانوا مقابل وزراة الماليه مكانه الحين المواقف المتعدده وسوق البادي
وسوق الخضره وخلفه كانت جبرة السمج خلف وزارة التربيه سوق الحطب والحدادين والعماير
العماير ليست العمارات بل محلات تبيع جميع لوازم البناء وصناعة السفن

يعني ألحين وضعنا أحسن من قبل .. بس لا تنسى قبل يطق مطر قوي ويتم أوقات كم يوم

[معماري قطري]

ما ادي أقول اسعدتني الذكريات ام احزنتني
لانني ممرت باغلبها ذكرتني بالبيوت القديمه
وأهلها بمن رحلو رحمهم الله وتغير الدنيا

الله يحسن الخاتمه
ويعطيك العافيه

لازم الدنيا تتغير .. انا لو وقفت عند بنيان قديم أتخيل شلون الناس كانوا عايشين فيه وشلون بنوه ومن مرض ومن مات ومن انولد

صج صورة فريجنا خلتني اتذكر طفولتي وشلون المنطقة خالية وقتها .. كنا لو رحنا شوي مشي ندخل بر ونشوف ضبان ونصيد منها ونشويها بس الغريب كنا نشوي الضب ويتم يتحرك فترة وهو ينشوي .. إبوي يعصب علينا ويضربنا لو رحنا مشي وكله عز الظهر وفي الحر وموت عطش .. صج حجريين حفي وفي الحصى ركيض أوقات

[معماري قطري]

هذيك الايام الطيبة ، ريحة البخور احلا من الحين ، الالوان ازهى من الحين ، الميرندا طعمها غير ، واهم شي الرجاجيل يعرفون يتحاكون ، مب مثل اليوم . خذني وادفني في اي صورة وكون لك من الشاكرين

إن شاء الله ألحين أيامنا بعد طيبة قبل يمكن قلتنا نافعتنا ولكل وقت اختلاف واحساس غير مرتبط مع عمر الإنسان .. ألحين تشوف الدنيا غير عن نظرة عيالك لها ولكل مرحلة نظرة معينة

[معماري قطري]

والله ياخوي ودنا نشوف ديرتنا تنافس الشرق والغرب بالعمران والتطور ..

كنا في خير ونعمة فترات طويلة وسنين طويلة يجي الغريب ويسرقنا بشغل رخيص بغالي ولا نتعظ وللحين ماشين على نفس الخط .. هذا الشيء صج يؤثر فيني بقوة لأني من محبي البناء والبناء صح بدون غش وسنتين تطلع عيوب

[رحال]

ياقطر ياقدر مكتوب ..
الله يعزها ويحفظها يارب

[معماري قطري]

ياقطر ياقدر مكتوب ..
الله يعزها ويحفظها يارب

اللهم آمين والله يعين المخلصين من الانتباه لكل تخطيط سيء

[نفسي عزيزه]

موضوع 7 ستار

والردود احلى

[معماري قطري]

موضوع 7 ستار

والردود احلى

مرورك 8 ستار يا ولد الشمال

[النهار]

اتذكر استاذ من اساتذة البناء هو جار لنا
مع بداية البناء بالطابوق طوابيق قبل غير لوطاح من الدور الثالث مايصير له شي كمية الاسمنت فيه كانت عاليه
كانت لها معدات الدك اليدوي والواح توضع في الشمس
بس هالشي ماشفته الا عند هذالاستاذ
كان يحط صف الطابوق ويحشيه طين و تبن مخلوط بالماي لين مايوصل لين الاخر والدرايش خشب بدل الحصى استبدل الطابوق
وذيك الايام ماكان البناء المسلح غير معروف السقف بدال الدنجل استبدل بالخشب المربع

[النهار]

يعني ألحين وضعنا أحسن من قبل .. بس لا تنسى قبل يطق مطر قوي ويتم أوقات كم يوم

الف الحمد والشكر هههههههههه كنا عايشين مع العقارب والحيايا والفيران والماي يالكندري يأنك تروح البركه وتجيبه بنفسك انت واخوانك
لاكهرباء ولاماي عاد تعال وقت المطر السطح يصير مشخال من كل صوب ينقط

[حمد 2002]

هالموضوع حلو لكي نتذكر جيل الاباء والاجداد كيف كانوا وكيف نحن الان

معماري قطر والنهار وولد العرب

الله يعطيكم العافيه على اعطائنا بعض الصور القديمه والمقتطفات من هنا وهناك ..

:)

[معماري قطري]

اتذكر استاذ من اساتذة البناء هو جار لنا
مع بداية البناء بالطابوق طوابيق قبل غير لوطاح من الدور الثالث مايصير له شي كمية الاسمنت فيه كانت عاليه
كانت لها معدات الدك اليدوي والواح توضع في الشمس
بس هالشي ماشفته الا عند هذالاستاذ
كان يحط صف الطابوق ويحشيه طين و تبن مخلوط بالماي لين مايوصل لين الاخر والدرايش خشب بدل الحصى استبدل الطابوق
وذيك الايام ماكان البناء المسلح غير معروف السقف بدال الدنجل استبدل بالخشب المربع

البنيان قبل مهارة وفن ويعتمد على النحت وعلى رؤية الاستاد .. حتى القصور القديمة ما بنوها بخرايط لكن بنيانهم دقيق وكانت الأرض تعتبر خارطة طبيعية

من سمع عن جزاء سنمار؟ سنمار هذا كان معماري فنان بنى قصر لأحد السلاطين على ما اعتقد الأتراك أو العثمانين وكان مستانس يراوي الملك القصر ودزه الملك من فوق وطاح ومات .. ما اذكر القصة بالضبط بس استوى مثل للي يسوي خير ويلاقي شر وهو جازيتني جزاء سنمار

الطين مادة زراعية جيدة وللبناء جيدة لكنها للبناء ناضبة ولو نستخدم الجير أفضل للفجوات وللطلاء مثل قبل كانوا يصنعون منه الجص .. العملية صعبة وتحتاج ناس تعرف الحصى اللي ينفع وينحرق وبعدين ينطحن ويستوي عجين قوي .. الوالد يذكر لي لحق عليه يوم كان صغير وأكيد النهار لحقت عليه

[معماري قطري]

هالموضوع حلو لكي نتذكر جيل الاباء والاجداد كيف كانوا وكيف نحن الان

معماري قطر والنهار وولد العرب

الله يعطيكم العافيه على اعطائنا بعض الصور القديمه والمقتطفات من هنا وهناك ..

:)

ولد العرب صغير توه وتوه مكتشف الجبن

[معماري قطري]

الف الحمد والشكر هههههههههه كنا عايشين مع العقارب والحيايا والفيران والماي يالكندري يأنك تروح البركه وتجيبه بنفسك انت واخوانك
لاكهرباء ولاماي عاد تعال وقت المطر السطح يصير مشخال من كل صوب ينقط

لا انت من مواليد الخمسينات ويمكن الأربعينات بعد الكندري انا سمعت عنه ولا شفته

كان في بيت يدي بير ماي اذكر وزرع باحاول احدده على الخارطة

[معماري قطري]

خربطت شوي على صورة البيوت في فريجنا .. كان وقتها طريق سلوى شارع من مسارين متضادين وخطر وكثيرة الحوادث عليه وجه لوجه .. كانت محطة بترول عزيز مب موجودة ولا بيت علي بن عبدالعزيز الله يغفر له بس الزرع وتأسست بعدين العزيزية بعدها بحول 30 سنة

المربع المعلم بالأحمر مكان بيت ابوي انبنى في السبعينات كان شعبي وحوله الأرض فاضية بعدها ضمها ابوي وألحين البيت مقسم ومؤجر .. بيت جدي غانم الله يغفر له هو البيت اللي تربينا فيه صغار وبيت جدي أحمد الله يغفر له كان آخر الفريج

مجلس الوالد عبدالعزيز بن خالد الله يغفر له كثير من البنيان القديم ما زال قائم ويستعمل لليوم ومسقوف بخشب لكن معمول له تحديث وجبس

http://i.imgur.com/5IBYJlR.png

[معماري قطري]

هذي الصورة مكبرة شوي للمنطقة وحطيت سهم صوب سد قديم كنا نروح له مشي وسوينا مغارة تحت الأرض .. كنا نغامر وقتها ونروح نسبح في بركة الزرع اللي فوق الحديقة .. كان مسؤول الزرع مقطوعة يده ومسمينه زرع بو يد وكان عصبي ما يرضى نسبح ويطردنا .. الحديقة تقريباً اللي مقابله السد يسار كنا ندخلها بعد من الشبك وبسهولة

http://i.imgur.com/yVQsf8r.png

[معماري قطري]

صورة من قوقل توضح العمران اللي صار في المنطقة كلها بالتدريج

http://i.imgur.com/JRXYKlM.jpg

[النهار]

الصوره هاي لمنطقة العزيزيه اخوي معماري

[معماري قطري]

الصوره هاي لمنطقة العزيزيه اخوي معماري

نفس المنطقة طال عمرك .. سنة 1966 كان فريج الغانم الجديد موجود وعين خالد .. لو تشوف الصورة اللي فوق طريق عين خالد متجه جنوب والتقاطع كان خطر بدون دوار

انا تقريباً أَتذكر جميع البيوت وكانوا معانا بيت لهواجر و3 بيوت من السلطة .. والحوطة الكبيرة جنب أرض بيت الوالد المربع الأحمر كانت حق بن درهم وكانت مبنية نصها التحتي حصى واسمنت والفوقي طابوق .. رجع بناها مرة ثانية وللحين فاضية غير عمارة صغيرة في زاويتها الشرقية الجنوبية

شوف التقاطع والدوار اللي في الحديقة نفسه .. كان فيها قصر للشيخ علي الله يغفر له ما ادري الشيخ أحمد الله يرحمه

اللي يشوف الخارطة بيقدر يطلع وين كان ساكن ما تغيرت الطرق الرئيسية وايد

[بانغ بانغ]

بوعبدالله نحن للزمن القديم.... جيلنا في نظري احسن من هالجيل بالف مرة

بحاول ارسلكم صور للوكرة القديمة صوب البحر بيوتنا

والله انها كانت مثل القراقير ولكنها اوسع من قصور هالايام من الحب والراحة النفسية

[معماري قطري]

بوعبدالله نحن للزمن القديم.... جيلنا في نظري احسن من هالجيل بالف مرة

بحاول ارسلكم صور للوكرة القديمة صوب البحر بيوتنا

والله انها كانت مثل القراقير ولكنها اوسع من قصور هالايام من الحب والراحة النفسية

الجيل هذا بعد فيه بركة بس يدخلون الخدمة الوطنية يتخرجون أشداء على الكفار رحماء بيننا

والله أتمنى تشاركني هذا الموضوع والخرايط القديمة تذكر الإنسان كيف المكان وشكان يسوي .. الكل في المجلس شاف صور الفريج قبل ويتذكرون ومن الخارطة تبين حدود الدوحة كاملة وأكيد فيه صور جوية لمناطق ثانية