شرطي روسي اعتدى بالضرب على دبلوماسي أميركي،

[احب قطر]

http://elaphjournal.com//Web/News/2016/7/1097805.html

اللي بيشوف الفيديو اللي في الخبر ، بيلاحظ ان الشرطي الروسي أخذ اجراء جداً طبيعي ، لان في شخص غير معروف يركض باتجاه باب السفارة ، وقاوم الشرطي بدل ما ينصاع لأوامره .

وشفنا فيديو الإماراتي ، وشفنا الفيديو اللي اقتلو فيه الشرطة الأمريكان مواطنيهم بدون أسباب مقنعة ، وأمريكا قيمّت الدنيا وقعدتها علشان الامريكي اللي انضرب ، واضحة ان الأمريكان مالهم معايير في تعاملاتهم .

وللاسف نجد من بينا اللي حط الف سبب وعذر للشرطة الأمريكان في تعاملهم مع الأخ الإماراتي

[هيليوم]

شخصيا ما اشوف رد فعل الشرطي طبيعي ، الشرطي طب تقريبا على الرجال وشكله ناطره ، اما أمريكا يكفينا نعرف ان قبل كم سنة كان ربع مساجين العالم مسجونين فيها حسب ما قريت في إحصائية وكل كم شهر يطلع واحد يذبح ابوه وامه و لا يذبح الخلق بالرصاص عقب يدعي انه مينون عشان ما ينعدم !

[<اضرب واشرد>]

( حيلهم بينهم )
_________

عمل الحارس سليم، والمفروض الامريكي يوقف ويعرّف عن نفسه، لكنه وباعتراف صحيفة اميركية .. عضو مخابرات امريكية cia حاول الهروب/اللجوء للسفارة .. وهذا سبب مقاومته للحارس!

وكانت صحيفة (واشنطن بوست) نقلت عن مسؤولين أميركيين قولهم إن أميركياً ينفذ مهام مخابراتية تحت شعار العمل الدبلوماسي في موسكو، حاول اللجوء للسفارة "هربا من رجال أمن روس اعتزموا إيقافه".

وكشفت المتحدثة باسم وزارة الخارجية الروسية أن الأميركي الذي ادعى أنه دبلوماسي وزعم أنه تعرض إلى الاعتداء، هو موظف في وكالة الاستخبارات المركزية الأميركية (سي آي أيه).

[CH Engineer]

يبون يلفتون الأنظار عن الأحداث الي قاعده تصير عندهم

[معماري قطري]

صج فضيحة في السي آي ايه لو الموظف مثل ما يقولون منهم .. شلون يتوقع إن الشرطي يعرفه وطريقة دخوله همجية ونازل من تكسي .. هذا جهل كبير من موظف أمن مدرب عدل ولازم عارف إن السفارة محروسة وطريقته ذي بتعرضه للقتل

[رجل مثالي]

اللي بيشوف الفيديو اللي في الخبر ، بيلاحظ ان الشرطي الروسي أخذ اجراء جداً طبيعي ، لان في شخص غير معروف يركض باتجاه باب السفارة ، وقاوم الشرطي بدل ما ينصاع لأوامره .

صح