بيع سيارات مستعمله بالتقسيط

[سيمباسون]

السلام عليكم
شباب اللي منكم يبي يشتري سياره مستعمله بس يبيها مستعمله
نحن نقوم بشراء السياره وبيعها عليه بالتقسيط
مع كتابة عقد عند محامي
والرجاء العلم بالموضوع جيدا يعني لايجيني حد يفتيلي يقولي حرام او حلال
الفكره
ان يجيني شخص يقولي بشتري سياره بقيمة 100 الاف ريال مثلا بس ماعنده المبلغ او يبي يقسطها والبنك مايعطيه سلفه مثلا
انا اشتريله السياره من المعرض او من الشخص البياع
نروح عند محامي نكتب عقد قانوني
وهو يعطيني شيكات ع حسب المبلغ والمده اللي نتفق عليهم
ويستلم سيارته وانا اصرف الشيكات كل شهر
تسجل السياره باسمي مع كتابة ورقة مبايعه للشخص كذلك عند محامي
بس مايقدر الشخص يسافر بالسياره الا بورقة من عندنا بعدم ممانعه
والاجراءات كلها قانونيه 100٪‏
اللي حاب يشتري سياره وجازتله الفكره ياريت يتواصل معاي خاص

[وليف الشوق]

بس مادري عن الفوائد ياخوي اذا ممكن تخبرنا

[سيمباسون]

الفوايد اخوي تكون ثابته ع حسب كم سنه تبي السياره
اذا لك خاطر بسياره وتبي تستفسر عن فوايدها وكل التفاصيل ارسلي رقمك خاص وفالك طيب باذن الله

[بومحمد]

يعطيك العافية اخوي وموفق ولو تستخدم مصطلح ( أرباح ) افضل من فوائد

[جبر ال جبر]

زين لو بقيت منك مليون ريال على 6 سنوات كم الاقساط
وهل انت ارباحك احسن من البنك؟

[سيمباسون]

الله يعافيك يابومحمد
هو المقصد الارباح وفايدتي من ذالشي
مثل نضام البنوك الاسلاميه تشتري الشي ثم تبيعه عليك
.
.
.
اخوي جبر انا فقط امول سيارات مش قروض شخصيه
وللامانه انا توني بادي الفكره وماعندي امكانيه ع السيارات الغاليه مثل الروز والبنتلي وهالامور لاني مثل ماقلتلك تونا باديين ولاكن الله يرزقنا ونتطور
بالنسبه لارباح البنك انا ماعتقد اني افضل بس انا ربحي يكون مبلغ ثابت من كل ظ،ظ*ظ* الف
عشان ما ادخل بالحلال والحرام
اللي حاب يفهم الفكره افضل يرسلي رقمه ع الخاص وانا اكلمه
وللعلم انا شاب قطري واجراءات عملي كلها مع محامي للاطمئنان من ناحيتي وناحية اللي حاب يشتري

[khaldoon]

طيب قول يا اخوي كم الفائده اللي بتاخذها لنا هنا على العام.... يعني مثلا 4% و الا 8% و كم سنة تمول كحد اقصى......خلنا نشوف هل هي تنافسيه مع شركات التمويل و البنوك و الا لا و اذكر لنا ايش الاوراق المطلوبه للتعامل معاك ...

[سيمباسون]

الفايده اخوي تكون 8% يعني من كل 100الف 7000
طبعا مستحيل ننافس الشركات التمويليه بحكم ان الشركات التمويليه رؤوس اموالها تتعدى الخمسين مليون كحد ادنى وحنا تونا باديين بالموضوع
بالنسبه للحد الاقصى للسداد فهو على حسب المبلغ بحيث ما تتعدى سنتين
بالنسبه للاوراق المطلوبه عباره عن البطاقة الشخصيه
فحص للسياره اللي تبيها
شيكات
وتتسجل السياره باسمنا الى ان يتم سداد كامل المبلغ واذا الشخص يبي يسافر بالسياره نعطيه ورقة لامانع
واي استفسار انا حاضر

[venum]

شوف الرسائل الخاصة اخوي

[venum]

منتظر اتصالك اخوي

[طموح2020]

فكرة ممتازة واتمنى لك التوفيق
ملاحظة
اكتب الأرباح بالاحرف احسن

[وجه السعد 2]

نصيحة اخوية . اشوف هذا المشروع بيدخلك في مشاكل الشيكات الراجعة و مشاكل قانونية ثانية من بعض الاشخاص اللي ممكن يرتكب اي مشكلة مرورية او جريمة و السيارة مسجلة بإسمك . شركات التمويل عندها رأس مال قوي و جيش من المحاميين . وانت تقول ان هذا مشروعك الشخصي . انا شخص واحد تعاملت معاه و عطاني شيك من خمس سنين ولين يومك ماخذت حقي منه و من جلسة الى جلسة في المحكمة ..

[وجه السعد 2]

شوف لك مشروع ثاني . استثمار عقاري مثلا في الدوحة او الخارج . او اي نشاط تجاري بس لا تتعامل بالشيكات . و على فكرة المحامي اللي تتعامل منه مستفيد منك فقط و مب شريك معاك في اي مسؤولية قانونية .

[حليتان*]

حاسب يارجل بيجيك 1000 واحد الحين كل واحد فيده شيكاته واغلبهم جنسيات اخرى

يعني مثلا عادي جدا يشتري موتر يشلحه يبيعه قطع ويختفي من الوجود ثاني يوم هو فبلاده لامن شاف ولا من درا

[cayenne s]

حاسب يارجل بيجيك 1000 واحد الحين كل واحد فيده شيكاته واغلبهم جنسيات اخرى

يعني مثلا عادي جدا يشتري موتر يشلحه يبيعه قطع ويختفي من الوجود ثاني يوم هو فبلاده لامن شاف ولا من درا


صح الصح

[khaldoon]

حاسب يارجل بيجيك 1000 واحد الحين كل واحد فيده شيكاته واغلبهم جنسيات اخرى

يعني مثلا عادي جدا يشتري موتر يشلحه يبيعه قطع ويختفي من الوجود ثاني يوم هو فبلاده لامن شاف ولا من درا

كلامك صحيح بس كم واحد بيفرط في اقامته و بيهىب من البلد علشان يستفيد من بيع قطع اصليه لسياره و ايش هي هالسياره العجيبه اللي قطعها بس بتغنيهم

[معماري قطري]

كلامك صحيح بس كم واحد بيفرط في اقامته و بيهىب من البلد علشان يستفيد من بيع قطع اصليه لسياره و ايش هي هالسياره العجيبه اللي قطعها بس بتغنيهم

بعض العمال وبعض المفنشين أو اللي قريب يفنشون عادي يسوونها 5000 أو 10000 تفرق كثير معاهم

[حليتان*]

كلامك صحيح بس كم واحد بيفرط في اقامته و بيهىب من البلد علشان يستفيد من بيع قطع اصليه لسياره و ايش هي هالسياره العجيبه اللي قطعها بس بتغنيهم
صدقني كثير

انا عندي مكتب تاجير سيارات وسكرته ومار علي اشكال والوان

ولا تتحسس ترا انا قلت اغلبهم جنسيات اخرى ! مش كلهم عشان لاحد يقول عنصريه

[STAR]

ما انصحك اخوي بالفكره لان صدقني راح تلاقي نفسك بالمحاكم تراكض وراهم تبيهم يدفعون الشيكات وبتم سنين ع هالحال وماستفدت شي تحمل..ترى المشروع خسران وفيها مخاطر بنسبه كبيره

شوف لك تجاره ثانيه

[Bo jassim 33]

ولا انا انصح

مبنى المحاكم يوميا ممتلى بقضايا الشيكات

[سهم مميز]

الله يوفقك اخوي

[ya3coub]

الله يوفقك أخوي اعرف ناس تدور نفس الخاصية و بتواصل معاك عالخاص

[الكونغرس]

شيك على الخاص اخوي

[البرونزي]

صاحب الموضوع غير جاد
لايرد على الاستفسارات ولا الرسائل الخاصه
انا راسلته اكثر من مره من بداية الموضوع ولايرد

[محمدابوعزب]

منتظر اتصالك اخوي 55665547

[بوخالد911]

صاحب الموضوع غير جاد
لايرد على الاستفسارات ولا الرسائل الخاصه
انا راسلته اكثر من مره من بداية الموضوع ولايرد

لا حول ولا قوة الا بالله.

[احساس غالي]

الصراحه فكره حلوه

[bnb]

مشروع فاشل بكل المقاييس
عسى الله ييسرك باب افضل من المذكور اعلاه

[alberaky]

السلام عليكم

ممكن نسمي المعاملة عقد إيجارسيارة منتهية بالتمليك أي بمعني أن الشخص الذي يلتزم بالسداد خلال الفترة 36 شهر أو اكثر أو اقل يمتلك سيارة مكافئة على سداده خلال الفترة و إلتزامه بالسداد و بذلك المعاملة إن شاء الله ما فيها شيء والمسلمون على شروطهم هذا والله أعلم أما الحالة الثانية التي ممكن تكتبون فيها العقد البيع بالأجل و لكن هذا الموضوع فيها احراج شرعي بأن يتم تحديد نسبة الأرباح و الأمور هذا الله أعلم فيها شبهة و أنا افضل في مثل هذه المعاملات عدم ذكر نسبة الأرباح. و الموضوع عند اهل الإختصاص و انا أحببت أن اشارك بفكرة لكتابة العقود فقط
هذا و الله أعلم

[الزعيم85]

ارسلت لك رقمي على الخاص اخي الكريم

[ya3coub]

أخوي الزعيم كثير من الأعضاء حاولو و من ضمنهم انا و غيري فوق الكل ذكر فالعام ايضا للأسف عسى المانع الخير

بس اتمنى اغلاق الموضوع إلى عودة صاحبه