!!.. شاركنا بعادات نجحت في التخلص منها وعادات تريد التخلص..!

[Bin Hood]

السلام عليكم ورحمة الله وبركاته

حبيت اشارك في موضوع خفيف و ان شاء الله يكون "مفيد"
شوي تـحيرت عن مكان الـمناسب
هل هو الحوار العام ام استراحة الـمنتدى
ومثل ما انتوا شايفين صار من نصيب استراحة المنتدى

المهم ما هي الصفات السلبية التي نجحت في التخلص منها ؟!

وما هي الصفات التي تريد التخلص منها ؟!

بالنسبة لي صفات نجحت بدرجة كبيرة في التخلص منها هي
1. مقاطعة الشخص اثناء كلامه << كنت من النوع الي يقاطع وهو ما يحس
اما الان حتى لو عرفت ما يريده المتحدث الا انني انتظره لين يخلص

اما الصفات التي اريد التخلص منها هي :
1. النهوض في اوقات الاجازة مبكراً نوعاً ما.
2. السهر الى اوقات متأخرة من غير معنى.
3. التقليل من تناول وجبات الـمطاعم خاصة وجبة العشاء.

هذا الي يحضرني والان الـميكرفون عندكم

[سالم الزهران]

اشكرك ع طرح الموضوع ولو فيه صعوبة في محاكمة النفس

كنت اثق في الاخ ، ولد العم، والرفيق ،،، الآن ( لا )

كنت احرص على الجمعات احفظ تواريخ المناسبات العائلية ،، الحين احاتي جواز السفر وتاريخه

كنت اتفقد زملاء العمل والدراسة ( الآن لا ولله الحمد ، كنت مذيهم بالنشدة )

،،،،،،،

بودي اتخلص من بعض المزاح و الاسلوب الهزلي اللي يغلب على تصرفاتي ،

[qatarman8008]

انا بالنسبة لي..
التركش كوفي..
عندي ادمان عالتركش كوفي بشكل فوق المتوقع..
يعني اقعد من الرقاد واعطيها واحد..
اخذ شاور واعطيها الثاني عقب اروح الدوم..
وفي الدوام لاتعد كم ..
طبعا في رمضان وقفت هالشي بسبب الصيام..
بس اول يوم العيد رجعت نفس اول..

[الحياة الخالدة]

وعليكم السلام ورحمة الله وبركاته
العادات اللي قدرت أخفف منها ( ما تخلصت منها تماماً ) إني أدقق على كل شي و اعصب و اتنرفز بسرعة لأني اكتشفت ان أشياء وايد منها ما تستاهل حرق الاعصاب
العادات اللي للحين ما قدرت أخلص منها : التأجيل و التسويف
تجميع الأشياء المهم منها و غير المهم ( ماحب أقط شي )
هذا اللي يحضرني الحين

شكراً عالموضوع أخوي

[بصمة قطرية]

كنت في زمن مضى مدمنة كرك بشكل غير طبيعي
أشرب الكرك أكثر من الأكل والماي
الحمدلله قدرت أتخلص من هالإدمان
واللي ساعدني إني أخفف فترة الحمل كنت أتعب وايد من أشربه ..

[المحاميه]

بوه وايد امور
شي اقدر اذكره وشي لا

الموضوع ممتع
شكرا عالطرح

[نفسي عزيزه]

خل المستور مستور

اووووول شي اوووووول شي اكل المطاعم ياربي باصيح :weeping:

ثانيا وزني
زاد برمضان واخاف يثبت :weeping:

متضااااايق من هالشي

المهم وفي اشياء اخرى ان شاء الله نتخلص منها قريبا يارب

[Charisma]

ارحب يابن هود ، موضوع مميز ،،

باختصار عادات تخلصت منها :



التخبط في الاكل/ اقرا معلومات ومقالات صحيه ( برنامج نبض ) لاشعوريا تتعدل علاقتك مع الاكل الصحي :rolleyes2: .
الكسل والخمول / رياضه قدر المستطاع ( شعور جميل بعد ماتخلص وتاخذ شور بارد ) :nice: .



عادات اطمح للتخلص منها :



اسرح واغيّب بعض الاحيان .
مهووس تنظيم وترتيب ونظافه ( بشكل مبالغ )

.

[ولد العرب]

احاول اخفف من العود والتعطر فيه يوميا عدة مررات
تقول احضر جن وملوك الجن :eek5:

[Miss]

عادات قدرت أخفف منها : العصبيه والكرك
عادات للأسف بدت تاخذ حيّز في حياتي السهر والاهمال واللامبالاه

[Bin Hood]

جزاكم الله خير على المشاركة وبانتظار المزيد

[qatarman8008]

انا كنت مدخن واقلعت عن التدخين..
دخنت وعمري 16 واقلعت عن التدخين وعمري 21 سنة..
عادات اتمنى اتخلص منها هي التفكير وتحليل الامور مثيرا بعد حدوثها..
خصوصا وانا عالسرير قبل النوم..
هذي تسبب لي ارق وتحرمني من متعه النوم..
والله اقعد افكر وليش صار كذا طيب وانت كيف سكتت لا والله مرة ثانية ماباسكت له هذي نفر مافي زين..

[معماري قطري]

وعليكم السلام ورحمة الله وبركاته
العادات اللي قدرت أخفف منها ( ما تخلصت منها تماماً ) إني أدقق على كل شي و اعصب و اتنرفز بسرعة لأني اكتشفت ان أشياء وايد منها ما تستاهل حرق الاعصاب
العادات اللي للحين ما قدرت أخلص منها : التأجيل و التسويف
تجميع الأشياء المهم منها و غير المهم ( ماحب أقط شي )
هذا اللي يحضرني الحين

شكراً عالموضوع أخوي

ليش اكتب انا سيم سيم

مع إضافة إني كنت نملة من حبي للسكريات وتركت السكر نهائياً واشرب الحين شاي أحمر بدون سكر

[معماري قطري]

انا كنت مدخن واقلعت عن التدخين..
دخنت وعمري 16 واقلعت عن التدخين وعمري 21 سنة..
عادات اتمنى اتخلص منها هي التفكير وتحليل الامور مثيرا بعد حدوثها..
خصوصا وانا عالسرير قبل النوم..
هذي تسبب لي ارق وتحرمني من متعه النوم..
والله اقعد افكر وليش صار كذا طيب وانت كيف سكتت لا والله مرة ثانية ماباسكت له هذي نفر مافي زين..

دخنت شوي وعمري يمكن 14 وردقني ابوي الله يحفظه ويعطيه القوة يردغني مرة ثانية بخيزران خلاني اتوب غصب

[معماري قطري]

شيء مهم نسيته .. كنت كثير السواقة بالسيارة وألحين كثير الجلوس بالمكتب

[ya3coub]

عادة تخلصت منها: الخجل الغير طبيعي بدون اي سبب

عادة اتمنى اتخلص منها: الإسراف و التبذير بالفلوس

[المبرمج صلاح]

اتمنى اني اتخلص من : السهر السهر السهر

[حليتان*]

خاطري افتك من اكل الاظافر وتعضض الشفايف
وخاطري اهد برود الاعصاب الي فيني كل شي عندي عادي كني بدون احساس هههههههه