بيع سيارات مستعمله بالتقسيط

[سيمباسون]

السلام عليكم
شباب اللي منكم يبي يشتري سياره مستعمله بس يبيها مستعمله
نحن نقوم بشراء السياره وبيعها عليه بالتقسيط
مع كتابة عقد عند محامي
والرجاء العلم بالموضوع جيدا يعني لايجيني حد يفتيلي يقولي حرام او حلال
الفكره
ان يجيني شخص يقولي بشتري سياره بقيمة 100 الاف ريال مثلا بس ماعنده المبلغ او يبي يقسطها والبنك مايعطيه سلفه مثلا
انا اشتريله السياره من المعرض او من الشخص البياع
نروح عند محامي نكتب عقد قانوني
وهو يعطيني شيكات ع حسب المبلغ والمده اللي نتفق عليهم
ويستلم سيارته وانا اصرف الشيكات كل شهر
تسجل السياره باسمي مع كتابة ورقة مبايعه للشخص كذلك عند محامي
بس مايقدر الشخص يسافر بالسياره الا بورقة من عندنا بعدم ممانعه
والاجراءات كلها قانونيه 100٪‏
اللي حاب يشتري سياره وجازتله الفكره ياريت يتواصل معاي خاص

[aloosh]

عاد وضح تكم تاخذون
مثلا سياره في المعرض 100 الف وشريتوها بكم تبيعونها اقساط على المشتري
علشان يكون كل شي واضح

[سلطان قطر]

الي اشوفه انك ضامن حقك 100%
وهاضم حق الطرف الاخر

بتقول انا كاتب معاه عقد مبايعه عند محامي
وبالمقابل هو كاتب لك شيكات باسمك
والشيكات اضمن بالف مره من العقد
على الأقل الشيكات له شقين جنائي ومدني

والعقد مدني فقط

وفوق هذا السيارة باسمك
مع احترامي لك تعسف في ضمانه الحقوق

[عازف]

الي اشوفه انك ضامن حقك 100%
وهاضم حق الطرف الاخر

بتقول انا كاتب معاه عقد مبايعه عند محامي
وبالمقابل هو كاتب لك شيكات باسمك
والشيكات اضمن بالف مره من العقد
على الأقل الشيكات له شقين جنائي ومدني

والعقد مدني فقط

وفوق هذا السيارة باسمك
مع احترامي لك تعسف في ضمانه الحقوق

وازيد على كلامك،،، ليش ما يكون السيارة بأسم المشتري لانه انت بشيكات ضمنت حقق،،،بعطيك مثال مصرف قطر الاسلامي يعطيك الملكية حرة بس يخصم منك كل شهر مع الأرباح وباقي البنوك السيارة تكون باسم المشتري وفي اخر الملكية مكتوب اقساط بنك،،،،

[Saoud_]

ياما شيكات انكتبت ولا شمينا ريحه الفلوس من وراها
واذا بتقاضي تنطر بالسنين ولا يرد لك نص حقك


راعي الموضوع فكرتك اكثر من رائعه
الله يوفقك

[البرونزي]

اصلا راعي الموضوع ناسي الموضوع